المساعد الشخصي الرقمي

مشاهدة النسخة كاملة : و أسكتهم!!!


Dark Angel
06-06-2002, 06:03 PM
نعم....أسكتهم السعودي....و عرفهم قدرهم!!!!
أيه نعم أحنا أنهزمنا...لكن أسكتهم!!!! و روعهم!!!!

لأي واحد يقول أن المنتخب تحسن مستواه!!! أقول أن المنتخب هذا هو مستواه ما تحسن ...و أزيدكم من الشعر بيت....هذا مو كل قوة السعودي هذا بعض ما عنده....

مباراة المانيا و السعودي كانت غلط...و غلطة الشاطر ب8...لكن أثبتوا الأبطال أنهم أبطال...أيه نعم أنهزمنا....لكن لعبنا فيهم...

أحلى شئ الكميروني وجهه يسبح من العرق و الشباب يقولون عندنا أكثر...

هذا هو المنتخب اللي لعب قدام البرازيل و الدنمارك و الارجواي و السينغال...

وينكم ياللي كنتوا تستهزون ...لكن واضح سبب الأستهزاء كان أيش...

24 لاعب كميروني, 23 واحد منهم محترف في أنديه أوربيه, 24 لاعب سعودي...و لا واحد منهم محترف خارجي, ....تخيلوا معي, لو السعوديين تعودوا على المباريات القوية و أحترفوا في الخارج و زادت مهارتهم...أقول تخيلوا بس.....
الرهـــيـــب
06-06-2002, 06:31 PM
كلامك عين العقل ;-)
BLACK TIGER
06-06-2002, 07:14 PM
مشكور على الموضوع الجميل;-)

عيني عليك بارده ياDark Angel
*مدلـل*
06-06-2002, 07:22 PM
بس لو كملناها بالفوز كان سكتناهم بالمرة ...
على العموم اثبتنا ان الثمانية ما كانت غير كبوة جواد لاأكثر ":" ":"
اليوفاوي
07-06-2002, 08:10 AM
مباراة المانيا و السعودي كانت غلط...و غلطة الشاطر ب8...لكن أثبتوا الأبطال أنهم أبطال...أيه نعم أنهزمنا....لكن لعبنا فيهم...


اعتقد انك ماشفت المباراه زين!!!

وين يلعبون باب واحد؟؟

اااااااه يا القهر فرحانيين بهجمتين للمنتخب ؟؟

ويقولون لعبنا فيهم ؟

اللي حاصل ان المنتخب لعب احسن ((شي بسيط)) من مباراه الفضيحه
بس ؟؟



الهزيمه لها وجه واحد ... بالثمانيه أو بالواحد
alsahr
07-06-2002, 09:25 AM
الرسالة الأصلية كتبت بواسطة اليوفاوي



اعتقد انك ماشفت المباراه زين!!!

وين يلعبون باب واحد؟؟

اااااااه يا القهر فرحانيين بهجمتين للمنتخب ؟؟

ويقولون لعبنا فيهم ؟

اللي حاصل ان المنتخب لعب احسن ((شي بسيط)) من مباراه الفضيحه
بس ؟؟



الهزيمه لها وجه واحد ... بالثمانيه أو بالواحد



اقول شكلك كنت تتفرج المباراه بعين وحده
المنتخب بصراحه اول مره اشوفه يلعب لعب متوازن
لعبنا مع البرازيل كانت فيه ثغرات كثيره والدنيمارك لعبنا اي كلام وكمان مع السينغال صح اننا فزنا عليهم لكن الدفاع كان مفتوح


ولكن امس كل اللاعبين سوو الي عليهم واكثر بس الجوهر غلط لما لعب بمهاجم واحد


وتحياتي;-)
Dark Angel
07-06-2002, 03:18 PM
الرهـــيـــب و BLACK TIGER و *مدلـل*

شكراً حبايبي...أنا ما قات الا الصحيح...


اليوفاوي

كيفيك حبيبي..هدي هاه ..شوي شوي ..لا يطق لك عرق...رضيت أو لا..المنتخب أفضل منتخب اّسيوي....و عربي بعد...( الاكلام هذا لغرض في نفسي )


الالمان و الله لو يلعبون معنا 50 مباراة ثانيه والله ما يوصلون هذي النتيجة...و يمكن ما يفوزون بعد....مباراة المانيا كان فيها أغلاط كثيرة سببت الثمانية...و اللي أثبت الشئ هذا المستوى المذهل للسعودي في الباراة الثانية...يأخي ...خلك منطقي...فريق ينهزم ب 8 ...و بعدين يرجع يلعب لعب مثل كذا ...وش تتوقع؟....

المهم...بعدين عن سالفة الهجمتين...أنت و شفيك...تتفرج على المباراة بالمقلوب....رح أرجع و عد كم هجمة كان فيه للمنتخب....هذا غير الفرص اللي ضاعت...

اللي حاصل ان المنتخب لعب احسن ((شي بسيط)) من مباراه الفضيحه

معك حق غي هذي...حتى أنا قلت كذا...المنتخب مستواه أفضل من مباراة الكميرون بمليون مرة :D


الهزيمه لها وجه واحد ... بالثمانيه أو بالواحد
كلامك صح 100% ...لكن أحنا نتكلم عن الستوى...أنا ما تكلمت عن الهزيمة...فرق حبيبي بين الأثنين...يمكن ما تعرف الفرق ..خلني أعلمك وش الفرق...
النتيجة يعني واحد يفوز وواحد ينهزم...والمستوى يعني لعب حلو :D


alsahr

حبيبي...أنا كلامي لأثبات أن مباراة المانيا كانت غلطة...يعني مهيب طبيعية..أنا معك أن السعودي الى الان يعاني من أخطاء و حتى مباراة الكاميرون فيها أخطاء..أتمنى أنك نكون فهمت قصدي حبيبي :)


ولكن امس كل اللاعبين سوو الي عليهم واكثر بس الجوهر غلط لما لعب بمهاجم واحد
أعتقد أن تكتيك الجوهر هو أنه يلعب مدافع حتى ينهك الخصم...و بعدين ينزل بمهاجمين و يستغل تعب الفريق الثاني...وكان تكتيكة ناجح جداً..أثار التعب كانت واضحة على الكاميرون...لكن أصابة سعد لخبطة الدعوة ..و أيضاً الهدف اللي كان من غلطة..
Grandia
07-06-2002, 05:20 PM
الرسالة الأصلية كتبت بواسطة Dark Angel
الرهـــيـــب و BLACK TIGER و *مدلـل*

شكراً حبايبي...أنا ما قات الا الصحيح...


اليوفاوي

كيفيك حبيبي..هدي هاه ..شوي شوي ..لا يطق لك عرق...رضيت أو لا..المنتخب أفضل منتخب اّسيوي....و عربي بعد...( الاكلام هذا لغرض في نفسي )


مت قصدي حبيبي :)


ما اظن
Dark Angel
08-06-2002, 11:01 PM
جـرانديا

معليش حبيبي...أنا ما قلت الكلام هذا الا بعد ما أرتفع ضغطي من بعض الشواذ اللي ما صدقوا أن السعودي غلط عشان يطبون فيه...

المهم :)

أهم شئ أن كل شئ وضح و بان
Grandia
10-06-2002, 05:26 PM
الرسالة الأصلية كتبت بواسطة Dark Angel
جـرانديا

معليش حبيبي...أنا ما قلت الكلام هذا الا بعد ما أرتفع ضغطي من بعض الشواذ اللي ما صدقوا أن السعودي غلط عشان يطبون فيه...

المهم :)

أهم شئ أن كل شئ وضح و بان

ما الومك اي واحد كان يقول اللي قلته

باين انك كنت معصب وانت تكتب

ولاكن الحمد لله بيضها الاخضر وانشاء الله يأدي اداء مماثل مع ايلندا
CTMELODY
10-06-2002, 06:21 PM
صح لسانك الرجال طلع مستواهم في مباراة الكاميرون
التنين المائى
10-06-2002, 08:18 PM
عظيم موضوعك

بس انا مالى علاقة بى الرياضة

من الاخر السعودية طلعت من الكاس الان ولا لاء ؟؟؟

ممكن العارف يجاوبنى

و شكرا