مشاهدة النسخة كاملة : رسالة اعتذار و ندم .. لكل عضو يقرأ الرسالة !
Master Cid
18-07-2002, 03:31 AM
السلام عليكم و رحمة الله و بركاته ..
اشلونكم شباب ؟ .. أدري أن معظمكم ما اشتاق لي بعد الغيبة الطويلة .. غيبتي و غيبة محمود بنفس اللحظة و عودتنا بنفس اللحظة .. :أفكر: .. مصيبة والله .. :"
أنا كان بودي أني أكتب الموضوع من مدة طويلة .. كان ودي أني أكتب هذا الكلام من زمان ... و لكن الايقاف حكرني .. و ما أقدر اشارك بأي عضوية .. حتى لو أكتب رد بعضوية أخوي .. يوقفوني .. :( .. لكني صبرت و صبرت .. ليمن اليوم .. يوم عودة عضويتي لي .. لكني شفتها أنها ما ردت ... عضويتيني .. ولا وحدة منهم ردت .. ما ادري ليش ؟ .. :واو: :! :":
و لكني فجأة .. و بالغلط .. شفت أن التسجيل مفتوح ( شباب الدعوة للتسجيل مفتوحة :cool: ) .. المهم .. سجلت بهذي العضوية .. بس مشان أكتب رسالة اعتذاري .. لكل عضو و عضوة .. أخ و أخت .. صديق و صديقة .. كل شخص قرأ مواضيعي .. تعايش معاي ... سولفنا مع بعض .. :)
لكن قصة الأسف كلها تبدي من مكان واحد .. يوم اللي بغيت أسافر فيه العمرة .. تاريخ 19/6 بالضبط .. أنا و محمود كنا بمحادثة .. و صارت بيننا غشمرة .. يعني أنا تغشمرت معاه .. لكن غشمرتي كان متعدية حدودها على حسب اللي شفته بعدين .. و لكني بعد ما رديت من السفرة ولا اشوف أن .. أو ما شفت .. أعتقدت أن محمود محرف المحادثة اللي دارت بيننا في يوم قبل السفرة .. :" .. و كذبته .. و خربت معظم مواضيعة اللي كانت موجودة بالصفحة الأولى ذاك اليوم .. و قعدت اخرب .. و قصيت على رفيجي cool_man اللي أنا دخلته بالسالفة .. و خليته يصدق أن محمود كذاب ... لكن محمود ما كان يكذب ذاك اليوم .. بل كان يقول الحقيقة .. و أنا طوال الوقت كنت معتقد أني على حق و أني المنتصر بالنهاية .. صارت المشادات الكلامية .. و أذكر أني قريت ردود بعض الأعضاء بتعلقهم علي ... يعني أنا ما توقعت هذا الكلام يطلع منهم .. لكني بعد مدة .. و بمساعدة الأخت RPGgirl و ماناميلي و Snake905 .... أكتشفت أني أنا كنت الظالم .. ما كنت المظلوم مثل ما أعتقدت .. و هني .. حاشتني حال نفسية غريبة .. ما اقدر أفسرها .. حاشني أنهيار .. مو قادر أخليكم تشوفون ويهي بعد كل اللي سويته فيكم ... ما كنت قادر أتكلم بكلمه جدام واحد من المنتدى .. كنت أتمنى أني لو ما كنت عارف هالمنتدى .. لأني سويت و بديت المشاكل بينكم .. و فرقت بين ربع و ربع .. :(
لكن اللي بغيت أقوله من الكلام كله .. اني أشتقت لكم .. و كنت كل يوم أدخل النت و أشوف مواضيعكم الحلوة .. وكان ودي أني أشارككم بالفرحات .. و الأحزان .. لكن الأيقاف ما خلاني .. صبرت و صبرت .. كاني اليوم .. جدامكم .. أقول ..
أبدي أسفي و اعتذاري لكل من أذيته .. ابتداء من المراقبين العزيزين على قلبي Guilty Gear X و ابو الشوشة (RPG_master) .. و كاني بودي أني أقول اسم عضو عضو ... بس خفت أني أنسى أسماء و بعدين ناس راح يزعلون مني .. :D
انشاء الله .. تكون ردتي خفيفة عليكم ... بس لا تخافون .. هذي ما راح تكون عضوية أبدية .. هذي مؤقتة .. بعدين راح أكمل بعضويتي Neo Cid انشاء الله إذا وخر الايقاف هذا عني .. :)
انشاء الله أرد لكم بمواضيعي الخفيفة المخيفة الرهيبة ( نغمة :أفكر: :D ) ..
كان بودي أني أكمل .. بس ما ادري شفيني نسيت كل الكلام .. :": .. انشاء الله أنتوا تفهمون اللي كان بغليلي .. لأني مو قادر أفسر أكثر .. مشوش الحين .. مو عارف شلون قاعد أكلمك بعد كل اللي سويته فيكم .. :( :":
فسؤالي هو ..
هل راح تقبلون عودتي؟ .. وما هي شروطكم ؟ .. تامرون أمر ! :D
أخوكم العزيز , Neo Cid ;)
BoJasem
18-07-2002, 03:37 AM
أول شرط تتاسف من محمود توافق
ثاني شرط ما تعيدها مرة ثانية أوكي
ثالث شرط تتأشف حق كووووول مان لأنك مذبت عليه وبس
;-)
snake905
18-07-2002, 03:47 AM
والله حتى انت لك شوق والله ودنا تجي بسرعه شديده وترد لمواضيعك الرائعه
والله اشتقنالك يا غالي على قلوبنا :"
RPGgirl
18-07-2002, 04:11 AM
هاي
هلا بيك بالمنتدى مرة ثانية
أعتقد انه الاعضاء بيوافقون على رجوعك ولا لو ما وافقوا بيكون قلبهم من حجر :أفكر:
المهم ما صار الا الخير والمشكلة انحلت بينك وبين محمود والحمدالله :)
Master Cid
18-07-2002, 04:18 AM
الرسالة الأصلية كتبت بواسطة rk LINK@(|
أول شرط تتاسف من محمود توافق
ثاني شرط ما تعيدها مرة ثانية أوكي
ثالث شرط تتأشف حق كووووول مان لأنك مذبت عليه وبس
;-)
أنا متاسف من محمود من زمان .. لكنه ما يبي يبن هذا الشي جدامكم .. :o
كول مان عرف اللي صاير.. و أنا تأسفت منه .. لكنه مو راضي عن اللي قلتوه أنتوا .. أنتوا تعرفون نفسكم .. و هو قال أنه تارك هذا المنتدى إلى الأبد .. و ما يبي يردله مرة ثانية ! :o
Master Cid
18-07-2002, 04:20 AM
الرسالة الأصلية كتبت بواسطة snake905
والله حتى انت لك شوق والله ودنا تجي بسرعه شديده وترد لمواضيعك الرائعه
والله اشتقنالك يا غالي على قلوبنا :"
و أنا بعد اشتقت لك حبيبي .. ;)
Master Cid
18-07-2002, 04:21 AM
الرسالة الأصلية كتبت بواسطة RPGgirl
هاي
هلا بيك بالمنتدى مرة ثانية
أعتقد انه الاعضاء بيوافقون على رجوعك ولا لو ما وافقوا بيكون قلبهم من حجر :أفكر:
المهم ما صار الا الخير والمشكلة انحلت بينك وبين محمود والحمدالله :)
هلا بيك خيتو .. و الله أشتق لكم كلمك .. :)
اللي بيوافقون بس مع شروط .. هذا معناهم أنهم ما قروا الموضوع عدل .. ولا فاهمين قصدي .. :أفكر:
الحمد لله كل شي انحل .. ;)
snake905
18-07-2002, 04:29 AM
اقول الظاهر في ناس خاشه عرض بالموضوع وهي مش عارفه شي عن السالفه ?:
Master Cid
18-07-2002, 04:52 AM
الرسالة الأصلية كتبت بواسطة snake905
اقول الظاهر في ناس خاشه عرض بالموضوع وهي مش عارفه شي عن السالفه ?:
الظاهر جذي .. :أفكر:
link.p
18-07-2002, 05:22 AM
Welcome Back
Master Cid
18-07-2002, 05:29 AM
الرسالة الأصلية كتبت بواسطة link.p
Welcome Back
ثانكس أخوي لينك بي ! ;)
عاد أنت وينك من زمان ما شفتك .. انشاء الله تبين أكثر هذي الأيام ! ;)
link.p
18-07-2002, 05:37 AM
الرسالة الأصلية كتبت بواسطة Master Cid
ثانكس أخوي لينك بي ! ;)
عاد أنت وينك من زمان ما شفتك .. انشاء الله تبين أكثر هذي الأيام ! ;)
موجود يومياً في المنتدى...لكن مشاركاتي قلت الاسابيع الاخيره... وصارت شبه معدومه
عموماً شكراً على سؤالك...
