الى النصراويين والهلاليين ( بدون تعصب )

[THE_YET_IS_T]

أظن ان كل منكم لم تفوته مبارايات الجوله الاخيره من بطولة النخبه ....
أحبابي نريد ان نتكلم عن هذه الجوله بكل هدوء وبدون تعصب ........
اولا اقول للهلاليين مبرووووك .....
وعلى فكره ..... انا نصراوي ..........
لكن مالله أراد ان تكون البطوله نصراويه .....
على العموم .........
الهلال فاز على التونسي 4/1
وطبعا من صالحه هذه النتيجه .......
ويكون بعلم الهلاليين عليهم شكر الله اولا ...... لأني لاحظت ان هناك بعض الأشخاص الذين يقولون ان النصر سوف يعطي البطوله للجيش السوري
أظنكم ارتحتوا ......... لاتنسون النصر في هذه البطوله .........
اما للنصراويين أقول هاردلك ....... هذه حال الكوره فايز وخاسر ......
ويعلم الله اني اكتب هذا الموضوع وانا ماني مصدق ..........
فرصه ورا فرصه .......... ودايم اذا النصر ضيع فرص في المباراه مايفوز هذا هو النصر فهو ينقصه قليل من الحظ فقط ...........
وبعدين صراحه فكرت ليه احرق اعصابي على كوره لاتقدم ولاتأخر ولا تعطي شئ ابدا ماغير حرق أعصاب على الفاضي حتى ان جاري الهلالي سألني عن تنيجة مباراة النصر والهلال ؟؟؟؟؟؟
سألته ليه ماتتابع فريقك ............
قال هذي كوره اشوفها بس علشان اتسلى فاز الهلال ولا مافاز ماهو معطيني شي .......
بكل صراحه كلمه صحيحه والله يستر لايجي يوم نصير مثل الأوربيين نذبح بعضنا علشان الكوره ..........
تذكرون مباراة النصر والهلال 2/2 كنت حاضر في الملعب وانتهت المباراة وطبعا كانت الجماهير مبسوطه كل واحد يشجع فريقه صراحه اعجبني هالشئ
لكن فجأه الا اشوف البشريه ملتمه وراي قلت اشوف الا ذاك الهلالي ماسك له سكين والتصراوي ماخذ له بلكه والشباب يجون ويفرقونهم ..... كلها علشان هالكوره ............
المهم النصر قدم مستوى ولا أحلى وأعتبره هو الفريق البطل لمستواه لكن الحظ وأظن ضربة الجزاء الأخيره تكفي ........ المهم هذه أرداة ربك والله على كل شئ قدير ......... وبالأخير أقول
مبروك للهلال وحظ اوفر للنصر .........
( أرجو ان تكتبوا رأيكم بدون تعصب )
فيه سؤال ........
qarah معطيني صوره في هالمنتدى في موضوعي ( روبيرتو باجيو يتلاعب بلاعبي جوفنتوس ) كيف أحط صورته عند كل موضوع .........
ولكم تحياتي

[خالد2001]

اي حظ ياابن الحلال النصر شالو الوسط وحطو بداله مهاجمين بغى الجيش السوري يودينا بداهية لولا لطف الله ثم فدائية الخوجلي والحلوي وايضا العارضة .

يااخي ادارة النصر ماتبي الا الي يطيعها لو انه لاعب فاشل واي لاعب يعصي امر طردوه انت شفت وش سوو بالهريفي ومحيسن الضعيف .وقبلهم ابادة قاعدة النصر التي من المفروض ان تكون موجودة واقصد بذلك لاعبي منتخب الناشئين لعام 1989 ..ودي اسئلك اين هم ؟؟ اين وليد الطرير ؟وسعود الحمالي وعبدالله الثنيان وخالد تميم .

كلهم اندثروا ولم يبقى اي لاعب منهم والسبب من في رايك ؟؟ لو كانو لاعبين في الهلال ماذا سيكون وضعهم ؟؟؟ لاتبعد شف سامي الذي كان احتياطيا في ذلك الوقت شف حاله اليوم .. لااريد ان اطول لاكن في وجود هذه الادارة لن يحلم النصر في اي بطولة ولو استمرت سنتين بعد هذه السنة انا اتوقع وبنسبة 80% ان النصر سيكون بمستوى الرياض والوحدة ..يعني مع فرق المؤخرة .هذا ان ماهبط