المساعد الشخصي الرقمي

مشاهدة النسخة كاملة : عضو جديد.............


RPGGUY
15-06-2002, 11:53 PM
هلا ............انا عضو جديد بس حريف في فاينل فانتاسي .....و حبيت اشارك معاكم .......:D


ملاحظة:ابي ماسنجراتكم...........
yousif
16-06-2002, 12:56 AM
اهلا بك.
•Katana•
16-06-2002, 01:05 AM
اهلا بك
RPGgirl
16-06-2002, 01:23 AM
هاي
هلا بيك اخوي بالمنتدى :)
M7MOOOD
16-06-2002, 02:28 AM
يا ألف هلا و مرحبا فيك :D
M7MOOOD
16-06-2002, 03:33 AM
يالكذاب أنت مو عضو جديد :غضب:

أنت العضو سيمور بس داخل بعضوية ثانية بعد سواد الوجه اللي عملته في منتدى الرسوم :غضب:

و لا تحاول تنكر ... لأن عندي الأدلة القاطعه :غضب:
M7MOOOD
16-06-2002, 03:52 AM
الرسالة الأصلية كتبت بواسطة RPGGUY


ملاحظة:ابي ماسنجراتكم...........

و ليش تبيهم ... علشان تنتقم من اللي طالبوا بطردك على اللي عملته من سواد وجه في منتدى الرسوم :غضب:
BOY_THING
16-06-2002, 04:11 AM
يا الف اهلاً و سهلاً بيك :)
M7MOOOD
16-06-2002, 05:27 AM
الرسالة الأصلية كتبت بواسطة BOY_THING
يا الف اهلاً و سهلاً بيك :)

و أنت بعد مصدقه .. ترى هذا كذاب و هو نفسه العضو سيمور و أنا عندي الدليل :غضب:
cool_man
16-06-2002, 07:51 AM
لحظة اشوية يا حسنيييييييييين جيب الشربات اصلي عندنا زبون جديد هههههه حياك اخوي:D
tidusxxx
16-06-2002, 09:01 AM
ههه؟؟؟؟يعني ارحب ولا لأ؟؟؟وش سوى سيمور؟؟وش الادلة القاطعة؟؟؟؟?:
Neo Cid
16-06-2002, 09:13 AM
محمود هدي يا بوك ..

أنا عارف عمايلة بمنتدى الرسوم .. لكني الريال شكلة تاب .. :D

و يا محمود عطنا الدلائل .. لأني حتى انا مو مستشيهة .. :o

بس لازم نقول ..

يا ألف أهلا و سهلا فيك بمنتدى فف .. :D

حياك الله كل يوم تعال البيت بيتكم ! :D
BOY_THING
16-06-2002, 09:19 AM
الرسالة الأصلية كتبت بواسطة M7MOOOD


و أنت بعد مصدقه .. ترى هذا كذاب و هو نفسه العضو سيمور و أنا عندي الدليل :غضب:

صحيح .. طيب وش الدليل ?:
Neo Cid
16-06-2002, 09:24 AM
الرسالة الأصلية كتبت بواسطة BOY_THING


صحيح .. طيب وش الدليل ?:

خيو .. خله .. هذا محمود لمن ينفعل .. يقط كلام وما يعرف شنو قاعد يقول ! :D
tidusxxx
16-06-2002, 09:28 AM
والله قلبتوا راسي ...عموما....مرحبا الف....ياهلا عد ماهل المطر..ولا مدري وش هي...
RPGGUY
16-06-2002, 02:00 PM
ما عيب عليك يا محمود الريال توه داش عندكم و تستقبله بهذا الكلام!!!!
بس اقول انا ما يخصني بسيمور و غيره فاهم.....;-)
M7MOOOD
16-06-2002, 02:47 PM
لاااااااااااااع :غضب: :غضب:

أصلا أمس الفجر دخل سيمور الوقح علي أنا و آر بي جي جيرل في الماسنجر و تضارب معانا من الساعة 2 الفجر الى الساعة 6 الصبح بتوقيت الكويت و السعودية و البحرين (( من الساعة 3 الفجر الى الساعة 7 الصبح بتوقيت الامارات )) و قال لي كلام قذر و وصخ و قام يضغط على أعصاب آر بي جي جيرل المسكينة و اللي كانت على نياتها و ما تبي مشاكل و تبي تهدي الوضع بس هو لازم و الا يضايق هالمسكينة و هو كان يستفزنا علشان يبينا قصب نتضارب معاه لدرجة أنه بدأ يقول لي كلام قذر .. و قال أنه راح يظل ورانا و ماراح يخلينا و راح يظل متلصق فيها و يزعجنا :غضب: :غضب: :غضب:

أنتوا لو سمعتوا الكلام اللي قاله لي و لآر بي جي جيرل جان والله طالبتوا بطرده من المنتدى بجميع الأسامي اللي مسجلهم و منهم هذا :غضب:

و سيمور بنفسه اعترف لي أنه سجل باسم آر بي جي غاي :غضب:

ترى هذا أفعى ... ثعلب .. ذئب ... و لا تصدقون دموع التماسيح :غضب:


:غضب: غرررررررررررررر
RPGGUY
16-06-2002, 02:55 PM
محمود:انا البارحة شقايل لك ما قلت لك خلاص ما ابغي مشاكل؟
خلاص عاد انت ما يخصك باللي سويته من زمان ...اعتبره جزء من الماضي و لو سمحت ما ابغي مشاكل فوق راسي كافي زعل اربيجي جيرل علي:"
M7MOOOD
16-06-2002, 03:05 PM
:( :( الله يخليك سامحني :( :(

أحس أني كنت قاسي شويه عليك :( :(

بلييييييز سامحني سيموووووور فصدقني أنا مو من طبايعي القسوة :" :"

و الله أحس أن ضميري يأنبني :"

ياريت لساني انقطع و لا قلت لك هالكلام :"

فسامحني و خل نبدأ صفحة جديدة كلها حب و مودة بينا :"

و ياريت لو تعتذر لآر بي جي جيرل جدام المنتدى كلهم .. لأنها المسكينة رقيقة القلب و ما تتحمل كلام قاسي كله تجريه مثل اللي قلته لها :( :(

ترى والله هالبنت ذهبه و حرام أحد يجرها :غضب:

فخل نبدأ صفحة جديدة .... و بلاش مشاكل ثانية ... أوكي :"
M7MOOOD
16-06-2002, 03:07 PM
الرسالة الأصلية كتبت بواسطة RPGGUY
محمود:انا البارحة شقايل لك ما قلت لك خلاص ما ابغي مشاكل؟
خلاص عاد انت ما يخصك باللي سويته من زمان ...اعتبره جزء من الماضي و لو سمحت ما ابغي مشاكل فوق راسي كافي زعل اربيجي جيرل علي:"

اذا ما كنت تبي مشاكل عيل ليش جرهت آر بي جي جيرل في منتدى الرسوم موضوع رسوماتها ... ليش قلت لها هالكلام القاسي أمس بالماسنجر .. ليش ليش ليش !!

و أنت اليوم تيي و تقول هالكلام لي و أنك متضايق أن آر بي جي جيرل زعلانة منك ؟؟

أنا الصراحة ما بديت أفهمك ... فعلا أنك غريب ?:
RPGGUY
16-06-2002, 04:45 PM
يا محمود:ما عندي كلام الا على الماسنجر بالليل اذا تبغي اهلا وسهلا اذا ما تبي على كيفك............;-)
Guilty Gear X
16-06-2002, 04:49 PM
اهلا بك!
زين رجعت:) ;)
RPGGUY
16-06-2002, 05:16 PM
;-) ;-) ;-)
RPGgirl
18-06-2002, 01:00 AM
هاي آل
محمود انت تعارف رايي بالموضوع المسامح كريم انا صدق تضايقت وايد حتى امس كنت ملانه مالي خلق المنتدى ابدا يعني حالتي ما كانت تسر :(
بس الحمدالله الحين انا احسن وايد من امس واول امس انا نسيت كل السالفة ومثل ما قلت المسامح كريم
M7MOOOD
18-06-2002, 01:10 AM
الرسالة الأصلية كتبت بواسطة RPGgirl
هاي آل
محمود انت تعارف رايي بالموضوع المسامح كريم انا صدق تضايقت وايد حتى امس كنت ملانه مالي خلق المنتدى ابدا يعني حالتي ما كانت تسر :(
بس الحمدالله الحين انا احسن وايد من امس واول امس انا نسيت كل السالفة ومثل ما قلت المسامح كريم

يا ألف هلا و مرحبا فيك .. أنا أمس طول اليوم كنت أنتظر تدخلين الانترنت .. بس لما ما دخلتي خفت أنك زعلتي و قررتي ترك المنتدى لفترة :(

بس الحمدالله أنك رديتي :)
Neo Cid
18-06-2002, 01:13 AM
الرسالة الأصلية كتبت بواسطة M7MOOOD


يا ألف هلا و مرحبا فيك .. أنا أمس طول اليوم كنت أنتظر تدخلين الانترنت .. بس لما ما دخلتي خفت أنك زعلتي و قررتي ترك المنتدى لفترة :(

بس الحمدالله أنك رديتي :)

محمود أدخل على المسنجر .. أعرف أنك داخل لكنك ما ترد .. :o :أفكر:
M7MOOOD
18-06-2002, 01:19 AM
الرسالة الأصلية كتبت بواسطة Neo Cid


محمود أدخل على المسنجر .. أعرف أنك داخل لكنك ما ترد .. :o :أفكر:

تصدق .. الظاهر في مشكلة بالماسنجر .. لأني أنا دخلت عليك و قاعد أكلمك و أنت ما ترد علي .. و نفس الشي مع جولد سن .. دخل عليك و كان يكلمك بس أنت ما رديت عليه ?:

و العضو آرون دز لي رسالة بالمنتدى قال لي أنه دخل علي و قاعد يكلمني و أنا مطنشه .. حتى حسباله بعد أني زعلان منه :":