Master Cid
18-07-2002, 05:44 AM
الرسالة الأصلية كتبت بواسطة link.p
موجود يومياً في المنتدى...لكن مشاركاتي قلت الاسابيع الاخيره... وصارت شبه معدومه
عموماً شكراً على سؤالك...
ولو أخوي.. عزيز و غالي ! ;)
Tidus_2007
18-07-2002, 07:42 AM
نيووووووووو سيد :D ههههههههههههههه كنت داري ببداية السالف ان الواحد فيكم ماخذ فكره ان الحق معاه فواحد يظلم الثاني ... :D
عاااااااادي عااااااااااادي هالسوالف ترى عابره بين الحبايب و ما حصل الا كل خير انشاء الله ... :)
هههههههههه و كول بعد شمنقزه بينكم و ليييييييييش ما بيرد مو على كيفه بكره تلقاني تاااااااااله مع اذنه و سادحه هني ... الا اخليه يكتب رد ":"
فسؤالي هو ..
هل راح تقبلون عودتي؟ .. وما هي شروطكم ؟ .. تامرون أمر !
لااااااااا يااااااااااا شيخ ":"
انت من صجك ?: ههههههههههه حبيبي المنتدى يجمعه قلب واحد مهما تزاعلو مهما صارت سوالف و مهما صارت بلاوي اكيييييييييد بيردون لبعض ... السالفه ما تسوى صراحه ... :D
و لا تنسى اكيد في شرط واحد ...
و هو انك تنسى السالفه و تردلنا سيد الاولاني :D
وصح ويييييييييييلكم بالاخير ;)
SOLIDSNAKE1
18-07-2002, 08:17 AM
هذا الي ناقص بعد نتشرط عليك:D :D
عاد نبيك ترجع في اسرع وقت انت مع محمود
ترى المنتدى راحو نصف موا ضيعه بغيبتكم:D :0) ;-)
RPG_master
18-07-2002, 10:44 AM
مبروك الرجعه وحياك الله مره ثانيه
Anime-Girl
18-07-2002, 10:53 AM
هلا برجعتك ..ولاتطول علينا بمواضيعك ..:)
Auron
18-07-2002, 02:12 PM
ياهلا فيك مرتن اخرى:D
وعمره مقبوله انشالله
بس اهم شي:o <----تكلم الحكيم:6
انسى الماضي وريح بالك الناس تنقص وانت تزودي:D :D
يا هلا فيك مره ثانيه
و انا اسف على الي فات:" :(
THE_ZODIAC
18-07-2002, 02:18 PM
حياك الله كل يوم تعال
LINK&MEGAMAN
18-07-2002, 05:05 PM
هذا أنا محمود .
أولا : مشكور نيو سيد على الحظر في الماسنجر .
ثانيا : مشكور على نفسيتك الخايسه و طريقة كلامك الوقحه معاي في الماسنجر لما أنا كنت أبي أضحكك و أرفه عنك و أنسيك المشاكل اللي صارت .
ثالثا : مشكور على طريقة معاملتك القاسية معاي خلال المدة القليلة السابقة .
رابعا : مشكور لأنك ما كنت تعبر محاولاتي في محاولة اسعادك .. و مشكور لأنك كنت قاسي معاي بدون سبب .. و مشكور لأنك ما كنت تكلمني عدل في الماسنجر .. و مشكور لأني لما تصالحنا قلت لك خل نرد مع بعض أصدقاء مقربين من بعض مثل الأول أنت رفضت .
