ماهو ابيخ شي صادفك في كود فيرونيكا ؟؟؟؟

[R.B.G]

طبعا جميعنا يتفق على ان لعبة كودفيرونيكا هي احلا جزء في رزدنة ايفل بس ابييك تقولي شو هو ابييخ شي شفته في اللعبه سواء كان في القصه او طريقة اللعب او الرسومات ( اي شي اي شي )؟؟؟
انا بصراحه ابييخ شي عندي انه ستيف ماااااااااااااااااااات .
والعناكب احس انها سخيفه ومالها لازمه .

[FARES360]

وانا ايضا موت ستيف فقط والباقي ممتاز
ولم يضعو حركة الدز اي الإبتعاد عن الزومي مثل ما كانت على الجزء السابق
ريزدنت ايفل نيمسيس الجزء الثالث

[GLADIATOR__mx]

الصراحه موت ستيف وخصوصا يوم انه تحول وتوقعت انه بيرجع لكن المصمم ما سكه غلط في راسه الا ستيف يموت

[Uncharted]

ياشباب الصراحة عيب كود فيرونيكا انك ترد من أول اللعبة كم مرة وترد المكان اللي جييت منه ((يمكن لاطالة عمر اللعبة))
ولا، هي روووووووووووووووووووعة..
ومووووت ستيف ، احتمالين مشان ماتتعقد الامور"" لييييش يحب كلييير يعني؟؟;) "" ثاني شي يمكن ماماااات؟؟ يمكن بيطلع في أي جزء آآخر؟؟ مثل (اوسكر) .
والسموحة على الاطالة.

[R.B.G]

اي والله تعالو اهو ليش يحب كلير بعدين الجماعه يزعلون منه :D
بس حرام برضه مايستاهل يموت ;)

[go7mosh]

انا معكم يا شباب يوم يموت ستيف مع اني ما كملت اللعبه بس اني ناظرتها في قناة جيم نيت ورك .........
بس انا عندي مشكله مع اني عندي الحل الكامل لها العربي لمجله الكمبيوتر والمكان هو لما اطلع من الغواصه ومكتوب في المجله لازم اروح لم الملعب وين الملعب دورته في كل مكان
ارجوا المساعده..............................................قحمش

[S7]

هاي شباب
الصراحه راح تتعجبون من رايي

الرسوم ما اقنعتني والأحداث بطيأه نوع ماء

[iori kof]

:واو: ايش اللي ما عجبك في الرسم احلا رسم انتجته كابكوم
واثبتت كابكوم نفسه في عالم الابعاد الثلاثيه طبعا كل الاجزء اللي في السوني الخلفيه بعداين يعني 2D
طيب والاحداث ما في احسن منها في اكتر الالعاب ودى كلامي وانتم حورين :)

[جيل]

ابيخ شي إني فتحت الموضوع هذا و عرفت النهاية قبل ماأوصلها و إنسدة نفسي من اللعبة :(

[iori kof]

يمكن :o اتفه شي في العبه النهايه يعني كابكم تحب تكرر النهاية ولا كيف ياشباب كل مرة يقولون راح نتخلص من امبرل اللي هي سبب المشاكل يعني متى راح نتخلص من دي الشركة ياشباب:غضب:

[R.B.G]

الاخ اللي يتكلم ويعيب على الرسوم !!!!! هاتلي لعبه جرافيكها احسن من جرافيك كودفيرونيكا
والله انا اول ما ابهرني فيها هو رسوماتها الفضيعه والتفاصيل الدقيقه اللي فيها خصوصا في الغرف اللي فيها اجهزة التخزين وصناديق الاغراض .
وبعدين يا اخ ايرو كوف اذا انتهت شركة امبريلا فهذا يعني انتهاء اللعبه لانه اذا مافي امبريلا يعني مافيه جزء جديد (( هااااااااااااااه بمين تحب تضحي )) ؟؟
انا عن نفسي افضل تبقى الشركه عشان تضل العبه :)

وبعدين انتي ياجيل لما انتي ما خلصتي اللعبه ليش تدخلين هنا ؟؟ هااااااه لا تقوليلي انك جايه تقولي رايك لانك مومخلصه اللعبه ورايك غير مقبول للحين :)
لما تخلصيها تعالي سمعينا رايك الفذ ;)

[iori kof]

النهايه ليش ما تطول يعني على الاقل على ها التعب اللي تعبناه
فيهاطيب يا شباب ارعب جزء في رزدينت ايفل مو كود فرونك وبس
كل الاجزاء من الاول الى كود فرونك يعني وافضع لحظه فيها يعني انفجعت في اي جزء اكتر ولو افتكرت الموقف اوصف كيف كان المشهد وكيف كان ردك عليه:p

[جيل]

:) شكلي ماراح أخلصها لاني بصراحة نفسي بدأت تنسد منها فإلى ماأرجع و ألعبها أظنني حاخذ فتره مو بسيطه على الاقل :)

[Uncharted]

معقووووووله يا جيــــــــــل؟؟؟؟ نفسش تنسد من ريزيدنت ايفل؟؟؟
ولا يعني كلير ريدفيلدالبطلـــــــــــــــــــــة؟؟؟؟؟;) غيرانه منها لانها 128 ولا شووو؟؟؟؟

كملي والله اللعبه تهبل ولاتفوتين جزء حلو مثل كود فيرونيكا..

والسموحــــــــــــه ..::أفكر:

[iori kof]

ابغى اقول ايت ارعب اكتر رزدينت ايفل ولا سيلنت هيل
طبعا ما حد مايعرف سيلنت هيل ولا كيف :o
:واو: بالنسبه لي سيلنت افضل من كل اجزاء رزيدنت ايفل
ومعليش يعني انا ما اقصد اسد نفسكم من كود فرونيكا يعني يا اخت جيل تابعي وكل الاعضاء وخاصة R B G معك ولا كيف:cool:

[جيل]

يا Uncharted أنا نفسي إنسدة لاني عرفت إن ستيف يموت و كان هذا بحد ذاته أكثر شي إثاره في اللعبة ( الله يعين :()


و ياiori kof سايلنت هيل أنا ماعجبتني لكن شفت أخواتي تجننه عليها ماأدري على إيش كلها ضباب و كل مايجي وحش يبداء الجرس هذا بالذات حسيته مو حلو

[Uncharted]

سلام .. بس فيه شي بسيط ابى اعرفه.
أنا أشتريت ريزيدنت ايفل كود ، النسخة الكاملة، على السوني 2 وبعد 3 ايام نزلت على الدريم كاست؟ بس والله فرق كبييييير بين النسختين. على الدريم كاست فيه طور المعركة من البداية؟؟ وكل شخصية معها سلاح لانهائي؟؟
وفي طور اللعبة الجديدة تحصل من البداية على بازوكا مطورة بس ضربة واحدة والى جهنم ،، تصوروا ولا وحش صمد أمام هذا السلاح؟؟
والحلو انه لانهائي . والاحلى تغيرت العروووض؟؟؟
زادت العروض وتوضحت القصة اكثر.
انا لعبة اللعبة وانهيت الديسك الاول ,, صراحـــــــــة عندي احساس ان هذا الجزء ستيف مابيمووت؟؟ مادري ((هاااه أقوول أحساس)).
والله لو تشوفون بس عرض المقدمة .. مادري ستيف موجود في حبكة القصة؟؟ أظافة الى ان أوسكر مادري شو صار له؟؟؟ صار أقوى من الجزء العادي؟؟؟ والله شباب ما أنهيتها بس أحتمال انهيها وأقولكم ويش صار.
واللي خلصها يقوول .

[R.B.G]

الى الاخ ايروكوف انا لعبة سايلنة هيل ونا معاك في انه الرعب اللي فيها اكثر من اللي موجود في رزدنة ايفل لكن عيوب سايلنة هيل كالتالي :
1- الاثاره معدومه .
2- التحكم مش ولا بد .
3- الزومبي الاطفال سخييفيييييين .
4- القصه تافه ومالها معنا .
5- النهايه اسخف واتفه .
لكن الاغاز مالها حلوه وصعبه ;)


وسلاااااااااااااامتكم

[STRIDER]

معليش على المداخلة ، فأنا ما عندي أصلا لا رزدنت و أو سايلنت !!!
لكن أكيد شاهدت اللعبتين مرات عديدة ، و عيب سايلنت هيل هو الرسم ، فلو كان الرسم بمستوى رسم رزدنت ايفل لكانت اللعبة مررررررعبة جدا لدرجة توقف قلبك !!!! و الأطفال أكثر شيء مرعب من ناحيتهم هو انك في بعض مناطق اللعبة تسمع اصوات اطفال يضحكون !!! ضحك الأطفال هنا صار مرعب !!!!

بالنسبة لجزء التكملة لرزدنت ، فأنا شاهدت عرض للعبة ، و كان رائع جدا ، و هو دار بين كلير و أوسكر - اسمه صح و الا ؟ - ، و بعدين دخل فجأة كريس و ضرب أوسكر على وجهه بماصورة - انبوبة معدنية - و في المرة الثانية استقبل أوسكر الأنبوبة على ساعده بدون أن يحس بها !!!!! أعتقد ان أوسكر صار له شي !!! يمكن صار واحد منهم !!!!!!!!

و شكرا و آسف !!!! على الإطالة .....

[R.B.G]

انا متفق معاكم بانه سايلنة هيل مرعبه بس في اشياء ثانيه مهمه اكثر من الرعب وبس .
المهم ماعلينا خلونا في كود فيرونيكا : انا اعتقد انه اوسكر استنسخوه او طوروه جينيا لانه القوه اللي صارة عنده قوه رهيبه وغير طبيعيه وبعدين عينه ( شفتو عينه ؟) صارة مثل عين النمر بس انا عندي سؤال خصوصا للاخ ايروكوف سؤالي هو : اوسكر وين راح ؟؟؟ انا لما لعبة بـ كرس وغلبة الكسيا اول مره وهرب اوسكر بس بعد هالقطه انا ماشفته !!!! يمكن فيه جزء من اللعبه انا طوفته او خلصة اللعبه من دون عن العبه !!! اقول يمكن .
اذا حد يعرف شي في هالموضوع يفيدنا الله يخليكم :)



وسواااااااااااااااااااااااالم

[iori kof]

من و ين جاب وسكر كل دي القوه وعلى فكرة ياشباب انا ابغى اقول شي متذكرة لحد الان لو تفتكرون الجزء الاول لمان يدور كرس على بيري هل في مجال تلقاه يعني تحصله لان مهمة كرس في الجزء الاول كانت انو يلقى بيري?:

[R.B.G]

انا اعتقد انه وسكر مستنسخ لاني لاحظة عينه ( مثل عين النمر ) وحركاته سريعه وغير طبيعيه ( يعني هم يا مستنسخينه ومطورينه او انه في فايرس ثاني
يخليهم يصيرون وحوش من الداخل وبشر من الخارج ).:)
شرايك في استنتاجي

[go7mosh]

انا معك يا R.B.Gانا لعبت بـ <بايو هازارد> التكمله وقابلت البرت ويسكر كم من مره عيونه مثل عيون النمر وعليه قوه ما هي صاحيه تخيلوا يضرب كرس وكريس يطير ويلزق في الجدار وعليه سرعه مهيب صاحيه هو فيه بلى وشو ما ادري انا اتوقع مثل ما ار بي جي انه مستنسخ او جاه الفيروس...............
بس انا اتوقع ان الفريد اشفورد طوره لان في اللعبه القصر الي في الجزء الاول وجا الفريد واخذه وطوره ويم اقابل البرت اول مره يوم يشوت كلير احد كلمه في جهاز الارسال اتوقع انه الفريد ؟؟؟؟؟؟؟؟؟؟؟؟؟؟؟؟؟؟؟






واسف على قطت الوجه؟؟؟ ;)

[go7mosh]

بالنسبه للعبه سايلنت هيل هذه اللعبه تنافس رزدنت ايفل بس ما قدرت تفوز على رزدنت ايفل واللعبه مميزه في:
1-التحكم
2-الاماكن
وبايخه في:
1-القصه
2-اشكال الزومبي
وهاذا الي انا ادر اقوله!!!!!!!!!!!:أفكر:

[iori kof]

+) ايش افضل سلاح في ريزدينت ايفل:D

[R.B.G]

بالنسبه لي انا افضل سلاح هو ( الماجنوم ) طلقه وحده منه ولا راس الزومبي طاير فالهوى :D

[MR_X]

في الجزء الاول احلى سلاح الماجنوم
في الثاني قاذفة الصواريخ
في كود فيرونكا السنايبر

[KNUCKLES]

ابيخ شيء اذا تجمعو علي الــــزومــــبـــــيـــين ومااقدر اتحكم في الوضع+)