معرض رسوم الاعضاء جاليري عبير الورد [الأرشيف]

عبير الورد

13-07-2002, 08:29 AM

السلاااااااام ..
انا رجعت .. امم اذا تتذكروني اصلا :) شاركت مرتين و بعدين قطعت فترة ..
عموما اذكركم بروحي انا عبير بنت خالة اورنج روود .. ( يعني عندها واسطة):6
و اليوم بنشر بعض من رسومي الملونة على الفوتوشوب طبعا اللي مستحيل ترقى لمستواكم لكنها محاولات بسيطة و اتنمى تعجبكم ..

عبير الورد

13-07-2002, 08:33 AM

و هذي رسمة ثانية ..

عبير الورد

13-07-2002, 08:37 AM

..:-)

mai_arumashi

13-07-2002, 08:41 AM

wow coool
I like it>>> she's saying cause she want to see more

yeah plz

Mai

عبير الورد

13-07-2002, 08:47 AM

mai >>
مشكورة على التشجيع واكيد بيكون في اكثر واكثر الايام الجاية :)
thanx :)

shaheen

13-07-2002, 10:01 AM

رسومات رائعة جدا اخت عبير
ماشاء الله عليج
رجعتي وبقوة ونشاط
تلوينك فظيع
وتحبين تستخدمين الابيض كثيرا
الرسمة الاولى من اروع مايكون... الحركة واللبس والتظليل و(زلزولة:الدبة الناطة) وال... هممم؟؟؟
احم... والغريب انك لونتي الحزام باللون البني مع ان الرسمه مافيها حزام.. ههههه بس هم حلوة طالعة.
ورسمة الشلال رهيبة خاصة انك احترفتي رسوم روميكو
واستخدامك للشلال كخلفية فكرة مبدعة
وستايل الرسمة الثالثة عجيب.. حركة خطوط جميلة جدا:) كانها رسمة اعلان او كليب ارت:)

المزيد يا اختي من الرسوم المدهشة... هذه اللبؤة من تلك اللبؤة الثانية هههههههه:0)

عبير الورد

13-07-2002, 11:04 AM

شاهين ..
مشكور على ملاحظاتك .. و ماشالله عليك لاحظت الحزام :) ..
انا صراحه لونته بالغلط بني .. و عجبني فخليته :) حركة يزعم :):6

انشالله تشوف رسوم جديدة لاني راجعة ومشتطة ترا انتو تحملوا .. و اذا شفت مني شي غلط او عندك اي ملاحظة يا ريت تقولي...

لبؤات :) حلوة منك الحين في وحده بتتشقق علينا :) ( خلودو مب انتي شفيج معصبة )
:6

wildkitty

13-07-2002, 12:30 PM

هاي عبير اشلوونش

رسوماتش حلووووووه

بس انا عاجني تلوينش اكثر تلوينش رهيب فظيعه احس انش تتفنين فيه

CUTE NURIKO

13-07-2002, 12:46 PM

واااو... عبير الورد ...

الرسمات عجيبه وحلوه ... كل وحده باسلوب مختلف..

و التلوين حلو.. خصوصا في الرسمه الاخيره غير شكل طالعه..:D

orange road

13-07-2002, 03:33 PM

عبووووووووووووووور

اخيرا عرضتي رسومج اللي لاعت جبودنا منها واحنا نجوفج تلونين فيهم... :6

هههههههههههههه بس حلوين...

بس في اول رسمة غير عن سالفة الحزام احس ان اليد قصيرة بالنسبة لطول الجسم....

بس الثالثة روووووووووعة...
لما قلتي لي عنها ما نخيلتها بتطلع جذي...

يللا حطي الباقي...
وينهم؟؟؟؟ :غضب:

عبير الورد

13-07-2002, 08:08 PM

wildkitty ..
شكرا على تشجيعج و الحمدلله ان الرسوم عجبتج .. التلوين والله انا احاول اني اتحسن فيه .. يعني يبيلي بعد و منكم نستفيد :)

cute nuriko .
مشكورة على كلامج و انشالله تشوفين الاحسن :) هذي بس بداية الله يستر :)

و اما انتي يا orang >>
لي معاج كلام ثاني بس مب جدام الناس :6
بس انتي اهم شي لا تحنين و بحط رسومي وحده وحده اوف منج حنانة ..:غضب:

Rex

13-07-2002, 09:43 PM

أهلا عبير الورد :) !!

ما شاء الله, والله الرسومات في قمة الروعة !!! :)

خاصة الأولى :D

وأن شاء الله تكونين عضو فعّال بالمنتدى ;) ...
لأني كأني أول مره أشوف هالاسم :D

... وأنتظر المزيد من فنّك المتميز فعلا!!

