المساعد الشخصي الرقمي

مشاهدة النسخة كاملة : معرض رسوم الاعضاء مسابقة رسم فتيات خليجيات


shaheen
08-05-2002, 12:02 AM
هذا موضوع كان يراودني كثيرا

موضوع لرسم البنات الخليجيات وخاصة المتحجبات او المتغطيات

وهو موضوع حلو ويبيله شطارة ومهارة.

وهذا نموذج:) رسمتها منذ فترة طويلة حيث كانت فكرة الموضوع تراودني وايضا كلمت ونتر سول حول هذا الموضوع.
xero
08-05-2002, 05:55 PM
ما شاء الله....الله يكثر من امثال الرسمات الحلوة والى الامام

yours
the lost warrior
XERO
winter-soul
08-05-2002, 06:09 PM
شكراً شاهين:) على طرحك للموضوع;-)

وانشالله تشوف مشاركتي قريباً :)

وأتمنى نشوف مشاركات اللأعضاء;-)


وبالتوفيق للجميع:)
حسين-911
08-05-2002, 06:35 PM
والله فكرة تطير المخ وانت كبييير ..
يلا نبي نشوف الرسامات .. رسموا لنا رسمات عربيه :)
wildkitty
08-05-2002, 11:07 PM
مو حلو الواحد يرسم بنت لابسه حجاب ما ادري شلون بس احس انه الرسمه تسير بايخه
ما اتخيل مانجا لابسه حجاب
Ranma Saotome
09-05-2002, 01:03 AM
موضوع حلو وهذا اللي ناقص المنتدى بجد..
مانجا عربي يعكس حياتنا والشخصيه العربيه...
ووايلد كيتي من قال أن مب حلو...
شاهين اعتقد عنده كم رسمه لمانجا عربي وروايه عنده بعد ورسومهم للمانجا العربي رهييييييييييب من غير مبالغه.. الشخصيات جميله جدا جدا وجمالها يضاهي جمال المانجا الياباني من غير مجامله.. esoz كان عنده رسمه مادري للحين عنده ولا مسحها.. اظن مسحها ايام ماكنا في الشاليه :غضب: بط جبدي مع أنها كانت رووووعه وايد حلو وبالرسام.
shaheen
09-05-2002, 01:13 AM
wildkitty تعجبني صراحتج:)
لوجــــــين
09-05-2002, 01:32 AM
هاااااااااااااااااااي شاهين

تعجبني أفكارك

أنا الحين بيدي رسمه تناسب الموضوعك بس خلا أخلصها و انشرها

مانجا خليجية

وااااااااااااااااااااو أنا بس أعرف انت من وين تجيلك الأفكار

بس اصبر خلا أحط عليها الرتوش الأخيرة


أشوفك بعدين

بااااااااااااااااااااااي
:6 :6 :6 :6 :6
shaheen
09-05-2002, 01:44 AM
تدرين انج تعجبيني يا لوجين؟؟؟

احس فيج فنانة من قلب!!!

نبي نشوف رسمتج بسرعة!
Rewayah
09-05-2002, 01:56 AM
الرسالة الأصلية كتبت بواسطة wildkitty
مو حلو الواحد يرسم بنت لابسه حجاب ما ادري شلون بس احس انه الرسمه تسير بايخه
ما اتخيل مانجا لابسه حجاب
:)
wildkitty
09-05-2002, 02:00 AM
شاهين انا راح ارسم بنات خليجيات بس بدون حجاب
يعني يمكن احطهم بالبخنج ارحم
او الدراعه
اهم شي الحيول ( يعني بنات اول )
لوجــــــين
09-05-2002, 03:58 AM
هاااااااااااااااااااااااااااي شاهين

خلصت الرسمه

هههههههههههههههههه

ما تشبه البنت الخليجية

و لا عرفت الرسم الحجاب المسموت على الوجه

بس هذا اللي طلع منى هههههههههه

بحاول مرة ثانية أضبط الحجاب لأني أول مرة أرسم الحجاب على الراس

عطوني رايكم فيها
RPGboy
09-05-2002, 04:13 AM
حلوة لوجين و كيوت بعد ... ( أقصد الرسمة ) !
و خليجية ! الحجاب تمام و الخطوط حلوة !!
و الزمن قصير حق الرّسم :D يعني خلّصتيها بسرعة !!!
كلّش تمام ! ;)
لوجــــــين
09-05-2002, 05:09 AM
الحين بعرضها مرة ثانية
Ralph Jones
09-05-2002, 09:46 AM
ههههههههه !!!

