معنى كلمة :resident evil

[هيجي هاتوري]

سلام ..

قرات في موضوعيين في المنتدى ان معنى كلمة ريزدنت ايفل هو الشر المقيم ...

و لكن المعنى الصحيح هو الشيطان المقيم و ليس الشر ...

هذا ما اردت ان انبه اليه ...

[abdulsaheeb85]

أرجو المسامحة يا الكونكورد1556 فأنا قرأت و سمعت اكثر من مرة أن معناها هو الشر المستميت.

[E:man]

لا يا كونكورد ترى كلمة evil ممكن تجي شيطان او شر على حسب الجمله وهي في هذي الجمله معناها شر اما يا abdulsaheeb85 فالشر المقيم هو نفس معنى الشر المستميت وكلهم يعنون ان موجود على طول ههههههههه يمه:)

[Tamaki_q8]

والله انا افضل اسميه البيت المسكون ههههههههه


لا لا لا الشيطان المقيم

و شكرااا

[هيجي هاتوري]

لا يا شباب ..

طلعوها من القاموس و راح تشوفون ... و اذا طلعت غير هذا المعنى
عطوني اسم القاموس ..

مع احترامي لارائكم

[Tamaki_q8]

والله انا قريت في القامووس طلع

معنى رزدنت ايفل هو ( الشيطان المقيم ) و شكراااااااا

[هيجي هاتوري]

احسنت resident evil q8
هاذا الي ابي اقوله

[][ZX][]

انا طلع عندي في قاموس الوافي معناتها الشر المقيم وهذا من احسن القواميس وبحثت عن المعاني الثانية ما طلع له معنا ثاني مثل طريقة كتابتها هاذي

[هيجي هاتوري]

اقول يا ][ZX][ ...
شوف انا طلعتها من الوافي و طلع معناها الشيطان المقيم
احنا الحين متوافقين على كلمة ريزدنت بس باقي معني كلمة ايفل
انت بس طلع هذي الكلمة راح تلقاها الشيطان

[Lord of PS]

ياإخوان عندي آلاف القواميس وأهمها المورد، وأهلي عاشوا في بريطانيا خمس سنين، وعدا هذا فـEvil معناها الشيطان والشر ولكن الشر المقصودة هنا ولاتحتاج إلى خبرة.

[هيجي هاتوري]

اقول يا لورد
اذا الكلمة لها معنيين كيف عرفت انهم يقصدون معنا الشر

[عماد 18]

طيب وش رايكم بالشر المستوطن ؟؟؟
يا كونكورد انت فكر فيها شوي ايهم احسن الشر و الا الشيطان يعني لو كنت تحارب عفاريت كان قلنا الشيطان بس انت تحارب زومبيات و هنتر و نيمسس و ما ادري ايش و سبب هالمشكلة كلها شركة امبريلا يعني راح تلقى الشر احسن و الا وش رايك؟؟؟

[link.p]

يا شباب معناها واضح وانا متأكد منه....معناها الشر المقيم ....

وماأدري من شلخ عليكم وقالكم ان معنى evil شيطان... معناها شر فقط..

devil :شيطان

evil: شر

[هيجي هاتوري]

لعلمك يا لنك بي :
الكلمتين تؤديان نفس المعنى ... ديفل و ايفل و معناهما شيطان

[E:man]

يا كونكور اللغه الانجليزيه ما تمشي على قاعده وحده والكلمات ما تقدر تجيب معانيها الصحيحه الا اذا شفت الجمله الي هي فيها وبعدين تجيب المعنى حقها في هذي الجمله وEVIL تجي على معنى شر وشيطان وشرير بعد بس بجملة RESIDENT EVIL معناها الشر المقيم بس من ناحية الجمله انت معاك حق ممكن تجي الشر المقيم وممكن تجي الشيطان المقيم لكن المنطق يقول ان اللعبه ما فيها لا شياطين ولا لها علاقه بالاشباح بل سالفتها اساسها علمي بحت فاذا الجمله معناها الشر المقيم هذا من ناحية المنطق طبعا

[link.p]

ياحبيبي الكنكورد معنى الكلمه واضح...كل الوضوح...الشرالمقيم..وبس ولا غير كذا...

ومثل ما قال اي :مان...اللعبه ما لها علاقه بالشياطين من اي ناحيه....ممكن

يكون المراد بكلمه بايفل شيطان...لكن بعنوان اللعبه هذي...لا...

[هيجي هاتوري]

يمكن معكم حق يا اخوان بس ابي الفت انتباهكم الى الغلاف حق اللعبة ما لاحظتوا ان الغلاف عليه صورت شخص اقرب الى الشيطان ...
صح و له لا ...؟
مع كل احترامي لارائكم

[khatab]

السلام عليكم
في نظري معناها شر دائم

[E:man]

ايه صح يا اخ الكنكورد1556 صحيح انه اشبه للشيطان لكن :
اولا: اللعبه ما لها علاقه بالشياطين من اولها لآخرها
ثانيا: انت تقول انه اشبه بالشيطان يعني ما هو شيطان مع انه في الجزء الثاني بس والثالث ما يحتوي على صوره زي كذا

[ahmed99]

divel:الشيطان
evil:الشر
ولكن دمج كلمتي ريزدينت إيفيل إله اليونان

إحنا عندنا المترجم الفوري يترجم الكلمة فقط بالإشارة عليها

وأشرت على الكلمتين وطلعت زي ماقلت

[1234567]

شباااااااااااااااااااااااااااااشب (أقصد) شبااااااااااااااااااااب
وش ها الهلوسة؟

برى معنى رزادنة آفول: العفريت المستقيم (الهنتو)

ولكن ليستقيم المعنى الصحيح فالمعنى الخاطئ هو: مستشفى الأمراض العقلية المستديم.


وأنا استخدمت معجميالخاص الموجود في جهاز كلوركس كلور ألترا.

وأي خدمة...............

[E:man]

هههههه اي مستشفى واي امراض الله يرجك :D لا وعندك معجم ممكن نسخه يا استاذ ارقام ههههههه الا على فكره لما اتسوون اجتماع في منظمتكم ويش تسوون يعني وش تغسلون مواعين ولا ملابس :D

[هيجي هاتوري]

[i]يعني وش تغسلون مواعين ولا ملابس :D [/B]
حلوة منك يا اي مان هههههههه

[R.B.G]

انا طلعته من الوافي وطلع عندي المعنى (( الشر المقيم )) وانا اعتقد انهم في اللعبه يقصدون الشر مو الشيطان واللي لعب اللعبه بيعرف ليش
وعلى فكره انا كنت اضن ان معنى رزدنة ايفل هو : مقر الشيطان
بس طلعت غلطان .
بعدين شيطان ولا شر تراه كله يوقف شعر الراس مدامنه في رزدنة ايفل





والسلام عليكم والرحمه

[wood1986]

انا طلع عندي المعنى الشر المقيم:)

[هيجي هاتوري]

الى الاخ R.B.G ....
عفوا اذا كنت تقصد القاموس الوافي الي في الكمبيوتر فانا طلعتها منه و طلعت الشيطان المقيم ... و الله اعلم

[R.B.G]

مع اني طلعته مثلك من الوافي ( اخر اصدار ) وطلعلي المعنى : الشر / الشيطان

[E:man]

اوكي كل واحد منكم انتما الاثنين يحط رقم الاصدار حقه ونشوف مين الاحدث وش رايكم ؟؟؟

[Tamaki_q8]

بس يا شباب لما الحين ما عرفتوا المعنى لوووووووووووووول خلاص انتهى الموضوع و عرفنا معنى هو الشر المقيم و شكراااا

[هيجي هاتوري]

لا لا يا resident evil q8 انت ما كنت معاي تقول ان معناها الشيطان المقيم وين غيرت كلامك ..؟

[Tamaki_q8]

لوووووووووووووووووول اوه نسيت لوووووووووووووووووووووووول


المعنى الصحيح هو ( الشيطان المقيم )


و شكرااااا

[هيجي هاتوري]

ايه كذا عجبتني :cool:

[Fly_Batman]

معني رزيدنت إيفل هو الشر المقيم :D :D لأن عندما تترجمها في المعجم يأتى معناها الشر/الشيطان ولكن بلمعنى الجملة تصير الشر المقيم:D :D :D

[هيجي هاتوري]

و شلون عرفت ان معناه في الجملة يصير الشر يا فلاي باتمان ?:

[Uncharted]

سلاااام
كلامكم صح بس تدرووون من اللي جاب المعنى الصحيح؟؟
THE GAME HHH جابها 100/100 .. والله ماتحتاج لاقاموس ولا مورد ولا وافي .. هذي اللعبة معناها(( مقر الشر)) وليس لها معنى آآخر
وشكــــــرا

[هيجي هاتوري]

يا اخوي قلنا لك جيب دليل و له اذا شذي عجل انا اقول ميه في الميه معناها الشيطان المقيم

[Uncharted]

عزيزي كلمة كيف حالك تحتاج لترجمتها دليل؟؟؟؟؟؟؟؟
عزيزي والله كلمة عادية ماتحتاج لدليل؟؟؟
يعني هذي الكلمة حد مخترعها؟؟
اسأل اي واحد اجنبي بيقولك معناها .. ونصيحة المعاجم تترجم كلمة كلمة موب معنى كامل..
يعني يوم تعطي القاموس كلمة بيترجمها كلمة كلمة وبيدمجها في جملة واحدة
فيه شي أخير اللي يبى يترجم جملة لايجزء كل كلمة بروحها

وشكرا لكم جميعا...

[هيجي هاتوري]

ياأخي الله يرضى عليك حسن ألفاظك

[عماد 18]

يووووووووووه :واو: الى الحين متمشكلين في المعنى ?:
أنا قلتلكم من زمان معناها الشر المستوطن و جبتها من عقلي و بعدين يا هيجي هاتوري (الكنكورد) انت طبعا تتابع كونان طيب انت ما تسمعه في رمضان وش يقول و ازعجنا فيها لاحظ ثم دقق ثم استنتج على حسب ما اتذكر يعني لو تفكر فيها شوي و هذي ثاني مرة اقولك راح تلقى ان الشر المقيم او المستوطن هي الاقرب ...

[Uncharted]

شفت ياهيجي هاتوري انك وصخ وماتربيت..
واذا أهلك ماربوك أنا بربيك......

[Uncharted]

واذا انك شليتي وماتعرف ترد على الرجال خلك في بيت هلك ياأخي

[هيجي هاتوري]

Uncharted ليش معصب انا الحين قلت لك شي و له غلطت عليك علشان تسوي هالقصة ....
و انا ما كان قصد اني ااذيك بس انت فاهم خطأ بس قلت جايبها من سروالك لان عندنا يقولون للي يجيب شي من عنده من وين جايبه جايبه من سروالك و خلاص المشكلة يعني مو مشكلة كبيرة علشان تسويها اني مو مؤدب و ما ادري وشو ...

[Uncharted]

ماكان فيه لفظ ثاني غير هذا اللفظ؟؟؟؟
شوف يوم انا أرد عليك؟؟
قلتلك ياعزيزي وماطلع مني كلام شين ، لاني ماأحب أغلط على حد،،
وبمناسبة هذة الكلمة ,, كل العرب بدوون استثناء عندهم عيب، وماكان له داعي ،، لان اللفظ أصلا مب مرغوب ،،
فهل ترضى اني أقولك ..
انك جايب الكلمة هاذي من سروالك؟؟ ... اذا انت رضيت غيرك مايرضى لان المنتدى مكان نظيف ..
والمعذرة من الجميع



وشكــرا

[هيجي هاتوري]

شوف يا عزيزي ....
قلت لك احنا هاذي الكلمة عادية عندنا و ما كنت ادري انها راح تاذيك .... على العموم اسف اذا كنت اذيتك (( عاد لا تصير حساس واجد ))....;)
اما عن اللفظ الثاني فانا لا اتذكر اني قلت شي غير مؤدب ...

[R.B.G]

اشوف تحولتو من قصة ( الشر المقيم ) الى قصة ( السروال المقيم ) !!!!!!!!

هههههههههههههههه لوووووووووووووووووووول




يالله يا شباب بلى زعل وخذو الكلام بروح رياضيه .

ونته يا اخ Uncharted خلاص لا تصير زعول ترى الرجال غلط وعتذر مننك .




ملاحظه : انا كنت احسب معنى كلمة رزدنة ايفل هو ( مقر الشيطان ) ومن ذاك اليوم ونا اسميها بهالاسم مع اني ترجمة الاسم وعرفة انه ( الشر المقيم ) لكن بعدني اسميها ( مقر الشيطان ) وشوف انه الاسم راكب على هاللعبه ولا شرايكم ؟؟؟.




وسوالم

[Uncharted]

الى هيجي هاتوري اسمحلي لاني مارديت عليك لاني ماشفت هذا من زمان ويوم تذكرته دخلت..
انا آسف ايظا .. اذا بدأ مني اي خطا او زلة لسان واسمحلي ياعزيزي..
وتسلم ...