مشاهدة النسخة كاملة : معرض رسوم المانجا من يتحداني في الرسم ككل؟؟
AREXA
30-05-2002, 01:22 AM
بما ان الكثير الكثير
قد منكم قد أساء فهمي في التحدي قررت أضع موضوع خاص لي في التحدي
مع ان انا هالفترة مشغولة بالامتحانات
يعني انا ماراح اقدر احط رسمات يديدة
بس تجدرون تعرضون رسماتكم اللي تبون اتحدوني فيها
:cool: وا أنا مستعدة تمام الاستعداد:D
Ranma Saotome
30-05-2002, 01:37 AM
مثل مايعرف الكل اني ماعرف ارسم :o ...
اتمنى ان هالموضوع دام انه تحدي يكون له قوانين محدده...
ويكون فيه عدة حكام هم اللي يحددون..
او مايكون فيه حكام ولا شي إذا كان فيها حساسيه..
المهم ان تكون السالفه مرتبه ومنسقه عشان مايكون فيها اي.. شسمه.. هذا شيسمونه.. فاهمييين علي..
AREXA
30-05-2002, 01:51 AM
لا اتخاف اخوي رانما
التحدي راح ايكون على أصولة
باسلوب مزاح لا أكثر ولا أقل;-)
لوجــــــين
30-05-2002, 07:33 AM
صباح الخير
عجبتني فكرة التحدي
اشرايش لو يكون التحدي على أساس الرسم بالرصاص
على اساس محد يكون له عذر و يقول انا ما أعرف الون
و تكون الرسمه كاملة من ناحية الجسم و الخلفية
اشرايش بقتراحي;-)
باااااااااااااي
shaheen
30-05-2002, 10:04 AM
التحدي فكرة معقولة لكن هل يكون التحدي مثلا في رسم العضلات:)
:D
wildkitty
30-05-2002, 11:06 AM
انا ما اتحده احد برسمي خليني على جنب:":
Ranze Eto
30-05-2002, 11:40 AM
:cool: انا اتحداج يا اريكسا ......
انتظريني قريبا بخلص امتحاناتي يوم الاحد و بتفرغ لج عدل ..
هاهاهاهاهاهاهاهاهاهاهاهاها :cool:
:أفكر:
Ranze Eto
30-05-2002, 11:43 AM
الرسالة الأصلية كتبت بواسطة AREXA
التحدي راح ايكون على أصولة
باسلوب مزاح لا أكثر ولا أقل;-)
اسلوب مزاح :!
اشوف كلامج تغير ؟؟؟
و الا انتي مب قد التحدي اللي على أصولة ؟؟
بس اذا تبين انا عندي النوعين ... :D
اشرايج اوزع بطاقات دعوه على الاعضاء عشان يحضرون المصارعه
:واو: اوبس اقصد التحدي :D
Ranze Eto
30-05-2002, 11:45 AM
يلا اريكسا ابتدي و حطي اول رسمه لج ":"
CUTE NURIKO
30-05-2002, 12:05 PM
حلوه الفكره .. يا اريكسا
وفكرة لوجين للرسم بالرصاص اكثر من رائعه ... اتخيل التحدي كيف بيكون بس.....:":
رهييييييييييب ;-)
wildkitty
30-05-2002, 12:27 PM
:! :!
شكله بسير مذابح
انا بس بشوف
خلوني بعيد
fatoom
30-05-2002, 04:01 PM
سلاااااااام شباب
امممممممممممممممممم:أفكر:
موضوع حلو :)
و أبي أشارك فيه ....
بس انا أقول كل شي بحدود حلو شباب
يعني نحدد شي نرسمه :)
رسمه خياليه من بالج مو نقل
من تفكيرج البحت ( يعني شي يديييييييد )
و مثل ما قالت لوجين :D بالرصااااص (أنا أحب الرصاص )
:D بس في شي ؟؟؟؟؟
هو الكل بيشارك في تحدي شخص واحد ؟؟؟؟
و لا على أي أساس هل التحدي ?:
لأني أبي أدخل و أشارك بعد :)
و ياريت يكون في تحكيم بيكون الموضوع أرتب
و ننطر مشاركة صاحبة الموضوع
عشان نشارك معاها ":"
و السلام :)
g. byte
30-05-2002, 05:52 PM
ليس لدي الكثير من الأعمال هذا الأسبوع وأنا جاهز :D :D
.... لاكن ماهي القوانين ؟! ?:
تحياتي ..
جيجا بايت
RPGgirl
30-05-2002, 06:21 PM
هاي
مممممممممممم فكرة معقولة بس ما اعتقد اني بشارك لاني مبتدئة وماابي حد يعيب على رسوماتي :":
beatrix
30-05-2002, 06:31 PM
هلاااااااااااااا ......................... :cool:
انا جيييييييت :D
ولهت عليكم اننننننننااااااا :غضب: .............:# .........:6
اريكسا حبيبتي :o موضوعج بالمره حلو :D
انا ييييييييت طاااااااايره ............من اول ما شميت ريحة رصاص :D
كح ..كح .....2/1 كح :6
احم احم احمممممم ...........
