الوصول إلى هذه الصفحة غير مسموح به

[تــوتـه]

ههههههههههههههههههههه
هههههههههههههههههه

ياحليلكم وش جابكم مافيه شي

يالله بدل هالدخلة وانا ادري ان اكثركم مادخل للاسم
بس ما اطلعكم بدون شي

بكتب قصه منقوله;) :) ;)

[تركي]

ياهوووووووووووووووو وناسه توته رجعت له روحها المرحه إيه من أول نبغاك كذا:D :D :D :D :D

تكفين خلي منتدى النكت يمتلئ من مواضيعك:D :D :D ;-)

[تــوتـه]

صالح خطب سارة

----------

في بيت صالح

صالح : يمه تهقين ألبس بشت في العرس

أم صالح : أجل يا وليدي ناوي ما تلبس؟؟

صالح : والله يمه يقولون ان الموضه بدون بشت .. .. والبشت يملل
تتعب وانت تجره وراك والمشكلة لاجاك صديق نشبه يمشي وراك وكل شوي دايس عليه...... والله احس ان ماله لزمه

أم صالح : يا ويلي ويلااااااااه معرس بدون بشت

صالح : لا وأفكر يمه بعد ما ألبس غترة والبس بدالها كب

أم صالح : حشى منتب معرس......رايح تقدم على وظيفة انت ووجهك

صالح : خخخخخخخخخخ تدرين عاد افكر اسوي مقلب في العروس و ماأحضر العرس

أم صالح : اقول بس

صالح : يالله أجل يمه أنا طالع تامرين بشي؟؟

أم صالح : ابيك تمر على الطقاقة أم سعيدان هانم و تقول لها لا تجيب بزارينها معاها في العرس تفشلنا

صالح :

-------------

في بيت سارة
سارة نازلة من الدرج مسرعة.........

سارة : يمه يمه تهقين افصل سبع فساتين كافي؟؟

أم سارة : وشو تبين الناس تاكل وجيهنا 15 فستان ويالله تلحقين

سارة : يمه كنها واجد؟؟

أم سارة : لا مهب واجد ويبيلك 20 بدلة مع 18 فستان جاهز للطلعات العادية ومعاهم الجزم و الشنط

و يبغالك 23 طقم ذهب ولا اقول خليهم 25 طقم مع شوية تناتيش

ترررررررررررررن تررررررررررررن

سارة : ألو

حنان : هلا يالقاطعه

سارة : اهلييييييييين فيك

حنان : شخبارك

سارة : الحمدلله تمام

حنان ((((( ما تعطي احد فرصة )))) شخبار صويلح؟؟

سارة : ما اسمح لك تقولين صويلح زوجي اسمه صالح ..... صلوحي ...... صوصو

حنان : هههههههههااااااي يابنت الحلال الدنيا رايحة شخباره ؟

ساره : الحمدلله

حنان : هاه وين قال بيوديك شهر العسل؟؟

سارة : والله يقول انه بيوديني أبها وبنمر على جدة

حنان : وشو أبها أبها ذي يروح لها هو مع امه
لا يقص عليك قولي له وانا بنت ابوي ما توديني الا سويسرا ولا انجلترا ولا سومطره

سارة : وينها سومطرة ذي ؟؟

حنان : يقولون انها ورى فلسطين

سارة : لا لا أجل مانبيها تخوف

حنان : أيه لا يقص عليك .. واذا قالك كلمة ردي عليه بعشر واثقلي شوي ولا تدلعينه و تقطين الميانه معاه واذا دق عليك لا تردين بسرعة كنك مشفوحه و ميته فيه ويكون ازين بعد ان رديتي عليه و قلتي له مشغولة حتى يحس انه مهوب اهم شي في حياتك

سارة : حراااااااام

حنان : مهوب حرام هذا هو الاسلوب اللي ينفع معاهم و بتدعين لي

سارة : وان قالي دلعيني وش اقول له ؟؟

حنان : قولي له وانت وش فيك زود حتى ادلعك.... وانتبهي تقولين له حياتي و روحي وان اضطريتي مرررررررره قولي له رفيق تراها زينه

سارة : والله من غيرك مدري وش كان سويت

حنان : لا شكر على واجب

--------------

صالح مع خوية سلوم في السيارة

سلوم : هاه يا معرس وش علومك اشوف وجهك ينور ؟؟

صالح : هههههههههههه والله يمدحون الزبادي مع الخيار لا حطيته على وجهك

سلوم: هاه متى العرس ؟

صالح : بعد شهر و نص تقريبا

سلوم : وكم عازمين ؟؟

صالح : من اهلنا 200 و من اهل العروس 200 يعني المجموع 400

سلوم : وشو من اهل العروس 200 ياخي وش فيك .... مصفوق على مخك ولا مسحور لا تخليها تلعب عليك والله محد مضيع فلوسك الا هالخربطه.....لا قالت لك 200 بطاقة قل لها مافيه الا 50 وان زدتها اكرامية 20 بطاقة فوق البيعة وبس

صالح : لا مايصير اقول للبنت كذا خلها تستانس و تفرح و تعزم اللي تبيه

سلوم : منتب صاحي اقولك لا تعطيها مجال تستانس خلك حمش وانت الرجال ...... ترى والله تلعب عليك و تركب فوق ظهرك

صالح :

سلوم : اقول ترى خوينا عبيد جاته قطاوه مزايين توهم صغار

صالح : واذا ..............؟؟

سلوم : رح احجز لك وحده حتى تذبحها قدام مرتك يوم العرس

صالح : هههههههههههههههه انا اذبح قطو والله مايردني ساعنها الا سرير ابوي

هنا وقف سلوم السياره : انزل انزل مالت عليك وعلى هالوجه هذا وجه رجال يجمد عليه الشارب انزل لا بارك الله فيك ولا في اللي مخاويك ((((( كن السالفه خربت )))))

صالح : افا وش فيك

سلوم : ما عندك ماعند جدتي يالذروق

صالح : وشلون اذبح قطو ؟؟

سلوم : امصر رقبته قدامها وانتى الموضوع

صالح : خلاص بكرة اروح لعبيد

----------------

أم سارة : اقول كلمي زوجك صالح و خليه يعطيك 20 الف وقولي له الفلوس ما كفت؟؟

سارة : بس انا منب محتاجه وشوله ؟؟

أم سارة : يالغبية بس كذا خذي منه وجمعي لك كم فلس تحتاجينهم بعدين

سارة : هو الحين محتاج من يعطيه حتى يدبر اموره

أم سارة : أي امور ماعنده شي يدبره اقول بس لا تنسين تقولين له

---------------

الساعة 10 بالليل
دق جوال سارة
صالح : السلام عليكم ..... كيف حالك يا روحي والله اني على نار وانا انتظر حتى اكلمك؟؟

سارة : وعليكم السلام عاش من سمع هالصوت؟؟

صالح : وش اخبارك وش علومك كيف اصبحتي و كيف امسيتي

سارة : أنا بخير دامك بخير كيفك انت يا بعد كل كلي

صالح : يو ويلي ويلااااااااااه
حبيبتي انا اليوم اكدت الحجز على ابها و ضبطت اموري حتى الشنط جهزتها مستعجل متى يوم العرس يجي

سارة : لها الدرجة مستعجل

صالح : واكثر

سارة : صوصو حبيبي متى ترسل البطاقات

صالح : بكرة ان شاء الله 200 بطاقة عندك وان بغيتي اكثر انا حاضر امري بس

سارة : تسلم يا بعدي

صالح : وش سويتي مع السوق عساك قضيتي بس ترى ان ناقصك شي لا يردك الا لسانك؟؟

سارة : لا والله كل اموري تمام ماابي الا سلامتك ؟؟

صالح : طيب حبيبتي تصبحين على الف الف خير

سارة : وانت من اهل الف الف خير (((( من الحي غلطت )))))

---------

ما يستفاد من القصة

للمعرس : اترك عنك كلام الناس ترى بيوهقونك
والبس بشت لا تفشلنا وخل عنك هالخرابيط

للعروس : لا تسمعين كلام صديقاتك و امك ترى مالك الا رجلك وبلا هالمطاليب اللي مالها سنع

وللناس اجمع : اترك الناس في حالهم

ولتوته : لاعاد تمزحين و تكتبين ممنوع الوصول لهاالصفحة تراك بتنجلدين

[تــوتـه]

الرسالة الأصلية كتبت بواسطة turkifwa
ياهوووووووووووووووو وناسه توته رجعت له روحها المرحه إيه من أول نبغاك كذا

تكفين خلي منتدى النكت يمتلئ من مواضيعك:D :D :D ;-)

أستانس معكم قبل أيام الامتحان:" :" :"

[محترف بلاي ستيشن]

وش فيه الامتحان

صعب

[تركي]

الرسالة الأصلية كتبت بواسطة 902


أستانس معكم قبل أيام الامتحان:" :" :"

إيه صح الله يعينكم الكليات قربت إختباراتها بس يقولون معطينكم إجازه أسبوعين يعني خلي وقت بسيط للمنتدى مانقدر نستغني عنك مره وحده:) :) :) :) :)


مشكووووووووووووووووووووره على القصه:D :D :D :D :D :D :D

[تــوتـه]

الرسالة الأصلية كتبت بواسطة turkifwa


إيه صح الله يعينكم الكليات قربت إختباراتها بس يقولون معطينكم إجازه أسبوعين يعني خلي وقت بسيط للمنتدى مانقدر نستغني عنك مره وحده:) :) :) :) :)


D :D :


ومن قالك عطونا أسبوعين?:

ياليت والله...


أسبوع :" وكم يوم واجد عليهم:غضب: ماقصروا

[تركي]

مسااااااااااااااااكين أهل الدمام:( :( :( :(


بنات عمي في حائل لهم أسبوعين رجل على رجل لا شغل ولا مشغله:D :D :D :D يوم السبت هذا تبدأ إمتحاناتهم مو متأكد يمكن:)