المساعد الشخصي الرقمي

مشاهدة النسخة كاملة : للبنات فقط... :D


Q Night
22-05-2002, 01:58 PM
المعروف أن البنات ما يحبوا يلعبوا ألعاب فيديو (إلا نادراً على كمبيوتراتهم أو كمبيوترات أخوانهم... و لكنهم لا يشترون أجهزة ألعاب (PlayStation مثلاً) )... لكن لماذا أنتن بالذات تحبن ألعاب الفيديو؟؟؟ أو بعبارة أخرى: ما الشئ المميز فيكن لتحبن ألعاب الفيديو؟؟؟؟؟؟؟ :D

و ما الألعاب التي تحبنها و ما الألعاب التي قد لا تحبنها؟؟؟؟؟؟

(ملاحظة: الموضوع لا يهدف إلى الإساءة أو التشهير أو التمييز العنصري (للبنات فقط... :D ) و لكن لفهمكن أكثر فحسب!!! )

و أنا أأسف لأي مضايقة أو سوء فهم يحصل (نيتي طيبة!!!!!)



مع خالص الشكر لكل من يرد و يساهم من البنات (أو حتى الأولاد!!!!! :D )
tidusxxx
22-05-2002, 05:21 PM
شوف....انا اللي اعرفه ان كل البنات صاروا يحبون العاب الفديو زي ما صاروا يحبون الكورة....
والبنات ما يشترون اجهزة العاب لانهن غير مبذرين ....بعدين وشوله تشتري لعبة او جهاز وهي عارفة ان اخوانها مالهم شغلة ولا عملة الا شراء الالعاب.....
اذن عقولهم اكبر مننا ....
ويلعبون كل الالعاب يعني ما فيه فرق....:D :D :D
Guilty Gear X
22-05-2002, 06:00 PM
وماذا يفعل هذا الموضوع هنا؟?:
عماد 18
23-05-2002, 10:25 PM
اخوي جلتي :) ..
الموضوع ما يستاهل التقفيل ..
اذا ما كان هالمنتدى مكانه تقدر تنقله للمنتدى اللي تشوف انه يصلح لها الموضوع ..
و اسف لاني فتحت الموضوع ..
RPG_master
23-05-2002, 10:36 PM
الرسالة الأصلية كتبت بواسطة Guilty Gear X
وماذا يفعل هذا الموضوع هنا؟?:

ههههههههههههههههههه عليك دخلات يا شيخ :D :D :p
عماد 18
24-05-2002, 12:45 AM
اللي كان كاتب رد هنا و حذفته ..
حبيت اقول له محد طلب رايك ..

بس فعلا اثبت لي ان بوطبيع ما يبدل طبعه :أفكر: ..
M7MOOOD
24-05-2002, 12:51 AM
فعلا موضوع جميل و حلو للنقاش :)

بس انشاءالله ما ينزعجون أخواتنا منه ;)

و هو كان في واحد كتب رد في هالموضوع و أنت حذفته يا عماد !!

ليش .. لا يكون عمل مشكلة برده هذا ... و ليش حذفت رده فقط لأنه حب يقول رأييه ؟؟



أنا شاك أنه بير كيلير هو كتب الرد اللي أنت حذفته ... مو صح :D




:p
Q Night
24-05-2002, 09:50 PM
أنا وضعته هنا لأن البنات (إلي يلعبوا الألعاب) منتداهم المفضل هو هذا المنتدى...

فشفت نسأل أصحاب الإختصاص من البنات (رينوا... مثلاً!!!) عن رأيهم في الألعاب، فيجيبونا باإجابات الوافية إلي كانت غرضي من فتح الموضوع...


و ما أعتقد أن الموضوع يستاهل (الغلق) بتلك الطريقة، و حتى عدم السؤال عن وضع الموضوع هنا...



و أنا أطلب (أو أسئل، أحسن!) المساعدة من المشرفين (المراقبين) المساعدة، و إبلاغ الفتيات بالموضوع و ذلك للمشاركة...



و شكر خاص لـ (M7MOOOD) و (عماد 18) ((أكثر واحد يستاها الشكر!!! :D)
M7MOOOD
24-05-2002, 10:35 PM
العفو :D
RPGgirl
24-05-2002, 10:40 PM
هلا اخوي
موضوع زين لانه صح الغالب على البنات ما يحبون الالعاب بس الحين الوضع تغير طلعت الالعاب اللي تناسبنا قبل كان في بس كرة القدم ومصارعة لكن الحين العاب الار بي جي فعلا تناسب البنات لانه فيه القصة والعاطفة والشخصيات واشياء وايد اما بالنسبة للالعاب اللي احبها هي العاب الار بي جي والاكشن مثل ميتل جير والرعب مثل سلسلة ريزدنت ايفل اما الالعاب اللي ما اطيقها كرة القدم والمصارعة :)
M7MOOOD
24-05-2002, 10:54 PM
أصلا البنات شنو يفرقون عنا ؟؟

أنا بعد ما تعمقت في هالموضوع و في محتواه ... لقيت أنه سخيف مع أحترامي لكاتبه ?:

يعني البنات حالهم حالنا ... يلعبون ألعاب فيديو و بعد في بنات يحبون ألعاب الفيديو أكثر منا .... مثلا أنا أختي اللي عمرها 31 سنة ... دخلت مرة داري ... و شافت فاينل فانتسي 8 ... و لما طلع عرض الحفلة أختي جنت على اللعبة ... و علشان فاينل فانتسي 8 أختي شرت البلاي ستيشن 1 :0)

و الحين لو تشوفون منظر بيت أختي تموتون من الضحك ... بناتها اللي أعمارهم 12 سنة و 10 سنين قاعدين و يقرأون الكتب و يدخلون المطبخ و يتعبثون في الأكل ... و أختي تلعب فاينل فانتسي :D

و زوجها كل ما يي بيتنا يقول لي (( طبعا غشمرة )) أنت شنو سويت في مرتي غيرتها فوق تحت :p
asf4ever
24-05-2002, 10:55 PM
الرسالة الأصلية كتبت بواسطة RPGgirl
هلا اخوي
موضوع زين لانه صح الغالب على البنات ما يحبون الالعاب بس الحين الوضع تغير طلعت الالعاب اللي تناسبنا قبل كان في بس كرة القدم ومصارعة لكن الحين العاب الار بي جي فعلا تناسب البنات لانه فيه القصة والعاطفة والشخصيات واشياء وايد اما بالنسبة للالعاب اللي احبها هي العاب الار بي جي والاكشن مثل ميتل جير والرعب مثل سلسلة ريزدنت ايفل اما الالعاب اللي ما اطيقها كرة القدم والمصارعة :)
نعم هذي بالضبط الالعاب الي تحبها البنات بالاضافة الى بعض ألعاب البلات فورم
SUPER_SAIYAN
25-05-2002, 02:04 AM
رجاءا شباب ........... :o خلوا الجنس الناعم يلعب على راحته من دون اي قيود ....... :cool: :cool:

والله يعطيكم 1560 عافية كلكم ....... ":"

( اقول .. توقيعي مخالف ؟؟ )
M7MOOOD
25-05-2002, 03:30 AM
الرسالة الأصلية كتبت بواسطة SUPER_SAIYAN


( اقول .. توقيعي مخالف ؟؟ )

للأسف ... مخالف

:"
Q Night
25-05-2002, 07:28 PM
مشكورين كلكم على ردودكم... و إنشاء الله نحصل طريقة نخلي إختي تقتنع إنها تلعب معاي (ما عندي أحد ألعب معاه في البيت!!! :D )



و ثانكس أGاين <<<<===== (ما حصلت حرف يتناسب مع الـ G!!)
Angel whisper
25-05-2002, 07:35 PM
اذا تبغون الصراحة .. انا البنت الوحيدة في عايلتنا كلها اللي تلعب فيديو جيمز :o

وانا حبيت هالالعاب بسبب اخواني.. قبل كنت بس اشوفهم وهم يلعبون.. وكنت اشوف كيف ينسجمون في اللعب ويتونسون.. وقلت ليش ما اجرب؟!
وبديت العب ستريت فايتر :p على سونيك وشوية رايمان .. وعقب تطورت ولعبت سايلنت هيل ":"
واخيرا لعبت الار بي جي ... اكثر نوع عجبني وارتحت له :)

واتوقع ان البنات يلعبون لان اغلب وقتهم مرتزين في البيت وما يطلعون.. وما في شي ممكن نقضي فيه وقت فراغنا غير في اللعب...
Anime-Girl
25-05-2002, 09:16 PM
والله انا تقريبا مثل اينجل...
انا الوحيده من البنات اللي العب على الاجهزه ...
وصراحه كنت اول ما اواطنها ,بس بسبب اخواني وحماستهم وتفاعلهم مع اللعب ....قلت وراه ما اجرب وادخل هالعالم:6
وبدات رحلتي مع الالعاب واحب الالعاب عندي :
اكيد الاربيجي -المغامرات - القتال - اي شئ ...بس اللي ذكرت هو
اللي يعجبني صراحه...:)
والان اضفت لهذا الامر الانمي..صرت مدمنه الاثنين:cool: