المساعد الشخصي الرقمي

مشاهدة النسخة كاملة : العثيم مول في بريدة !!


عماد 18
14-05-2002, 01:49 AM
و الله و تطورت بريدة ..
اجل مجمع العثيم بكبره يفتح عندهم ..
و قبل كان اطلق سوق هنا هو سوق النافورة -اظن اسمه كذا- ..
بس اللي قهرني شي واحد ..
الحين كل مجمعات العالم ..
الصباح و الظهر عادي تجي تطلطل عليهم حتى لو كنت لحالك ..
الا هالمجمع :! ..
تخيلوا ..
جايهم الصباح الساعة 7 كل المحلات مسكرة :6
و القى لك السكيورتي مرتز ..
عائلات يابو الشباب ..
قلت له كلها فرة فرتين و اطلع و ان عطست ما لك الا تشوتني مع هالباب ..
قال ما اقدر .. القانون قانون <== انتم لو شايفنه و هو يقولها قسم بالله تعافون المجمعات كلها :6
المهم حاولت معه قلت يابن الحلال الحين المجمع فيه حرمة وحدة على الاقل ؟
قال لا ..
قلت له طيب ليه ما ادخل ؟؟!
قال القانون قانون <== اضغطوا على حرف القاف
من هنا و من هنا رفض ..
قلت يا رجال ما لها داعي نستاثم على هالصبح ..
و نكست <== يمديكم عليها :6 للبيت ..
و من المغرب قلت لازم ادخل على الاقل السوبر ماركت حقهم ..
جيتهم المغرب مدرعم مشتهي سنكرز كرانشر بعد قلبي ..
و انا ما زلت مدرعم ..
الا القى واحد خاش في خشتي ..
السلام عليكم ..
و عليكم السلام و رحمة الله ..
شلونك ..
هنا بدا الجرذي يلعب في عبي ..
قلت يمكن يعرفني او مشبه علي يعني مو معقولة خاش علي هالخشة من الباب للطاقة على الفاضي ..
بخير عساك بخير ..
و الله ياخوك تراه عوايل ..
انا : نعم ؟!
هو اقول عوايل ..
انا : لا و الله جاي لحالي العايلة في الرياض ..
هو : اقول المركز للعوايل بس ..
انا : يعني اللي يبي يشتري معطر جسم و الا زنوبة كود يجيب معاه شغالتهم عشان تدخلونه ؟!
هو : القانون احم لا بس اغلب اللي في المركز عوايل ..
انا : انا لله حنا و هالعوايل يعني اللي مثل حالاتي مغترب <-- و الله من زين الاغتراب العالم يغتربون في امريكا عشان هارفي نيكلز -على باله جامعة :6- و انا مغترب عشان الملك سعود فرع القصيم .. المهم نرجع لكلامي - اللي مثل حالاتي مغترب يروح يستاجر حرمة عشان يمديه يتقضى لحاجياته ؟؟ <== نصاب و الله لولا اني مشتهي سنكرز كرانشر ما كان شفتوا خلقتي ..
هو -الظاهر راف لحالي- : زين رح خذ الي تبي بس لا تبطي ..
انا و الدموع اربع اربع بعد الافراج : الله يجزاك خير و يزوجك بدل الاربع ثلاث :"
المهم هالمرة كانت هي اخر مرة ازور هالسوق و اللي ما لي حق الا بالطلطلة عليه من بعيد لبعيد لاني مجرد شخص منبوذ من المجتمع بتهمة عزوبيتي ..

الله يستر لا يجي اليوم اللي حتى البقالات و الحمامات العامة تصير للعوايل فقط :أفكر:
HArb200
14-05-2002, 02:41 AM
أح أح وضعت يدك على الجرح ....... أبعدها خللني أحط ديتول :6

والله الموضوع حساس جدا بس هنا تكمن فايدة الحريم :0)
والا على قولتك شغاله بس المشكله أغلبهن لامن جت تمشي تقل مكنسة مكسور راسها خخخخخخخخخخ :p يعني بتنكشف لامحاله ثمن تروح في خرايط أمها :o

الموهم تزوجوا ياشباب نصيـــــــــــــــــــــــحه لكم ":" ترا فيه فوايد لاتعد ولاتحصى :0) وهذي أهمها :p
14-05-2002, 02:41 AM
الله يعينك ومشكور
FSM
14-05-2002, 04:35 AM
تم تحريره من قبل عماد 18 في 14-05-2002 عند02:07 AM

ايش الي حررته بالظبط؟؟؟؟
Xellos
14-05-2002, 05:34 AM
يــــا عماد خلها على ربك وزي ماقال HArb200 تزوج ^ _ ^

تبيني أزوجك زوجتك :D أنت تامر بس ^_^

أحسن شي في الموضوع (الله يستر لا يجي اليوم

اللي حتى البقالات و الحمامات العامة تصير للعوايل فقط :D :D
silverpaco_101
14-05-2002, 01:32 PM
و انا اقرا تذكرت سالفه صارت لى مع الحارس حق التميمي


كان الوقت قبل الصلاة بشوى (يعنى توه ما اذن ) كنت جاى مع واحد من الربع و اشوف الحارس يدخل الاجانب (زي ماهو معروف أن الاجانب يروحون أكثر شي للتميمي) قلت زين لين ألحين ما قفل و أنا داخل ما كلمت الحارس دخلت(على انه مفتوح) وقفنى و قال: وين يالاخو
قلت : أبدخل
الحارس : صلاة
قلت : وهم ليش تدخلهم
الحارس: هم عوايل
قلت : أصلا مسموح للدخول التميمي الشباب و العوايل وش معنى يعنى أنت قبل شوي تقول صلاة و ألحين عوايل <==حجرت عليه:p

الحارس : طيب بسرعه بالله

دخلت و أخذت الغرض ألي ابيه و طلعت


بس ما قهرنى ألا أنه يحترم هالاجانب :غضب: :غضب: :غضب: و حنا لنا الله
Chandler
14-05-2002, 02:36 PM
ههههههههههههههه...من جد ضحكتني....يعني الحين العثيم مول عندكم زي الفيصلية عندنا....اصبر لك كم من يوم وبتلقى عند الباب حريم يدورون....اذا شافوك ما دخلت يجون يعرضون عليك انك تتزوجهم حتى تدخل جوا ((يعني تدفع لها قروش...تدخلك مع الباب ثمن تطلع)) <-- دايما تصير في الفيصلية ويا انهم يكسبون كسب منها :واو:
العمدا
14-05-2002, 02:40 PM
اقووول يا اخوي عماد ترا المشكله هذي موجوده بس في القصيم..

لانهم ماشالله عليهم متشددين مره <== اللهم زد وباااااااارك":"

لكن لو رحت للرياض او جده او حتى الظهران محد بيقدر يقوووولك شي...:)

وعلى فكره ليييييييييييه المره هذي الخط مختلــــــــــــــــف:أفكر: :أفكر:
جمال
14-05-2002, 03:02 PM
الله يسلم الشرقيه:أفكر: ":"


وبعدين يا هارب حتى في الرياض نفس المشكله
rose VIP
14-05-2002, 05:07 PM
الله يكون في عونكم:6

ذكرتني يوم كنا بملاهي بجده <---------------------طبعا معروفه عوائل

اخوي ما قدر يدخل الا لمن انا خرجت وجبت

الي يقهر ممكن اني ما اقربله بس شافوني اطلقوا سراحه <------ قال عقلي في الحبس:6
aya brea 4000
14-05-2002, 06:27 PM
:p :p :p مشكور عماد على الموضوع
عماد 18
14-05-2002, 06:54 PM
HArb200
الى الحين تستعمل ديتول :6
ما سمعت بالميكروكروم ؟
يا رجال هي تجي بس هالشغالة و اذا دخلنا قلت لها تتوكل ..
بس اهم شي سنكرز كرانشر :" ..
Rachel Weisz
وياك و العفو ..
FSM
ابتسامة ما ظهرت زين ..
Shadowboy
يعني لو اقدر اتزوج كان جلست مقابل هالكشرات :6 ؟!
silverpaco_101
لان الاجانب موب مثل ربعك :أفكر: ..
ما يشوفون بنت الا و يركضون وراها تقل كلاب يلاحقون عظمة ..
naf
هذه تصير هناك ؟!
على كم الوحدة ":" ؟؟
العمدا
اللي يشوف الخشة اللي انت حاطها يقول عنده سالفة :6
نسيت الفيصلية :أفكر: ؟؟
و نسيت صحارى ؟!
بس على الاقل هذولي الصباح و الظهر مسموح للعزاب ..
انا ما قهرني الا هالنقطة و الا بالعكس انا من اشد المؤيدين لها الشي ..
عن اي خط تتكلم ؟؟
rose VIP
على الاقل احسن من بعض الناس اللي تنكروا بشكل حرمة عشان يدخلونها ":" ..
aya brea 4000
العفو :) ..
RAUL 7
14-05-2002, 07:48 PM
مبروووك عماد:) .. و عقبال فرع للفيصلية و المملكة:D

و الله انكم حالتكم حالة هناك بالقصيم :p اشوا اني فركت منها:p
MoaeD
14-05-2002, 07:53 PM
ذكرتني بسالفه صارتلي بصحارى ((اذا بغيتها قلتها لك على الماسنجر)):-)
Anime-Girl
14-05-2002, 08:51 PM
لووووووووووووووووول...
الله يقطع ابليسك ياعماد..بس صراحة من جد مالهم داعي....
يعني بدل ما خلوا السكرتيه بره خلوهم جوا واللي يتحرش يرونه الشغل
مو يسوون كذا....:6
ما يعرفون شئ ,هم بس فالحين يخصصون الشي للعوائل ويروحون العزاب فيها ...مســــــــــــــــــــــــــــــــــــــــاكــــــــــــــــــــــــــــين:"
الله يعينكم...:)
لو تبي سنكرز كراش يا اخي اشتر صندوق وريح حالك...:D
silverpaco_101
14-05-2002, 10:36 PM
silverpaco_101
لان الاجانب موب مثل ربعك ..
ما يشوفون بنت الا و يركضون وراها تقل كلاب يلاحقون عظمة ..

فى هذى ما كذبت حتى حارس الامن استغرب يوم شافنى طلعت بسرعه:6
HArb200
15-05-2002, 12:17 AM
والله حالتك محزنه :"
كل هذا عشان كرانشر أجل كيف باللي ماعنده لاكرانشر ولايحزنون :أفكر: :(
Angel whisper
15-05-2002, 09:25 AM
انتو مراكزكم ما يدخلونها الا العائلات ؟؟ :واو:

بس يحليلك قصتك محزنة :) ..

الظاهر ان مالك غير تتزوج ومن ورا هالزواج تشتري سنكرز كرانشر على كيفك :) ..

وشكرا على الموضوع :) ..
Y a z e e d
15-05-2002, 03:12 PM
الرسالة الأصلية كتبت بواسطة Angel whisper
انتو مراكزكم ما يدخلونها الا العائلات ؟؟ :واو:

بس يحليلك قصتك محزنة :) ..

الظاهر ان مالك غير تتزوج ومن ورا هالزواج تشتري سنكرز كرانشر على كيفك :) ..

وشكرا على الموضوع :) ..
كخخخخخخخخخخخخخخخخ
حاسبتن مدلعين مثلكم المشكلة أننا اذا دلعونا تلكعنا كخخخخخخ
أنا من يومي بخامس ابتدائي معتبريني عزابي تصدقون ؟؟ هم يقولون الطول عز وانا اقول الطول ذلّ !!:! خحخخخخخخخ إلى مني بغيت ادخل صحارى دخلت من عند التميمي وانتظر الين يدخل احد واسقط من الباب بسرعة احم اما الفيصلية ياهارفي نيكلز يابالواسطة لان مدير المركز صديق ابوي ف مسهلها أما المملكة :" أسقط شغالتنا قدامي لازم اجيب امي ولا وحده من اخواتي ثمن أقعد سنه انتظرهم يخلصون من محل واحد اخذ مليون دورة وهم ماخلصوا :0) عمومن انا ما احرص على الاسواق الحمد لله استراحتنا 24 ساعة مداوم في ولان معي لاب توب محد قدي انقله معي بس :" مقدر استخدم الستالايت الا بالبيت اما برا خط عادي وحدي حتى الدي اس ال مقدر لانه بالبيت بس!!
BLACK TIGER
15-05-2002, 03:19 PM
وأخيراً شالوا الإيقاف منك ياأخ زيدان تريبل:o
SWEET TOOTH
15-05-2002, 05:06 PM
مشكور عماد على الموضوع ;-)


أنا مرة كنت أبروح لمحل في صحاري حق ألعاب ( يعني أبشوف وش عنده )

للأسف ما عندي خبرة بالأسواق ( تحس إني نصاب ":" ":" )


المهم رحت لأقرب بوابة

وعلى بالي بريء أدخل ( ما كنت أعرف أنه عوايل بس ) .....المهم أدخل بسرعة .. عشان كانت بعد نص ساعة صلاة العشاء .....ويجيك الحارس يلحق وراى يحسبني بانحاش :cool: المهم قال هي وقف .....:واو: ..وش يبي ذا .......ويقولي عوايل ....:o ....أنا أقول طيب ..... وأكمل مشي للمحل ":" ....ذاك الحين عصب ....هي أنت أقول عوايل أطلع ولا ":" ":" .....أقوله وش تبي ( على بالي قوي ) .... يقول ما أبي إلا تطلع ...وأنا أقوله ليش ( ذيك نشبت له نشبة ":" ) .....يقول ما في شباب يدخلون بس عويل ":" ...أقوله والحل ...":" ":" يقولي تراك مصختها اطلع ...وأنا المهم خلاص استسلمت للأمر الواقع ...... ورحت أبطلع .....ولا هو ينادي مرة ثانية ....:": ..أقوله خير ....يقولي إذا أنت مصر أدخل من باب الطوارىء ":" .... وأقوله وراك ما تدخلني من هنا .... قال ما أقدر ..... ( وأنا للأسف ما أعرف وين يقع مخرج الطواريء ) ....



( تحس إني فشختها ":" ولا لأ )






:6
|*|The Ruler|*|
15-05-2002, 08:00 PM
اقول ....عماد اذا بغيت تتقضى ...

البس عبايه .... وحط جح على صدرك وخششش :p
ضايع
16-05-2002, 12:36 AM
ما شاء الله تطورت بريدة:6
الا يا عماد اي عزوبي اعرف انه منبوذ:" بس لو اني منك اخذت هندي من الشارع ولبسته عباة وخليته يدخل معي:0)
وبعد ما انتهي اذب عليه 5 ريال يروح:6
يعني على الاقل ما تكون منبوذ ومكسور عندهم":"
Y a z e e d
16-05-2002, 08:13 AM
الرسالة الأصلية كتبت بواسطة BLACK TIGER
وأخيراً شالوا الإيقاف منك ياأخ زيدان تريبل:o
موب كنك موسوس ماعمرهم وقفوني :D ؟؟ أنا مثالي محد وقفني ابد
متى وقوفني من جد متى وقوفوني :غضب:
RPG_master
16-05-2002, 01:59 PM
ترااااااك من جــــــــــــد غثيتنا بالسنكرز حقك:p


اعوذ بالله كل اسبوع موضوع عن هالسنكرز المشكله انه مخيس:o



على فكره مبروك افتتاح المركز التجاري العظيم:6

والظاهر اني بطلع الحين اشتريلي عباية واسنترر قدام بقالة الراقي:cool:

على كلام نواف تطلع قروش:p
عماد 18
16-05-2002, 05:04 PM
RAUL 7
و انا وش دخلني تبارك لي ?: ؟!
اما لو يفتحون هالعمارتين كان تصير اسرائيل موب القصيم :6

anime-girl
هذا المفروض ..
بعدين انا وجهي وجه مغازل ؟!
احلى كلمة قلتها لبنت غريبة ..
لما قلت لشغالتنا جيبي لي موية ..
وش اشتري صندوق ؟
قالوا لك بنك :6 ؟؟

silverpaco_101
اصلا ما خرب علينا الا هالاشكال و الا من اول مهنا حليلهم ما يقولون شي ..

HArb200
ينتحر :" ..

Angel whisper
وين بنت الحلال اللي ترضى بمقرود مثلي :أفكر: ؟؟

زيدان تريبل
من قال لك ان الموضوع اسمه وشلون تدخل النت ؟!

SWEET TOOTH
حتى انا رحت له مرة و قالوا للعوايل و قلت للسكرتي ياخي امش معي بروح لمحل و اطلع قال لا للعوايل بس ..
بس لما رجعت ما قال لي ادخل مع الطواريء :6

بهلول
اخاف يغازلوني :": ..

ضايع
ارسل هالاقتراح في ملف علاقي و راجعنا بكرة :6

RPG_master
و انت وش دخلك ":" ..
اذا صار عندك ذوق تعال تكلم :6
ضايع
17-05-2002, 01:21 AM
الرسالة الأصلية كتبت بواسطة عماد 18


ضايع
ارسل هالاقتراح في ملف علاقي و راجعنا بكرة :6


[/FONT][/SIZE]

العلاقي الاخضر ما غيره:6
MoaeD
17-05-2002, 02:03 AM
الرسالة الأصلية كتبت بواسطة ضايع


العلاقي الاخضر ما غيره:6


ما غيره بس لا تنسى المعروض :6
BOY_THING
17-05-2002, 06:31 AM
لووووووووووووووووووووووووووووووووووووووووووووووووووووول .... و الله ضحكت من قلبي على قصتك ... من جد .. كل هالتراجيديا و الفلم عشان سنكرس ... ((( ناسي نفسي يوم الكوكيز :أفكر: )))) ... كخخخ و الله عليك اسلوب .. :D :D
ضايع
17-05-2002, 05:04 PM
الرسالة الأصلية كتبت بواسطة B.B.Q



ما غيره بس لا تنسى المعروض :6

من عيوني":"
عماد 18
20-05-2002, 11:08 PM
ضايع
ايووووووووه ..
عليك كبس محروق بس احيانا تجيه طنات و يشتغل :6

BOY_THING
شف عاد ..
القصة اعجبتك على عيني و راسي ..
لكن تسبني و تقول لي تراجيديا :غضب: لا و الف لا ..
ثكلتك ام خالة جيرانكم !!
اهم شي ما قلت درامة :6
هالسنكرز اللي تستحقره بيني و بينه عيش و ملح :" ..