مشاهدة النسخة كاملة : سولجرز اوف فورتشن2 :دبل هيليكس عندنا في الرياض غدا!!
MAD-BOSS
17-05-2002, 03:41 AM
والله صراحه من اول ما قريت عن مميزات اللعبهوفروقها عن الجزء الاول وانا متحمس متى تنزل بس...........
كلمت راعي محل ويقول السبت انشاء الله هي عندنا وهي عباره عن 2 سي دي..
وشكر:D
وولف انشتاين
17-05-2002, 07:27 AM
طيب ممكن تعلمنا من وين نجيبها الله يخليك....
من جزيرة الكنز؟؟؟؟؟؟؟
وشكرا....
dungeon
17-05-2002, 01:14 PM
سولجر اوف فورتون 2 دبل هيليكس ؟! :!
افاااااااااا!
من صدقك انت يا ماد بوس قال لك راعي المحل السبت بتجيهم ؟!
اهي هي اهيي :" والله اني ادور على هاللعبه :"
ماتدري موجوده ؟ عند كومبيو مي ..او لا
العراقي17
17-05-2002, 01:38 PM
اللعبة هاذي رااااااااااااااااااااااائعة
انا لحد الان العب نسخة الملتي بلاير test تقدر تنزلها من موقع فايل بلانت ....
واعتبرها احلى لعبة فيرست بيرسون لعبتها في حياتي(احلى من الممتعة كاونتر سترايك!!)
وعلى فكرة النسخة الموجودة بفايل بلانت تقدر تلعبها اونلاين حتى لو كنت تستعمل مودم وما راح تلاحظ اي تقطيع او شي(دليل على ذكاء مصممي اللعبة)
اما الرسوم .....فلساني يعجز عن وصفها!!
اما الخريطة .....فما راح تلاقي احلى منها
يعني اللعبة كاملة من جميع النواحي(وهي تستعمل محرك كويك 3 )
MAD-BOSS
17-05-2002, 09:37 PM
المنتج: Activision
المطور: Raven Software
النوع : اكشن
واللعبه رائعه وممتازه وتستخدم مكرك كواك3 القوي ....مثل ما تفضل اخوي العراقي
وهاكم بعض الصور للعبه :
http://image.com.com/gamespot/images/2002/pcnews/051402/sof2/sof2_screen006.jpg
http://image.com.com/gamespot/images/2002/pcnews/051402/sof2/sof2_screen007.jpg
http://image.com.com/gamespot/images/2002/pcnews/051402/sof2/sof2_screen013.jpg
MAD-BOSS
17-05-2002, 09:43 PM
اللعبه يا شباب تحصلونها عند ركن البرامج اللي بشارع التحليه....
وانا اليوم المغرب رحت وكلمت عبد المقتدر(مدري وش يقرب لعبد القادر:D ) وقلتله انت متاكد انها بكره قالي ايه........وبتجيني بكره على البريد انشاء الله...
وشكرا
احمد سعد
18-05-2002, 01:33 PM
شباب SOF 2 اشتريتها منذ اربعة ايام اللعبة موجودة على سيديين بس المشكلة اللي بيها تحتاجلها كارد شاشة قوي و العبة دموية جدا و اسلحتها رائعة و شخصية اللعبة يغير ملابسه في المراحل المتقدمة من اللعبة.
مع تحياتي:0)
MAD-BOSS
22-05-2002, 11:38 PM
ها شباب محد جابها؟؟
لا تفوتكم العبه هبااال (الله لا يهبلنا:D )
وشكرا
RichMan
25-05-2002, 05:17 PM
السلام عليكم
اخوي العراقي انا لعبت اليوم بالملتي بليير تيست واخترت الفريق الاحمر اللي مهمته يدافع عن الشنطه .... بس ما لقيت احد غيري يحووس بالخريطة !!!!! شلون بالضبط انت تلقاهم والا السالفه فيها اكثر من سيرفر ؟؟
عطنا ارشادات علشان اذا بعدين اذا شفتك بالخريطه ما اقتلك واخليك تستانس ::) :) هااا
مشكور مقدما يالغالي :)
بالتوفيق للكل
العراقي17
25-05-2002, 06:15 PM
RichMan
الظاهر انت دخلت اللوكل... شوف اول ما تشغل اللعبة فيه صورتين لكمبيوترين اختار الي على اقصى اليسار.
ولما تدش اختار خيار Internet تلقاه تلقائيا محطوط على Local.
