بطلب من الاعضاء: كل شيئ عن قطع الكوبي بالتفصييييييل

[<<المدمر>>]

هذا الموضوع يهتم بتوضيح قطع الكوبي الصادرة في الاسواق وعلى أي جهاز
مع الاسعار :

في البداية لازم نعرف ان الجهاز فيه نظامين ( R ) و ( U ).......
القطع الي نازله في اسواقنا هي :

1) S-BOX : وهذي القطعة زي ما هو معروف تشتغل على كل النظامين
وحتى النظام الياباني تشتغل عليه بعد لكن مشكلاتها التعقيد في التشغيل ولازم
تشغل سيدي جيم شارك قبل ما تلعب والمشكلة الرئيسيه انها ما تشغل
منسوخ...................
وسعر القطعة مع السيدي تقريبا 250-300 ريال ..........

2) نيو فور: وهذه القطعة مخصصة لنظام NTSC وهي من افضل القطع
الي اثبتت نجاحها في السوق والدليل غلاء سعرها بسبب الطلب الكبير عليها
وهذي القطعة تشغل كل شيئ مباشرة ما عدا الدي في دي منسوخ فلازم
شريط اصلي (دي في دي ) مو أي شريط ولازم بعد يكون سعة الدي في دي
هذا اكبر من سعة المنسوخ الي راح تشغله .........مثال:
لو شغلت دي في دي اصلي سماك داون 3 وشغلت بعده منسوخ دي في دي
اونيموشا ما راح يشتغل
لان سعة اونيموشا اكبر من سعة سماك داون 3 (مفهوم) ان شاء الله
وسعر القطعة مع التركيب كان 250 وصار الحين 350 .........


3) قطعة الماجيك : وقبل لا ابدى في الشرح لازم كل واحد يعرف ان الجهاز
فيه اربع (كودات) الي هي : (وتلقاها في خلف الجهاز آخر شيئ)
1A
1B
1C
1D
وقطعة الماجيك مخصصة للكود الأخيروالثاني B-D وطبعا القطعة هذي لنظام
وسعر القطعة مع التركيب هاليومين 550 ريال ......
وطبعا معنى (ماجيك) بالعربي (السحرية) ........


4) قطعة الميشيا: وطبعا ما اتوقع احد ما يعرفها وهذي القطعة تصلح لجميع
انظمة بال تقريبا وايضا للكود B و A من نظام ..........
وهذي القطعة افضل قطعة في السوق حتى الان وتشغل كل شيئ مباشرة
وسعر القطعة الحين 450 ريال .........

5) قطعة الماسية : وهذي القطعة ما نزلت حتى الان وهي اهم قطعة
لان اغلب الاجهزه الحين على كود C وللاسف ما ينفع لها أي قطعة
تطوير باستثناء نيو فور وهذي القطعة الجديدة من المتوقع انها تشغل جميع
(كودات) نظام NTSC وسعر القطعة التقريبي 500-550 ريال>>>>

في النهاية اتمنى اني اكون (قدرت) اوضح الاشكاليه في القطع وهذا الموضوع بطلب
بعض الاعضاء الي طلبوا مني الكتابة عن هذا الموضوع (المعقد) صراحة .....
والي عنده أي سؤال او اشكالية او تعديل او توضيح فليتفضل.........

والسلام خير ختام ... (السلام عليكم ورحمة الله وبركاته)
مع تحيات..............القاهر
;-) ;-)

[ماجد]

الله يعطيك العافية :D

[msm]

مشكوووووور اخوي القاهر على الموضوع وماقصرت ....

[Mr. Black Man]

شكراً أخوي على الموضوع الرائع;-)

[ستيف بورنسايد]

مشكوووووووووووور

[المحتـــــار]

طيب أخوي القاهر
قطعة الماسيه تشغل اليس دي والكوبي دي في دي دايركت
ولا بعد يبيلها وشريط
وهي متى بتنزل لأن جهازي لي شهر وانا من محل لمحل ابغا اركب قطعه ولا نفع عليه شي

[DREAM WEB]

الأخ القاهر

وين الاقي قطعة الميشيا في الرياض وارخص شي وانا جهازي A

[psx-ps3-ps3-ps4]

انا عندي سؤاااااال :D
قطعة الماجيك 2 تشغل اصلي من انظمة مختلفة يعني انا مركب لماجيك 2 على جهازي الامريكي اقدر اشغل الاصلي الاوروبيو الياباني ؟
ثاني شي يوم ركبتها قالي راعي المحل لا تكثر العاب سوني 1 لانها تخرب القطعة كلامه صح والا لا ؟
ثااااالث شي : ممكن اشغل الجيم شار و القطعة مركبة لاني سمعى ان النيو 4 ما تقدر تشغل جيم شار ك و شكررررا لك على موضوعك :D

[Lumina]

طيب يا القاهر أنا جهازي ntsc مع حرف r
و الكود 1d

يعني أركب الماجيك أحسن شي صح ؟

و كم سعر الماجيك في الامارات و أحسن محل للتركيب ؟

و ما الفرق بينها و بين الميشيا ؟


أتمنى ما طولت عليك الأسئلة

[العمدا]

صراحه موضووع رائع وشامل ..

تسلم والله يالقاهر ..

[محب الأجهزة]

مشكوووووووور على الموضوع

[hesham]

هناك خطأ في كلامك (أعذرني)

انت شرحت عن قطعة الميشيا ومن ثم بعد ذلك شرحت عن قطعة الماسية.

والصحيص ان القطعة المسمى بإسم (الميشيا أو الماسية)=هي نفسها قطعة واحده واسمها في الاصل messiah

واذا اردتم بالتفاصيل عنها ادخلوا في هذا الموقع (http://www.lik-sang.com/catalog/product_info.php?category=41&products_id=1476&#Product_features)

[<<المدمر>>]

في البداية شكرا على الردود الحلوة اما الاجابات فهي:
المحتار: اذا كان جهازك 1c فاصبر لان ما فيه ولا محل يركبها لكن انتبه
لان فيه محلات يقولون نركبها بعدين تخرب في كم يوم ويقولون مالنا شغل فيك لذلك انا راح اعطيك اسم المورد وكلمه بعد المغرب او العشاء
4066690 واسم المحل (خالد) ولا تنسى تكلم السعودي ماهو الهندي...

دريم ويب: (لا تجوعنا ياخي);) اسف امزح ;-)
مادام جهازك 1A فليش تتأخر ركب عليه الميشياء مباشرة واذا بغيت معلومات دق على المحل نفسه


ps sps sps p الخ : قطعة الماجيك تشغل كل الانظمه ونفس الكلام للميشيا والسؤال الثاني انا سمعت مثل هالكلام لكن ما ادري والله..
والسؤال الثالث اكيد تقدر تشغلها..........


وبالنسبة للومينا: احسن شيئ لك الماجيك وبالنسبة للامارات ما عندي خلفية ابد للاسف.....


حسام: انا عارف لكن المحلات بغوا يفرقون بين النظامين فاخترعو الاسم هذا

وشكرا
;-) ;-)

[Gio]

مشكور اخوي ...:)

[صلاح9]

السلام عليكم

ابغى اعرف .. الماسيه هي نفسها الميشيا .. او تختلف ..

انا يوم سألت صاحب المحل .. قال الجهاز عليه القطعه الماسيه .. طبعا الجهاز يشغل كل شئ على طووووول .. و النظام PAL

اشتريت الجهاز باول اجازه الصيف بـ 1550 ريال .. اخر مره رحت له اصلح الجهاز .. لقيت سعر نفس الجهاز بـ 1850 ريال .. بنفس القطعه ...


سلالام :)

[heeder]

السلام عليكم.....
انا عندي جهاز مركب عليه قطعة الميشيا(الماسية).
بس ابي اعرف هل تشغل pl1 واذا تشغل كيف الطريقة.
لأني جربت اشغل السيديات حقة الاولى ، ما رضية تشغلهم.
وشكراً

[DREAM WEB]

السلام عليكم

مشكور الأخ القاهر على الرد السريع .

بعدين المحل الي قلت عليه انا رحلته قبل ماتقول عليه. وهو موجود في عمائر الراجحي في البطحاء وبعدين مسوي اعلان كبير على المحل عن قطعة الماجيك.


المهم السعودي قالي قطعة الماجيك تركب على جهازك وانا محتار اركبها ولالا .


وهذي مواصفات جهازي : scph-30001 r
ntsc\uc 2a


السيريال نمبر:fu0508005

وللأهمية ترا محل خالد يعطيك ضمان شهر أو شهرين على القطعه

[usef]

اخوي انا جهازي ياباني (اصيل) موديل scph 10000

ntsc j

و السريال:j2 وبعدين مادري شنو


فشنو التطويره الاحسن حقه وشنو اخر تطويره حقه؟؟؟؟؟؟؟؟؟؟



الا اقووول ابيي اعرف جهازي c1 or c2 or u الخ....الخ..
شلوووووووووووووون؟؟؟؟؟؟؟؟؟؟؟

[!!AUSTIN!!]

الله لا يعطيك الا العافيه

[hesham]

أخ heeder

إذا اردت تشغيل العاب playstation one او الافلام فعليك ادخال الاسطوانة ومن ثم بعد ذلك اضغط على الزر rest مرتين(بسرعة)

وعندي لك سؤال إذا بغيت تلعب الplaystation 2 هل يجب انك تضغط على الزر ريست للتشغيل؟؟

[<<المدمر>>]

يا يوسف للاسف جهازك مافيه الا s box
وبالنسبة لك يادريم ويب ما لك الا الماجيك
وبالنسبة للدكتور فالقطعتين ما تفرق على بعض;-)

[hesham]

الرسالة الأصلية كتبت بواسطة hesham
أخ heeder

إذا اردت تشغيل العاب playstation one او الافلام فعليك ادخال الاسطوانة ومن ثم بعد ذلك اضغط على الزر rest مرتين(بسرعة)

وعندي لك سؤال إذا بغيت تلعب الplaystation 2 هل يجب انك تضغط على الزر ريست للتشغيل؟؟

أخوي heeder أرجوا الإجابة