وبالتوفيق :-)

tm13

14-07-2002, 01:37 AM

هلا برجعتك عبير ...وبرجعت رسماتك الحلوه;-)

Tidus_2007

14-07-2002, 07:53 AM

ويلكم باك عبير الورد و اكيد معروفه :D ((الي اعرفه عنج انج بنت خالت خلود ... بس للاسف ما سبق و شفت رسومج )) :أفكر:

و الحيييين واااااااااااااااو شفناهم :D

مااااااااا شاااااااااء الله حركات و تفنن :D هههههههه باين انج بنت بروفيشناله ((المؤنث من بروفيشنال)) بالفوتوشوب ووينج ووين التعلم مننا ?:

الاولى نفس ما قالت خلود الايدين يمكن فيهم شوية قصر ... شويه حبتين بس :D اما الرسمه على التلوين على كلو رووووووووعه ;)

الثاااااااانيه :واو: .......... >>>لاااااااااا تعليق فكره جدييييييييده و عجيبه ... مخيلتك وااااااااسعه :o

الثاااااااالثه هذي احس انها بوووووستر :D من جد عجيييييييبه ;)

و keeeeeeeeep it always like that ... :D

و يلااااا بعد بعد نبي :o

عبير الورد

14-07-2002, 11:25 AM

REFLEX..
هلا فيك اخوي ومشكور على الملاحظة واكيد في رسوم جديدة جاية بالطريج :)
مو مشكلة ان كان ما تذكرني المهم من اليوم ورايح ما تنسى :D

TM 13 ..
هلا فيج حبوبة .. انتي رهيبة وانا عن نفسي معجبة وايد برسمج واحب اتعرف عليج شخصيا .. :-)

TIDUS-2007
مشكور على الترحيب و انشالله تكون رسومي عجبتك ..
الفوتوشوب والله احنا علمنا روحنا عليه بروحنا ... فيعني شوي شوي ومع الممارسة والاستخدام نتحسن فيه .. :) دعواتك عاد :) ...
:0)

alucardracula

14-07-2002, 03:57 PM

هلا بعبير الورد و بفن عبير الورد
حمد الله على السلامة أشوف ابداع :واو:
اتمنّى لك التوفيق و يالله نبي نشوف ابداع بالفوتوشوب;-)

Ranma Saotome

16-07-2002, 12:28 AM

ويلكم بااااااااااااااااااك عبير الورد..
اتذكرج لكن ماتذكر رسومج :(
وفي حد ينسى بنت خالت خلود...

الرسمه الاولى::واو: آآآه (شهقه).. ماتذكر ان كان في رسوم بهالفن في المنتدى..
وايد حلوه.. التلوين ساااااااااااااااااحر بجماله.. واللمعه والظلال والحركه نفسها اللي في الصوره حلوه..
الرسمه الثانيه... سويتيها صحححح... حركه واايد حلوه.. عجيييبه..
تفنن على اصوله..
والرسمه الثالثه واسلوب جديد.. ماشالله عليج.. تلوينج يجنن..
إي والله مثل ماقال شاهين.. هذي اللبؤه من تلك اللبؤه..

fatoom

16-07-2002, 12:38 AM

هلااااااااااااااااااااا

بعبون :D

أخبارج :D

وولكم باك :D

صراحه روعه في التلوين :)

و لا الثانيه تهبل :D

عاد لا تقطعين ;-)

نبي نشوف :)

عبير الورد

20-07-2002, 06:03 PM

http://www.arab3.com/upload/images/Jul02/orangeroad_gAVo18.jpg

هذي من اخر رسومي .. انشالله تعجبكم ..

جـــــلـنــــار

20-07-2002, 06:41 PM

حياللــــــــــه *عبير الورد* أنتي أسمج حلو ورسمج أحلى وايد

مبدعه أشحلاته فضيعه جان زين أرسم كثلج جذي000:cool:

أستمري ولا تقاطعينا وخن نكون ربع بالمنتدى على طول

أنتي واورنج روود بنات خاله امممممممممم الله يخيلكم لبعض

;-) جلناررررررررررررررررر*######*:6

Neo Cid

20-07-2002, 06:50 PM

الحمد لله على السلامة خيتو عبير الورد ! ;)

مشاء الله الرسوم روعة .. اول ما شفتها قلت أن فطوم راسمهم لج .. مو انتي :D :D :D .. لكن والله و بدون مجاملة .. الرسوم روعة .. ولا أروع .. خاصة الرسمة اللي فيها مزج بين الشلال و البنت .. اسلوب جديد ... وما أعتقد أن احد سواه من قبل ! .. :cool:

المزي
من التقدم انشاء الله ! ;)

