تسجيل الدخول

مشاهدة النسخة كاملة : عام الى شباب الكويت خاصة و الجميع عامة .... مهم جدا


EA-SPORTS
19-03-2001, 06:52 AM
شريت من المودشيب قطعة المود شيب ب 29 د.ك عن طريق الأنترنت
السعر يشمل الجيم شارك2 اصدار 1.3
مع التوصيل لباب البيت في خلال 3 ايام
معاها وصلتلي طريقة التركيب خطوة بخطوة مع الرسمات بالألوان ...الطريقة سهلة و بسيطة
و الحمدلله اشتغلت معاي 100%
وجربت فيها كل انواع الكوبي و لقيتها شغالة 100%
لكن لحد الحين ما جربت فيها العاب البليستاشين 1
اما الألعاب الكوبي فهي متوفرة في الكويت بكثرة
هذه القطعة تركب لجميع انواع البي اس 2
سواء اوروبية ولا حتى يابانية
انا بالمناسبة جهازي امريكي.
فا1ا بغيتوها اشتروها من الأنترنت و لا طنطرون اكثر تراها ناجحة 100% و سهلة التركيب.
وطريقة تشغيلها هم سهلة وايد
اذا بغيتوا اي استفسار في هذا الموضوع انا حاضر
وشكرا
fayez-2000
19-03-2001, 10:30 AM
شوف أخ أي إي سبورت أنا جاي أنبهك على شئ ياخي أهل الكويت حبايب علينا وعزيزين لاكن إنك تقول أهل الكويت خاصه ...وبعدين الشباب عامه كذا سويت تفرقه بيننا مهما كانت الأسباب عليك أن لاتعمل تفرقه واهل الكويت حبايب وغالين علينا علاشان كذا مانبي أي شئ يعكر علينا هذه الموده خلاص.
EA-SPORTS
19-03-2001, 01:59 PM
السلام عليكم ...
ياخوي انا ما قصدت التفرقة بالعكس انا كل اللي كنت اقوله و مركز على الكويت لأن السعر اللي شريت فيه هو 29 د.ك بالضبط وه>ا اللي خللاني اقول هالكلام ثانيا انا اشوف ما شاء الله بالسعودية واخواننا السعوديين وصلوا لمرحلة فتح الكوبي من زمان امثال اخوي جيم ماستر واللي بسببه تشجعت و غامرت وشريت هالقطعة و ما ادري كانت راح تشتغل والا لأ :)
قطعة الكوبي يا خوي عشان بس تكون في الصورة هذه القطعة مو موجودة في الكويت بتاتا واسألني انا ليش اني فريت سوق الكويت كله ومافي اي معرض وصل لهالقطعة .. فحبيت اني ابشرهم اني الواحد مو لازم انه ينطر المعارض لا واذا انزلت راح تكون غالية طبعا لأنها قطعتان معا (المود شيب + جيم شارك)
الواحد طالما وياكم في هالمنتدى و بفضل الأخوان اهني لازم يستفيد من المعلومات اللي يقراها في المنتدى مو ينطر لحد ما تنزل لا واذا نزلت راح تكون محتكرة
الخليجيين والعرب كلهم اخوة ولا تفرقة بينهم ولا عاش من يفرق بيناتنا ...عدل ؟؟
ماجد
19-03-2001, 03:15 PM
السلام عليكم

اقول يا خوي .. شنو هذي المود شيب ؟؟؟

اخوك من الكويت : ماجد :)
EA-SPORTS
19-03-2001, 07:05 PM
المود شيب اهي اللي يتكلمون عنها الشباب
هي عبارة عن قطعة صغيرة تركب داخل الجهاز و لازم تشتغل معاها الجيم شارك
الموقع اللي يتكلم عنها بالتفصيل واللي انا بعد شريته منه اهو ...
www.modchip.com
fayez-2000
20-03-2001, 09:46 AM
يا سلام عليك يأخEA-SPORTS كذا أثلجت صدر وريحتني هذه من غيرتي على كل خليجي ماودي تكون هناك أشياء تعكر الصفو بيننا وأسف إذا زعلتك