لنك وفاس ارجو منك الدخول لكي اسألكم عن لعبه زيلد:اوكارينا اوف تايم:)

[bounty]

ممكن اتحطون لي حل سجن الصحراء لاني صراحه لا عت جبدي من اللعبه اما اذا ماتبون اتحطون الحل اقولكم مشكورين وماقصرتو :)

[mohnnad]

أطلق الهك شوت على خشبة الشباك بعدها أطلق السهم على الحراس وتابع طريقك

مع تحياتي

[FAS]

كان ودي اجاوبك لكن الاخ سبقني

على اي حال اذا تبي شيء ثاني انا تحت امرك .. و الاعضاء ما يقصرون

ليش ما نحطه .. ايش يمنع ... احنا اخوان و حبايب .. لازم نساعدك .

على اي حال لو تكرمت علي .. عطني الماسنجر

تحياتي

[bounty]

انا موعارف شنو اهو الماسنجر؟؟؟ يعني اهو محادثه ولاشنو واذا اتعرف اتسوي لي سو واذا سويت فعطني الكلمه السريه بالرسايل الخاصه(هذا اذا في كلمه سريه للماسنجر) واذا مالك خلق اتسوي لي قولي الخطوات الي اسويهه والموقع الي اسوي فيه ماسنجر.

ويا مهند مشكور على الرد بس انا امخلص الخشبه بس موعارف شنو اسوي واذا مافي مانع تكتب لي حل المكان واذ ماتبي أقولك مشكور وماقصرت

[mohnnad]

1) سوي القلتلك هو المرة السابقة
2)أدخل البيت المجاور لسجن وابحث عن رجل محبوس داخل سجن وكلمه
3)بعد ما تنقذ الرجل أخرج دون أن يراك الحراس أو أطلق عليهم سهم ليموتوا
4)أدخل بقيت البيوت وأبحث في كل بيت عن رجل مسجون وكلمه ( دون ان يراك الحراس)
5) بعد مساعدت الرجال الأربعة ستكلمك سيدة وطعتك ورقة بعد ذلك يمكنك المشي أمام الحراس دون ان يفعلون شىء

الأن أنتهيت من المشكلة أذهب الى الباب الكبيرالمغلق ستجد سلم أطلعه وكلم الرجل سيفتح الباب


ملاحظة: اذا فشلت وأدخلوك السجن فأفعل (1)وحاول مرة أخرى


وأرجوا أن تنجح هذه المرة

مع تحياتي

[FAS]

تامر امر

روح www.msn.com

اذا كان عندك بريد انزل عند الخط ___________

و اذا ما كان عندك تفضل الخطوات

1- اضغط على هوتميل hotmail

2- اضغط على sign in now ( على الزاويه اليمنى في الصفحه )

3- اكمل المعلومات المطلوبه

4- بيصير عندك بريد و تنتهي السالفه

__________

اذا كان عندك بريد سابقا او سويت واحد حاليا

ادخل على صفحه الوارد لبريد ....و بتلقى الرسايل الي وصلتك و تقدر ترسل و ......تعرف الباقي

المهم في صندوقك للرسايل كلمه ماسنجر ....على اليمين شوي في منتصف الصفحه تقريبا .

اضغط عليها ...بيطلع لك كلام لا تهتم فيه ....نزل البنامج ( ما ياخذ الا 2.5 بس

بعد ذلك بيصير عندك ماسنجر .
و ما بيكون عندك اي اسم في القائمه ....روح لadd و ضيف الي تيهم ...طبعا تسجل عناوينهم عالهوتميل

و بتلقى الاشخاص الموجودين عالخط مكتوب انهم متصلين بالشبكه و الي خارج الخط غير متصلين طبعا

اذا حبيت تكلم واحد منهم ..اضغط على اسمه مرتين و اكتب له ....و بعد ما تكتب بيرد عليك مباشره ... طبعا اذا كان فاضي لك و كان سريع الكتابه .

و هي وسيله جيده للتعارف و مضيعه الوقت ... تقدرون تتجمعون فيه...اكثر من واحد ......تتكلمون في نفس الوقت ( طبعا بالكتابه )

و هذا هو الماسنجر

من ناحيه عيوبه ...ما فيه عيوب بس انه يضيع الوقت عالفاضي ...لكن احيانا يفيد اذا كنت تبي تعرف شيء بدل ما تكتب في المنتدى و تنتظر الرد ...تلقى الاجابه موجوده بسرعه...تقدر تحل مشاكلك و هكذا

و لا تنسى اول ما تسوي واحد ضيفني عندك ..هذا هو عنواني ك

fasknight@hotmail.com

____________

من ناحيه اني اسويلك واحد....ما عندي مشكله بس ايش تبي اسمك يكون ....bounty او ايش ؟؟

لكن اتمنى انك تسوي واحد لنفسك عشان ما تشك فيني ابدا

اتمنى انك فهمت شيء لان في العاده انا ما افهم الاخرين

تحياتي

[bounty]

صراحه انا ماافهم في النت حتى البريد الي عندي والي امسجل فيه لقيمز فور عرب اخوي الي امسويه

ولو تكرمت سولي هذا اذا ماكان لك مانع.واشلون اشك فيك اصلا انت تقدر اتسوي الف هوتميل موصح؟ وانت مراقب وواحد من الربع :) ومستحيل اشك فيك وعن الاسم ابيك اتسميه ....Oops اوكي واذا ماراح اتسوي لي فمشكور وماقصرت
بس ماقلت لي اهو مثل البريد الالكتروني ؟؟؟؟ يعني اتكلم بالرسايل ولا بالصوت ؟؟؟؟؟

[bounty]

فاس خلاص الحين اخوي بيسوي لي ومشكور وماقصرت :)

[bounty]

ويامهند مشكور بس وين القى البنت الي تعطيني الورقه ؟؟؟؟؟؟؟

[FAS]

الاحتياط واجب

انا عارف انك ما تشك فيني لكن الاحتياط واجب

على راحتك اذا تبي اخوك يسويلك ...

هو مثل ما قلت بريد ترسل و تستقبل

و تقدر تنزل الماسنجر مثل ما قلت في اقل من 3 دقايق و الماسنجر تقدر تتكلم فيه بالصوت مع واحد اما اذا كنتوا اكثر من واحد فماتقدرون تتكلمون بالصوت فقط بالكتابه

______________

من ناحيه البنت في زيلدا....مثل ما قال الخ مهند

ادخل البيوت بدون لا يشوفوك الحراس و ادخل كل بيت و بتلقى وحده عندها سيفين ...قاتلها و اهزمها و بيطلع لك صندوق ...الصندوق فيه مفتاح ....افتح الباب و بتنقذ عامل ...و هكذا ادخل كل بيت و خلص مهمتك لين ما تنقذ العمال كلهم

اي شيء ثاني انا تحت امرك

تحياتي