المساعد الشخصي الرقمي

مشاهدة النسخة كاملة : معرض رسوم الاعضاء XERO Galleryلا حد يفوته العرض!!!^_^


الصفحات : [1] 2
xero
08-05-2002, 06:12 PM
السلام عليكم....
اليوم وانا اتصفح في الموقع قريت بالصدفة موضوع اورانج رود عن الازدحام و عن تخصيص موضوع واحد لعرض كل الرسوم في موضوع واحد.....وانا موافق على هالاقتراح....بس المشكلة الحين اذا عندي رسومات جديدة وحبيت اعرضها على نفس الصفحة...شلون اخلي غيري يعرفون انه فيه رسمات جديدة؟
الحين عندي رسمات جديدة وانشالله تعجبكم وكلها multi يعني مكس.....وبالنسبة للاخ ألوكارد القصة عجبتني كثييير واللعبة خلصتها (سيمفوني اوف ذا نايت) من زمااااااااان ومع ذلك بتظل حلوة!
xero
08-05-2002, 06:19 PM
وهذي رسمة ثانية
xero
08-05-2002, 06:22 PM
وهذي ثالثة
xero
08-05-2002, 06:24 PM
وهذي رابعة
xero
08-05-2002, 06:26 PM
يلا وهذي أمس على السريع سويتها
BUBLE
08-05-2002, 06:45 PM
رسوماتك حلوة وبالاخص الخيالية انت تضبط الشكل ضبط خاص وتظليلك رووووعة
انا احب التطليل بالرصاص
بس اقول انك تضبط الاجسام احسن من الوجوه بس هم رسمك حلوووو:D
xero
08-05-2002, 08:29 PM
شكرا bubble ولعلمك ما في مرة قعدت على رسمة الا ولازم اتركها وبعدين ارجع لها...يعني المزاج يخرب وما اصيب الرسمة الا بعد فترة
وانا ابيغكم تحكمون على رسماتي وانشالله تنال رضاكم.
والسلام
xero
08-05-2002, 08:31 PM
here you go
سونيك وشفناه....طيب في حد سمع عن ميتال سونيك أو ميتاليا؟
xero
08-05-2002, 08:35 PM
احم احم
قريت قبل فترة عن موضوع النينجا و حاولت ارسمه لكن شكله طلع ساموراي وانا ما ادري!!!!!!!!!!
xero
08-05-2002, 08:36 PM
شوفوا وقارنوا
xero
08-05-2002, 08:50 PM
?????????????????
محاوله فاشلة للرسم بالحبر والاولوان الخشبية!
:(
xero
08-05-2002, 08:52 PM
حد يقوللي what is this?
xero
08-05-2002, 08:54 PM
بس علشان موضوع الوجوه حبيت تشوفين هالرسمة وانشالله تعجب الكل
xero
08-05-2002, 08:59 PM
في حد سمع عن GUNDAM؟ أنا متأكد ان اللي بالكويت يعرفونه......
orange road
08-05-2002, 11:07 PM
حلوة رسومك اخوي..

احسك وايد تضبط شخصيات ميجا مان وجن دام.. (اعتقد ان هالاليين من جن دام وينج.. صح؟)...

يا ريت بس تصغر الرسوم اكثر ...
علشان نقدر نجوفهم بشكل احسن..

وخلاص.. انت الحين فتحت لك موضوع الجاليري ذي.. كل ما تكون عنك رسمة يديدة حطها فيه..
الموضوع بيرتفع وبنعرف ان فيه رسمة يديدة :)

بالتوفيق
alucardracula
09-05-2002, 08:19 AM
السلام عليكم
أخوي زيرو رسمك:واو: حلو و ما عليه كلام خاصة رسماتك للآليين أحس أنك تضبطهم واصل أخويي و لا يهمك أنت أعرض رسماتك و احنا بنعلق..
بخصوص كلامك عن كاسلفينيا شكرا على هذا الكلام الحلو و كله من ذوقك الأحلى و تشكر على هالكلام و الله يوفقك.
حسين-911
09-05-2002, 09:02 AM
اخوي الصور كبار ..
لو تصغرهم بالفوتوشوب .. احسن يكون :)
او لما تسكنر .. خلهم على دقه شوي صغيره :)
xero
09-05-2002, 09:32 PM
تسلمون شباب على هالكلام وشكرا أورنج رود على المعلومة والتقييم....وماشاءالله على طول عرفتوا اسلوبي.....بس والله حبيت اسأل رالف شلون يرسم.....يعني ايش انواع الاقلام او الالوان اللي تستعملها؟ وplz لا تخفيها علينا :D ......رالف.....أرجوك خلص الكوميك....ولا أنا اكمله عنك؟؟؟؟(بس بعد اذنك طبعا!!)
وبالنسبة لالوكارد شكرا وأنا قاعد احاول ارسم الوكارد


وجزيل الشكرلبقية الاعضاء
BUBLE
10-05-2002, 12:18 AM
جيد جدا
رسوماتك حلوة وااايد وتلوينك بالاقلام الخشبية حلو بس يبي لك في التظليل شوي علشان تكون الرسمة اكثر واقعية واحسن الالوان للتظليل الخشبية المائية انا دايما استعملهم وتعطي نتيجة ممتازة
;)
لوجــــــين
10-05-2002, 01:31 AM
موفق

رسماتك رهيبة

الرجل الألي دخل خاطري أرسم وايد منهم أوكي

و صورة البنت اللي قاعده تطق الصبي هههههههههههه أما كذا و لا بلاش

كمل رسمك و انشالله تتطور و تصير أحسن رسام أنيم

بس ملاحظة بسيطة

الرسمات حاولا تنزلهم أصغر من ناحية الحجم علشان سرعه التحميل أوكي

و سلامتك

راح على طول نتابعك و لا تخاف ما راح نطوفلك شي

و هذا مسماري و دقيته هههههههههههههههههه

و استمر في رسمك

بااااااااااااااااااااااااي;-)
جـــــلـنــــار
10-05-2002, 04:58 PM
الله سالزين تصدق كل ما سمعت عن جاندام على قولتك ذكرتني بأخواني

ترى يموتون عليه وكله معاه في السوني
dr_jaw3an
10-05-2002, 06:12 PM
ماشأللهرسمك ممتاز

انا شفت فلم قندام وينق و عجبني مرررررررررررررررررررررررررررررررررره
انا رسمت رسمه لقندام لكن ماعندي سكانر:D
xero
11-05-2002, 06:01 PM
السلام عليكم....
هالمرة انا عندي رسمات جديدة وانشالله تعجبكم وابيكم تشوفون رسمة انا مسويها بال(paint brush ) وما كملتها بس انشالله بخلصها لما الاقي وقت!
xero
11-05-2002, 06:03 PM
هالمرة وهي ملونه
xero
11-05-2002, 06:06 PM
رسمه بعد ما خلصتها
Ralph Jones
11-05-2002, 06:06 PM
رسومك جميلة جدا و متقنة ...خاصة الرجال الأليين ... :) :) :)

ونحب نشوف لك شغل ملون :)


وأهم شيء ان تستمر بالتدريب


تحياتي ..........!!
:)


رالــــــــــــــــــــــــــــــــــــــــــــــــــــــــــف;)
xero
11-05-2002, 06:12 PM
رسمه بالرصاص
xero
11-05-2002, 06:14 PM
D-HELL COSTOM
xero
11-05-2002, 06:16 PM
شيل وحط(ما حد شايف).....

وشكرا يارالف وخلنا دايما نشوف ردودك على المعرض!
xero
11-05-2002, 06:18 PM
............
xero
11-05-2002, 06:21 PM
طبعا مب كل رسومي على الاليات
Cool_Maxi
11-05-2002, 07:22 PM
Mechs, mechs, mechs how can you live without them

xero, you have an awesome talent in drawing anime-style mechs and you add a lot of details to them which makes them look cool as hell

By the way, you're name is cool, I like the MegaMan series and I like Zero more
;)
We hope to see more colored drawings from you
wildkitty
11-05-2002, 08:07 PM
شكلك تحب الالين
عشان شذي رسوماتك الين
حلوه الرسومات;)
xero
11-05-2002, 10:37 PM
شكرا لجميع (شللة) المنتدى وانشالله مانقدم الا الافضل....والصراحة من انا صغير وانا أحب أرسم الاليات بس مب كل رسوماتي على الاليات(معظمها)....وبخصوص الالوان ,بصراحة ما عندي نفس خبرة رالف أو بقية شباب المنتدى في التلوين...واذا لونت راح اخرب الرسمة بس لازم نحاول(ما ورانا شي^_^).........وانا متأكد انكم تعرفون ترسمون احسن مني وماشالله رسوماتكم تنطق عن مهاراتكم وكل واحد له مجاله او مهارته في شي معين
والسلام
wanna
12-05-2002, 12:42 PM
اللــــــــــــــــــــــــــــــــــــــــــــــــــــــــــــــــــــه:واو: :واو:


اخوي رسوماتك غايه في الاتقان.. خطوطك دقيقه ماشاءالله عليك
باين عليك اتحب هالشخصيه ,,مثل اخواني:-) :-)
استمر ناطرين المزيد,, لا تغيب:D
BUBLE
13-05-2002, 09:25 PM
حــــــــــــــــــــــــلــــــــــــــــــــــــــوة
عـــــــــــــــــــــســـــــــــــــــــــــــل
:0)
انت
مــــــــــــــوهــــــــــــــــوب
بدرجة
عالية;)
xero
13-05-2002, 09:59 PM
السلام عليكم....
أشكركم bubble+wanna على الردود الجميلة وبصراحة.......:# خجلتوني

وما أعرف شلون أعبر عن شكري.....اعذروني لأني غبت لفترة بسيطة عن المنتدى وكله من ورا الامتحانات!! ااخ راسي...سووا فينا الهوايل وكل دكتور ما يراعي انه الطالب ماخذ مواد غير...شافين نفسهم....نصيحة لكم.....لا حد يقترب من جامعتنا (جامعة قطر).....ما تترك الواحد فينا من شرها وكل شي فيها عجيب غريب وعليها حركات نذالة .............:غضب:
اسمحوللي على الكلام ولكن عندي أخبار حللووووووة لي:خلصت (درزن) الامتحانات ونتايجيOK وباختصاصي(البرمجة) جبت B+ هيييييييييييه‍‍‍‍‍‍
‍‍‍‍‍‍?عندي رسمات جديدة وحبيت انشرها وانشالله تعجبكم
xero
13-05-2002, 10:01 PM
وهذي رسمة جديدة....اشرايكم كل واحد يحاول يرسم شخصيته ؟
wildkitty
13-05-2002, 11:04 PM
انت رسمك كول بالالين;)
حنش صلب
13-05-2002, 11:39 PM
اعملو مسابقه للرجل الالي................ عشان ارسم الجير المعدن اللخم (متال جير راي)
xero
15-05-2002, 06:55 PM
يالله.....ما ألحق أخلص امتحا والا أطيح بأمتحان ثاني......الى الأخت أورانج رود وفطومة......والله العظيم انه الكومكس رهيب .....من الضحك حسيت اني بانفجر!!!!
على العموم........plz ابي اخذ اذنكم في الكومكس الجاي اللي باسويه وشوفوا لي دور!!!
xero
15-05-2002, 06:57 PM
اسمحوا لي الرسمة طلعت كبيرة......انشالله تعجبكم الثانية
xero
18-05-2002, 02:45 PM
شكله الشباب\الشابات(عشان ما حد يزعل) مشغولين بالامتحانات....الله يعينكم وانشالله تنجحوا وخلنا نشوف ردودكم!
shaheen
18-05-2002, 11:49 PM
الرسومات حلوة وفوق الحلوة
اسلوب جديد على رسامي المنتدى

وان شاء الله بنجاريك فيه... بس نبيك ترسم على ورق ابيض وممكن لو تلون الرسمات بالكمبيوتر

رسمات البينت روعة وفظيعة لانها عاجبتني وايد بدقتها:)

ورسومات الاليين رهيبة ومتقنه... على فكرة انا احب رسم الاليين بس بطرق متنوعة:)
xero
19-05-2002, 10:12 AM
شاهين رد غلى معرضي؟؟؟؟؟؟.........شكرا على ردك الجميل وبالذات في هالفترة وانشالله ما نسوي الا اللي يعجبكم!
والسلام
Dark Blue Soul
19-05-2002, 01:38 PM
wow Mashallah so cooooool :)
xero
19-05-2002, 02:12 PM
thanks dark blue soul and i am looking forward for your drawings
xero
22-05-2002, 06:22 PM
للرفع ال"زيروي"
:6
xero
27-05-2002, 12:13 AM
رسمة رسمتها أمس وقت ما كنت أدرس!!!





الامتحانات ومصائبها!!
shaheen
27-05-2002, 12:34 AM
اولا لرسم مانجا يجب ان تتعلم رسم كل الانواع حتى تتمكن بقوة... وهذا ما اراه فيك ماشاء الله عليك

ثانيا اريدك ان تدخل مجال التحبير فبل التلوين بالكمبيوتر... على الاقل نرى رسومات بالاسود والابيض:)

ثالثا... لا تضيع موهبتك... ترى رسم الاليين مجرد ذرة في موهبتك فطورها بلا توقف:)

والى لقاء:)
miaka yuki
27-05-2002, 08:23 PM
شكرا شاهين وبخصوص التحبير والتلوين على الكمبيوتر......بصراحة انا بحاجة للتعلم على الفوتو شوب و بحاجة للتركيز في التحبير......مشكلتي في التحبير.....لو تساعدني وتحدد لي نوعية القلم الخاص للتحبير

وتحياتي الى جميع اعضاء المنتدى......
والسلام
RSSAM
27-05-2002, 08:36 PM
هاي زيرو ماشاء الله عليك رسمك حلو

بس ليش خطوطك وايد سريعه وما تستعمل المساحه وايد؟

تعود الهدوء والدقه والتركيز تيب رسمه مدهشه

شكلك تقدر تسوي احلا من جذي ;-)
xero
27-05-2002, 09:08 PM
شكرا شاهين وانشالله بحاول بالحبر بس اذا تقوللي نوعية القلم اللي تستخدمه للتحبير؟




وبعدين انا عندي جنك ملياااااااااااااان على الاخر وبشوف له مكان!
xero
27-05-2002, 09:40 PM
شكرا شاهين على الرد وانا بصراحة كنت احتاج لرد يعطيني charge لارسم من أول


شاهين......انا بحاول استعمل الحبر بس اذا تقوللي عن نوعية القلم المناسب للتحبير
wildkitty
27-05-2002, 10:05 PM
هاي
حلوه رسوماتك
سوري انا ما شفتهم من قبل
nice



:)
xero
27-05-2002, 10:28 PM
رسمه جنك سويتها اليوم



الوحي ما يجيني الا وقت الامتحانات!
xero
27-05-2002, 10:31 PM
رسمة ثانية


اقولكم الالهام ما يحضر الا وقت الامتحانات!


ملاحظة: الرسمة ما أخذت مني 5 دقائق وعلى السريع سويتها
orange road
28-05-2002, 11:44 PM
زيرو....

رسومك للآليين روعة...

ودقيقة وايد...

ووايد عجبتني الرسوم اللي مسويها على البينت...
ما شاءالله دقيق...
احسك لازم تكون رايق وانت ترسمهم

بس مثل ما قال شاهين
اخوي انت فنان...
حاول تنوع في الرسوم ومب بس تركز على الاليين
(مع اني احسدك لاني مستحيل اعرف ارسم اليين :( الا اذا بانلقهم)

بس ما اقول الا الله يوفقك...

بالنسبة للقلم...
اذا كنت مهتم.. انا استعمل اقلام pilot :)
في عندهم احجام متنوعة... ولونها الاسود وايد اوكي :)
Ranma Saotome
29-05-2002, 06:07 AM
سووووووووووري عالرد المتأخر :o .....
رسمك اخ زيرو رهييب في الآليين..
تصدق! مافي حد تقريبا في المنتدى مركز على هالجانب..
يعني مانشوف رسوم آليين في المنتدى ألا نااااااااااااادر..
انت ماشالله عليك اتقنت رسم الاليين..
لكن ليش معظم الرسمات مو كامله..
ووووووووووووووووووو... مثل ماقالو باقي الاعضاء حاول تنوع بعد في اسلوبك وترسم شي ثاني :-)
xero
29-05-2002, 10:26 PM
شكرا اورنج رود على الردالجميل وما تشوفون مني الا اللي يعجبكم....

اورنج رود............. من قبل ما ادخل المنتدى ما كان عندي سبب معين للجلوس على النت والدوارة في النت عالفاضي الا لين ما واحد من الشباب خبرني عن الموقع نصحني بعرض رسوماتي.....ويوم دخلت المنتدى وشفت رسومكم تشجعت اكثر على الاشتراك وعرض رسومي......بس في شئ واحد غريب في المنتدى........وين رسمات الآليين؟.....وانا اعترف اني احب ارسم الاليات اكثر من البشر!.....بس مب كل رسومي على الاليات!.....عندي رسمات ثانية وانشالله بسوي موازنة بين الاليات والبشر في المنتدى.......(احلى ميزة في المنتدى الحين انه في رسومات منوعة!)


رانما.......وين "شامبو" عنك لازم اتصل فيها واقول لها انك مع "اكونى"؟

وشكرا وانشالله نشوف معرض لك انت رانما
Ranma Saotome
29-05-2002, 10:32 PM
لا تكففففففففففففففففففففففففى.. الا شامبو..

زيرو مبرووووووك.. انت كتبت الرد رقم 13000 في منتدى رسم المانجا..


وانا 13001 ههههههه..
xero
29-05-2002, 10:43 PM
مين؟؟!..........أنا؟!! :D ........ياهوووووووووووووو



انا محظوظ (وبالغلط) يييييييهاااااااااا..........!!!!!!!!!!!!!!


لأول مرة في حياتي يصير لي شئ حلو......الحين اقدر اتفاخر بالرقم 13000 ...........


رانما........شامبو اتصلت فيني واتفقنا على خطة!!(ضحكة شيطانية)هيهيهيه!!


""شلون عرفت انه الرد 13000 ؟؟؟""
Ranma Saotome
29-05-2002, 10:54 PM
احم... شامبو... خلها على جنب..

الله يسلمك سهله..
انا لما كتبت رد ورجعت بعدين لصفحة منتدى الرسم الحر..
شفت ان في منتدى رسم المانجا 13001.. وآخر رد كان ردي..
فدورت من اللي رد قبلي مباشرة.. و luckly كان انت..
يعني الحين رقم الحظ عندك 13000 :! خخخخخخخ
xero
29-05-2002, 10:57 PM
gee.....so thats how you did find out the number!!!!!


ranma........i think you live in qatar........

me too!!
xero
30-05-2002, 09:54 PM
واحدة من جنك الامتحانات!




جا على بالي دايسكي..........وحاولت ارسمه!
xero
30-05-2002, 10:05 PM
sorry......here it is !!
xero
30-05-2002, 10:08 PM
سوري.........في شئ غلط بالوصلة!
xero
30-05-2002, 10:11 PM
جنك ثاني
xero
30-05-2002, 10:17 PM
جنك ثاني
xero
30-05-2002, 10:21 PM
شالسالفة مع هالانترنت!؟؟؟
xero
30-05-2002, 10:22 PM
another one
wildkitty
30-05-2002, 11:53 PM
nice:)
xero
03-06-2002, 03:15 AM
هاي رسمة اخذت مني 3 ايام من مشاهدة fushigi yugi حتى اعرف ملامح
هوتوهوري!!!

والصراحة...... مافي رسمة تعبتني مثل هالرسمة!!!

وانشالله تعجبكم
Ranma Saotome
03-06-2002, 01:16 PM
المعرض مازال مستمرا :-) حلو
آخر رسمه باين انك تعبت عليها.. لأنها حلوه ماشالله..
تشبه الشخصيه..
بس شي واحد بسيط... قسم الشعر اللي خلف الكتف مش ولا بد يعني..
كل شي تمام والشعر مضبوط الا هالجزء..
CUTE NURIKO
03-06-2002, 01:31 PM
WOOOOOOOOOOW:واو:

انا مجنونه ب Hotohori ( مب لاني نوريكو)

حلو .. حلو .. حلو... :D

و ملاحظة محلل الرسومات في المنتدى ranma صح 100%

keep going
xero
03-06-2002, 08:06 PM
شكرا نوريكو........والصراحة انهلكت عليها وانشالله بتعلم من الاخطاء.......رسمة لنوريكو جاية على الطريق(بس بعد الامتحانات!!)

والسلام
.............
xero
03-06-2002, 08:25 PM
وبالمناسبة........رانما تقييمك دائما دقيق وجميل وفي محله.....لو كان الموضوع بيدي كنت خليتك محكم رسمي على العارض والرسومات
GM Custom
03-06-2002, 11:03 PM
ياا سلام على رسومك ......... يسلم إيدك بس على Gundam Wing Zero Custom .

بصراحة لديك أخطاء لا تعد لZeta Gundam .

حاول أن تذهب إلى Gundam.com (http://www.gundam.com) أو the Gundam Box (http://side7.gundam.com/the_gundam_box) لتحصل على تفاصيل ال Gundam ;-)
xero
03-06-2002, 11:23 PM
شكراgm بس الصراحة فيني ارسمها احلى واحسن وانا كاتب انها جنك و انها خرابيش على زد جندام.........ما اخذت مني حتى دقيقة لرسمها!


وشكرا
جـــــلـنــــار
04-06-2002, 01:15 AM
فضيع وجميييييييييييييييل واي وايد

ذكرتني بأيام طفولتي دايسكي من الببايات الي اتابعها

من قبل صج ايام ما تنعاد شخبار البا باي هههههههههه

بس انك بهذا مقلد وايد مضبوط وأكيد بنشوف أكثر

ترى هم ما نشبع من شوفتنا لهم000000000000

:6 coooooooooooooooool


الفال لييييييييييييييييييييي
جلنــــــــــــــــــــــــــــــــار:)
GM Custom
04-06-2002, 02:26 PM
العفو يا Xero ,أنا أريد الأفضل للجميع كي يرسموا بدقة.

مع أني أصمم الآليين و Profile فقط وحبي Robots .

إن كنت قد شاهدت G Gundam ؟ فتصاميم Gundams بالهبل (لكل دولة gundam ) :واو:

سوف أرسل لك الصور إنشاء الله
xero
04-06-2002, 04:37 PM
اخ جي ام......كل مسلسلات جندام شفتهم ومثل ما قلت عن جي جندام لكل دولة جندام و انا شخصيا عجبني جي جندام.....اقول...
what kind of GM's are you?....
GM Custom
04-06-2002, 10:59 PM
أنا RGM-79N المعروف ب GM Custom .":" ":"
بقياة الطيار المحترف South Burning .
الذي ظهر في Gundam 0083: Star Dust Memory

:p
xero
18-06-2002, 02:33 PM
رسوم جديدة!!!!
xero
18-06-2002, 02:35 PM
وحدة ثانية!!!
RSSAM
18-06-2002, 02:46 PM
وووواااااااااااااااااااااااااااااااووووووو:واو:

بصير ذيب :D شنو هذا زيروو انت وين كنت خاش القالري مالك تصدق توني اشوفه :!

مشالله شهالرسم شهالزين

بس رسمة البنت الي كاتب يم راسها زيرو هذي روعه وايد حلوه

وشد حيلك خل نشوف رسمات دقيقه

ايوووووووووووااااا يالبطل:D
xero
19-06-2002, 04:21 AM
رسام.....الجايري كان موجود بس انا تكاسلت احط رسمات جديدة!!!

وانشالله سأضع المزيد!!!!

شكرا رسام
xero
19-06-2002, 11:52 AM
رسمة ثانية(تخيلت توتو وهي mobile suit )!!!!!!!!!
RSSAM
19-06-2002, 04:01 PM
لووووووول حلوه الرسمه زيرو ضابطها :D

بس الجسم وايد مضعفه يبيله تكبير وتصغير المسافات مثل الريول لازم تكون اصغر من جذي

والرسمه جميله

وخل انشوف بعد مو تقطع;-)
shaheen
19-06-2002, 04:33 PM
هلا يا زيرو
رسوماتك حلوة جدا وتحتاج الى تلوين وتحبير:)
فعلا عندما ترسم اشياء اخرى غير الاليات تفاجئنا برسم اخر:)
لكنك تتقن النوعين ... المزيد يا اخي وبصراحة انت تشجعني لاضع جاليري خاص فيني:)
Ranma Saotome
19-06-2002, 08:43 PM
ااه... لم انتبه لآخر 3 رسمات...

الاولى... جميله بصراحه.. واقف تدافع عن الفتاه.. اهم شيء سلامة الفتاة;) هعهعهعهعهعهع... جميله الرسمه..

الرسمه الثانيه... اهاااااا.. هذا مانريده من جميييع شباب المنتدى.. تدربوا على رسم الفتيات والرسم الظريف.. البنات سيهزمون شر هزيمه نياع نياع نياع نياع (الضحكه بعد التطور) هعهعهعهع

الرسمه الثالثه... هل هذه فطوم !!!.... ههههههههه


لو تعرض بعض الرسوم الملونه ساكون جزيل الشكر لك ياصديقي...
xero
24-06-2002, 03:07 AM
انا رجعت مرة اخرى!!!


اسف رانما لردي المتأخر وشكرا يا شاهين على التشجيع!!


الصورة الاولى اكيد تعرفون من كانوا!!

اما الحين عندي رسوم سويتها اليوم دفعة واحدة!!!
xero
24-06-2002, 03:13 AM
رسمة ثانية!!!
xero
24-06-2002, 03:18 AM
الاخيرة ولكن ليست الاخيرة!!



هذه الرسمة جرحت يدي وانا ارسمها!!!
shaheen
24-06-2002, 08:21 AM
يا سلام عليك
انت معجب بميغا مان
عندي كم صورة لمانجا ميجا مان تبغيها؟

رسوماتك وايد حلوة ... والتظليل حلو

شنو اخر رسمة؟ نبي بعد بعد:D
**lonely star**
24-06-2002, 09:43 AM
رسمك وااااااااايد حلو بس ليه ما تلون رسماتك بتطلع مره احلى خصوصا ميغا مان حلاتها بالوانها;-)
xero
24-06-2002, 03:26 PM
شكرا شاهين وانا بالفعل من المعجبين "تقريبا بكل شئ!!" و زيرو هو لاعبي المفضل!! واكثر الاجزاء المفضلة عندي هي من اكس واحد ولفوق!
شاهين....انت عندك المانجا لميجامان اكس؟؟

لونلي ستار.....اسم حلو كثيير وانا بصراحة احس انه الرسم بالرصاص افضل لأنه اذا حبرت الرسمة بتخرب!!!!




وانشالله بحاول احبر بعض الرسمات!!!



انا الحين عندي رسمة قديييييييييييمة!!!...سويتها من قبل 10 شهور!!
xero
24-06-2002, 03:44 PM
انا الحين هالتوقيع الجديد صممته وانشالله بشوفله مكان
xero
24-06-2002, 04:01 PM
شاهين....اي عضو بالمنتدى!!......ارجوكم انا راسي بينفجر من مشكلة التوقيع....التوقيع انا سويته والمشكلة الحين في وضعه كتوقيع رسمي!!....وين احمل هالصورة؟؟؟!!
GM Custom
25-06-2002, 12:30 AM
الرسمة حلوة بالنسة إلى عمرها

أنا موسوعة ال Gundams وياك:D

حاضر لك لترسم أحلى حتى تتقنهم :6
xero
25-06-2002, 10:37 AM
شكرا جي ام....وهالرسمة سويتها يوم ما كان الدكتور يهذر ويتكلم كلام ما حد بالاصل فاهم حرف منه وانا عندي رسمات جديدة!!!


اقول جي ام....ما شاركت من قبل في جندام.كوم؟...مثل رسمة ولا شئ؟
xero
25-06-2002, 10:45 AM
الرسمة لذكرى زيرو واكس!....وعلى قولة جلنار!!

الفال لي انااااا!!!!!
wildkitty
25-06-2002, 11:37 AM
واو:!
حلوووووووووووووووه
xero
25-06-2002, 01:46 PM
شكرا وايلد كيتي....كيتي...ادخلي على كاريكتيرات الاعضاء وشوفي نفسك!!!


هاي رسمة بعد من زمااااااااان مسويها!!!!
xero
25-06-2002, 02:01 PM
وبعد ذي من زمان والدليل الدفتر!!!!
Ranma Saotome
25-06-2002, 03:17 PM
زييييرو... اححححححححسن شي انك تقريبا الوحيد اللي يرسم آليين على طول..
حد يشبع رغباتنا من هالناحيه.. ورسومك صج حلوه..
المشكله ماقدر اطلع شي إذا انتقاد او اي شي.. ماعرف في الاليين ابدا..
لكن ماعتقد ان في اخطاء:)
RSSAM
25-06-2002, 03:43 PM
مشالله زيرو واااووو رسمك للأليين شي انت متميز فيه :cool:

والرسمه الوله حلوه حيل و الثانيه اشويه اخطوطها مو واضحه عدل بس حلوه

وخلنا انشوف اليين من تصميمك;)
xero
25-06-2002, 06:18 PM
شكرا رانما+رسام.....وانا متأكد انه في اخطاء لأني انا احس بهالاخطاء!!!



ورسام.....انا متأكد انك تعرف ترسم اليات واذا قلت على موضوع تصميم الاليات روح شوف التحدي الكبير
GM Custom
25-06-2002, 10:49 PM
هل أنا شاركت في Gundam.com ؟
لا والله , فقط الإطلاع على أعمال النماذج الجميلة لأنه من مجالي:D

تبي أرسل لك بالبريد نموذج ل Gundam Wing Zero من عملي؟:p

أنا أستانست من آخر 3 رسمات ;-)

والله يسلم إيدك يا Xero ":"
xero
25-06-2002, 11:50 PM
شكرا جي ام واذا تكرمت وبعثتها!!!!


شاهيييين...وين المانجا حق ميغا مان!!!!
xero
26-06-2002, 01:03 AM
تعرفون...هذي اول رسمة رسمتها يوم ما جبت nu gundam:char's counter attack
GM Custom
26-06-2002, 06:35 PM
nice try يا Xero

Axis لديه خمس محركات مو تسعة:!

راح أطوفها الخطأ لك..

مع أني مع المعجبين بالفلم و عندي نموذج ل Sazabi

http://www.gundam.channel.or.jp/goods/pramodel/mg/model/msn04/msn04_00s.jpg

و ما عندي نموذج ل Nyu Gundam :" :"
http://www.gundam.channel.or.jp/goods/pramodel/mg/rx93/rx93_00s.jpg
xero
27-06-2002, 08:18 PM
sorry يا جي ام بس مثل ما قلت بالضبط...هاي الرسمة من يوم ما شفت الفلم....يعني هاي اول رسمه سويتها!!!وانا عندي الجيم بعد!!!

جي ام.....اخبار حلوة....gundam battle assault2 على الطريق وفيه شخصيات من وينج وكلهم كوستوم!! وبعد موجودين جي جندام!!!!



الرسمة سويتها اليوم هي ل macross



VFX-2 VALKYRIE FULL ARMORED PROTOTYPE
GM Custom
27-06-2002, 08:40 PM
شكرا على تذكيري ;)

راح أرسل أخوي الضعير يشتري لي اللعبة

إذا الإصدار أمريكي , يعني لازم يترجمون G Gundam ؟

ما يقدرون , المعروف بالأمريكان بأنهم ما يأخذون شيء ياباني بحت و بطل المسلسل ياباني ;-)
Rex
28-06-2002, 02:23 AM
رسوماتك يا Xero رائعة !! ;)
فنان يا فنان!!

بس بصراحة أنا مش لهدرجه معجب بآليات جاندام ...
لأنها خالية من التعقيدات ... :6

أتمنى أشوف شيء آلي من خيالك الخاص يا Xero ... ;)


وبالتوفيق ....

:-)
wildkitty
28-06-2002, 02:43 AM
انته تتفنن برسم المقاتلين الالين
مشاله عليك
xero
28-06-2002, 06:00 PM
شكرا ريفلكس وعلى موضوع تصميم الي من عندي انت عطيتني فكرة.....شرايك نسوي مسابقة لرسم الاليات؟!........جي ام...انا اشتريت مرة نموذج لجندام وينج من الكويت وودي اشتري واحد ثاني!!...هالمرة بجيب زد جندام!!!


هالمرة عندي رسمة.....تخيلت وايلد كيتي وشكرا وايلد كيتي على متابعتك للجاليري!!!


هاي الرسمة رسمتها وانا قاعد بالمحاضرة(ماخذ صيفي!!) لوايلد كيتي
CUTE NURIKO
28-06-2002, 06:47 PM
هاااي xero.....

هههه... حلوه وايلد كيتي...

بصراحه انته ترسم رجال آليين معتبرين... :!

و انا اقول الاستاذ سمايل هالايام شو فيه كله يرسم رجال آليين ..

الظاهر انك أثرت فيه.. :D
shaheen
28-06-2002, 07:27 PM
هههههههههه
راسم وايلد كيتتي ها؟

والآليات عاجبتني بشكل فظيع.. جاندام وماكروس
ترى انا خبير آليات تراني مو سهل:6

انا معاكم في تحدي الآليات:) يا زيرو وريفلكس...
Ranma Saotome
28-06-2002, 09:03 PM
واااو والله رسمك للآليين رووووووووووووووووووعه..

ورسمة وايلد كيتي وايد حلوه بعد.. مايطلع الفن الا وقت المحاضرات هعهعهعهعهع... الكل ماخذ صيفي!! شسالفه!!

ياريت لو ترسم الاليين اللي في إفانجليون.. وايد احبهم..:D
xero
29-06-2002, 04:57 PM
هههههههههه....سمايلي يرسم اليين؟!!....شكله ضربه وحش ومن وراها ما عاد يرسم وحوش!!!...نيااهاهاهاهاهاهااااا
رانما....شكرا على المتابعة وتصدق يا رانما انا من زمان ودي ارسمهم وانا شخصيا عجبني الايفا 01 والبايلوت شينيجي!! ولا اسوكا الالمانية المجنونة!!...بس اكثر شخصية عجبتني هي rei ayanami ....كله ساكته وتطيع الاوامر بس انا زعلت كثيييير يوم ما ماتت في الفيلم end of evangilion .....قصة عجيبة وحلوة


شاهين.....انا باخذ موافقتك في انشاء موضوع لرسم الاليين وكل واحد يرسم من تصميمه !!!!...

رسمات قادمة على الطريق!!
GM Custom
29-06-2002, 05:30 PM
فكرة قوية يا Xero أن يرسموا آليين.
و أنا وياك في تطبيق هذه الفكرة.
بس لازم يذكروا :
1- نوع الآلي ( هجومي , مدني , إنقاذ , .... إلخ)
2- مولد الطاقة (نووي , بطارية , ماء؟ , ... إلخ )
3- مادة الهيكل ( خليط سري للحديد , عظم , ..... إلخ)
4- الدرع ( Reactive Armor , سبيكة كوكب فليد , جلد يابس ,... إلخ)

و الإختيار لكم :D
wildkitty
29-06-2002, 10:00 PM
هههههههههههههههه
هاذي انا
حلوه منك
عيل انطر رسمتي لك بحطها بالجالري مالك اذا مافي ازعاج



حته انا ماخذه صيفي:D
wildkitty
29-06-2002, 10:02 PM
اوبس نسيت اقول
حلو الرسمه
xero
29-06-2002, 10:28 PM
حياش يا كيتي والجاليري مالك وللمنتدى ;)
wildkitty
29-06-2002, 11:23 PM
هاذه كومك عن الصيفي زيرو:D
xero
30-06-2002, 03:41 PM
هاهاهاهاهاااااااااا




جميلة جدا يا كيتي!!!!....قاعدين نلعب والدكتورة قاعدة تشرح(بربربربربررببرررر) واحنا قاعدين نتنافس!!!!

اليوم رسمت هالرسمة في المحاضرة والدكتور مب معطيني ويه!!!!







التعليق:نياااااااااو.....ابي آكل!!!!


:0)
GM Custom
30-06-2002, 03:57 PM
أشوف يا Xero بأنك تطفر Wildkitty برسماتك؟ :!

على السريع : أنا أبي أحد يطفرني برسومه عني :"

Pleeaazzzzzzzzze
xero
30-06-2002, 04:04 PM
اوه اوه بدت الغيييييرة!!!!! :0) خلاص خلاص انا بحاول ارسم اشياء ثانية!!!
wildkitty
30-06-2002, 04:31 PM
هههههههههه
ابي اكل ها
انا مو متينه عشان تنفقص بالقاع :" انا ضعيفه :" :" :"



:D بس حلوه الفكره اوكي الحين الحين بهذي الدقيقه برسم وبكمل القصه


انا شعري طويل مو بوي :D
wildkitty
30-06-2002, 04:47 PM
خخخخخخ
سويتها كاهي
xero
30-06-2002, 07:08 PM
هاهاهاهااااييييي اشنانك راحت!!!!!.........



انا الحين بسألك سؤال يا جي ام.....ايش اللي حببك في جندام؟

انا مثلا عجبني الواقعية فيه.....الاليات تحتاج لصيانة.....الاسلحة ليست ابدية....تقريبا في كل نهاية لازم جندام يتدمر!!....يعني انه تقريبا واقعي واللي خلاني احبه بعد عدم تمحور الصورة على جندام...بل على شخصيات القصة وجندام ليس سوى سلاح!!
GM Custom
01-07-2002, 10:20 AM
و أنا مثل ما قلت :

أنا أحب شخصية Shiro Amada من Gundam: 08th MS team , و موسيقى Gundam X .

أما الGundam مثل ما قلت ليست أبدية , و كأي آلة حرب قابلة للتدمير :":

بس أعطى الإنطباع العنيف للآليين .

عدم وجود وحوش شريرين يدمرون المدن و ثم يأتي البطل و يدمره , بل وضح أن البشر سيقاتلون بعضهم البعض حتى آخر الساعة و في أي مستوى التقنية ولأي سبب.

و أهم شي أعجبني بال Gundam هو التصاميم الغير متوقعه من المصمم و درجة الواقعية. ":"
xero
01-07-2002, 11:22 PM
ومثل ما قلت وزيادة على الكلام الواقعية والخيانات الغير متوقعة!!!
xero
02-07-2002, 09:27 PM
رسمات جديدة!!!
xero
03-07-2002, 05:54 PM
رسمة اخرى
GM Head
05-07-2002, 11:15 PM
تعجبني دايما يا Xero
:D

"وراح أشوفك بعدين :# " GM Custom
Rex
07-07-2002, 02:18 AM
رائع يا زيرو .. ;)
رسوماتك رائعة جدا!!

وأحس انك تحاول تطور اسلوبك في الرسم!! ;)
في بعض الرسمات تضبط أبعادهم بشكل مذهل !!!, والبعض الآخر يحتاج للمزيد من التركيز ... :)

((ههه وايلد كيتي وراك وراك وين ما تروح ^^))

يالله نريد المزيد من الرسومات خاصة اللي تكون من خيالك الخاص :)

وبالتوفيق ...:-)
Space Cowboy
07-07-2002, 06:35 AM
ما شاء الله عليك يا ZERO

اعجبتني رسومك جدا

و اعذرني لعدم ارسال اي ردود سابقا (عضو مستجد

:D )

بالمناسبة انا من المعجبين بشخصية ZERO ولكن للأسف لم اتمكن من ان ارسمه بهذا المستوى :(

حذار من الرسم في المحاضرات ;)


سلام‍‍‍
wildkitty
07-07-2002, 11:32 AM
nice
هاذي اختك هم آليه بعد




ريفلكس خخخخخ ماراح تصيدني :D
هـداف
07-07-2002, 12:59 PM
رسماتك ماعليها كلام ياإكسيرو.................;-)
GM Head
09-07-2002, 03:36 PM
شمو يا Xero يلا راوينا شغلك الحلو :D
xero
09-07-2002, 10:54 PM
اسمحوا لي شباب انا حاليا ادرس للأمتحان(عندي امتحان) وانا بعرض رسمات قديييييييمة سويتها و كانت موجودة بس الاعضاء الجدد ما شافوها








والسلام
fatoom
10-07-2002, 12:54 AM
:( حاسه فيك زيرو :(

حتى انا أنشغلت مع الصيفي :"

بس الظاهر لين يكون في ضغط أشارك بالمنتدى أكثر :D






و مشااااء الله عليك :)

مضبوطه ;-)

و يارب تخلص عشان تشارك عدل :)
xero
11-07-2002, 01:10 AM
شكرا توتو على هالاحساس والشعور متبادل لأننا (للأسف بجامعة قطر!!)
الله يجنب دكاترة النحس عنا يا رب قولوا اميييييييييين!!!



شكرا ريفلكس على الرد وانا انشالله بخطط مثل ما قلت !!!!


سبايس كاوبوي....شكرا على هالكلام الحلو خلنا نشوف ردودكم انشالله

شاعر....كلامك ساحر!!!

ميااااو....كيتييييي....شكرررراااااااا!!!!

وشكر خاص الى الاستاذ شاهين ولتشجيعه و توجيهه لي على استعمال الفوتوشوب وانا عندي رسمة لونتها !!!
:)
11-07-2002, 07:54 AM
ولك يقصف عمر ابليســـــــــــــــــك .... شو هااااااااااظ ؟؟؟؟ شو هالرسم الجميل هاااااااااظ؟؟؟ هلّق صار احسن تلوينك بالفوتوشوب:D
fatoom
11-07-2002, 11:03 AM
كشخه زيرو :واو:

انا أصلا أحب هالشخصيه ونتهاوش عليها :D

و أنت طلعتها تجنننننننننننن

مشاااء الله عليك :)

طلع طلع مواهبك :D

نبي نشوف :D
xero
11-07-2002, 04:32 PM
انااااااا جيييييييت (جت ولا jet ؟؟)


سمااايلي:D .....ولك شو هالكلام يا زلمة فظحتنا!!!! ;) ....شكرا سمايلي والى الاماااااام سر!!


توتو...............
..........
............
.......

شكرا وانا احاول اتعلم...تراها كانت اول مرة لي الون بالفوتوشوب!!!

وانا بحاول المزيد.....عندي رسمة لونتها وكنت مجهزها للتحدي بس كنت احتاج لخلفية!!!


:D
GM Head
11-07-2002, 11:06 PM
لقد تحسنت يا Xero

و أنشاءالله اراويك رسماتي ;)
xero
12-07-2002, 06:30 AM
انا من امس قاعد والشمس بتشرق بعد اي لحظة....خلني اروح اناااااام!!!


هاي الرسمة الكاملة لونتها!!!!
xero
12-07-2002, 11:18 PM
انا لونت رسمة ثانية بعد وانشالله تعجبكم!!!!
fatoom
13-07-2002, 01:02 AM
ما أدري أحس بالتلوين حلو :)

يمكن التدرج جاذبني :D

بس صج حلو كأول مره زيرو :)
xero
13-07-2002, 12:16 PM
شكرا توتو وانا الحين قاعد افكر



كيف تركب الفلاتر يوم ما تنزلها من النت!!!
GM Head
13-07-2002, 12:24 PM
جميل منك يا Xero
"تابع تابع حتى تفوز بحب الجميع" من أغنية غرندايزر
xero
14-07-2002, 10:45 AM
شكرا جي ام وانا احااااول انشالله اخلص اليات من تصميمي هالمرة!!!

......



جي ام...انا ودي اشارك بموضوعك هالمرة بس بخلي مشاركتي على 0083 و0085 شراااايك!!!!
wildkitty
14-07-2002, 11:00 AM
هاااااااااااي
شكلك لاهي مع الصيفي
حته انا :"






حلو التلوين سوري على التاخير
Rex
14-07-2002, 02:15 PM
رسوماتك رائعة!!
وتلوينك جيد يا Xero ... ;)

بس حاول يكون التلوين لا يحتوي على البقع البيضاء اللي في رسماتك الأخيرة ...

يعني حاول تخلي التلوين نظيف تقريبا مثل الرسمة الثالثة اللي في هذي الصفحة :)

وتابع في التلوين والرسم !! لأن أسلوبك يتطور ;)


وبالتوفيق :)
GM Head
14-07-2002, 03:30 PM
عرفنا 0083 Stardust Memorys
بس 0085 ؟؟

ما عرفتها ?:
xero
16-07-2002, 03:04 PM
ميا مياو مياو مياو مياو!!!!!


مادري شكلي صابني هوس قطاوة!!!!



جي ام....0085 هي حلقات لزد جندام!!! وشكرا على المتابعة الدائمة!!!


مياااااااااااااااااااااااااااااااااااااااااااااااااااو!!!....كيتي كيتي كيتي!!!

ثانك يو اند كلنا لاهين بالصيفي الدكتور يشرح واحنا نقعد نرسم او نلعب

(تصدقون..!!!!....عندنا شباب بالمحاضرة ينامون وعيونهم مفتوحة!!!)
xero
16-07-2002, 03:08 PM
ريفلكس شكرا على التشجيع الحلو وانا احاول اطور اسلوبي(تو الناس بالفوتوشوب!!)

كان من المفروض اخلص 4 رسمات من امس لكن الظروف!!
GM Head
16-07-2002, 03:31 PM
يا Xero ... زيدتا قندام يبدأ 0087 مو 0085

بالنسبة للصيفي:

إييييي الصيفي ذابح كل واحد ياخذها:" و أنا كنت من الضحايا :"
xero
16-07-2002, 03:37 PM
87 ؟؟؟؟ ?: .....جي ام....على حسب اعتقادي انه zz gundamبيكون بال87....لأني على معرفتي انه زد جندام بعد سالفة الستار دست بسنتين!!
GM Head
16-07-2002, 03:47 PM
بعد ما طلع Kou من حبسه بسنتين يخرج إلى ربعه الناطرين له0085
بعده بسنتين يأتي زيتا قندام عام 0087
أما ZZ فهو تكمله Z و يمتد من 0087 إلى 0088

و هذه هي الزبده
xero
17-07-2002, 04:23 PM
رسمة اخرى!!!!!
xero
17-07-2002, 04:25 PM
وبعد التلوين!!
wildkitty
17-07-2002, 05:21 PM
ساير فنان تلوين يا زيرو



حلوه الرسمه بس مادري كانه الاصابع شويه مو عدله
بس حلوه حاولت مره ارسم شذي فشلت فشل ذريع :":






مياو
الصيفي ارف بتاريخ 3/8 اعطل :0)

زين انا مادري منو قاص علي وقايلي قعدي جدام بويه الابله اول طاوله اول لا واتخانق مع البنات على المكان
انا والي يمي نقرق اهي تكتبلي على كتابي وان اجاوبها :D
في مره الابله قالتلي وريتي كتابش بشوف مساله وله انا ولي يمي معبين الصفحه حشي :": وبسرعه اقعد امسح
الحمد الله ما انتبهت ":"
xero
18-07-2002, 11:21 AM
مياو مياو مياو مياو!!


شكرا كيتي وانا كنت بحاول اضبط اليد اكثر ولكن..._مع اني ارسم كل جزء وبعدين ارسم الرسمة كاملة!!

والله يخلي الفوتوشوب بس!! :0)
xero
18-07-2002, 11:41 AM
مب انتي بس.......انا كنت ارسم هالرسمة اللي فوق والدكتور قاعد يخربط كلام غير مفهوم!!!

يا ليتني ما خذيت مادة مب من اختصاصي!!! :"
GM Head
18-07-2002, 09:57 PM
الله يعينك يا Xero

ما ترسم إلا و دكتور يقرقر فوق راسك؟

و الله تطلع مواهبك في الأوقات الحرجة:cool:

أما أنا أقعد مثل الجثه جدام الدكور و يشرح الدرس على البروجكتر و القاعة ظلمة و أول محاضرة و هو يشرب كوب من coffee

ماكو و أغلب الطلبة نايمين:#
fatoom
19-07-2002, 12:55 AM
صراحه ماينزل وحي الرسم إلا بالمحاضرات الممله:D

هاي إلي لاحظته الصراحه :)

أحلى الرسومات تطلع بالمحاضرات :D




و كيتي :"

مااااايصيييييير تعطلين قبليييييييي

قبلي بيوم بس :"

حراااااااااااام <<< ما عليج منها :D
tm13
19-07-2002, 02:58 AM
والله عليك حركات يازيرو في رسم الالات
انسب شئ انسميك
فنان الميشا
يافنان


اووه:أفكر:
قبل لا انسى تلوينك صار احلى":"

وزدنا من رسومك!
:)
Ranma Saotome
19-07-2002, 03:59 PM
باااااااااال حرام الكل يخلص قبلي..
انا 15\8 :" :" :" :" :" حرااااااااااااااااااااااااااااام
ادري ان مااكسر الخاطر

المهم رسمتك الاخيره حلوه وايد وتلوينك حلو.. حركة الشعر عجيييبه والالي ماعليه كلام
انا اشوف الاصابع عدله يعني لكن اللي خربها التلوين لونتها كلها بنفس اللون.. لأن شوف الرسمه اللي بالرصاص في اماكن بلون فاتح واماكن بالغامق.. لكن انت في التلوين لونتهم كلهم بنفس اللون..

حلو فنان الميشا :D انا مع تي ام في هالنقطه
xero
21-07-2002, 06:13 AM
توتو....كلامك 100% صحيح وشنسوي غصب عنا الواحد قاعد مسجون في هالكرسي والدكتور قاعد يخربط ويقول طلاسم ما مفهوم منها شئ واخر شئ انا ادرس من الكتاب ولا احتاج لدكتوووووور!!!

تي ام شكرا على الرد الجميل(فنان ميكا) اسم حلو بس للحين ما اتقنا شئ انا ودي اعرف شلون الرسامين اليابانيين يلونون رسوماتهم!!!؟؟

راااااانما عاش من شاف ردودك...!!!!......وينك احنا قلنا انك خلاص !!!!

شكرا رانما وانشالله المزيد بس خل المنتدى يتصلح!!!!!

جي ام......ثانك يو بدي اند جود لك!!!!!


مياو مياو مياو مياااااو ميو...!
xero
27-07-2002, 10:00 PM
هاهاهاهاها......واخيرا رجع المنتدى لحاله!!!!



هاي رسمة لزيرو الجديد
xero
27-07-2002, 10:06 PM
وهاي مع الخلفية
xero
29-07-2002, 11:46 PM
رسمة اخرى
wildkitty
30-07-2002, 07:48 PM
رسوماتك ساير وايد احله الرسمه الاخيره العضلات فيها حلوه
GM Head
30-07-2002, 08:19 PM
جميل يا Xero
winter-soul
30-07-2002, 08:27 PM
مرحبا زيرو:)

رسمك للأليين رهيــب وحلو وايد ماشالله عليك يا ليتني انا اقدر أرسم مثلك أليين :D بس كل واحد له اسلوبه.....وانت متميز بهالأسلوب وجي ام بعد بس لغتكم ماأفهمها بعض المرات هههههههه هذا لأني ماأفهم شي بالأليين:":

وتلوينك للرسومات روعه

أتمنى لك التوفيق انشالله:)
RSSAM
30-07-2002, 11:04 PM
اووو:)

زيرو رسمة الالي واايد حلو الي ريوله اضعاف تينن

وصاير تلون من ورانا :D
xero
28-08-2002, 02:34 PM
للرفع فقط
هـداف
28-08-2002, 08:33 PM
رسماتك وايد حلوه يا إكسيروا وطريقتك بالرسم بعد حلوه

ممتااااااااااااااااااااااز......تابع لو سمحت :D ;)
wildkitty
28-08-2002, 09:05 PM
هاي زيرو


وين رسوماتك :o
xero
28-08-2002, 11:42 PM
انشالله رسومي على الطريق
xero
05-09-2002, 09:33 AM
ميااااو
xero
05-09-2002, 09:44 AM
مياو تربيع
Space Cowboy
05-09-2002, 10:08 AM
سلام زيرو !!

كيف حالك؟؟

يعجبني اسلوبك جدا :)

الرسمة قبل الأخيرة تذكرني ب أميدامارو من shaman king , همم و حتى الرسمة الثانية

بالتوفيق ان شاء الله


سلام:)
هـداف
05-09-2002, 10:46 AM
رسمك رهيب الصراحه.........:واو:

طريقتك في رسم الشعر مبهرتني!!
الرسمه الأولى جميله جدا والتسريحه أحلى:D

الرسمه الثانيه أجمل وأجمل .....تابع تعابع ونحن بالإنتظار;)
GM Head
05-09-2002, 11:40 PM
و الله تطورت من أسلوبك يا زيرو

و أشوف مو بس آليين حتى الرجال:واو:

بالتوفيق يا رجل;-)
xero
06-09-2002, 12:00 AM
جي ام انا ابغيك تتعرف على ابو الشباب الموجود ادناه...واحد حبيبك تحبه
xero
06-09-2002, 12:04 AM
اوكي رسمة ثانية
xero
06-09-2002, 12:12 AM
وبعد رسمة ثانية....رسمة ل......
GM Head
06-09-2002, 08:29 AM
مستحيل :واو:

إنه ... إنه .. Nagare Ryuma من Shin Getter ROBO

لا هذا ما يصير , هل أنا في حلم أو علم؟ ?:
wildkitty
06-09-2002, 08:48 AM
:":" :" soorrrrrrrrrrry

كنت اعتقد اني رديت

:": :": :":



الرسومات كلها حلو وتدل على تطور رسمه


سوري مره 2:":
Madoka
06-09-2002, 12:14 PM
ما شالله الرسم حلوووووووووو يا xero :)

بس في بعض الرسوم على اوراق مسطره !؟!!؟!؟!؟ ترى حساااافه ?:

لكن الرسوم الأخيره على اوراق عاديه ;) اشوه

و طريقته في تفصيل الجسم واااااااايد حلوه و خصوصا لما ترسم وحوش :)
Ranma Saotome
06-09-2002, 05:34 PM
اهليييييييييييييييييين اخوي زيرو...
سوري متأخر.. مادري ليش مانتبهت للرفع :o
مجموعة الرسوم اللي عرضتها آخر مره واااايد حلوه بصراحه..
تغيير مافي رجال آليين... رسمك للأشخاص وايد حلو واشكالهم كشخه..
xero
07-09-2002, 10:33 PM
شكرا شباب........




رانما...عاش من شاف ردودك والله اشتقنا لك

كيتي.....مياو ميو مياااااااو

شاعر......شكرا وخلنا نشوفك في المنتدى

مادوكا......(انا احب شخصية مادوكا كثييير) شكرا على الكلام

جي ام....هع هع.....
xero
07-09-2002, 10:37 PM
انا اللي بخليني اموت واعرف.......لييييش الصور مشطوبين من الجاليري حقي؟؟؟ :غضب: :غضب: :غضب:
xero
07-09-2002, 10:42 PM
عندي رسمة جديدة


مع التلوين
wildkitty
08-09-2002, 07:09 AM
هلاو هلاو


نايس والله يبيلك تدرب على التلوين اكثر واكثر عشان يسير تلوينك بيرفكت :o
عبد الحليم حافظ
08-09-2002, 02:49 PM
زيرو يا احلى زيرو في الدنيا!
http://www.romanysaad.com/abdelhalimhafez/pictures/movie06.jpg
CUTE NURIKO
08-09-2002, 06:30 PM
شو السالفه .. هذا ثاني جاليري ادخله الرسومات فيه تختفي ?:

يلله في الرسمه الاخيره على الاقل ....

الرسمه واايد حلوه زيرو .... واظن انك عرضتها بالرصاص في موضوع تحدي

الاعضاء.. انا عجبتني بالرصاص اكثر ..رهيبه ..:) بس بعد بالتلوين الرسمه

طالعه حلوه...ومثل ماقالت كيتي شوية تدريب .. مثل لمعة الشعر

ماحطيتها... :)
Space Cowboy
09-09-2002, 04:43 AM
سلام زيرو

كيف حالك ؟؟

اعجبت بالشخصية في الرسمة الأخيرة من قبل , و ما زالت تثير اعجابي حتى الأن

بالتوفيق يا صديقي

سلام:)
xero
09-09-2002, 08:53 PM
هع هع هع......عندي رسوم اخرى وانشالله تعجبكم...جي ام..هاي هيرو
xero
09-09-2002, 09:08 PM
ملونة
xero
09-09-2002, 09:11 PM
واللي انلغوا من دون سبب!!!!
اولهم...
xero
09-09-2002, 09:14 PM
غيرها
xero
09-09-2002, 09:18 PM
نياهاهاهاااا
xero
09-09-2002, 09:20 PM
مياو
xero
09-09-2002, 09:25 PM
هاي لزيرو الجديد
xero
09-09-2002, 09:27 PM
وهاي رسمة سويتها بالدوام
xero
09-09-2002, 09:31 PM
النسخة المطورة
xero
09-09-2002, 09:32 PM
ميااااااااو ميو بنت قطوة
xero
09-09-2002, 09:34 PM
ملونة
alucardracula
10-09-2002, 12:13 AM
ما شاء الله عليك أخ زيرو شغل وايد و متعوب عليه..
بالنسبة الى رسمة الولد الي جالس في غرفة مراقبة هاي الرسمة حلوة مرة و الي عجبني أنك مهتم برسم محيط و خلفية لها..الولد مخليه خبيث بعد;-)
نفس الرسمة بعد التلوين عندي لك كم ملاحظة مثلاً أنك تسرّعت في التلوين وايد لدرجة أنك أغفلت بعض المناطق يعني يا ليت لو تركّز أكثر على التلوين..و التظليل لو تحط بالك عليه يكون أفضل ان شاء الله..
الويوه عندك ما شاء الله حلوة و ما عليها كلام ..غاضبة :-) ..ابتكارك للشخصيات و الآليين غاية في الروعة بعد التدريب راح تكون خبير فيها..
بالنسبة لرسمة البنت الأخيرة العين اليسرى طالعة أصغر من الأخرى أما الرسمة ككل ما عليها كلام...
أتمنى لك التوفيق أخويي و المزيد من التقدّم..
GM Head
14-09-2002, 01:13 AM
بل بل بل بل:!

Hiiro Yui ؟ يا للخبيث:غضب: يا لعديم الشفقة و الرحمة و النصاب و المحتال في آن واحد.

مياااااااااااااااااااااااو ( تخديش الوجه)

DAMN SHE'S GOOD
عبد الحليم حافظ
14-09-2002, 03:53 PM
شوفوا موقعي...
http://3AJ.cjb.net
http://members.lycos.co.uk/ashit3aj/aj/3aj_signature_ver_3.gif
http://members.lycos.co.uk/ashit3aj/aj/lovtilldeath.gif
:p
xero
23-09-2002, 11:57 PM
هذه سويتها بعد ما كنت مريض
xero
24-09-2002, 12:05 AM
وهذي واحدة اخرى
xero
24-09-2002, 12:05 AM
وهذي واحدة اخرى
shaheen
24-09-2002, 12:35 AM
أهلا زيرو

رسمك رائع ومتقن... ابتعد عن الاسكتشات وحبر رسومك... خاطري اشوف رسماتك كلها ملونة وخاصة الاليات هههههههه ادري صعب

الاسكتشات فظيعة وخطوطها صعبة ممتازة بس لو تظلل شوي بعد;-)

مبروك على التوقيع الجديد... تلوين حلو والتوقيع الثاني .. ديجيتال روعة:D
xero
26-09-2002, 11:44 PM
شكرا شاهين وطلبك من الامنيات المستحيلة!!! :D



انا بحاول جهدي
عبد الحليم حافظ
27-09-2002, 12:36 AM
محلو يا زيرو... اكيد عشان الجامعة! :D
http://members.lycos.co.uk/ashit3aj/aj/lovtilldeath.gif
xero
29-09-2002, 03:01 PM
السلام عليكم......



انا اليوم افضل حالا....



ميااااو


شاهين اريدك ان ترى هذه الرسمة بعد التلوين والتحبير
shaheen
29-09-2002, 03:42 PM
ياالله!!!:!
ماشاء الله عليك.. رسمة متقنة وتلوين رائع:)
هذا هو تلوين زيرو الاصلي ;-)
فعلا انك تخبئ الكثير ههههههههههه

ننتظر رسومات اكثر:)<------ تمّاع
GM Head
29-09-2002, 11:53 PM
ما شاء الله :واو: يا سلام ..... عجيب

الحين ألكورد يعجبني أكثر (I got to see it )

تلونك يا Xero تطور عن السابق بوايد و ابدعت بالتحبير

ترى الرسمة تجيب لي كوابيس(لااااااااااااااا:" )
الخطاف
30-09-2002, 10:58 AM
شغلك نظيف يا xero
تلوينك فضيع :D
عرفت شلون تظلل...على ماأعتقد (وأنت على راحتك)
تبتدي في الإضاءه القويه
يعني تقسم الجسم الى ثلاثة أقسام
القسم الأول الإضاءه والثاني اللون العادي والثالث تظليل
ومع شوي من فنك بالرسم والشخصيات والبهارات...
بتطلع الرسمة..:أفكر: ....


أنت تسير في الطريق الصحيح;) ....
xero
30-09-2002, 12:54 PM
ميااااااو ^_^


مي ار هابي


شكرا الخطاف وانا لونتها بعد ما نبهني شاهين على ضرورة الابتعاد عن الاسكتشات......وبخصوص التحبير فأنا تعبت كثير مع التحبير ومع ذلك اكتشفت شئ حلو كثيييير بالتحبير......ما يحتاج لأقلام تخطيط...بل يحتاج لدقة وانا مبتدئ جدا في هذا المجال.....وشكرا لشاهين على تشجيعي المستمر

والى جيم!!!......ما دامت هالرسمة تجيب لك كوابيس فأنا سأرسم رسوم تجيب لك هلاويس :D
شكرا جيم
wildkitty
30-09-2002, 07:43 PM
هلاو لو

يه يه شهل فن

لا لا زيرو رسمك واايد ساير احله :)


يمكني تاخرت عليك بالرد لاني تركت المنتدى فتره ;)


انته من اول الاشخاص الي اكتبلهم ردود :p
xero
01-10-2002, 04:51 PM
ميااااااو ^_^



شكرا كيتي!!!..........مياو مياو


انا اليوم احسن بكثير من اول


ومبروك على التوقيع الجديد........انيماشن ههههههه
Cool_Maxi
01-10-2002, 06:16 PM
Nice drawings Xero, you have a great cool style... Keep it up
;)
Your last drawing is so cool... it reminds me of Vash from Trigun ... and Grave from GunGrave... The colors are well chosen and the lines are smooth... i like your style
:)
I hope that you keep drawing... Thanks for the Gallery
:)
alucardracula
01-10-2002, 10:49 PM
واو رسمة غاية في الروعة يا زيرو خاصة أن الرسمة لألوكارد( الي في هيلسينغ مو الي في كاسلفينيا;) ) أهنئك على هالرسمة الروعة و الشخصية الفتّاكة..
هييههيههاا ها ..أخيرا عملو أنيمي عن الفامبايرز و ألوكارد(بس للأسف مو الي في كاسلفينيا) تراني مصّختها:D
بالتوفيق و استمر على هذا التقدّم الرائع..
xero
02-10-2002, 11:50 AM
hey guys

thanks alot and i got lots to show!!!!

alucard....

thanks and thanks for keeping in touch with us!!!


cool maxi.......it's been a long time since you showed up and i am very happy for seeing your reply


so tell me about this one ok?
Cool_Maxi
02-10-2002, 05:13 PM
Great...no, that is too old... Awesome... nah, used a lot... You know what, I'm out of words

Once again the mech designs are back, and oh boy everytime I see them I get dazzled... They look so...3D, and I adore 3D to the death

There's, however, room for improvements; If you could smoothen the edges and the outlines, the overall pic will be better (just like the previous one)... other than that the drawing(s) is solid

With practice you will become the King of Mechs, so keep it up

Salami
GM Head
02-10-2002, 08:39 PM
http://www.gamers-forums.com/smilies/cwm/cwm/eek7.gif

شنو سويت بZeta Gundam يا Xero ؟

شكله يشبه Deathscythe من Gundam W http://smilies.uniquehardware.co.uk/cwm/cwm/disgust.gif

أنا من أكبر كراهين Gundam W ............. http://216.40.241.68/contrib/corky/smilies23.gif
alucardracula
03-10-2002, 01:19 AM
روعة أخ زيرو و أنا مع كوول ماكسي في كل الي قاله يا ليت لو أن الخطوط أنعم لأن أحس أنها معمولة ببرنامج الرسم الي في الوندوز..عالعموم غير ذلك يمكن لو فيها كده كم لمعة و تظليل صدّقني راح تكون بيرفيكت هو التصميم أصلا بيرفيكت!!ما عليه كلام أنت قدها و قدود و متمكن منه بشكل كبير و هالرسمة تثبت هالكلام ..أهنئك يا زيرو على هذه الرسمة الرائعة و المزيد منك هو ما نريد و لك من الله نتمنى التوفيق..
Rewayah
04-10-2002, 01:24 AM
الصراحة جالاري خطير والله! :)
أنا هاي أول مرة أدخل الموضوع وأشوف رسومات زيرو العجيبة! :)
وإن شاء الله ما راح تكون آخر مرة, لأني إشتركت فيه برد وبتوصلني آخر التجديدات. :p

زيرو إسمحلي ما بقدر أعلق على كل رسوماتك اللي من بداية الموضوع. :)
بس الصراحة كلها حلوة وخطيرة, رسومات تثبت أنه لك مستقبل راح يهزء في الآليات!

أكثر شيء عجبني طريقة رسمك لشخصيات سلسلة روك مان!
وايد وايد وايد عجبوني!
وخصوصاً آيريس رفيجة زيرو! ;-)

ورسوماتك الجاندامية بعد حلوة للغاية! ^^
بس أتمنى لو أشوف منك رسوماتك الخاصة في إبتكار الروبوتات والميكاز. ;-)
لأنه الي حقاً يدهشني ويعجبني هو الشخصيات اللي أنت أخترعتها! وايد حلوة! :)

يعطيك العافية. :)
xero
16-10-2002, 10:40 PM
مياااااو مبروك للمنتدى على رجوعه بعد هذه المدة الطوييييلة
xero
16-10-2002, 10:42 PM
والان لدي ما اريد تعديله نياهاهاهاهاهاهاهاها
xero
16-10-2002, 11:34 PM
ولدي جديد لألوكارد!!!
xero
20-10-2002, 03:33 AM
لم يعد اي منكم يهتم او حتى يدخل الجاليري؟


شالسالفة مقاطعة؟ :"

:( :(

على العموم انا لدي ما اقدمه
xero
20-10-2002, 03:34 AM
وهذه لـ rei ayanami من ايفانجيليون
wildkitty
20-10-2002, 05:07 AM
لا تكدر خاطرك وله تهتم
المنتدى توه راجع فكلي شي يبيله وقت ;)
لا لا زيرو رسومك وايد متحسنه وسايره احله بواايد


بعد تم على التدريب وقولي عن خر اخبار رسمك :D
xero
20-10-2002, 09:10 AM
مياو شكرا كيتي وتسلمين
المهم في مفاجأة لج بس ادخلي موقعي
wildkitty
21-10-2002, 08:41 AM
:" :" :" :"


thanx


u ru so sweet
wildkitty
21-10-2002, 08:42 AM
:"


طانكوووش
xero
21-10-2002, 11:05 PM
ويلكموش مياوكوش :#
GM Head
22-10-2002, 06:30 AM
الرسالة الأصلية كتبت بواسطة xero
لم يعد اي منكم يهتم او حتى يدخل الجاليري؟


شالسالفة مقاطعة؟ :"



لااااااا شدعوه يا أخي ......... إحنا ما قاطعناك ...... بس الظروف ما خلتنا:":

المهم.. أحمم

أشوفك تحب ألكورد من Hellsing هالأيام

همممممممم بصراحة تجسيد الشخصية ممتازة ..... و عيبك هو عدم إتقان المسدس بالشكل الصحيح.......... عموماً هي جيدة جداً;)

أما بالنسبة لRei Ayanami ........ أول ما شفته قلت لنفسي : "لا يكون زيرو من فنانين أستوديو Gainax و أنا ما ادري"

بالتوفيق يا صديقي;-)
xero
28-10-2002, 04:54 AM
مياو مياو

انا رجعت ومعي التلوين والتحبير لري من ايفانجليون
CUTE NURIKO
28-10-2002, 04:16 PM
واااااو زيرو...... مدهش...:واو: اشوف ان تلوينك صاير احسن عن قبل بوااايد...

الرسمه الاولى حلوه .. بس احس الخشم شكله غريب شوي ..

و رسمة راي حلوه ماعليها كلام.... و بعد التلوين صارت احلى .... ":"

تابع يازيرو.... بالتوفيق :D