انا ........اعين .........نفسي ...... اول ......حكمه :o
هههههههه :D وناسه .............
لا تخافون انا حقانيه ترااااااا :غضب: صج مسحوبه من لساني :6 بس اذا شفت فن ........ اعقل سيده .......:cool:
و اذا حد عنده اعتراض يقوووووووووووووول :غضب:
:6 .............
ساكتين ....... :واو: .....يعني موافقييييييييييين ........ :"
:" الله يخليكم لي يا رب ان شالله يحفضكم و يخليكم حقي كلمكم :D
لوجــــــين
30-05-2002, 06:49 PM
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأ
أنا يتهيألي اني شفت باتريكس اهني و لا لا:واو:
وينا ويهي الحين كلا يضيع لما أدور عليه:":
كاااااااااهو:غضب: :غضب: :غضب: :غضب: :غضب:
وينش اتي انا أطارد وراش صارلي قرن مثل الصخلة شوفي
مااااااااااااء مااااااااااااء:! ويهي
تعاااالي انتي كبشتش بعد ماكو طلعات من المحاضرات مرة ثانية طلعه برة ماكو
مو تطالعيني شذي":"
أنا معصبة
لوجــــــين
30-05-2002, 06:52 PM
شنو ما تبين تشاركين ليش ما تبين تشاركين
عيل الجالري اللي مساعه مال منو
هاااااااااااا:أفكر:
أنا اليوم غاوية هواش مادري اشفيني :6
بس بتحطين رسمه غصب طيب مو بكيفش أقصد
يالله
خلا أشك أريكسا هاي وين راحت و خلتني
أريـــــــــــــــــــــكسأأأأأأأأأأأأأأأأأ وي اشفيني:!
فكرت التحدي حلوه
بس انا مع فطوم في كلامها
لازم تكون فيه قواعد لتحدي
:)
جـــــلـنــــار
30-05-2002, 10:45 PM
قوه اشلونكم 0000000000000
ممكن أعرف اشفيكم تتهاوشون على الطل بسكم استحو
:غضب: :o
لوجينه بسج عن التهوشششششششششش
عقلي :D :p
@@
اشبقه :o بعد بسكم وين الرسمات ؟؟؟؟؟؟؟؟؟؟
هههههههههههههههههههههههههههههههههه
جــــلنار;-)
AREXA
30-05-2002, 11:43 PM
انا مع الامتحانات الحين بس راح احط هالرسمة الي بالحبر
او فكرتش يا لوجبن حلوة عن الرصاص بس بالعطلة اوكييي
caus i dont have time?:
AREXA
30-05-2002, 11:47 PM
ترى الايييد كلها غلط ابغلط?:
والرسمة صارلها مدة
Neo Cid
30-05-2002, 11:57 PM
أولا :
أريكسا رسمك روعة ! ;)
ثانيا :
شلون راح تقيمون على هذي الفكرة العظيمة ؟ .. يعني شلون تحدي ؟ ..
طبعا فيه حكام .. و بدون مقدمات و مجاملات .. :أفكر:
أقدر أصير أحد الحكام ؟ .. ولا ما أقدر ؟ ؟..
ترى القرار يعود لكي يا أريكسا ! ;) :p
AREXA
31-05-2002, 12:21 AM
نعم لازم ايكون في حكام
بس من شروط الحكم ان ايكون خبيير او راشد او محترف
اعتقد ان المراقبين هم اللي لديهم هالصفات واله انا غلطانة
بس سد انا ما عندي مانع انك تكون حكم:)
بس اعتقد ان احسن نا خذ راي المراقبين;-)
RPGgirl
31-05-2002, 12:22 AM
هاي
واو رسمة حلوة والله الحين ماعندي الا الصورة اللي حطيتها بالجاليري بس عشان لوجين شفتي لوجين بشارك :o
RPGgirl
31-05-2002, 12:30 AM
اقول اريكسا انا اعارف الرسمة ابدا ما تتحدى رسمتج بس حبيت اشارك ولو بالقليل اعارف اني مبتدئة ورسمتج وايد حلوة :)
AREXA
31-05-2002, 01:00 AM
الرسالة الأصلية كتبت بواسطة RPGgirl
اقول اريكسا انا اعارف الرسمة ابدا ما تتحدى رسمتج بس حبيت اشارك ولو بالقليل اعارف اني مبتدئة ورسمتج وايد حلوة :)
ار بي جي جيرل حبيت اجولش شخصيا آسفة على اللي بدر مني من جبل:)
او ترى مثل ما جالو الاخوان انتي صج صج سريعة في التطور:!
;-) keep going
او ما عليه عادي حطو اللي تبونة;-)
لوجــــــين
31-05-2002, 01:01 AM
أريكسا RPG GIRL
يا مبدعات
الصراحه
عيني عليكم باردة
RPG GIRL انتي كل يوم تكبرين ب عيني و انتي تستاهلين لقب فنانه عن جدارة الوضعية حلوة اللي رسمتيها حق الرسمة
أريكسا
انتي أحسن رسامه عرفتها رسمتش تجنن دايما رسوماتش فيها أفكار جديدة و وضعيات مميزه
كنت أبي أحط رسمتي بس حسيتها مو قد المستوى
خلا أرسم رسمه ثانية عيل
أشوفكم بعدين
بااااااااااي:"
g. byte
31-05-2002, 01:08 AM
رسمتك جميلة جدا يا أريكسا وانتٍ أيضا ياار بي جي جيرل ولكن ..
كيف نبدأ تحدي بلا قوانين ولا أحكام ولا ترتيب ؟!!?:
تحياتي ...
جيجا بايت
nicky
31-05-2002, 01:16 AM
هااي
الاخت اركسيا حبيت اقول بس اني بصراحه صدمت من الرسمه مش لجمالها او روعتها لانها ماتتمتع بس من هل كلام
صحيح ان الخطوط قويه لكن الرسمه عل الاخر مش حلوه وهي بصراحه بشعه و مش مستواج
soory
but its how i c it
nicky
31-05-2002, 01:18 AM
سووري على صراحت وانشالله محد يزعل مني
RPGgirl
31-05-2002, 01:33 AM
مشكووووووووووووورة حبيبتي اريكسا اصلا كلامج الاولي عن رسمي هو سبب تطوري الحين مشكورة وايد حبيبتي :)
RPGgirl
31-05-2002, 01:36 AM
لوجــــــين:مشكووووووووووووورة حبيبتي لوجين ههههههههه تحملي يمكن عينج بعدين ما تسعني ووين رسوماتج؟ها؟ :)
g. byte:مشكوووووووور اخوي مممممممممم احسن شي المراقبين بروحهم يحطون القوانين او اريسكا تحطه :)
لوجــــــين
31-05-2002, 02:25 AM
درب درب برايفت حق nicky
_________________
أفا عليش يا نيكي
نعيد الخطأ مرة ثانية و نشعل حرب ما لها داعي
لالا نيكي العاجل ما تقول شذي
احنا تعلمنا الدرس عدل صح
و مهما يكون احنا لازم نراعي مشاعر بعض أوكي
و سلامتش:)
لوجــــــين
31-05-2002, 02:31 AM
RPG GIRL أنا ما وسعتش عيونا توسعش قلوبنا انتي دايما على البال
سي ياه:D
RPGgirl
31-05-2002, 02:33 AM
مممممممممممممم ها من القوانين اللي لازم نراعيها وهي ابداء الراي بالرسومات مممممممممممممم لازم اريكسا تحط القوانين بسرعة
اقول لوجين بسم الله منو هاي اللي محطتنها بصورة عضو تزوغ هههههههههههه :واو:
:)
لوجــــــين
31-05-2002, 02:36 AM
أر بي جي
هاي صورتي لما أكون متضايقة
لأن صورتي تتبدل على حسب الحالة
هاي نشرة احوال جوية مو حالة ههههههههههه:!
RPGgirl
31-05-2002, 02:40 AM
ههههههههههههه تسلمين حبيبتي
هههههههههههههههه انتي تصيرين هالشكل ههههههههههههههههههه والله حلوة المهم بكل الاشكال حلوة :)
لوجــــــين
31-05-2002, 03:41 AM
الربطة تعور بشيل اللفة من عيني
أوف الدنيا ليش شذي مسوداااااااااااااه:واو:
orange road
31-05-2002, 02:56 PM
اوكي...
اذا تبون تسوون تحدي لازم على الاقل تحددون موضوع او فكرة ترسمونها
لان اذا كان الموضوع عايم جذي... ما صار تحدي عدل
ومب شرط المراقبين بس يحكمون
ممكن بعد بعض الاعضاء
بصراحة من الاعضاء انا اجوف رانما ممكن يكون حكم
لان عنده نظرة وايد جيدة في الرسوم :)
وبعد forever fantasy بس للأسف هي ما تشارك وايد :(
واي حد ثاني من الاعضاء يحس انه ممكن يحكم يتفضل..
وبعدين انتوا لازم تنقون حكامكم والموضوع اللي بتتسابقون عليه وبعدين تبتدون
اما جذي..
الموضوع تحول حق موضوع رسم عادي
g. byte
31-05-2002, 03:11 PM
نعم صحيح...
هذا ماكنت أقوله ..
وأنا مع ماقالته المراقبه ..
تحياتي العطره ...
جيجا بايت
fatoom
31-05-2002, 03:44 PM
صح بس هاي موضوع أريكسيا :)
و هي لازم تشارك و تبدي رايها :)
و صح أنا أشوف الموضوع عايم حتى الآن :)
و ممكن يكون في تصويت حتى :)
و لا شرايكم ;)
zamby2002
31-05-2002, 07:03 PM
صح كلامكم يالربع مايصير موضوع رسم من أوله لين آخره كلام بس:! 3صفحات مافيها إلا رسمتين وين التحدي?:
يلا بسرعه حطوا القوانين ونبي نشوف ونشارك:o
RPGgirl
31-05-2002, 07:08 PM
هاي
انزين حطوا منو منعكم ما تحطون انتوا حطوا وبعدين اريكسا بتحطي القوانين :)
shaheen
31-05-2002, 07:13 PM
أريكسا قالت انها حاطة الموضوع لكل عضو يحط رسمته لأنها عندها امتحانات هاليومين:)
RSSAM
31-05-2002, 11:51 PM
اريكسا انا اتحداج في هذي يلا :D
00Reemeta
01-06-2002, 12:37 AM
رسمة حلوة اخ رسام
والتلوين حلو
بس وين توقيعك
ليش مش موجود
:o
اسفة بس انا من الي يقولون
ان الرسمة ما تكتمل الا بتوقيع صاحبها ;)
RSSAM
01-06-2002, 02:53 PM
اي انا حاط التوقيع بس بالزاويه ومالي خلق ياخذ حجم على الفاضي الانه في مسافه بيضه فاضيه وايد :D
ولا انا احط التوقيع بس ساعات ما يطلع بالصوره الانه بالزاويه كلش
بس في بعض الرسمات احط التوقيع اقريب:D بس
Ranze Eto
01-06-2002, 11:25 PM
الرسالة الأصلية كتبت بواسطة nicky
هااي
الاخت اركسيا حبيت اقول بس اني بصراحه صدمت من الرسمه مش لجمالها او روعتها لانها ماتتمتع بس من هل كلام
صحيح ان الخطوط قويه لكن الرسمه عل الاخر مش حلوه وهي بصراحه بشعه و مش مستواج
soory
but its how i c it
:أفكر: انا مع نكي .... البنت ويها يخرع ?:
لا تزعلين بس هذي الصراحه ;-) و انتي عودتينا انقول الصراحه :0)
المهم هذي رسمتي .... انشاء الله تعجبكم :":
Ranma Saotome
01-06-2002, 11:44 PM
اووووووووااااااااهههههههاااااااااااااااااوووووو
شهالرسمه رانزي..
وينهي عن المنتدى من زمان.. روعه روعه..
تشبه الرسمه الاصليه بالضبط... فناااااااااااااانه..
والتلوين ولا اروع...
وين هالفن من زمان.. يعني خليتيه لهاللحظه عشان تعطينا بالقاضيه..
اوف... ساحراني هالرسمه.. اعطيها... ماقدراقيمها من روعتها...
التحدي بدا يقولون ياشبااااااااااااااااااااااااب...
Ranze Eto
02-06-2002, 12:19 AM
اعجبك رانما ....;-)
انا عند التحدي يطلع فني كله :0)
orange road
02-06-2002, 12:20 AM
واو رانزي....
شهالدقة الغريبة في الرسم.....
الخطوط والالوان.... روعة....
اي تقدير ممكن الواحد يعطيج اياه على هالرسمة المبهرة؟؟؟؟؟؟ :واو:
على هالرسمة... ما اعتقد ان في حد بيتجرأ ويشارك بعد...
Ranze Eto
02-06-2002, 12:25 AM
و الله احرجتوني ...بكلمكم اللي ينقط عسل :#
اذا انا رسمي البسيط اتقولون عنه جذيه عيل رسم روري و MzM
شتقولون عنه ؟؟؟؟
;-)
g. byte
02-06-2002, 01:06 AM
حسنا رانزي انتي الفائزة :D
أأءء عفوا ... أقصد من رسم الرسمة :D :D
........
.............
( شاركت في العديد من التحديات لاكن مثل هذا التحدي الغريب لم ولن أرى أبدا :! :-) )
أقترح تغيير عنوان الموضوع الى الجاليري " المعفوس " ?:
وأقترح ايضا الغاء التحدي اذا كان سيستمر بهذا الشكل الفوضوي :o
تحياتي العطره ...
جيجا بايت
Ranze Eto
02-06-2002, 01:22 AM
رجاءً رجاءً جيجا بايت ....
عن الغلط .... لا مؤامره و لا حاجه
هذا رسمي و الكل يعرف .....
:oلو سمحت مره ثانيه حاول اتراجع ردك قبل لا تضغط على زر
(ارسال الرد):o
اهم شي انك رشحتى للفوز و لا تنسى امدحني مره ثانيه :D
RPGgirl
02-06-2002, 01:46 AM
هاي
واو رسمة روعة اكيد انتي الفايزة
:" ابي اسحب مشاركتي ما اقدر انافس ويا هالرسومات الحلوة :)
Ranze Eto
02-06-2002, 01:57 AM
:D
بعد امدحوني:D
وناسه:D
RPGgirl
02-06-2002, 02:04 AM
شوفي عاد ها مو مدح انزين :غضب:
هاي الصرااااااااااااااااااااااااحة اول ما شفت الرسمة حسبت انها من احد مواقع الانيمي من روعتها ههههههههههههههههه :D
zamby2002
02-06-2002, 02:08 AM
وااااو رانزي رسمتج وايد حلوه أستمري على هاي الدرب ونبي أنشوف هاي النوعيه في رسمات التحدي وغيرها بعد موبس هني OK;)
Ranze Eto
02-06-2002, 02:16 AM
RPGgirl
مشكوره على صراحتج :# اخجلتيني
zamby2002
:" (دموع الفرح )
كلماتج اثرت فيني و انشاء الله بستمر على هالدرب
:D
orange road
02-06-2002, 02:23 AM
رانزي......
يا ريت بس تعرضين لنا رسوم اكثر من نفس النوعية اللي عرضتيها لنا الحين...
اختي رسمج مبهر...
ونبي نجوف اكثر علشان نقدر نتعلم اكثر :D
g. byte
02-06-2002, 04:04 PM
أنا لا أمدح من لايستحق المدح :-)
رانزي أعتقد بأنك لاترضين بأن يفسد أحد الأعضاء احدى مواضيعك أليس كذلك ؟!
اذا لم يعجبك الموضوع فلم تشاركين فيه من الأساس ؟!! ?: هناك العديد من المواضيع الأخرى اذا سمحتي :) ..
لازلت أعتقد أن هناك مؤامرة في هذا الموضوع أطرافها يخططون خلف الكواليس , أو أن هدفهم واحد ..
لكن هذا الأسلوب غير لائق كما تعلمون ويصح لنا تسميته أيضا بأنه ( مع احترامي للكل ) غير مهذب نوعا ما :)
( رجاءا .. اذا كان هناك أي أحقاد شخصية على صاحبة الموضوع فالرسائل الخاصه موجوده دائما ولا داعي لأن يكون هذا في الموضوع وكما قلت سابقا أنتم لاترضون هذا لأنفسكم فلم ترضوه لغيركم ؟)
مع خالص تحياتي العطره ..
جيجا بايت
orange road
02-06-2002, 05:11 PM
معاك حق جيجا بايت :)
شكلنا وايد شطحنا في العبط لدرجة ان احنا نسينا الموضوع الاساسي...
بس اريكسيا استعيلت.. كان احسن تحط الموضوع بعد الامتحانات علشان تكون فاضية وتقدر تتابع موضوعها :)
خلاص.. انشاءالله بنوقف العبط في الموضوع...
:o
g. byte
02-06-2002, 07:06 PM
تحياتي العطره ...
جيجا بايت
wildkitty
02-06-2002, 09:02 PM
انا ماراح اشارك بالمسابقه لاني ضامنه خسارتي
انا شفت رسومات صج فظيعه والرصاص فيها عجيب
ما اعتقد اني راح اقدر انافسهم انا مبتدئه ورسمي بسيط
انا اعتقد اني مالي مكان بهذي المسابقه
انا عندي mzm وايد تضليله فظيع
وبعد انا شفت رسومات بالرصاص بس نسيت منو الي راسمهم
فيعني مالي امل
wildkitty
02-06-2002, 11:14 PM
هاي
اريكسا الحين مشغوله بالامتحانات وما قدرت تكتب ردود
هاذه كلامه طلبت مني اوصله
حق نيكي :
صح كلامش ترى الرسمه تلوع الكبد صج انه الخطوط دقيقه ومتعوب عليها
بس صح الايدين حتى غلط وعيونها سايحه والرموش كبييره
الرسمه قديمه سارلها سنتين انا حاطتها لاني ما رسمت شي حديد ورسوماتي انتو شايفينها
مشكوره على صراحتك انا ابي الصراحه وابي رايك ومشكوره على ردك
انا مالي شغل
:)
والحكم الي راحتعينه اريكسا اهو رانما اذا احد عنده اعتراض خل يقول وانتو منو تبون بعد حكم اهي ما عندها مانع
Ranze Eto
03-06-2002, 12:33 AM
الرسالة الأصلية كتبت بواسطة g. byte
أنا لا أمدح من لايستحق المدح :-)
رانزي أعتقد بأنك لاترضين بأن يفسد أحد الأعضاء احدى مواضيعك أليس كذلك ؟!
اذا لم يعجبك الموضوع فلم تشاركين فيه من الأساس ؟!! ?: هناك العديد من المواضيع الأخرى اذا سمحتي :) ..
لازلت أعتقد أن هناك مؤامرة في هذا الموضوع أطرافها يخططون خلف الكواليس , أو أن هدفهم واحد ..
لكن هذا الأسلوب غير لائق كما تعلمون ويصح لنا تسميته أيضا بأنه ( مع احترامي للكل ) غير مهذب نوعا ما :)
( رجاءا .. اذا كان هناك أي أحقاد شخصية على صاحبة الموضوع فالرسائل الخاصه موجوده دائما ولا داعي لأن يكون هذا في الموضوع وكما قلت سابقا أنتم لاترضون هذا لأنفسكم فلم ترضوه لغيركم ؟)
مع خالص تحياتي العطره ..
جيجا بايت
اول شي يا استاذ جيجا بايت .... انا ما افسدت الموضوع ..لاني ما سويت شي ... هي تحدت و انا قبلت التحدي
و ثاني شي ...اي مؤامره اللي تتكلم عنها ...ما فيه مؤامره و لا في اطراف
لها .. ( صاير لنا المحقق كونان?: )
لكن هذا الأسلوب غير لائق كما تعلمون ويصح لنا تسميته أيضا بأنه ( مع احترامي للكل ) غير مهذب نوعا ما :)
و اعتقد انه اسلوبك انت غير لائق لانك تدخلت فيما لا يعنيك ....
و اذا تبي اتعرف الاسلوب الغير لائق راجع مواضيع المنتدى و خصوصا مواضيع الاخت اريكسا و بتعرف من اللي اسلوبه غير لائق هنا
و اعتقد انه صار لي 11 شهر في هذا المنتدى و محد اشتكى مني و لا من أسلوبي .....
( رجاءا .. اذا كان هناك أي أحقاد شخصية على صاحبة الموضوع فالرسائل الخاصه موجوده دائما ولا داعي لأن يكون هذا في الموضوع وكما قلت سابقا أنتم لاترضون هذا لأنفسكم فلم ترضوه لغيركم ؟)
و اعتقد انه صاحبه الموضوع ما عينتك محامي عشان اتدافع عنها
و اذا عندك شي عدل قوله (لتقل خير او لتصمت )
دائما الانسان ما يشوف عيوبه .....
و رجاءً يا اخ جيجا بايت لا تتدخل مره ثانيه لانه لو بتصير مشكله في المنتدى انت الل بتكون سببها ....
g. byte
03-06-2002, 01:45 AM
انا لله وانا اليه راجعون :)
النقاش معكٍ هنا سيدخلنا متاهات لارجوع منها ..
( سأرد على الخاص اذا لم يكن لديكٍ مانع ) :-)
مع خالص تحياتي العطره ..
جيجا بايت
RPGgirl
03-06-2002, 01:48 AM
هاي
اشوف الموضوع انجلب ضرابة :غضب:
شو ها انت جيجا بايت ورانزي :غضب:
المفروض على الاقل تحترمون صاحبة الموضوع لانها غايبة عندها ظروف وما تقدر توقفكم :o
اخت رانزي ادري انه كان كلامه غريب شوي بس انتي لازم تقابلي الاساءة بالاحسان والا انا غلطانه وبعدين كلامج عن مواضيع اريكسا قبل شي والحين شي ثاني اريكسا بنت طيبة وحبوبة فلازم ما تقولين هالكلام عنها :)
اخ جيجا بايت بلييييييييييييييييييييييييييييييييييييييييييييز لو تحب تبدي رايك احسن بالخاص :)
انتوا بهالتصرف تخربون الموضوع ترضون مواضيعكم تخترب ويصير ضرابة فيها اكيد ما ترضون فاللي ما ترضونه حق نفسكم لازم ما ترضونه حق الغير بعد
فصفوا النفوس وبلا ضرابة اوكي :)
g. byte
03-06-2002, 02:06 AM
اختي لقد انتهى الموضوع هنا :)
والباقي عالخاص كما ذكرت سابقا ..
شكرا لكي ..
مع خالص تحياتي العطره ...
جيجا بايت
Ranze Eto
03-06-2002, 02:06 AM
RPGgirl
كلامج صح .....بس انتي لاحظي كلام الاخ جيجا بايت
و اسلوبه .......
و ماسك عليّ مؤامره ...اي مؤامره اي مولوخيه
و شهالخرابيط ....
و الشخص الوحيد اللي بيحكم على الموضوع اذا كانت مؤامره او لا فهي اريكسا لانها صاحبة الموضوع
و الاخ جيجا بايت ناوي يخربها و يقعد على تلها بهالكلام ....
و اذا فيه احد بدا بلغلط هنا فهو g. byte
888888888888888888888888888888888888888888
g. byte
انا انتظر البرايفت مسج منك ....
g. byte
03-06-2002, 02:11 AM
قلنا انتهى الموضوع هنا يارانزي :-) اذا سمحتي ... :-) :-)
مع خالص تحياتي العطره ...
جيجا بايت
Neo Cid
03-06-2002, 02:15 AM
يا خوي جيجا بايت .. أعقل شوي ..
يعني البنت طلبت التحدي الشريف .. شفيها ؟... :o
و حاول أنك ما تتضارب ترى إذا أذيت أختي ار بي جي جيرل و شفتها تزعل .. راح أطلع من طوري ! :D
g. byte
03-06-2002, 02:41 AM
!!!!!! ....... ياحليلك :-)
عزيزي ...... اقرأ جيدا ماكتب بالأعلى ;)
شكرا لك ..
( رجاءا يااخوان قلنا قفلوا على الموضوع للمرة الألف )
تحياتي العطرة ...
جيجا بايت
Ranma Saotome
03-06-2002, 11:21 AM
وانتوا طول الوقت توهقوني....
انا حكم هنيه... الله يعين
والله وهههههههههههههقه..
الحين والله مشغول.. هالايام.. بس من اول مافضى على طول بعلق..
وفي غيري يستاهلون اكثر مني ان يصيرون حكام...
وانشالله اليوم بكتب رد على الموضوع.. باي
wildkitty
03-06-2002, 11:45 AM
يا جماعه لا تقلبونه هوشه ترى السالفه ما تسوه
wildkitty
03-06-2002, 11:47 AM
يا جماعه لا تقلبونه هوشه ترى السالفه ما تسوه
رانما انته تستاهل كل خير :)
لوجــــــين
03-06-2002, 02:49 PM
هههههههههههههههههههه
هااااااااااااااااااي
أقولكم
قي مسابقة حلوة مسويتها ريميتا في موضوع بنفس المنتدى لها أصول و قوانين تكفل حق كل واحد أوكي راح نقرر منو الرسام الكفوء
و كل الكلام اللي دار اهني انسوه
أوكي:غضب:
باااااااااااااااي:0)
AREXA
03-06-2002, 11:56 PM
الرسالة الأصلية كتبت بواسطة RSSAM
اريكسا انا اتحداج في هذي يلا :D
رسام انتة صج رسام او تستاهل المديح:)
رسمتك عن جد حلوووووووووووووة;-)
وانا مستعدة اتحداك;-)
AREXA
04-06-2002, 12:02 AM
الرسالة الأصلية كتبت بواسطة Ranzie Eto
:أفكر: انا مع نكي .... البنت ويها يخرع ?:
لا تزعلين بس هذي الصراحه ;-) و انتي عودتينا انقول الصراحه :0)
المهم هذي رسمتي .... انشاء الله تعجبكم :":
رانزي انا امصدجتش اختي;-)
الرسمة روعععة
:! صراحة بهرتيني
انا احب هالاستايل من الرسومات اذكرني ابكراسات جبل اللي كنت الونها يوم كنت ياهل
اذكرني اب جيجي او اب زهرة الجبل
انا احب المانجا البسيط والناعم مثل شيذي او القديم اللي رسمة ايصير شفاف او غريب
عجبتيني;-)
او ترى ادري انا الرسمة مالتي خايسة ماني زعلانة اختي ههههه;-)
بس ارجوكم لاتضغطون عللي وايد بالكلام:#
اعتقد كافي
;-)
AREXA
04-06-2002, 12:07 AM
الرسالة الأصلية كتبت بواسطة RPGgirl
هاي
اشوف الموضوع انجلب ضرابة :غضب:
شو ها انت جيجا بايت ورانزي :غضب:
المفروض على الاقل تحترمون صاحبة الموضوع لانها غايبة عندها ظروف وما تقدر توقفكم :o
اخت رانزي ادري انه كان كلامه غريب شوي بس انتي لازم تقابلي الاساءة بالاحسان والا انا غلطانه وبعدين كلامج عن مواضيع اريكسا قبل شي والحين شي ثاني اريكسا بنت طيبة وحبوبة فلازم ما تقولين هالكلام عنها :)
اخ جيجا بايت بلييييييييييييييييييييييييييييييييييييييييييييز لو تحب تبدي رايك احسن بالخاص :)
انتوا بهالتصرف تخربون الموضوع ترضون مواضيعكم تخترب ويصير ضرابة فيها اكيد ما ترضون فاللي ما ترضونه حق نفسكم لازم ما ترضونه حق الغير بعد
فصفوا النفوس وبلا ضرابة اوكي :)
ار بي جي جيرل:) صج انش خووووووووش بنت
او ما تستاهليين ذرة من الكلام اللي انا جلتة حجش انتي انسانة رائعة
او من الحين اعتبري روحش أعز شخص عندي;-)
اكرر انتي الخير كلة والبركة:) الله ايعافيش او اهنيش
RPGgirl
04-06-2002, 12:10 AM
مشكورة حبيبتي اريكسا والله يخليج انسي الماضي انزين والله يعطيج العافية :)
AREXA
04-06-2002, 12:13 AM
الرسالة الأصلية كتبت بواسطة RPGgirl
مشكورة حبيبتي اريكسا والله يخليج انسي الماضي انزين والله يعطيج العافية :)
:# العفو:)
وانشالله اتكونين احسن الرسامين;-)
AREXA
04-06-2002, 12:45 AM
القوانين:
1- ان تكون الرسمة من صنعكم
2- اهمال العمر
3- ان لا تكون الرسمة منقولة ابدا
4- ان تكون الرسمة خيالية fantasy
5-ليس من الضروري التلوين او على حسب الرغبة
اولا احب ان يكون التحدي الاول بالحبر السائل كما في الكوميك
والحكام رانما ، شاهين ، اورينجرود;-) ، رانزي ايتاوا ، ريواية، ار بي جي جيرل
:) واذا كنت مشغولة او ماشاركت عرفو اني مشغولة بالامتحانات
او ميعاد الانتهاء هو 12-6-2002
وشكرا
orange road
04-06-2002, 01:01 AM
عيل تعرفون...
احسن موضوع التحدي يتأجل لنص 6 تقريبا...
يكون الاغلبية خلصوا امتحاناتهم
والكل يقدر يشارك :D
RPGgirl
04-06-2002, 01:05 AM
احسن شي اقتراح اوكي :)
لوجــــــين
04-06-2002, 07:58 AM
هلا والله
اشلونش أريكسا
حبيت أسلم عليش و اشوف أخبارش مع الختبارات
و القوانين اللي قلتيها الصراحه وايد حلوة
رسمه من الخيال و بقلم الحبر
مممممممممممممم
مع اني و لا مرة رسمت بالحبر بس فكرة تستحق المحاولة
خلا أجرب
:0)
Tidus_2007
04-06-2002, 08:55 AM
اهاااااااا حلوه الفكره بس ما ادري لو المشاركه مفتوحه للجميع >>> مؤدب ":"
و مداااااااااااام لازم بالحبر انا ما اعرف ارسم الا فيه :)
fatoom
04-06-2002, 11:12 AM
اريكسيا عندي سؤال ؟
لما بنرسم بالحبر هل كشكل قصه و لا لقطه
و لا رسمه متكامله ؟؟؟
لأن قلتي بأسلوب الكوميك ...:)
فخاطري أعرف .....
عشان أشارك :D
وولكم باك ماناميلي :)
Akasuna No Sasori
04-06-2002, 07:10 PM
وش السالفه :D :D :D
Ranze Eto
04-06-2002, 07:13 PM
:!
والحكام رانما ، شاهين ، اورينجرود ، رانزي ايتاوا ، ريواية، ار بي جي جيرل
مو كأنه هذا اسمي بين الحكام :!
ايوه اهووو ....
و الله زين بحكم ... مشكوره اريكسا على اختياري حاكمة:D
Akasuna No Sasori
04-06-2002, 07:25 PM
الرسالة الأصلية كتبت بواسطة Ranzie Eto
:!
والحكام رانما ، شاهين ، اورينجرود ، رانزي ايتاوا ، ريواية، ار بي جي جيرل
مو كأنه هذا اسمي بين الحكام :!
ايوه اهووو ....
و الله زين بحكم ... مشكوره اريكسا على اختياري حاكمة:D
اووووووووه
اورنج رود ورانزي اجتمعوا اجل مااحد من الشباب راح يفوز :o :o ":" ":"
Ranze Eto
04-06-2002, 08:01 PM
:غضب: ايش قصدك يا الثعلب الميت ؟؟؟؟
اقصد فوكس داي :D
AREXA
04-06-2002, 10:27 PM
الرسالة الأصلية كتبت بواسطة fatoom
اريكسيا عندي سؤال ؟
لما بنرسم بالحبر هل كشكل قصه و لا لقطه
و لا رسمه متكامله ؟؟؟
لأن قلتي بأسلوب الكوميك ...:)
فخاطري أعرف .....
عشان أشارك :D
وولكم باك ماناميلي :)
لامجرد لقطة فيها اسلوب كوميك بس مو قصة لان ما فب مكان:)
او اذا كانت قصة السالفة راح اتطول;-)
orange road
05-06-2002, 12:13 AM
فوكس داي...
شقصدك يعني؟؟؟؟ :!
اني ما اصلح يعني :غضب:
انزين ...
باراويك...
انا باطرش لك بكرة ابلة ظاظا تتفاهم معاك
:o
fatoom
05-06-2002, 12:39 AM
يعني الموضوع فيه حركه
و بالحبر .....
اممممممممممممممم
اوكي نوعا ما فهمت :D
ثانكس أني وي ;-)
Akasuna No Sasori
05-06-2002, 01:22 AM
الرسالة الأصلية كتبت بواسطة orange road
فوكس داي...
شقصدك يعني؟؟؟؟ :!
اني ما اصلح يعني :غضب:
انزين ...
باراويك...
انا باطرش لك بكرة ابلة ظاظا تتفاهم معاك
:o
الكتاب يبان من عنوانه :أفكر: :أفكر: :D :D
اعطيهم حكم ومثال يا فوكسي ":"
حسين-911
15-06-2002, 12:16 AM
للرفع .. اعتقد
سبب رفعي هو اعلام الكل انه هناك مسابقه تجدونها بالمنتدى العام للرسم مسابقه على مستوى المنتدى ككل ..
وأريكسا لازم تشاركين
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .