النهاية الغامضة ... أم النهاية المفهمومة !!

[M7MOOOD]

سلاااااااام يا أعزائي :D

من زمان ما كتبت موضوع ... فعلا اشتقت لكم :D

في هالموضوع راح نتكلم عن النهاية الغامضة لفاينل فانتسي .. و النهاية المفهومة .

فأيهم أنتم تفضلون ... الغامضة كفاينل فانتسي 7 و فاينل فانتسي 10 ... و لا المفهومة كفاينل فانتسي 8 و فاينل فانتسي 9 !!

و ليش تفضلون هذه على ذيك ?:


أنا الصراحة أفضل النهاية المفهمومه .. لأن الغامضة لما تقعد و تخلص اللعبة راح تقعد أيام طويلة و أنت بالك كله مشغول و تحاول تذبح نفسك و تعصر مخك علشان تفهمها .. مثل اللي صار معاي في نهاية فاينل فانتسي 7 ... تصدقون بعد ما شفت النهاية ما جيت لي نفس علشان آكل العشا .. قعد أسبوع كامل و أنا أحاول أفهم النهاية .. بس ما قدرت لحتى هاللحظة ?:

و فوق هذا كله بعد ما خلص عرض النهاية لفاينل فانتسي 7 قعدت نصف ساعة جدام النجوم اللي يطلعون في النهاية و عبالي أنه راح يطلع لي شي بعد ... بس ماطلع في شي :":

و لا نهاية فاينل فانتسي 10 ... و لا أعقد من هيك ... نهاية كئيبة حزينة تييب الموت :غضب:

الصراحة بعد ما شفت نهاية فاينل فانتسي 7 و فاينل فانتسي 10 كرهت النهايات الغامضة ... صرت ما أطيقها .. حتى لعبة كرونو كروس وصلت لنصفها بس ما ابي أكملها لأني سمعت أن نهايتها غامضة :"


المهم ... أنتوا شنو تفضلون .. اي نهاية و ليش !!

أرجوا منكم المشاركة و ابداء الرأي :D

[RPG_master]

من زمان ما كتبت موضوع


اليوم بالصبح بس كتبت اثنين:!


على العموم ما قريت الموضوع لأني ما خلصت فاينل10 اخاف تخرب علي?:

[Dark Zero]

أصلاً يا محمود، SquareSoft ما خلصت تسوي FF7 100% يعني أنها لُعبة غير مُكتملة!

[Justine]

أعتقد انه المفهومة تخلي اللعبة واضحة و ما تخليك تفكر فيها ......

بس النهاية الغامضة تعطي مجال أوسع للتخيل .....


لهذا اعتقد الغامضة أحلى و هذا رأي لا أكثر

[RPGgirl]

هاي
اكيد الغامضة مثل فاينل فانتسي7 و 10 وكرونو تريجر
لانه الغموض اللي بالنهاية يخليك تلعبها كم مرة وتفكر فهالشي في مصلحتك التفكير زين يوسع الخيال عندك وينمي قدراتك العقلية
والنهاية الغامضة ساحة لاختبار القدرات العقلية عند كل لاعب يلعب اللعبة فمب كل اللاعبين يفهمون اللي يحصل 100% قله منهم
:)

[Dark Zero]

الرسالة الأصلية كتبت بواسطة RPGgirl
هاي
اكيد الغامضة مثل فاينل فانتسي7 و 10 وكرونو تريجر
لانه الغموض اللي بالنهاية يخليك تلعبها كم مرة وتفكر فهالشي في مصلحتك التفكير زين يوسع الخيال عندك وينمي قدراتك العقلية
والنهاية الغامضة ساحة لاختبار القدرات العقلية عند كل لاعب يلعب اللعبة فمب كل اللاعبين يفهمون اللي يحصل 100% قله منهم
:)


لا لا يا أختي، FF7 ما خلصتها SqaureSoft 100%، و الدليل على هذا هو:

في نهاية FF8, FF9 & FF10، تشوقون في النهاية جُملة The End أما في الجُزء السابع، فهو غير موجود!

[RPGgirl]

اخوي انا ما قلت سكوير ما خلصتها ولا لا انا اقول اللاعب يفهمها ولا لا

[Dark Zero]

Oh sorry.
:o

[Dark Zero]

أقول، كيف ترسلون ملف مُرفق؟ أنا كل مرة أحط هناك موقع و ما يظهرلي، أم أن علي أن أحفظه في الحاسوب، ثُم أسوي Browse?

[عاشقة آيرس]

انا اكرة النهايات الغامضة ونفسي افهم نهاية فف8

اذا كنت ماثقلت :# :# :#

[sin_himself]

مب لازم تسير مفهومة 100% ;-)
اما نهاية FFX مدري عنكم بس انا فاهمها على ما اعتقد.....
اما وش افضل النهايه المفهومة اكيد ( اذا كانت غير مفهومة ابخترع انا قصه من راسي( غصب عليك تخترع ) وبكملها :غضب: لا ما يصلح انا ابي اعرف القصه ابي اعرف وش صارلهم :غضب: ).....





"لا لا يا أختي، FF7 ما خلصتها SqaureSoft 100%، و الدليل على هذا هو:

في نهاية FF8, FF9 & FF10، تشوقون في النهاية جُملة The End أما في الجُزء السابع، فهو غير موجود!"

طيب 8 و 9 و 10 جت بعد سبعة صح اذا تبي دليل شف 6 و5 و ...اللي قبلها

[snake905]

انا افضل الغامضه الي تلحس الماغ وتخليك تقلب راسك قلب وتسأل منتداك عنها علشان المنتدى يسير حماسي

[sin_himself]

Dark Zero تسألنا وترفق !!!!!! :)

[gaintfoot]

السلام عليكم ورحمة الله وبركاته

انا افضل النهايه الغامضه زي فاينال فانتاسي7 :D

[Dark Zero]

الرسالة الأصلية كتبت بواسطة sin_himself
Dark Zero تسألنا وترفق !!!!!! :)


عفواً بس في هذاك الوقت اكتشفت إن الملف المُرفق لازم ما يكون موقع!:# :# :# :o

[صقر الألعاب]

أنا طبعا أفضل النهايات الغامضه :D
لكن نهايه فاينل فانتسي 7 ما أشوف فيها أي غموض . !
أما العاشر فنهايته محزنه وفيها أشياء غامضه .
وشكراً .

[محمود]

واااو .. ردود كثيرة !!

المهم .. شكرا لكل من شارك و أبدى رأيه :D :D

و يا أخ Dark Zero ... بالله هذا دليل أنت حاطه لنا على أن سكوير مو مخلصه فاينل فانتسي 7 .. تفكر بهالشي بس لأن كلمة النهاية مو مكتوبه


?:

[الرايق 2000]

شوف محمود انا ما قريت نص الموضوع لكن قريت اول رد


فاينل فانتسي 10 ... نهايتها تشوفها غامضه


هي غامضه لو انت مانك فاهم في اللعبه شئ

لكن هي جدا سهله
جدا جدا جدا


و الي يصير لتايدوس شئ قالوه لك كل ال faith إذا دخلت لهم ثاني

يعني اسف نهايه 8 و نهايه 9 ماشفتها لأسباب ميموري كارتيه

و 7 شفتها هذي غامضه

لكن 10 ابدا ابدا مو غامضه


اسف

[Dark Zero]

الرسالة الأصلية كتبت بواسطة محمود
واااو .. ردود كثيرة !!

المهم .. شكرا لكل من شارك و أبدى رأيه :D :D

و يا أخ Dark Zero ... بالله هذا دليل أنت حاطه لنا على أن سكوير مو مخلصه فاينل فانتسي 7 .. تفكر بهالشي بس لأن كلمة النهاية مو مكتوبه


?:

يا أخي شوف، ما بس النهاية تُشير إلى أن ف ف 7 لُعبة غير مُكتملة 100%، تصدق أنهُم كانوا بيحطون سر/طريقة تلعب بِـAeris مرة ثانية من دون الـGame Shark? كان هذاك في أواخر عام 1996 تقريباً، بس بسبب تأخُر نزول النُسخة الأنجليزية، ما حطوا هذاك السر، بس تقدر تلعب بـAeris مرة ثانية في النُسخة اليابانية على ما أظن!

[الرايق 2000]

الرسالة الأصلية كتبت بواسطة Dark Zero


يا أخي شوف، ما بس النهاية تُشير إلى أن ف ف 7 لُعبة غير مُكتملة 100%، تصدق أنهُم كانوا بيحطون سر/طريقة تلعب بِـAeris مرة ثانية من دون الـGame Shark? كان هذاك في أواخر عام 1996 تقريباً، بس بسبب تأخُر نزول النُسخة الأنجليزية، ما حطوا هذاك السر، بس تقدر تلعب بـAeris مرة ثانية في النُسخة اليابانية على ما أظن!

اصلا مره سمعت ان النسخه اليابانيه الأصليه

4 سيديات

[DARK X]

سلام للكل

شباب نهاية ف ف 7 غامضة
اوكي كلنا متفقين
ولكن مـــــــــــــــــــــــــــــــــــــــــين
قال ان نهاية ف ف 10 غامضة
الا واضحة وضاحة واضحة

ملاحظة للاخ محمود :
نهاية كرونو كروس ماهي غامضة
مفهومة وتلمح للجزء الثالث
ونصيخة العبها وكملها
عشان ماتفوت افضل القصص اللي ممكن تمر عليك
ونفس الكلام لاربي جي جيرل
نهاية كرونو تريجر مفهومة وماهي غامضة
والسلام للجميع

[الرايق 2000]

الرسالة الأصلية كتبت بواسطة DARK X
سلام للكل

شباب نهاية ف ف 7 غامضة
اوكي كلنا متفقين
ولكن مـــــــــــــــــــــــــــــــــــــــــين
قال ان نهاية ف ف 10 غامضة
الا واضحة وضاحة واضحة

ملاحظة للاخ محمود :
نهاية كرونو كروس ماهي غامضة
مفهومة وتلمح للجزء الثالث
ونصيخة العبها وكملها
عشان ماتفوت افضل القصص اللي ممكن تمر عليك
ونفس الكلام لاربي جي جيرل
نهاية كرونو تريجر مفهومة وماهي غامضة
والسلام للجميع

اه على الناس الفاهمه لكن المشكله كرونو كرووس انا علقت في مكان غريب كل ما واحد يقولي الحل ما اقدر اسويه

+ كرونوتريغر انا مكنسلها لان الإسم بس مو عاجبني

[RPGgirl]

نهاية كرونو كروس فعلا غامضة
اقول الرايق تراني خبيرة في كرونو كروس لو تبي حل او تسال اي سؤال قولي :)

[الرايق 2000]

الرسالة الأصلية كتبت بواسطة RPGgirl
نهاية كرونو كروس فعلا غامضة
اقول الرايق تراني خبيرة في كرونو كروس لو تبي حل او تسال اي سؤال قولي :)

إذا لقيت الميموري كارد و كان لي مزاج العب دقيت عليكي رساله خاصه و سألتك تسلمي

[DARK X]

طيب
ار بي جي جيرل
خلنا نوضح نهاية كرونو كروس
نهاية كرونو كروس كالتالي :
اذا ركبت الالوان صح وهزمت لافوس وحررت سكالا
ترتيب الالوان اذا ماخنتني الذاكرة
اصفر - احمر - اخضر- ازرق - اسود - ابيض وبعدين عنصر الكرونوكروس
تقولك هي كل الوضع وانها من يوم ماسعت سيرج يبكي وهو بيغرق وعمره 7 سنين قررت انها تنقذه وربطت مصيرها بمصير سيرج على ان يجي يوم وحررها من الاندماج اللي صار لها مع لافوس في كرونو تريجر
وتقول ان كل اللي مر في سيرج كان في العالم الثاني وانها بتروح له
في العالم الاول home world وبتلقيه وطبعا مسحوا ذاكرة سيرج من كل اللي مر عليه ورجعته لنفس اللحظة اللي اغمي عليه حتى انه سأل لينا عن الوقت اللي كان فيه هو بغيبوبة فقالت له ثواني معدودة
واخر كلماتها كانت وعد انها بتلاقي سيرج مهما حصل او صار
واذاذ كملتوا الاغنية للاحير يتلاقوا صورة حية من سكالا وماسكة القلادة
السحرية وتدور على سيرج في وسط المدينة وزحمة الشارع
مما يلمح للجزء الثالث .
مادري اتمنى ان اللي كتبته يكون مفهوم
وانا مستعد لاي شئ ثاني

[SOLIDSNAKE1]

انا وبصراحه عندي كل واحد
لأن المفهومه انا فهمتها والغير مفهومه بيجي يوم وبفهمها;-)

[Grandia]

ممكن احد يقول وش اللي ما فهمتوه من نهاية فف 10 ؟

[zoro1412]

النهاية الغامضة افضل عندي

[RPGgirl]

هاي
دارك اكس
كتابتك للنهاية صحيحة 100%
هههههههههههههههه واخيرا احد فهم القصة 100% غيري كل ما اسال احد يقول ما فهمت شي
اقول دارك اكس انت طلعت كل النهايات؟لانه من كلامك اظن انك طلعتها كلها :)
على فكرة اللي ما خلص كرونو كروس لا يقرى رد دارك اكس لانه كاتب النهاية كلها اوكي

[SUPER_SAIYAN]

الرسالة الأصلية كتبت بواسطة جـرانديا
ممكن احد يقول وش اللي ما فهمتوه من نهاية فف 10 ؟

منو يقول انه ما فهم ........؟؟ :! :!

[RiKi MaRu]

أنا فاهم و مو فاهم

مخلص اللعبة كم مرة ، لكن أول مرة أسمع بهذي النهايات الغريبة ?:

[الرايق 2000]

الرسالة الأصلية كتبت بواسطة RiKi MaRu
أنا فاهم و مو فاهم

مخلص اللعبة كم مرة ، لكن أول مرة أسمع بهذي النهايات الغريبة ?:

ما ادري الكل يقول ان النهايه تتغير على حسب لعبك و الألغاز تتغير


لكن انا شكلي لعبت بطريقه مهبوله لدرجه اني ماني عارف احل إيش بعدها

سلام

[RPGgirl]

الحين انتوا عن اي لعبة تتكلمون كرونو كروس؟؟ولا عشرة؟ ?:

[الرايق 2000]

الرسالة الأصلية كتبت بواسطة RPGgirl
الحين انتوا عن اي لعبة تتكلمون كرونو كروس؟؟ولا عشرة؟ ?:
كرونو كروس

عشره اصلا نهايتها سهلله إلا على اللي مع احترامي واحد من اثنين
1 غبي
2 ما عنده انجليزي
3 ما هو متابع
4 ماهوا مهتم ابدا


:D اثنين صح :D

[RPGgirl]

اوكي
النهاية اللي كتبها الاخ هي النهاية السعيدة واللي تنتهي بنجاة سجالا من اتحادها للفوس
اما النهايات اللي اقصدها فللعبة الها نهايات عديدة تكون قبل ما توصل لنهاية اللعبة مثلا في بداية اللعبة في نهاية
وطبعا النهاية الحزينة التي تنتهي بقتل سجالا على يد الفريق اللي تلعب فيه
اوكي

[الرايق 2000]

ترى انا لسه ما خلصت اللعبه


+ سيجلا تصدقي اني ما اتذكر مين هو

اصلا اللعبه فيها شخصيات بالهبل

[sin_himself]

زي ما قلت عشرة تاخذ النهاية من :
اذا كنت تعرف انقليزي من الولد الصغير ومن الاحداث عموماً
اذا كنت ما تعرف انقليزي بس تفهم عند النهاية بعد مايختفي تايدوس عند من يروح ؟؟؟

[sin_himself]

الرايق انت تقول الي مايفهم
1 غبي
2 ما عنده انجليزي
3 ما هو متابع
4 ماهوا مهتم ابدا

تتوقع احد بيقول مافهمت :D

[الرايق 2000]

الرسالة الأصلية كتبت بواسطة sin_himself
الرايق انت تقول الي مايفهم
1 غبي
2 ما عنده انجليزي
3 ما هو متابع
4 ماهوا مهتم ابدا

تتوقع احد بيقول مافهمت :D

اسف نهايه 10 بالنسبه لغيرها مو بس من فاينال من الأر بي جي كله

تعتبر جدا مفهومه

+ لا تشرح لان في خلق ما لعبوا اللعبه

مثلا xenogears انا من اقصه فاهم الطشاش ليش لان ما كان عندي إنجليزي متوسطه و الله و لا كأني هنا و اللعبه معقد زي فاينال 7 و يمكن اعقد

عندك فاينال 7 هذي هي التعقيد و الغموض

بالنسبه ل فاينال 8 و 9 انا شفت جزء بسيط من نهايه 8 لكن ما اظنه بذاك الغموض

و 9 اصلا قرفت قبل ما اوصل للسيدي الرابع

يعني بكل امانه الي ما فهم نهايه 10 هو واحد من الأربعه الي فوق

و بدون زعل

الي يبرى يفهمها يرسل لي رساله خاصه و اقابله في المسنجر ( بس لا يضيف لستتي طويله ) :أفكر: و راح افهمه هي

[RPGgirl]

الرايق
Schala
تعتبر والدة كيد Kid
اهي موجودة بجزء كرونو تريجر وفي نهاية كرونو كروس :)

[sin_himself]

انا ما شرحت شي تقدر تقول انه خرب القصه "للخلق"...

9 اصلا قرفت قبل ما اوصل للسيدي الرابع ... بالظبط :غضب:

[DARK X]

بالنسبة لكرونو كروس
انا طلعت كل النهايات
وبصراحة
افضل شئ مر على حياتي كلها كان كرونوكروس
الافضل في كل شئ
قصة لاتنسى ، نظام معارك جبار ، عناصر ار بيجي ماتنزل الامن سكوير
شخصيات دمار ، قصص جانبية بالهبل -يكفيكم قصة الربان وولده-
وكله بجهة والموســـــــــــــــــــيقى بجهة
وااااااااااااااااااااااااااااااااااااااااااااااااااااااه
افضل ساوند تراك في كا الالعاب
ممكن زينو جيرز الوحيدة اللي تنافسها بالتعقيد
وقصتها اعقد من ف ف 7
عكس ماقال الاخ الرايق

[RPGgirl]

هاي
اصدق انا فرحانه وايد لاني لقيت احد ثاني يحب كرونو كروس :"
انا والله اللعبة هاي وايد عاجبتني لعبيتها اكثر من20 مرة وما مليت وبلبعها مرة ثانية
على فكرة سمعتوا بلعبة على السوبر ننتندو اسمها Radical Dreamers ?

[Prime Evil]

أكيد الغامضة وهذا اللي خلاني أحب ميتل جير:D

الغامضة لها فوائد وأنا دائم أكتب قصص غامضة لني أتكيسل أشرح نهايتها:D

وبعدين الغامضة مفيدة بس تقدر تفك الغموض اللي فيها إذا نهيتها مرة ثانية وقريت وركزت على كل المحادثات وفهمتها (( لأنهم ممكن يلمحون في المحادثات ))

وأيضا تنهي جميع المهمات الجانبية وما أكثرها في أجزاء فاينل فانتسي...

وأيضا أحب البداية الغامضة أكثر من المفهومة...

يااالله باااااي":"

[DARK X]

Radical Dreamers
اذا ما ني غلطان
هذا اسم العصـــــــــــــــــــــــــابة
اللي تتكون من كيد فقط؟؟؟؟؟؟
وكمان اسم الاغنية الاخيرة لكرونو كروس
ودي اسمعها بالانجليزي

[RPGgirl]

صح
قبل شهر لقيت تقرير عنها على السوبر ننتندو :)
المهم ان شاء الله نشوف كرونو بريك

[DARK X]

كرونو بريك
حماسي لها متعدي حماسي لفيلم
لورد اوف ذا رينجز
انا مو مهم عندي انهم ينزلونها بدري
اهم شئ انهم ينزلون شئ صح
وافضل من كرونو كروس - اشك في الاخيرة-
هم قعدوا 4 سنين مابين تريجر وكروس
ماطلعوا الا زينوجيرز
وبعدين كروس
وياخوفي انها تنزل زي ماقالوا على الاكس بوكس
على فكرة اش رايك بزينوجيرز

[RPGgirl]

زينوجير.......ممممممممم
الصراحة ما لعبيتها لاني سمعت انها مخالفة للعقيدة وانا بعادتي ما اشتري الالعاب المخالفة للعقيدة لكن اظن انها حلوة

[sin_himself]

يحليلكم...ياكثر الالعاب اللي تخالف العقيده..اخرها FF10..مثال :
لغز السيف الخاص حق كيماري ما تطلعه الا لمن "تصلي" عن الحجر.

[Prime Evil]

الرسالة الأصلية كتبت بواسطة sin_himself
يحليلكم...ياكثر الالعاب اللي تخالف العقيده..اخرها FF10..مثال :
لغز السيف الخاص حق كيماري ما تطلعه الا لمن "تصلي" عن الحجر.

أول شيئ هذي لعبة...

ثانيا انت مسمي نفسك سن وهو الذي يجلب الموت في القصة...

يعني حتى انت واقع معنا في الفخ...

[RPGgirl]

لا اخوي
لكن عندنا اللعبة المخالفة للعقيدة ما تنباع وفاينل فانتسي10 انباع عندنا اما زينوجير ما باعوه

[الرايق 2000]

الرسالة الأصلية كتبت بواسطة RPGgirl
لا اخوي
لكن عندنا اللعبة المخالفة للعقيدة ما تنباع وفاينل فانتسي10 انباع عندنا اما زينوجير ما باعوه

و الله انباعت

+ ترى لو يمنعوال ألعاب المخالفه للعقيده اولى انهم يمنعوا دوك نيوكم


+ زينوا غيرز في السعوديه اشتريتها بعدها انمسحت

+ زينوا غيرز هي لعبه الأر بي جي التي لن تنسى من ذاكرتي

للأسف السدييات خربانه بسبب واحد من اصحابي

و لعبتها بدون انجليزي و ودي العبها ثاني مره

طولها و الغازها و بساطتها و اجمل نظام قتال و اجمل فكره و اشكال الغيرز المبدعه

+ الي اتذكره انه لازم تقاتل الرب لكن هم فسروا الرب as god

لكن مو الرب الي في بالكم
الي اتذكره
انه رب الغيرز لانه اسطورتهم القديمه الغير المستحيل ينهزم و القوي قوه خارقه

(شباب الي يمكن يوضح في اللعبه لا يقول لاني اكيد لاعبها ثاني لاعبها حجتى لو عمري 60 سنه و قاعد العب على بلايستيشن 12

[الرايق 2000]

الرسالة الأصلية كتبت بواسطة Prime Evil


أول شيئ هذي لعبة...

ثانيا انت مسمي نفسك سن وهو الذي يجلب الموت في القصة...

يعني حتى انت واقع معنا في الفخ...

اسف على دخله عرض 40 لكن شكلك مألف قصه جديده و لا انا سهيت عن شئ في القصه


+ حبوب


لغز السيف الخاص حق كيماري ما تطلعه الا لمن "تصلي" عن الحجر.
لاحظ في بدايه اللعبه يقولك صلاتهم ما كانت إلا تحيه للبلتز بول


إذا هي اصلا مو صلاه لكن بعد 10000 سنه اتخذوها كصلاه و تحيه


+ حبيبي لو تبرى لعبه صحيحه دينيا 100 % روح شد حيلك على برامج الثريدي و طلع لنا زي محاربه من تدمر و تحت الرماد

غير كذا حط لسانك في فمك (تراها مزحه لا تزعل) و العب لكن اهم شئ انك تعرف فين ربك و تعرف دينك قبل ما تلعب يعني انا مستعد العب اكفر لعبه لانها لعبه ماراح تغير في معقتداتي شئ لكن راح اخاف ربي يخسف فيني الأرض

و بس

[RPGgirl]

انا اقصد براس الخيمة
ما انباعت

[Prime Evil]

الرسالة الأصلية كتبت بواسطة الرايق 2000


اسف على دخله عرض 40 لكن شكلك مألف قصه جديده و لا انا سهيت عن شئ في القصه



ايش قصدك:! مو سن هو اللي يجلب الموت لهم ولازم يقتلونه... أنا كذا سمعتهم يقولون لما يحاكمون يونا... قالت انها تبي توقف الموت الذي يجلبه سن... مو قصدهم ان هو اللي يميتهم والا أنا فهمت بالمعكوس?:

[DARK X]

شباب
لو اننا بنركز على حكاية الاديان
صدقوني 90% من العاب
الاربيجي مالعبناها
اليبانين ناس ماعندهم دين
اذا لعبنا لعبة ننسى الجانب الديني
وننركز على الجوانب الثانية
المتعة ، خيال القصة الخ الخ الخ
:::
زينوجيرز انباعت عندنا لكن اساسا
سكوير نزلت نسخ قليل وهذا اللي خلها نادرة
زي ماصار في موضوع ف ف تاكتيكس
بس شركة سوني رجعت وطبعت منها نسخ من جديد لانها مطلوبة
وبصراحة معهم حق

[الرايق 2000]

الرسالة الأصلية كتبت بواسطة Prime Evil


ايش قصدك:! مو سن هو اللي يجلب الموت لهم ولازم يقتلونه... أنا كذا سمعتهم يقولون لما يحاكمون يونا... قالت انها تبي توقف الموت الذي يجلبه سن... مو قصدهم ان هو اللي يميتهم والا أنا فهمت بالمعكوس?:

لا انت الي فاهم مقلوب هو يجلب الموت زي مال النمر يجلب لك الموت لانه يقتلهم

مو كأنه ملاك موت او شئ


+ دارك
شباب
لو اننا بنركز على حكاية الاديان
صدقوني 90% من العاب
الاربيجي مالعبناها
اليبانين ناس ماعندهم دين
اذا لعبنا لعبة ننسى الجانب الديني
وننركز على الجوانب الثانية
المتعة ، خيال القصة الخ الخ الخ
معاك 100 % ناس يعجبوني في كل شئ إلا غباء دينهم الحمد لله على الإسلام

تخيل عندهم الأمبرطور ابن الشمس و هباله ثانيه



زينوجيرز انباعت عندنا لكن اساسا
سكوير نزلت نسخ قليل وهذا اللي خلها نادرة
زي ماصار في موضوع ف ف تاكتيكس
بس شركة سوني رجعت وطبعت منها نسخ من جديد لانها مطلوبة
وبصراحة معهم حق

شوف انا دايما ابعد عن المعلومات التقنيه المركزه عن الشركات و هذا كله

لكن الي اعرفه ان اللعبه فيها قصه حب رائعه و قصه قتال رائعه و قصه صداقه جدا جدا رائعه و قصه عناد رائعه و فيها فن و قتال جدا رائع و انها مو اللعبه السهله الي تخلصها في قعديتن و لا ثلاث لكنها لعبه رهيبه

و شخصياتها جدا معقوله صحيح في شخصيه ولا 2 غبيه لكن علشان يعموا كل الأذواق

يعني مثلا bart هذا قطعه و اسلحه غريبه

يعني اللعبه لو يحكموني عليها


اعطيتها
ترتيب افضل من فاينال 7 و افضل من فاينال 8 و بالنسبه ل 9 انا راميها في الزباله

و 10 هي المنافس الوحيد لها لكن قصه 10 سهله بالنسبه الأباطره 7 و زينوغيرز

[DARK X]

كل التعليق هذا


انا معاك فيه
واكرر كلامك
الحمدلله على نعمة الاسلام
من ناحية زينو جيرز
انس جانب الدين
وتكون عندك لعبة ملكية
ماينافسها :
(وانا لاحظت :غضب: انك :غضب: ناسي:غضب: )
كرونو كروس
ف ف 7 قصة ملحمية
ف ف 8 في ناس ماحبوها لكنها spicial بالنسبة لي
ف ف 9 في النهاية اسمها فاينال فانتازي
ف ف 10 صدقني قصتها اعمق واعقد واحلى من ف ف 7
لكن احداث الشخصيات اللي في ف ف 7
خلتك تشوف انها احسن من ف ف x

[RPGgirl]

ايه صح
عاد كله ولا كرونو كروس لاحد ينساها :)

[sin_himself]

Prime Evil : انا اخترت سن لااني جديد..ولقيت تسعين الف مليون عضو عضو...قلت يمكن سن اللي ما اختاروه..
بعدين سن هو اللي يجلب الموت ...انا ما عندي الا الشريط اخذه منه القصه اذا كان عندكم اماكن ثانيه عطوني اياه :D ...


الرايق :
لاتتفلسفون سن اداه لا اكثر....
+ لو تلاحظ ان بعد ما يقولك تايدوس اول ما شاف صلاتهم "اكيد اعرفها هذي تحيت البلتزبول" مثل ما قلت ورحت للمعبد عند الصنم يعطونك خيارين :
pray
do not pray
يعني اذا اخترت pray كنك انت اللي صليت "احس كذا لانه يمديك تغيرها "
طبعا انا اخترت نعنبو دارهم do not pray انشالله عمري ما انهيته
:غضب:

[الرايق 2000]

الرسالة الأصلية كتبت بواسطة DARK X
كل التعليق هذا


انا معاك فيه
واكرر كلامك
الحمدلله على نعمة الاسلام
من ناحية زينو جيرز
انس جانب الدين
وتكون عندك لعبة ملكية
ماينافسها :
(وانا لاحظت :غضب: انك :غضب: ناسي:غضب: )
كرونو كروس

كرونوكروس

اسف لكني ما خلصتها لسه في السيدي الأول اخر شئ حصل لي في البرج بعدها ما عرفت فين اروح

+ بيني و بينك حاليا كل العاب ال ps1 مرميه على جنب لاني ما صرت اقدر العبها

يعني مره لعبت مع عيال العيله تيكين 3 عشقي انحولت انا في تيكين فنان و كنت على 3 معلم لكن تعودت على تاغ و سرعتها و رسماتها اصغر عيل سطرني

+ يمكن راح العبها من اول


+ يا راجل كم شخصيه حولوني و طريقه القتال فيها ما عجبني كانوا يقلدوا زينوا غيرز ولا شئ

[الرايق 2000]

ف ف 8 في ناس ماحبوها لكنها spicial بالنسبة لي
ترى انا اعشقها و نظام القتال فيها جدا جميل

لكن زينوا غيرز اقوى جدا اسف


بالنسبه لقصه 10 صدقني فاهمها صح لكن لا تقارن بقصه زينوغيرز كتعقيد

+ سين كلامك صح السين كان اداه في يد اليويفون

لكن اسف شرحي ما فادني

[sin_himself]

DARK X :
انا معك بكل اللي تقوله
ف ف 10 صدقني قصتها اعمق واعقد واحلى من ف ف 7
- يمكن انت مافهمت شي من القصه وقعدت تتخيل لين خليتها كبيره
لان القصة من يوم ما تلعب وانت ما عندك الا جكت وسن 10years a go

[الرايق 2000]

الرسالة الأصلية كتبت بواسطة sin_himself
DARK X :
انا معك بكل اللي تقوله
ف ف 10 صدقني قصتها اعمق واعقد واحلى من ف ف 7
- يمكن انت مافهمت شي من القصه وقعدت تتخيل لين خليتها كبيره
لان القصة من يوم ما تلعب وانت ما عندك الا جكت وسن 10years a go

تعرف اول ما قريت هذا

ف ف 10 صدقني قصتها اعمق واعقد واحلى من ف ف 7

كنت راح اكتب كلمه انطرد بها من المنتدى

بعدين قريت هذي

يمكن انت مافهمت شي من القصه وقعدت تتخيل لين خليتها كبيره
عرفت انك غلطان في العنوان

+ القصه سهله لكن جميله في نفس الوقت و انا حظي حلو اللي ساعدني اني افهمها ان الشخصيات تتكلم لاني متعود على العاب الأدفنشر point and klick
الي يحبها يجرب gabial knight 3 و راح يشوف القصص (اصعب لعبه ادفنشر خلصتها بدون مساعدات لكن ناقصاني 100 نقطه تقريبا:غضب:

[sin_himself]

انا نسيت اكتب الا بعد كلمة "تقوله" ...تعرف الساعة كم الحين ؟....

+ لا تنافخ

[DARK X]

شبـــــــــــــــــــــــــــــــــــاب
صححوا معلوماتي
وهل انا فاهم القصة صح ولا لا
تيدوس مجرد حلم
يعني غير موجود
جا للعالم الحقيقي بواسطة ابوه - جيكت/سين-
آرون unsent عشان كذا هو اللي قدر يكون السيط بين تيدوس وابوه
وكثير كثير كثير كثير كثيـــــــــــــــــــــــر
بس مادري هل انا صح ولا اني مالف قصة وصدقتها
فانا اقترح اننا نصحح معلوماتنا في قصص الالعاب
(((( بالمناسبة ، في موقع امازون تنباع قصص الالعاب
انا قدرت اشتري قصة ميتال جير 2 ، ف ف 10
وهذا اللي مخليني واثق من اللي اكتبه
لكن للاسف قصة كرونو كروس خلصت من عندهم:(
وانا قصدي الرواية وما القايد او الحل الكامل ))))

[sin_himself]

الحين بيجيك الرايق ويقول

+ لا تقول القصه فيه خلق ما انهووه

كل اللي قلته صحيح

[sin_himself]

اقول تدري ليش بعضهم يقول القصه صعبه..لان الكلام اللي يقولونه ويسير
...مايدخل راسك(غريب) ...ولا مفرداتها سهله مره كل الكلام اللي يقولونه تلقاه بكتاب الانقليزي حق اولى ثانوي .... بس فيه ناس متعودين على القصص الشخاميط..يعني تأقلموا على الحوسه....(انا منب منهم بس انا الزق خشتي بالشاشه واصدق اي شي )

[sin_himself]

طبعاً ما عدا لولو لا تكلمت ..اضغط ×

اما عن FF8 هو احسن شريط من ناحية المعارك...لا استدعيت الGF وبديت تضغط مربع لمين يتقطع اصبعك ..تحس انك تضارب معه..هذا الي حنا نبيه
مهب زي 10 ..الحوش الاخير تضغط عليه × × × attack attack دب مات

[الرايق 2000]

الرسالة الأصلية كتبت بواسطة sin_himself
الحين بيجيك الرايق ويقول

+ لا تقول القصه فيه خلق ما انهووه

كل اللي قلته صحيح

اي حبيي واحده زي همسه و رينوا و من الشباب فيفي ناس واضح عليها تحب فاينال فانتسي حرام يعرفوا ان تايدوس حلم و انه هيختفي

+

كلامك صح 200 %

لكن انا اكثر شخصيه عجبني كلامها بعد اورن و لولو


+ سين ترى انت ما تعرفني يمكن كلامي يبان انه جد لكن صدقني مزح و اتمنى انك ما تأخذ شئ بجانب شخصي

إلعكس واضح عليك فاهم اللعبه و بيني و بينك انت داخل مزاجي

تقريبا نفس اهتماماتي ماشاء الله عليك كل إيميلي قام سين بالرد

[RPGgirl]

هاي دارك اكس
انا بس لقيت كلمات الاغنية بالانجليزي
اول شي كلماتها بالياباني
Osanai de ni suzunta...
Furueteru sono hikari wo
Koko made tadou dekita...
Jikan no uchi wo samayoi..

Sagashi suzukete kita no...
Namae sae shiranai keredo
Tada hitotsu no omoi wo...
Anata ni te watashi takute...

Toki wa ai wo itamiru
Uta kuna kitome...
Keshiteku kedo watashi wa
Oboete iru zutto...
Watashi no mune no oku ni...
Itsu karata hibi ite ita
Yuzugu no shizugu yori mo...
Tasukara sasayaki dakedo...

Itezuku hoshi no nami e
Suru mui no ina...
Tooi anata no sora ni
Todoku youni...
كلماتها بالانجليزي
Held in young hands,That light is shivering I've come all this wayWandering the edge of time I came still searchingI don't even know your name, but One little feelingI just wanted to hand over to you Sometimes I catch and hold Love and pain, tightly in my arms It will fade away, butI'll rememberForever... It'd been echoing in my chestFor who knows how long...Though it's a whisper tinierThan a drop of evening fog Toward the darkness of frozen starsA spinning prayerMay it reach to your distant skies...
اقول الرايق مو شرط تختار كل الشخصيات اختر فريق واحد بس وتعدد الشخصيات شي حلو ونظام القتال احلى العبها مرة ثانية بتعجبك ها لو كنت تحب قصة غامضة

[DARK X]

ار بي جي جيرل
مشكورة
شكراً بقوة
بصراحة سويتي فيني خير
انا من زمان ودي اعرف معاني الكلمات
وانتي جيتها لي
مرة ثانية شكراً

ياخ رايق
والله انا موذنبي ان لعبة طلعت من 6 شهور
وامم يستنونها ولمن تناقش عنها
تجي وتقول لي
لا
في ناس ماخلصوها
والله مو ذنبي ياخوي
فكرة انك تهتم بالغير وتحب انك يتمتعون باللعبة


شئ ممتاز
ودليل انك مهتم للبقية
بس عاد بكيفهم
احسن شئ اننا قبل مانكتب نقول ان الكلام الجاي بيخرب مشاريع للي مالعبوا ، زي المنتديات الغربية ماتسوي
وسلامي للكل

[RPGgirl]

العفو باجي اترجمها للعربي :)

[ريـــنــــوا]

هل من جد برأيكم نهايه FF8 مفهوووومه ؟؟؟؟ و غير غامضه ؟؟

[RPGgirl]

هاي
ممممممم انا باعتقادي انه نهاية فاينل فانتسي8 مفهومة يعني مو مثل كرونو كروس تضطرين تلعبين كم مرة(خصوصا لو طلعتي النهاية الحزينة) :أفكر:
مثلا نهاية كرونو تريجر غامضة ما تعرفين شو بيصير للمستقبل :)

[الرايق 2000]

احسن شئ اننا قبل مانكتب نقول ان الكلام الجاي بيخرب مشاريع للي مالعبوا ، زي المنتديات الغربية

لاحظ الردود الي علقت عليها مو مسوين كذا :)

+ تصدق لقيت السيدي الأول من زينو غيرز شغال قاعد العب فيه


الكلام تحت مو حرق

يعني حرق اول 8 ساعات او 5 ساعات لعب





بس
في شئ معقدني إيش ال gabler
الي فيها رامسوس و إيلي و إيش ال إيثوس

غير كذا عارفهم الفيه مملكه و اكنيساس مدري إيش اسمها مملكه و نيسان مملكه