المساعد الشخصي الرقمي

مشاهدة النسخة كاملة : عام عطوني رايكم في السعر : 1360 كامل


صحن قلابه
17-06-2002, 09:55 PM
السلام عليكم ورحمة الله وبركاته

شباب انا عندي نية اشتري سوني 2 . اليوم العصر لفيت البطحاء وانقلب راسي وكل المحلات سعرهم واحد 1500 الي بعضهم 1460 1450 ما فرقت !!

عاد انا فكرت وقلت لية ما اشتري سوني 2 بال من الوكالة وسعره 860 , واوديه لأحد المحلات مثل النسر ويركب لي قطعة المشيا بـ 500 مع التركيب . ( مخ أقتصادي :) ) يطلعلي الحساب 1360 , وش رايكم ؟ أتوكل على الله واسويها ولا اشتريه مره وحده من البطحاء ب 1500 .

المشكلة اني ما أثق في هنود البطحاء , مثل واحد بغا يبيعلي جهاز ياباني بالقطعة بـ 1450 !!! احس ان ما عندهم سالفة .
ديناصور
17-06-2002, 10:12 PM
طيب ليش يا أخ قلابة :D ماتروح للنسر وتشتريه على الطول ويكون نظام بال مركب عليه المشيا وريح نفسك بدل اللف والدوران وخذ جهاز بال والافضل أن لا يكون منتهي بحرف R وترى فيه الكثير من القطع المقلدة من النيو فور والمشيا بسعر 300 و 400 تركب عن طريق الكبس وتعدم الجهاز وتخربه مباشرة فالافضل محل موثوق مثل النسر (مع أنه أكبر نصاب)
أو إذا كنت من سكان مكة المكرمة أو جدة فمالك إلا جيم ماستر.
وأعتذر على الإطالة.
:)
صحن قلابه
18-06-2002, 12:21 AM
اخوي الدينصور انا سألت محل النسر وقالي البال مع المشيا بـ 1600 , لكن اذا انا شريته من الفيصليه ووديته له عشان يركبلي المشيا بيطلع 1360 , فرق كبير صح ولا لا ؟
اخوي وش سالفة حرف R ؟؟؟
المشكلة كيف اعرف ان القطعه تقليد ولا اصليه ؟ وانا صرحه ما ارتحت لمحلات البطحاء وقلت اركبها عن محل موثوق ومعروف احسن . :-)

للأسف اخوي انا ساكن في الرياض .
ديناصور
18-06-2002, 12:30 AM
مرحبا أخ صحن قلابة:D

قصة حرف ال R طال عمرك هي أنه لما تجي تركب عليها القطع التطويرية
تجيك بعض المجلات ويقعد يتفلسف عليك ويقول واحد تركب والثاني ماتركب وخذ أنواع النصب :D والفرق كبير وواضح وأن أنصجك تأخذ واحد من الوكالة وتركبه عند النسر وتأكد من خلوه من حرفه ال R

وعلشان تعرف هل موجود حرف ال R أو لا ؟؟؟

أنظر إلى الجانب الآيمن أو الآيسر على كرتون الجهاز وستجد في الزاوية مكتوب مثلا هكذا أو بالنظر إلى خلف الجهاز نفسه.

PAL
SCPH-30004

لايهمك الرقم أهم شئ مايكون في حرف ال R في آخر الرقم .

أتمنى أني أفدتك وأعتذر على الإطالة .

وشكرا.
:)
صحن قلابه
18-06-2002, 01:28 AM
اهاا

يعطيك الف عافيه يالغالي ... وانا ان شاء الله ابتوكل على الله واشتريه . :)