من لقى عنوان يستاهلها....يقول

[اسير الهمس]

لاجيت أبهرب من همسك تراجعت
وشلون أبهرب والمسافه عيونك
ماهو بكيفي لو عزمت وتشجعت
لو قلت اببعد يقصر العلم دونك
أنا بزعمي عقب ما أخضرت وأينعت
بأغصان قلبي.. يمهلني طعونك
إثر الغلا زود على ما توقعت
وأصدق من الشك الذي في ظنونك
بجنون أحبك لو قسيت.. وتمنعت
للهم قلب ما يموت.. بجنونك
حلاة عمري يوم في دنيتك ضعت
يا زين لحظة ضيعتي وسط كونك
إن هل صوتك في شتاتي تجمعت
وأنسى ظماي أن ظللتني مزونك
يفداك قلبا في عذابه تمتعت
يخون قلبي نبضته قبل اخونك
لا.. لاتقول إني بحبك تسرعت
يا صاحبي يوم أوحشتني ظعونك
نام وتطمن لو شكيت وتوجعت
ما عاد تغري سكة العمر دونك
لا جيت ابهرب من عيونك تراجعت
يا كيف ابهرب والمسافه عيونك