مشاهدة النسخة كاملة : معرض رسوم الاعضاء Ranzie Gallery
Ranze Eto
01-05-2002, 01:16 AM
السلام عليكم .....
ترددت وايد قبل لا افتح هالموضوع ... لاني و بصراحه مب واثقه من نفسي ?: ....
على العموم انشاء الله اتعجبكم رسوماتي :0)
طبعا في هالموضوع راح احط رسوماتي القديمه والجديدة
ببتدي برسمه جديده توها فرش .... شخصيه جديده حبيتها من اول ما رسمتها .... و سميته (( حمد ))
ههههههه ... ( مانجا عربي ) شاهين;-)
orange road
01-05-2002, 01:21 AM
حلو شكله رانزي...
كيوت...
ههههههههه..
سويتي عليه قصص والا للحين؟ :0)
Ranze Eto
01-05-2002, 01:33 AM
مشكوره اورنجوووو :)
امممم و الله ... فيه مشروع ...بس للحين الفكره ما تبلورت
على العموم هو له اخت توأم انشاء الله بعرض صورتها قريب :D
Ranze Eto
01-05-2002, 02:05 AM
هذي وضعيه ثانيه لنفس الشخصيه :D
Ranze Eto
01-05-2002, 02:28 AM
احمم احمم ( لأحد يسفهونه بس :D )
ههههههه :#
هذي نفس الصوره اللي فوق ... مع اضافه بسيطه;-)
Ralph Jones
01-05-2002, 11:21 AM
رسمك حلو جدا ورائع !! :D :)
خطوطك هادئة وانيقة .... اسلوبك هادئ و تلوينك راقي !!
:) :)
اتمنى ان ترسمي المزيد ...... لان اسلوبج عجبني !!:)
رالــــــــــــــــــــــــــــــف;)
Ranze Eto
01-05-2002, 12:12 PM
مشكور يا رالف ..... :#
انشاء الله تعجبك هالرسمه ...هذي شوي قديمة :0)
رسمج روووووووووووووعة رانزي :D
احسة وايد اتطور ...وتلوينج بعد فظيع !!!!
كل هاي وتقولين ماتعرفين ترسمين ... :o
اخ يالئيمة
لوجــــــين
01-05-2002, 08:52 PM
رسمتش وااايد حلوة خاصة حمووودي يجنن
يبيلة تعرفين اشلون تسوين فلاش لأن فعلا الرسمه وايد عاجبتني
بعدر رسمي أكثر
أوكي
بااااااااااااااااااااااااااي
wanna
01-05-2002, 09:18 PM
حلوة رسماتجranzie وحلو تلوينج:)
تعجبني خطوطج البسيطة........... فنانه:-)
ناطرين اعمالج اليايه.........
استمري:) ;-)
Ranze Eto
02-05-2002, 01:01 AM
مشكورين على الرد :D
و التشجيع .......:#
هذي رسمه عرضتها من قبل في المنتدى
في موضوع لرواية .... بس غيرت الخلفيه :0)
Ranma Saotome
02-05-2002, 01:32 AM
سوووووووووووري على الرد المتأخر.. ماعندي عذر المشكله :#
الشخصيه الاولى سوووووو كيوت ومن الرسمه الاولى لما شفته وشلون شكله وكلمة حمد مكتوبه بأسلوب حلو عالخلفيه ومع الزخارف واللون الاحمر، فكرت أنه بحريني... شخصيه حلوه والرسمه الثانيه والثالثه اللي معاها الكلمات.. كان يكلم فيها العنب صح :أفكر: .. اتغشمر:0)
والرسمه الرابعه احلى شي فيها اللمعه والfairy اللي معاها وايد حلوه.. لكن في lack في منطقة الصدر شوي..
الرسمه الاخيره مع المؤثرات طالعه رووووعه.. حلو البنفسجي.. والجسم متناسق فله.. لكن ويهها مايركب مع مع جلستها وجسمها.. يعني كان ممكن ترسمين الويه شوي أفتن.. يمكن غلطت في اختيار الكلمه :أفكر:
shaheen
02-05-2002, 02:57 AM
رسوماتك روعة اخت رانزي
اخبيرا فتحتي موضوع خاص بك
المهم رسومات رائعة واتمنى ان لا تتوقفي
واهتمي بتنوع الالوان القاتمة مع الفاتحة:)
ما شاء الله عليكي يا رانزي!!
تبذلين مجهود طيب .. ;)
والرسمات مررره حلوه!!
وتلوينك عجيب أيضا
:)
Keep drawing
fatoom
02-05-2002, 03:38 AM
واااااااااااااااااااااااو رانزي
:واو:
صج حلو الواحد يعرض شغله
شنو مب واثقه يمه مب بكيفج :D
إعرضي ولا عليج
و إحنا معاج :D
:)
تابعي و بالتوفيق :)
winter-soul
03-05-2002, 02:53 AM
مبروك الجاليري رانزي:)
شغلج على الفوتو شوب رهيييب ..وحمد فديته يننن بس وين اخته...يله شدي حيلج نبي نشوفها اوكي;-)
Rewayah
03-05-2002, 08:55 AM
رائع!
عظيم يا رانزي. :)
رسمتش كله غاوي وفنان!
ولتش أسلوب جداً فريد, وينعرف على طول.
صرت أميزة وهو رائع. :)
Keep it up!
وأتمنى لتش التوفيق.
:-)
حسين-911
03-05-2002, 10:17 AM
بسم الله مااشاء الله تبارك الرحمن ..
اختي اذا ما كملتي بتزعلين الناس ..
Ranze Eto
03-05-2002, 03:29 PM
?: مشكورين على ردودكم
شاهين
ريفلكس
فطوم
وبنتر- سول
رواية
حسين -911
:# الصراحه أخجلتوني ...
:" (دموع الفرح)
حسن مان
03-05-2002, 07:18 PM
ماشاء الله رسمك رهيب ...لا والا خلفية المسويتها بالفوتوشوب خطيره
بس شكلك اخذتي وقت مو بسيط في عمل هذه الخلفية الرهيبة
طيب ليش ما تحطين درس من عندك يعني لازم تكونين مراقبة عشان تحطين درس .......
والا وش رايكم يا اخوان ؟؟؟؟
Ranze Eto
04-05-2002, 12:38 AM
مشكور يا حسن مان على هذا الاطراء :#
و بخصوص الخلفية ... ما تحتاج درس و لاشي ..لاني استخدمت فلتر عادي من الفوتو شوب ...
سوى لي الصوره بهالطريقه ...
و اذا بغيت الفلتر ترى موجود عندي اقدر اطرشه لك :0)
alucardracula
04-05-2002, 04:06 AM
السلام عليكم
لا و ألف لا ..ليش لا ؟؟!!!
عادي يا رانزي ليش مستكثرة تسوين لك جاليري والله من الي أشوفه في رسمك مستوى حلو و جميل و يستاهل جاليري لا تخافين احنا دائما موجودين لنعطي دفعة و نصيحة و ان شاء الله كل خير و يالله أبي أشوف رسومات أكثر من فنك الجميل نترقب المزيد و بالتوفيق.
حسن مان
04-05-2002, 05:32 AM
فلتر ؟؟؟؟شنو يعني فلتر
ترى انا خبرتي في الفوتوشوب ما تتعدى الباب (يعني ما افهم فيه شئ)
فيا ليت توضحين يا أختي العزيزه
على قوله أخونا(كنتارو اوي) في المسلسل الياباني المشهور (golden boy )
life is all about stadying and learning
وشكرا لك
Ranze Eto
05-05-2002, 11:43 AM
مشكور يا alucardracula
و الله لولا هالمنتدى كان ما وصلت لهالمستوى ...كله بفضل نصايحكم و تشجيعكم و دفعاتكم:D ... اشكرك
حسن مان ...... قريب ... قريب انشاء الله راح تتعلم الفوتو شوف و تفهم شقصد بالفلتر ....
و مثل ما قلت :p
life is all about stadying and learning ;-)
Ranze Eto
05-05-2002, 11:53 AM
هذي خربوشه من خرابيطي في المحاضرات :D
حسن مان
05-05-2002, 05:49 PM
الله يسلموا يديك (جعلها توضع في صحن معكرونه بالذهب )
وبعدين آكلها
الله شنو هذه الشخابيط .....والله شكلك ما تتنتبهين للدرس موليه(كلش)
تابعي الفن يا فنانه
على فكرة انا عندي بعض الشخابيط رسمتها وقت المحاضرات
ممكن تلقينها
هني (http://hassansan.8m.net/)
(واحد يحاول يسوي لنفسه أعلام وشد انتبهاه)
أنا اتشرف بزيارتك لموقعي الاكثر من بسيط
Ranze Eto
05-05-2002, 08:28 PM
:! لالالالالالالالالالا حسن مان ... انت وايد اتبالغ ..... على هالمدح
عيل شتقول في رسم اورنجوو و توتوو و غيرهم وغيرهم وغيرهم الموجودين في المنتدى ....:أفكر: الله يهداك بس
على العموم مشكور .....
موقعك وايد حلووو انا دخلته من قبل و علقت عليه في موضوعك " بشرى سارة ......."
فكرة الموقع وايد حلوه .. ورسوماتك جميله جدا جدا :0)
رانزي رسمك حلو حلو حلو.............:غضب: لا وتسوين نفسك ما تعرفين ترسمين......
;) يارسامه;)
Ranze Eto
06-05-2002, 12:25 PM
:! TM13
لا اتصارخين علي:"
و مشكوره على الرد :0) .... وينج من زمان ؟؟؟؟ و الله لج وحشه :D
Ranze Eto
06-05-2002, 12:44 PM
هذي رسمه توها طازجة ....
بس ما لونها :(
ما عندي وقت ?:
انشاء الله لما افضى الونها :D
Ranze Eto
06-05-2002, 12:46 PM
:# Opsssss (am Idiot?: )
حسن مان
06-05-2002, 09:19 PM
يا شيخة أنت رسمك مو حلو ولا جميل إنه إنه ......