خامسا : مشكور لأنك كنت تكلمني بنفسية خايسه .
سادسا : مشكور لأنك فرقت بيني و بين كول مان .. و ظلمتني .. بس أنا لما نسيت كل هذا و قمت أحاول أرفه عنك و أونسك و أنسيك اللي صار بينا و أرفع من معنوياتك و أحسن من حالتك النفسية قمت و صديتني و عطيتني حظر و كلمتني كأني عدو لك .. مو كأني كنت في يوم من الأيام من أعز أصدقائك .
و أخيرا تهانيا الحاره مني لك يا نيو سيد لأنك و أخيرا و بعد محاولات كثيرة و جاهدة منك نجحت و خليتني أكرهك .
و شكرا على أولا و ثانيا و ثالثا و رابعا و خامسا و سادسا .
مع السلامة .
الرسالة الأصلية كتبت بواسطة LINK&MEGAMAN
هذا أنا محمود .
أولا : مشكور نيو سيد على الحظر في الماسنجر .
ثانيا : مشكور على نفسيتك الخايسه و طريقة كلامك الوقحه معاي في الماسنجر لما أنا كنت أبي أضحكك و أرفه عنك و أنسيك المشاكل اللي صارت .
ثالثا : مشكور على طريقة معاملتك القاسية معاي خلال المدة القليلة السابقة .
رابعا : مشكور لأنك ما كنت تعبر محاولاتي في محاولة اسعادك .. و مشكور لأنك كنت قاسي معاي بدون سبب .. و مشكور لأنك ما كنت تكلمني عدل في الماسنجر .. و مشكور لأني لما تصالحنا قلت لك خل نرد مع بعض أصدقاء مقربين من بعض مثل الأول أنت رفضت .
خامسا : مشكور لأنك كنت تكلمني بنفسية خايسه .
سادسا : مشكور لأنك فرقت بيني و بين كول مان .. و ظلمتني .. بس أنا لما نسيت كل هذا و قمت أحاول أرفه عنك و أونسك و أنسيك اللي صار بينا و أرفع من معنوياتك و أحسن من حالتك النفسية قمت و صديتني و عطيتني حظر و كلمتني كأني عدو لك .. مو كأني كنت في يوم من الأيام من أعز أصدقائك .
و أخيرا تهانيا الحاره مني لك يا نيو سيد لأنك و أخيرا و بعد محاولات كثيرة و جاهدة منك نجحت و خليتني أكرهك .
و شكرا على أولا و ثانيا و ثالثا و رابعا و خامسا و سادسا .
مع السلامة .
ول كل هذا :غضب: :غضب: :غضب: :غضب:
مشكور يا نيو سيد:"
ستيف بورنسايد
18-07-2002, 08:29 PM
يا هلا ماستر سيد
Master Cid
18-07-2002, 10:58 PM
Tidus_2007 : مشكور أخوي على رد القوي :D ..و انشاء الله أرد لكم سيد الأولاني .. بس خلني أول شي استرد عضويتي :p .. بعدين انشاء الله .. تلقاني كالعادة .. أشارك بكل موضوع .. ! ;)
SOLIDSNAKE1 : تسلم أخوي .. و الله يحييك ! ;)
RPG_master : الله يحييك أخوي أبو الشوشة ! ;)
و الله يبارك بحياتك ! :)
anime-girl : يا أهلا فيج خيتو ;) .. انشاء الله أرد أكتب مواضيعي الشيقة عن فف7 .. بس الحين حايشني موسم تقشف مواضيع .. :D ... بس راح أحاول أني أكتبها بأسرع وقت ! :)
Auron : منا و منك أخوي أرون ! ;)
vivi : هلا أخوي ...
أنا المفروض أني أعتذر بهذا الموضوع .. لكل المنتدى .. مهما كان شخصيته .. المهم .. أنا آسف .. ;)
THE_ZODIAC : الله يحييك اخوي ازودايك ! ;)
Master Cid
18-07-2002, 11:28 PM
LINK&MEGAMAN :
رد على محمود .. أولا : أنا مو مسوي لك حظر .. لا تعتقد أني مسوي لك حظر لأنك ما تشوفني على النت لمدة ؟.. لا ... أنا من زمان قاطع النت .. و ما أدخله وايد .. إلا نادرا على الفجر .. و وايد أعضاء شاهدين على هذا الشي .. ومنهم أخوي ستيف !
و إذا كان قصدك ذاك اليوم ؟ .. لمن كلمتك جان تقولي أنك ما تتكلم إلا لانجليزي .. كنت تتمصخر.. بحزة انا كنت أكلم بنفس اللحظة خالي اللي كان بأمريكا .. و لحظتها أنا وخالي كنا نتكلم بموضوع عائلي خطير .. ما أمزح .. تراني جاد .. و أنت داخل علي .. أو أنا كنت داخل عليك .. و كلمتك .. بدون ما اقولك أني أكلم خالي .. و كنت متحملك شوي .. لكني طفت .. وصلت لي مرحلة اني ما كان لي خلق .. جان أسوي لك بلوك و كملت سالفتي مع خالي .. و لكنك إذا إذا إذا كنت تذكر .. أني شلت البلوك بعد يوم .. و ردينا مرة ثانية .. نتكلم .. ما تذكر ؟ ..
ثانيا : مثل ما أنا تغشمرت معاك غشمرة بايخة .. و بعدين تسامحت .. طبعا بعد المشاكل .. أنت تغشمرت نفس الغشمرة .. و أنا ما كنت متحملها .. وما كانت بوقتها ! ..ومثل ما قلت .. أن كلامي اللي كان يطلع مني كان لأني كنت مشغول مع خالي !
ثالثا ::o
ربعا : بالنسبة للكلام القاسي ما أذكر أني قلت لك شي قوي .. و قلت أنا يلا .. مشان الناس لا يزعلون نرد مع بعض .. ما تذكر ؟ .. و انا ما رفضت هذا الشي .. ولكني قلت لك أني ما أنسى الماضي .. :أفكر: .. بس
خامسا : للمرة الثالثة تعيد هذي الجملة !
سادسا : أنا كلمت كول مان .. و قلت له أعتذر له و طلبت منه أنه يعتذر منك .. و اعتذر .. ولا ما تذكر؟ .. لكنه كان زعلان من أسلوبك اللي كنت تعاملنا فيه .. أيام لمياء كانت موجودة .. ولا ما تذكر .. و قالي أنه وعد نفسه أنه إذا شاف منك شي ثاني راح يتركك .. لأني أعرفه .. انسان ديّن .. وما يحب أنه يسمع كلام قاسي أو وصخ .. :o
ما أعرف ليش أنت تكرهني كثر هذا ؟ .. سامحتك .. و اعتذرت لك ... و لا بعد .. قلت حرام بس أعتذر حق محمود .. خلني اعتذر حق كل المنتدى .. لأني وقتها لمن أرد ما راح أكون مقبول بين الناس كلهم .. و جذي ليش كتبت رسالة اعتذار .. و توقعت أنك راح ترد رد طيب .. لكن طلع العكس .. ولا تنسى .. أنت و فيفي مو قابليني أني أرد على المنتدى .. يعني هني فيه رفض .. و إذا شفت الرفض زاد ما راح أرد أصلا .. أنا ما اهددك .. لكني أقولك .. !
و قبل ما تكتب كل هذا .. انا الحين .. قبل ما أكتب الردين .. دخلت النت .. و شفتك أون لاين .. بالايميلين .. ما ادري عن أي بلوك تتكلم .. :واو: .. و سلمت عليك .. لكني ما شفت رد على السلام .. فقلت هذا المسكين مشغول الحين .. :o
ستيف بورنسايد : ثانكيوووش أخوي ! ;)
LINK&MEGAMAN
18-07-2002, 11:45 PM
بالله اذا ذاك اليوم لما أنا دخلت عليك و قلت أني ما أتكلم الا انجليزي علشان أضحكك و أرفه عنك .. ليش ما قلت لي أنك مشغول ؟
ليش ما قلت لي أنك قاعد تكلم خالك في سالفة و مشغول معاه .. جان أنا خليتك بدون ما يصير اي شي و لا مشاكل !
بس تقوم و تكلمني بنفس خايسه و طريقة وقحه و تعطيني بلوك هالشي أنا ما أرضى عنه .. لأن البلوك أنا أعتبره اهانه كبيرة .
و بالله ممكن تقولي أنا شنو يعرفني أنك قاعد تكلم خالك اللي بأمريكا بسر عائلي خطير ?:
فعلا ماشاءالله عليك ذكي وايد .
و اذا كنت مو معطيني بلوك و شايله عني عيل ممكن تقولي ليش أنت الحين طالع عندي أوف لاين ... و طالع عند غيري أون لاين :أفكر:
و رجاءا ترى أنا عندي عزة نفس و كرامة .. و أنا ما قمت أتحمل اهاناتك لي و اذلالك لي .
Master Cid
18-07-2002, 11:51 PM
أنا ذاك اليوم ما قلت لك أني أكلم خالي احتراما لك ... ولا أكثر .. :o
واللي أعرفه .. أن البلوك حرية شخصية .. أنا بحطه اليوم و باجر بشيلة .. كيفي .. أنت مالك دخل بمسنجري .. و إذا كنت من النوع اللي بسرعة يطفر .. أنا عيل ما احب هذا النوع .. اللي ما يكون وراه إلا المشاكل .. و إذا مانك مصدقني أني أكلم خالي عيل لا تصدق .. انا للحين و الحمد لله صادق .. كنت عاني كل كلمة قلتها برسالة الاعتذار .. و إذا كنت جذاب لو الحين أنا مو كاتبيها و صرت مثل الجبناء انحشت من المنتدى و ادخل بعضوية يديدة و أسوي نفسي شخصية جديدة .. لكني ما سويت هذا الشي .. و انشاء الله يكون دليل على كلامي .. و حتى لو .. الله شاهد علي .. و الله أعلم باللي قاعد يصير الحين ! ..
شوف أنا بعد البلوك ذاك اليوم .. شلته اليوم اللي بعدة .. لليوم ما كان فيه بلوك عليك .. لكنك لا تنكر أنك مسوي لي بلوك ؟ .. لأني الحين داخل .. و اسمك موجود .. ليش مسوي لي بلوك ؟ .. أنا ماني متبجبج و أسوي مسرحية للكل مثل بعض الناس ... ماني مدخل السالفة على المنتدى .. !
أنا أطلب السماح من كل عضو يقرا رسالة اعتذاري .. و بس .. ;)
LINK&MEGAMAN
18-07-2002, 11:58 PM
أنا ما قلت لك أنك جذاب .. بالعكس أنا مصدقك و أثق أنك ما تكذب :)
و لو قلت لي أنك مشغول ذاك اليوم و أنك قاعد تكلم خالك جان خليتك و كلمتك بوقت ثاني .. بس تقوم و تعطيني بلوك أنا ما أرضى .
و منو قال لك أن البلوك حرية شخصية ؟
لا يا حبيبي لا .. اسمعني .. البلوك اهانه كبيرة للي معطيه ياه .. و ترى عيب تعطي حق الأوادم بلوك .. لأنك بهذا كأنك قاعد تغلق التلفون في وجهم .. أو تطردهم من البيت .. فاذا كنت ما تبي تكلم واحد قول له أنك مشغول و تكلمه بوقت ثاني .. بس تعطيه بلوك فهذه اهانه .
و ثانيا أنا الحين داخل الماسنجر .. و أسمك مو موجود أون لاين عندي .. فلا يكون حاذفني من ماسنجرك ?:
اذا كنت حاذفني من ماسنجرك فــــ :غضب: :غضب: :غضب: :غضب: ....
Master Cid
19-07-2002, 12:06 AM
الرسالة الأصلية كتبت بواسطة LINK&MEGAMAN
أنا ما قلت لك أنك جذاب .. بالعكس أنا مصدقك و أثق أنك ما تكذب :)
و لو قلت لي أنك مشغول ذاك اليوم و أنك قاعد تكلم خالك جان خليتك و كلمتك بوقت ثاني .. بس تقوم و تعطيني بلوك أنا ما أرضى .
و منو قال لك أن البلوك حرية شخصية ؟
لا يا حبيبي لا .. اسمعني .. البلوك اهانه كبيرة للي معطيه ياه .. و ترى عيب تعطي حق الأوادم بلوك .. لأنك بهذا كأنك قاعد تغلق التلفون في وجهم .. أو تطردهم من البيت .. فاذا كنت ما تبي تكلم واحد قول له أنك مشغول و تكلمه بوقت ثاني .. بس تعطيه بلوك فهذه اهانه .
و ثانيا أنا الحين داخل الماسنجر .. و أسمك مو موجود أون لاين عندي .. فلا يكون حاذفني من ماسنجرك ?:
اذا كنت حاذفني من ماسنجرك فــــ :غضب: :غضب: :غضب: :غضب: ....
بالنسبة لي البلوك حرية شخصية .. :o
و أنت موجود على النت .. أنا أول ما دخلت ولا أشوفك .. بس أنت ما رديت السلام .. بعدين اعتقدت أنك طلعت .. بس شفت أن اسمك للحين موجود بالمنتدى .. شالسالفة ؟ .. أنا خبل ؟ .. بس تأكدت .. أنك أنت اللي كنت مسوي لي بلوك .. ولا أنا غلطان ؟ ..
المهم .. أنسى كل كلامي هذا .. الاعتذار موجه للأعضاء .. :أفكر:
LINK&MEGAMAN
19-07-2002, 12:22 AM
الرسالة الأصلية كتبت بواسطة Master Cid
بالنسبة لي البلوك حرية شخصية .. :o
و أنت موجود على النت .. أنا أول ما دخلت ولا أشوفك .. بس أنت ما رديت السلام .. بعدين اعتقدت أنك طلعت .. بس شفت أن اسمك للحين موجود بالمنتدى .. شالسالفة ؟ .. أنا خبل ؟ .. بس تأكدت .. أنك أنت اللي كنت مسوي لي بلوك .. ولا أنا غلطان ؟ ..
المهم .. أنسى كل كلامي هذا .. الاعتذار موجه للأعضاء .. :أفكر:
ما عليك يا حبيبي ميثم :)
يالله ادخل الماسنجر و نوره لي لأنه مظلم من دونك .. أنا ناطرك ;)
شتاينر
19-07-2002, 01:08 AM
أهلا وسهلا فيك معنا مرة ثانية ... ننتظر مشاركاتك ;)
Last_Angel
19-07-2002, 02:22 AM
تصالحوا :D <-- خاشه عرض (تحمست معاكم وانا اقرا الموضوع )
Welcome back ^_^
Master Cid
19-07-2002, 02:48 AM
LINK&MEGAMAN : :واو: :واو: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟ :": :": :":
شتاينر : شكرا خيتو شتاينر .. و انشاء الله اردلكم .. بس ناطر العضوية نيو سيد .. مشان أشارك على راحتي ! ;)
Last_Angel : هلو خيتو .. :cool: .. اشلونه منتدى الرسوم ؟ ... والله اشتقت لكم كلكم .. :"
ثانكس آل .. ;)
Master Cid
19-07-2002, 06:25 PM
للرفع ! ;)
LINK&MEGAMAN
19-07-2002, 06:27 PM
للنزل :D
HAMAD
19-07-2002, 08:28 PM
اهلا بعودتك:) :) :)
Master Cid
20-07-2002, 01:01 AM
الرسالة الأصلية كتبت بواسطة HAMAD
اهلا بعودتك:) :) :)
يا هلا فيك أخوي ! ;)
ستيف بورنسايد
20-07-2002, 01:07 AM
:p :p :p
شتاينر
20-07-2002, 01:15 AM
الرسالة الأصلية كتبت بواسطة Master Cid
شتاينر : شكرا خيتو شتاينر .. و انشاء الله اردلكم .. بس ناطر العضوية نيو سيد .. مشان أشارك على راحتي ! ;)
[/B]
حتى إنت يا نيو سيد :" ... أنا ولد مش بنت
:6
هدوا الأعصاب ياااا نااااااس ?:
سنيك01
20-07-2002, 03:28 AM
السلام عليكم
رسالة للزميلين محمود ونيو سيد
اولا اعتقد انو انتو ناس فاهمين اوكي
يعني خلو حركات الصغار على جنب وش خليتو للبزران
ولا تنسو قول الرسول صلى الله عليه وسلم
فيما معنى الحديث
بأن رجلان يختصمان فيعرض هدا ويعرض هدا وخيرهما الدي يبدأ بالسلام
ولا تنسوا انو ما يجوز الاخ المسلم ان يهجر اخاه المسلم اكتر من ثلاث ايام
واللي سار سار سار خلاص عفا الله عما سلف
وان شاء الله تصالحو وتسيروا سمن على عسل احسن من اول بكتير
ولاتنسوا نحنا هنا في المنتدى عشان نتونس ونعرف اخبار مو نسوي مشاكل ويا بعض صح ولا لا
والصراحة انا مشتاق للمواضيع الدسمة حقتكم
يعني رجاء اصالحو
;-) ;-) ;-)
ومعليش على الطريقة الجافة شوي
;-) ;-) ;-)
Master Cid
20-07-2002, 03:40 AM
الرسالة الأصلية كتبت بواسطة شتاينر
حتى إنت يا نيو سيد :" ... أنا ولد مش بنت
:6
آسف خيو .. :": :":
بس أذكره فيه مرة خاطبتك على بون أنك ولد جان تقول لي انك بنت .. أنا مضيع ! :" :":
:D ;)
Master Cid
20-07-2002, 03:46 AM
Eminem191 : أخوي ما فيه شي خطير صاير ... تطمن ! ;)
سنيك01 : سنيك أنت ما تعرف شنو هي عمايل البرزان اللي قاعد تتكلم عنها .. أخوي أنت ما تعرف السالفة أصلا .. روح نام احسنلك .. و لا تدخل روحك بالسالفة .. و أنا كاتب رسالة اعتذار.. ومالها علاقة ببيني وبين محمود ! :o
سنيك01
20-07-2002, 03:50 AM
والله صادق اللي قال هدي الكلمه
جزاء المعروووووف عشررررة كفوووووف
لكن معليش لا تعمل خير عشان ما تلاقي شر
Master Cid
20-07-2002, 04:06 AM
الرسالة الأصلية كتبت بواسطة سنيك01
والله صادق اللي قال هدي الكلمه
جزاء المعروووووف عشررررة كفوووووف
لكن معليش لا تعمل خير عشان ما تلاقي شر
آسف أخوي بس كنت معصب .. و أنت خاصة قلت حركات يهال و برزان .. و أنت طبعا ما ترضى أن أحد يقولك مثل هذا الكلام .. ولا أنا غلطان ؟.. :o :أفكر:
RPGgirl
20-07-2002, 05:13 AM
هاي
ههههههههههههه الصراحة والله انتوا اضحكون :D
الحين هالمناقشة عن هالسوالف اللي تتكلمون عنها قديمة وكل شوي طالعة مشكلة صغييييييييرة وتسونها كبيرة
be coooooooooool :)
GM Head
20-07-2002, 05:36 AM
الرسالة الأصلية كتبت بواسطة RPGgirl
هاي
ههههههههههههه الصراحة والله انتوا اضحكون :D
الحين هالمناقشة عن هالسوالف اللي تتكلمون عنها قديمة وكل شوي طالعة مشكلة صغييييييييرة وتسونها كبيرة
be coooooooooool :)
ههههههههههههههههه
خيتو لا تعصبين .. everything is coool ..besides one thing .. :أفكر:
ثانكس فور يور تعاون ! :D :D :D
Master Cid
20-07-2002, 05:43 AM
الرسالة الأصلية كتبت بواسطة GM Head
ههههههههههههههههه
خيتو لا تعصبين .. everything is coool ..besides one thing .. :أفكر:
ثانكس فور يور تعاون ! :D :D :D
آسف المفروض يكون هذا ردي .. :":
BOY_THING
20-07-2002, 07:32 AM
و الله انا ما كنت موجود وقت اللي حدث .. و الحمد لله اني ما كنت ...
على العموم .. اشتقنا لك كثير .. و اتمنى تكمل معنا .. و تأكد ان الكثير راح ينسى اللي صار
WELCOME BACK :)
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .