منع اي موضوع يتعلق بالصور !!

[عماد 18]

ما ادري انا اتكلم بلغة ثانية و الا كلامي معقد و الا شايفيني طرطور !!!
قلت لكم اكثر من مرة مواضيع الصور ممنوعة !!
المنتدى موجود لتبادل الاخبار ..
او المساعدة ..
او النقاش ..
لكن مواضيع عطني صورة و اعطيك حلاوة و الا اجمل صورة ..
و الا اغبى صورة هذه كلها ممنوعة و ما منها فايدة !!
يعني واذا كان عندك صورة حلوة !؟
خلاص تصير قوي و الا تصير خاتم كل الالعاب ؟!!
هالمواضيع تفتح ابواب لضعاف النفوس انهم ينشرون صور ما لها داعي ..
سواء كانت جنسية او مجرد صور مثيرة تظهر بعض العورات مثل البطن و الفخوذ و غيره ..
اي موضوع يتكلم عن الصور راح يوقف صاحبه ..
اللي يبي يصور يروح لاقرب محرك بحث و يكتب اسم الشي اللي يبحث عنه و يختار خيار ايماج و ما راح يشوف بس 10 او 100 صورة لا فوق ال1000000 صورة !!

[عماد 18]

نقطة ثانية ..
انا اكثر شي يقهرني لما ادخل موضوع و القى فيه سب و الا صور ..
و القى الاعضاء مسوين لي فيها رامبو ..
يا قليل الادب ياللي ما تستحي !!
طيب واحد يقول وش استفدنا من كلامه ؟
لا هو ضغط على خيار ابلاغ المشرف و لا هو ارسل رسالة خاصة لاي مشرف ينبهه بخصوص هالموضوع ..
يعني مجرد خربطة على الفاضي ..
يعني لو بيدي ما وقفت بس اللي نشر الصور و الا السب ..
لا اتمنى اوقف اللي يردون عليه ايضا ..
على العموم اللي صار اليوم انتهى و ان شاء الله يكون بمثابة الدرس لكم ..
و اتمنى انكم تتصرفون تصرف واعي لو حصل هالشي مرة ثانية ..

[THE_ZODIAC]

كلامك كله حكم

[Kubaj]

اممممم..فعلا ..كلامك صحيح واللي يبي صور يروح يدور ...:)

[M7MOOOD]

:o لا حول و لا قوة الا بالله العلي العظيم :o

[:{L.S.D}:]

صح كلامك كله صح

بس ممكن تعطني صور للاعبين الاتحاد مثلا اليامي و له الصقري

لا تحطونها هني ارسلوها على الايميل و اذا ما تقدرون عطوني الموقع

و انا ادخل بس آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآسف يا عماد لاني مضطر ;) ;) ارجوك سامحني

و ايميلي هو atom150@hot

[THE SOLID SNAKE]

كلامك صحيح

و اللي يبي مواقع بحث عندي واحد مغبر (كلكم تعرفونه:أفكر: )

www.google.com

[حسين-911]

عماد ..
اذا كان كلامك عن الموضوع السابق ..
ضغطنا على كلمة ابلاغ مشرف .. ومحد سوى لنا شي :)
اوكي ...

وبعدين .. ليش ممنوعه ؟!؟
يعني الواحد يبي يجمع صور ولا شيء عنده هواية والشباب عندهم صور غير الي عندي تصير مثل تبادل ..

اوكي ..
انا واحد اوعدك بأني ارسل لك خاصه في سالفه تصير مثل هذي اوكي ..

[Q Night]

أعصابك عماد! خوفتني لما قريت الموضوع!!! :D

خلاص! ما راح أحد يسويها مرة ثانية...OK????? (هدي، هدي :D !!!!)

[عماد 18]

انا اسف على اللهجة الحادة لكلامي ..
هالشي ما كان بيدي لاني فعلا ما قدرت اتمالك نفسي بسبب الي صار ..
و على فكرة ..
كلامي مو موجه لشخص معين فلا احد يفكر اني اقصده ..
اما سالفة البلاغات فللاسف ما صارت توصلني ..
فالمرة الجاية ياليت تبلغون عن هالكلام و ترسلون رسالة خاصة لي ..

[MagicBoy]

:واو: :واو: :واو: ;) ;) :!

[Pentium]

الرسالة الأصلية كتبت بواسطة عماد 18
انا اسف على اللهجة الحادة لكلامي ..
هالشي ما كان بيدي لاني فعلا ما قدرت اتمالك نفسي بسبب الي صار ..
و على فكرة ..
كلامي مو موجه لشخص معين فلا احد يفكر اني اقصده ..
اما سالفة البلاغات فللاسف ما صارت توصلني ..
فالمرة الجاية ياليت تبلغون عن هالكلام و ترسلون رسالة خاصة لي ..