خطير ...يا ربي انتي عذبتيني بجذي رسم حلو
ما عليك يا فنانة انت الفن كله بساطة + فن = رانزي ايتاوا
استمري
والله اني خايف أحط شخبطة من شخابيطي يم رسمك وأتفشل ///////
ممكن نشارك ؟؟؟؟
ونحط رسمة صغيرة....
cooool
رانزي رسمج حلو و تلوينج ناعم مثلج;-) :0)
ياريت إتخلصين الرسمة الاخيرة بسرعة ,, خاطري اشوفها بعد التلوين
ok
keep going
Ranma Saotome
07-05-2002, 02:32 AM
يالله ماحلى الشخصيه الاولى.. حلللوه وداخلت الراس على طول من أول ماشفتها.. أحب الشخصيات اللي جذيه.. شسمونهم :o ماعرف..
الشخصيه وايد حلوه رانزي ولازم لازم تطورينها لأنها بكل بساطه...... حلوه
واتوقع إذا طورتيها بتكون روووعه وتلونينها بعد وتخلينها من شخصياتك اللي ترسمينهم بتكرار........ احم كأني طولت.. شاسوي الشخصيه حلوه
..............................................
الرسمه الثانيه بعد حلوه ورسمك ماشالله تطور بشكل كبييير وكل ماله يصير أحلى وأحلى.. وهالرسمه الاخيره يبيلها تعديل في توازن العين وأصابع اليد يمنى ( بس 4 أصابع ) وبعدين مع التلوين وخلفيه من خلفياتك المعتبره.. أوف أما بتطلع حلوه على يدك...:-)
رسم حلو اخت رانزي ......:)
التعب و الجديه واضح بالرسمات ....و استخدامك للفوتوشوب حلو وايد
واضح انج تحبين رسماتج تكون كامه ......خطوط و تلوين و خلفيه ماشاء الله
و هذا شي ممتاز يا فنانه .....و يدل على جديه واضحه بالرسم
اتوقع رسمك بيزيد و يصير احلا و احلا و بتتطورين بسرعه :أفكر:
و مثل ما قال الاخ العزيز رالف .....اسلوبك هادئ :)
اتمنى لج التوفيق رانزي .....
و انشاء الله نشوف لك رسم اكثر و اكثر ........
لوجــــــين
07-05-2002, 01:13 PM
موفقة انشالله
رسمتش الأخيرة وايد حلوة و خطوطش وايد حلوة
عجبتني الوضعية
و بعد لو تتدربين أكثر و اكثر علشان تضبطين اليد أكثر
بس هذا اللي قاصرش و انتي ما تنقصش المهارة ماشالله عليش
الملابس روعه و الجوتي عاجبني
نبي نشوف رسمات جديدة بعد
أوكــــــــــــــــــــــــي
باااااااااااااااااااااي;) ;) ;)
حسن مان
07-05-2002, 06:02 PM
خلاص خلصينا ما اقدر انتظر اكثر من جذي....رسمك مرعب(حلو)
وزي ما قال الاستاذ : لوجين
الملابس روعه و الجوتي عاجبني
ونبي نشوف بعد ......
we whant more
Ranze Eto
08-05-2002, 12:59 PM
حسن مان ...مشكور على المجاملة الرقيقه و الله اخجلتني :# و شجعتني .....
Loly ....مشكورة على الاطراء و التشجيع ...هذا كله بفضل الدروس الخصوصيه في المحاضره يا أبلة ;-)
Ranma Saotome
الرسمه الثانيه بعد حلوه ورسمك ماشالله تطور بشكل كبييير وكل ماله يصير أحلى وأحلى.. وهالرسمه الاخيره يبيلها تعديل في توازن العين وأصابع اليد يمنى ( بس 4 أصابع )
رانما هذي مشكلتي من زمان و ما قدرت اتغلب عليها حتى في مقررات الكلية ... انا عندي مشكلة في الـ Symmetry عشان جذيه اتلاحظ في رسوماتي للأشخاص او اي شي الجانب اليمين غير عن اليسار ..
و عندي مشكله ثانيه و هي رسم اليد :(
انشاء الله اقدر اتغلب على هالمشكلتين ....?:
MZM
مشكور MzM ... و انشاء الله الرسم بيتطور ..جدامنا الاجازه الصيفيه بطولهاااا .... بتدرب عدل تحت ايدكم ;-)
لوجــــــين
مشكوره اختي ... و مثل ما قلتي ينقصني التدريب ... اصلا الجامعه و مشاريعها مب مخليه حد يمارس الهوايات اللي يحبها :)
:غضب: اكره الجامعه ...
بخصوص الجوتي ...ما يغلى عليج ...تفضلي :D (Kidding)
;-)
Ranze Eto
08-05-2002, 11:45 PM
هذي الرسمه توني اليوم رسمتها من التلفزيون
كنت اشوف سبانك في قناة سوريا .. اللي يبي يتابعه ترى يجيبونه الساعه 3 العصر :D
Ranze Eto
08-05-2002, 11:57 PM
:D
shaheen
09-05-2002, 12:52 AM
اتذكر الاغنية من ايام الاعدادي...
انا سبانكو فاسمعوا
الى اللقاء يا اصحابي حان وقت الدرس:)
ههههههههههه الرسمة حلوة بس اذن سبانك مب دائرية... رسومات حلوة يا رانزي بس لاتنسين ترسمين لنا رسمة ملونة;)
بالتوفيق... عندي سؤال.. ما اسم صديقة سبانك؟ امل؟؟ بصراحة ما اعرف اسمها!!
orange road
09-05-2002, 12:56 AM
على ما اتذكر كان اسمها رشا ضياء :)
حلوة الرسمة رانزي..
اموت في سبانك :)
Ranze Eto
09-05-2002, 01:16 AM
ثانكس :)
شاهين :غضب: اذن سبانك دائرية ....ما اعتقد انها مثلثه?:
اورنجووووو ...... صديقة سبانك أسمها رشا نعيم ... من وين جبتي ضياء :غضب: ؟؟؟
:D ههههههه عصبت عليهم (يستاهلون:6 )
shaheen
09-05-2002, 01:22 AM
اذن سبانك مربعة ومن فوقها شعر كثيف....
على فكرة اموت من الضحك على سبانك لما يغير وجهه ويسويه حلو... فيصير وجه انسان ههههههههههههههههههه يشبه كوجي كابوتو!
Ranma Saotome
09-05-2002, 01:26 AM
رسمه جديده very nice
سبانك one of the cutest characters
ورسمتك متقنه أكيد... بس أعتقد كلام شاهين صح :(
اذن سبانك مب دائريه ولا مثلثه.. هي مثل ماتقولين مستطيله شويييييي لكن الزوايا ناعمه، مب حاده... حسب اللي اتذكره وأنا ذاكرتي العاده ضعيفه :أفكر:
Ranze Eto
09-05-2002, 01:33 AM
رسمتي كيفي :غضب:
ههههههههه شاهين بعد انا يذبحني من الضحك لما يسوي نفسه وسيم
ههههههههههههههههه :D
زين لا تزعلون شوفووو
shaheen
09-05-2002, 01:55 AM
رانزي هذي اذن مربعة بس من فوق منحنية.. بس في بعض الحلقات الانحناء يكون ذو شعر:)
Rewayah
09-05-2002, 02:14 AM
الله عليتش يا رانزي!
بدعت والله! :)
ورسمتش وأسلوبتش في تطور مستمر! :)
إبقي مثابرة! ;-)
alucardracula
09-05-2002, 07:54 AM
السلام عليكم
فعلا يا رانزي أسلوب حلو و لطيف و الشخصيات الي ترسمينها وايد حلوة أتمنى لكِ التوفيق و اتحفينا بالمزيد و بالتوفيق.
Ranze Eto
09-05-2002, 02:47 PM
alucardracula وRewayah
مشكورين على التشجيع و انشاء الله راح اتطور بفضل تشجيعكم .....مو مثل بعض الناس ?:
شاهيييييييييين :غضب: قاعد لي على الوحد .... لماذا لا تتركني اطلق العنان لخيالي ......
الذي رسمته هذا سبانك 2002
و ليس سبانك الثمانينات :6
لووووووووول :D
orange road
09-05-2002, 03:07 PM
رانزي :"
وانتي كله تصارخين وتعصبين علي؟؟؟
ما احبج خلاص
زين مني تذكرت اسمها الاول..
اشكريني على الاقل...
بتجوفين...
ان ما كوكت ياسر عليج وخليته يعطيج مقبول في المقرر :D
بتكون شماتة ابلة ظاظا فيكي
الخطاف
09-05-2002, 06:44 PM
واوووو
سبانك أشتقت لهذا الكارتون
والرسمة كانت وايد حلوا مع النقاش عن الإذن
وين الرسمة إلي بعده؟؟؟؟;)
Ranze Eto
09-05-2002, 11:58 PM
شاهين ..... انت لو بتطلع شي غلط في الرسمه .... شوف وجه رشا
رسمتي مالها خص برشا اللي في الكارتون ?:
يعني جات على اذن سبانك :0)
Akasuna No Sasori
10-05-2002, 04:45 PM
ماشاء الله عليكي يا رانزي اسلوبك في الرسم عجبني
واحلى رسمه رسمة الخرابيط من جد روعه خاصة راس البنت الى وشعرها الطويل ونفس حركة اليد انها تحطها وراء تذكرني بي تيفا من فاينل فانتسي 7
:) :) :)
Ranze Eto
12-06-2002, 01:34 AM
:أفكر:
انشاء الله قريب بنزل رسومات جديده
للرفع ....الساطوني :D
Ranze Eto
13-06-2002, 05:33 PM
هذي رسمه فرش ......
رانزي ايتوا:6
Last_Angel
13-06-2002, 06:08 PM
Wow, your style is so cute!
ما شاء الله عليك
وتلوينك في الفوتوشوب يتطور بسرعه.. لاحظت انك صرتي تهتمين اكثر بالتظليل في التلوين!
Keep it up!
ووين اخت حمد التوأم؟ الى الان ما حطيتيها
Ranze Eto
13-06-2002, 06:14 PM
Last_Angel مشكور على التعقيب :D
و اخت حمد التوأم انشاء الله بعرضها قريب ....هي اللحين تحت قيد التصميم ..... ;-)
ثانكسسسسسسسس :D
CUTE NURIKO
13-06-2002, 06:23 PM
wooow... very nice ranzie.... :واو:
احلى شى الشعر....
fatoom
13-06-2002, 06:28 PM
رانزييييييييييييييييييييي:D
طالعه كشخه :D
ياخطيييييره :D
fatoom
13-06-2002, 06:34 PM
رانزي:)
إلي عجبني الشعر طالع تحفه
و أحس انه شغل متعووووب عليه :)
فتسلمين على هل الشغل :D
نبي بعد :D
Ranze Eto
13-06-2002, 06:41 PM
ثانكسسسسسسس توتو :D
اشكرج على التشجيع ... معليه جدامنا اجازه 4شهوووووور بنطلع الأبداع كله
قولي انشاء الله:أفكر:
الخطاف
13-06-2002, 06:47 PM
حلوين الرسومات وايد
وين الأجازة حق انطالع الأبداع:D
بالتوفيق:0)
orange road
14-06-2002, 12:38 PM
وخروا عن اللي رسمها وتلوينها قاعد يتطور
وخروا عنها
ترى من صجي رانزي
رسمج وايد تطور
وحتى تلوينج
عاد الحين اجزتي.. يعني ما في اعذار
رسمي اكثر وعرضي لنا رسومج علشان نجوف التطور :)
ومتى بتحدثين موقعج؟؟؟؟
هااااااااا :غضب:
Ranze Eto
14-06-2002, 03:51 PM
الخطاف
مشكور على التشجيع ;-)
OrangRoad
:D
:D
:D
:D
:D
لا جد هذا شكلي لما قريت تعليقج ..... :D
:غضب: ييييييييييييييييه زين عاد نزلي ايدج و لا اتدزييين ....بحدث الموقع
و الله .......................... كله اتمد يدها علي ما عندها تفاهم ابد :"
Ranma Saotome
14-06-2002, 04:03 PM
اووووووووه شدعوه رانزي تلعبين من ورانا
طول هالغيبه تتدربين واحنا ماندري... هعهعهعهعهعهع
رسمتج الاخيره وااااااااااااااااااااااضح فيها التطور الكبير..
الرسمه وااايد حلوه ومستواج صار really high... حركاااات تلوين ولمعات وتفنن وغير شكل...
حلوه والله عجبتني.. الوانها غير اسلوبج تغير وصار احلى..
وايد حلوه.. رهيبه ماشالله... آبي زياده آبي زياده آبي زياده...:o
Ranze Eto
14-06-2002, 04:03 PM
:o(*الرسمة تدريب لرسم شخصيات مختلفة)
بالرصاص :أفكر:
Ranma Saotome
14-06-2002, 04:58 PM
احم.. عرضتي الرسمه في نفس وقت ردي.. ماشفتها يعني..
رسمك وااااااااايد حلو... شلون الشعور كششششششخه..
ورسمك للويه صاير وايد حلو واحسن من قبل...
رسمة الولد في الوسط حلوه ماشالله عليج...
keeeeeeeeeeeeeeeeeeeeeeeeeeeeep drawing:-)
ما شاء الله عليكي يا رانزي!!
انتي سحرتينا خلاص :!
والله تطور اسلوبك وتلوينك بشكل مذهل جدا!!
والله لوهله ما توقعت انك انتي اللي رسمتي هالرسمات ... ((خاصة الأخيرة ))
;-)
أتمنى لك مزيدا من التطور والنجاح ;)
مـــــــــــــشاء الله عليك
رسمك بدا يتطور بشكل كبير
:واو:
انتي مبدعه
ومثل ما قلتلك اقل من 10 رسمات مافيه
;-)
Ranze Eto
15-06-2002, 12:42 AM
Ranma Saotome
افا عليك ...انا قدها (هناك تدريبات خاصة خلف الكواليس;-) )
************************
REFLEX
والله لوهله ما توقعت انك انتي اللي رسمتي هالرسمات ... ((خاصة الأخيرة ))
?: الصراحة قوية
:غضب: تستهين بقدرات رانزي ايتوا .......
:أفكر: بس مقبوله منك عشان انا طيبه ... هذا الفن المدفووون بدا يطلع معاكم و بفضل تشجيعكم .... أشكركم :"
tm13
:! 10 رسمات مره وحده
انا رسمه و حده اقعد عليها يومين .... و بالغصب اطلعها لكم بهالصوره ?:
بس يالله عشان خاطرج اخليهم اسويهم 10 ليش لا:أفكر:
nicky_th_1
15-06-2002, 01:29 AM
coooooooooooooooooooooooooooool girl
حلو الرسم رانزي كملي ابي اشوف بعد :D
Ranma Saotome
16-06-2002, 12:36 AM
واااو :واو: ماشااااااااااااااالله شهالرسم....
فناااااااااااانه يارانزي...
والله ابداااااااااع الرسمه فيها ابداع رهييييييب....
شكلج رسمتيها بالقلم الضوئي.. كامله ولا بس الجسم..:أفكر:
لأن الشعر والويه والورق خطوطهم حلوه.. لكن من اول الكتف ونازل.. حرام عليج.. لازم لازم لازم تعدلين في الجسم لأن إذا جبتي الجسم مضبوك بتطلع الرسمه روووووووووووووووووووووووووووووعه واروع من الروعه..
انعكاس الماي واايد حلو... بس الشي اللي خرب ان مكان مايدخل الجسم في الماي خط السطح صاير مستقيم.. يعني صايره البنت كأنها طالعه من ورا البحر.. ورا الافق.. الكوره الضوئيه تعقد.. لكن ليييييييش حرام عليج ليش استعجلتي في رسم الجسم والايد...
الالوان وااااااااااااااااااااااااااايد حلوه.. واللمعه بعد.. اشياء شكثر جديده في هالرسمه.. بس مادري يعني لو تضبطينها وتعرضينها مره ثانيه بعد التعديلات بكون ممنون لك كتير كتير...
وياريت نشوف اكثر من رسمج المطور (بوكيمون) هيهيهي...
Ranze Eto
16-06-2002, 02:50 PM
:D مشكووور رانماااااا
فرحتني ....و اللي فرحني اكثر اانك قلت لي عيوب الرسمه ...
و هذا اللي ابيه و انشاء الله بحاول اعدل الاخطاء
بس هالرسمه رسمتها بسرعه و استعجلت عليها و نزلتها في المنتدى لانه ما عندي رسمات جديده?:
انشاء الله بضبطها مره ثانيه و بعرضها ;-)
Ranze Eto
16-06-2002, 03:24 PM
:o هالمره بعرض عليكم لو حاتي ...راسمتها بالزيت .....
طبعا لمقررات الجامعة الزفته :غضب:
اكره الجامعه لكن لو حاتي احبهم http://smilies.sofrayt.com/1/y/eyelove.gif
انشاء الله يعجبونكم و اتحبونهم مثلي http://smilies.sofrayt.com/1/y/luvlove.gif
هذي اول لوحة رسمتها بالزيت ...... وايد احبهاااا لاني اعتبرها انجااااز :#
Ranze Eto
16-06-2002, 03:27 PM
2
:#
Ranma Saotome
16-06-2002, 03:36 PM
واااااااااااااااااااااااااو... اقصد ماشااااااااااااالله..
والله دايما اقول ياليت لو حد يعرض لنا رسومه مالت الجامعه.. شي بالزيت.. شي مختلف.. مميز...
هذا المطلوب.. مو كله نفس الشي نفس الشي...
الرسمه الاولى صج شكلج تعبتي عليها... انا ماعرف في الزيت (ولافي اي شي :o) بس التلوين رووووعه... تنحب.. لازم نحبها هالرسمه..
الرسمه الثانيه.. احححلى شي صج اللي عقدني هو البحر... كأنه صج :واو:
وجلسة الولد حللللوه.. رسمه حلوه.. تلوينك حلو.. لكن مادري.. ماحبيت حركة الخطوط المايله في الرسمه الثانيه.. فيها تنوين في الالوان وهذا الحلو.. اصفر واحمر والالوان حلوه.. بس صج رسمه رووووعه...
اعرضي بعد لو مافيها تعب يعني.. وياليت باقي الاعضاء يسوون نفس الشي..
لأن في اكثر من مره في اعضاء قالوا ان لهم رسوم لمناظر طبيعيه وغيره.. يقدرون يعضونها اما في الجاليري الخاص بهم او في جاليري منفصل لهانوع من الرسوم...
الله يعطيج العافيه رانزي وانشالله نشوف اكثر من هالفن..
Ranze Eto
16-06-2002, 03:49 PM
:D رانماااااااااااااااااااا
الحمدالله انه الرسومات اعجبتك :0)
وبخصوص االلوحه اللي فيها خطوط مايه <----------- هذي مب خطوط هذي قطع من (الكانفاس) القماش اللي نرسم عليه بألوان الزيت
;-)
طبعا على الطببيعه اللوحه وااايد حلوه احلى من الصوره :o
:D
CUTE NURIKO
16-06-2002, 08:14 PM
رانزي ............. ?: ?:
رسماتج الاخيره اذهلتني........ :!
fatoom
16-06-2002, 08:46 PM
رااااانزي :!
انت صدمتيني :!
رسومج بالرصاص :!
روعه :!
و الملونه :!
طريقتها :!
تجنن:!
و لوحاتج الزيت :D
اعرفهم :D
كنت معاج بالمقرر :D
و عجبني حمووووووووود أكثر شي بودلاق أبيض ;-)
( تذكرين :D )
orange road
17-06-2002, 03:46 AM
روعة رسومج اللي بالزيت رانزي :)
اخيرا جفت رسمة حمود كاملة
بس تعرفين...
كانت عاجبتني اكثر لما كانت ملونة بالوان طبيعية :(
رانما...
عارفة انت تقصد من...
لكن مب غلطتي
كل ما ايي ابي اصور لوحاتي
الكل بعاندني في الموضوع
وما اقدر احط يدي على الكاميرا :(
على العموم...
شكلي باتغيب مدة عن المنتدى
لكن انشاءالله باحاول ارجع كل ما قدرت :)
اخت رانزي
ما شاء الله عليج الجالاري روعه
رسمج بالرصاص حيل عجبني
خصوصا الشعر طالع معاج بشكل رهيب :)
و تلوينج و استخدامج للفوتوشوب و لمعات الشعر و ظلال البشره حلو حيل
رسمات الزيت اللي حاطتم عجبوني وايد :D من زمان ودي اتعلم ارسم على الزيت :6
ماشاء الله عليج الموضوع من بدايته روعه :D
اتمنى لج التوفيق
Ranze Eto
17-06-2002, 02:28 PM
CUTE NURIKO
أشكرج :D .. و أشكر رسوماتي اللي اذهلتج :D
بس اشتقصدين برسوماتي الاخيره ..؟ اللي بالزيت ؟
":" (<-------من الوناسه )
Fatoom
(الرسمه اللي بالرصاص)
;-) أشرايج ...مفاجأة صح .... :": انا اللي مب صدقه نفسي اني راسمتهم .... ?:
و طبعا اذكر حمود بولاق ابيض .. و دي حاجه تتنسي :D ههههه
ده كان يوم ما يعلم بيه الا ربنا ;-)
orange road
اورنج رود .....صح الرسمه حلوه بألوانها الطبيعيه و انا كانت عاجبتني وايد بس الدكتوره الله يهديها ..لازم تتدخل ..و لازم نسمع كلامها ?: مستقبلنا تحت ايدها :غضب:
MZM
:! ووووووين كل هالغيبه عنا ؟؟؟؟؟؟
أشكرك على التشجيع .....
;-) و بخصوص الرسمه اللي بالرصاص ...كنت ناويه الونها على الفوتو شوب ...بس اشوف انه الكل عاجبته بالرصاص ...فمافيه داعي اخربها
على فكره MzM الرسم بالزيت واااااااايد ممتع و حلو وسهل .....
بس انت جربه مره بتحبه أكثر من الرصاص ;-)
Ranze Eto
17-06-2002, 02:35 PM
:o رسمه بالزيت 3
هذي اللوحه حجمها 110 *90 متر
يعني .... فيه اجزاء بسيطه منها ما اطلعت في الصوره ?:
أنا علشان جذي كنت معارض فكرة الجالاريات..ألحين المعارض اكثروا ووصار المعرض ما يقر في مكانه فوق, وبالتالي محد يشوفه ويرد عليه...
اتصدقون اني توني داري ان الاخت رانزي عندها معرض!!وما انتبهت الا يوم هي قالت في المنتدى العام!!! المواضيع والمعارض صاروا وايد..والواحد يعني بيدش معرض ذي ولا بيجابل معرض الثاني؟!!!
ماشالله لوحتج الصراحه حلوه وايد:0) ...بس عندي سؤال ليش كأنه في مربع زجاجي في النص؟
وآسف لأني ما انتبهت حق المعرض من قبل...
وبالتوفيق
Ranma Saotome
21-06-2002, 02:17 PM
عيسوز هذا انت تقول هالكلام.. عيل انا شقول..
انا اللي متابع الجاليريات اول بأول.. والله توني منتبه ان رانزي عارضه رسمه من 4 ايام:o.. الحين بتزعق علي زعقه:":... احم
تصدق انا اول شي لما شفت الرسمه.. عبالي انها مطلعت عندي عدل.. لكن لما ركزت انتبهت للولح اللي تقصده..
رسمه عجيييبه بصراحه.. يعني تلوين وضبط وكل شي.. لكن صج عيني زغللت عورررتني وانا احاول افكك في الرسمه.
اللوح اللي في الوسط... الاوراق اللي كأنها محروقه في الوسط ووراها الغراش لكن الغرش ماتبين في ال... آآآآآه والله تلعوزت:(
إييييه توني فاهم.. تقريبا.. حلوه الحركه والله.. الورقه اللي في الوسط عليها رسمة البحر.. المقصود بها رسمه او مادري شنو.. لكن حلوه الحركه ان الورقه مشقوقه ونازل منها ماي.. من الرسمه اللي عليها..
باقي الاشياء اتمنى ان رانزي تفسرها لنا... لأن بصراحه رسمه تههههوس رههههيبه... الله يعطيج العافيه...
وياللي عارف نفسك.. اعرض لنا من شغل الجامعه بعد.. كل الاعضاء لو سمحتوا.. لأن شغل الجامعه حلو بصراحه.. اعرضوا رسومكم مالت الجامعه وشغلكم خل نشوفه.. :)
RSSAM
21-06-2002, 02:28 PM
مذهل رائع عجيب
مشالله عليج اختي Ranzie Eto رسماتج تينن والي بالزيت اسمحيلي رووووووووعه
بالتوفيق انشالله
ورينا بعد من شقلج الزين
shaheen
21-06-2002, 02:37 PM
روعة رانزي
تلوينج حلو ورسمج عجيب
بس اللوحات رهيبة مواضيعها عاجبتني
الحين عرفنا كيف تلونين بالزيتي ههههه
عقبال فطوم وخلود والبقية :)
بس شلون ياتج فكرة نشر لوحاتج بالمنتدى؟ فكرة موفقة!
Ranze Eto
21-06-2002, 02:59 PM
:" اوووووووووووووووووووه
مشكورين على ردودكم
ESOZ,Ranma Saotome
اذا كنتو تقصدون آخر لوحه ...... هذا فن سريالي ...يعني خيالي
عيسوز انت اتقول في مربع زجاجي في النص؟ اقولك لا هذا المربع ماهو الا لوحه ثانيه لزقتها على اللوحه الكبيره بس عشان ابين المستويات في موضوع اللوحه .... بس لانه الالوان زيتيه مع فلاش الكاميرا صار لها مثل انعكاس الزجاج ...
انشاء الله بحاول اصورها مره ثانيه بدون فلاش ....
في وسط هالوحه راسمه مثل ورقه ممزقه من الوسط و اتبين من خلالها جزيره و بحر ......
عبرت بالزجاجات الفارغه و الاوراق عن التأهين في الجزيره اللي دايما يعبرون عنهم بأنهم يكتبون رسائل للنجده و يحطونها في الزجاجه و يرمونها في البحر ...
اي توضيح ؟؟؟:أفكر:
RSSAM
أشكرك على الاطراء ...و أكيد هناك عيوب في رسوماتي ياريت لو اتنبهوني لها عشان اعدل من مستوى رسمي
:D
shaheen
بس شلون ياتج فكرة نشر لوحاتج بالمنتدى؟ فكرة موفقة!
:! سؤال وجيه ؟؟؟؟؟؟؟؟؟؟؟
ما ادري كيف جاتني الفكره ...صحيت من النوم لقيتها جدامي :D
و أشكرك;-)
**lonely star**
24-06-2002, 09:14 AM
اخيراااااااااااااا لقيت الجالري اخييييييييييييييرا
:" :" (من زود الوناسه)
بس رانزي الصناحه الصناحه
يجنن يهبل روعه رسماتك مررررره حلوه والتلوين احلى واحلى
عاد كملي اعرضي دليت مكان الجالري الحين;-)
Ranze Eto
24-06-2002, 04:52 PM
:D :D :D :D :D
:D :D :D
:D :D
:D
و الله هذا شكلي لما احصل رد جديد في الجالري ....
:o احم احم
اخت **lonely star**
الصناحه الصناحه (:D *اعجبتني الكلمة)
أشكرج على ذوقج و تشجيعج ...كفايه انج دورتي الجالري :"
صدقيني شجعتيني اعرض رسمه جديده ....
هالرسمه بعرضها بالرصاص قبل و بعدين بعرضها ملونه
لما اخلص تلوينها :D
**lonely star**
24-06-2002, 05:28 PM
هههههههههههههههههههههههههههههههههههههههههههههههههه
عجبتك الصناحه ناحه اجل لو تسمعين الكام الثاني شتقولي والله الفنا لغه جديده هههههههههه مو مهم المهم هالرسمه الروعه اللي حاطتها والله اني كنت اراجع قراري باعتزال الفن بس يوم شفتها غيرت رائي انا بعتزل بعتزل وانا وين والفن وين احسن اخليه لك :D :D يالله رانزي ناطره الرسمه بعد التلوين;-)
Ranze Eto
25-06-2002, 12:41 AM
:! وييييييييييه من صجج **lonely star**
الصناحه ماعندج سالفه تعتزلين الفن عشان نسوماتي ... العبيطه ...
الظاهر ماشفتي نسومات خلود و شاهين و نوايه(رواية) و فطوم و تي ام 13 و نوني (روري)و لولي .......... و , ,و ,, و ,,,, و ,,,,
بس اعتقد انج تتطنزين عليّ :"
:" :" :" الله يسامحج ............
ملاحظه ابي اتعلم لغة الصناحه ناحه لاني احب العبط اللي من هالنوع:D
;-)
orange road
25-06-2002, 12:56 AM
شاهين
اذا على رسماتي بالزيت... احسن محد يجوفهم
لاني رسمي بالزيت مسخرة...
يفشل :":
الدكتورة ما تعلمنا شي...
على قولة فطوم
تقطنا في البرجة علشان تعلمنا السباحة وتقول لنا من بعيد حركوا ايديكم ورجليكم
معليش...
ناوية ادخل دورة في تعليم التصوير بالزيت
وانشاءالله اتعلم :)
اما رسومي بالرصاص
قريبا انشاءالله
وليد23
01-07-2002, 10:09 PM
السلام عليكم
الصراحة الرسم جميل
بس يا اختي Ranzie Eto ممكن تقليلي اسم
البرنامج الذي تستخدمينه
**lonely star**
13-07-2002, 06:14 AM
رانزي وينك وين اللي بتلون الرسمه:":
Ranma Saotome
02-08-2002, 08:13 PM
هذا تعليق رفيجي عزيز على الرسوم:
رانزي ...........لااله الا الله ما شالله عليج...حطمتييييييييييييييييييييييييييييينا..... لوحات الزيت الي راسمتهم يجننووووووووووووووون ... وكله في صوب والاخيرة في صوب......الفكرة روعةةةةةةةةةةةةةةةة والحركة رهييييييييييييييييييييييييييبه بس لو مسويه لمعه على الغراش ما يطلعون احلى من جذيه يعني ضربات بالابيض توحي بانعكاس ضوء على الزجاج..... بس على العموم لوحتج مسكتتتتتتتتتتتتتتتتتتتتتتتتتته
wildkitty
02-08-2002, 10:30 PM
هاي
انا اول مره ادخل هاذه الجالري
رسمتش الي مسميته حمد شكله كيوت بالدرداشه
وحته مع البنطرون
ويوم ضفتي كلام سارت احله بينت الخلفيه
البنت الي ترقص وفي فراشه حلوه اعجبتني الفراشه شكلها مادري يذكرني بمنو
البنت الي على نمر حلوه انا احب اشكال الي بنات على حيوانات^-^
والرسمتين الي وراها حلوين بعد
حلو شكل سبانك انا شفت كم حلقه منه بس بس عرفت شخصيته
حلوه وضعيت البنت الي واقفه
عجبوني الشخصيات الي برصاص انا احب الرصاص شكله طالع فله
البنت شكلها حوريه واشلون الانعكاس على الماي فظيع
وله الكره الشفافه الي ما سكته حلو
اللوحات الزيتي حلوووه
الولد والبطول
انا ما افهم وايد بالوحات بس اشوفهم حلوين
الولد الي ماسك المزلاجه شكله كول اكثر شي عجبني جوتيه
winter-soul
02-08-2002, 11:01 PM
رانزي:!
فظيعه!! متى حطيتيهم؟!
:" اااااااااااااااااه
:"
أبي مقرر التصوير مره ثانيه:"
رجعتيلي الذكريات مع دكتورتنا الحبوبه مو هذا المصري العله:غضب:
بس جد جد ماشاللله عليـــــــــج اشلون عرضتيهم!!
أنا يا ريت أقدر اعرض رسوماتي بعد بس ماأعتقد .........:أفكر:
ماشالله عليج يا رانزي رهيـــــــــــــــــــــبه وحلوه اللوحات ..... وفديــــــــــته حمدوه يهبل...(وحشني) بس ليش مالونتي ريله المسكين:( (للحين ماخلصتي اللوحه....حرام عليج احنا خلصنا المقرر!!:غضب: )
بس فظيعه ورسوماتج اللي بالرصاص تيننن وحلو إنج تتدربين على عدة شخصيات:) بس لازم تتدربين بعد على رسم أعضاء الجسم بنسب صحيحه
وأحب اقولج إن تلوينج بالفوتوشوب تطور وايد:)
أنا اتمنى لج كل التوفيق انشالله:)
وتابعي
اوكي;-)
Ranze Eto
26-12-2002, 10:48 AM
winter-soul
هاااااااي حبيبتي ...طبعا بكون سخيف على ردي اللحين ... لأنه تعليقج محطوط في الموضوع من سنة جدي و انا هامله الموضوووع ...لضرووف نفسيه خارجه عن الاراده :)
المهم ... انتي سألتي اشلون عرضت اللوحات ....
طبعا بالسكانر ... لوووووووووول :D تخيلي عندي سكانر طوله 100×70
و الله فـــــله :D
لا انا صورتهم بالدجيتل كامير و عرضتهم عادي ...
بخصوووص حمادوووووووه ...لووووووووول ....نخيلي انه لابس دلاغ
ههههه
مشكوره على ردج وينتر :)
المهم انا حبيت ارفع الموضوع لانه فيه رسومات جديده بالطريج
مممممممممم:أفكر: لا تستغربووون الامتحانات قربت ....
;-)
mirage
26-12-2002, 08:24 PM
هههههههه
رانزي...
يا زين النت وقت الامتحانات ... صح...;-)
Madoka
26-12-2002, 08:28 PM
سلام :):)
رانزي احنا باتظار رسوماتج اليديه ;) ;)
و موفقه ان شالله بالامتحانات :)
wildkitty
26-12-2002, 08:34 PM
هلاو لو
اشلووووووونج رانزي ^^
وين وين كانه ناقص شي
وين الرسووووووووووووووم
fatoom
26-12-2002, 11:33 PM
إي والله يارانزي
من تقرب الإمتحانات
تينا حالة هروب و مانبي ندرس ولا نكمل شغلنا :D
و ابي اضيع وقت :6 <<<<< ( جملة رانزي كخخخخخخ )
بليز رانزي اعرضي
ترا رسمها متطور في دفترها و فظييييييع :0)
بس ماتسمع كلامي و تكمل
و تبي تشخبط :غضب: <<<<<( كله من لولي >_< الله يسامحها)
مب احسن لج رانزيتو :غضب:
عرضي هاااا
ماوصيج
:D
حبيييييييييبتي الماستر ;-)
Ranma Saotome
27-12-2002, 12:56 AM
أيوااااااااااااااا ويلكم باك رانزي
اخييييرا بتعرضين شي
بصراحه انا من زمااااااااان ودي اشوف رسومج صار لج زمان ماعرضتيهم
ابي اشوف شلون صار رسمج.. اكيد احلى واحلى..
يالله متى بتيي ايام الامتحانااات :D
I CAN'T WAIT:D
Ranze Eto
29-12-2002, 09:21 AM
ميراج , مادوكا , كيتي , فطوووووووم , رانمااااا
اشكركم على التشجيع ...
:أفكر: ما كنت ادري انه لفني جمهووور ( ?: رانزي صدقت عمرها)
:0)
و الله رودكم تشرح الصدر اتخلي الواحد غصب عنه يحط رسومات حتى لو كانت اتفشل:#
المهم هذي رسمة بالرصاص قديمة شوي رسمتها في رمضان :أفكر:
Ranze Eto
29-12-2002, 09:26 AM
:# أحــــم
و هذي الرسمه راسمتها من فتره قريبه ,,,
بس بضمير شوي ... تعتبر رسمة هروووب من ملف التصوير :6
و الله وههههههههقة صح توتو ;-) ... فله لما الواحد يستفيد من شخص غصبن عنه ... لووووووووول :D
Ranma Saotome
29-12-2002, 09:45 AM
ايوااااااااه انا اول واحد يرد :D what an honor
اخيييرا..
الرسمه الاولى.. وااو ماشالله حلوه.. خطوطها وايد عجبتني حلوه الوضعيه والتظليل عجيييب احسن من قبل.. الشعر وايد عجبني :D الرسمه حلوه كلها على بعضها.. مممم مادري ليش تذكرني برسم إفانجليون المانجا.
الرسمه الثانيه.. (ماحب دريجون بول) بس الرسمه حلوه.. بسيطه ونظيفه وتلوين رائع..
بس نبي نشوف رسوم احلى واحلى.. متأكد ان في رسوم احلى من جذيه;)
keep going :)
لوجــــــين
29-12-2002, 12:31 PM
سلالالالالالالالالالالالالالالالالالالالام رانزي :cool:
ماشالله رسمتين و لا أروع باين فيهم التطور من بدايه الجالري ليما الحين;)
رسمتينش الأخيرات أبدعتي فيهم يا فنانه :6
الرسمه الأولى إلتفافه الشعر فيها وايد حلوة :cool:
و رسمه الوجه و الملامح كيوت حدها ^^
عجبتني كثير
بس حاولي تركزين على الساق خل تكون منتظمه أكثر ;)
و خلي خطوطش تكون لينه و ناعمه على شان الملابس تاخذ شكل منتظم على الجسم :cool:
الرسمه الثانية وايد عجبتني الخطوط و التظليل .. :6
ههههههههههههه
الألوان فيها تسر النظر .. و الشخصية توفقتي في تقمص ملامحها بشكل احترافي
أبعدتي فيها .. :cool:
ماباقي أقولش غير يا فنانه رسمي أكثر و أكثر و زيدينا من فنش
و كل ما تدربتي أكثر كل ما صارت خطوطش واثقه أكثر و احترافيه فوق ماهي الحين جميلة:-)
موفقه انشالله
سلالالالالالالالالالالالالالالالالالالالام
RPGboy
29-12-2002, 03:37 PM
راااااااااانزي :D
اشلونج أختي ;) ؟
إن شالله بخير !
الرسمتين الأخيرتين:
الأولى ...
نبدأ من فوق :6
من فوق ممتاز الرسم ( الشعر، الملامح، الجسم، ... )
لكن من تحت >< الريول متباعدتين شوي أو فيهم شي ?: !
عمومًا أهية ممتازة الرسمة ^^
الثانية ...
دراجون بول :D أكيد حلوة و من يدّج أحلى ;)
wildkitty
29-12-2002, 05:10 PM
هلاو لو
اخيرا عرضتي ^-^
الرسمه الاوله حلوهه بس عصاقيله ريوله ضعيفونات شوي ^0^
الرسمه الثانيه فله ما عليها اي كلام جوط جوط :cool:
Ranze Eto
30-12-2002, 07:05 AM
:D و نااااااااسه ...
الحمدالله انه رسمي عجبكم ... و اهم شي انه التطور فيه واضح ;-)
امممم ما ابي امدح نفسي وايد :أفكر: لا احصل لي رفسه برا المنتدى
:D
رانمااااا .... مشكور على الاطراء ... و المدح المفرط .... مب زين التبذير .. اشخليت لرسوماتي الجاية ... ( لا عاد رانزي صج صدقت نفسها)
لوجيييين ...... هاااااااااي
الصراحه انا مشكلتي رسم الجسم كامل ... لازم اسوي اعاقه في الشخصية اللي ارسمها ...مدري ليش?:
بس مثل ما قلتي يبي لي تدريب و ليونه في الخطوط......;-)
RPG Boy >>>ثااااانكس ... اكيد السيقاان فيه غلطه .. و واضحه بعد
معليه انشاء الله مع التدريب اتعلم :D
وايلد كيتي .... صح كلامج العصاقيل تقههههههر .... ثانكيوووو على الرد
:D
Madoka
31-12-2002, 12:34 AM
رانزي :):):):) حطيتي رسوم يديده كووووووول ^^
الرسمه الاولى :cool: يا ربي وين شايفتها قبل ;) ... شعرها حلوووووو :) ... اسلوبج وايد تغير عن قبل ( لما تصفحت الجاليري لاحظت هالشي ) اسلوبج في تطور مستمر :)
الرسمه الثانيه ظابطه الشخصيه عدل :) .. و التلوين ناعم و حلوو :)
ممتازه ;-) .....
Ranze Eto
31-12-2002, 08:34 AM
هاااااااااي ديييير مادوكا .....
كنت انتظر ردج ;-)
الرسمه الاولى انتي شايفتها ... لما طرشت لج رسمتيين على الخاص عشان موضوع " التعرف على رسومات الاعضاء" :D
و ثانكس على تعليقج على الرسمه الثانيه ...
انا احب التلوين .... بس ما عندي وقت ?:
رانزي!!! آخر رسمتين يهبلون
خاصة البنت;-)
قلت لج ان رسمج يهبل،بس ما صدقتيني ! :o
شفتي اشكثر معجبين لج :D ;)
و لا تخافين انت كل الي ناقصج شوية تدريب و بتكونين انشالله من احسن الفنانات في المنتدى :0)
لا لا مب بس في المنتدى في العالم :cool:
Ranze Eto
31-12-2002, 11:04 AM
:غضب: لولي عن المجاملات الزايدة ( شتصير للدوده الزايدة:أفكر: )
?:
و الا يمكن عشان صرت الماستر مالتج و تبين تكسبين رضاي بهالطريقة ..
;-) بس مهما صار U R the Best Loly wooly :D
Space Cowboy
31-12-2002, 12:52 PM
سلام اختي رانزي
كيف الحال؟ ماشاء الله الرسو حلوة و في الرسمة الأخيرة احسنت التلوين و اصبحت الرسمة خفيفة و محببة للعين (كل ما بعدت عيني عنها رجعت مرة ثانية)
تابعي التدريب حتى تصبحين الأفضل :)
بالتوفيق ,,
سلام:)
Ranze Eto
13-01-2003, 02:34 AM
Space Cowboy
سلاااااام ...مشكووور على التعليييق الحلوو ... احلى جملة أعجبتني هي (كل ما بعدت عيني عنها رجعت مرة ثانية) ;-)
انشاء الله ... اقدر الون كل رسمة ارسمها ?:
المهم الليله انشاء الله راح اعرض كم رسمة بالصاص ....
انتو بس تابعوني و فالكم طيب :D لوووول
بروح السوق و بجيكم :6
Ranze Eto
13-01-2003, 08:01 PM
:#
mirage
14-01-2003, 06:51 AM
هاي حبيبتي ...:0)
هاو آر يو ....
ما شاء الله عليج ... رسمج حلووووو....
بس الرسمة الاخيرة خطيرة ... تينن ...:D
اعرضي اكثر حبيبتي ...;-)
وبالتوفيق ان شاء الله....
:)
**lonely star**
14-01-2003, 08:48 AM
سلالالالالالالالالالام
رانزي يا خطيره شذا الفن شذا الابداع
شعرها مره روعه وجسمها
بس عندك الوجه نصه نحيف ونصه مليان
ذكرتيني لمن لثتي جاتها حاله نفسيه صار لي نفس الشي انتفخ نص وجهي:": والله كان احرااااااج :"
يالله حطي زياده لا توقفين
shaheen
14-01-2003, 09:58 AM
من متى وانتي تحطين رسوم في هذا الموضوع؟؟؟
رسوماتج روعة ومن زمااااان ماشفت لج شئ رانزي:)
عجبتني رسمة غوكو الملونة.. الوانها تمام ومتقنة:)
الرسمة الأخيرة تجنن... شعرها وتفاصيل الخصل رهيب:)
الملامح روعة وكيوووووووت:)
يعني لما ترسم رانزي يطلع شئ مميز وحلو... المزيد بليز:o
هـداف
14-01-2003, 08:14 PM
السلام عليكم
أهلا رانزي;)
........رسماتج وايد حلوين وخصوصا الرسمه الأخيرة واللون إلي اخترتيه وبالذات الشعر.....جميل جدا جدا:6
نصيحة بسيطه.....ليش ماتجربين ترسمين بوضعيات مختلفة...رسمج بيتطور بشكل سريع;)
ننتظر المزيد من الرسوم وبالتوفيق;-)
fatoom
15-01-2003, 12:19 AM
و أخيرا ماستر ^ ^
شفت احدث اعمالج :)
حلو شغلج رانزي ^ ^
لازم تتابعين و تكملين
و طلعي إلي عندج .... مفهوووووووووووم
هاي مايسكتني
ابي أكثر ^ ^
هي هي هي
fatoom
15-01-2003, 12:34 AM
و أخيرا ماستر ^ ^
شفت احدث اعمالج :)
حلو شغلج رانزي ^ ^
لازم تتابعين و تكملين
و طلعي إلي عندج .... مفهوووووووووووم
هاي مايسكتني
ابي أكثر ^ ^
هي هي هي
alucardracula
15-01-2003, 12:47 AM
هاقد وصلنا بالسلامة..:)
رسمِك جميل جدا و التفاصيل رائعة و لِك اسلوب هادئ و جميل في الملامح تشعرني أنها طفولية:)
ثنيّات الملابس روعة و الشعر هايل أحب الشعر لما ما يكون كده في الأنيميز أحيانا يعطي نكهة للشخصية مختلفة..
أتمنى أشوف رسومات أكثر عشان نزور الجاليري أكثر و اعذرينا على التأخير..بالتوفيق
.
..
...
;-) It's been fun
Madoka
15-01-2003, 01:04 AM
هاي :cool:
شلوووووووووونج حبيبتي رانزي ^__________^ ؟؟؟
شخبار شان :0) ؟؟ فاز بحزام للملاكمه و لا بعد هههه :)
آخر رسمه الوانها غريبه :واو: .. مظللتها بالرصاص .. صح :) ... رسمج تغير واايد عن اول شعرها تسريحته غريبه :) يعجبني ^^ ... حتى العين راسمتها باسلوب جديد :) .... ماشالله رسمج في تطور مستمر
الملابس كيوت ^_____^ و المثلثات بالخلفيه بعد كيووت ...
شي حلوو انج تظلليل بالرصاص ... عندي الرصاص احلى من الفوتوشوب
استمري ;-) و ارينا المزيد :)
و ياريت نشوف رسمه ملونه قريبا ^________^
سي يوووو
مادوكا
g. byte
15-01-2003, 01:28 AM
جميلة أخر رسمة يا رانزي , لكن ...
.. الرسمة جميلة :cool:
ولون الرسمة العام جعل الرسمة شاعرية :p
ملاحظتي الوحيدة هي في الرقبة , الخط اللذي على الرقبة لا يظهر الا عند التفاتنا لاقصى اليمين او اقصى اليسار ( راقبي رقبتك في المرأة وأنت تحركيها من اليمين الى اليسار ) ستلاحظين أن الخط لايظهر اذا كان الجسم والرأس ينظران الى نفس الجهة ( مثل وضعية الفتاة اللتي رسمتِها ) :cool:
( ملاحظة بايخة ها !! :": )
الملاحظة الثانية ( مو كأني قلت ملاحظة وحيدة من قبل ! ^__^ ) هي ان الشعر كثيف جدا بالمقارنة مع رأسها :)
أيضا العين اليسرى ليست على نفس مستوى العين اليمنى , أفضل حل لهذه النقطة هي أن تتخيلي خطا وهميا وانتي ترسمين العين وهذا يساعد كثيرا :!
أسف أطلت في ملاحظاتي :":
بصراحة عندما رأيت الرسمة للمرة الأولى أحسست بشيء غريب فيها لا أدري ماهو !!! :!
على العموم أتمنى لك التوفيق ..
وتذكري دائما .. بامكانك تشجيع نفسك بنفسك في أي وقت :)
تحياتي
الخطاف
15-01-2003, 01:45 AM
السلام...
الرسمه الأخيره حلوه جداً رانزي ...
أدري إنهم ذبحوج بالملاحظات لكنها مفيده وخليني أزيدهم وحده...
وهي عن الحركه أو الأكشن.... الرسمه ما عليها كلام بس لو تفرين راسها حق تبين على صوب أو تعطينها منظورمن فوق أو تحت أو ...
شذي يعني ...
والباقي في نظري كله تمام ...
والخلفيه حلوه على فكره :D
Ranze Eto
15-01-2003, 04:42 PM
:D :D :D :D :D :D :D :D
الصراحة ما عندي رد اللحين
لما اتخف حدة الوناسه عندي برد عليكم :D :D :D
:)
:أفكر:
:o
مشكورين كلكم ...ميراج ، لونلي ستار، شاهين ، شاعر، فطوم ، الوكارد ،مادوكا ، ج.بايت ، الخطاف ... :D
ألف شكر على ردودكم رفعتو من روحي المعنوية الفنية ...
اللحين انا رايحه أطلع رسوماتي اللي بالستور كلها و بعرضها في الجالاري :D
و على فكره الخلفيه اللي أعجبتكم غير مقصوده ترا سويتها و انا أهذر و اسولف في التلفون ... شفتو فايدة الهذره في التلفون ..;-)
:أفكر:
mai_arumashi
15-01-2003, 10:35 PM
حلو الرسمه و الخلفيه مميزه ( بس مادري انتى كنت مستعجله شوي ، فطلعت الرسمه على السريع ) بس بالنسبه حق رسمه عالسريع اتم رسمتج كووووول:cool:
keep it up
Ranze Eto
21-01-2003, 07:50 AM
ثانكس مي ;-) ... اذا كان على السرعه انا دايما جذيه كله مستعجله ...
?:
:D هذي رسمه جديده ... انشاء الله ما اكون استعجلت عليها ;-)
:#
http://pics4ever.jeeran.com/images/ranze.jpg
shaheen
21-01-2003, 08:49 AM
رسمة رائعة.. سبانك العجيب هههههههه
بصراحة انا احب هذا الانمي وايد... روعة!!
رسمتج كيوت اختي رانزي... الشعر والتظليل طالع حلو:) حلو بالالوان الخشبية;-)
fatoom
21-01-2003, 07:10 PM
مشاااااااااااااااااء الله :D
ناس شغالين يرسمون ( و أخيييييييرا :" مابغيتي )
حللللوه الرسمه ماستر ^ ^
والألوان شغلها إينن:)
و تابعي رسم و عرض ;-)
موفقه ^ ^
Ranze Eto
21-01-2003, 07:23 PM
:D هااااي شاهيين
الالوان الخشبيه ...هههههه .. ايه هذا كله بفضل أبله مادوكا .
.ثانكس ابله اتمنى اوصل مستواج ":"
fatoom:" << دموع الفرح
مشكوره ... و الله هذا الفن طلع من المرض خبرج .... مع كل كحه تطلع لمسه فنية ;-)
ثانكس شاهين و توتو على التعليق :D
mirage
22-01-2003, 06:54 AM
رانزي :واو:
الرسمة تيننننننننننننننننن.....
سبانك يهبل خطييييييييييير.....
وتلوينج حلو وايد بعد...
رسمج وايد حلو حبيبتي.....:)
حطي رسمات اكثر رانزي ... بليييييييييز ... :D
Ranze Eto
22-01-2003, 08:47 PM
Mirage ........
هاااااااااااااي وينج ما اتبينيييين :D
:# صج سبانكووو اعجبج .... من ذوقج يا أم الذوق
انشاء الله بحط رسومات جديده خلال هالايام .....
مادوكا
بحط لج وصله للرسمه عشان اتشوفينها ;-)
الرسمة هنا (http://pics4ever.jeeran.com/images/ranze.jpg)
BUBLE
23-01-2003, 01:26 AM
هاااااااااي رانزي
عجبتني رسمتج بالالوان الخشبية :)
ضابطة الشخصية عدل;)
نبي نشوف منج رسوم اكثر ;-)
mai_arumashi
23-01-2003, 04:27 AM
الله :) سبانك ....... حلوه التحفه ( الرسمه) تسلم هالديات ( ايدك)
Madoka
23-01-2003, 04:28 AM
الله اشحلاااااااااااااااااااااااااااااااااااااتهاااااااااااا
تلوينج عجيييييييب ^____________________^
تعجبني جرئتج في التلوين بالخشبي ;-) :) الصراحه ماقدر اوصفلج جمال الرسمه ^____^ البنت تونس ^^ و الكلب اللي يمها شكله كيووووووووت :):)
عجبتني ;-)
شكلي راح اتعلم منج التلوين بالخشبي ":"
:-) الى الأمام و بانتظار الزيد
مادوكا ^_^
Ranze Eto
23-01-2003, 04:48 AM
بابــــــل ..... هاااااي ..... وينج ؟؟ صار لج مده ما اتبينين في المنتدا :D
ثانكس على التشجيع ....:)
مي .... ثانكيوووو يا أم الذوق انتي .. شكلج اتحبين سبانكووو مثلي ;-)
مادوكا ............ :غضب: بتتعلميين مني ؟؟
نسيتي انج أبلتي و انتي اللي علمتيني ;-)
هذي الرسمه كامله ... راسمتها لموضوع الكابات :p
http://pics4ever.jeeran.com/images/ranziegal.jpg
رانزيييييييييييييي :"
ههههههههههههههههههههههههههههه
ما تسوى علي دخلت بها الدقيقتين تحطمة و بطلع
رسمج بالرصاص و ألوان الخشبي خطير :" عجبني اللون البنفسجي بالرسمه قبل الأخيره مسوي حركه حيل روعه صج :!
و تفصيلج للشعر حلو ^^
اما الرسمه الاخيره جوها حلو :D حيل
خلطج للألوان معطي الرسمه شكل روعه يا فنانه
الرسمه صج كيوووووت ^^
ما شاء الله يا فنانه
بالتوفيق اختي
mai_arumashi
23-01-2003, 05:00 AM
ماي::"
مادوكا::"
ماي&مادوكا: نبي نلون بالرصاص مثلها
ماي:نغتالها احسن
مادوكا: و منو بيعلمنا نلون عقب
ماي:صح:"
----------
عجيبه لمعه الشعر، رهييييييييييييييييبه مرررررررررررره (جميع الحقوق محفوضة لصالح اعلان ليز)
Ranze Eto
23-01-2003, 05:09 AM
:!
:!
:!
من صجكم ...... بكلامكم ذيه اتخلوني اغتر بعمري ...و ما ارقد الليل ..
و ما يجي بكره الا و انا تارسه الجالاري رسومات ....:D هههههههههه
بس يا جماعه ما يصير جذيه ابي اشوية انتقادات ... طلعو لي العيوب و الاخطاء عشان اتفادها ..مع اني متأكده من وجودهم .. و خصوصا آخر رسمه ..الخطاء واضح فيها و محد نبهني له و انا متعمده اني ما أذكره ..;-)
عشان اشوف اذا بتنتبهون و بتنقدون ...:؟
MzM : ثاااانكس .... الحمد الله انها اعجبتك ..و انت بعد رسمك بالرصاص رهيييب ....
ماي& مادوكا : انتو شفتو رسوماتكم و تلوينكم بالاول ؟؟؟ :غضب:
على العموم مشكورين على الاطراء و التشجيع
Luv yaaaa;-)
mirage
24-01-2003, 04:03 AM
رانزي حبيبتي الرسمة الاخيرة تينن:واو:
تلوين الشعر عندج فظييييييييييييييييع واااااايد حلو...
keep the good work up dear....
;)
Ranze Eto
25-01-2003, 03:14 AM
;-) هاي دير ميراااج
ثانك ألوت ماي دييير :D
fatoom
26-01-2003, 12:28 AM
ماستر رااااااااااااااااااانزي :D
يا أم الحركااااااااات :D
كاب بعد
أنا للحين ابي اعرف شلون تخلطين الوانج :أفكر:
طالع حلو .... معليه بالجامعه بخليج تلونين :D
و ترويني شتسويين :D هي هي هي
و شوفي هي ملاحظه صغيرونه ماستر ( لاتطقين >_<)
اليدين احسهم قصار شوي :6 ...بس
:0)
ماستر انا احبج :D ههههههههههه
Dark Eyes
26-01-2003, 01:37 AM
Hi Ranzy
hows life?
do u remember me?
:)
i like ur drawings but i wanna say something
U should draw some beautiful monstery pictures and horror views cuz Ranzy is DARK
:D
Salam to ur vampirey dad and werewolfy mum:p
Ranze Eto
26-01-2003, 02:13 AM
هااااااااااااااااااي توتو حبيبتي وحشتيني
ولا يهمج حبيبتي ...في الجامعه اعلمج اشلون اخلط الالوان http://smilies.sofrayt.com/1/950/redecoration.gif
(رانزي صدقت نفسها انها http://smilies.sofrayt.com/1/950/artist.gif )
:D نرجع لمحور حديثنا ......
ملاحظتج وايد حلوه و اتهمني ...و هذا اللي كنت انتظر اني اسمعه من الاعضاء اللي علقو على الرسمه ....http://smilies.sofrayt.com/1/u/bighair.gif
امممممم صح حبيبتي اليدين قصار ..حتى البنت طالعه كأنها قزمهhttp://smilies.sofrayt.com/1/h0/xeye.gif
السبب اني كنت ارسم و ألون و انا منزله راسي في الدفتر ...يعني ما بعدت الا بعد ما خلصت و اكتشفت هالغلطه اللي اتفشل ...http://smilies.sofrayt.com/1/m/diffident.gif
انشاء الله المره الجايه ارسم من بعيد http://smilies.sofrayt.com/1/j0/writer.gif
Dark Eyeshttp://smilies.sofrayt.com/1/u/sid.gif
How are you my friend ??
of course I remember you ;-)
Thank you for you comment , I`m so glad that you like my drawings :#
I`ll do all my best to draw some monstery pictures and horror views
http://smilies.sofrayt.com/1/u/fu.gif
MY dad & Mam Say Hi to you http://smilies.sofrayt.com/1/o/vampsmilie.gif
:D
Ranze Eto
21-02-2003, 10:15 AM
:D و نرجع لمحور حديثناااااا
هههههههههههههه
و انضيف رسمة جديدة في الجالري المهجووور
احلى شي في الرسمة تو قيع زامبي و بصمة توتو الفنية :D
Luv yaaa
http://downlaod.s5.com/Bochi.jpg
fatoom
21-02-2003, 11:48 PM
و أخيرا رانزي عرضتيها ^ ^
عاد كان محيتي هالشخابيط :":
:6
بس اهم شي تتابعين عرض ^ ^
Ranze Eto
22-02-2003, 09:59 AM
هلاااا توتوووو
لا اصلا انا احب هالشخابيييط :D
الرسمه هنا للي ما تطلع له (http://downlaod.s5.com/Bochi.jpg)
:D
Madoka
22-02-2003, 10:18 PM
رانزي الرسمه ما تطلع :" ليش ما ترفقين رسوماتج بالمنتدى !! علشان لا يختفون عقب فتره ! :)
اوكي؟:)
Ranze Eto
23-02-2003, 02:38 AM
سيرفر الموقع تعبان ?:
ما بحمل عليه الرسوم مره ثانيه :غضب:
هذي الرسمه مرفقه
ديابلوس
23-02-2003, 02:47 AM
وااااااااااااااو
ما شالله رسمات رهيبة :D
الاخيرة عجبتني ... كله في صوب و الرسمة الصغيرة اللي عالزاوية في صوب ههههههههههههه :)
بس التلوين حلو .. keep going
تحياتي لك ^^
Ranze Eto
23-02-2003, 04:10 AM
ثاااااانكس ديابلوس
:#
عاد كرر الزياااره ..يا النشييييييط :D
Madoka
23-02-2003, 05:24 AM
اخيرا طلعت ^__________^
وااااااااااااااااو لبسها فظييييييع .. و شكلها حلوه ;) .. طريقتج في رسم اللبس و التفاصيل حلوه :) خصوصا الزخارف اللي عالملابس :) .. حلوو شعرها ^_^ .. و الاسهم راسمتها بشكل كيوووت خصوصا الريش اللي فيها !! :) .. الحركه حلوه .. بس لو كانت مبعده ريولها عن بعض جان طلعت احلى :)
تونس رسمه فطوم الكيوت ^______^
هلاااااااااا رانزي
من زمان عنك ( ههههها اتكلم وكاني 24 ساعه في المنتدا)
المهم.رسمتك الاخيره :D
تهبل :D
خطيره يالخطيره
ولا تحرمينا من ابداعاتك
;-)
alucardracula
23-02-2003, 12:34 PM
تعجبني الأفكار الي تستخدميها في رسومِك !