كالعادة يا شاهين .... عندك افكار جنونية !!

فتيات مانغا متحجبات !؟

:أفكر: :أفكر:

ياااااااااااااااااااااااااااااع !! :o

لا استطيع التخيل !!!

":"



رالـــــــــــــــــــــــــــــــــــــــــــــف;)
Rewayah
09-05-2002, 10:23 AM
الرسالة الأصلية كتبت بواسطة رالـــف
فتيات مانغا متحجبات !؟

:أفكر: :أفكر:

ياااااااااااااااااااااااااااااع !! :o

لا استطيع التخيل !!!
:)
حسين-911
09-05-2002, 11:35 AM
شفيكم كلكم تكرهون المانجا المحجبه !!
قريبا راح تتعودون على الشغلة :)
حسن مان
09-05-2002, 11:45 AM
رسمتك يا شلهين فعلا حلوة وإنشاء اله راح أشارك

لوجين رسمك وايد حلو (تعجبني العيون) كأنها مستحيه من شئ (يمكن اللبس)
winter-soul
09-05-2002, 02:49 PM
مشاركه قديمه.....:)

بس

تناسب الموضوع;)
orange road
09-05-2002, 03:00 PM
حلوة الفكرة..
ومع اني ما اتقنها.. لكني باجرب..

محاولة لوجين ناجحة في نظري..
حلوة :)

وطبعا ونتر سول ما عليها كلام

شاهين.. رسمتك مب مانجا.. رسكتها واقعية اكثر..
كنت امتنى اجوف البنت باسلوب المانجا بس بالحجاب برسمك
شلون بتطلع؟؟؟

:)
wildkitty
09-05-2002, 03:04 PM
هاذي رسمه انا رسمته تعبر
عن القرقيعان
Ranma Saotome
09-05-2002, 03:37 PM
ياااسلام رسمتك حلوه وايلدكيتي.. كيووووت وايد...
حلو اللبس بسييييط والحجاب مع الويه المنجاوي..
وهاذي بعد عالسريع :! ماشالله عليك
وونتر سول أتذكر هالرسمه..أوف صج رهيبه..
حسين-911
09-05-2002, 03:51 PM
احم احم

وين القرقيعان ؟!؟

وونرت سول عيب ما اعلق عليها انتي قنبللللة نووووية ..
نبي وحده يديدة
fatoom
09-05-2002, 04:36 PM
السلام عليكم

وحشني المنتدى من قلب :D

أشياء حلوه قامت تطلع وانا ما أدري عنهاااااا:"

معليش بس أقدم أعمالي و إمتحاناتي و أبحاثي الممله:":

المهم

شباب

عندي سؤال ؟؟؟؟؟?:

هو انتوا عيونكم زرق و خضر و شعركم أشقر ؟؟؟؟

?:

والله حيرتوني ....انتوا عرب رحتوا رديتوا عررررررررررررررب

و إلي يصيير الحين تدريب عشان نطلع شيء عدل من فنونا

اليابانين طلعوا تراثهم لين حبيناه إحنا

و الأجانب نفس الشيء

إشمعنى إحنا نتلصق ( ما أقول إني مب متأثره )

لكن لازم نحاول و نعود نفسنا

ترا والله عندنا أشياء حلوه

بس مانشوف :)

المهم قلت خل أعرض لكم يمكن يمكن

نغير بأساليبنا

:D

و ابي رايكم ....
حسين-911
09-05-2002, 04:43 PM
اي والله صعدنا فوق نزلنا عرب ...

لكني ستغرب ليش نتلص فيهم ..!!
لكن تصدبق عندنا عرب عيونهم زرق عندي ربع واهل جذي :)
fatoom
09-05-2002, 05:10 PM
انا قصدت معنى ضمني :)

مش انه ماااافي .....ناس جذي ابد :D

المهم

بس نبي مشاركات من هل النوع

و نشكرك شاهين على هل الموضوع

:D

و هاي مشاركه ثانيه :)

معليش رسمتها على السريع :":

بس عشان هل الموضوع

( شرده من البحث ):D ههههههههههههه

زهههههههههههههههههههههههههههقت
wildkitty
09-05-2002, 05:20 PM
شكل الرسمه ماطلعت بحط مره 2
wildkitty
09-05-2002, 05:25 PM
اتحد احد يقره خطي بالرسمه
Ranma Saotome
09-05-2002, 05:53 PM
واااااو توتو هذا الرسم ولا بلاش...
اعتقد أن هذا بالضبط اللي يقصده شاهين...
الرسمه الاولى اللي كأنها عالسريع.. والله حلوه ومعبره واايد..
الرسمه الثانيه خيااااليه.. جمييييله... هاه الحين شرايكم يا أعضاء مب المانجا العربي أحلى.. بس نقطه وحده فطوم.. المفروض أنهم مخلصين توهم من الصلاه.. يعني المفروض أن الشعر كامل يكون مغطّى صح؟ ملاحظه بسيطه بس.. ولا من الناحية الجماليه ماعليها كلام..
وايلد كيتي.... هههه قجرت أقرى كل كلمه ألا 2 أو 3.. رسمتك حلوه..
Rewayah
09-05-2002, 06:11 PM
رسوماتكم حلوة! لوجين وونتر سول ووايلدكيتي وفطوم! :)
فطوم مالت الصلاة تمزج بين السكينه والمرح! :)
wildkitty
09-05-2002, 06:15 PM
رانماساتوم :
انا امقرقعه بالصوره
Rori
09-05-2002, 06:20 PM
ايوة كدة ياابلتي ...;) كدة الرسم ولا بلاش ...
ابدعت بمعنى الكلمة يافطومة الامورة ;)

رسماتج روووووووووووووووووووووووووووووووووووووووووعة
طبعا مب من شلة ال O.C.T ":"


WILD KITTY رسمتج CUTE ذكرتني بايام الطفولة ...انا مافهمت الكلام بس الرسمة اتجنن:D

تابعي ورينا اكثر ;)
wildkitty
09-05-2002, 06:33 PM
يمكن ارسم رسمه 2 بعد عن القرقيعان
انا بترجم الي قاعده اقوله بالرسمه لأن هني مو كاتبه بخط ايدي
قرقيعان او قرقيعان
بيت قصير ورميضان
عادت عاليكم صيام كل سنه وكل عام
الله يخلي كيتي ( يعني انا ) الله يخله لأمه
عسى البقعه ماتخمها ولا تواسي على امه
يا مكه يا معموره يام السلاسل والذهب يا نوره
احنا يينه بيتكم الله يخلي اوليدكم
احنه يينه سكتكم الله يخلي بنيتكم
احنه يينه شارعكم الله يخلي شايبكم
:D :D :D :D
مو حافظه الباجي شان كملت
fatoom
10-05-2002, 12:58 AM
:D
orange road
10-05-2002, 01:29 AM
فطوم...

توقعت انج بتنطين في النص مع البخنق..

عشقج وحياتج البخنق...

وهاي هو الدليل
Rori
10-05-2002, 03:42 PM
اتجننين يا فطيم اتجننين سووووووووووو كيووووووووووووت:D ;)




هاذي مشاركتي ;)
fatoom
10-05-2002, 04:22 PM
روري

كووووووووووووووووووووووووول

اتييييييييييييييييييييييين

رهيييييييييييييييييييييييييييييبه

صج رهييييييييييييييييييييييبه

مشاااء الله عليج :D

صج رسومج تحفه :D

و انا سعيده بعرضج لهم بطريقه عربيه :D

لأن هاي الهدف من رسومنا مش تقليد :D

تعالي خل أعطيييييييج بووووووسه ":"

يارهيبه :D

مشاركه قويه بالفعل :)

اتمنى الباقي يشاركون :)
حسن مان
10-05-2002, 04:52 PM
واي


والله إنكم ماشين 270/كم في الساعة في رسم البنات العرب

أنا إعتقدت إن رسمتي راح تكون (على الاقل حلوه نسبيا)

