عام أحلى خبر لعشاق السوني 2 نزلت الميشيا في الامارات وايظا شاشة للسوني2 تركب في السياره [الأرشيف]

Uncharted

04-05-2002, 05:08 PM

السلام عليكم ورحمة الله وبركاته ...

عندي لكم خبر مفرح ..

اخيرررررررررا نزلت افضل قطعة تشغيل الالعاب المنسوخة على السوني2

بعد ماكنا نعاني من الالعاب الغير كامله بالاظافة الى عملية تشغيل الالعاب المنسوخة اللي تحتاج وقت وعباله كل هذا انتهى ..

فقد نزلت اليوم القطعة الجديده (( الميشيا )) والتي بإمكانها تشغيل :

الكوبي CD
الكوبي DVD
الكوبي الامريكي
الكوبي الياباني
الكوبي الاوروبي
الاصلي الامريكي
الاصلي الياباني
الاصلي الاوروبي
وبكل الانظمه

بالاظافة الى تشغيل جميع انواع الافلام بجميع اصداراتها وكل انواع الفيرجن

طبعا القطعة تشتغل على الاجهزة التي تحمل الارقام التاليه :

سيريل نمبر

U3
U4
U5
U6

SCPH-30001

سعر القطعه : 450 مع التركيب

سعر الجهاز مع القطعه جاهزه بداخله + 5 العاب كوبي = 1550 درهم

عدد الاسلاك التي توصل : 23

والقطعه موجوده في مدينة العين

محل كابول للالعاب
هاتف رقم : 0504490318 متحرك
رقم المحل : 037656830

هذا بخصوص القطعه ..

ولقد جربت القطه وكل شي تمام :) والحمدلله خاليه من العيوب .. وتستطيع تشغيل كل انواع الالعاب مبااااااااااااااشرة ..

اما بخصوص الشاشة الجديده بكره ان شاء الله بكتب عنها بالتفصيل لاني بعدني ماشفتها .. بس اللي اعرفه انك تقدر تلعبها خارج المنزل حتى في السيارة .

وشكررررررررررررا ....

nemsis2

04-05-2002, 05:17 PM

مشكووووووووووووووووور اخوي
انا في ابوظبي يعني اكيد موجودة
لكن ما تلاحظ انه ال450 كثير على جهاز يتوقع ان يسقط امام الاكس بوكس و الكيوب؟

Uncharted

04-05-2002, 05:24 PM

nemsis2 افا عليك بس :) ماقول غير اللي انا اشوفه او أستخدمه يالغالي :)

بعدين انسى ان السوني 2 بيطيح امام اي جهاز :)

خلنا من سوالف الاجهزه لان اللي يهمنا الحينه السوني2 والقطعه ...

بخصوص السعر ..

طبعا مبدئيا غالي 450 بس تصور انك تقدر تشغل اي لعبه تخطر على بالك بغض النظر عن نوعها .. بال ؟ ان تي اس سي؟ امريكي ياباني اي شي اصلي كوبي دي في دي اي نوع وأي اصدار فقط 450 ولاتنسى ان البدايه لازم كل شي غالي لكن تستاهل والله

مايكفي انها تريحك من عبالة التشغيل ؟؟؟

تخيل لو ان الجيم شارك اخترب او ضاعت المومري كارد الخاصه بالجيم شارك شو بتسوي؟؟

اكيد بتظطر تشتري واحد جديد ب150 ؟؟؟

أو عجبتك لعبة جديده بس DVD ؟؟

وفوق هذا كله تحط الاسطوانه وتظبط الاس بوكس وتطلع الاسطوانه و تركب اللعبة وووووووووو

فالافضل تاخذ الاسطوانه وتحطها مباشره وتفتك من عوار الراس

هذا بالاظافة الى ان الكوبي ال DVD المنسوخ (( الالعاب)) ب30 درهم فقط؟؟؟؟؟؟؟؟؟؟؟؟؟؟؟؟؟؟؟؟

شرايك؟؟؟؟؟؟؟؟؟

ssaww8

04-05-2002, 05:44 PM

مشكور .وماقصرت.
عند سؤالين
الاول انو انت قلت

وفوق هذا كله تحط الاسطوانه وتظبط الاس بوكس وتطلع الاسطوانه و تركب اللعبة وووووووووو

طيب انا ماعندي اكس بوكس عندي نيو كي .. ابيغى اعرف هل تشتغل الاشرطة ولا لأ ؟

----------------الثاني
وهو اذا شغلت الاشرطة عن طريق الميشيا هل يمكنني وضع للعبة الشفرات الخاصة بها .... ام لايمكن .لان انا اذا اريد ان اضع في اللعبة شفرات اروح الى الجيم شارك ومن هناك احط شفراتها ..بس الميشيا يمكن أو لا .

Q Night

04-05-2002, 07:53 PM

صدق؟؟؟؟؟؟؟؟؟؟؟ ولا تتقشمر :D ؟؟؟؟ <==== (مو مصدق! و أخيراً!!!)

وين ممكن أحصلها بالبحرين؟؟؟؟؟؟؟؟؟؟؟ و بكم؟؟؟؟؟؟؟؟؟

و هل تعتقد أنها بترخص مع الوقت؟؟؟؟؟؟؟؟

ez2dj

04-05-2002, 08:04 PM

مشكوووووور على الخبر ...والله أنا من زمان وأنا أرقب هذي القطعة

بس القطعة في محل واحد فقط تنباع عندكم ؟؟؟

وين ممكن أحصلها بالبحرين؟؟؟؟؟؟؟؟؟؟؟ و بكم؟؟؟؟؟؟؟؟؟

القطعة يقول نازلة في العين ...مش البحرين :o

وعندي سؤال يا Uncharted أنا عندي مكتوب في الجهاز SCPH-30001R

تركب فيها القطعة ؟؟ ?:

وسلام

Jin Kazama

04-05-2002, 09:23 PM

انا من راس الخيمه يعني لازم اصك خط ابوظبي عشان اجيب القطعه :" :" :"

DARK HDUKEN

05-05-2002, 02:56 AM

و انا من ام القيوين وعندي بلايستيشن2 النظام الياباني 10000 .. وادري انه القطعة ما بتركب عليه :": .. بس الاهم انك قلت بان القطعة ممتازة .. لكن في محل عندك في العين أسمه السندباد العضو (جرانديا يعرفة عدل) عنده قطعة ويقول انها تحتاج DVD اصلي علشان تشغل الـDVD الكوبي وهو ما حدد اسم القطعة ... وفوق هذا كله قال انه القطعة ما تركب إلا على الامريكي والاوروبي من نفس رقم النظام الي تفضلت وذكرته ... لكن المشكلة في هذي القطعة انها تخترب في حدود10 أيام من بداية تركيبها وعليك تبدلها و بعد من غير هذا كله تسبب مشكلة في العدسة تأدي إلى تعطيلها وبالتالي تبديلها :":
على كل حال يالحبيب طلبت منك طلب هو انك تتأكد من هالكلا إذا صح ولا غلط من صاحب المحل الي ذكرته ... و تشوف إذا القطعة تركب على النظام الياباني لأني سمعت انها تركب على الجهاز الياباني .. و ما عليك أمر لو بس توصفلي الطريق لمحل كابول.. هل هو قريب من البريمي .. ولك مني الف سلااااااااااااااااااااااااااااااااااااااااااااام على الخبر الحلو واشكرك على هذاالجهد الطيب :0) :-) ;-)

احمد سعد

05-05-2002, 08:35 AM

مرحبا شباب:o :o :o

با لنسبة لقطعة الميشيا اعتقد انها لا تشغل افلام dvd لاني جربت هذه القطعة عند محل عندنا بالعراق وقال لي انها لا تشغل اللافلام.

مع تحياتي:غضب: :غضب: :غضب:

Uncharted

05-05-2002, 12:19 PM

ssaww8

انا قلت الاس بوكس (( القطعه الخاصة بتشغيل الكوبي )) وليس اكس بوكس الجهاز الامريكي ...

بخصوص سؤالك ياعزيزي القطعه اللي معاك نفس وظيفة الاس بوكس هذا اذا كانت القطعه الامريكيه ... يعني اللي لها ليتين ( اخضر واحمر )

وبخصوص قطعه الميشيا ليس لها علاقة بالجيم شارك حيث انها تعمل منفرده ..

يعني بإمكانك تشغيل الشفرات اذا استخدمت الجيم شارك ..

سلام :)

Uncharted

05-05-2002, 12:21 PM

Q Night .... القطعه في مدينة العين .. بدولة الامارات العربية المتحدة

وبخصوص السعر .. طبعا بترخص مع مرور الوقت

Uncharted

05-05-2002, 12:23 PM

ez2dj

هيه الغالي عندنا في محل واحد وهو اللي ذكرته في الموضوع

محل كابول للالعاب

وأنا (( أعوذ بالله من كلمة أنا )) جربتها ياخي رووعه وتشغل كل الانظمه مباشره

وللحين يعتبر محل كابول هو المحل الوحيد في الامارات اللي يحتكر هالقطعه ;)

وهل تشتغل القطعه على جهازك أو لا ؟؟

بامكانك انك تشوف السوني 2 من ورى

عندك مكتوب السيريال نومبر

لو لقيت بدايته 3 أو 4 أو 5 أو 6 أعرف ان جهازك يشغل القطعه :)

Uncharted

05-05-2002, 12:26 PM

Jin Kazama

صك خط مره وحده وبعدها بترتاح الغالي من عبالة الكوبي;)

ودامك وصلت دار الزين بنحطك في عيوننا لين توصل دارك :)

Uncharted

05-05-2002, 12:32 PM

DARK HDUKEN

الغالي ... اعرف القطعه هذيك واللي تحرق السوني خلال 10 ايام او أقل

انساها طال عمرك خلاص

هذي القطعه ماتحتاج اي اسطوانة اصلية حتى تشغل ال DVD

تشغل العاب ال DVD مباااااااااااشره وكذلك الكوبي مباشره CD وكذلك الاصلي الياباني مباشره والامريكي مباشره والاوروبي مباشره وكل الانظمه مباشره سواء اصلي او تقليد بالاظافة الى جميع اصدارات الافلام مباشره :)

شو رايك :)

والقطعه للحين ماشيه اوكي

ولااختربت ولاخربت اي جهاز :)

اما طريق المحل فمايهمك :

شوف :

إدل السوق المركزي؟؟؟؟؟

اللي عدال الدوار؟؟

اللي مقابل السنافر وسوق الذهب؟؟

تاخذ يمينك وتخلي المسجد البني على يسارك وبتشوفه علي يسارك

واذا اتصلت في المحل بيدلك اكثر

وسلامتك

Uncharted

05-05-2002, 12:33 PM

احمد سعد

الحبيب انسى اللي في العراق

هذي غير الله يسلمك

وتشتغل مباشره

bir9

05-05-2002, 12:54 PM

بس حبيت اسالك اذا
القطعة نزلت في ابوظبي
في حامد و له مدينة زايد
:" :" :"
:" :"
:"

THE_X_WOLF

05-05-2002, 02:21 PM

هل الميشيا نزلت في الشارقة ؟؟

Uncharted

05-05-2002, 04:55 PM

bir9

THE_X_WOLF

حاليا بس في العين

ان شاء الله توصلكم

SNIPER GAMES

05-05-2002, 05:40 PM

مشكور يا Uncharted على هذه الأخبار الحلوه بس أنا جهازي SCPH-30001R ويبدأ بــ U3 أرجوك إنك تأكدلي إن القطعة تشتغل لأني للحين مش مصدق .

Grandia

05-05-2002, 06:02 PM

اووووف اخيرا نزلت :)

كابول ياحيه مايعرف النصب مثل بيت الهدايا والسندباد اروح اشترييييييييها الحين

وتسلم علي الخبر الحلو

وسلام

GamerMan

05-05-2002, 07:14 PM

شكرا على المعلومات:D

DARK HDUKEN

06-05-2002, 03:44 AM

الرسالة الأصلية كتبت بواسطة Uncharted
DARK HDUKEN

الغالي ... اعرف القطعه هذيك واللي تحرق السوني خلال 10 ايام او أقل

انساها طال عمرك خلاص

هذي القطعه ماتحتاج اي اسطوانة اصلية حتى تشغل ال DVD

تشغل العاب ال DVD مباااااااااااشره وكذلك الكوبي مباشره CD وكذلك الاصلي الياباني مباشره والامريكي مباشره والاوروبي مباشره وكل الانظمه مباشره سواء اصلي او تقليد بالاظافة الى جميع اصدارات الافلام مباشره :)

