دروس الرسم كيف تضع خلفية لرسوماتك [الأرشيف]

orange road

10-05-2002, 05:53 PM

وايد من الاعضاء ما يعرفون شلون الواحد ممكن يحط خلفية حق رسوماته..
ففكرت احط هالدرس البسيط. :)

هاذي هي الطريقة اللي اتبعها..
وطبعا كل واحد حر في اسلوبه...

وانشاءالله الكل يستفيد..
اذا في خطوة ما فهمتوها ممكن تسئلون في نفس الموضوع وباحاول اوضح لكم الخطوات انشاءالله..
ويفضل على العام علشان الكل يستفيد من السؤال..
وبالتوفيق للكل.. :o

orange road

10-05-2002, 05:56 PM

لما تلون رسمتك وتخلصها..
تأكد ان الخلفية بيضاء وما فيها اي بقايا او بقع صغيرة من اي لون...

الصورة راح تكون موجودة في قائمة ال layers على هيئة background
مثل ما هو واضح في الصورة

orange road

10-05-2002, 06:03 PM

اضغط على كلمة background مرتين..
بيطلع لك بوكس ... اختار ok

هني بتتغير الرسمة من background حق layer 0 مثل ما تجوفون في الصورة :)

orange road

10-05-2002, 06:07 PM

بأداة الاختيار magic wand وبتلقون عليها اشارة في الصورة..
اختاروا الخلفية البيضا وضغطوا زر Delete من الكيبورد..

الخلفية البيضا هني بتختفي وبيطلع مكانها مربعات..
هاذي المربعات معناها ان هالمنطقة شفافة.. وان اي شي نحطه تحتها يبين :)

مثل ما تجوفون في الصورة المرفقة

orange road

10-05-2002, 06:11 PM

الحين اختار الصورة اللي تبي تحطها في الخلفية..
صورة حقيقية او صورة انت راسمها او ممكن ترسم على layer يديد..
انت واللي تحبه...

اذا كنت مختار صورة حقيقية الصقها على الرسمة اللي انت شغال فيها وبتلقى انها اتوماتيكيا تلصق على layer بروحها..
ممكن تتحكم فيها.. من ناحية الحجم او التأثيرات بالفلاتر او غيره..

واخر خطوة انك تختار من قائمة lyers امر flatten image علشان الرسمة ترجع على هيئة background وتقدر تخزنها بهيئة jpeg..

وخلاص :)

حسين-911

10-05-2002, 07:10 PM

flatten image هذه الخطوة ما تحتاجينها اختي ..
لانك تقدرين تحفظين العمل .. بالليرات ملوتهم حتى اذا تبين تعدلين شيء او شغلة تقدرين فالافضل انك ما تسوين flatten image اوكي :) نصيحه اخ :)

يعني شنو يصير لو حفظتيها .. Jpg بدون لا تدمجين الليرات !!!

Ranma Saotome

10-05-2002, 07:18 PM

جميل الدرس يا اورانج زين حطيتيه...
الفرق ياحسين أن...
أولا كلامك صح أن بعدين تقدر تغير في الرسمه، لكن عشان تعرضها في المنتدى لأو في اي مكان آخر وخزنتها بطريقتك بيكون الحجم أكبر.. أما إذا كانت طبقه وحده فتكون أصغر في الحجم...

Rewayah

10-05-2002, 07:28 PM

شكراً يا أخت أورانج رود على هذا الدرس المفيد والحيوي والممتع! :)
والله يعطيتش العافية! :)

حسين-911

10-05-2002, 07:51 PM

اي نعم بتكون اصغر لكن بقليل ليس بكثير والرسوم حجمهم مو 100*1800 .. :)

لكن للتعديل افضل .. وانا افضلها :)

orange road

10-05-2002, 10:50 PM

الحمدلله ان الدرس عجبكم..
واتمنى انه فاد الاخوة وبالاخص رالف وحسن مان...

شكرا رانما ورواية :)

حسن... من البداية قلت ان هاذي طريقتي وكل واحد واسلوبه :)
بس لازم تسوي دمج للايرز لانك ما تقدر تحفظهم بهيئة jpeg

وبعد انا شغلي دايما يكون على حجم كبير...
فالذاكرة ما تكفي حق التخزين :)

وبعد..
هو كل واحد واللي يريحه

Ralph Jones

10-05-2002, 10:55 PM

شكرا اورانج رود على الدرس المفيد !!

تحياتي لك .......!!!

رالـــــــــــــــــــــــــــــــــــــــــف;)

Neo Cid

11-05-2002, 12:53 AM

شكرا و شكرا و ألف شكري منك إلك .. <-- رت ميشو :D

الحمد لله ألحين عرفت شلون أشوي خلفية .. و الباجي بالطريج انشاء الله ! :)

Ranze Eto

11-05-2002, 10:59 AM

مشكوره اورنجووو على الدرس الحلوو :D

و لو اني قريته متأخر :(

حسين-911

11-05-2002, 12:42 PM

اختي للعلم فقط انا اعرف انه كل واحد له اسلوبه الخاص ... ويبدو لي الذاكره لديك ضعيفه مو مشكله .. لكن من قال انه لا يمكن الحفظ بصيغة jpeg بدون لا تسوي دمج لليرات ؟؟؟!؟!؟

orange road

11-05-2002, 04:54 PM

اخ حسين :)

لما تكون اللايرز مب مدموجة.. ما اقدر اختار هيئة الحفظ الا بصيغة الفوتوشوب وبس..

هاذي اللي يطلع عندي...
:)

حسين-911

11-05-2002, 07:41 PM

اممم ؟!؟!
شيء غريب ...!!

اي نسخه تملكين .!.!.

وهل هل كامله ؟!؟!

حسن مان

11-05-2002, 07:52 PM

مشكور وما قصرتي :فعلا درس حلو ومتعوب عليه الله يجزاك الف خير

(بس ما عرفت اطبقه لان النسخة الي عندي عربي وما اعرف كيف ألصق الصورة الباك جراوند ها ها ها ها ها )

على كل حال اشكرك على التعب الواضح والمبذول

الله لا يحرمنا من دروسك الفنانة يا فنانة

حسين-911

11-05-2002, 08:05 PM

اي خطوة ما فهمت اي رقم ومن عيوني :)

orange road

12-05-2002, 02:19 AM

اخ حسين عندي النسخة 5.5 و 6 وكاملين...

حسن مان... معليش ما اعرف الاوامر بالعربي لاني ما اتعامل معاها..
جربت مرة ركبت العربي وتبهدلت... ضعت بين الاوامر وكان كل شي معكوس علي :(
فحذفته ورجعت النسخة الانجليزية...

حسين-911

12-05-2002, 11:30 AM

اختي اورانج رود ..

انتي لما اتيين تحفظين روحي Save As .. :)

وحسن مان قول انا اعرف مع اني من زمااااان مو مستعمل العربي لاني تخلبطت :)

حسن مان

12-05-2002, 03:10 PM

ارجع وأقول شكرا على شرح الدرس الي أكثر من ممتاز

مع إني ما فهمت منه شئ
لكن فعلا باين عليه درس ...جميل ها ها ها

SedoSan

16-05-2002, 02:42 PM

كيف الصق صورة على الاير

orange road

17-05-2002, 09:59 PM

اذا فتحت الصورة على الفوتوشوب
اختار
select
وبعدين select all

ومن edit اختار copy

وبعدين انتقل حق الرسمة اللي تبي تلزق الصورة وراها واختار
من edit امر paste...

واتوماتيكيا بتلزق الصورة على لاير بروحها :)

انشاءالله يكون الموضوع واضح الحين

وحاضرين حق اي سؤال

orange road

12-07-2002, 01:38 AM

انشاءالله تلقين الجواب على سؤالج هني يا اخت مستعجلة :)

مستعجله بالمره

12-07-2002, 03:17 AM

خلووووووووووووووود.........

مشكووووووووووووووووووووووووووووووره وااااااااااااااااايد واااااااااااااااااايد............

الله يعافيج.........:D :D :D :D

تعبتك معي.............:-) :-) :#

الله يكثر من امثالك.....

سلام

wildkitty

14-07-2002, 11:49 AM

هاي اورنج رود
انا اول مره اشوف الموضوع هاذه انا من زمان ابي اتعلم احط خلفيه
انا ما اعرف احط خليه بس ما اعرف

انا شقت تعليماتش وجرب بس كل ما احط الخلفيه تنحط فوق الرسمه الي انا راسمتها وتخلي الخلفيه مربعات فاضيه :":

orange road

14-07-2002, 03:48 PM

وايلد كيتي...

يمكن لان الخلفية تنلصق فوق الرسمة

انتي روحي لمربع اللايرز وحطي المؤشر فوق لاير الخلفية
وبعدين سحبيه على تحت
وخليه يكون تحت الرسمة

جربي وقولي لي

wildkitty

25-07-2002, 05:33 PM

مشكووووووووووره خلود
اخيرا عرفت شلون احط خلفيه شاهين وانتي ساعتدوني وايد
اشكركو وايد بدونكم انا ما كنت بعرف اسوي شي

احبكم :"

GM Head

05-09-2002, 10:46 PM

مشكروة يا خلود على الدرس المفيد :D

و الله يعطيج ألف عافية (هذا الدرس كان ناقصني)

MZM

06-09-2002, 12:11 AM

السلااااام :D

ما شاء الله موضوع روعه إخت خلود :6

بصراحه أول مره أعرف ان لما تضغط دبل كليك على طبقة الـ background تتحول لـ layer 0 :)

الموضوع كله مع الردود و الأسئله و الأجوبه مفيد

ما قصرتي خلود و مشكوره على الموضوع .... و آسف على ردي المتأخر

orange road

06-09-2002, 12:26 AM

شكرا كيتي :)
شكرا جي ام :)
الحمدلله ان الدرس فادكم :)

مزمز
:D
زين ان في معلومة يديدة خذتها مني
حتى لو كانت بسيطة
بصراحة بعد درسك انت ما في دروس :o
ما عدا دروس شاهين ورواية
:D