New Horizon
09-04-2001, 12:07 AM
بسم الله الرحمن الرحيم
أنا لا أكتب هذه القصص ولكنها من سلسلة اسمها مجانين
وهذه قصة أخرى:
كل الجمل التي بين <> هي هاعملوا هذا
- البطل
* الطبيب
+ الفاشل
/ أي حد بيتكلم مرة أو مرتين
أحزان على شجر البطاطس
ــــــــــــــــــــــــــ
بقلم: أحمد العايدي وتامر أحمد
الحمد لله لقد المنتجع المهجور إلى مزار سياحي شهير، وأصبحت أنجح رجل أعمال في البلد، خاصة بعد ارتفاع ثمن أسهم شركاتي كلها والممتدة من السيدة إلى سيدنا الحسين، ولكن.
<ولكن: كائن أخضر ذو ذيل يكثر من الوعود، لما قبله وينفذها فيما بعد بنفس أخلاق رئيس وزراء إسرائيل .
مثال: راجع مفاوضات السلام>
ولـكن ينقصني في خضم النجاح شيء ما.. حتما ينقصني شيء.. ما هو؟! لا أدر.. آه ينقصني أن أفشل..
<كده الناس مش فاهمة حاجة، المفروض نرجع نعمل فلاش باك وأمرنا لله>
- أنا مكتئب يا دكتور.
هز الطبيب النفسي لا وعيه في تفهم كما يفعل كي الأطباء النفسيين وهتف:
* انت عندك خراج في الأنا العليا وغالبا هايجيلك أمر ازالة.
- مش فاهم.
* انت عامل زي (ميداس) اللي كان كل ما يلمس حاجة تتحول إلى دهب.
- عيار كام يا دكتور؟
* نعم يا أخويا؟ أمال لما تعرف اللي حصله هاتعمل إيه؟!
- هاشتؤيهم منه.
* بس ده تعيش انت!
- خلاص، اشتريهم من الورثة، تعرف عنوانهم؟!
* يا صبر أيوب، يا ابني انت لازم لك صدمة.
- ازاي وليه؟!
* عشان تدوق الجاتو، لازم تدوق ال()
- ال() ايه يا دكتور كمل عشان يترفضلك المقال..
(ينادي صوت من خارج الصفحة، يا جماعة التزموا بالنص).
- قصدك ايه يا دوك؟!
* انت لازم تفشل عشان تعرف طعم النجاح..
أردد بشرود:
- أفشل في حاجة.. والله فكرة!
وبعد يومين نزل هذا الاعلان في كل الجرائد القومية والمعارضة..
مطلوب عروسة: آآه لا مؤخذاة مطلوب عدد واحد بني آدم (نص لبَه
(شروط عامة)
ـــــــــــ
1- أن يكون المتقدم قاهري أو مقيم بها قبل هذا الاعلات بثلاث سنوات.
2- أن يكون فاشل وعاطل ويفضل راسبي الثانوية العامة (بشعبتيها)
3- أن يكون لديه خبرة لا تقل عن سبع سنوات في الفشل وأنواعه:
أ- فشل دراسي: سيجارة بانجو - طوبة في القزاز - خناقة مع المدير - 6 أيام فصل - لو دكر اطلعلي بره!.
ب- فشل عاطفي: لا - مش هاينفع - خلينا - أخوات - أحسن.
جـ- فشل أسري: الأب: يا ولاد - أنا - مش - أبوكو - ولا - أمكم.
الأم: يا بابا - احنا - لقيناك - على - باب زويلة.
د- فشل اجتماعي: لا يرتاد نادي الجزيرة (يا حرام)
هـ- فشل رياضي: أن يجيد النهجان وشرب المعسل وأنواعه.
(للحصول على أجود الأنواع عليكم الاتصال بتليفون رقم: 00000 سعر المنتج ثابت سعر الشحن ثابت أينما كنت.. اتصل الآن)
و- فشل مادي: اصحى يا حمادة - فوق - فوق ده جنيه يا بني.
ز- فشل كلوي: تعاطفك لوحد مش كفاية.
3.5- أن بكون خطه رديء ويكسف وغير آدمي ويفضل حملة الأختام.
المستندات المطلوبة:
ــــــــــــــــــ ا- صورة البطاقة الشخصية أو العائلية (يفضل بدل التالف)
ب- صورة من شهادتي الميلاد والوفاة.
جـ- صورة من شهادة محو الأمية وتعليم الكبار (راجع القناة الثالثة)
د- صورة شخصية بالأشعة تبرز مفاتنه الخاصة:
1) حول مزمن بالأنف والأذن والحنجرة.
2) أن يكون لديه انزلاق غضروفي (خاص بمواليد برج القاهرة)
3) فلات فوت علينا بكره - صباع مدوحس - شفة أرنبية (مرتجع بني آدم)
4) شد عضلي - جر خلفي (4*4)
من الاخر عايزين بين آدم على المحارة
يوميات معلن
ـــــــــــ
البوم الأول: الناس كلها معجبة باللقطة بتاعة محمد علاء.
اليوم الثاني: يتوافد الفاشلون إلى مقر الشركة.
اليوم الثالث: ما زال الفاشلون يتوافدون.
اليوم الرابع: الوفود ما زالت تتوافد.
اليوم الخامس: مزيد من التوافد.
اليوم السادس: انتهن المسابقة ولا زال التوافد مستمرا.
اليوم السابع: عطلة رسمية.
اليوم الثامن: العيد الوطني لسيريلاندا.
اليوم التاسع: تم اغتيال العيد الوطني لسيريلاندا.
اليوم العاشر: (- انجز يا أحمد أنا ايدي وجعتني
- حاضر يا تامر.)<الكاتبين>
اليوم الحادي عشر: كلهم معاتيه ولم ينجح أحد.
اليوم الثاني عشر: طلبات اعادة التصحيح تنهال.
اليوم الثالث عشر: ...
وفي يوم آخر لطيف: كنت أمر مسرعا في الطريق حين اصطدم بي أحد الحيوانات المارة فيه، ولم يكتف بهذا بل انطلق كالمتريلوز:
+ هما في الجزيرة قالولك اللي تلاقيه تدويه.
- جزيرة ايه؟!
+ جزيرة القدر....
- انت هاتهزر يا روح خالتك.
+ لأ لأ لأ شكلك من الأنواع اياها.. ما هو الناس دلوقتي بقوا نوعين، نوع بيفهم، ونوع زي حضرتك كده!
وقبل ان الكمه في هتف كمن تذكر فجأة اللبن على البوتجاز: يا خبر أسود اللبن هايقطع<>
<تامر (بوجل): يا احمد الناس مش هايفموا حكاية اللبن دي
أحمد (بوجد): يا عم ما هو ده الهدف انت عايزهم يفهمواولا ايه؟!
تامر (بشوق): يعني نسيبهم على عماهم؟!
أحمد (بحنين): الكحرته تعلم القرد!
تامر (بفزع): يا نهار أسود مائل للبرودة القاريء نام مننا، اصحى يا كابتن... كابتن..>
ودخلنا في مشاحرة دامية ولكن الله ستر.
وفي اليوم التالي على التوالي وأنا أمارس مهامي المعتادة في إنماء الثروة سمعت جلبة واضحة خارج مكتبي وأحد المتشردين في الخارج يصيح:
+ يعني ايه ايه (الاعلان) كان الاسبوع اللي فات، أنا قريت الاعلان النهاردة يبقى الاعلان النهاردة.
/ قريته فين حضرتك؟
+ على عربية الفول.
تصيح أحد الموظفات بفزع الفافي<>:
<الفافي: كائن بسبوسة يعيش في غابات الباتون ساليه وممستنقعات النسكافيه>
/ فول؟! ياي؟!
+ جرى ايه يا روح ماما، هو انتو باتخدوه حقن في المهندسين وى اقراص؟!
اتجهت إلى الردهة لأرى ما يحدث ومصدر هذا الضجيج فوجدته..
يا الهي انه نفس الحيوان من فئة الكتفيات، وما أن رآني حتى هتف
+ يا نهار أسود ومنيل هو نات ورايا ورايا؟!
/ انت ازاي تكلم المدير كده.!
+ مدير مين؟! يعني مدير بنك الدم؟
/ لأ.. مدير الشركة يا فالح..
امتقع وجهه وجر ناعم:
+ يا سلام وانا اقول شوفت كتفك في المنام لابس أبيض * أبيض، وخبطتني بحب وانا عمال اقولك دوس.. دوس يا باشا..
ثم خلع القميص وطلب مني أن أوقع له أتوجراف على كتفه مما أدهشني ولكني قلت لنفسي:
- جاي بعد اسبوع من الاعلان.. فيه فشل ايه بعد كده؟!
- انت اسمك ايه يا بني؟!
+ (الطحش) يا باشا..
- يعني أبوك خلفك وسمّاك كده؟
+ أيوه يا باشا وبعدها على طول طلق أمي..
- همممم يا ساتر وبعدين؟!
+ إتجوز الداية يا باشا.
- ياااه دانت حالتك كرب أوي.
+ آه والله يا باشا، حالتي تصعب على النازي.
- طب تعالى على المكتب..... قبل ما انسى صحيح تشرب ايه؟!
+ بليله!
نظرت للسكرتيره وقلت:
- 2 لمون.
جلست في مكتبي وأخذت أتمعن في وجهه الذي يشبه العد التنازلي وسألته:
- ما هي مؤهلاتك؟
+ يووووووووخ أبدأ من ايه ولا ايه أقولك على الحمار والترعة ولا...
- ايه انت وقعت بالحمار في الترعة؟!
+ لأ يا باشا انا وقعت والحمار هو اللي طلعني منها، وأبويا لما مات اكتشفت انه جدي مش أبويا<>.
<تامر (بشوق): ما تيجي نعينه يا أحمد، دا صعب عليّ قوي.
أحمد (بغل)(بتشديد الغين وكسرها):لا يا عم انا عندي أعين حمار وهو لأ.
تامر (برجاء): معلهش والنبي يا (أحمد) عشان خاطري المرة دي.
الطحش (بفرح) لتامر:ربنا ينصرك على مين يعاديك، ربنا يعمر بيتك، ربنا يخليك، ايدك أبوسها...
تامر وأحمد (باندهاش): ايه ده؟! انت ايه اللي جابك الهامش؟! امش اطلع فوق لنشطبك!!>
- يااااه ده بيحقق بند في الإعلان بتاعي، ماشي يا ابني، عارف ايه اللي مطلوب منك.
+ أنا تحت أمرك، محسوبك فهمها وهي طايرة.
- أنا عايزك تعلمني الفشل.
+ يووووه بس، يعني جيت في جمل، دا مفيش أسهل من كده يا باشا العبد لله ولا فخر "مركب" فشل صناعي، أنا ملك النهايات الكئيبة، وحياتي عبارة عن مسلسل عربي طويل.
- طيب وريني شطارتك.
وإلى اللقاء في الموضوع اللي بعده هيءهيء:)
أنا لا أكتب هذه القصص ولكنها من سلسلة اسمها مجانين
وهذه قصة أخرى:
كل الجمل التي بين <> هي هاعملوا هذا
- البطل
* الطبيب
+ الفاشل
/ أي حد بيتكلم مرة أو مرتين
أحزان على شجر البطاطس
ــــــــــــــــــــــــــ
بقلم: أحمد العايدي وتامر أحمد
الحمد لله لقد المنتجع المهجور إلى مزار سياحي شهير، وأصبحت أنجح رجل أعمال في البلد، خاصة بعد ارتفاع ثمن أسهم شركاتي كلها والممتدة من السيدة إلى سيدنا الحسين، ولكن.
<ولكن: كائن أخضر ذو ذيل يكثر من الوعود، لما قبله وينفذها فيما بعد بنفس أخلاق رئيس وزراء إسرائيل .
مثال: راجع مفاوضات السلام>
ولـكن ينقصني في خضم النجاح شيء ما.. حتما ينقصني شيء.. ما هو؟! لا أدر.. آه ينقصني أن أفشل..
<كده الناس مش فاهمة حاجة، المفروض نرجع نعمل فلاش باك وأمرنا لله>
- أنا مكتئب يا دكتور.
هز الطبيب النفسي لا وعيه في تفهم كما يفعل كي الأطباء النفسيين وهتف:
* انت عندك خراج في الأنا العليا وغالبا هايجيلك أمر ازالة.
- مش فاهم.
* انت عامل زي (ميداس) اللي كان كل ما يلمس حاجة تتحول إلى دهب.
- عيار كام يا دكتور؟
* نعم يا أخويا؟ أمال لما تعرف اللي حصله هاتعمل إيه؟!
- هاشتؤيهم منه.
* بس ده تعيش انت!
- خلاص، اشتريهم من الورثة، تعرف عنوانهم؟!
* يا صبر أيوب، يا ابني انت لازم لك صدمة.
- ازاي وليه؟!
* عشان تدوق الجاتو، لازم تدوق ال()
- ال() ايه يا دكتور كمل عشان يترفضلك المقال..
(ينادي صوت من خارج الصفحة، يا جماعة التزموا بالنص).
- قصدك ايه يا دوك؟!
* انت لازم تفشل عشان تعرف طعم النجاح..
أردد بشرود:
- أفشل في حاجة.. والله فكرة!
وبعد يومين نزل هذا الاعلان في كل الجرائد القومية والمعارضة..
مطلوب عروسة: آآه لا مؤخذاة مطلوب عدد واحد بني آدم (نص لبَه
(شروط عامة)
ـــــــــــ
1- أن يكون المتقدم قاهري أو مقيم بها قبل هذا الاعلات بثلاث سنوات.
2- أن يكون فاشل وعاطل ويفضل راسبي الثانوية العامة (بشعبتيها)
3- أن يكون لديه خبرة لا تقل عن سبع سنوات في الفشل وأنواعه:
أ- فشل دراسي: سيجارة بانجو - طوبة في القزاز - خناقة مع المدير - 6 أيام فصل - لو دكر اطلعلي بره!.
ب- فشل عاطفي: لا - مش هاينفع - خلينا - أخوات - أحسن.
جـ- فشل أسري: الأب: يا ولاد - أنا - مش - أبوكو - ولا - أمكم.
الأم: يا بابا - احنا - لقيناك - على - باب زويلة.
د- فشل اجتماعي: لا يرتاد نادي الجزيرة (يا حرام)
هـ- فشل رياضي: أن يجيد النهجان وشرب المعسل وأنواعه.
(للحصول على أجود الأنواع عليكم الاتصال بتليفون رقم: 00000 سعر المنتج ثابت سعر الشحن ثابت أينما كنت.. اتصل الآن)
و- فشل مادي: اصحى يا حمادة - فوق - فوق ده جنيه يا بني.
ز- فشل كلوي: تعاطفك لوحد مش كفاية.
3.5- أن بكون خطه رديء ويكسف وغير آدمي ويفضل حملة الأختام.
المستندات المطلوبة:
ــــــــــــــــــ ا- صورة البطاقة الشخصية أو العائلية (يفضل بدل التالف)
ب- صورة من شهادتي الميلاد والوفاة.
جـ- صورة من شهادة محو الأمية وتعليم الكبار (راجع القناة الثالثة)
د- صورة شخصية بالأشعة تبرز مفاتنه الخاصة:
1) حول مزمن بالأنف والأذن والحنجرة.
2) أن يكون لديه انزلاق غضروفي (خاص بمواليد برج القاهرة)
3) فلات فوت علينا بكره - صباع مدوحس - شفة أرنبية (مرتجع بني آدم)
4) شد عضلي - جر خلفي (4*4)
من الاخر عايزين بين آدم على المحارة
يوميات معلن
ـــــــــــ
البوم الأول: الناس كلها معجبة باللقطة بتاعة محمد علاء.
اليوم الثاني: يتوافد الفاشلون إلى مقر الشركة.
اليوم الثالث: ما زال الفاشلون يتوافدون.
اليوم الرابع: الوفود ما زالت تتوافد.
اليوم الخامس: مزيد من التوافد.
اليوم السادس: انتهن المسابقة ولا زال التوافد مستمرا.
اليوم السابع: عطلة رسمية.
اليوم الثامن: العيد الوطني لسيريلاندا.
اليوم التاسع: تم اغتيال العيد الوطني لسيريلاندا.
اليوم العاشر: (- انجز يا أحمد أنا ايدي وجعتني
- حاضر يا تامر.)<الكاتبين>
اليوم الحادي عشر: كلهم معاتيه ولم ينجح أحد.
اليوم الثاني عشر: طلبات اعادة التصحيح تنهال.
اليوم الثالث عشر: ...
وفي يوم آخر لطيف: كنت أمر مسرعا في الطريق حين اصطدم بي أحد الحيوانات المارة فيه، ولم يكتف بهذا بل انطلق كالمتريلوز:
+ هما في الجزيرة قالولك اللي تلاقيه تدويه.
- جزيرة ايه؟!
+ جزيرة القدر....
- انت هاتهزر يا روح خالتك.
+ لأ لأ لأ شكلك من الأنواع اياها.. ما هو الناس دلوقتي بقوا نوعين، نوع بيفهم، ونوع زي حضرتك كده!
وقبل ان الكمه في هتف كمن تذكر فجأة اللبن على البوتجاز: يا خبر أسود اللبن هايقطع<>
<تامر (بوجل): يا احمد الناس مش هايفموا حكاية اللبن دي
أحمد (بوجد): يا عم ما هو ده الهدف انت عايزهم يفهمواولا ايه؟!
تامر (بشوق): يعني نسيبهم على عماهم؟!
أحمد (بحنين): الكحرته تعلم القرد!
تامر (بفزع): يا نهار أسود مائل للبرودة القاريء نام مننا، اصحى يا كابتن... كابتن..>
ودخلنا في مشاحرة دامية ولكن الله ستر.
وفي اليوم التالي على التوالي وأنا أمارس مهامي المعتادة في إنماء الثروة سمعت جلبة واضحة خارج مكتبي وأحد المتشردين في الخارج يصيح:
+ يعني ايه ايه (الاعلان) كان الاسبوع اللي فات، أنا قريت الاعلان النهاردة يبقى الاعلان النهاردة.
/ قريته فين حضرتك؟
+ على عربية الفول.
تصيح أحد الموظفات بفزع الفافي<>:
<الفافي: كائن بسبوسة يعيش في غابات الباتون ساليه وممستنقعات النسكافيه>
/ فول؟! ياي؟!
+ جرى ايه يا روح ماما، هو انتو باتخدوه حقن في المهندسين وى اقراص؟!
اتجهت إلى الردهة لأرى ما يحدث ومصدر هذا الضجيج فوجدته..
يا الهي انه نفس الحيوان من فئة الكتفيات، وما أن رآني حتى هتف
+ يا نهار أسود ومنيل هو نات ورايا ورايا؟!
/ انت ازاي تكلم المدير كده.!
+ مدير مين؟! يعني مدير بنك الدم؟
/ لأ.. مدير الشركة يا فالح..
امتقع وجهه وجر ناعم:
+ يا سلام وانا اقول شوفت كتفك في المنام لابس أبيض * أبيض، وخبطتني بحب وانا عمال اقولك دوس.. دوس يا باشا..
ثم خلع القميص وطلب مني أن أوقع له أتوجراف على كتفه مما أدهشني ولكني قلت لنفسي:
- جاي بعد اسبوع من الاعلان.. فيه فشل ايه بعد كده؟!
- انت اسمك ايه يا بني؟!
+ (الطحش) يا باشا..
- يعني أبوك خلفك وسمّاك كده؟
+ أيوه يا باشا وبعدها على طول طلق أمي..
- همممم يا ساتر وبعدين؟!
+ إتجوز الداية يا باشا.
- ياااه دانت حالتك كرب أوي.
+ آه والله يا باشا، حالتي تصعب على النازي.
- طب تعالى على المكتب..... قبل ما انسى صحيح تشرب ايه؟!
+ بليله!
نظرت للسكرتيره وقلت:
- 2 لمون.
جلست في مكتبي وأخذت أتمعن في وجهه الذي يشبه العد التنازلي وسألته:
- ما هي مؤهلاتك؟
+ يووووووووخ أبدأ من ايه ولا ايه أقولك على الحمار والترعة ولا...
- ايه انت وقعت بالحمار في الترعة؟!
+ لأ يا باشا انا وقعت والحمار هو اللي طلعني منها، وأبويا لما مات اكتشفت انه جدي مش أبويا<>.
<تامر (بشوق): ما تيجي نعينه يا أحمد، دا صعب عليّ قوي.
أحمد (بغل)(بتشديد الغين وكسرها):لا يا عم انا عندي أعين حمار وهو لأ.
تامر (برجاء): معلهش والنبي يا (أحمد) عشان خاطري المرة دي.
الطحش (بفرح) لتامر:ربنا ينصرك على مين يعاديك، ربنا يعمر بيتك، ربنا يخليك، ايدك أبوسها...
تامر وأحمد (باندهاش): ايه ده؟! انت ايه اللي جابك الهامش؟! امش اطلع فوق لنشطبك!!>
- يااااه ده بيحقق بند في الإعلان بتاعي، ماشي يا ابني، عارف ايه اللي مطلوب منك.
+ أنا تحت أمرك، محسوبك فهمها وهي طايرة.
- أنا عايزك تعلمني الفشل.
+ يووووه بس، يعني جيت في جمل، دا مفيش أسهل من كده يا باشا العبد لله ولا فخر "مركب" فشل صناعي، أنا ملك النهايات الكئيبة، وحياتي عبارة عن مسلسل عربي طويل.
- طيب وريني شطارتك.
وإلى اللقاء في الموضوع اللي بعده هيءهيء:)