تسجيل الدخول

مشاهدة النسخة كاملة : قناة جديدة للكارتون تبث من دبي :)


Naif Eissa
19-07-2002, 12:25 AM
اسم القناة : قناتي

شفتها طلعت عندي على النايل سات قلت اخبركم .. ما اعرف اذا تعرض افلام كارتون .. لكني اعتقد انها تعرض .. اتمنى انها تعرض اشياء حلوة :)

القناة مقرها في دبي في مدينة دبي الاعلامية . كل ما اتمناه انها تكون احسن من سبيس توون و تعرض افلام حلوة
BoJasem
19-07-2002, 12:33 AM
تطلع على عرب سات ولا لأ

وإذا نعم شنو التردد;-) ;-) ;-)
Anime-Girl
19-07-2002, 12:34 AM
مشكور اخوي على الخبر ..
عاد يبي لي احط نايل سات..مو عندي:"
عساني اقدر..^^
Naif Eissa
19-07-2002, 12:43 AM
Freq: 11783
Pol: Vert.
S.R: 27500
FEC: 3/4
هذا التردد مالها على النايل سات ..

اخوي دارك لينك .. ما اعرف اذا بتطلع على العرب سات .. على كل حال هي تجريبية حتى الان .. اتمنى اشوف شو بتعرض ..انشا الله اول اخبار اعرفها عنها بقولكم عنها
angel on earth
19-07-2002, 01:00 AM
شكراً لك يا نايف ....

إن شاء الله تطلع عندى ... مع أني حاولت ولا قدرت القاها ...

وفعلا نبي بديل لسبيس تون ..... لكن عسى تكون أفضل ..
Naif Eissa
19-07-2002, 01:43 AM
توني كنت قاعد اشوفها فيها مسابقة لاختيار افضل شعار للقناة ..بس ما يابو اعلانات حتى الحين .. لكن اعتقد ان القناة بتكون بلقتين الانجليزية و العربية لاني سمعت المذيعة اول شي تتكلم عربي بعدين انجليزي ..يعني نفس قناة ديزني .

و دورت لكم على موقع القناة و اخيرا حصلته ..بس الموقع تحت الانشاء لان القناة بعدهيه تجريبية ..هذا الموقع http://www.qanaty.com
أبو الأكواد
19-07-2002, 02:02 AM
ههه برمجت القناة عندي



بسم الله الرحـمن الرحــــيــم



محطــة تلفزيــونيــة للأطفــال

"قنــاتـــي"



محـطـة تلفزيونيــة متخصصـة للأطفـال, تبـث عبـر الأقمـار الصناعيـة بلغات مختلفة لتشمـل تغطيـة الكـرة الأرضيـة إن شاء الله مـن مدينـة دبـي للاعلام





(Interactive) تفاعليـة

يستطيـع المشاهـد التفاعـل بأسلـوب تفاعلـي شيـق مع المحطـة

برامجهـا تشمـل الرسوم المتحركـة وبرامـج تصويريـة، تر فيهيـة وتعليميـة التـي تثـري عقـل الطفـل والمستوحاة من عالمنا العربي والاسلامي
Nintendo, Cube.
19-07-2002, 02:31 AM
ألف شكر لك أخوي نايف

بصراحه القناة طلعت مع عدة قنوات من ضمنهم سبيس تون و عجمان و محطة الإعلانات تميمة و قنوات دبي كلها المهم القناة أشتغلت وبركة بالصباح بشوفها على راحتي , أخيرا ً فيه قناة ضد سبيس تون ;-) :D
سفير الغلا
19-07-2002, 03:31 AM
مشكووووووور أخوي نايف على هالخبر الحلو :D :D :D
kirby64
19-07-2002, 05:21 AM
مشكور على الخبر الرائع!انشاء الله تكون احسن من سبيس تون ..:)
HeRCuLeS
19-07-2002, 06:26 AM
شباب انا ادري عن هالقناة من زمان وصممت لها شعار وان شاء الله يكونون عرضوه والقناة موجودي عندي تطلع على النايل سات
وان شاء الله تكون اقوى من سبيس تون
لان سبيس تون اول ما بدت كانت قوية لكن بعد ما استمرت مدة طاح حظها
Atsmknv
19-07-2002, 11:40 AM
مشكور يا أخ نايف على تردد القناة ، شكلها بتكون أحسن من space toon .
ملك الالعاب
19-07-2002, 02:55 PM
مشكور وياريت تعطينا معلومات اكثر عنها
BOY_THING
20-07-2002, 07:53 AM
اتمنى .. يكون مستواها راقي شوي:)
red_hawk
20-07-2002, 09:39 AM
السلام عليكم

مشكووووور وماقصرت والله ريحتنا انه في قناه جديدة


وانشاء الله تطلع احسن
orange road
20-07-2002, 12:20 PM
بصراحة انا مب متفائلة وايد بالقناة اليديدة....

لان ما بيكون عندهم شي يديد يعرضونه....
واذا بيعرضون ما بيعرضون الا الانيمي اللي خربوه يونغ فيوتشر...

اما اذا اتجهوا بس للقديم وبدوا يعرضونه
اللي كانت تترجمه الكويت والعراق والاردن ولبنان
فالقديم بعد بتمر فترة وبيخلص..
وبيتمون يعيدون ويزيدون فيه

الحل هو ان تطلع لنا شركة دبلجة يديدة (مب قناة بس تشتري وتعرض)
شركة دبلجة تييب احسن الممثلين وترجع ايام الدبلجة المحترفة
بجذي بيكون هناك منافس قوي...

اما اذا يينا على القنوات...
فما اعتقد ان المنافسة بتكون قوية وايد

مثل القنوات الاجنبية المخصصة للكارتون...
يمكن اللي يميز الكارتون نيت وورك عن الفان جانل ان الاولى تحط انيمي ياباني في برنامج تونامي...
لكن باقي العروض متماثلة...
kitten
20-07-2002, 09:40 PM
انا رحت و طلعت القناة على نفس التردد اللي قلته و كانوا حاطين مسابقة عن الشعار

مشكووووووووور وايد و اتمنى تطلع المحطة احلى من سبيس تون ;-)
HAMAD
20-07-2002, 09:54 PM
الرسالة الأصلية كتبت بواسطة Naif Eissa
اسم القناة : قناتي

شفتها طلعت عندي على النايل سات قلت اخبركم .. ما اعرف اذا تعرض افلام كارتون .. لكني اعتقد انها تعرض .. اتمنى انها تعرض اشياء حلوة :)

القناة مقرها في دبي في مدينة دبي الاعلامية . كل ما اتمناه انها تكون احسن من سبيس توون و تعرض افلام حلوة
على ما اعتقد اسمها قناتي وهي تطلع اتوماتيكي بس شكلها
لسه ما اشتغت بعد بس قلعدين يجربون شعارات