anustka
30-04-2002, 03:32 AM
انا عندي مشكلة .. (مصيبة) .. انا جوالي الرهيب .. اشتريته من سنة تقريباً .. مع ضمان مشاعل الخليج .. قبل ثلاث ايام تقريباً الجهاز بطل يشتغل .. واول ما اشغله يكتب على الشاشة (contact service) واذا حاولت اطفي الجهاز ما ينطفي الا اذا خرجت البطارية .. رحت يوم السبت لمشاعل الخليج .. ومسؤول الصيانة شاف الجهاز والإستيكر حق مشاعل الخليج موجود وشيك عليه .. وبعدين كتب الرقم التسلسلي في الجهاز .. وقلت له يحتاج اجيب كرت الضمان .. قال لا ما يحتاج .. وعلى اساس استلمه يوم الاثنين (اليوم يعني) واعطوني جهاز بديل في فترة الاصلاح .. ورحت اليوم عشان اخذ الجهاز .. قال المسؤول وين الجهاز البديل ؟ اعطيته الجهاز البديل .. وبعد شوي جاب الجهاز حقي وقال .. اسفين جهازك خارج عن الضمان!!!! .. قلت كيف خارج عن الضمان .. قال لي الرقم التسلسلي اللي على البورد الداخلي في الجهاز مختلف عن الرقم اللي خارج الجهاز وهذا معناه البورد مغير ... قلت بس الجهاز عمري ما فتحته ولا وديته اي محل صيانة .. قال هذا كلام الفني وجهازك خارج عن الضمان .. بس مساعدة مني لك روح على المركز الرئيسي وكلم مسؤول علاقات العملاء ويمكن يحل المشكلة .. رحت المركز الرئيسي وقابلت المسؤول وقال لي نفس الكلام .. قلت طيب انا اشتريت الجهاز مع ضمان مشاعل الخليج والاستيكر موجود يعني ماحد فتح الجهاز .. قال جهازك خارج عن الضمان بس نحاول نشوف الموضوع وخلي الجهاز عندي ولا تستعجل عليه .. وما رضي يعطيني اي جهاز بديل ..
انا الحين مقهوووور .. انا دفعت 300 ريال اكثر من الاجهزة الثانية بس عشان مشاعل الخليج .. والحين اسمع هذا الكلام منهم .. ارجوكم تساعدوني في حل مشكلتي هذي وكيف اتصرف مع مشاعل الخليج .. ومعقول خلاص يكون الجهاز راح علي نهائياً وانا عمري ما فتحته .. اتمنى تقولولي كيف اتصرف معاهم .. وشكرا من اعماق قلبي
وآآآآآسف على الاطالة .. والاخذ من وقتكم الثمين .. وشكراً لكم مقدماً ... أخوكم أنوستكا
انا الحين مقهوووور .. انا دفعت 300 ريال اكثر من الاجهزة الثانية بس عشان مشاعل الخليج .. والحين اسمع هذا الكلام منهم .. ارجوكم تساعدوني في حل مشكلتي هذي وكيف اتصرف مع مشاعل الخليج .. ومعقول خلاص يكون الجهاز راح علي نهائياً وانا عمري ما فتحته .. اتمنى تقولولي كيف اتصرف معاهم .. وشكرا من اعماق قلبي
وآآآآآسف على الاطالة .. والاخذ من وقتكم الثمين .. وشكراً لكم مقدماً ... أخوكم أنوستكا