عبير الورد

21-07-2002, 12:16 AM

جلنــار ..
مشكورة على الحجي وانشالله تعجبج باقي الرسوم .. واتنمى اكون على معرفه فيج في المنتدى وبرة لو تحبين :D

neo cid<<
شكرا على التشجيع :) ..
و ما كنت اعرف ان اسلوبي في الرسم قريب من فطوم بس يمكن في هالرسمات بس :) فطوم من يقدر عليها .. بعدين هي لها اسلوب وانا اسلوب يا ريت اقدر ارسم مثلها الدبة :)

عموما مشكووووور
:D

Neo Cid

21-07-2002, 01:03 AM

الرسالة الأصلية كتبت بواسطة عبير الورد
جلنــار ..
مشكورة على الحجي وانشالله تعجبج باقي الرسوم .. واتنمى اكون على معرفه فيج في المنتدى وبرة لو تحبين :D

neo cid<<
شكرا على التشجيع :) ..
و ما كنت اعرف ان اسلوبي في الرسم قريب من فطوم بس يمكن في هالرسمات بس :) فطوم من يقدر عليها .. بعدين هي لها اسلوب وانا اسلوب يا ريت اقدر ارسم مثلها الدبة :)

عموما مشكووووور
:D

خيتو ما فيه شي اسمه مستحيل .. تقدرين تصيرين مثل فطوم و احسن منها .. لكن طبعا مع المثابرة و الاجتهاد بالتعلم ! .. :D

لا تزعل فطوم من كلامي و تراهو تشجيع ولا أكثر ! :": ;)

عبير الورد

21-07-2002, 03:13 AM

neo cid >>

لا تخاف فطوم عمرها ما تزعل من هالحجي :) فديت فطووووووووم :)

و يعني كلنا اكيد نتعلم من بعض هذي الهدف من المنتدى ...

و مكشووور خيــــــــــــــــــــــــو
:6

Neo Cid

21-07-2002, 05:20 AM

الرسالة الأصلية كتبت بواسطة عبير الورد
neo cid >>

لا تخاف فطوم عمرها ما تزعل من هالحجي :) فديت فطووووووووم :)

و يعني كلنا اكيد نتعلم من بعض هذي الهدف من المنتدى ...

و مكشووور خيــــــــــــــــــــــــو
:6

يو أر ويلكم ! ;)

حياج الله بأي وقت ! ;)

MZM

22-07-2002, 08:07 PM

هلا فيج عبير :D

شلون ما نتذكرج :D ( و انتي بنت خالت خلود :غضب: اللي تبي تغتالني ) :6

حياج الله

و رجوعج حيل قوي يا فنانه :D

الرسمه الاولى حيل تمام .......

جو الرسمه فيه اندفاع و مرح .... الوضعيه تمام و التلون روعه

و الرسمه الثانيه فكرتها روعه صج :D

تذكرني برسام على الانترنت ما اعرف شسمه بس يسوي أفكار روعه مثل فكرتج

حيل حلوه الرسمه ... خيالج قوي و حيل هادي ما شاء الله

الرسمه الثالثه كريكاتيريه :6

حلوه و تلوينها صح

و الرسمه الاخيره :واو:

هي اللي صج تسرق التفكير

النظره هاديه بالحيل ...

و الملامح ساكنه .... و رسمج للشعر دايم يكون فيه تسريحات روعه :D

وضعيت الجسم ممتازه

و الملابس و تلوينها ما عليه كلام
لو تشيلين الخطوط السودى القويه بتحديد التجاعيت ..... راح تصير أكثر روعه

الرسمه كلها على بعضها فيها لمسه واقعيه حلوه

و أرد و أقول الوضعيه ما شاء الله تمام يا مبدعه

و بالتوفيق يا فنانه

عبير الورد

22-07-2002, 08:26 PM

MZM

:) دايما ترفع روحي المعنوية على طووووول :)

ومشكووور على ملاحظاتك اللي دوم حلوة وتعجبني وانا اقراها ....

امممم مادري شقول بس انشالله دايما اكون عند حسن ظنك ولا تقطعني ..

Summer_Heat

22-07-2002, 10:21 PM

wellcome back sis
ماشاء الله عليج اختي :واو: ... رسوماتج و تلوينج رائعين ;) ... اما اسلوبج تحفففففه :0)
نتمنى انج تتحفينا بالمزيد و Good Luck .... :p

عبير الورد

29-07-2002, 11:27 AM

امم مسكين يا موضوعي وين راح في اسافل المنتدى :"
مادري كنت ابي افتح موضوع جديد ولكن مو مشكلة بحط رسومي الجديدة مع اللي قبل ...

orange road

29-07-2002, 11:36 AM

واو :واو:

عبون

معقولة هالفن يطلع منج؟؟؟

متى رسمتي هالرسمة؟؟؟ :(

من وراي صايرة تشتغل الاخت :"

عبير الورد

29-07-2002, 11:39 AM

رسمة ثانية ..

orange road

29-07-2002, 11:52 AM

اخيرا لونتي هالرسمة

صار لج فترة راسمتها

بس طلعت حلوة بالتلوين

ايوا يا خطيرة انتي :)

ننطر الرسوم الباقي :"

ولا تقولين حنانة :غضب:

fatoom

29-07-2002, 12:08 PM

اووووووف عبووووووووووووون

رهييييييييييييييييييييييييييييييييييبه :واو:

عبوووور إشهالفن :واو:

صج إعجبوني

تحف لا إله إللا الله :واو:

عبير الورد

29-07-2002, 01:03 PM

فطووووووم ....

مشكورة على ردج :) ... اي جذي صحصحي شوي و انتبهي عدل :)...
انشالله انتقامنا من خلودوو قريب :) (نياهااااااهااااا) على قولة خلودوو

خلودو بسج عن الحنه بل :) :6

Tidus_2007

29-07-2002, 01:33 PM

اووووو ما شاء الله :D

ههههههههه شلون رسمتي الرسمه الرابعه ؟ :0)

حلــــــــــــــــــــوه حيـــــــــــــــــــــــل شكل الشخصيه و الوضعيه و الخلفيه و المكان كله :0)

و الي وراها حلوه :0) ما عندي تعليق ?:

و الي بعدها هم حلوه :0) بس هم ما عندي تعليق :0) :"

للاحسن انشاء الله ;)

mai_arumashi

29-07-2002, 01:34 PM

Clamp hair stayle I see

nice

Keep it up

^_^

Mai

عبير الورد

30-07-2002, 10:10 AM

Tidus_2007

شكرا اخوي و الحمدلله ان الرسوم عجبتك .. والرسمة الرابعه :) اممم ترا الخلفية هاذي صورة مرفقة يعني مو انا راسمتها بس ركبت عليها صورة البنت و خليت الاوانها تعكس الوان الخلفية ... :D

mai_arumashi

mai thanks and i'll always keep it up
:D

Rex

30-07-2002, 02:23 PM

ما شاء الله يا عبير :D

كل يوم وأشوف رسمه أحلى من الثانية !!!!
والله انتي فنانه كبيره في هالمنتدى :)

أحس أن اسلوبج يتطور في كل مره !!!
الشخصيات لما ترسميهم يكون فيهم شيء مميز فعلا !!!! والتلوين رهيب !!
تحس أنه فيهم مشاعر ! أو نوع من الحياه !! :D

أتمنى أن تستمرين بعرض رسومج !!! لأنها عجبتني جددددا :D

و بالتوفيق :-)

fatoom

30-07-2002, 02:43 PM

عبون تهبل :D

و رسومها روعه :)

بس هي مو مقدره :غضب:

زين سويتي فيها ياخلود :o

wildkitty

30-07-2002, 09:59 PM

واو
ما اقدر اقول غير

مشاء الله

رسومش تحف

عبير الورد

31-07-2002, 12:36 PM

REFLEX

:) مشكور اخوي و انا بنفسي احس ان رسمي قام يتطور يوم عن يوم اكيد البركة فيكم ..
وانشالله رسمتي اليديدة تعجبك
;)

ftoom >>

انتي دايما ترفعين معنوياتي :) مشكووررررررة احببببببببببببببببج :D

wild kitty
:) ثااااااااااانكس

عبير الورد

31-07-2002, 12:51 PM

هذي رسمتي الاخيرة انشالله تكون عند حسن الظن :)...

عبير الورد

31-07-2002, 12:57 PM

هذي رسمتي الاخيرة انشالله تكون عند حسن الظن :)...

عبير الورد

31-07-2002, 01:08 PM

هذي اخر رسومي انشالله تكون عند حسن الظن :))

mai_arumashi

31-07-2002, 02:02 PM

حلو واااااااايد ^_^

انا حبيت الشعر وااايد ، فعلا طريقة مميزة
احلى شي فى رسماتج الاحساس بان الشخصيات حالمة و رومنسية، أكيد تعكس شخصية الرسام

يالله اتحفينا بعد

orange road

31-07-2002, 09:40 PM

الرسمة الاخيرة حلوة وايد عبون :)

يعطيج العافية عليها

التلوين رهيب كالعادة :"

خلاص.. من اليوم ورايح بارسم انا الرسوم وباييبهم لج تلونينهم لي
ما فيها شي
تعبي شوي :6

shaheen

31-07-2002, 09:52 PM

عبير الورد...
رسمج متعدد الاساليب
ماشاء الله عليج
رسمة الشقراء فظيعة
يعجبني الشعر الاشقر الذهبي لما يلتصق باللبس الابيض المظلل بالازرق:)
هذه حركة كنت ارسمها من قبل
الشعر عجيب ومنساب بطريقة ممتازة
العيون روعة
الرسمة والألوان وكل شئ فيها رهيب...
بانتظار المزيد

Rex

31-07-2002, 10:11 PM

الرسمه الأخيرة أعجبتني جدا !!!!

كلش حلو فيها !!!

الوضعية مضبطه صح !!!
والملامح روعة صج!!!!
والشعر جاي بطريقة جميلة جدا !!!
حتى التلوين ممتاز وثنيات الملابس رائعة!!!

بس لو كانت أكبر الرسمه بيكون أحسن ...

وتابعي :D

alucardracula

01-08-2002, 01:32 AM

ما شاء الله ابداع في قمة الروعة الوضعية التلوين الشعر الرسمة حلوة من جميع النواحي استمرّي.بالتوفيق

عبير الورد

03-08-2002, 09:48 AM

REFLEX

مشكوور على ملاحظاتك الحلوة اللي تخلينا نعطي اكثر وانشالله تشوف الاحسن بفضل تشجيعكم ..

shaheen

انا مثل ما قلت لك من قبل وايد يهمني رايد واحب اقرى نقدك .. و مشكوور يا اخ شاهين

:D
خلوودوو طبعا الحين ادش فيج بتستغليني عدل :) و على فكرة ترا بدت اشتغلالها ولونت لها رسمة وتقول ان في غيرها بالطريج الله يستر :)

mai_arumashi

:D مشكوورة ماي .. فعلا لي بعض الرسوم تعكس هالجانب الرومانسي الحالم ويمكن هو الاسلوب اللي انا افضله اكثر عن غيره .. لكن في جانب اللهم يا كافي :) اذا شفتيه يمكن تستغربين و تحسين ان لي شخصية مختلفة عن البنت الهادية الرومانسية ;-)

عموما كلها فن و انشالله تشوفين الاكثر :)

عبير الورد

03-08-2002, 09:51 AM

alucardracula

شكرا اخوي والتوفيق للجميع :)

عبير الورد

03-08-2002, 10:20 AM

هالقصص اللي بعرضهم كان المفروض احطها في موضوع قصص للضحك .. دورته ما لقيته مادري وين اختفى و لاني احتمال ما ادخل فترة حبيت اعرضهم اليوم فبحطهم في الجاليري مالي وانشالله بعدين نحولهم على الموضوع الرئيسي ...

عبير الورد

03-08-2002, 10:24 AM

الصورة الاولى .. :) هي بالاحرى امنية تتمناها خلود دايما و هي ان تملك يد كل رشامي المنتدى و تسيطر على المنتدى بروحها وتكون الوحيد بالعالم اللي تقدر ترسم و قالت لي مرة ان حتى بريلوها بتحط يد .. شوفو لاي درجه :)

و بهالصورة حققت لها هالامنية :) و لا تفوتكم النظرة الخطيرة :)

عبير الورد

03-08-2002, 10:28 AM

الصورة الاولى .. :) هي بالاحرى امنية تتمناها خلود دايما و هي ان تملك يد كل رسامي المنتدى و تسيطر على المنتدى بروحها وتكون الوحيدة بالعالم اللي تقدر ترسم و قالت لي مرة ان حتى بريلوها بتحط يد .. شوفو لاي درجه :)

و بهالصورة حققت لها هالامنية :) و لا تفوتكم النظرة الخطيرة :)

.. اممم اسفة لباقي الاعضاء الفنانين .. MZM واينا و غيرهم وايد خلود بغت اياديهم بعد بس مافي مكان :)

عبير الورد

03-08-2002, 10:35 AM

معلومات مهمه :

اولا .. القصة من اليسار لليمين ..(مادري ليش كله ارسم بالعكس)

خلود فعلا تخاف من الصراصير لدرجه المرض على قولة شاهين ( صرصو فوبيــــا) و لكن لا تخاف من (البريعصيه) :D
شوفو مستقوية بحيوانها الاليف :) عاد ما لقت غير هالحيوان تسوية pit
:) عاد انا عرفت شلون اتصرف :):D

عبير الورد

03-08-2002, 10:56 AM

هاذي الرسمة اللي عرضتها من فترة مكبرة كما طلبت يا ريفلكس .. :)

Ranma Saotome

03-08-2002, 11:44 AM

هذا تعليقي على الرسمتين اللي في الصفحه الثانيه..
مـتأخر وايد:o
الرسمه الاولى عجييييبه مع الخلفيه والاضاءه والظل وكمان الدخان..
الوضعيه اللي واقفه فيها والتلوين ولا احلى..ماشالله عليج
والرسمه اللي بعدها الاسلوب وايد حلو.. عجيبه الخطوط وحلوه الشعرات اللي طالعه.. الرسمه كلها حلوه ماشالله على هالفن..

shaheen

03-08-2002, 11:46 AM

عبير .شسويتي فيها
ههههههههههههههههه كأنها شيفا فوق الغيمة
ماشاء الله... سلبت ايادينا... وتبي تسوي كل شئ بروحهه هههههههههه
شكلها عجيب هههههههههه:0)

ولا رسمة التمساح هههههههههه مسكين كسر خاطري اخر شئ.. حلوة حركة انه يتكلم ويقول مشاعره هيهيهيهي... يعني انتي حيوانج المدلل يا عبير الصرصور؟؟؟؟؟؟؟:!

Ranma Saotome

03-08-2002, 12:08 PM

واااو رسمة البنت وااايد حلوه وطلعت احلى لما كبرتيها.. حللللوه الرسمه.. الشعر الذهبي ولون اللبس مثل ماقال شاهين.. ولمسات الببلز والالوان الناعمه مطلعه الرسمه احلى واحلى.. رسمه ماينشبع منها..
ورسمة خلود هههههههههههههههههههههههههه والله عجييييييبه شلون شكله مع الايادي حتى ريولها انقلبت يد.. ههههههههههههههههههه زين اخيرا تحققت امنيتها.. بس خلود.. ماتبين لساني الطويل بالمره:p
وقصصك وايد حلللوه ههههههههههههه والله كسر خاطري التمساح.. ولا البريعصي:أفكر: ههههههههههههههههههههههههههههههه والله حلوه.. تلوينج حلو في الكومكس بعد..
انا عندي حيوانات اليفه وايد.. الباندا-البطه-القطوه-بيتشان (شارلوت):p

Rex

03-08-2002, 04:43 PM

رسمة البنت طلعت أحلى لما كبرتيها !!
حتى الملامح والتفاصيل وضحت :) ...
thx :D

ههههه الرسمه اللي حق خلود !!
أصلا لو في وسع أكبر كان خذت كل ايدين الرسامين بالمنتدى خخهههه ^^

والقصة الأخيره عجيبه :D
ههههههه أشوف فكرة الصراصير في كل مكان :D
وبريعصي ... ههههههههه !!!
هذي الحيوانات الأليفة والا بلاش ^^ ...

:)

mai_arumashi

03-08-2002, 05:08 PM

:0) :0) :0) :0) :0) :0)

قصصج مول ما تضحك

بس تموت من الضحك هاهاهاهاهاهاهاهاهاهاهاهاهاهاهاهاها
Mai

fatoom

03-08-2002, 05:13 PM

عبوووووون :واو:

البنت ماعليها كلاااام أبدا

و لا التلوين :واو:

أكثر من ممتاز :واو:

و

:)

:D

هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها هاهاهاهاهاهاهاهاهاهاهاهاهاهاهاهاهاهاهاها

خلودووووه مسخره ههههههههههههه

عجيبه ياعبون عجيبه ههههههههههههههههههههه

الأولي مالت الأيادي حلوه

لكن الثانيه تفقع من الضحك ههههههههههههههههههههههههه

بريعصي كبير هاهاهاهاهاهاهاهاهاهاهاهاها:D

عجبتني :D

مشااااااء الله عليج عبون مشاااااء الله :o

عيني عليج بارده

:)

orange road

03-08-2002, 05:42 PM

جذي عبون تفضحيني على المنتدى؟؟؟؟؟

هههههههههه شلون شكلي وانا بالايادي
كاني واحد من هاذيلا التماثيل اللي يعبدونها الهنود :6
ولا النظرة الخطيرة
وقاعدة على غيمة
كاني اله شرير من الهة الاغريقيين :6

والقصة الثانية
شكلي في اول مربع رهيب
يخرع من قلب
قلنا ما اخاف من البريعصية بس مب لدرجة اني اربي واحد منهم على انه حيوان اليف
ههههههههههه عاد مسوية عبون روحها الشجاعة اللي ما تخاف من الصراصير
انتي تخافين بعد :غضب:

عاد اللي يسمع هالكلام يقول ما كنت معاها واهي ترسم هالقصص :6

MZM

04-08-2002, 06:22 AM

رسومج روعه عبير :)

خصوصا الشعر .... حركته حلوه

و الملامح و العيون

بدى المانجا يغزو خيالج الواقعي :D

إستمري بالإبداع يا فنانه

و مره ثانيه أقول ....... توقيعج حلو و الشعر فيه متقن لدرجه كبيره

( و زين سويتي بخلود :6 هههههههههه :D )

إحم إحم :o

قصدي شوي شوي على خلود ( ههههههاااااااي :D )

قصتج حلوه :6

و أشوه خلود ما خذت إيدي :D

عبير الورد

04-08-2002, 12:25 PM

mzm
انت وينك ياخي من زمااان .. تو الناس تصدق :غضب:

بس تصدق صج كلامك .. احس ان المانغا بدت تغزو عالم الواقعيه عندي .. بس عاد برد بتشوف :) قريب انشالله .. و عموما مشكوور على تعليقاتك اللي ما لنا غناة عنها :)

خلووود ...
ثانكس .. احبج يا دبة :D

فطووووم ...
انتي بعد احبج وثانكس على تشجيعج المستمر :)

و زين ان قصة خلودو عجبتج .. عيل عمرج شفتي وحده تموت خوف من الصراصير و ما تخاف من البريعصية ؟؟ امرها عجيب .:)

ماي .... ثانكس و اكيد في قصص اكثر بالطريج كلها على خلود الله وناااسة ( شفيج عصبتي خلود)

ريفلكس ...

الحمدلله ان الصورة بعد التكبير عجبتك مع ان فيها بعض الاشيا الناقصة بس مو مشكلة :) ..

وعلى فكرة قصة خلود مع ايادي فناني المنتدى ناقصة كثير .. في وايد للحين اتطالب بيدهم اولهم mzm .. و غيره بس عاد مافي مكان المرة الياية :6

رانما ...

:) ثانكس و انشالله تشوف الاحسن كل مرة ... اممم خلودو ترا مب ناقصة بعد تاخذ لسانك الطويل رحنا فيها احنا .. :) انت بعيد شيهمك :" ( شفيج عصبتي) :6

شاهيييييــــــــــــــــــن :)

انت ما شفت شي انا مستعده اربي ديناصور دام انها تخاف منه :) عادي يات على صرصوور :) شفت الحب العائلي عندنا شلون مقطع بعضه :6

wildkitty

04-08-2002, 01:11 PM

ضحكتيني

ههههههههههههههههه
خلود سايره تحفه بالقصه
يحليله لبريعصي
وله الايادي حته بريله

الرسمه تحفه وايد حلو فظيعه فظيعه

orange road

04-08-2002, 04:32 PM

الرسالة الأصلية كتبت بواسطة عبير الورد
mzm

خلووود ...
ثانكس .. احبج يا دبة :D
**********************************
وانا احبج بعد :)

**********************************
و زين ان قصة خلودو عجبتج .. عيل عمرج شفتي وحده تموت خوف من الصراصير و ما تخاف من البريعصية ؟؟ امرها عجيب .:)
**********************************
كيفي والله.... عقدي وانا حرة فيها

**********************************
ماي .... ثانكس و اكيد في قصص اكثر بالطريج كلها على خلود الله وناااسة ( شفيج عصبتي خلود)
**********************************
لا.. ليش اعصب.. ما لي حق اعصب...
تسوين علي قصص وتفضحيني في المنتدى وانا اللي تعبت علشان اقص على الناس واسوي روحي الشجاعة اللي ما تخاف من شي....
ما لي حق اعصب..
الا مستانسة وشاقة الحلج بعد...
(حسابج لما اييكم البيت)

**********************************
رانما ...

:) ثانكس و انشالله تشوف الاحسن كل مرة ... اممم خلودو ترا مب ناقصة بعد تاخذ لسانك الطويل رحنا فيها احنا .. :) انت بعيد شيهمك :" ( شفيج عصبتي) :6
*********************************
انا عاد؟؟؟؟ حرام عليج..
ما في حد مؤدب قدي...
واكبر شاهد اصلا رانما...
والا ما عرض لسانه الطويل...
لانه عارف ان ما عندي لسان اصلا.. صح رانما؟؟؟
(انت طبعا ما تتذكر سالفة المصاص)

*********************************
شاهيييييــــــــــــــــــن :)

انت ما شفت شي انا مستعده اربي ديناصور دام انها تخاف منه :) عادي يات على صرصوور :) شفت الحب العائلي عندنا شلون مقطع بعضه :6
********************************
اكيد
الحب والاهتمام الزايد عن الحد واضح....
وااااااااااااااضح

winter-soul

04-08-2002, 06:19 PM

مرحبا عبير الورد:)

أخبااااااارج؟

اعذريني ادري إن ردي متأخر ...(السموحه):D

ماشالله ماشالله عليج ياعبير ابهرتيني بتطور رسمج وتلوينج الغير طبيعي يهبل فظيــــــــــــع ... ملاحظه عليج إنج بديتي تميلين للمانجا بالفعل وبدت تطغى على الرسم الواقعي عندج:o تقدم و وتطور ملحوووووووووووظ ماشالله عليج...رسومج كلها أخذت طابع الرومانسيه تقريبا وبديتي ترسمين قصص للضحك! رهييييييييبه قصة خلود وهي تبوق ايادي الفنانين ههههههههههه :D
وأحلى رسمه اعجبتني ولفتت انتباهي صج هي البنت صاحبة الشعر الذهبي...تهببببببل !!

الله يوفقج ياعبير وانشالله نشوف المزيد من الاساليب الجديده في المستقبل;-)

see ya:)

عبير الورد

05-08-2002, 10:05 AM

خلودوووووووو .. احبج انا شفيج :) :D

ونتر سوول .. مو مشكلة اذا متاخرة المهم انج عبرتينا :) ...
و اكيد تهمني شهادتج يا فنانة ... :) و انا بنفسي ملاحظة ان المانجا بدا شوي يطغي على رسومي لكن عندي بعد فن واقعي ما شفتوه :) مادري قلت اخفف منه هني يمكن ما تحبونه كثر المانجا ...

عبير الورد

06-08-2002, 01:19 PM

هذي رسمة جديدة كنت بحطها من فترة لكن المنتدى ما كان يشتغل معاي مادري ليش ...

orange road

06-08-2002, 03:52 PM

روعة الرسمة عبون....
وايد رهيبة

عجبتني الوان ثياب البنت
واجنحة الحوريات
والخلفية الرهيبة

:"
عبون
خلاص
صرت اكرهج اكثر من قبل

خلاص
باييكم البيت
وباغتالج
وباحط المسدس في يدج على انه حادثة انتحار

fatoom

06-08-2002, 06:43 PM

عبووووووون :واو:

تهبل الصراحه حلوه :)

و لا الخلفيه :)

إشلون سويتها ؟؟؟؟؟؟:D

علميني :D

Rex

06-08-2002, 07:50 PM

الرسمه روعة يا عبير!!!
فعلا الخطوط حلوه جدا !!! و الألوان والفيريز!!!! :D

عندي اضافه ...
لو خليتي حول هذي المخلوقات الطائرة نوع من الهالة البيضاء مثلا !! ...
بتخليهم أحلى بعد !!

:)

ههههههه أورانج :D
انتي كل شوي وتقولين بقتل فلان !!!
بهالطريقة الكل بيشرد من المنتدى :D

orange road

06-08-2002, 09:27 PM

عادي ريفليكس

جذي بتقل الازمات القلبية اللي تييني

خصوصا من بعد بعض الرسوم لكم

اكرهكم كلكم
وكل واحد منكم بيكون له يوم :6

عبير الورد

07-08-2002, 09:56 AM

خلودووو فططططططوم ثانكس ..
خلودو سكتي بس مسوية روحج فتوة الحين انا اللي بغتالج وبسوي خير في كل عضو في المنتدى :غضب:

ريفلكس ..
ثانكس امم والله فكرت اسوي نفس الحركة اللي قلت عليها لكن الخلفية ما ساعدت وحسيت بتطلع وايد اوفر ... لكن بجربها مرة ثانية و اذا حلوة بحطها :) ...

اوه خلودوووو اشكر فن التوقيع اليديد :) مسوية روحج بلفيت خطيرة :6
(شفيها عصبت) :أفكر:

Ralph Jones

08-08-2002, 01:48 PM

رسومك حلوة جدا و معبرة :)
أتمنى لك التوفيق ....
و أستمر بالرسم ;)

تحياتي ....

رالـــــــــــــــــــــــــف":"

Ranma Saotome

08-08-2002, 11:35 PM

الرسمه الاخيره حلوه.. حلوه وايد..
شعر البنت واايد حلو يذكرني بشخصيه احبها..
تلوينك رووعه وتأثيرات الضوء مع الخلفيه عجيييبه..
الفراشات غير شكل رسمج دقيق وتلوينج لهم وللاجنحه وايد حلو..

نصيحه: اعرضي اسوأ الرسوم اللي عندج حفاظا على روحج من خلود:p

عبير الورد

09-08-2002, 10:08 PM

رالف ..
شكرا اخوي على التشجيع وانشالله تشوف الاحسن ...

رانما ..

مشكووووور على رايك و شفت شلون خلودو ما تشوفني احط رسمه الا تحبطني وتخرعني بتهديداتها .. هذا شوي بعد لما اشوفها وجها لوجه المصيبة :" شكلي بسوي بنصيحتك :) و ما بحط الا الرسوم الخربوطة :) ..
( عاد الحين تصدق روحها خلودو اني اخاف منها ) :D

VIP 007

14-08-2002, 02:33 AM

بصراحه فنانه يا عبير الورد ،،،،،،،،

واتمنى لك مزيد من التقدم،،،،،،،،،

ورسمك ولا أروع منه

عبير الورد

31-08-2002, 11:04 AM

اممم اول شي انا اعتذر عن الانقطاع عن المنتدى الفترة اللي راحت لكن ظروف .. و اشوف ان واااايد اشيا فاتتني بالمنتدى اهئ اهئ :"

لكن انشالله اقدر الحق عليكم .. اشوف اعضاء وايد جدد و مواضيع جديدة وايد ... يا حظي وانا خبر خير .. المهم .. اكيد بشارك في المواضيع الجديدة و بحط رسوم بس عندي هالرسمة رسمته مرة بالليل من الملل قبل ما انام .. يمكن مو مضبوطة بس حبيت اضيفها للجاليري مالي .. :)