توته في المحاضره

[تــوتـه]

بدايه يوم جديد...يالله صباح خير...

طبعا البس واتعدل بالبيت ماله داعي اقول التفاصيل هنا...
والساعه 7 طييييييييييط طييييييييط الجماعه منتظرين السياره عالباب...أنا دايم أأخرهم..والسواق عارف ويمرني آخر وحده.. علا وعسى أخلص..?:
المهم أخرتهم خمس دقايق وطلعت من البيت...ركبت السياره سلمت على صاحباتي اللي معي..سالفنا من الصبح..واللي مالها نفس اليوم واللي غايبه واللي رايحه بس تتمشي واللي تذاكر وذابحه نفسها..وأنا ووحده طاقينها سوالف.. أزعااااج:D بس متعمدين.. لعانه...
المهم وأخير وصلنا الكليه..:o
رحت لصندوق حقي عالطول وحطيت شنطتي وعبايتي وكلمت صاحباتي الباقي اشوف في وين هم في الكليه..اكمل سوالفي معهم:D قبل المحاضره ..افففففف...
المهم ألتقينا في الكافتيريا....وفطرنا....يوووووووووه..ماأسرع مامر الوقت الحين وقت المحاضره...

اروح بسررررعه لصندوقي وآخذ الملزمه..وطيران الى القسم... <==متأخره عشر دقايق...ألحق قبل لاتجي وتحط لي غياب..يكفي اللي علىّ...
وارقى لطابق الثالث..
المهم..

دخلت القاعة رقم (...) مبنى ..


الساعه ( 8:10)

هذي آخر محاضرة في يوم السبت

المــــــــــــــــادة " .............."

وكالعاده ابدأ يوم السبت بتكشيره صباحيه

وأخير وصلت القاعه.. الحمدلله ماشرفت الاستاذه....نفس عميق...
والا صاحبتي تأشر بيدها لي وهي جالسه ورا حاجزه لي مكان...
رحت وجلست وقامت تسألني..وش فيك تأخرتي؟؟ قلت لها مشي الوقت وانت وينك ليه ماجيتي معنا الكافتيريا؟؟
ردت : مشواااار على ماتمشي وتوصل...<==كسوله ترى..:D

المهم

طق 00طق 00طق00طق ===> صوت علك مستكه بين اسناني :D

واخيرا شرّفت الاستاذه 00

الساعه ( 8:20)

كل بنت اخذت مكانها بالقاعه00الجو بارد شوي 00لانه تكييف مركزي0

بدت تحضّر البنات 00

فلانه بنت فلان >>>> نـــــــــعم
توته بنت......>>>> ارفع يدي بدون كلام

خلصت من التحضير وابتسمت 00انا بعدها عرفت انها تبي تقول شي بعيد عن المحاضره00

الاستاذه : بنات صح اختباركم يوم الثلاثاء؟
البنــات : اييييييييييييييييييييييييييييييه
الاستاذه : وش رايكم في منهج مادتي.... طويل.. اختصره لكم؟؟( حاسه فينا ا)
البنـات : يالييييييييييييييييييييييييييييييت والله00

وبعدين قالت وحده من الطالبات " ماعندها وقت" : تسلمين يااستاذه الله يعطيك العافيه
الاستاذه : الله يوفقكم..


طق 00طق 00طق 00طق ===> سبـــق ذكره

خذيت جوله تأمليه بالنظر بين البنات واشكالهم00

وحده توها قاصه شعرها وبازّه فيه ومستشورته0
وحده برداااااااااااااانه ومنكمشه0
وحده تلعب بجوالها0
وحده تشارك وتجاوب مع الاستاذه0

لحظة هدووووووووووووووء 00000000000

الاستاذه بدت تتعمق بالشرح وانا احوس بالملزمه اشوف وين وصلت 0هذي بنت قدّامي وتعدّل بلوزتها واللي قبالتها فيها النوم يعني لو اقرب لها مخده بتلقونها بعد كم ثانيه خاااااااااااااامده00

يعلى صوت الاستاذه وارفع راسي على بالي تقصدني لاني جالسه بآخر القاعه ومحد حولي 00

اشووووووا ماكانت تقصدني00

سألت سؤال وانا متعيجزه ارفع يدي واجاوب 00طفش00ويستمر الشرح والكل يخطط معها وفجأه سمعت كلمه ( غيـــــــــــــر مطلـــــوب) انا طبعا فزّيت وعلى طووول فتحت الملزمه بشوف وش المحذوف واشوف البنت اللي قريبه منّي بس ماقدرت اعرف أي صفحه ( الشوف شجر)
بس ابشّركم عرفت وش المحذوف وطلع 4 اسطر بسسسس
" الحمدلله ياتوته والله نعمه"


ملّيت من الجلسه واشوف ساعتي (8:45) بغيّر جلستي 00حطيت رجل على رجل ...

يووه تذكرت لازم اسوي نفسي متابعه معها عشان ماتسألني واتوهق 00بس المشكله مااقدر اتابع معها00انا زهقاااااااااااااااااااااانه وفيني النوم00


طق 00طق00طق00طق===> اكيد عرفتوا وش صوته00 :D
رجعت تسأل الاستاذه 00وجاوبت عليها نهى
غريبه اول مره تشارك بالمحاضره !!!!!!!!!!!!! :!

رجعت تسأل سؤال ثاني واخيراً رفعت يدي وعلى طول قالت ايوه ياتوته
انا : قلة المعلومات >> جواب السؤال0

اووه 00فكّه ان شاء الله ماتسألني00سنّدت راسي على يدي اليمين عشان اعرف اكتب زين00ورفعت راسي شوي واشوف بنت تعدّل شعرها00ونهى تشارك مره ثانيه => مات من الجن 10!!!!

اتثااااااااااااااااااوب ياالله فيني النوم واللي جالسه يمّي ساكته ماتحب تتكلم وقت المحاضرات وبراد والله الجو يساعد على النوم00

افففففففففففففف الدقايق تمر بطيئه وصوت عقارب الساعه فيه الموت والقاعه جوّها كئيب00

احكك00مشخت نفسي00ياشين الطقّه بالبرد00

......................................>> توته تفكر00


اللحين افتح الصفحه الرابعه من دفتري واكمّل خربشتي في المحاضره 00

فاصل ( اطقطق اصابعي)


الساعه (8:58)

طق00طق00طق00طق ===> مايحتاج اقولكم وش هالصوت00

هذي بنت قدامي طلّعت مرايتها وتتمقل في كشرتها وبس00اللحين تطمنت ان ملامحها ماطارت ورجّعت المرايه للشنطه00

فتره قصيره عشان ارجع لجو المحاضره واشوف وش يتكلمون عنه ؟؟
ايه يتكلمون عن التقليد عند الاطفال..

اتثاااااااااااااااوب مره ثانيه وعيوني منتهيه 00 طلعت (مناديل شركة الخليج للتموين)00
وهذي بنت دخلت القاعه00

طق00طق00طق00طق===> عارفين وشو00


الجو باااااااااااااااارد في القاعه وجلست اطقطق اصابعي مره ثانيه 00فاضيه وطفشانه وحاطّه حرتي بالعلك واصابعي00

رجعت اتثاوب ياربيه اخاف تجي عينها عليّ وتتسلط عليّ وانا مالي خلق لشي00

يدي تحكني 00يووه فيها جرح صغير 00اتذكر من ايش واتذكر من ايش ياتوته 00عجزت وقلت بلاش00
صوت عقارب الساعه ممل00


لحظة سمعت كلمه خطيره تقولها الاستاذه " قراءه
لازم اعرف وش السالفه وافتح الملزمه واكتشفت انها 3 نقاط بسسسس محذوفه
" ياتوته كم مره اقولك احمدي ربك شي احسن من لا شي"

الساعه (9:11)

مـــــــــــلل 00طفــــــــش 00قلــــــــق00زهــــــق

الساعه (9:12)

خلصت المحاضره واخيرا00 بس تقول معنا وقت الى نهاية المحاضره (9:30) ونبي ناخذ كم طالبه تلقي بحثها00

الاستاذه : يلا ياندى القي موضوعك

وجت ندى ياعمري حامل ووقفّت قدام الطالبات 00
بدت تتكلم بس محد شارك معها 00

اسمع صوت عقارب الساعه يجيب المرض00رفعت راسي الا والقى الاستاذه جالسه قريبه شوي منّي 00بس كل مره كانت ترتزّ جنبي بس لاني هالمره ناويه اخربش على راحتي مازحّفت لها ومسويه نفسي مانتبهت لها وهي تطالع فيني00


شهييييييييييييق 00زفييييييييييييييييييير

خلصت ندى من الالقاء 00

الاستاذه : شكــرا ياندى , وفا وتأشر براسها دورك00
جت وفا وهي متحمسه ماشاء الله 00وتتكلم بس ماادري وش موضوعها 00لحظه بنتبه لها شوي عشان اعرف وش الموضوع00

طق00طق00طق00طق===> مايحتاج اقول00

ايييييه موضوعها عن الاكتئاب00

حطيت القلم وتمغطت شوي التفت على يمني والقى بنت تلعب بجوالها 00
يوه مليت بعدّل جلستي وحطيت رجل على رجل عكس الحاله الاولى00سندت راسي على يدي وغاده مابرحت تلقي 0لالا والله خلصت ماشاء الله

الاستاذه : منى وتأشر براسها دورك بالالقاء
منـــــى : ماجبت بحثي اليوم0
الاستاذه : نوره
نــــوره : ماجبته
الاستاذه : منال
منال : ماجبته
الاستاذه : وليش وانا وش قلت لكم شكلي لازم اعاقبكم => ياقدمهااااااااااااااااااااا
خلاص اجل البنات اللي القوا لهم زياده في الدرجات...وطلعت بنات غيرهم بس ماادري وش اسماهم00

آآآآآآآآآآآآي راسي يوجعني00وارفع راسي مره ثانيه اشكال البنات تحف0

طق00طق00طق00طق===> عارفينه00

الساعه (9:26)

ياسلااااااام باقي 4 دقايق ونطلع من هالحبس00ياأني اكره الدراسه كره كره ماله حدود00

وافتح صفحه جديده من دفتري بس ماادري كم رقمها وارجع واسند راسي على يدي اليمين

ويقرب صوت عقارب الساعه المميت00تذكرت مقطع اغنيه خالد عبد الرحمن ( ذبحنا الشوق....)



واااااااااااو روعه لا ومن وين عرفتها مرسلينها لي بعض ناس00
خلّصت البنت ماشاء الله سريع سريع00

الاستاذه : فيه احد غيرها موضوعها قصير
وحده من البنات : انا بس استحي
رجعت انزّل راسي واخربش بدفتري00

يووووووه صارت الساعه (9:31) يعني خلّص وقت المحاضره 00والله قهررر ليش هم كذا يجوون متأخرين ويطلعون متأخرين 00

اكيد اللحين البنات بالكافتيريا يوه مايمديني اروح وارجع لمحاضرة الساعه (10)
توته وشوله تحضرين بدري اذا جت عشر وثلث روحي ) عاد ذيك عليله وماعندها ماعند جدتي استغفر الله العظيم00

خلّصت البنت تصدقون بدت وخلصت وهي تتبسم 00المهم خلصت00

واخيــــــــــــــــــــــــــــــــراً افــــــــــــراج00

يلا عاد بضّف عفشي الملزمه والدفتر ةالقلم وبطلع


ركضه احط الملازم في الصندوق... طيرااااااااان على الكفتيريا....<==جمعتنا هناك..


اتمنى مااكون طولت عليكم,,,,

مذكرات الطالبه ....توته:0)

[BECKHAM 7]

مذكرات حلوة...:0) :0) :0)

طق..طق..طق..=====حلوة ذي...:D :D :D

[تــوتـه]

حلوت ايامك..

طق طق طق طق:D :D :D تعرفها طبعا":"

[عبير الورد]

توتة .. مذكراتج عجيبة بس تصدقين فيها شبه كبير من مذكراتي الجامعيه .. :)
خاصة اذا محاضرة الصبح اووف الله يعين ..
انا مفتكه هالفصل ما عندي محاضرات اولى يعني انيي نصطبح بوجه دكتوور ما يرحم و ملل .. الله يعين والله ..
:) طق طق هاا .. :)
لا حلوة ذي .. ما خليتي شي ما سويتي في هالمحاضرة .. :) ما خليتي وحده ما شفتي شتسوي :) عليج قوة ملاحظة و اقوى شي انج تسمعين اهم جزء بالمحاضرة اللي هو ( هذا ملغي......هذا قراءة) هههههههه :)

سمعينا بعد و يا ريت تكون مذكراتج في القاء البحث :) ......:)

[تــوتـه]

تسلمين ياعبير الورد على ردك...


لكن انا مستحييييييل القى بحث قدام الناس:#



وانشاء الله اقدم لكم مذكراتي في االايام الجايه;-)

مع اني ماأحب اتكلم عن الكليه والدراسه ...


لان العطله جايه:cool: :cool: :cool: :cool: :cool: :cool:


تحياتي..
توته

[عبير الورد]

قوة توتة .. :)
شلون مستحيل وانتي بالجامعه ؟؟؟؟ هذا اظن شي مستحيل انه ما يمر عليج :)

انا يا حسرة علي القاء البحث ما يطيح الا براسي انا :) اذا احنا مجموعه .. :) و بحكم تخصصي (اعلام) تعودت على القاء البحوث و حضور المؤتمرات و المحاضرات و المشاركة فيها و هذا اظن صفة بالطالب او الطالبة الجامعيه ما تقدر تتهرب منه .. :)

يعني انتي اليوم بتأجلين البحث لكن باجر شنو بتسوين :)؟؟
اذا تبين اعطيج من خبرتي قوليلي بس انتي تامرين ( راحت وطي البنت عيل :D )

اشوفج على خير و اتحفينا بمواضيع حلوة جذي دووم يا توتة .. :)

[تــوتـه]

أنا ماأحب ألقي....

هو شي بسيط سوءأً ألقيت البحث أو لأ... بس زياده في كم درجه..للألقاء الجيد...



اذا تبين اعطيج من خبرتي قوليلي بس انتي تامرين


أعطينا:D :D ياخبيرة زمانك...":"



تعالي ياعبير الورد ليه ماتشاركين في منتدى المرأه معنا:( لازم دعوى..

يالله لاتفشليني..

خلينا نشوف مشاركاتك الحلوه;-)


الله لايحرمنا منك...


توته

[عبير الورد]

قوة توتة .. :)
بالنسبة لالقاء البحث فانا حاضرة بللي تبين ( يا خوفي يصير نفس كل مرة وتخليني انا القيه بدالها ) .. :D

بالنسبة لمنتدى المرأة والله ليت اشارك فيه وانشالله ما اردج .. قريب انشالله بس والله اعذريني انا توني جديدة على المنتدى و دخلته بس عشان منتدى الرسم اللي فيه .. لكن يوم شفت هالمنتدى الخاص بالجامعه حبيت اشارك و مشاغل الجامعه خاصة اني بفصل التخرج مع مشروعي و دراستي ماقدر ادش واشارك كثير .. لكن انشالله ادخل قريب بمنتدى المرأة واتشرف اكيد دام انج فيه ..

و تسلمين حبوبة . .

عبوورة / قطر

[تــوتـه]

ياهلا فيك في المنتدى ياعبوره...


وباين من ردودك ماشاء الله حبك لهذا المنتدى وتفاعلك معه...


بإبتظار مشاركاتك ياحلوه....:0) ;-)



أختك:

توته....السعوديه":"

[عبير الورد]

قوة توتة .. :)
تسلمين على كلامج الحلو و المشجع ..
انشالله اكون عند حسن الظن .. :)
اختج / عبوورة - قطر

[تــوتـه]

هلا عبوره....


تستاهلين أكثر...يالغاليه....:) ;)

[عبير الورد]

الله وناااااسة :)

[mody80]

طق طق طق طق !!!!! :D :D

نمسك الخشب .. الله اكبر على سنانك
:p ;) ;) :D :D

[تـ2@@2ـوتـا]

أحلا شي في مذكرتك ( المحاضره ) انك تذكرتي اغنية خالد ;-)

لا وبعد ذبحنا الشوق

واللي مايعرف هالأغنيه يسمعها دبحنا الشوق - لـــ ابونايف (http://www.kubbar.com/Music/abdelrahman-theba7na_alshooq.ram)