شو رايك :)

والقطعه للحين ماشيه اوكي

ولااختربت ولاخربت اي جهاز :)

اما طريق المحل فمايهمك :

شوف :

إدل السوق المركزي؟؟؟؟؟

اللي عدال الدوار؟؟

اللي مقابل السنافر وسوق الذهب؟؟

تاخذ يمينك وتخلي المسجد البني على يسارك وبتشوفه علي يسارك

واذا اتصلت في المحل بيدلك اكثر

وسلامتك
تسلم الله يخليك ... و الله لا يحرمنا منك ... هذا الكلام ولا بلاش منسق ومفهوم .. من الاسبوع القادم يوم الثلاثاء الجهاز بيكون الجهاز عندي بإذن الله .. بس سؤال اخير تحملني هالمرة وه ذكرك عن الجهاز هو 1550 ويعطي مع الجهاز 5 العاب كوبي الالعاب هذي.. DVD كوبي او CD كوبي؟ ....
ولك السلاااااااااااااااااااااااااااااااااااااااام يالحبيب :0) :-) ;-)

salas20

06-05-2002, 05:26 AM

هل تعمل على اليابانى 18000

او الامريكى 30001

hattawi

06-05-2002, 06:41 AM

راعي المحل اللي اعرفه قال بييب القطعة في أقل من اسبوع و ب.....
300 درهم بس.........

The King Of Roma:Totti

06-05-2002, 08:41 AM

متى بتنزل في أبوظبي؟؟؟

Uncharted

06-05-2002, 10:48 AM

SNIPER GAMES

العفوووووووووووو الغالي ... جهازك يشغل القطعه :)

وأنا جربتها 100% ماعليها كلام

Uncharted

06-05-2002, 10:48 AM

جـرانديا .... الله يسلمك ويسلم غاليك

ومبرووووووووووك مقدما :)

Uncharted

06-05-2002, 10:50 AM

GamerMan

عفووووووووووووا لاشكر على واجب:)

Uncharted

06-05-2002, 10:51 AM

DARK HDUKEN العفو الغالي :) والله يسلمك ويسلم غاليك

والالعاب الكوبي CD ;)

Uncharted

06-05-2002, 10:52 AM

salas20
تعمل على الامريكي والاوروبي فقط ............

Uncharted

06-05-2002, 10:53 AM

hattawi .... القطعه نازله من 3 ايام

والسعر 450 مبدئيا وهي موجوده ومستخدمه وخاليه من العيوب

وان شاء الله توصل القطعه اللي في المحل :)

Uncharted

06-05-2002, 10:55 AM

The King Of Roma:Totti

هلا وغلا ;) والله ياخوك ماعندي خبر متى بتنزل في ابوظبي

وان شاء الله تنزل قريب

bir9

06-05-2002, 12:29 PM

يا اخ توتي انا سالت محل بابوظبي ضوء الشمس
في حامد سنتر قالي هات السوني و بركبها لي
بس بــ500 درهم
...............
انا عندي بال هل تسير عليها القطعة
:cool:

Grandia

06-05-2002, 12:45 PM

الرسالة الأصلية كتبت بواسطة Uncharted
جـرانديا .... الله يسلمك ويسلم غاليك

ومبرووووووووووك مقدما :)

يوم رحت عند كابول قالي انا عندي اعلانات داخل موقع مال العاب :p

طلعت انت :)

يستاهل المحل ماعليه كلام:)

Grandia

06-05-2002, 12:51 PM

Uncharted

06-05-2002, 01:43 PM

bir9

تسير

جـرانديا

والله يستاهل لانه امين وصادق وبسرعه تنزل عنده الالعاب

واللي اكثر من هذا اني حبيت ابشركم اول ناس :)

تستاهلون الخير والله

واخيرا افتكينا من عبالة الدي في دي والجيم شارك

nemsis2

06-05-2002, 02:31 PM

الرسالة الأصلية كتبت بواسطة Uncharted
nemsis2 افا عليك بس :) ماقول غير اللي انا اشوفه او أستخدمه يالغالي :)

بعدين انسى ان السوني 2 بيطيح امام اي جهاز :)

خلنا من سوالف الاجهزه لان اللي يهمنا الحينه السوني2 والقطعه ...

بخصوص السعر ..

طبعا مبدئيا غالي 450 بس تصور انك تقدر تشغل اي لعبه تخطر على بالك بغض النظر عن نوعها .. بال ؟ ان تي اس سي؟ امريكي ياباني اي شي اصلي كوبي دي في دي اي نوع وأي اصدار فقط 450 ولاتنسى ان البدايه لازم كل شي غالي لكن تستاهل والله

مايكفي انها تريحك من عبالة التشغيل ؟؟؟

تخيل لو ان الجيم شارك اخترب او ضاعت المومري كارد الخاصه بالجيم شارك شو بتسوي؟؟

اكيد بتظطر تشتري واحد جديد ب150 ؟؟؟

أو عجبتك لعبة جديده بس DVD ؟؟

وفوق هذا كله تحط الاسطوانه وتظبط الاس بوكس وتطلع الاسطوانه و تركب اللعبة وووووووووو

فالافضل تاخذ الاسطوانه وتحطها مباشره وتفتك من عوار الراس

هذا بالاظافة الى ان الكوبي ال DVD المنسوخ (( الالعاب)) ب30 درهم فقط؟؟؟؟؟؟؟؟؟؟؟؟؟؟؟؟؟؟؟؟

شرايك؟؟؟؟؟؟؟؟؟

انا باشتريها...
انت شريتها؟؟؟

اللعاب جلمود

06-05-2002, 02:32 PM

مشكور بس احنا عندنا محل في الشرقية في الخبر اسمه على ماعتقد النسر للألعاب يركبها ب 600 ريال

حسين-911

06-05-2002, 02:38 PM

Uncharted
اخيرا عدت لنا بمشاركاتك الرائعه القنبلة !!
صراحه انت الملك ا سمعنا عن الشاشة فيا ريت تخبرنا ..
واذا عندك اخبار المودم فيا ليت ايضا :)

القطعه من فترة كبيرة موجود بالكويت عند الوكالة الاسوية وجيم سنتر والحين انتشرت بين المحلات ما ادري اذا نزل سعرها ولا لا لكن سعرها 50 دينار .. :)

Commando

06-05-2002, 04:28 PM

هذه صورة للجهاز تركب القطعة ولا لا ؟؟

عارف إني من الرياض وداش عرض :D :D بس يا ريت تجاوبني

Uncharted

06-05-2002, 04:42 PM

nemsis2 الله يسلمك :)

القطعه خلصت من عنده وبكره بودي جهازي عنده عشان اركب القطعه لاني انتظره من يوم السبت ..

لكن جربت السوني اللي عنده وماعليها كلام ولا اي مشاكل وطبعا السوني جربناها وللحين الحمدلله مافيها اي عطل

وان شاء الله مايكون هناك اي عطل .. اعتقد انها القطعه الناجحه باذن الله تعالى ... وصدقني لو استوى اي شي لاقدر الله بكون اول واحد يكتب التحذير .

وان غدا لناظره قريب

;)

Uncharted

06-05-2002, 04:43 PM

اللعاب جلمود .... الله يسلمك من الشر .. بس ياخوي غاااااااااااالي ؟؟؟

مايسوى ال600 ؟؟؟

ولاتنسى ان السعر في تنازل بس يباله وقت شوي طويل

وعلى كل حال مبروووووووووك على القطعه اللي في الشرقية وعقبال ماترخص

al WaTaR

06-05-2002, 04:45 PM

سؤال...

أخوي.. القطعه تركب على أي جهاز بال؟؟؟؟؟ حتى الجديد؟؟

al WaTaR

06-05-2002, 04:48 PM

في شي ثاني أخوي أنشاترد....

إتصل بي بأسرع وقت ممكن.. .. أبي أناقشك..

و السموحه

Uncharted

06-05-2002, 04:48 PM

حسين-911 ماعليك زود الله يطول عمرك من طيب اصلك يالغالي :)

بخصوص المودم حاليا ماشي اخبار وان شاء الله في وقتها بكتبها

اما الشاشة فهي كالتالي :

حجمها 5.6
ملونه
مسطحه
مزوده بسماعات ونظام صوتي رائع
متوافقه مع لون الجهاز
تستطيع تشغيل السوني 2 دون الحاجة الى تلفاز او محولات
لها محول في السياره (( واير تركبه في محل الولاعه ))
خفيفه الوزن

وسلامي :)

وبخصوص سعر القطعه عندكم 50 دينار ... سعر مناسب ... مع فرق 5 دنانير زياده

ومبرووك على القطعه :)

Uncharted

06-05-2002, 04:50 PM

Commando

ياحياك وسهلا والله حي الله هل الرياض :)

اكيد السوني الي عندك تشغل القطعه مبروووك :)

Uncharted

06-05-2002, 04:54 PM

الوتر الحزين

مايهمك الغالي

alhalek

06-05-2002, 07:17 PM

السلام عليكم
أقول الكوبيdvd ((الألعاب)) موجوه في الامارات ولا
واذا موجوده شو الألعاب الي نزلن

Uncharted

06-05-2002, 07:36 PM

alhalek هلا وغلا

فيه DVD كوبي منها :

ايس كومبات 4

تايم سبلتر

ريزيدنت ايفل كود فيرونيكا اكس

سمجلر رن

توني هوكس 3

سول ريفر2

اوني

هذا اللي متذكره

وعلى فكره من تنتشر القطعه الكوبي ال دي في دي بالهبل بينتشر

سلامي

alhalek

06-05-2002, 07:53 PM

مشكووووور يا الغالي

حسين-911

06-05-2002, 07:56 PM

للعلم بالكويت تقريبا كل الالعاب الكوبي موجوده :)

Uncharted
ما قلت لنا سعر الشاشة ..

Uncharted

06-05-2002, 08:00 PM

alhalek

العفو الله يسلمك :)

Uncharted

06-05-2002, 08:03 PM

حسين-911

سعرها : 540 درهم حاليا ..........

بس بترخص باسرع وقت

حسين-911

07-05-2002, 05:45 PM

والله هذا احلى خبر وجود شاشة ..
يعني الجهاز في تطور مستمر ..
قريبا المودم بعد :)

dragon warriors

07-05-2002, 07:50 PM

بسم الله الرحمن الرحيم

شباب أنا زرت الحامد ومدينة زايد اليوم الميشيا ستأتي الى ضوء الشمس الموجود في الحامد سنتر في ابو ظبي بعد يومين انشاء الله

شكرا
http://abofahad.s5.com/images/recv_t_copy.jpg ":"

08-05-2002, 10:43 AM

شخبار انشارتيد من زمان عنك.
عاد تصدق كنت راح اركب النيو 4 خلال هاليومين لكن الحمد لله انك جيت في وقتك.
عندي طلب بسيط..
تقدر تعطينا عنوان المحل بشكل مفصل نوعا ما,لأنه الي بيجي من عجمان أكيد بيضيع.

salas20

08-05-2002, 11:32 AM

المبشا

Uncharted

09-05-2002, 01:16 PM

dragon warriors

ان شاء الله يوصل

Uncharted

09-05-2002, 01:20 PM

DK الله يحييك ويبقيك ويسلمك من الشر :)

عاشت ايامك يالغالي

وهذا بالتفصيل :

عندك عدة طرق

بس بقولك اسهلها .

شوف وانت داخل العين روح لدوار السوق المركزي عشان يكون سوق الذهب قدامك ومحلات السنافر قدامك اخذ يمين وامش لين يجيك دوار ثاني ارجع منه كانك تريد ترد على نفس الشارع الي كنت رايح منه وأول فتحه على ايدك اليمين اخذها .. بتلقى محلات اقمشه وذهب خلط ماشي لين تشوف علي ايدك اليمنى محل كابول للالعاب :)

وان شاء مايهمك بقولك كل شي ..

Commando

09-05-2002, 04:44 PM

الرسالة الأصلية كتبت بواسطة Uncharted
Commando

ياحياك وسهلا والله حي الله هل الرياض :)

اكيد السوني الي عندك تشغل القطعه مبروووك :)

الحمدلله ... الله يبارك فيك :cool: :cool:

Uncharted

09-05-2002, 07:39 PM

عفوا :)

مؤيد

09-05-2002, 09:21 PM

الي أبي أعرفه هل القطعه دي تستوي على الانتيسي دا 30001 R ??????: :(

Uncharted

09-05-2002, 11:04 PM

شو اول رقم من السيريال نومبر؟؟

bir9

09-05-2002, 11:48 PM

القطعة نزلت في حامد سنتر

Uncharted

10-05-2002, 12:49 AM

مبرووووووك :)

Grandia

10-05-2002, 01:35 AM

الرسالة الأصلية كتبت بواسطة bir9
القطعة نزلت في حامد سنتر

بكم السعر ؟

dragon warriors

12-05-2002, 06:58 PM

في أي محل

bir9

12-05-2002, 07:01 PM

في محل ضوء الشمس
بقيمة 350 درهم على ما اعتقد

DARK HDUKEN

12-05-2002, 08:45 PM

والله يا Uncharted مهب عارف كيف اشكرك على المجهود الطيب ... والله أنك ريحتني بعد هالهم والغم .. الالعاب غالية والـDVD الكوبي ما يشتغل على جهازي من دون قطعة.. و إذا شغلته على الاكس بوكس يباله عباله تعال وركب الجيم شارك و بعدين حط CD اللعبة .. وهذا لو اشتغل .. لكن والله بعد غيبتك الطويلة ورجعتك للمنتدى من جديد بهذا الخبر الطيب و الي ريحنا الله يريحك دنيا وآخرة ... وهذا كان رد بسيط مني لجميلك الي ما بنساه طول حياتي يالغالي .. والجهاز مع القطعة بيكون عندي يوم الثلاثاء وحبيت اعرف سعر الـDVD الكوبي عند محل كابول ولك مني السلاااااااااااااااااااااااااااااام :0) :-) ;-) :0) :0) :-)

Uncharted

13-05-2002, 06:30 PM

DARK HDUKEN

العفوووووووووووو يالغالي قليل في حقكم والله :)

والله يطول بعمرك اللعبة ال DVD الكوبي بـ 30 درهم

والعادي 15 درهم :)

Q Night

13-05-2002, 08:50 PM

للإخوة في البحرين: وين ممكن أحصل على الميشا في البحرين؟؟؟؟ و بكام؟؟؟؟؟؟؟؟؟ و إذا مع الـ PS2 (ناوي آخذ لي وحدة!!!) ما ينخفض سعرها؟؟؟؟؟؟؟؟؟؟

و مع جزيل الشكر!!!!!!!!!!!!!!!!!

dragon warriors

14-05-2002, 01:13 AM

ما هي الألعاب المتوفرة وشكر للكل

الديفيدي طبعا
http://abofahad.s5.com/images/recv_t_copy.jpg

15-05-2002, 03:40 PM

أخوي أنشارتيد: تعرف رقم التلفون حق المحل؟ وإيش اسم المنطقة إلي هو فيها؟ وكم سعرها حاليا؟نزل ولا مثل ماهو؟ أتمنى يكون الرد سريع.

nemsis2

21-05-2002, 05:54 PM

هلا حبيبي انشارتد...
انا رحت على الحامد سنتر و سألته عن القطعة و قلت له قطعة الميشيا لكن هو ما فهم ايش الميشيا
ايش اقول له عشان يفهمني؟؟؟؟؟

dragon warriors

21-05-2002, 11:51 PM

بسم الله الرحمن الرحيم
شكرا اليوم اشتريت البي اس2 أخيرا وبالنسبة للميشيا فتوجد قطعة أخرى سعرها 400درهم وتعمل100في ال100والمحل هوالمحل المقابل لضوء الشمس

http://abofahad.s5.com/images/recv_t_copy.jpg

ليث

25-05-2002, 11:00 AM

أخ Uncharted في عضو يقول أن محل كابول حرق جهازين هل هذا الكلام صحيح؟

alhalek

25-05-2002, 01:37 PM

حصلت قطعة اسمها كولون 1 وقالي راعي المحل أنها آخر اصدار من الميشيا وسعرها 500 درهم .......فما مدى صحة هذا الكلام؟

Snake-87

15-06-2002, 06:40 PM

شباب أنا شفت شكل الشاشة
وهي تتركب فوق الجهاز وشفتها بمجلة PS2وعلى الغلاف سبايدر مان
وشريت المجلة من ألمانيا
وأتوقع تجدون المجلة بالمكتبات الخليجية
أخ حسين-911:
سعر القطعة حاليا ب39دينار أو 40
;) بالكويت

one4uae

16-06-2002, 03:49 AM

السلام عليكم
الله يبشرك بالخير Uncharted على هذا الاخبار الحلوه الي دايمن
عوتنا انك تبشرنا بأخبار حلوه
اقول انا جهازي امريكي
SCPH-35001
والسيريل نمبر يبدأ
U6
فمادري اذا القطعه تشتغل ولا ؟؟؟
----------
شباب اذا واحد ركب القطعه من ابوظبي من محل ضوء الشمس يخبرنا
ومشكورين ;-)

Alexzander

16-06-2002, 10:04 AM

توني امس في حامد سنتر محل اسما ارض الاحلام
رحت مع صاحبي يبا يركب الميشيا
بعد موت وصلنا السعر ل 360 درهم
بس يبالا اسبوع لين ما يجيب القطعة من العين

ليث

16-06-2002, 06:42 PM

أخوي Uncharted بغيت أسألك هل انخفض سعر القطعة في محل كابول لأنه سمعت من العضو Alexzander أن سعرها 360 درهم في أبوظبي أرجو الرد مع الشكر;-)

Uncharted

27-06-2002, 01:25 PM

السموحة على التأخير

dragon warriors كل الالعاب الدي ي دي بدون استثناء

Uncharted

27-06-2002, 01:27 PM

DK مرحبابك وسهلا ... رقم المحل في بداية الموضوع بتلقاه رقم الموبايل والمحل نفسه .. واسم المنطقة ... طبعا المحل موجود في المركزي (( السوق المركزي )) وسعرها حاليا 350 درهم والسموحة على التأخير

Uncharted

27-06-2002, 01:34 PM

nemsis2 الله يحيك الغالي ... لو ماعرف شو يعني الميشيا قوله المسايا ولو ماعرف قول قطعة تشغيل الدي في دي الجديده :)

Uncharted

27-06-2002, 01:36 PM

ليث

الجهازين اللي احترقن كانوا بالقطعه اللي قبل هذي لانها ماكانت مضمونه اما هذي فالله اعلم ماسمعت عتها اي مشاكل
وخصوصا اني مركب ولليوم الحمدلله ماشي مشاكل

Uncharted

27-06-2002, 01:37 PM

alhalek ماعندي فكره :أفكر:

Uncharted

27-06-2002, 01:38 PM

one4uae الله يسلمك ويسلم غاليك تسلم والله

وجهازك تركب عليه القطعه :)

Uncharted

27-06-2002, 01:39 PM

ليث سعر القطعه حاليا 350 درهم

nemsis2

27-06-2002, 03:42 PM

الرسالة الأصلية كتبت بواسطة Uncharted
nemsis2 الله يحيك الغالي ... لو ماعرف شو يعني الميشيا قوله المسايا ولو ماعرف قول قطعة تشغيل الدي في دي الجديده :)

مشكووووووووووووووووور و ما تقصر

The King Of Roma:Totti

28-06-2002, 03:04 AM

يا الأخ Uncharted ...هل جهازك أمريكي أو بال ؟؟

وشكرا..........;)

The King Of Roma:Totti

29-06-2002, 06:20 AM

?: ?:

Pepsi Kun

30-06-2002, 06:21 PM

الى Uncharted انا مركب قطعة نيو فور لكنني اشغل الاشرطة الديفيدي الكوبي بطريقة لنها تخرب الدرج وانا اريد ان اركب قطعة الميشا او الماسيا وجهازي مكتوب عليه من ورا NTSC/ U/C
U0263094
هل استطيع ان اركب القطعة ام لا وماهي القطعة الافضل وهل نزلت في السوق

الرجاء الرد باقرب وقت