لكن رسماتكم تجنن


روايه: توقيعك وايد جميل

اورنج روود: انتي دايم رسومك تضحكني (لانها) so funny

فعلا البنت هاي (خليجيه مشاكسه)


فطوم: رسمتك كوكس تجنن وايد انا احب رسم أكشن مثل جذي نبي بعد رسمات ثانيه


وأخيراَ اكيد مو الاخير يا Rori

رسمتك خطير ,والا الحمام(أو شنو هذا ؟؟؟) يهبل من الروعة

كأني لا حظت رسمات ثانيه في الخلف هل هذه رسمات ثانيه او خلفيه للرسمة مالتك ؟؟؟؟؟



المهم اليكم رسمتي الغبية أرجوا إنها تعجبكم

تراها كبيره شوي (سوري)



http://hassansan.8m.net/images/miss_h.jpg
fatoom
10-05-2002, 04:55 PM
الرسالة الأصلية كتبت بواسطة Rewayah
رسوماتكم حلوة! لوجين وونتر سول ووايلدكيتي وفطوم! :)
فطوم مالت الصلاة تمزج بين السكينه والمرح! :)



فعلا هي فيها مرح و سكينه

وانا هاي إلي أحبه

تحس الأم مخلصه صلاتها و تطلب

و البنت بمرح تبي تطلب معاها :)

حلوه هاي المواقف

:)
حسن مان
10-05-2002, 05:01 PM
أوه أنا آسف يا wildkitty ما طلعت رسمتك الا بعد فترة طويلة (سوري)


قرقيعان :حلوة وايد كيوت (كأنها إختي الصغيرة)

رسمه وايد حلوة نبي نشوف بعد, ولو إنك ملونتها كان طلعت خطيرة
يالله ما علينا انتي وكيفك
اكرر رسمتك حلووووووووووه وااااااااااايد


نبي بعد
fatoom
10-05-2002, 05:49 PM
اوه حسن مان :D

حلوه الرسمه :D

اعجتني و بالذات روجها :أفكر: :D

تابع حسن مان :أفكر: ننطر المزيد :D
حسن مان
10-05-2002, 06:30 PM
أشكرك يا اختي العزيزة فطووم فعلا أنا بعد قلت أكيد إن فكرة الروج كانت حلوة
بس كنت وايد متردد احط الرسمة ماتلي هني لانها ما هي زي مستواكم في الرسم


طيب مو مشكله انا حطيت هذه بعد (انا عارف إنها محتشمه ) لكن على الاقل هي خليجية (صح) !!!!

أرجوا إنها تعجبكم

بيني وبينك انا أتقن رسم الوجه لكن الجسم(50%) ما أتقنه عشان جذي ما رسمته

http://hassansan.8m.net/images/babey.jpg
Ranma Saotome
10-05-2002, 06:51 PM
رسمك حلو حسن مان.. جميييل...
بس هاذيلا هم بنات هالايام هيهيهيهيهييي...صح.... احم لحد يزعل أتغشمر..
جـــــلـنــــار
10-05-2002, 06:55 PM
الله عليك ترى حلوه الفكره
صج يبيلهم ستر اشوي وهم حلوين وانشالله اساهم معاكم في هالموضوع ترى مافي صعوبه جرب يمكن يحافك الحظ مثلهم


صج عجبتني الفكرة وشكرااااااااا
wildkitty
10-05-2002, 08:48 PM
فطومه : علطول البست البخنق :D
يله انا وياك نطري علي رسم شكلي بالبخنق

يله بنات معانا :D

حسين مان : الحمره بالرسمه الاوله خطيره
القذله بالرسمه 2 تتتتتت وله احلى:D :D :D :D :D متنقبه وقذله اشلون
orange road
10-05-2002, 11:32 PM
روووووووووعة الرسمة روري...
اكرهج..
بس رسمج رهيب.. وروعة حركة الحجاب..
شجعتيني اني ارسم هالنوعية من الرسوم :)

حسن مان.. الرسمة مب رسمتي ... هي رسمة فطوم وانا لونتها بس :)
رسومك حلوة...
مثل ما قال رانما ما يبت شي يديد...
بنات هالايام اغلبهم جذي :(
الله يسامحهم...
هههههههههه
ممكن نعتبر رسوماتك نقد للوضع الحالي اللي يمرون فيه البنات الله يهداهم بس

فطوم.. فكرة... رسمينا كلنا لابسين بخانق..
لاتنسين البنطلون من تحت البخنق :)
تذكرين فطوم... (انا رايحة الآمعة) هههههههههه

حلو.. رسمينا واحنا رايحين الحية بية... بتكون رسمة من التراث الشعبي بشكلنا الاهبل :D
اترياها
حسن مان
11-05-2002, 05:02 AM
شكرا على صراحتكم

بصراحة انا كنت ابي بس اعرف كم عدد الاشخاص الي راح يتطرقون لموضوع القذله (بالذات) لمعرفة رايكم الشخصي في الموضوع بشكل عام


هو فعلا جبته على شكل نقد للبس بنات ها الايام

رانما :شكرا على الرد واتمنى إني اشوف مشاركاتك (دورت لك رسم في المنتدى ) ولا حياه لمن تنادي ؟؟؟؟

اورنج روود إذا الرسمه مالتي عجبتك ليش ما تسوين مثلها (ممكن تسوينها أحسن مني)


wildkitty:
القذله بالرسمه 2 تتتتتت
ما فهمت شنو معناه تتتتتتت


جـــــلـنــــار : مشكور على كلماتك وإنشاء الله نشوف لك مشاركة
فعلا الاحتشام امر جميل

قال الله تعالى { وقرن في بيوتكن ولا تبرجن تبلاج الجاهلية الاولى}

على فكرة عندي مشكلة مع الرسمه الاولى عشان جذي حملتها مرة ثانية على لنك جديد

http://hassansan.8m.net/images/g.jpg
Rewayah
11-05-2002, 10:46 AM
حسن ماان رسمك جميل... وذو أسلوب مميز وممتاز, وتلوينك يدهشني.
روري رسمتكِ قمة الخيال والإبداع... أحس أنها بتتحرك في مشهد كرتوني جميل!

حياكم :)
حسن مان
11-05-2002, 03:14 PM
شكرا على هذه الكلمات الجميلة الي جايه من فنان في رسم (الاجسام المفتوله العضلات )

ترى أنا إستفدت بشكل كبير (لا يمكن تتصورة) من دروسك مات الجسم

شكرا لك مرة اخرى
Loly
11-05-2002, 06:03 PM
أولا أحب اشكر الاخ شاهين على هالموضوع المميز, احنا فعلا بحاجة لمثل

هالمواضيع الي اتذكرنا بأصلنا و اتخلينا نفتخر بقيمنا و عاداتنا,,:o

رسوماتكم أكثر من رهيبة شباب:! , فعلا بديت اتخيل شكل المنجا العربي

:D ;)

و هاي مشاركتي

(مع انها مب في مستوى مشاركاتكم) :#
wildkitty
11-05-2002, 07:59 PM
حسين مان ماراح تفهم تتتتتتتتتت ( مو للأطفال )
:D :D :D

البخنق انا بعد بلبس بخنق من زمان ما لبست يا فطومه
هاذي انا بالبخنق شوفوني:D
حسن مان
12-05-2002, 02:58 PM
ما شاء الله رسمك يا Loly : مبهر وممتع للانظار فعلا رسمك فنان
استمري(عجبتني طريقة تلبيس الطفلة غصب عنها )

ماشاء الله يا wildkitty : الرسمه ماتك كيوت لابعد حد (نعم نبي مشاركاتكم)
يا جماعة الخير انا الاحظ إن رالــــف ما شارك ليه

نبي نشوف فنك في التعامل مع السياسة الداخلية لدول مجلس التعاون



ها هاها
zamby2002
12-05-2002, 11:06 PM
معليش فطوم سمحت لنفسي بتلوين رسمتج إن شاء الله تعجبج وبعد علشان تعتبر مشاركه مني في هاي الموضوع الحلو وياليت أقدر أشارك برسوماتي الخاصه بس السكانر عندي عله:"

ها شرايج فطوم:0)
AREXA
12-05-2002, 11:31 PM
فكرة حلوة ياا شااهيييين
بس انا مارسمت شي :(
بس ارسم عن هالموضووع راح احطلك رسمة انشالله;-)

:D براااافوووووو اخوي شااهيييييييييين:D ;-)
حنش صلب
12-05-2002, 11:34 PM
وينه شاهين؟؟؟؟؟؟؟؟؟؟؟؟ ما اشوفه؟؟؟؟؟؟؟؟؟؟؟؟

ابغيه في شغله:0) :0) ;-) ;-) :6 :6
AREXA
12-05-2002, 11:53 PM
حنش صلب الظاهر انت الوحيييد الموجوود على النت الحين ويااي
بليييييييييييييز رد على موضوعاتي:)

:# سوري شاهين اذا كتبت هالكلام ابموضوعك
بس انت ويييييييييينك:"
Majid Ali
13-05-2002, 12:05 AM
ماشالله رسوماتكم روعه;)
انشالله بحاول اشارك هنا:-)
wildkitty
13-05-2002, 01:11 AM
اريكسا ياله رسمي انا ناطره رسمتك
ماجدالي : يخبري انت من وين طالع من القبر من زمان ما شفنه اسمك
fatoom
13-05-2002, 10:34 AM
السلام :D







لولي : إخرسيييييييييييي

وين روري عنج خل تعطيج طراق يصحيج :)

لأن الرسمه معبره و تييييييننننننن

سويييييييييييييييييييييت :D

شكل البنت بتشنق نفسها :D ههههههههه( امزح )

بس روعه فكرتها رهيبه :D






و زومبي حبيبتي

مشكوووووووووووووره على التلوين :)

و الأحلى انه منج ;)

ثااااااااااااااااااااااااااانكس حبيبتي :D

:)






و يلا شباب شاركوا وااايد الموضوع حلو :D

ننطر مشاركاتكم :)
zamby2002
13-05-2002, 06:32 PM
الرسالة الأصلية كتبت بواسطة Loly

و هاي مشاركتي

(مع انها مب في مستوى مشاركاتكم) :# [/B]

ندري حبيبتي أنها مب في مستوى مشاركاتنا هيأعلى من مستوانا صح :!
وإذا عندج كلام غير جذي أقولج جب زين:غضب:
Ranma Saotome
13-05-2002, 06:53 PM
reeeeeeeaaaaaaahhhhhheeaaaallly sweet Loly
رسمتك حلوه... معبره.. وايد ظريفه... يعني اسلوبك مميز عن جد.. شلون البنت الصغيره ماسكه الحجاب.. حلوه وايد.
وايلدكيتي............. حلوه وضعيتك وانتي لابسه البخنق.
زامبي: عطيتي رسمت فطوم حقها في التلوين.. تلوين كأنه بألوان مائيه..
كلكم رسومكم رووووعه، بس وين شاهين ؟!! حط الموضوع وصارله مختفي فتره ؟؟؟؟؟!!!!!!!
Rewayah
13-05-2002, 09:01 PM
لولي رسمتج ختيييرة! :)
عاجبتني البنت الصغيرة المعصبة!! ;-)

وايلدكيتي, أنتي رسمتج وايد حلوة وكيوت! :)
هذا هو البخنق؟ :p
تحملي منه!! تراه أييب للواحد "حقر بو بقر"... ":"

زامبي تلوينتج لرسمة فطوم أعطى للرسمة صورة جمالية أخرى مختلفة! :)
مع إني بعد حبيت اللي بالأسود وأبيض! :)

أحسنتم وأشكركم :)
الكركم مفيد للصحة على فكرة! :D
wildkitty
13-05-2002, 09:58 PM
رانما ساتوم . روايه : شفتوني وانا لابسه البخنق :D
اي والله روايه بس البخنق خفيف يعني اقدر اتحمله
اهو كل يلبسونه مره بالسنه من زمان وايد من زمان بطلت البسه
Dark Eyes
14-05-2002, 12:03 PM
hey you girls you have done well
your artworks are very very wonderful

beleive it or not
I will join you this compitition

see you