روعة رسمة الفتاة ذات القوس و السهم! التلوين متحكمة فيه في هالرسمة! و تبيّن قوّة استخدامِك للألوان و طبعا أنتي من القلائل الي ما يستخدمو الفوتوشوب أو الكانفاس و تعتمدي على التلوين اليدوي و هذا شي جميل لا نريد أن نفقده يا ليت لو الكل يحط باله على هالنقطة!(نرجع للرسمة) الوضعية ممتازة و خطيرة و بالنسبة الى الرسمة الي قبلها تبع الكاب اتس سوو كول و حلوة القعدة:D مادري ليه عجبتني بس أحب لقطات التأمل...
بالتوفيق يا رانزي و ليحيو الفامبايرز;-)
orange road
23-02-2003, 09:49 PM
رسمج وايد تحسن رانزي ^^
بس كلام مادوكا صح.. يمكن لو كانت ريل البنت مبعده شوي عن بعضها كانت طلعت الحركة اضبط..
التلوين حلو ^^ بس الارضية حسيتها خربت.. شكلج كنتي مستعيلة (وقد عيل صبرك :6 )
استمري رانزي ^^
وعندج فطوم.. وروري ولولي.. وونتر.. عصريهم عصار
بالتوفيق
amish_chan
25-02-2003, 07:16 PM
السلام عليكم:-)
رسمج حلو وخصوصن الcatgirl:-)
نتري الرسم الياي;-)
AmIsH_ChAn:#
Ranze Eto
26-02-2003, 10:04 AM
هااااااااي اجييين :D
اممممممم :أفكر:
مادوووكا :
اهم شي انه الرسمة اعجبتج ...امممم ملاحظتج وايد حلوه بعد انا احس لو كانت مباعده "أجرورهااااا" :# سوري اقصد اريولهااا عن بعض بتكون الوضعيه احلا بس هذي الوضعيه كانت فبالي و اطلعت ;-)
تي أم .... :أفكر: انا شاكة انج 24 ساعه في المنتدى ....بس متخفية عنا عشان ما انقوووولج اعرضي لناااا فنج :غضب: ...ههههه ..و مشكوره على الرد...انتي الخطيره و الله..;-)
أبن عمي ألووووكـــــــــارد ....:
ثانكس الوكارد ...صح كــلامك ..مع اني أحب الكمبيوتر ..بس ما أميل للتلوين بأستخدام البرامج أحب التلوين اليدوي ...اليدوي..الى درجة اليدوي ...هههههه :D ..أذكر لما أخذت مقرر التصوير الزيتي ..كنت ألون بأصابع أيدي بدل ما أستخدم الفرش ..:D ..و انا بعد احب لقطات التأمل ...
و ليحيو الفامبايرز;-)
orange road
رسمج وايد تحسن رانزي ^^
:غضب: ما عندج غير هالجمله (*لو اتراجعون اردودها كله اتقول هذه الجمله:6 )
:D أممممم الارضيه ..لا ما اعتقد انها اختربت ...لأني أصلا ما كملت تلوين الرسمه ..لاني لو كملتها بتطلع احلا ...
السبب اللي ما خلاني اكمل التلوين ..هو توقيع توتو ...الصراحة ما حبيت امسحه ..;-)
و ثاااااااااااااااانكس على ردج و انشااااء الله بستمر ;-)
:D أممممممم صح عندي فطوم و روري و لولي و ونتر ...فديتهم ما يقصرون معاي ...من غير ما اعصرهم
amish_chan
اولاَ ارحب فيييييييييج .... عضوه جديده معانا
و انشاء الله تستانسين ويانا ;-)
الحمدالله انه رسمي اعجبج:D
ثانكس لجميييع الاعضااااء اللي ... ردوا في الجالري
Come Again
:D
orange road
26-02-2003, 06:09 PM
ما عندج غير هالجمله (*لو اتراجعون اردودها كله اتقول هذه الجمله )
:" يعني شتبيني اقول؟؟؟
رسمج حلو :o
جذي احسن :" ؟؟؟؟؟؟؟؟؟
Ranze Eto
26-02-2003, 09:15 PM
:o امممممم ...ايه رسمي حلووو ...هذا شي مفروغ منه لا جدال و لا نقااااش ....
بس انا ابي نقد بناء على الرسمة ...و انتي ما عندج شي وسط ...
يعني بالعربي ما حللتي رسمتي ...... و شكلج رديتي علي في الجلري مب من قلبج بس جذيه ...
و انا ما احب حد يجاملني ... و بجملتج هاذي....
يعني شتبيني اقول؟؟؟
رسمج حلو
حسستيني انج تتطنزين علي و على رسمي ....:(
على العموم .... " الكبر لله "
و كلن يرسم على مقدرته ...
و الله يسامحج ..على نيتج :"
fatoom
26-02-2003, 09:26 PM
لا يالماستر :(
لا تقولين جذي
بالعكس انا أفرح لين اتيين الطاوله و تخلينا كلنا
نرسم و نستعبط و نستانس :)
كفايه انج لين ترسمين حابه شغلج يالماستر
و هاي أحلى مافيج ;-)
و انتي حابه تتعلمين و تسمعين راينا
و انتي عارفه ان إحنا رسمنا مش واحد (توتو مش مثل روري ;-) )
كل وحده فينا لها نكهه خاصه فيها ^ ^
و هالشي أحبه فينا :D
و تابعي ^ ^
و موفقه
فتابعي انتي و كملي إلي تحبينه :)
;-)
luna from moon
26-02-2003, 10:27 PM
ما شاالله Ranze Eto
:D
رسمج وااايد كيوت ;)
Ranze Eto
27-02-2003, 03:56 AM
Welcome Luna
و شكرا على ردج ..و الحمدالله انه رسمي يعجبج ;-)
توتو :
:"
mirage
27-02-2003, 08:23 AM
رانزي ... رانزي ... ما احلاها ... تضحك تفرح من يلقاها ... وتسليه بحكاياها ..
(اغنية بينو:D )
هاااااااي رانزي ديير ...:)
رسمج روووووووووعة رهيب يا فنانة....
وتلوينج فظيييع ... استمري حبيبتي واعرضي اكثر...
وبالتوفيق....
;-)
ما شاء الله ^^
رسوماتج حلوه جدا أخت رانزي ^^
ورسمة سبانك عجبتني جدا !! :D ((أذكر عمري ياهل يوم يطلعونه هههههههههه ))
والرسمه الأخيرة رائعة ;)
الأذرع يبيلها تعديل زيادة ^^ ...
المهم تابعي بالرسم ولا تتوقفي ;)
orange road
27-02-2003, 09:03 AM
رانزي ما كان قصدي جذي...
وانتي تعرفين...
مب من طبعي اني اتطنز على حد...
ولما كتبتها كنت كاتبتها بغشمرة..
من زمان وانا اقول اني مب ناقده.. وما اعرف افصفص الرسوم
واقول رايي بكل بساطة في الرسمة..
حلوة.. مب حلوة.. تحسن الرسم .. مثل ما هو..
يمكن من فترة بديت احاول اني اسوي نفس النقاد اللي عندنا في المنتدى.. بس للحين محاولاتي بسيطة وعلى قدي..
يعني لا تقعدين تسوين موقف من لا شي رانزي
Ranze Eto
27-02-2003, 10:45 AM
خلود:
:" انا ما اسوي موقف من ولا شي ..بس هذا اللي فهمته من ردج
و اي واحد مكاني بيفهم نفس الشي.....و ما اعتقد انه لوحد كتب لج هالرد في جالرييج بيرضيييج بالعكس احنا نرسم للمنتدى عشان اتكون فيه ردة فعل ..انتقاد و نقد بناء يدفعنا للرسم لتدريب اليد ...مب بس عشان ناخذ رايكم اذا الرسم حلو و الا مب حلو تحسن و الا ما تحسن
المسأله كلها هي مسألة نقد ..شنهي العيوب اللي في الرسم نفسه ,,
و ما اعتقد انه ردودج في الجالريات الثانيه يكون بنفس ردج علي ...هذا اللي لاحظته ....
على العموم ...حصل خير ......
Bu Laban
18-03-2003, 07:26 PM
ردي هذا يمكن متأخر ، بس أنا جديد و جالس أشوف بعض الجاليريات
و بصراحة إنتي واحدة من أفضل جاليريات دخلتها الى الان
و انشالله نتعلم منك :D
Bu Laban
18-03-2003, 07:34 PM
ذكرتيني اول مادخلت الموقع بايام الصبى :"
و يومها كنت حاقد على صاحبة الحواجب العريضة :D
اذا كان ممكن ابي اللينكات حق المانجا إذا كان مافي مانع
و شكرا
Ranze Eto
18-03-2003, 08:15 PM
مشكوووور Bu Laban
طيب الله خاطرك ....مثل ما طيبت خاطري :D
و الحمدالله انه الجالري اعجبك ...;)
و اللي تبيه أنشاء الله بيوصلك على الرسائل الخاصه ;-)
ببااااااي
Bu Laban
18-03-2003, 10:09 PM
انشالله بكون stand by علشان استقبلهم :D
و شكرا مرة ثانية
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .