smoke
07-06-2002, 12:16 AM
السلاااااااااااام.............
اليوم الصبح كان عندي امتحان مادة نسيت اسمها و مرت على خير ........... الحمد لله
الصراحة حبيت أسلم عليكم و اشكر كل واحد دعا لي بالتوفيق .......................
ما علينا
أنا بصراحة ما عندي سالفة أقولها و ........ بس تذكرت , في البداية أقول فديت الامارات وأهل الامارات ,أهل الخير , وأقول لكل واحد ساكن في الامارات : كل ما تشوف و احد ساكن في عجمان بارك له و هنيه بمناسبة بناء أول جسر في عجمان مكان الدوار الكبير ( دوار الموت )
تخيل ......... جسر في عجمان , صدقوني بيحطون ها الحدث في برنامج حدث في مثل هذا اليوم ........على العموم بعد ما انتهى الشغل في الجسر أعلنو أنهم بيفتتحو الجسر رسميا , أنا قلت أكيد أول شي لازم كبار الشخصيات يعبرون فوقه ,لكنهم سوو خطوه غريبة , حددو أول واحد بيمر فوق الجسر عن طريق القرعة (بيستخدمون أرقام السيارات في القرعة) وجاءت الصاعقة و طلع رقم سيارتي في القرعة , اتصلي مدير المرور يزف البشارة (حظ يفلق الصخر)
مع العلم أن مدير المرور نفسه هو اللي مسكني وقت ما كنت أسوق بدون رخصة (هذي قصة ثانية) ,بصراحة هم ما عطوني فرصة أرفض أو حتى أفكر لكن ...............
وجاء يوم الافتتاح , ليلتها ما نمت الليل وأنا أفكر شو بسوي ,قلت في نفسي أول ما أتحرك للجسر بصيح ويل بالسيارة و برفع صوت المسجل لأعلى شي وبطلع الجسر على سرعة 100
هذا كان التخطيط ........ في الصبح فرغت على نفسي 3 قوارير كالونيا و ما في أثر للريحة و رحت أشغل السيارة ,أوه نسيت أكلمكم عن سيارتي , عندي سيارة كريسيدا موديل ألف و تسعمية
و .......... ما أذكر كم بس سيارة أثرية سمعت أنه جدي الرابع هو اللي اشتراها مستعملة , رحت لمكان الافتتاح ولقيت مخرج الحفل وقال لي على فقرات الحفل وكيف بيكون الافتتاح ,كانت الفكرة أني أكون أول واحد يمر من فوق الجسر و وراي تكون سيارات المسؤولين, وبعدين نحضر حفل البوفيه في الكافتريا اللي بعد الجسر , امهم أنا جهزت السيارة بحيث تواجه الجسر ,
دست بنزين و تحركت بالراحة و من بعدي الطوفان .. قصدي سيارات المسؤولين وبعدهم سيارات الشرطة, وكان الراديو عليه أغنية (ما تروحلك مشوار , قلتله يا ريت) , المهم أول ما بديت أطلع الجسر حصل آخر شي كنت أريده يحصل في هذي اللحظة .............
السيارة وقفت.....................
تخيلو موقفي ساعتها ,قعدت أكلم السيارة (جنيت) وأقولها : ما احلى سواد توايرك , يا زين ريحة بترولك .......... الخ على أمل أنها تشتغل لكن ما في أمل , وأخيرا استجابت السيارة لكن بالعكس , السيارة بدأت ترجع لورا .........!!!!!!!!!!!!!!!!!!!!!!!!!
(ملاحظة : السيارة بريكها خربان أما الهاند بريك مو موجود أصلا)
في اللحظة أنا تصرفت بسرعة , طلعت جسمي كله من الشباك وقعدت أصارخ : الحقونيييييييييييييي ............ سواقين سيارات المسؤولين ما شاء الله عليهم خبره ,بسرعة قدرو يتجنبو سيارتي ,لكن ........................................ دعمت سيارة الشرطة الواقفة وراهم .
نزلت من السيارة و أنا أطلع الأرض ونزل الملازم اللي كان في سيارة الشرطة و قال :
الرخصة و الملكية , عطيته الرخصة و الملكية , ونادى بكل صوته : عريف مبارك
فجأة حصل كسوف للشمس و انقطع عني الهوا و بغيت أموت لكن عرفت أنه هذا مبارك واقف جنبي ,يا هذا اليوم اللي ما أدري وين آخره , و بدون كلمه رفعني هذا اللي اسمه مبارك كأنه يرفع علبة بيبسي و رماني في شبك النيسان و جلس جنبي باعتباري ارهابي خطير , وبدأت الريحة الزينة تطلع (الله يبعدنا عنها و السامعين) و ما وصلت لمركز المرور إلا و أنا غشيان من الريحة ,دخلوني عند مدير المرور اللي هو نفسه أسعدني في بداية هذا المهرجان كله ,تم يشوفني من طرف عينه وأخيرا تكلم : تعرف أنك هددت مجموعة من كبار الشخصيات بالموت اليوم ؟
رديت عليه و أنا أحس أنه هذا بيكون أسوأ و آخر يوم في حياتي : أبوس النجوم اللي على كتفك أنا بريء !!
رن التلفون و رد عليه وقعد يسمع بس و بعد الكالمة التفت لي و قال : حظك زين هالمرة لكن المرة الجاية أكيد بتصيب , المسؤولين طلبو الافراج عنك و ........... ما لحق يكمل كلامه الا و أنا مسكت نعالي بإيدي و ركضت لأول تكسي : وين يسير أرباب ؟ قلت له : البيت !!!!!!!!!
قال : كل مكان في بيت , أي بيت أنته يسير ؟ قلت له : بيت أبوي !!!!!!! كانت صلتي مع العالم مقطوعة تماما ( ما في حرارة) و ما وعيت الا و أنا في البيت قدام التلفزيون أشوف قناة أبوظبي , وفجأة :خبر عاجل : كاد اليم أن يقع حادث مروع عند الجسر الجديد و ذلك بسبب عدم مقدرة سيارة الافتتاح على عبور الجسر , وقد أكد الخبراء أن أبعاد الجسر و ارتفاعه غير صحيح و قامو بمناشدة البلدية بإعادة بناء الجسر !!!!!!!!!!!!!!!!!!
اسمحو لي تراني طولت عليكم بخرابيطي و انشا الله أشوفكم مع جسر ثاني .
اليوم الصبح كان عندي امتحان مادة نسيت اسمها و مرت على خير ........... الحمد لله
الصراحة حبيت أسلم عليكم و اشكر كل واحد دعا لي بالتوفيق .......................
ما علينا
أنا بصراحة ما عندي سالفة أقولها و ........ بس تذكرت , في البداية أقول فديت الامارات وأهل الامارات ,أهل الخير , وأقول لكل واحد ساكن في الامارات : كل ما تشوف و احد ساكن في عجمان بارك له و هنيه بمناسبة بناء أول جسر في عجمان مكان الدوار الكبير ( دوار الموت )
تخيل ......... جسر في عجمان , صدقوني بيحطون ها الحدث في برنامج حدث في مثل هذا اليوم ........على العموم بعد ما انتهى الشغل في الجسر أعلنو أنهم بيفتتحو الجسر رسميا , أنا قلت أكيد أول شي لازم كبار الشخصيات يعبرون فوقه ,لكنهم سوو خطوه غريبة , حددو أول واحد بيمر فوق الجسر عن طريق القرعة (بيستخدمون أرقام السيارات في القرعة) وجاءت الصاعقة و طلع رقم سيارتي في القرعة , اتصلي مدير المرور يزف البشارة (حظ يفلق الصخر)
مع العلم أن مدير المرور نفسه هو اللي مسكني وقت ما كنت أسوق بدون رخصة (هذي قصة ثانية) ,بصراحة هم ما عطوني فرصة أرفض أو حتى أفكر لكن ...............
وجاء يوم الافتتاح , ليلتها ما نمت الليل وأنا أفكر شو بسوي ,قلت في نفسي أول ما أتحرك للجسر بصيح ويل بالسيارة و برفع صوت المسجل لأعلى شي وبطلع الجسر على سرعة 100
هذا كان التخطيط ........ في الصبح فرغت على نفسي 3 قوارير كالونيا و ما في أثر للريحة و رحت أشغل السيارة ,أوه نسيت أكلمكم عن سيارتي , عندي سيارة كريسيدا موديل ألف و تسعمية
و .......... ما أذكر كم بس سيارة أثرية سمعت أنه جدي الرابع هو اللي اشتراها مستعملة , رحت لمكان الافتتاح ولقيت مخرج الحفل وقال لي على فقرات الحفل وكيف بيكون الافتتاح ,كانت الفكرة أني أكون أول واحد يمر من فوق الجسر و وراي تكون سيارات المسؤولين, وبعدين نحضر حفل البوفيه في الكافتريا اللي بعد الجسر , امهم أنا جهزت السيارة بحيث تواجه الجسر ,
دست بنزين و تحركت بالراحة و من بعدي الطوفان .. قصدي سيارات المسؤولين وبعدهم سيارات الشرطة, وكان الراديو عليه أغنية (ما تروحلك مشوار , قلتله يا ريت) , المهم أول ما بديت أطلع الجسر حصل آخر شي كنت أريده يحصل في هذي اللحظة .............
السيارة وقفت.....................
تخيلو موقفي ساعتها ,قعدت أكلم السيارة (جنيت) وأقولها : ما احلى سواد توايرك , يا زين ريحة بترولك .......... الخ على أمل أنها تشتغل لكن ما في أمل , وأخيرا استجابت السيارة لكن بالعكس , السيارة بدأت ترجع لورا .........!!!!!!!!!!!!!!!!!!!!!!!!!
(ملاحظة : السيارة بريكها خربان أما الهاند بريك مو موجود أصلا)
في اللحظة أنا تصرفت بسرعة , طلعت جسمي كله من الشباك وقعدت أصارخ : الحقونيييييييييييييي ............ سواقين سيارات المسؤولين ما شاء الله عليهم خبره ,بسرعة قدرو يتجنبو سيارتي ,لكن ........................................ دعمت سيارة الشرطة الواقفة وراهم .
نزلت من السيارة و أنا أطلع الأرض ونزل الملازم اللي كان في سيارة الشرطة و قال :
الرخصة و الملكية , عطيته الرخصة و الملكية , ونادى بكل صوته : عريف مبارك
فجأة حصل كسوف للشمس و انقطع عني الهوا و بغيت أموت لكن عرفت أنه هذا مبارك واقف جنبي ,يا هذا اليوم اللي ما أدري وين آخره , و بدون كلمه رفعني هذا اللي اسمه مبارك كأنه يرفع علبة بيبسي و رماني في شبك النيسان و جلس جنبي باعتباري ارهابي خطير , وبدأت الريحة الزينة تطلع (الله يبعدنا عنها و السامعين) و ما وصلت لمركز المرور إلا و أنا غشيان من الريحة ,دخلوني عند مدير المرور اللي هو نفسه أسعدني في بداية هذا المهرجان كله ,تم يشوفني من طرف عينه وأخيرا تكلم : تعرف أنك هددت مجموعة من كبار الشخصيات بالموت اليوم ؟
رديت عليه و أنا أحس أنه هذا بيكون أسوأ و آخر يوم في حياتي : أبوس النجوم اللي على كتفك أنا بريء !!
رن التلفون و رد عليه وقعد يسمع بس و بعد الكالمة التفت لي و قال : حظك زين هالمرة لكن المرة الجاية أكيد بتصيب , المسؤولين طلبو الافراج عنك و ........... ما لحق يكمل كلامه الا و أنا مسكت نعالي بإيدي و ركضت لأول تكسي : وين يسير أرباب ؟ قلت له : البيت !!!!!!!!!
قال : كل مكان في بيت , أي بيت أنته يسير ؟ قلت له : بيت أبوي !!!!!!! كانت صلتي مع العالم مقطوعة تماما ( ما في حرارة) و ما وعيت الا و أنا في البيت قدام التلفزيون أشوف قناة أبوظبي , وفجأة :خبر عاجل : كاد اليم أن يقع حادث مروع عند الجسر الجديد و ذلك بسبب عدم مقدرة سيارة الافتتاح على عبور الجسر , وقد أكد الخبراء أن أبعاد الجسر و ارتفاعه غير صحيح و قامو بمناشدة البلدية بإعادة بناء الجسر !!!!!!!!!!!!!!!!!!
اسمحو لي تراني طولت عليكم بخرابيطي و انشا الله أشوفكم مع جسر ثاني .