شكر لك عماد و الله معك حق بكل كلمة قلتها لأنه اللي صار اليوم يطقق بالفعل لأني كنت بالمنتدى لحظة كتابة الردود :( :(

و ثاني مرة أرسل لك رسالة خاصة فورا بالاضافة إلى التبليغ..........


و الله يقرب ما فيه كل خير...........

[حسين-911]

مشكور عماد على حسن التعاون ..
وانشاء الله اي موضوع بشوفه بنرسل لك خاصه لانه التبليغ شكله مسكرب :)

[Guilty Gear X]

اوكي;)
اي موضوع صور ممنوع;-)

[HArb200]

ياخي يازين التوقدوم والحضاره ":"
لو كل واحد يكون رقيب على نفسه ماصارت فيه قوانين :) .. على العموم قانون حلو ومبتكر ..!!

[SUPER_SAIYAN]

اقول ............. :o :o
انا في خاطري شيء ......... بس راح اجل الموضوع لوقت ثاني .. :cool:

[M7MOOOD]

أنا أعترض على كلامك يا أخ عماد على منه مواضيع نشر الصور http://www.montada.com/images/icons/icon8.gif

يعني ليش ما تكتفي بمنع وضع صور تبان فيها بعض أجزاء جسم المرأة كالبطن و الفخذ بدل أن تمنع نشر مواضيع كااااملة عن الصور :o

يعني هالقرار ماراح يمشون عليه وااايد ... حتى لو كانوا راح يمشون عليه الحين تلقاهم بعد كم اسبوع يحطون موضوع جديد عن الصور ... لأننا قاعدين في منتدى فاينل فانتسي و أمر مواضيع الصور صارت أساسية بالمنتدى .

بس تيي و تمنع نشر مواضيع الصور علشان بس واحد أو اثنين يحطون صورة تطلع فيها فخذ مرأة أو بطنها .... أنا أقول لااااا و ألف لااااااا http://www.montada.com/images/icons/icon8.gif

و أنا أطالب بسحب هذا القانون ... و الاكتفاء بتوقيف كل من يضع صورة تظهر فيها بعض أجزاء جسم المرأة المحرم كالبطن و الفخذ ... و أنا و حسين علينا أن ندخل كل موضوع صور و ننبهك اذا كان فيه شي ... أوكي مستر عماد سعد ;)

[عماد 18]

الرسالة الأصلية كتبت بواسطة M7MOOOD
أنا أعترض على كلامك يا أخ عماد على منه مواضيع نشر الصور http://www.montada.com/images/icons/icon8.gif

يعني ليش ما تكتفي بمنع وضع صور تبان فيها بعض أجزاء جسم المرأة كالبطن و الفخذ بدل أن تمنع نشر مواضيع كااااملة عن الصور :o

يعني هالقرار ماراح يمشون عليه وااايد ... حتى لو كانوا راح يمشون عليه الحين تلقاهم بعد كم اسبوع يحطون موضوع جديد عن الصور ... لأننا قاعدين في منتدى فاينل فانتسي و أمر مواضيع الصور صارت أساسية بالمنتدى .

بس تيي و تمنع نشر مواضيع الصور علشان بس واحد أو اثنين يحطون صورة تطلع فيها فخذ مرأة أو بطنها .... أنا أقول لااااا و ألف لااااااا http://www.montada.com/images/icons/icon8.gif

و أنا أطالب بسحب هذا القانون ... و الاكتفاء بتوقيف كل من يضع صورة تظهر فيها بعض أجزاء جسم المرأة المحرم كالبطن و الفخذ ... و أنا و حسين علينا أن ندخل كل موضوع صور و ننبهك اذا كان فيه شي ... أوكي مستر عماد سعد ;)

و انا اقول محد طلب رايك ..
المنتدى منتدى العاب مو منتدى صور ..
اللي مو عاجبه يشوف له منتدى ثاني ..
مصختوها ..
اتحداك تجيب لي موضوع صور واحد ما فيه بلاوي !!

[M7MOOOD]

و مرة ثانية يا أخ عماد تمالك أعصابك و اهدأ و أنت تكتب موضوع قوانين جديد ... لأني ملاحظ أنك كل ما تكتب موضوع قوانين جديد تكون أعصابك مولعة نار و شوي و يطق لك عرج :D :D :D :D :D


فريلاكس ;-)

[SUPER_SAIYAN]

أنا أعترض على كلامك يا أخ عماد على منه مواضيع نشر الصور

منه = منع ........... :D :D




يعني هالقرار ماراح يمشون عليه وااايد ... حتى لو كانوا راح يمشون عليه الحين تلقاهم بعد كم اسبوع يحطون موضوع جديد عن الصور ... لأننا قاعدين في منتدى فاينل فانتسي و أمر مواضيع الصور صارت أساسية بالمنتدى .

اكيييييييييييييييييييييييييييييييييييييييييييد :0) :0) :cool:

[M7MOOOD]

يا أخ عمااااااااد ... أنت بس اترك السالفة علي أنا ... و أنا كل ما يطلع موضوع صور جديد راح أدخله و أشوف اذا كان في شي معيب راح أبلغك برسالة خاصة ... أنا و الأخ حسين و كم واحد ثاني عنده مروة :D :D :D

فاهدأ ... و خل مواضيع الصور تنشر ... و اي شخص يضع صور معيبة وقفه .. حتى لو كنت أنا ... أكي :)

[SUPER_SAIYAN]

اتحداك تجيب لي موضوع صور واحد ما فيه بلاوي !!

اهم شيء الاعصاب .......... :o :o هدي اعصابك ........ :cool:

[عماد 18]

طيب عطني فايدة وحدة تفيد اللاعب اللي ناوي يلعب بفاينل فانتسي من مواضيع الصور و انا مستعد الغي القانون ..

[M7MOOOD]

الفايدة يا أخ عماد ... مثلا واحد محتار اذا كان يلعب فاينل فانتسي و لا لأ أو يشتريها و لا لأ أو يجربها و لا لأ ... يقوم و يطلب صور للعبة علشان يشوف شخصيات اللعبة و مدى نعومة رسومات اللعبة ... و هل هي جميلة و تستحق الشراء و لا لأ ... يعني أنا ملاحظ أن في وايد أعضاء كل ما بغوا يشترون لعبة فاينل فانتسي لأول مرة يطلبون صور لها علشان علشان يقررون لما يشوفونها :)

و أيضا هناك أعضاء لما يلعبون أي جزء من فاينل فانتسي و ينهونه يكونون متأثرين جدا باللعبة ... فيكونون مهووسين فيه و يبدأون بتجميع كل شي يخص اللعبة اللي أحببوها و يقلدون الأعضاء الأجانب في المنتديات الأجنبية .. فيطلبون صور و ياخذون صور و يطبعونهم و يكون لهم مثل ألبوم صور لفاينل فانتسي ... و يمكن بعد يتبادلون صور مع أصدقائهم .. يعني تقريبا مثل هواية :D






ان شاءالله تكون بس فهمت من كلامي شي ... لأني أنا بنفسي مو فاهمه كله ?:

[عماد 18]

اظن قصدي واضح اي صور هي الممنوعة ..
سالفة مهووسين مو مشكلتي ..
في حل انهم يستعملون محركات البحث ..
الزبدة ما في فايدة حقيقية لها المواضيع ..

[SUPER_SAIYAN]

ان شاءالله تكون بس فهمت من كلامي شي ... لأني أنا بنفسي مو فاهمه كله

اذا انت مش فاهم ........ز تبينا نحن نفهم يا استاذ ...؟؟ :أفكر: :أفكر: :cool:

[SUPER_SAIYAN]

الزبدة ما في فايدة حقيقية لها المواضيع

بس في فايده من مواضيع التواقيع ............. :cool: :cool:

[عماد 18]

الرسالة الأصلية كتبت بواسطة SUPER_SAIYAN


بس في فايده من مواضيع التواقيع ............. :cool: :cool:
مواضيع التواقيع ما فيها بلاوي ..

[M7MOOOD]

اذا يا عماد كنت تمشي على قانون (( أي موضوع ماله فايدة يمنع )) ... عيل ( أجل بالسعودي عندكم ) أغلبية مواضيع منتدى فاينل فانتسي المفروض تمنع ?: ?: ?:

و أنت قولي الحين .... شنو الفايدة من منع مواضيع الصور ... شنو الفايدة شنو الفايدة ؟؟؟؟؟؟؟؟؟

[عماد 18]

الفايدة اننا نسكر سالفة الصور اللي ما لها داعي و نلغيها نهائيا ..

[SUPER_SAIYAN]

مواضيع التواقيع ما فيها بلاوي ..

منو يقول .......:o :o ............ شوف المخالفات وبعدين تكلم ..... :cool:

[BiN-3Li]

اقول بالعربي اللي عنده صور يحط اللنك بس
ايش رايكم;-)

[Anime-Girl]

ايوووووووووووووه...
واخيرا صار معمم,بالنسبه لي انا قد اصدرت القانون من مده بالنسبه
لموضوع الصور في منتدى الانمي ,وبعدها بدت المظاهرات ,طبعا مو من
الاعضاء ,من ناس مهبل مرضى,يحطون لنا بلاوي..:غضب:
المهم انا معك يامشرفنا العام":"
وبكل كلمه قلتها ,ومنكم نستفيد :D
ابي اقول شئ عماد هدئ اعصابك .....................وروح خذ لك واحد
سنكرز كرانش :6 :6
لاتزعل ابيك تضحك:D

[THE_ZODIAC]

المشرف قال ممنوع الصور يعني ممنوع

[جيم سنتر]

بعدي والله يا عماد وصلت 8000 مشاركه وما دريت (( من الامتحانات والله )) ...


شوف انا اايد اي قانون .. (( مع الخيل يا شقرا ))

وللعلم ترا اشتقتلكم مره .. شوفت اساميكم تجيب العافيـــــه .. ":"

[BOY_THING]

يالله يا عماد ... كلامك كله درر .. و حكم .. الله يخليك لهاذا المنتدى

و انا معه في نقطة الصور .. لأنها مواضيع مالها اي فايده ..


اوه صح لها فايده .. ... انها تلفت انظار .. المريضين نفسياً ... و يتحمسون .. و يحطون صور ... مالها داعي .. :أفكر:

ما لها الا هاذي الفايده .. ..

و بعدين موضوع كامل على صور .. و الله حرام ..

قانون جاء في وقته :)

[عماد 18]

SUPER_SAIYAN
الموضوع انتهى ..

lord irk7
نفس الشي بالعكس راح تخلي بعض الناس ينشرون مواقع مخلة ..

anime-girl
الله يسلمك :) ..
تصدقين بعد هالمشكلة رحت للبقالة اشتري لي واحد و رجعت :6 ..

جيم سنتر
الله يعينك اخوي :) ..
و كلنا مشتاقين للكل ..

BOY_THING
الله يسلمك :) ..
و ليت كلامك يفهمونه بعض الناس :أفكر: ..

[BiN-3Li]

مجرد اقتراح اخوي
واسف اذا كان غلط;-)

[Pentium]

anime-girl
الله يسلمك ..
تصدقين بعد هالمشكلة رحت للبقالة اشتري لي واحد و رجعت ..


:D :D :0) :0)

[RPG_master]

طيب اذا موضوع جديد او خبر وفيه صور؟

[Neo Cid]

الرسالة الأصلية كتبت بواسطة RPG_master
طيب اذا موضوع جديد او خبر وفيه صور؟

يا سلام عليك يا خوي ..

أنا بغيت أسأل هذا السؤال ... :D

و إذا أنا أرفقت صور من نفسي في موضوع غير مصور .... شلون ؟ ..

و انا عندي قصة قاعد أكتبها .. فيها صور من اللعبة ... شلون ؟ ؟ :o

[حسين-911]

عماد ..

شوف شلون قدرت استفيد من موضوع طلبت فيه صور ..
هنا (http://www.montada.com/showthread.php?threadid=109829)

..

لكني معاك في ان المواضيع التي فيها صور اغلبها تحمل اشياء ..
لكن شنو نسوي اذا الناس جذي .!؟

احسن قرار اتخذته من بداية معرفتي بك ..
لكن هذا لا يمنع اني اطلب القليل من الصور لكني راح استخدم طريقة جديدة بالطلب .. :)

[xenosaga]

الرسالة الأصلية كتبت بواسطة RPG_master
طيب اذا موضوع جديد او خبر وفيه صور؟ سبقتني
وانا اايد القانون لان الي صار ذاك اليوم نقطة سوداء في منتدانا لازم تنمحي وكل الي كانوا موجودين يوم 27 الساعة 9 صباحا عارفين وش الي صار وبالذات في منتيا ريزدنت ايفل وفاينل:غضب:

[M7MOOOD]

أنا ما زلت معارض كلام الأخ عماد ...

و أطالب بسحب هالقانون الجديد الغبي و الاكتفاء فقط بمنع أي صور تظهر فيها جزء من أجزاء جسم المرأ المحرم و توقيف من يضعها ":"

[gran]

صور او بدون صور يجب ان يكون الموضوع مفيد اولا
هدا رأي

[xenosaga]

الرسالة الأصلية كتبت بواسطة M7MOOOD
أنا ما زلت معارض كلام الأخ عماد ...

و أطالب بسحب هالقانون الجديد الغبي و الاكتفاء فقط بمنع أي صور تظهر فيها جزء من أجزاء جسم المرأ المحرم و توقيف من يضعها ":" محمود لو تمشي تمام عالدين كان اي صورة حرام :

1-الشعر عورة

2-الذراع عورة

3-القدم عورة

4-جزء من الصدر والرقبة عورة

5-الوجه واليدين فقط

اي واحد يبي ينشر صورة لنساء لازم يلبسهم حجاب وعباية ودفة......الخ


سلاموف خير ختاموف;-)

[RPGgirl]

هاي
مشكور اخ عماد على التوضيح اصلا هالموضوع ما طلع الا بسببي لاني فتحت موضوع الصور
بس ما كان قصدي اسوي مشاكل بالمنتدى بس حبيت اساعد وانا آسفة مرة ثانية :":

[عماد 18]

شباب انتم فاهمين كلامي غلط ..
انا اقصد الصور اللي تكون مرسومة ..
يعني صور خيالية ما لها علاقة باللعبة ..
اما صور الالعاب فطبعا ما فيها اشكال و الا شلون الواحد راح يتكلم عن اللعبة بدون صور لها ؟
و كذلك ما قصدت الصور اللي تكون مصممة من قبل الاعضاء ..
انا اقصد الصور اللي تكون مثل صور الانمي ..
الحين اظن كل شي واضح ..
ار بي جي غيرل ..
لا هالكلام طالع من زمان ..
لكن الظاهر نسيوه ..
و انا قلت ما اقصد احد ..
و لا تشيلين في بالك ..

[xenosaga]

الرسالة الأصلية كتبت بواسطة عماد 18
شباب انتم فاهمين كلامي غلط ..
انا اقصد الصور اللي تكون مرسومة ..
يعني صور خيالية ما لها علاقة باللعبة ..
اما صور الالعاب فطبعا ما فيها اشكال و الا شلون الواحد راح يتكلم عن اللعبة بدون صور لها ؟
و كذلك ما قصدت الصور اللي تكون مصممة من قبل الاعضاء ..
انا اقصد الصور اللي تكون مثل صور الانمي ..
الحين اظن كل شي واضح ..
ار بي جي غيرل ..
لا هالكلام طالع من زمان ..
لكن الظاهر نسيوه ..
و انا قلت ما اقصد احد ..
و لا تشيلين في بالك ..

ريحتنا الله يريحك
يعني الصور العادية لفف مش ممنوع(انطر محمود يسمع الخبر)
عاد المفروض توضح هالشي من اول الموضوع?:

[عماد 18]

الرسالة الأصلية كتبت بواسطة xenosaga

ريحتنا الله يريحك
يعني الصور العادية لفف مش ممنوع(انطر محمود يسمع الخبر)
عاد المفروض توضح هالشي من اول الموضوع?:
شوف الظاهر كلكم ما فهمتوا قصدي للحين ..
اي موضوع لتبادل الصور ممنوع ..
سواء كانت صور للعبة و الا صور انمي ..
اما المواضيع اللي تتكلم عن الالعاب فما في اشكال انك تحط صور للعبة فقط ..
هذا المقصود ..

[xenosaga]

الرسالة الأصلية كتبت بواسطة عماد 18

شوف الظاهر كلكم ما فهمتوا قصدي للحين ..
اي موضوع لتبادل الصور ممنوع ..
سواء كانت صور للعبة و الا صور انمي ..
اما المواضيع اللي تتكلم عن الالعاب فما في اشكال انك تحط صور للعبة فقط ..
هذا المقصود ..

هممممممم.......:( :( :( :( :( :( :( ???????????>>>>>>>>><<<<<

[حسين-911]

عمااااد ..
انت قلت ..

و كذلك ما قصدت الصور اللي تكون مصممة من قبل الاعضاء ..

شوف !!

http://www.montada.com/showthread.php?threadid=109829

اغلق الموضوع .؟!؟
وايضا موضوع كلاود ؟؟

[xenosaga]

الغلطة بورطة:D

[عماد 18]

الظاهر انه فهم ان كل الصور ممنوعة مثل ما توقعتوا انتم بالاول ..

[حسين-911]

ايضا هذا الموضوع تم تجميده ..
http://www.montada.com/showthread.php?threadid=109339

انا واحد نوهت بموضوعي على انه الموضوع موضوع تصميم .. للعبه ..
ونحتاج الرأي لكي نقدر اننا نصمم المزيد .. وهذا يواكب التطور .. لكي نقدر على تصميم مجلات او حتى تصميم تصاميم لمجلات العاب بالمستقبل باذن الله .. !!

ويا ريت نشوف الحل .. @@!!

[RPGgirl]

اخوي عماد انت تقصد طلبات الصور اما الصور للالعاب الحديثة اللي بتنزل عادي صح :)

[xenosaga]

الرسالة الأصلية كتبت بواسطة RPGgirl
اخوي عماد انت تقصد طلبات الصور اما الصور للالعاب الحديثة اللي بتنزل عادي صح :)
اكيد عادي ولا وش فايدة المنتديات غير الصور للالعاب الحديثة والاخبار وطبعا المواضيع المميزة;-)

[<<المدمر>>]

شكرا يا عماد على ها الموضوع وانشاء الله ما تتكرر لكن في راييي
يكون على الاقل مشرف واحد موجود حتى ما تصير الاشكالية اللي صارت
او تقسمون الوقت بينكم يالمشرفين;-) ;-) ;-) ;-)

[Grandia]

هدي يا عماد اللي يشوفك يقول داخل حرب البسوس :)

المهم تعرف اللي لخبط الموضوع لأنك ما ذكرت اللي ما فهمناه ولا موهت عليه


شباب انتم فاهمين كلامي غلط ..
انا اقصد الصور اللي تكون مرسومة ..
يعني صور خيالية ما لها علاقة باللعبة ..
اما صور الالعاب فطبعا ما فيها اشكال و الا شلون الواحد راح يتكلم عن اللعبة بدون صور لها ؟

هذا لو ذكرته في بداية الموضوع كان بيكون افضل :)

[Pentium]

الرسالة الأصلية كتبت بواسطة xenosaga
سبقتني
وانا اايد القانون لان الي صار ذاك اليوم نقطة سوداء في منتدانا لازم تنمحي وكل الي كانوا موجودين يوم 27 الساعة 9 صباحا عارفين وش الي صار وبالذات في منتيا ريزدنت ايفل وفاينل:غضب:


أنا منهم:( :أفكر:

[xenosaga]

الرسالة الأصلية كتبت بواسطة جـرانديا
هدي يا عماد اللي يشوفك يقول داخل حرب البسوس :)

المهم تعرف اللي لخبط الموضوع لأنك ما ذكرت اللي ما فهمناه ولا موهت عليه



هذا لو ذكرته في بداية الموضوع كان بيكون افضل :) نعم;)


بينتيوم:yor"re damn right

[حسين-911]

عاد دوروا حل للموضوع الي جمده اخوي جلتي وارسلت له خاصه وكأنه سحب علي ...!!؟

[RPGgirl]

اخوي حسين احسن شي تقوم بالقانون هاليديد ولو تبي صور انا حاضرة بالرسايل الخاصة طبعا لو ها يرضي المراقبين :)

[حسين-911]

المصيبه اني حاط صورة انا مصممها يعني عادي مو مشكله ..
:)

اليوم بالليل اختي ار بي جي ابي اقولج سر :)

[M7MOOOD]

يا عماد يا حبيبي ... ليش ما تغير شويه في هالقانون علشان أنا شايف بعض الأعضاء منزعجين منه :)

[HArb200]

ياشين اللف والدوران :أفكر:

[asf4ever]

انت ما تعرفون تصفو قوانينكم مرة وحدة كل يوم طالغين بقانون
يا شين هذي القوانين الي تطلعوها
أنا قررت قرار خطير


هو اني لا أعارض ولا أأيد أي قانون

طنش تعش اشرب مرندا وانتعش(بس اشربها بكرة لأنه البقالات مسكرة)





وحياكم:o

[عماد 18]

M7MOOOD
محد يزعل من الحق الا اللي ما يبي الحق :أفكر: ..
اظن واضح ان هالموضوع ما فيه اخذ و عطا ..
الصور ما لها فايدة للاعبين و بس ..
يعني انسى اني اشيل هالقانون او اغيره ..

[Grandia]

الرسالة الأصلية كتبت بواسطة عماد 18
M7MOOOD
محد يزعل من الحق الا اللي ما يبي الحق :أفكر: ..
اظن واضح ان هالموضوع ما فيه اخذ و عطا ..
الصور ما لها فايدة للاعبين و بس ..
يعني انسى اني اشيل هالقانون او اغيره ..


للهيبه مكانها

جي ام سي سوبر بن



:)

[M7MOOOD]

لا يا عماد ... لازم تعدل في هالقانون ":"

[alowow]

:o صارت لخبطة :o :o


أنا معاك يا عماد 18 :D :D

[M7MOOOD]

الرسالة الأصلية كتبت بواسطة جـرانديا


للهيبه مكانها

جي ام سي سوبر بن



:)

:p :p :p حلوه منك :p :p :p

[dragon warriors]

بسم الله الرحمن الرحيم
الأخ عماد معه حق بس معليش اعذرني واسمح للمراقب جلاديتور عمبساعدني لتعديل الصورة الشخصية

وشكرا لاهتماااااااااااامك

[حسين-911]

عمااااد ..
وموضوعي ما فيه اي تبادل صور او اي شيء .. كلها خلفيه ..!!؟!؟
صممتها بنفسي ..!؟!؟

[THE_ZODIAC]

القانون راح يمشي و ما راح يصير فيه تغيير فهمتو:غضب:


يقولك يعني انا مشرف:D

[nemsis2]

الرسالة الأصلية كتبت بواسطة عماد 18
ما ادري انا اتكلم بلغة ثانية و الا كلامي معقد و الا شايفيني طرطور !!!
قلت لكم اكثر من مرة مواضيع الصور ممنوعة !!
المنتدى موجود لتبادل الاخبار ..
او المساعدة ..
او النقاش ..
لكن مواضيع عطني صورة و اعطيك حلاوة و الا اجمل صورة ..
و الا اغبى صورة هذه كلها ممنوعة و ما منها فايدة !!
يعني واذا كان عندك صورة حلوة !؟
خلاص تصير قوي و الا تصير خاتم كل الالعاب ؟!!
هالمواضيع تفتح ابواب لضعاف النفوس انهم ينشرون صور ما لها داعي ..
سواء كانت جنسية او مجرد صور مثيرة تظهر بعض العورات مثل البطن و الفخوذ و غيره ..
اي موضوع يتكلم عن الصور راح يوقف صاحبه ..
اللي يبي يصور يروح لاقرب محرك بحث و يكتب اسم الشي اللي يبحث عنه و يختار خيار ايماج و ما راح يشوف بس 10 او 100 صورة لا فوق ال1000000 صورة !!



انت تئمر عماد ... >>>>> عامل فيها مؤدب

[dragon warriors]

بسم الله الرحمن الرحيم

الكلمة الأخيرة للمراقبين

وشكرا:D :D :D :D :D :D

[Mesharey]

أنزين بنتديات ثانية عادي صح ":"
أقصد المنتديات اللي ما عليها مراقبين :أفكر:
منتدى الدريم كاست أي موضوع صور أنقلوه هناك وبس :p مافي مراقبين:p

عندي سؤال في مراقب أسمه (ذ أكس دراقون)مراقب منتدى الأكس فارس كل رد أو موضوع أو مشاركة لازم يضيف صورة بالموضوع أو الرد هذا عادي ولا لأ
يعني نفس المرفق":"
عادي ولا لأ :أفكر:

[THE SOLID SNAKE]

الرسالة الأصلية كتبت بواسطة Mesharey

عندي سؤال في مراقب أسمه (ذ أكس دراقون)مراقب منتدى الأكس فارس كل رد أو موضوع أو مشاركة لازم يضيف صورة بالموضوع أو الرد هذا عادي ولا لأ
يعني نفس المرفق":"
عادي ولا لأ :أفكر:

هههههه:D

[xenosaga]

الرسالة الأصلية كتبت بواسطة Mesharey
أنزين بنتديات ثانية عادي صح ":"
أقصد المنتديات اللي ما عليها مراقبين :أفكر:
منتدى الدريم كاست أي موضوع صور أنقلوه هناك وبس :p مافي مراقبين:p

عندي سؤال في مراقب أسمه (ذ أكس دراقون)مراقب منتدى الأكس فارس كل رد أو موضوع أو مشاركة لازم يضيف صورة بالموضوع أو الرد هذا عادي ولا لأ
يعني نفس المرفق":"
عادي ولا لأ :أفكر: كلامك صحيح لاكن القانون على منتديات البلاي ستيشن فقط ولا ايش ياعماد;-)

[عماد 18]

في العاب ثانية فيها مثل نوع الصور اللي نشره ذاك الخبل ؟!

[xenosaga]

الرسالة الأصلية كتبت بواسطة عماد 18
في العاب ثانية فيها مثل نوع الصور اللي نشره ذاك الخبل ؟!

تقصد ذا اكس دراجون:غضب:

انتوا ماتقولون السب في الاعضاء ممنوع ويتعرض للايقاف من يفعل ذلك
والحين تنعت (مراقب) بالخبل?:

[عماد 18]

انا اقصد اللي نشر صور جنسية لابطال فاينل فانتسي ..

[xenosaga]

الرسالة الأصلية كتبت بواسطة عماد 18
انا اقصد اللي نشر صور جنسية لابطال فاينل فانتسي ..
اف اسف عالغلط:":
فعلا ذاك مو خبل وبس هذاك *******:غضب:
بس الخوف انه يشترك باسماء جديدة ويعيد كرته:غضب:

[Angel whisper]

الرسالة الأصلية كتبت بواسطة عماد 18
في العاب ثانية فيها مثل نوع الصور اللي نشره ذاك الخبل ؟!


بتلقى هالصور على كل الالعاب .. من فاينال فانتاسي الين ميتال جير :)

[xenosaga]

الرسالة الأصلية كتبت بواسطة Angel whisper


بتلقى هالصور على كل الالعاب .. من فاينال فانتاسي الين ميتال جير :)
الابتسامة ليش:D

[حسين-911]

عماد !!

مشكلتي انا شلون الحل ؟!؟
يعني خلاص بااح ؟!؟
راح الموضوع علينا ؟!؟
والموضوع ما فيه اي مخالفة ..

تصدق الحين احنا كأنا بالبلدية .. محتاجين لوساطه عماد لفتح الموضوع لانه ما فيه شيء لاني لما كلمت جلتي جير ... رد علي رد ما عجبني ..

[M7MOOOD]

الرسالة الأصلية كتبت بواسطة حسين-911
عماد !!

مشكلتي انا شلون الحل ؟!؟
يعني خلاص بااح ؟!؟
راح الموضوع علينا ؟!؟
والموضوع ما فيه اي مخالفة ..

تصدق الحين احنا كأنا بالبلدية .. محتاجين لوساطه عماد لفتح الموضوع لانه ما فيه شيء لاني لما كلمت جلتي جير ... رد علي رد ما عجبني ..



http://www.montada.com/images/icons/icon14.gif

[Mesharey]

الرسالة الأصلية كتبت بواسطة THE SOLID SNAKE


هههههه:D
على شنو الضحك :أفكر:
كلامي صح :أفكر:

[M7MOOOD]

أوووف http://www.montada.com/images/icons/icon8.gif

[rushin_911]

الرسالة الأصلية كتبت بواسطة Angel whisper


بتلقى هالصور على كل الالعاب .. من فاينال فانتاسي الين ميتال جير :)
فعلاً، هذول عشّاق مجانين يرسمون صور لألعابهم المفضّلة تكون جنسية و ينشرونها على الإنترنت، و بعض المهبّل(مثل آخر خبل جاء) يحفظها في كمبيوتره و ينشرها...

[[ايرفين كنساس]]

الرسالة الأصلية كتبت بواسطة عماد 18
في العاب ثانية فيها مثل نوع الصور اللي نشره ذاك الخبل ؟!


بعض المراقبين للاسف ينصحون وهم ما يعرفون معنى النصيحه:D

[Grandia]

اضن القانون صدر بتشديد يوم شفنوا واحد او حتي لو كانوا ثلاثه او الف اوقفو العضوا اللي مستخدم الصور الخطأ مش تعممون هذا القانون علي الكل واجبارهم عليه بأخطاء غيرهم !!!!!

لو كان كذا يعني واحد سبب بالكتابه تمتعون اللي الكتابه كلها !!!!!!! اعرف انه شي مستحيل بس تشبيه بحال هذا القانون علي الصور

[M7MOOOD]

الرسالة الأصلية كتبت بواسطة جـرانديا
اضن القانون صدر بتشديد يوم شفنوا واحد او حتي لو كانوا ثلاثه او الف اوقفو العضوا اللي مستخدم الصور الخطأ مش تعممون هذا القانون علي الكل واجبارهم عليه بأخطاء غيرهم !!!!!

لو كان كذا يعني واحد سبب بالكتابه تمتعون اللي الكتابه كلها !!!!!!! اعرف انه شي مستحيل بس تشبيه بحال هذا القانون علي الصور

صح كلامك ":"

[عماد 18]

حسين-911
انا كلمت جلتي ما يحتاج تكلمه و وضحت له قصدي ..
اظن الموضوع مفتوح الحين ؟

[ايرفين كنساس]
الله يشفيك ..

جـرانديا
اظن كلامي واضح ..
قلت ان هالشي ممنوع و بس ..
انا ما منعته عشان الصور اللي نشرها عديم الذكر ..
انا منعتها بسبب ان الاعضاء ينشرون صور تظهر مواضع ما لها داعي لبعض الابطال من الاناث ..

و الموضوع راح يقفل ..