وبعدها اضغط على زر Get new List
وراح تطلعلك قائمة السرفرات
ودش على السرفر الي يعجبك
فيه اكثر من 30 سيرفر ..:D
ونصيحتي اذا بتلعب اختار السيرفرات المتروسة(19\20مثلا) مثلا لانه اللعبة يصير فيها حماس اكثر ولا تلعب اي نوع ثاني ما عدى الي قلت عنه .(الحقيبة)
والحقيبة موجودة بقاعة المؤتمرات .(اما تكون بالفرق الي يتسلل ليسرقها او تكون بفريق الحماية...الي يلبسون اسود)
RichMan
25-05-2002, 07:01 PM
مشكور حبيبي :) انا لعبتها عن طريق الجيم سباي آركاد .... بالفعل اللعبة عجيبه بس حسافه ما يمديك تتنفس الا حكروووك :(
اما اللعب الجماعي في لعبة ريد فاكشن عجييييييييييييب :)
بالتوفيق
العراقي17
25-05-2002, 07:46 PM
RichMan
يمكن لانك تلعب Death match العب طور اليمنيشون(الي يتكون من فريقين...واحد باللوبي والثاني ينزل من الهليكوبتر)
عموما على راحتك;-)
محمدS.M
25-05-2002, 10:31 PM
العيه شكلها مطوره اكثر من الجزء القديم ونحن نتظرها بفارغ الصبر
بس طبعا ما اعتقد توصلني اصليه ;)
RichMan
26-05-2002, 11:54 AM
السلام عليكم
اخوي العراقي اللعب الجماعي فيها مممممممتع للغااااايه على قولتهم :)
خاصة الديث ماتش روووعة وصدقت يوم قلت انها ادمان... بس حسافه ماكو الا خريطه وحده بس اللي نلعب فيها:(
في خرايط للتحميل؟
بالتوفيق
العراقي17
26-05-2002, 04:31 PM
RichMan
هه شكلك صرت مدمن مثلي؟
مافي اي خريطة للتحميل لانها مجردTesT يعني اذا عجبتك اشترها اصلية وراح تكون مع عدة خرائط... بس انا لحد الان ما مليت من الخريطة عشان افكر بخرايط ثانية..كل يوم اكتشف استراتيجيات يديدة فيها!!
بس تستاهل تشتريها اصلية...مو صح؟;-)
RichMan
26-05-2002, 05:06 PM
السلام عليكم
اخوي العراقي مالومك صراحه ادماااااان :)
انا تدري شنو اسوي ... اذا لقيت رشاش عيار 30 آخذه واقعد بالمكاتب اللي فيها شباك يطل على المسرح ... وانخش هناك واللي يمر مايشوفني الا لما احك ظهره بكم رصاصه :) او اطلع من الشبابيك وامشي على الحافه -الهاوية- وهناك القى بازوكه واذا لقيت قناقه اروح لنفس المكان واقعد اتصيدهم :)
بس للاسف دايما يشوفوني ويكسرون القناصه على راسي :)
انا باللعبه اسمي RichMan و اذا شفتني لا تنحاش .. يعني بالانجليزي
If You Run You Only Die Tired
:)
بالتوفيق
العراقي17
26-05-2002, 06:06 PM
RichMan
هههه:p ماشي:D
انا نكي Master يمكن بالصدفة تلقاني.
وطبعا ماراح تشوفني لاني دائما منخش باماكن محد يفكر ينخش فيها:D
MAD-BOSS
26-05-2002, 09:06 PM
بما انه صار الموضوع شات :D انا عندي سؤال للعراقي ولمن عنده اي معلومه عن هالشي:
انا الحين عندي النسخه كامله للعبه وهي كوبي بس السي دي كي حقي مظبوط وشغال ......
الحين اذا جيت ابشبك مع وحده من الغرف اللي بقيم سباي يروح يدخلني على الملتي بلير ويقولي awaiting for connection ويجلس يعد من واحد الى ما شاء الله وعلى هالحاله........ جربت اكثر السيرفرات الموجوده هناك وما فيه فايده ......... واذا دخلت االلعبه واخترت سيرفر من اللي موجود داخل نفس القضيه تتكرر....
افيدونا مشكورين:)
RichMan
26-05-2002, 10:02 PM
النسخة اللي عندك كامله والا ديمووو !!! نزلت عندكم بالسعوديه معقوول؟؟
بالتوفيق
العراقي17
26-05-2002, 10:32 PM
MAD-BOSS
الشي الوحيد الي ممكن يكون السبب هو الكونكشن:D !
مع انه انت تستعمل مودم مثلي....
بس فيه حل ثاني...
لاتشبك من الجيم سباي .
اشبك من اللعبة نفسها..
اول ما تشغل اللعبة تلقى كمبيوترين صغار تحت اختار الي على اقصى اليسار...
بعدها راح تدخل شاشة وفيه مع الخيارات كلمة Local اضغط عليها وراح تتحول الى internet
بعدها اضغط على زر Get New List وراح يعطيك لستة سيرفرات دش على الي فيهم ازدحام:D (اللعب احلى)
وبعضهم تطلعلك رسالة حمرة تقولك انه السرفرات حق الي بنجهم قليل(يعني للكونكشنات السريعة فقط....).
MAD-BOSS
27-05-2002, 01:30 AM
العراقي انا سويت اللي قلتلي عليه بس ما يطلعلي الا سيرفر واحد واذا دخلت عليه تطلعلي نفس المشكله اللي ذكرت سابقا.....
الظاهر محد فاهم مشكلتي الا اللي عنده النسخه الكامله:أفكر: !!
RichMan
انا عندي كاااامله والكامل وجهه....... وهي نزلت عندنا قبل اسبوع تقريبا .....الظاهر اني اول واحد احصلها بالسعوديه كلها:D ...... ما سمعت خبر من واحد من المنتدى انه جاب النسخه الكامله للحين غير احمد سعد!!
وشكرا
dungeon
27-05-2002, 02:58 AM
يا ناس ابي اعرف شي واحد ... انتم من صدقكم الحين ... تلعبون الالعاب هذه بالمودم العادي على الانتر نت ؟؟؟! وخصوصاً العاب الFPS
انا اكثر من مره العب quake III والبينق عندي عمره مانزل عن
600 أو 400 :غضب:
والا الأمر محجور على كويك فقط ... والا وشلون ...
(شكلي بقلب على هاف لايف ..و سولجر والطقه ذي )
افيدونا رجاءً :أفكر:
RichMan
27-05-2002, 11:49 AM
السلام عليكم
بالنسبة لي انا فعندي DSL واهو سريع بالالعاب ...
بالتوفيق
العراقي17
27-05-2002, 03:57 PM
MAD-BOSS
الكونكشن وما يسوي:D
dungeon
انا جربت كل الالعاب العبها على النت واسرع من هاذي ما لقيت....
المبرمجين اذكية لدرجة كبيرة فحاولوا اقصى ما يمكن لجعلها ملائمة للمودم وسرعته نزل المتلي بلاير تيست وشوف;-)
RichMan
نسيت اسأك .. البنج عندك جم؟:)
The Dragon
27-05-2002, 06:09 PM
شباب من وين نزلتوا اللعبه الملتي بلاير وكم حجمه
لو سمحتوا يعني::6
RichMan
27-05-2002, 06:45 PM
اخوي العراقي ما جيكت والله ... بس انت قولي وين القى سرعت البنج وانا اقولك
بالتوفيق
MAD-BOSS
27-05-2002, 11:16 PM
اخوي The Dragon
نسخة الملتي بلاير تحصلها في fileplanet في قيم سباي اذا شغلت القيم سباي تبعك رح لها وتحصلها هناك......حجمه حول 50 mb
ايه بعد وللمعلوميه يا شباب ترى الحين نزلو ديمو لسنجل بلاير وداخله مرحلتين تقريبا........ وحجمه حول 130 mb
وشكرا:D
فاضل711
28-05-2002, 08:31 AM
الصراحة اللعبة شي هبال بس المشكلة مافي الا خريطة وحدة:D :D :D
أنا أريد منكم ان تقولولي أكثر سيرفر تدخلونة و شو الnikname مالكم عشان يمكن نتلاقى:cool: :cool: :cool:
half-life fan
28-05-2002, 09:15 AM
فايل بلنت أذية تنطر 90 دقيقة لين يبدي الداون لود . وليش شذي يطول
علشان مزدحم ولا شنو ؟؟ أفيدوني ؟؟ إي العاراقي أنت شنو اشتراكك
(q8 ولا كوالتي من ولا شنو ؟؟) وجم يوصل البنج عندك ؟؟
وشكراًً
فاضل711
28-05-2002, 11:55 AM
ما الك الا هذا الموقع
www.gamepro.com
أنا هذا هو الموقع اللي نزلت منه اللعبة و كانت العبة تمام":" ":" :cool: :cool:
العراقي17
28-05-2002, 01:23 PM
RichMan
اضغط زر TAb وراح تطلعلك قائمة اسامي الاعبين وترتيبهم وعدد المرات الي مات فيها وعدد الاشخاص الي ذبحهم وايضا البنجping.
MAD-BOSS
السنجل بلاير كبيرة :D وبعدين السنجل بلاير تقدر تلعبها بالمنسوخة مادام ما تحتاج سيريال;)
فاضل711
هبال.... شوية عليها:D :D
وانا ادخل سيرفر اسمه evildog ونكي هو Master
half-life fan
دش الصبح او الظهر وبتلقاه فاضي ...(انا مشترك فيه10 سنوات من كردت كارد واحد يهودي:D )
واشتراكي كوالتي والبنج يتراوح بين200-600
RichMan
28-05-2002, 10:19 PM
السلام عليكم
اخوي العراقي .... اليوم دشيت اللعبة عن طريق جيم سباي ولعبت وضغطت TAP ولقيت نكي ويمكه مكتوب البنج 430 !!! معقوله بطيئ يعني؟
او لاني موداش بسيرفر كواليتي .... وانا على فكره ما احس ببطئ اثناء اللعب ..
ها زين والا مو زين ؟
half-life fan
31-05-2002, 07:45 PM
الظاهر بنزل اللعبة من غيم سبوت . والعراقي لو تقدر تدبرلي أكونت عندهم أكون شاكر لك :D .
فاضل الموقع اللي حاطه مو موجودة اللعبة فيه بس الديمو مال ون بلير
العراقي17
31-05-2002, 08:58 PM
RichMan
غريبة والله بنج عندك 420 مع انك تستخدم DSL!!
هو بطيئ وبعض السيرفرات ما تخليك تدش....
بس انت الي يهمك الاستقبال الارسال عادي حتى لو 999;)
half-life fan
اعذرني ما اقدر والله:)
RichMan
31-05-2002, 11:22 PM
السلام عليكم
اي والله على قولتك اهم شي الداونلوود :)
اليوم رحت لسوق الجمعه فرع المستعمل ! ولقيت هناك واحد مبسط بسيديات العاب وبرامج يقول اي سيدي 150 فلس !!!!!!! ولقيت العاب الدنيه عنده وخذيت عشر سيديات عطانياهم بدينار !!
F 22 لعبة طيارات
Braveheart
Thieft II the metal age
Tomb Raider 4
Urban Chaos
commandos
Fate of dragon
Res Alert 2
Drag Racing
لا ويقول الاسبوع الجاي بينزل جدد .... اكل ملح :)
ادري طلعتبره الموضوع بس ماحبيت اكتب فيه موضوع جديد :)
بالتوفيق
لعّيب
01-06-2002, 12:47 AM
يله أخوي MAD BOOS عندك واحد زيادة شراها كاملة كوبي :)
أكثر ما أدهشني في اللعبة المؤثرات الصوتية
شي رهيب لم أره في أي لعبة من قبل
استخدام رائع جدا لتقنية EAX الخاصة بشركة كرييتف ، ومع كرت الصوت أوديجي بلاتينيوم وسماعات انسباير 5.1 تشعر أن الطلقات تضرب في جسمك :)
لكن توني في ثاني مرحلة و فيه شي عقدني ، أنت وين وصلت MAD BOSS ؟ :)
MAD-BOSS
01-06-2002, 05:53 AM
زييييين مبروك عليك لعيب;)
انا سلمك الله عديت حوالي 25 مرحله (اللعبه طويله من جد)....وصلت لين مرحلة سطح المستشفى اللي هجمو عليه الارهابيين (يعجبوني الارهابيين:D ) فيه هيليكوبتر هناك طلعت ريحتي :" ......
اذا محتاج اي مساعده باي مرحله لا تتردد :) ....
وشكرا
لعّيب
01-06-2002, 11:41 AM
الله يبارك في عمرك :)
تسلم والله وما تقصر :) ..
أنا طال عمرك في ثاني مرحلة ، عند الدكتور الروسي اللي مدري وش اسمه :)
قتلت كل الموجودين بالمرحلة <--- سفاح :) وما بقى الا هو
وش أسوي له بالضبط؟
MAD-BOSS
02-06-2002, 08:20 AM
هلا والله اسمع اخوي :
اذا قصدك انت بمرحلة الفندق فما عليك الا ان تلحقه وهو يدلك على الطريق بس.....
اما قصدك اذا طلعتو انت واياه من الفندق فما عليك الا ان تصعد فوق الشاحنه الحمراء <<<<<ملاحظين اللغه شباب:D
وبعدين تجي ورا الرشاش المثبت عليه وتظغط space عقبها عاد استلمهم ....
وشكرا:)
لعّيب
02-06-2002, 02:49 PM
اسمع والا شف ؟ ;)
المشكلة أخوي هالعالم عجاز :) ، ما يتحرك عشان يدلني على شي
جالس بمحله و "يومي" بيديه خايف أطلق عليه
وحتى إذا طلقت عليه ما يتحرك :)
!!
MAD-BOSS
02-06-2002, 04:38 PM
لالالا يخوي مهو هذا الدكتور ....هذا واحد ساكن بالفندق وياشرلك بيده خايف لا تذبحه:D
كمل طريقك من الباب اللي قدامك الين ما توصل لغرفه في الدور الثاني تحصله هناك واول ما تشوفه راح يدلك على الطريق
لعّيب
02-06-2002, 06:58 PM
طيب المشكلة مهب يتحرك ولا يدلني على شي :)
شكله لازم أعيد المرحلة من جديد
معلبش أشغلتك أخوي MAD BOSS :)
MOATAZ
03-06-2002, 02:15 PM
شباب خصوصا ريتش مان و عراقي 17 وكل من يلعب الملتي بلي تست للعبه
ممكن تقولون انتوا متي تدخلون لانب نزلتها امس والله كانت جميله
بس في مشكله انا ما عرفتش العبها عن طريق سرفيرتها لكن لعبتها عن طريق الgame spy لان جربت اكتر من مره اعمل بحث عن سرفرات و غيرت الخيارات لي انترنت بدل من local لكن لم يوجد اي سيرفر لكن طبعا عن طريق جيم سباي كان في كثير من السيرفرات
والله كنت مذهول الping بتاعي كان 350 رغم اني اعمل علي مودم عادي
RichMan
03-06-2002, 02:22 PM
السلام عليكم
اي اخوي معتز انا مثلك بعد بس العب عن طريق الجيم سباي اما من اللعبة نفسها ما لقيت احد غيري :)
بالتوفيق
MOATAZ
03-06-2002, 02:24 PM
علي فكره انا في الجيم سباي اسمي mmoa123
وسؤال هل هنا احد اسمه saeed لاني شفت هذا الاسم امس في اللعب
انا رايح اللعب:0)
jadzia_dax99
03-06-2002, 10:45 PM
مرحبا ياأخوان
أنا العب عن طريق اللعبة لكن ودي أعرف كيف العب عن طريق GAMESPY
وشكرا .
][حلم الحقيقة][
04-06-2002, 09:34 AM
السلام عليكم
والله انا بصراحة ماعمري لعبت لعبة على البي سي الا تقريبا كويك الدوم اتوقع قبل كم سنة :)
لاني بصراحة تركت الجهاز لللبرامج المكتبية والنت ...الخ
واتجهت للعب على البلاي ستيشن ..
لكن الحين صراحة تفاجأت بالالعاب رائعة جدا ولعب جماعي وسوالف سنعه:D
ياليت تدلونا على طريق لتحميل اللعبة وكيفية اللعب بها عن طريق جيم سباي..
والله يعطيكم العافية
MAD-BOSS
05-06-2002, 07:03 AM
بالنسبه وين تحصلون نسخة الملتي بلير تحصلونها في الردود السابقه...
وبالنسبه للقيم سباي اركيد حملوه من هنا والتسجيل عندهم مجانا
>>>>>قيم سباي اركيد 1.09 (http://www.gamespyarcade.com/download/launch.shtml)
واذا حملت اللعبه من هناك راح تظهر لك بالقائمه اللي على يسارك اذا شغلته وادخل والعب باي سيرفر تبي
وشكرا
][حلم الحقيقة][
05-06-2002, 09:15 AM
مشكور ماقصرت انا حملت برنامج جيم سباي لكن ماعرفت احمل اللعبة الديمو منها ياليت تعطوني الرابط المباشر لتحميلها..
وعندي سؤال لك انت اشتريت نسخة غير اصليه هل جربتها تلعب بها اون لاين واشتغلت معاك؟ لاني ودي اشتري نسخة اصليه منها لكن باخذ غير اصليه اذا المنسوخة تشتغل على اونلاين..
وجزاكم الله خير :)
][حلم الحقيقة][
05-06-2002, 02:07 PM
مشكورين على الفائدة اعضاء منتدى بي سي:( :o
half-life fan
05-06-2002, 03:07 PM
أنا عن نفسي ما قدرت أنزل الفايل في فايل بلانت لأنه يطلع الروح منك
بس علشان يبدي الداون لود (لاحظ يبدي مو يبدأ يحمل) وبعدين لما يبقى
دقيقتين لين يبدي الداون لود يفصل النت .:غضب: :غضب:
إذا الشباب ما عندهم مواقع ثانية أنزل منها الألعاب الرجاء الافاااادة
RichMan
05-06-2002, 03:16 PM
السلام عليكم
جربوا هذا الموقع
http://www.3dgamers.com/games/soldierfortune2/
بالتوفيق
half-life fan
06-06-2002, 06:00 PM
ريتش مان أنا ألحبن قاعد انزل من الموقع
تسلم عالموقع
RichMan
07-06-2002, 01:57 AM
السلام عليكم
انا عيوني لكم :)
بالتوفيق
على فكرة انا اسمي باللعبة اون لاين RichMan واذا صادفتني اثناء اللعب لا تنحاش زين :) وتذكر الحكمة اللي تقول
If You Run You Only Die Tired!
:)
سييي يووو اون لالالاين :)
فاضل711
07-06-2002, 11:28 AM
أما أنا الnikname مالي هو smith2000
أرجو لكل الأعضاء اعطائنا الnikname
العراقي17
07-06-2002, 09:29 PM
Master جاهز للتحدى;-)
][حلم الحقيقة][
08-06-2002, 02:31 AM
ياشباب ان بشتري اللعبة غير اصلية بس كاملة هل ممكن العب بها اون لاين؟
The Dragon
08-06-2002, 03:02 AM
الحلم يمكن تقدر تلعب جرب حظك بس على حسب السيريال نومبير
العراقي17
08-06-2002, 02:02 PM
][حلم الحقيقة][
لازم اصلية ;-)
][حلم الحقيقة][
08-06-2002, 02:05 PM
اجل بطلت مابشتريها بحمل الديمو منها :D
MAD-BOSS
08-06-2002, 05:45 PM
لا تنزله اصرفلك:o ......
نزل الملتي بلاير وارتح.....هذا شوري لك .......وانا بلحقك بعدين ....مع اني عندي اللعبه كامله:D
][حلم الحقيقة][
14-06-2002, 03:46 PM
احراااااااااج
مكن لنك مباشر لتحميل الملتي بلير تبعها لاني مو عارف احمله من موقع جيم سباي(على قد حالي بالانجليزي) :o :o
العراقي17
14-06-2002, 05:07 PM
تفضل
File Planet Download (http://66.28.151.203/^988237781/ftp1/gamedemos/action/SOF2_test.EXE)
RichMan
15-06-2002, 12:12 AM
السلام عليكم
يا شباب منو خلص مرحلة Rebel Encampment ؟؟ اللي فيها تروح مع الفريق الفا وتلقى ناس مسجونين والباب ملغم !!! واللي معاك الثلاثة يوقفون ولحد يكلمك !! وبعد شوي يعدمونك !!!!!!! انا قريت انك لازم تفجر منشآت بالاول ... شنو المنشآت هذي ؟
بالتوفيق
][حلم الحقيقة][
15-06-2002, 01:43 AM
الله يكرمك اخوي عراقي الرابط مايعمل..:"
MAD-BOSS
15-06-2002, 02:09 PM
ايه RichMan عرفت اي مرحله تقصد :
هذي سلمك الله بعد ما تقتل جميع الجنود الكولمبيين راح يعطيك الكابتن امر بانك تدخل المنشات حقتهم وتسويلها تنظيف شامل من الاعداء ....بعد ما تخلص الثلاث منشات ....
راح يجي ويقولك فك قيد الاسرى اللي حصلتهم لا تفجر اللغم اللي على الباب !!:واو:
لان اسراك راح يتنتفون:D قرب جمب الباب واظغط على الاكشن كي(اللي هو space) واصبر الين ما ينفتح الباب .....وبس
RichMan
15-06-2002, 02:42 PM
السلام عليكم
طيب اهو ما عطى اي امر !!! وانا فعلا نطيت على السطح ودشيت منشأة وحده بس ونظفتها :) الحين شلون ادش الباقي !!! من اي دريشه او فتحه ؟ والا بعد من السطح يمكن ...
بالتوفيق
MAD-BOSS
15-06-2002, 08:25 PM
عادي اخوي هن ثلاث مباني لاتنط من السطح ولا تتعب نفسك:)
ادخل من الباب عادي .....مدري الظاهر عندك مشكله بالدخول!!
RichMan
15-06-2002, 11:58 PM
السلام عليكم
الباب اللي انفتح معاي واحد بس واللي فيه ماتوا الله يرحمهم :) اما باقي الابواب مو راضية تفتح !!!! ولما نطيت فوق السطح ودشيت من الباب اللي فوق لقيت كم واحد وراحوا ملح بعد :) وبببببسسسس ماكو باب غيرهم يفتح !! فجرتهم طقيتهم لغمتهم كل شي سويته ومارضوا يفتحون !!
حاول تتذكر اكثر تفاصيل عن المكان الله يخليك :)
بالتوفيق للكل
MAD-BOSS
16-06-2002, 05:02 PM
RichMan اليوم اعدت المرحله هذي من جديد وما حصلت معاي اي مشاكل بفتح الابواب !!
مجرد اني اقرب عند الباب واظغط على (space) ينفتح الباب وادخل واشتغل فيهم غسل وتنظيف :D
عقبها اخلص المباني الثلاث واتجه افك قيد الاسرى
وشكرا
RichMan
17-06-2002, 04:32 AM
السلام عليكم
صح صح صح :) فتحنا الابواب ولقيتهم يلعبون كوت بوسته من كثر ما تاخرت عليهم :)
مشكوور يالغالي وترى بسألك اذا توهقت مره ثانيه :)
بالتوفيق
MAD-BOSS
17-06-2002, 12:36 PM
any time man .........any time:)
half-life fan
18-06-2002, 05:36 AM
يلااا شباااب توني منزل المولتي بلير تيست من كازا . يلا اللي عنده دي اس ال وكنكشن صاروووخ يسوي سيرفر ويعطينا الآي بي علشان اوريكم منو أهو ((الماستر)):D :D :D
RichMan
18-06-2002, 05:44 AM
السلام عليكم
انا الظاهر بوقف اللعب عليها لما ينزل الباتش :( اللعبة تحتاج تعديل شوية
بالتوفيق
Liquid_Snake
10-07-2002, 02:16 AM
يا شباب حد يعرف كيف أخلي اللعبة دموية مثل الجزء الأول لأن اللعبة عندي ما فيها ولا نقطة دم تظهر، وكذا ما يكون فيها متعة
واحد قلي ان في باتش اسمه (Blood Enable) بس أنا دورت النت كله وما حصلته
أرجو المساعدة:" :"
:#
MAD-BOSS
10-07-2002, 12:58 PM
احم احم?:
من طلع هذا الموضوع من قبره:D ؟
على العمومLiquid_Snake السالفه ما فيها باتش ولا شي..
ادخل على اللعبه في شاشة البدايه رح ل VIOLENCE LOCK اذا كنت اول مره تدخل هذا الخيار راح يطلب منك كلمة سر حط كلمة السر ولا تنساها ..
وبعدها راح تشوف خيارات اتاحة الدم وغيرها من الاشياء العنيفه:p
اما اذا كنت واضع كلمة سر من اول ونسيتها فالله يعينك ما تقدر الا تعيد التحميل مره ثانيه!!
Liquid_Snake
11-07-2002, 03:02 AM
أخوي Mad Boss
الخيار الي تقول عنه مو موجود
دورته وما حصلته
انت متأكد انه موجود بالجزء الثاني
Liquid_Snake
23-07-2002, 11:58 AM
يا جماعة تكفون ابغى اللعبة تصير دموية
اللعب بدون دم يطفش موووووووووووووووت!!:غضب:
لقد شاهدت عرض لهذه اللعبة العام الماضي و لكن بسبب الدراسة ابتعدت عن الألعاب و قد أكون نسيتها (تركت الإدمان جزئياً)
أما إذا كنت بشتري ألعاب بشتريها من السوق البيضاء:D
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .