المباراه الكبرى

[NEW CASTEL_2002]

وش احلى مباراة لعبتها في الماستر ليج.

ودنا بالتفاعل ياشباب واضافة شوية تفاصيل عن المباراه الكبرى.

بالنسبه لي كنت العب بنيو كاستل وماعندي غير 4 محترفين ومهزوم مباراتين وجات مباراتي ضد المتصدر اليوفي ولعبت ضدهم بخطة
4_4_2 B واول خمس دقايق واشقهم بهدف بشيرر وانتهى الشوط الأول عليه .

الشوط الثاني اشتغل زيزو مع اليوفي وخلاني ادوخ لأن الكره ماتنقطع منه وكان سالاس متراجع للنص ومسوين ثنائي وفي الدقيقه 70 سجلوا التعادل اثر لعبه ون تو بين سالاس وزيزو .

ويتمر الضغط واجري تغيير باخراج محور وادخال مهاجم(كاستيلو) ومع انه من الاعبين الموجودين من بداية الفريق الا انه في هذه المباراه غير وبمجرددخوله جاته تمريره من ديير وبس استلمها كاستيلو ويسحب المدافع الي خلفه ويموه بطريقه فنيه على المدافع الثاني ونفرد بالحارس ويتجه للزاويه اليمنى ويحطها مخادعه باليسرى وقووووووووول الفوز في الوقت بدل الضائع.

وكذا تمت اول فوز لنيو كاستل واول هزيمه لليوفي في دوري الدرجه الثانيه. ;-) ;-)

[Zico]

افضل مباراه لعبتها كانت مباراة الكاس في الدرجه الاولى (( الكاس النهائي الكبير )) وكنت العب مع ليفربول وانا فريقي يوفنتوس المشكله ان انا كنت فاتح لهم شراء الاعبين الكلاسيكيين (( انا ما اشتريهم ولكن احب الاعب زيكو ولذلك رقم عشره بفريقي ماحد ياخذه ابدا :) )) المهم الشباب في ليفربول اشتروا خوليو من هولندا القديم (( معلوميه : خوليو هو اقوى لاعب في شريط ويننج اليفين 6 ويعتبر في الحقيقه اول لاعب قام بصنع الدبل كيك وهو الذي شكل مع كرويف الطريقه الجديده للعب الكره المبني على خطط والتي مازالت تلعب عليها هولندا الى اليوم :) ))

المهم بدت المباراه وكانت قمه بالروعه واللعب مقفول على منطقة الوسط وتشتد المباراه بعد رفعه عاليه من خوليو الى زوفيك اللى يناولها بعد ان عدى من مالديني الى اوين اللي سحب بكانافارو ويحطها من تحت يد بوفون وهدف اول لهم بدا اللعب يشتد بعد بعد ان تقدم اوين الى منطقة الجزاء على اخر الشوط الاول ويدخل عليه ناوتني دخله بسيطه ولكن الفرق بالجسم جبار جدا ويؤدي الشي هذا الى كرت احمر لناوتني (( ليبرو الفريق )) وضربة جزاء لصالح الليفربول طبعا انا شيبت وتتنفذ ضربة الجزاء ويردها بوفون بكل براعه ولكن يلحقها مره ثانيه اوين بسرعته العاليه ويسددها بالباب وجول وينتهي الشوط الاول 2 صفر لصالح الليفربول

يبدا الشوط الثاني بعد ان غيرت بين الشوطين ندفد بروي كوستا وسافيولا بشفشنكو (( ما احب اخلي شيفشنكو يلعب من اول المباراه )) وويبدا الشوط الثاني وبعد فتره من بداية اللعب ياخذ تريزيغيه الكوره ويجي عليه مدافعي الليفربول ويناولها ثرو ما بين اثنين من المدافعين وتوصل الى اقدام شيفشنكو اللي يجري بسرعه بعد ما فضيت الخانه اليمين ويحطها باقوى ما عنده باليساره يخلي الحارس دودااك مو عارف وين الكوره

واستمر اللعب مضغوط جدا الى ان وصلنا الى الدقيقه 87 تقريبا ويحصل فاول في منطقة ال 40 من المرمى بالجهه اليمنى انا قبلها بعد ما انطرد من عندي ناوتني خرجت ديفدس وادخلت ميهاجلوفيك وحطيته مدافع قلب وقدمته الى ما بين مكان ديفدس ومكان قلب الدفاع الاصلي وخليت مادليني وكانافارو موضع تغطيه المهم خليت ميهاجلوفيك يشوت الكورهويقذفها قويه لا مو قويه انما خرافيه لافه باتجاه الباب ومن مسافه بعيده وتصطدم بالقائم وتصطدم بجسم الحارس وقول جبار من حوالي منتصف الملعب ونتعادل مع ليفربول

كان باقي 3 دقايق وتصير الاشواط الاضافيه الا اني ضغطت على الفريق شوي وخليت الاستراتيجيه Everybody Pressing وتوصل الكوره في الوقت الاضافي الى ركنيه ويكون على التسديد روي كوستا اللي يرفعها الى راس تريزيغيه ويردها الحارس ويكون مستنيها سالس من الخلف ومقصيه رائعه في منتصف المرمى والحارس في الارض وجووووووووووول الفووووووووووز ويادوب يسنتروا الا والحكم يصفر بانتهاء المباراه 3 - 2 لصالح اليوفي وناخذ الكاس

منفذ المباراه - ولد اخوي
اعداد الخطط والاعبين - مني انا

اسف اذا اطلت عليكم

الى اللقاء