معرض رسوم المانجا السلام عليكم :) ........ عضوه يديده ...اتمنى اكون خفيفه عليكم [الأرشيف]

beatrix

21-05-2002, 05:23 AM

:D السلام عليكم .........
فريت المنتديات اللي بالنت كلها من منتدى لي منتدى ليما طحت هني
ما شاء الله عليكم :D
فنانين صج
انا متابعه ها المنتدى من شهر تقريبا بس اليوم قررت انضم لكم ... :o
و اكو اعضاء وايد اعرفهم هني هم اللي شجعوني اكون معاهم بها المنتدى :o
و كاني جيييييت :D
مبروككك علييييييييكممممممم انااااااااا :D
الله يبارك فيني و يخليني :6
الحين يقولون هاذي مستخفه :D
لا لا ......
هاذا بس من فرحتي بدخلتي معاكم هني بها المنتدى ....
صراحه ما كنت اتوقع فيه ناس مهتمه برسم الكرتون جذي :"
انتو وينكم من زمان :"
ليش ما تنادوني معاكم :"

و كلمه اخيره احب اقولها ........... انتو ناس مو سهلين ;-) ...
و انا مو مصدقه روحي اني صرت معاكم :D
و يا ويله اللي ما يرد على السلام :غضب: ................... :D

اشوفكم على خير :o

لوجــــــين

21-05-2002, 06:20 AM

يا روح ما بعدك روح

اصم الله عليكي

لا يحسدوكي

ههههههههههههههههههههههههههههههههه

أقولش

هلا فيش عضوة جديدة معانا

beatrix اسم حلو

عاشت الأسامي

و النعم فيني الله ينعم على حالي والله

هههههههههههههههههههههههههههههههههههههه

كاني شفتش في منتدى ثاني و لا مجرد احساس:-)

RPGboy

21-05-2002, 06:58 AM

يا هلا بـ beatrix !
الباب مفتوح تفضّلي !
إن شاء الله نشوفج منفعلة دايمًا ويّانا !
حيّاج الله beatrix :D
المنتدى منتداج ...

بالتوفيق ،،،

beatrix

21-05-2002, 07:12 AM

لوجــــــين

يا روح ما بعدك روح

ههههههههههههه :)
هلا فيج اختي لوجين ........
لا تعصبين علي ما سويت شي انا :D
:)

و الله يسلم و يخليج :) ...... يا رب ......
انتي اول وحده ترد علي ...... ;) ......و ماراح انساج ابد ........بنصير ربع اكيد :o
:) شكرا اختي وايد وايد على كلامج و ردك لي :)
ان شاء الله اذا انتي رسامه اطيح على رسمك و تقرين ردودي :) و تفرحين فيها مثل ما راح افرح بوجيدي انا معاج ......
فرصه سعيده :)
اشوفك على خير ;)

beatrix

21-05-2002, 07:18 AM

RPGboy
حيّاج الله beatrix :D

الله يحييييييك :D ........و تسلم على ها الضحكه الحلوه .......
:)

لوجــــــين

21-05-2002, 07:24 AM

ههههههههههههههههههههههههههههههههه

انتي تعجبيني

أخيرا لقيت احد من طقتي

عاد كويتيين و تقابلو

أبي أشوفش في موضوع ثاني

شكلة المنتدى راح يخترب أكثر من قبل

هههههههههههههههههههههههههههههههههههه

:! هاي لا تطالعوني شذي:!

Ralph Jones

21-05-2002, 09:53 AM

اهلا وسهلا بك أخت beatrix ....

وارجو ان تقضي وقتا ممتعا بهذا المنتدى .... وان تفيدين و تستفيدين :) :)

تحياتي الحارة لك ...

رالـــــــــــــــــــــــــــــــــــــــــــف;)

Ranma Saotome

21-05-2002, 12:12 PM

أهلين وسهلين beatrix...
أنا اقووووووووول شفيه المنتدى اليوم غير... نور غير طبيعي :-) ...
نور المنتدى بوجودك وانشالله بينور أكثر برودوج ورسومج وتفاعلج في المنتدى.. اهم شي يكون تفاعل صحيح وكامل ولايؤدي إلا انفجارات ومخاطر كيميائيه (أيام امتحانات متعقد)خخخخخخخ
من الكويت.. اكيد عيل تعرفين بنات الكويت اللي هنيه...
ماشالله الله يبارك ويزيد..

wildkitty

21-05-2002, 01:02 PM

hi
اهلا فيك بالمنتدى

RPGboy

21-05-2002, 03:40 PM

الرسالة الأصلية كتبت بواسطة beatrix

الله يحييييييك :D ........و تسلم على ها الضحكه الحلوه .......
:)

الله يسلّمج يا beatrix !;-)

wanna

21-05-2002, 03:54 PM

حي اللــــــــــــــــــــــه ابنات الكويت :D

اشوف زدنا مووووووووووووو جذي:0) :0) ;-) :p
هلا وغلا اختي ومبروك عليج عضويه المنتدى
وعاد نبي نشوف اعمالج ok

Neo Cid

21-05-2002, 04:02 PM

آسف على التأخير .. :#

بس المهم .. يا ألف أهلا و سهلا فيك بالمنتدى .. البيت بيتكم .. :0)

جـــــلـنــــار

21-05-2002, 04:17 PM

يا هلا فيج بالمنتدى وان شالله نكون ربع

والله يخلي البنات

وما يحرمنا من صداقتهم:6

والله يكثر من أمثالهم

أميييييييييييييييين

:" بس الفاينل قرب
وحاسه ان ما يكفيني الوقت
ادعوليييييييييييييييي
والله يهل عليكم?:

fatoom

21-05-2002, 07:41 PM

السلاااااااااااام

:D أهليييييييييين بالعضوه اليديده

بياتركس :)

زادوا البنات زادو ههههههههههههههههههه:D

مادري ليش أفرح بإنضمام البنات هههههههههه:D

المهم أشوفكم على خير ( برجع أذاكر :" و أكمل شغلي )

:":

Rex

21-05-2002, 10:31 PM

مرحبا بك في المنتدى أخت beatrix :)

ان شاء الله تستمتعين بوجودك معانا ..

c u soon ;)

shaheen

21-05-2002, 11:11 PM

"مرحبا بتش وباهلتش والجمل اللي رحل بيتش"

ههههههههه اهلا وسهلا وان شاء الله تعجبك مشاركاتنا وردودنا و الخ.:D

AREXA

22-05-2002, 01:04 AM

بياتريكس اهلا فيش بالمنتدى واتمنى لش التوفيق
والمثابرة المستمرة معانا
يا هلا ومرحبا;-)

Dark Blue Soul

22-05-2002, 08:34 AM

Hi there

nice to have u with us beatrix

beatrix

23-05-2002, 06:01 AM

:! .........

جم واحد رد علي ........ ?:

:" :" :"

خجلتوني و الله من طيبكم :# :#

آنا قلت واحد اثنينه ثلاثه بالكثير اربعه بيردون السلام و بتشقق :D
بس انتو خليتو العبره تخنقني حسبالله على ابليسكم :" ليش تسون فيني جذي .............
الحين شي يفككم منو انا حبيتكم الحين خلاص ما كو فكه ....... :o :D
الله يخليكم لمنتداكم و منتداي يا رب آمييين :D

beatrix

23-05-2002, 06:03 AM

لوجين

ههههههههههههههههههههههههههههههههه

انتي تعجبيني

أخيرا لقيت احد من طقتي

عاد كويتيين و تقابلو

أبي أشوفش في موضوع ثاني

شكلة المنتدى راح يخترب أكثر من قبل

هههههههههههههههههههههههههههههههههههه

انا قلتها .......من قبل ...مبروك عليكم انا :D
تسلمين لي يا اختي :o
بعدين شنو الموضوع آمري ...........انا دقة سلف ..... بس اشري و راح تلقيني موجوده :6
بعدين المنتدى ليش يخترب حبيبتي .............هااااه :o .......انا الكل بها المنتدى يستانس لما يشوفني :D و لا انا غلطانه :D
حتى اسؤلو لوجين هي اكثر وحده تستانسسس ;)
الله يخليج و يسلمج يا رسامه يا خطيره انتي :o
و الله كشخه :D صاحبتي رسامه .....;)

beatrix

23-05-2002, 06:26 AM

رالف
اهلا وسهلا بك أخت beatrix ....

الله يسلمك و يا هلا و مرحب فيك :D

beatrix

23-05-2002, 06:42 AM

Ranma Saotome

أهلين وسهلين beatrix...
أنا اقووووووووول شفيه المنتدى اليوم غير... نور غير طبيعي :) ...

:# اف اف اف
مغاااااازلجييييي :6
طحت عليك :D ......صدتك :D .........
تغازلني بالسكه جدام الناس ...... :غضب:
اي نور هاذا اللي تحجي عنه ....... :6

Ranma Saotome

نور المنتدى بوجودك وانشالله بينور أكثر برودوج ورسومج وتفاعلج في المنتدى.. اهم شي يكون تفاعل صحيح وكامل ولايؤدي إلا انفجارات ومخاطر كيميائيه (أيام امتحانات متعقد)خخخخخخخ
من الكويت.. اكيد عيل تعرفين بنات الكويت اللي هنيه...
ماشالله الله يبارك ويزيد..

تسلم على الحجي و الرد اللي يفتح النفس :D
و الله يفوفقك بدراستك .....آميييييين يا رب
بنات الكويت اللي بالمنتدى هم اللي يابوني هني :D ...لاهداف سياسيه الله يستر منها :cool: .....الملف سري جدا ممنوع الاقتراب و التصوير قطعيا :D .......
انا اعرف الفنانه لوجين الله يخليها لي يا رب :o
من يومين بس عرفتها :D .........

beatrix

23-05-2002, 06:51 AM

wildkitty
hi
اهلا فيك بالمنتدى

HI ;-)

beatrix

23-05-2002, 07:11 AM

wanna

حي اللــــــــــــــــــــــه ابنات الكويت

اشوف زدنا مووووووووووووو جذي
هلا وغلا اختي ومبروك عليج عضويه المنتدى
وعاد نبي نشوف اعمالج ok

اله يخليج و يحفظج حق كل اللي يحبونج يااااااااا رببببب :o
الله يبارك فيج :o

اعمالي :! ........ انا ما عملت شي
انا ما عملت الا كل خير :!
:6 ....................
شكرا شكرا شكرا :D على اهتماج اختي :o الله يسلمج انا ارسم و احب الرسم :)
بس مو مثلكم ما شاء الله عليكم .........
انا احب اشوف الرسم ......و ملاحظتي قويه انقش الخط النتفه الغلط بين مليون خط صح ..... :D حشا ليزر مو عين :6 ..ما شاء الله علي ..اسمالله علي... الله يخليني و حفظني يا رب :6
يعني بختصار رسمي قليل و مو مثل رسمكم :D
انا الحين :) قاعده ادرس حالت الفنانه لوجين .......
ما شاء الله عليها خطوطها بديعه
و بعدها بروح حق الفنانه اريكسا ........ لانها عجبتني وايد بس :D ...
فنانه عمرها صغير و ترسم رسمات حلوه .... و فيه لها رسمات سايحه و غريبه بس روعه و حلوه و كل فنان له اسلوبه .....
انا ابقق عيوني على رسماتها دايم ......ما شاء الله عليها
و بعدها بروح حق الفنانه فطوم :"
حرام عليج فطوم انا شنو مسويه لج .......
بسرعه جذي تعلق قلبي برسمج ......
و صرت عايشه كابوس اني ايمع كل رسماتج اللي هني ....... بس وايد
ما شاء الله عليج ......
و بعدين لما اخلص منهم بروح حق غيرهم لما ينترس كمبيوتري من رسمكم و اعرف اسلوب الكل و افتخر اني اعرفكم يا فنانين ......:o

beatrix

23-05-2002, 07:17 AM

Neo Cid

آسف على التأخير ..
بس المهم .. يا ألف أهلا و سهلا فيك بالمنتدى .. البيت بيتكم ..

اهلا و سهلا فيك :D ............ شدعوه آسف
انت ما قصرت ...... :o
ما تعرف انا شكثر فرحانه بس بدخلتك و سلامك
انا ما كنت متوقع ان اكثر من اثنينه او ثلاثه بس يردون علي :D
و لا تقول آسف مره ثانيه :o
انت ادخل و سلم بس ........و حنا نحطك بعيونا :D

beatrix

23-05-2002, 07:30 AM

جـــــلـنــــار

يا هلا فيج بالمنتدى وان شالله نكون ربع
والله يخلي البنات
وما يحرمنا من صداقتهم
والله يكثر من أمثالهم
أميييييييييييييييين
بس الفاينل قرب
وحاسه ان ما يكفيني الوقت
ادعوليييييييييييييييي
والله يهل عليكم

هلا و غلى حبيبتي :D و الله يخليج لي يا رب .....و حنا ربع ان شاء الله
من اول ما دخلت المنتدى و انا حابه كل اللي فيه .....
حتى اسمه ..... المنتدى .... وايد حلو ..... و الويه الاصفر هاذا :D عاجبني وايد وايد ..... و اللون الازرق حق المنتدى بعد يجنن و هادي
و الاعضاء اللي فيه ;-) هم يدخلون القلب و حبوبين
روحي يا اختي الله يوفقج ان شاء الله يا رب ..... آمين
و لا تهتمين و تتكدرين ......ركزي بدروسج و سوي اللي عليج و الباجي على الله .....موفقه و قلبي معاج ... :( :o

beatrix

23-05-2002, 07:40 AM

fatoom السلاااااااااااام

أهليييييييييين بالعضوه اليديده

بياتركس

زادوا البنات زادو ههههههههههههههههههه

مادري ليش أفرح بإنضمام البنات هههههههههه

المهم أشوفكم على خير ( برجع أذاكر و أكمل شغلي )

و عليكم السلام يا خطيره :D و يا هلا ....

متعبتني معاج انتي ....
تدرين فيني و لا ما دريتي .....
انا كله ايمع برسماتج :D و اوري صاحباتي و اقص عليهم
و اقول لهم شوفي هاذي الرسامه اعرفها انا رفيجتي :6
رسماتج وايد حلوه ..... :) اتمنى اصير مثل ان شاء الله في يوم من الايام
ما شاء الله عليج
انا فرحت لما عرفتكم اكثر و اكثر صدقيني :) ....وجودي مع فنانات مثلج فخر كبير لي و لرفايجي :o

beatrix

23-05-2002, 07:50 AM

REFLEX

مرحبا بك في المنتدى أخت beatrix

ان شاء الله تستمتعين بوجودك معانا ..

c u soon

الله يسلمك :D
see you latterrrrrr:6

حسن مان

23-05-2002, 07:57 AM

آسف على التأخير
لكن كان عندي شغل المهم

حيا الل من يانا نورت يا matrix ؟؟؟؟

أو إنه beatrix

ها ها ها أتغشمر معك

انشاء الله نستفيد منك وتستفيدين منا

beatrix

23-05-2002, 07:57 AM

shaheen
"مرحبا بتش وباهلتش والجمل اللي رحل بيتش"
ههههههههه اهلا وسهلا وان شاء الله تعجبك مشاركاتنا وردودنا و الخ.

اهلا و سهلا :) .......كيف حالك يا فتى :D
اتمنى ان تتكوكن بخير :D
و اذا ما تتكوكنت بخير ...بنكوكنك ..........بخير اكثر منه :D
يعني غصب طيب لازم تكون بخير يا فنان ....
رسمات البنات وايد عجبوني .... رسمك مثل رسمي تقريبا :D بس آنا احسن :6
:D

حسن مان

23-05-2002, 08:07 AM

شنو أنا اعترف اني تاخرت لكن على الاقل رحبت بك هل هذا ردك على هذا العبد الفقير المسكين

beatrix

23-05-2002, 08:07 AM

AREXA
بياتريكس اهلا فيش بالمنتدى واتمنى لش التوفيق
والمثابرة المستمرة معانا
يا هلا ومرحبا

:o اريكسا ..... اهلا فيج يا فنانتي ...
انا اتمنى لج التوفيج بحياتج :D العلميه و الفنيه و الدنيويه :D
خلاص شطبت على كل رسماتج اللي بالمنتدى يمعتهم كلهم ... ;)
اي رسمه مني و لا مني عطينا خبر ........
خلينا معاج اول بأول يا خطيره .... ;)
انتي تحبين الرسم الواقعي :D ..............و انا احبج :D

حسن مان

23-05-2002, 08:20 AM

نبي نشوف رسمك لو سمحتي

please

beatrix

23-05-2002, 08:32 AM

Dark Blue Soul

Hi there

nice to have u with us beatrix

Hi bro.... I see u like dark blue shadow of insensible dark blue soul
To be sensible ;)
try arabic Language
just try it
Cause it's hart Language....and it had full of romace word
Remember English is always rigid for arabic souls:D
So keep it in you main;)

And thanx again:D
ahlaan wa sahlaan :D

beatrix

23-05-2002, 08:43 AM

حسن مان

آسف على التأخير
لكن كان عندي شغل المهم

حيا الل من يانا نورت يا matrix ؟؟؟؟

أو إنه beatrix

ها ها ها أتغشمر معك

انشاء الله نستفيد منك وتستفيدين منا
-----------------------------------------------------------------
شنو أنا اعترف اني تاخرت لكن على الاقل رحبت بك هل هذا ردك على هذا العبد الفقير المسكين
----------------------------------------------------------------
نبي نشوف رسمك لو سمحتي

please

:D ههههههههههههههههه
منو معاه خرده يا جماعه :6 .......

آسفه آسفه حيل... ما شفتك انا :D
كنت مركبه الواير براسي من ورا و اخزن كل كتب الجامعه براسي و الماجستير و الدكتوراه مره وحده :D .......متأثره بماتركس :D
جان زين تصير ها الحركه و الله
الله يسلمك اخوي انا المستفيده اكيد ما دام الكل فنانين هني ..... :D
تبي تشوف رسمي :6
عيل الله يصبرك و يعطيك العمر الطويل ان شاء الله و تشوفه :D
و شكرا مره ثانيه على اهتمامك يا اخوي :)

لوجــــــين

23-05-2002, 05:21 PM

ليش قاعده اهني بنية

منخشة عني هااااااااااا

وينش ما شوفش:غضب: شوفي ويهي

عاد ديري بالش سألي الكل لما أم عنبر تعصب شنو تسوسي

ههههههههههههههههه ليش بس إذا عندش اختبارات هل أيام أوكي

بس مو تخليني بروحي مرة ثانية

أنا الحين خلاص تدبست:! بس أعرف الفنان الكبير اللي رسماك:!

يازين هل ويه:! :! :! :! :! :!

beatrix

24-05-2002, 02:47 AM

هلاااااا لوجين بعد عمري و الله انتي اللي تسألين عني :"
انا ادورج ترا من زمان :D
زين وين الموضوع اللي قلتيلي ابيج فيه يا بيتريكس
وينه :!
بشوفه اناااااااا :D
بسرعه ردي على مو تخليني بروحي هني :":
انا صرت مشتاقه لمواضيعج عقب ما قريت ردودج و شفت رسمج اللي يهبل و عرفتج اكثر و اكثر :o

اختبارات :D ......اي اختبارات يا حسره .........
انا مجابله الكمبيوتر 24 ساعه بس بدون النت .........النت ابوي ما يقصر يشيلها عني دايم ....... يقول مو زينه :D هههههه
بالياله ادخل بالاوقات الضايعه ..... :D
بس اقعد على الكمبيوتر ارسم و اعبث بالفوتوشوب و الفلاش و برامج وايده وايد :D ......... كله اخرب و اصلح
الله يعين الكمبيوتر على ...... خرب مرات كثر شعر راسي ..... و كله انا اصلحه ........ عاد انا رقيقه
ما اطقه ترا :6
و لا احذفه باللنعال :6
و لا اسبه :6
و لا اسوي له اي شي ...... :6
بس اقول له اصلح الله يخليك :" و هو يصلح على طوووووول :D هههههه

لوجــــــين

24-05-2002, 03:27 AM

يا قوي انتا

هههههههههههههههههههه

ذكرتيني بنفسي لما أفكك الكمبيوتر بعدين أنسى أغراضا برة و يجي أبوي و يصرخ علي

حتى حرام براغية ضاعت يا حسرة بس شاسوي

ههههههههههههههههههههههههههههههههههه

أحسن شي لما أفرمته أحس كل ما أعصب على فلان و فلنتان أقوم و افرمت جهازي

يعني احسة يقول أعتقوني من أم عنبر يا جماعه الله بالخاير خخخخ

:cool:

beatrix

24-05-2002, 03:35 AM

:( هييييييه
حرام عليج انا اترجاج على شان تتحجين :6
وين الموضوع الليييييييي تبييييييينيييييييييييييي فيييييييييييه :D

على طاري الكمبيوتر ترا انا مهويه عليه الحين ....... :6
يعني مصارينه اشوفها الحين و المروه تشتغل داخله ... :D
فاكه الغطى ابيه يبرد على قلبه شوي ...... :D علىشان ما يزعل و يعلق و يخترب على و انا بالنت مع حبايبي :6 :D

لوجــــــين

24-05-2002, 03:46 AM

فااااااااااااااااشة غطا الكمبيوتر

طيب افرض مثلا مثلا يعني اني جايتش و عندي المطارة العودة اللي فيها

الشاي مع دولكة الماي يعني حار في بارد و شق بوم على كمبيوترش

شنو راح يصير فيه هههههههههههههههههههه ذكرتيني بكمبيوتر اختي لما تهاوشت معاها كل الماي اللي كان بالدولكة غرقت الللاب توب مالها فيه

تراااااني خااااتيــــــــــــرة:أفكر: