دوري لاهل جدة

[firasalya]

بسم الله الرحمن الرحيم
هذا الموضوع يراودني منذ فترة
بدال ما كل اثنين يتحدو بعض انسوي دوري.
المهم التفاصيل احكيكم هي بعد ما يوصل المشتركين العدد المطلوب وهو 16 مشترك.
اول 16 هم اللي حيشتركو وانا اول واحد طبعا.والباقي تسير في المرة الجاية.
اللي يبا يشترك يقول واول ما العدد يكتمل انا حقلكم التفاصيل.

[ريو هازاكي]

انا ابي اشترك وين القوانين وين الاشياء هذي ( لعبة ايش ..........:!

[firasalya]

طبعا لعبة (وينج الفن 6)
شوف يا اخي الشروط بالتفصيل بقولها بعدين وكمان الجائزة الخ
الحين انا ابا 16 مشترك اول وبعدين اتكلم عن التفصيل الان اصبح عدد المشتركين 2 انا وانت.ولا غيرت رايك.

[ريو هازاكي]

افا عليك راح اكسر راسكم بفريق فرنسا وبس .:D :) :D :)

[firasalya]

المهم والله انت مشكور على انك ذكرتني بشي ناسي.
المهم كل لاعب يبا يشارك يكتب اسم فريقع عشان ما ينفع 2 يا خذو نفس الفريق.انا عن نفسي راح اخذ انجلترا.
الحين حجز فرنسا وانجلترا.

[ريو هازاكي]

طيب الدوري راح يكون فين :! :! اكيييييييييييييييييييييييد في بيتكم اجل :


































في عشا صح :D :D :D

[firasalya]

بالنسبة للمكان كنت بقولو بعدين بس خلاص والله ما افشلك.صديق لي عندو مقهى بلاي ستيشن.وبنسوي الدوري عنده.بس مو اي مقهى تلفزيو كبيير جدا جدا واماكن راقية وبتلاقي جمهور كبير.ومعاملة خاصة.والعشا بعد الدوري(بس لو لاقيتني);-)

[ريو هازاكي]

طيب المكان في اي حي عشان اقدر اروحله بدبابي :6 :6 حركات صح .

[golden_sky]

6 ماله داعي خلوها في 2000 على بلاي 1 <<=== مغبر :D

على الاقل في ون تو الواحد يعرف يسجل براحته اما الون تو هناك صعبة عبال ما تسويها يكون الكورة انقطعت منك

[ريو هازاكي]

لا يا شيخ احسن البلاي تو عشان الجرافيكس تمام وتعودنا عليه اشترك وقلنا ايش فريقك
....:)

[mohammed111]

اذا الموضوع جد
فأنا بشارك واختار ايطاليا:)

[ريو هازاكي]

يلا الحين ثلاث فرنسا وانجلترا وايطاليا مين بيزيد .

[firasalya]

هذا تحدوحيكون يوم عالمي فعلا وجميل.
بس انا لسة ما قلت الشروط كاملة ولا حتى الجوائز.
الان هناك مشترك جديدواختار ايطاليا.
المنتخبات المحجوزة هي
انجلترا وفرنسا وايطاليا
اخ جولدن سكاي.اللعبة في تو احلى بكثير.مع احترامي لرايك.
الاخ ريو هازاكي اشكرك على الاهتمام والحماس وانا اوعدك انو فعلا حيكون اليوم اللي بتلعب في الدوري رهيب وبيعجبك.والمكان في حي الصفا قدام الفاو .بجانب ميدا الدراجة.بس لا تيجي بالدباب.صوتو يزعجني;-) .والله الموفق.

[TORONTO]

تكفون ابي اشترك معكم
وفريقي فرنساأو انجلترا
ولكن فين المكان ومتى؟:-)

[firasalya]

بانسبة للمكان مكتوب فوق ردك اما بالنسبة لفريقك اما فرنسا او انجلترا فهما محجوزان.اتمنى انك تختار فريق ثاني وعجلو يا شباب الفرق الكبيرة بتروح.

[golden_sky]

اممممممممم في 6 انا مني محترف آخر مرة واحد هزئني 5-0 (^__^)

بس يالله ممكن أفوز <<=== يحلم :D

الارجنتين :cool:

[firasalya]

اخوي بتشترك اكي ولا لا.وعندك فرصة للتدريب.
عموما انا بحطك لغاية ما تقلي اكيد.
الفرق المحجوزة فرنسا وانجلترا وايطاليا والارجنتين.
اخوي TORONTO ترا لسة في فرق قوية.

[golden_sky]

أشترك اكيد انشاء الله بس لا يكون المكان في غليل ولا في الهنداوية ^__^ ما اقدر اروح هناك


وخلاص اعتمد انشاء الله

[firasalya]

والمكان لا هو الهنداوية ولا السبيل ولا شي من ذولا.
المكان في الصفا.

[golden_sky]

وهو كذلك أكلم الوالد انشاء الله بس حدد يوم وياريت تفكرني وجهزوا الجوائز <<== مصدق نفسه :D

[TORONTO]

طيب ممكن اخذ هولندا الكلاسيكيه...............:(
:":

[firasalya]

خليني افكر واستشير بعض المنظمين.
بس لي ما تختار هولندا والله قوية.وفي فرق لسة قوية جدا.
عموما خلني افكر.

[firasalya]

على كل لاعب ان يدفع 75 ريالا للاشتراك.والدفع يتم في نفس يوم المسابقة.
سيقام الدوري في يوم واحد فقط ولكنه سياخذ وقت.
على كل لاعب اختار فريقا الا يغيره.
على جميع اللاعبين المحافظة على الاخلاق في اثناء الدوري يعني ما ابى اسمع مسبات في اللعب.
على كل لاعب احترام الطرف الاخر.وعدم الاستهزاء به.
انا من سيضع الفرق في المجموعات مع مراعاة الفرق القوبة جدا مع بعضها على حسب الطاقات.(ترا كل الفرق بتكون قوية)_ان شاء الله_
الان ساقول ما هي الجوائز
المركز الاول 250 ريال
المركز الثاني 200 ريال
المركز الثالث 150 ريال
هداف الدوري 100 ريال هذه الجائزة يحصل عليها اللاعب اذا كان اللاعب هداف الدوري من فريقه.وليس اذا سجل فريقه اكبر كميه من الاهداف.فمثلا فريق انجلترا سجل 11 هدف 8دخلها اوين .وواحد في فريق ايطاليا سجل 15 هدف وفييري ما دخل الا 4 ما ياخد الهداف اللي ياخذها اوين وبالتالي اللاعب اللي لعب بانجلترا ياخذها.
احسن لاعب 100 ريال هذه الجائزه يحصل عليها اللاعب اذا كان في فريقه اكثر لاعب مظبط للاهداف .

الان على كل من اشترك ان يقول مرة اخرى انه مشترك وموافق حسب ما قراه الان.
والله الموفق.
ملحوظة
ما تدفعه انت 75 من ضمنها جميع التكاليف من جوائز واستحقاقات المحل اللي حنلعب عنده.

[CASH2000]

هلا أخوي firasalya..أنا موافق على الشروط كلها و على عيني و راسي كلها :) ...والله خلصتو الفرق علينا :( يعني فرنسا راحت ؟!!؟ والله خلاص بأبكي:" ..لكن مو مهم ما دام الأخ TORONTO ما حجز المنتخب الهولندا فأنا سأختاره و من غير زعل إنشاء الله.
CASH2000
هــولــنــدا
.........................................................
أرجوك أنك تعلمني على الخاص متى راح تقام البطولة يعني يوم أيش ؟؟ و شكراً لييييييك يا باشا:D

[firasalya]

اهلا باخي CASH2000 وخلاص هولندا ليك.
اخ TORONTO راحت عليك.ترا امزح معاك لو تبا تشترك انا وافقت على اخذك لهولندا الكلاسيكية.
ارجو من الذين وافقو على المشاركة التاكيد على ذلك مرة اخرى وطبعا بعد قراءة الشروط.
للمعلومية مدة كل مباراة ستكون 5 دقائق.مسموح اخذ الفرق الكلاسيكية باستثناء فريق العالم ونجوم اوروبا.
والله الموفق

[mohammed111]

الرسالة الأصلية كتبت بواسطة firasalya
اهلا باخي CASH2000 وخلاص هولندا ليك.
اخ TORONTO راحت عليك.ترا امزح معاك لو تبا تشترك انا وافقت على اخذك لهولندا الكلاسيكية.
ارجو من الذين وافقو على المشاركة التاكيد على ذلك مرة اخرى وطبعا بعد قراءة الشروط.
للمعلومية مدة كل مباراة ستكون 5 دقائق.مسموح اخذ الفرق الكلاسيكية باستثناء فريق العالم ونجوم اوروبا.
والله الموفق
خمس دقايق بس?:
اتمنى لو تزودها شوي
وانا موافق على الشروط
ايطاليا
بس ما قلتلنا وش اسم المحل

[R W]

ماينفع الجزء الثالث لانه مالعبت حتي الان بالسادس لانه مو فاضي

ياريت تزود المباراة 10 دقلئق وهذا شىء مهم

انا اختار البرازيل مع انني اكرههم

تري ولا مرة لعبت بالسادس

[real_man_1978]

طيب وانا معاكم وفريقي هو الألماني.

[الحلم الذهبي]

شباب هيا وين الدوري انا في جده ؟؟؟؟؟؟

انا بدخل بفريق هولندا واستعدوا للهزائم وجيبو معاكم مناديل

عشان دموع الفرح قصدي دموع الحزن:" :"

:D :D

اوه حتى هولندا اختاروه يالله اسبانيا

طيب ويش فيها لو لعب اثنين بنفس الفريق ؟؟؟؟؟

[المغوار]

عندي ملاحظة وهي على الوقت 5 دقايق ماتكفي..

ترى انا مو مشارك لاني مو في جدة..:": ?:

[hungry_wolf]

أنا مشارك بس ...

75 ريال :واو: ?: طيب اصبروا علي الشهر الي بعد الجي تكون جاتني ^__^

[firasalya]

هلا بجميع المشتركين
الان الفرق المحجوزة فرنسا والارجنتين(اتمنى التاكيد منهم) و ايطاليا واسبانيا والمانيا و انجلترا و البرازيل وهولندا.
وترا لسة في فرق قوية.
وما ينفع اتنين يا خذو نفس الفريق عشا بنلعب دوري.
ولا يهمكم وقت المباراة صار 10 دقائق.
وترا يا اخ محمد المحل اسمه ركن والعاب الكومبيوتر .انا اقلكم في بالظبط لما احدد يوم المباراة.

[firasalya]

بعد تفكير عميق قررت
ان يختار كل لاعب الفريق اللي يبا.حتى لو تكرر.وانا بغير طريقة تنظيم الدوري.هذا الشي بتعبني اكتر.بس ولا يهمكم تكرم عيونكم يا شباب.اللي يبا يشترك يقول انه موافق على الشروط ومو لازم يحدد فريق.واللي حدد ويبا يغير ما يهم لا يغيره هنا يوم الدوري يحدد الفريق اللي يبا.
مع خالص الشكر.

[firasalya]

في نقطتين ابا اقلكم عليها هي.
بالنسبة لجائزة هداف الدوري ستصبح للفريق الذي احرز اكبر عدد من الاهداف بغض النظر عن من سجلهم.
وبالنسبة لجائزة احسن لاعب ستصبح جائزة احسن خارس.وهي ستكون بقسمة عدد الاهداف على عدد المباريات.يعني فريق دخل في 5 في عشر مباريات مثلا وفريق دخل فيه 4 اهداف في 4 مباريات يصبح من دخل عليه 5 هو من يستحف احسن حارس لان المعدل يكون ان في كل مبارا يدخل في نص هدف اما الاخر يدخل فيه في كل مباراة هدف.
سامحوني لو اطلت.

[abademax]

الرسالة الأصلية كتبت بواسطة firasalya
والمكان في حي الصفا قدام الفاو .بجانب ميدا الدراجة.بس لا تيجي بالدباب.صوتو يزعجني;-) .والله الموفق.


تستهبل ..

ايش دخل حي الصفا .. بدوار الدراجة والفاو

[abademax]

الرسالة الأصلية كتبت بواسطة firasalya
للمعلومية مدة كل مباراة ستكون 5 دقائق.مسموح اخذ الفرق الكلاسيكية باستثناء فريق العالم ونجوم اوروبا.
والله الموفق



هههههههههه

في دوري مدة مبارياته خمسه دقايق .. يشيييييييييييييييخ

[TORONTO]

سلام
اخترت فريق هولندا الكلاسيكيه....
وشكرا:o

[firasalya]

اولا اهلا بالاخ تورانتو خلاص هولندا الكلاسيكية لك.
المهم اخabademax انا بحافظ على ادبي لانو كدا اخلاقي.
شف انا قصدي انه عند ميدان الدراجة قدام الفاو اعتقد هذا شي واضح.لخبط في اسم الحي انا متعود علي كذا اسفين.ليش الاسلوب البايخ والمالو داعي هذا.ما تبا تشترك لا تشترك بس لا تسوي تدخلات من غير طعم.وبالنسبة لعدد الدقائق يا اخي في عندك 16 لاعب .كم تباني احطها.وفي النهاية برضو خليتها 10.شف الموضوع كويس بعدين اهرج.

[CASH2000]

والله كثر الله خيرك أخوي firasalya إنك خليتنا نختار المنتخبات الي نبغاها ...و أنا بمنتخبي المفضل إنشاء الله فــرنــســا أوووكي ...و يا حبيبي مالك في عبادي ماكس هذا أصلاً حتى لو أشترك راح يطلع الأخييييير :cool: ((مزحة يا عبودي لا تحقد)) ...و ترى شغلة ال5 دقائق هذه مضحكة شوي :D بله عليك عمرك شفت أحد يلعب 5 دقائق ؟!!؟ المهم أفضل تكون 10 إنشاء الله عشان نقدر نعوض ,, ولا تنسى تبلغني على الخاص متى راح تقام البطولة و مكانها إقامتها...و السلام ختام ":"

[الحلم الذهبي]

طيب ويش رايك ياخوي تخلي المباريات على ايام متفرقة يعني مو في

يوم واحد كل المباريات !!!!

[mohammed111]

الرسالة الأصلية كتبت بواسطة الحلم الذهبي
طيب ويش رايك ياخوي تخلي المباريات على ايام متفرقة يعني مو في

يوم واحد كل المباريات !!!!
انا معك في النقطة هذي

[firasalya]

بس احنا اتفقنا انو في النهاية خلاص 10 دقائق ولا ما قريتو وش انا كاتب.
المهم الله يسامحكم تضحكون علي بعد هالتعب.
اخي الحلم الذهبي هي فكرة جيدة ولكن يمكن انت تلتزم بس مو الكل وحيكون فيها تعب على انك تيجي كل ما يكون لك مباراة وكمان لما نخلصها بيوم واحد يكون لها متعة وجماهير مليانو وحماس.
عموما لما نخلص هذا التحدي يسير خير ويمكن نسوي تحدي تاني ويكون طويل.على ايام يعني.
واخوي في اسباب اخرى ما اقدر اقولها.
ولك مني خالص الشكر.

[abademax]

ستقام انشالله بطولة كبرى بمدينة جده .. سأوافيكم قريباً بشروطها وجوائزها .. على العموم مايميز هذه البطولة انها غير تجارية بمعنى انها بدون رسوم وستقام بمنزل أحد الاعضاء الذي تكفل بالمكان .
انتظروا الشروط قريباً في المنتدى ..

وبيني وبينك ..
حبيبي اسمحلي اقلك ان الشغلة سرقة ..
لأن مافي بطولة تقام وتنتهي في يوم واحد .. قلي انها عشان الــ 75 ريال .. الا اذا مزنوقين في فلوس السفر ..:D

قال ايش عند دوار الدراجة في حي الصفا ( حتى الظاهر انك منت من جده ) :D

تحياتي

[rose45]

انا بشارك بى المانيا

[rose45]

خلاص غيرنا يكرانيا

[CASH2000]

الرسالة الأصلية كتبت بواسطة abademax
ستقام انشالله بطولة كبرى بمدينة جده .. سأوافيكم قريباً بشروطها وجوائزها .. على العموم مايميز هذه البطولة انها غير تجارية بمعنى انها بدون رسوم وستقام بمنزل أحد الاعضاء الذي تكفل بالمكان .
انتظروا الشروط قريباً في المنتدى ..

وبيني وبينك ..
حبيبي اسمحلي اقلك ان الشغلة سرقة ..
لأن مافي بطولة تقام وتنتهي في يوم واحد .. قلي انها عشان الــ 75 ريال .. الا اذا مزنوقين في فلوس السفر ..:D

قال ايش عند دوار الدراجة في حي الصفا ( حتى الظاهر انك منت من جده ) :D

تحياتي

------------------------------------------------------
هههههههههههههههه حلوة هذه بطولة U.P.L و ميييين الي منضمها مجموعة من الشباب الي ما في روصهم لعب يعني من جمبها أغلبهم و فين كمان في بيت يعني سلملي على الجماهير الي راح تملي المدرجات و أيش كمان مافي كراسي الجلوس على الأرض و فوق هذا كله و على بالهم بطولة كبرى على قولتهم لا قولو عالمية كمان قال صفوة قال ههههههههه والله لو تشوفون التلفزيون بسسسس تضحكووووون ما أدري كم بطوصة يمكن نصص بوصة:D والله مرة صغير ...و هذا غير شغل الحشششش و التدخلات من عديمين الأخلاق ..يعني واحد ما تعرفه ولا يعرفك يجيك كذا من الباب للطاقة يقلك يا أهبل و ما في راصك و يا غبي و كلام من هذا القبيل ...لالا و أيش الجوائز درع أشتروه بلتعب كل واحد قاط من عنده مدري كم و أشتروه و كتبو عليه إسم البطولة :6 و كأنهم راح يستفيدو شيء من ورى هذا التعب كله و الإهتمام ...والله فشالة ..أقول أخوي firasalya ما عليك من ببسي ماكس هذا ((إسم الدلع يا عبادي)) ..أنت بطولتك أفضل من بطولتهم 100000000000 مرة ..يعني لا يغرك كلامو تراه من جمبها ...سلمممم لمممم:cool:

[mohammed111]

الرسالة الأصلية كتبت بواسطة abademax
ستقام انشالله بطولة كبرى بمدينة جده .. سأوافيكم قريباً بشروطها وجوائزها .. على العموم مايميز هذه البطولة انها غير تجارية بمعنى انها بدون رسوم وستقام بمنزل أحد الاعضاء الذي تكفل بالمكان .
انتظروا الشروط قريباً في المنتدى ..

وبيني وبينك ..
حبيبي اسمحلي اقلك ان الشغلة سرقة ..
لأن مافي بطولة تقام وتنتهي في يوم واحد .. قلي انها عشان الــ 75 ريال .. الا اذا مزنوقين في فلوس السفر ..:D

قال ايش عند دوار الدراجة في حي الصفا ( حتى الظاهر انك منت من جده ) :D

تحياتي
بطولات البيوت اكرهها لأن 100% بيكون فيها عنصرية
واسأل مجرب

[abademax]

الرسالة الأصلية كتبت بواسطة CASH2000


------------------------------------------------------
هههههههههههههههه حلوة هذه بطولة U.P.L و ميييين الي منضمها مجموعة من الشباب الي ما في روصهم لعب يعني من جمبها أغلبهم و فين كمان في بيت يعني سلملي على الجماهير الي راح تملي المدرجات و أيش كمان مافي كراسي الجلوس على الأرض و فوق هذا كله و على بالهم بطولة كبرى على قولتهم لا قولو عالمية كمان قال صفوة قال ههههههههه والله لو تشوفون التلفزيون بسسسس تضحكووووون ما أدري كم بطوصة يمكن نصص بوصة:D والله مرة صغير ...و هذا غير شغل الحشششش و التدخلات من عديمين الأخلاق ..يعني واحد ما تعرفه ولا يعرفك يجيك كذا من الباب للطاقة يقلك يا أهبل و ما في راصك و يا غبي و كلام من هذا القبيل ...لالا و أيش الجوائز درع أشتروه بلتعب كل واحد قاط من عنده مدري كم و أشتروه و كتبو عليه إسم البطولة :6 و كأنهم راح يستفيدو شيء من ورى هذا التعب كله و الإهتمام ...والله فشالة ..أقول أخوي firasalya ما عليك من ببسي ماكس هذا ((إسم الدلع يا عبادي)) ..أنت بطولتك أفضل من بطولتهم 100000000000 مرة ..يعني لا يغرك كلامو تراه من جمبها ...سلمممم لمممم:cool:





معك حق تقول اللي تبيه من يوم ماهزؤك الشباب ذاك اليوم لأن مستوى أقل واحد فيهم افضل منك بمراحل ، وانت اكثر واحد تعرف ماضيك السئ معي .. وسلملي على يحي ( عمره 14 سنه وجالس يرقع فيك هزايم )

اما بخصوص البيت والجلوس على الأرض فهذا كلام غير واقعي .. كمان تحمد ربك ان نحن مابناخذ فلوس لأن احنا محنا محتاجين فلوس منك والمسألة مش مسألة فلوس .. المسألة يالحبيب كاش ان بطولة U.B.L يكفيها أنها بتظم أفضل لاعبي WE6 بمدينة جده ومش اي واحد يقدر يشترك فيها .. لأن هناك TEST لأي واحد يحب يشارك فيها عشان نشوف مستواة ولأن اللجنة المنظمة لاتريد سوى أفضل المشتركين ..

الما التلفزيون ياحبيب .. مواصفاته
29 بوصه .. ديجيتال SAMSONG اخر موديل وأزيدك من الشعر بيت توه نازل السوق ..
اما بخصوص الحش .. فأنت تعرف مين بدى .. لأن الشباب اللي عندي في قمة الاحترام وانت عارف ذا الشي .. وانا اعرف اللي خلاك تقول ذا الكلام .. وذاك اليوم بالتحديد اللي جيت عند الشباب ولعبت مع الأخ ريان وجلست تحشه لأنه يلعب بأسبانيا وانت بفرنسا وقلت له انت مافراسك وبصقعك انت وفريقك .. لكن بعد المباراة وبعد ما رقعك .. زعلت .. وبعدين ريان انت تعرفه ... سبحان الله ذحين ماتعرفه .. ?: صحبه اخر زمن ..

اما بخصوص الجائزة اعتقد انها عينية افضل من 200 ريال .. لأن محد محتاج فلوس .. وكلاً يرى الناس بعين طبعه ..

والله يرحم لمن كنت تقلي خلي مبارياتي اول المباريات لأن مقدر اتأخر عن الساعة 12 عشان ابوي .. الآن صرت ماتبي تشترك لأن مافي أمل انك تفوز حتى لو في المباراة الأولى ..

والحق على اللي اتوسطت لك عند الشباب عشان تشارك ..لأنهم كانوا معترضين على مستواك ..

على العموم خليتني اقول كلام ماله داعي .. الله يسامحك

لكن انا كان اعتراضي على اي دوري يستخدم بصورة انتهازية للمشتركين ويبتز فلوسهم ..
واذا كان التنظيم من الان بالصورة ذي في الدوري اللي قاعد تدافع عنه .. ياحبيبي احب اقلك بالعافيه عليك ..


لحظه :

75*16= 1200 ريال
والجوائز كلها ماتجي 500 ريال

خمس دقايق ... وبحب الخشوم غيرها لعشر دقايق
المنتخبات محجوزة .. وبحب الخشوم غيرها


تحياتي

[فرتاج]

السنغال

[firasalya]

انا ابا اخذ فلوس ما بقلك مين انا عشان لا يقول احد اني شايف نفسي.
وشكلك حتى راسب في الرياضيات.الجوائز ب 500 ريال ه.طيب احسب ولا اقول انا احسب.
250+200+150+100+100=800 ريال
المحل بياخذ 250
يعني 800+250 =1050 ريال(ترا اتفاقي مع المحل غير القعدة وحجز المكان المشاريب كلها على حسابه)
1200-1050=150 انا كمنظم ما بدفع(صراحة)هذا هو على الاقل حث التنظيم.وبيبق 75 هذي عشان لو واحد ما جا.(احتياط)
الحمد لله انو الاعضاء كلهم عاجبهم الدوري حقي.انت وش قاهرك.دوري في البيت ها.كثر منها.
شكلك ما تعرف شي في الرياضيات يعني شكلك جاهل فلو سمحت لا تتكلم مع الاكبر من مستواك.
وكل من اشترك يا هلا فيه.
والله ما كنت برد لولا انك غلط في الاخ كاش.الرجال بكلك باخترام وباسلوب مزح.عموما انا عارف انك قهران بس ما ادري لي .ها شوف الحسابات كويس وبتعرف اني ما باخذ ولا ريال لانو ولله الحمد مو محتاج.بس ما بدفع انا 75 لاني منظم.

[abademax]

الرسالة الأصلية كتبت بواسطة firasalya
انا ابا اخذ فلوس ما بقلك مين انا عشان لا يقول احد اني شايف نفسي.
وشكلك حتى راسب في الرياضيات.الجوائز ب 500 ريال ه.طيب احسب ولا اقول انا احسب.
250+200+150+100+100=800 ريال
المحل بياخذ 250
يعني 800+250 =1050 ريال(ترا اتفاقي مع المحل غير القعدة وحجز المكان المشاريب كلها على حسابه)
1200-1050=150 انا كمنظم ما بدفع(صراحة)هذا هو على الاقل حث التنظيم.وبيبق 75 هذي عشان لو واحد ما جا.(احتياط)
الحمد لله انو الاعضاء كلهم عاجبهم الدوري حقي.انت وش قاهرك.دوري في البيت ها.كثر منها.
شكلك ما تعرف شي في الرياضيات يعني شكلك جاهل فلو سمحت لا تتكلم مع الاكبر من مستواك.
وكل من اشترك يا هلا فيه.
والله ما كنت برد لولا انك غلط في الاخ كاش.الرجال بكلك باخترام وباسلوب مزح.عموما انا عارف انك قهران بس ما ادري لي .ها شوف الحسابات كويس وبتعرف اني ما باخذ ولا ريال لانو ولله الحمد مو محتاج.بس ما بدفع انا 75 لاني منظم.


يامحامي ..
كاش اعرفه معرفه شخصية .. و خلك من المستوى .. انا ادري ان مستواك في العالي .. الله يخليك لأهلك ..
على فكره يا نور عيني .. ترى في فرق بين حي الصفا ومركز الفاو .. لكن معك حق انك ماتعرف جده لأن يوم واحد في الاسبوع مايكفي .. :D

[firasalya]

الله يسامحك صحيح ولله الحمد اهلي من عيلة جيدة.بس هذا مو معنا اني مدلع.قلنا لك لخبطنا.ترا حي الصفا انك تدخل من دوار الدراجة يسار لغاية ما تلاقي ميدان الطيارة.قلتلك لخبط فلا تكون كدا زي واحد يبا يخبص باي طريقة.وانا برضو اللي اطلع مرة وحدة تراني ما اقعد في البيت الا يوم الجمعة عشا الاهل يكونو عندنا.
والله شكلك مقهور صح.
ومن البداية انا عارف انو انت والاخ كاش اصدقاء وانا مو محامي انا بس ما ابغاك تحش واحد بموضوعي هذا.لى الاقل من ناحية الاخترام.

[rose45]

يا شباب الهدف المسابقه مو المضاربا ممكن نهد العب شوي
انا اخترت يكرانيا هل حتشركونى

[firasalya]

والله اخي كلام صح بس انا ساكت من الاول.عموما ان شاء الله تاني مرة ما برد.المهم
يوم الاحد(بعد بكرة)سيكون يوم المنافسات
نعم وستبدا المنافسات من الساعة السادسة والنصف لذا يجب ان يتواجد الجميع من الساعة السادسة تماما.لتنظيم الدوري.
ارجو الان من كل المشتركين ان يؤكدو الاشتراك بعد معرفتهم للموعد.
وارجو من الجميع عدم التاخر عن الساعة السادسة.ليسهل التنظيم.هذا رجائي.التاخر سيعيق خلاوة هذه المسابقة.
ولكم مني خالص الشكر.

[CASH2000]

أنا أأكد مشاركتي في البطولة أخوي firasalya...
الإسم:CASH2000
المنتخب:فــرنــسـا
.:.و بلتوفيق للجميع إنشاء الله.:.
:cool:

[golden_sky]

اقووووووووووووول طيب لو واحد خسر يعني يروح سلام سلام :D

اممممممممم طيب الي ما يبغى ياكل ولا يشرب <<== قحروطي

:D

لا عادي انشاء الله اجي بس شباب بالله خفوا علي هه مو ترقعوني 10- صفر

وكمان اعطينا موعد تقريبي للمباراة عشان نتدرب

وكمان اتفقوا على كمرة مناسبة انا العب wide الي قبل تي في

[CASH2000]

:": نعم صحيح أخوي firasalya ما نضام الكاميرات في البطولة هل هناك كاميرا محددة للبطولة لكي لا تحدث مشاكل بين اللاعبين ؟؟
أنا نتعود على الكاميرا FAR+لفها إلى الدرجة 9..لكني أستطيع أن العب بهذه الكاميرات FAR على أي درجة-WIDE على أي درجة TV على أي درجة ...أتمنى أنك تقلي على الكاميرا المحددة أخوي firasalya عشان على الأقل أتمرن عليها قبل بدء البطولة ..تحياتي:cool:

[firasalya]

الكاميرا هي اللي فوق ال tv وهي بعيدة نوعا ما.
لانو اللي بيلعب بالقريب يمكن بسرعة يتوعد على البعيد لانه يكشف الملعب.
اما العكس صعب.
وهذي هي الشاشة الرئيسية للدوري.
ولكن اذا اتفق الطرفان على شاشة معينة يمكن للطرفان التغيير واذا لم يتم اتفاق تعود للشاشة اللي فوق ال tv
وطبعا اخوي لو واحد خسر ما يروح سلام سلام.اول في تصفيات وبيطلع منها 8 وبعدين خروج المغلوب.
وبالنسبة للوقت انا قلت انه يوم الاحد الساعة السادسة يكون التواحد والسادسة والنصف يبدا اللعب.
ولكم خالص الشكر.
المؤكدين اشتراكهم الى الان فقط 3 اللي ما اكد لازم ياكد وانا مع المؤكدين نسير 4.وفي 4 يبو يشاركو من خارج المنتدى.نسير 8.
يا شباب بسرعة تاكيد الاشتراك ترا ما في وقت.

[TORONTO]

سلام
أنا أكيد جاي وفريقي هولندا الكلاسيكيه ومعاي واحد فريقه فرنسا.
لكن الي ينهزم يطلع برا من اول مباراه وهو دافع 75 ريال.ممكن التوضيح.
وشكرا.

[hungry_wolf]

طيب ياهو أخروا المسابقة كمان حبتين خلونا نتدرب عشان ما نترقع :D

وانا اتفق معاكم ودي كميرة وايد زي ما قال الاخ الي قبل قبل الاخير

[CASH2000]

أخوي firasalya سجل عندك إسم cute_boy و هو عضو في المنتدى لكنه ليس فعال و هو صديقي و يلعب بلمنتخب الإيطالي...لدي ملاحظة بسيطة أخوي firasalya الأن و بعد السماح لكل مشترك بأخذ المنتخب الذي يريده ألا ترى أنه من الأفضل أن تلغي إختيار المنتخبات الكلاسيكية لأنها و بأمانية قوية جداً و كأنها فريق ماسترليج...يعني أنا أفضل أنه كل المشتركين يختاريون من المنتخبات الحالية عشان الي يحقق البطولة يكون فعلاً حققها بجدارة أنه الي يأخذ فريق كلاسيكي ما راح يواجه صعوبات كبيرة في التغلب على منتخب حالي بحكم وجود لاعبين خارقين في هذه المنتخبات القديمة مثل مرادونا-بيلي-فان باستن-كرويف-خوليت-زيكو...أيش رأيك :!

[الكسندر قويحص]

مع احترامي لكل من ساهم بهذا الموضوع او كتب فيه











دوريكم ما ادري وش يبي مافيه عدل يعني لو واحد اخذ فرنسا وهو ازلابه اكيد بيفوز على الي ماخذ السعوديه حتى لو كان الي اخترع السوني بنفسه ياشيخ لو نجيب السعوديه صدق يلعبون مع البرازيل كمبيوتر مافازو السعوديه تبي واحد مسكين يفوز على واحد معه البرازيل ياعمي حلق(يعني طير)

[hungry_wolf]

اقول قويحص لو كنا نلعب في 2000 كان اختار السعودية وهم يختاروا نجوم العالم اشخمط لك هما شخمطة بالسعودية

اللاعب الي يمسك اليد له دور

[firasalya]

ما تختار السعودية خذ فرنسا.انت اختار المنتحب الي تباه.
اخوي كاش كلامك صخ وانا بتفاهم مع الاخ تورانتو.
وزي ما قلت يا شباب اللي ينهزم ما يطلع.اول شي في تصفيات.يعني كل مجموعة فيها اربع فرق بيتاهل 2.يعني لو خسرت ما بتخرج على طول.
الخين صار عدد المشتركين من المنتدى 7مشاركين.
بالنسبة للي طلب التاخير .صدقني صعبة اخوي بس ادرب من الحين لانو لو نجحت الفكرة يمكن نعيدها ثاني.

[firasalya]

الكل يعرف ميدان الدراجة طبعا هناك في الفاو.اوقف عنده وخل ظهرك للفاو وطل قدامك كويس بتلاقي محل مكتوب عليه ركن والعاب الكمبيوتر.
وان برسل واحد هناك يشوف لو في واحد بدور على محل وبيساله اش يبي ولو قلو الدوري حق فراس بوصلك وبكون الشخص ماسك فانيلة المانيا ومكتوب على ظهرها firas.
اتمنى انو كدا يكون تمام.

[Kubaj]

وييييين اجل لو ما بقى لواحد الا منتخب الصين وش بيسوي ؟؟

اقسم بالله ما يحرك كوره خصوصا بالجزء هذا :o

[I`m HeRe]

الرسالة الأصلية كتبت بواسطة king_kubaj
وييييين اجل لو ما بقى لواحد الا منتخب الصين وش بيسوي ؟؟

اقسم بالله ما يحرك كوره خصوصا بالجزء هذا :o

من جد:D

[firasalya]

ان مسموح تكرار المنتحبات.وكل شوي يجي واحد مو قارء الموضوع يكتب نفس الشي.اقرئو كل الموضوع بعدين اتكلمو.

[golden_sky]

يعني بكرة انشاء الله ؟
وهو كذلك بس أخ firasalya

ياريت تحط صورة توضيحية لاني مضيع في الشوارع :D يعني بعد اذنك او توصف المكان بالتمام أو ... تعطيني مسنجرك نتفاهم ^__^

وحدة من ثلاثة <<=== شحاط ويتشرط :6

[mohammed111]

اتمنى لو يكون الوقت بعد صلاة العصر
عشان يكون فيه متسع
الساعة السادسة بيقطعنا وقت الصلاة

[Snake Eyes]

أنا باشوف لانه المكان بعيد عليا
بس اذا باشترك حاخد هولندا

[الكسندر قويحص]

بدون زعل



اكيد بدون زعل















قلت لاتزعلون










والله لو تفحطون ماتغطون على دورينا في كوكب الرياضه

[abademax]

الرسالة الأصلية كتبت بواسطة قويحص_الخبل
بدون زعل



اكيد بدون زعل















قلت لاتزعلون










والله لو تفحطون ماتغطون على دورينا في كوكب الرياضه



:D

[golden_sky]

^__^ قويحص

بس احنا محنا ناويين نغطي عليه ..

هو مجرد دوري نشوف منه حراريف الدوري اليابان والتنابلة الي زي :D يطوروا نفسم


هذا هو

[real_man_1978]

انا معاكم وفريقي هو هولندا.

[TORONTO]

السلام عليكم...........
بم أني الوحيد الي أخذت فريق كلاسيكي فانا مضطر لتغيير الفريق الى فرنسا او انجلترا.
وشكرا.;)

[firasalya]

خذ الماسنجر اشرحلك فيه احسن
firasalya@hotmail.com
اخ محمد111 كدا كدا احنا ما بكفينا ساعة ولا اتنين.واحنا وقت الصلاة ما حنطلع وبنكمل الدوري.اقولك صاحب المحل صديقي.
واخ محمد هل انت مشترك اكيد ولا لا عشان احسبك.وسامحني ما اقدر اغير الوقت.
واخ تورانتو والله انك كبير فعلا.
وهلا فيك اخ real_man_1978
ويا اخوان والله ما نبا نغطي على الدوري حقكم ولا شي .مجرد دوري اخر خاص فينا.

[المغوار]

والله حرام عليك تترك الصلاة علشان دوري:غضب: ...

والله من جد مامزح الصلاة اهم....


حلوة ذي اترك صلاة ربي علشان دوري:!

[CASH2000]

يا المغوار إذا تبي تصلي صليي محد قالك لا تصلي :-)

[firasalya]

انا ما قلت ماحنصلي انا قلت انو اثناء الصلاة حنقعد في المحل يعني صلي جو المحل مافي احد بمنعك.
ويا شباب اللي يبا يشارك يقول ترا اخر موعد هو الساعة الثانية عشر ظهرا غدا.

[المغوار]

الرسالة الأصلية كتبت بواسطة firasalya
انا ما قلت ماحنصلي انا قلت انو اثناء الصلاة حنقعد في المحل يعني صلي جو المحل مافي احد بمنعك.
ويا شباب اللي يبا يشارك يقول ترا اخر موعد هو الساعة الثانية عشر ظهرا غدا.

انا كنت احسب انكم ماراح تصلون..

[ريو هازاكي]

انا مشترك بفرنسا بس تاخرت لا تنسوني اوكييييييييييييه .:D :D

[ريو هازاكي]

يا مراقب يا كاش ويش فيك فرنسا فريقي معليش والله حجزتو من البداية شوف الصفحة الاولى من الموضوع وانت تعرف انا بكرة جاي وحدفع الفلوس وحشترك :
اسمي : محمد (ريو هازاكي)الكنية
فريقي : فرنسا والنعم .
انا الحين بادرب وراح اكسر روسكم :) :) :) :6 :6 :6

[firasalya]

اخي ريو هازاكي هلا بيك.وخلاص انت معنا وبفرنسا.انا قلت انو تكرار المنتخبات عادي.
بس لا تنسا تيجي في الموعد.

[firasalya]

الان ساضع اسماء المشتركين.وكل من لم يجد اسمه يعرف انو مو مشترك ولو يبا يشترك يا هلا.
1-firasalya
2-كاش 2000
3-cute_boy صديق كاش
4-تورانتو
5-صديق تورانتو والله مو عارف اسمه.
6-golden_sky
7-rose45
8-real_man_1978
9-فرتاج(اتمنى التاكيد من هذا العضو بالذات لانه لم يكتب الا رسالة واحدة.)
10-ريوهازاكي
11-SNAKEeyeS (مو اكيد واتمنى ان ياكد اذا اراد)
يا شباب بقي 5 اماكن فاضية.من يبا يشترك يلحق قبل فوات الاوان.وفي اعضاء اشتركو من البداية ولم ياكدو هؤلاء لم احسبهم فارجو ان ياكدو.

[ريو هازاكي]

طيب المحل عند الفاو صح وين ؟؟؟؟؟؟؟؟؟؟؟؟؟؟
والدوري كله في يوم واحد .؟؟؟؟؟؟؟؟؟؟؟ ما صارت والله اسمحلي يا firasalya بس اذا انت مرتب لكل شي ...!!!
والمباراة كم دقيقة ............؟؟؟
وفي اي جزء راح نلعب ...........؟؟؟



:) :) :) :) :) :)

[firasalya]

اخوي ريو هازاكي كل اسئلتك تلاقي الردود حقها بالموضوع .بس ولا يهمك.
الدوري فعلا كله في يوم واحد.وما تخاف انا منظم كل شي.وبكرة بنفسك بتشوف.والحماس حيكون100%.ان شاء الله.
وطبعا هو البلاي ستيشن 2 الجرء السادس6 ومدة المباراة عشر دقائق.
المحل مو في الفاو.انت روح الفاو وخلي على ظهرك وطول قدامك كويس بتشوف المحل وهو بعد ما تقطع الشارعين البين المحل وبين الفاو.واسم المحل ركن والعاب الكمبيوتر.
وعموما لو خايف تضيع بكون عند الفاو واحد ماسك فانيلة المانيا مكتوب عليها firas اسئلو وبدلك على طول.
كل شي مرتب.ما يهمك.بس ادعيلي بالتوفيق.

[ريو هازاكي]

الله يوفقك :
:) :)
انا امكن ما راح اشترك .........:(
بس باجي اتفرج واتعرف ............................!!!
:) :) :)

[firasalya]

يا هلا بيك اخوي متفرج.وبالمرة نتعرف.
يا شباب بقي 6 مقاعد فاضية.
اللي يبا يشارك يقول.بسرعة.

[ريو هازاكي]

لا عندنا في جده انسى فيه :








































بيرة بدنجان .....

[golden_sky]

شباب رح يجونا ضيوف ما احتمال ما اقدر اجي :" بس عاد اشوف اكلمهم يجوا معايا :D إذا راضيوا .. معليش ؟

[firasalya]

والله شباب كان عدد المشتركين تمام الحين بينقص بينقص.
والله كدا ما يسير المهم.يا ريت يا شباب تختارو اما التاجيل ولو وافق المشتركين على التاجيل اسير انا اجيب لاعبين من برة المنتدى مع اللي يبا يشترك من المنتدى.
او ما الالغاء.
ويا شباب انا مالي ذنب انتو شايفين كل شوي واحد بينسحب.مابقي الا 8 اكيد فقط.يعني النص.ولو تبون ضروري بكرة اعرفو ان الجوائز تتخفض للنص.انتو شفتو حساباتي كلها مظبوطة.بس والله اش اقول.عموما بكيفكم انا مستني اشوف رايكم.وانا اسف للبعض لانهم كانو فعلا يبو يشاركو.ولكن البعض الاخر مع احترامي له خبصها ولكن لا يلام فلكل شخص ظروفه.اتمنى الموافقة على التاجيل.
فهو الافضل.
ففي فترة لن تتجاوز ال4 ايام اكون كملت العدد حتى لو بس اشترك واحد من المنتدى.واسفي الشديد للاخ كاش وتورانتو واتمنى اسمع رايهم لانو اهم راي هندي.وطبعا راي بقية الاعضاء.

[CASH2000]

هلا أخوي firasalya...شوف يا حبيبي لو تبي تأجل أنت حرر بس أنتضر شوي حتى الساعة 12 الضهر اليوم ....أنا راح أحاول أني أبلغ الشباب في we4arab الي من جدة ...و إنشاء الله راح يسجلون أسماأهم لكن لو ما أكتمل العدد قبل الساعة 12 أنتضر ساعة كمان أو ساعة و نص يعني حتى الساعة 1:30 بعدين حط رد و قول البطولة أتأجلت يا شباب لعدم إكتمال العدد المطلوب من المشاركيين .....لكن أخوي firasalya لو تبيني أجيك اليوم و العب ضدك تحدي أنا موجود :)

[firasalya]

والله اخ كاش انت احرجتني
وانا موافق على رايك حستنى للساعة1.5
وبعدين لو ما اكتمل العدد حعلن التاجيل.
وانا طبعا موافق العب معاك هناك كم مباراة ودية.
عموما بعد الساعة 1.5 بينعرف كل شي.
والله احرجتني اخي على هذي الاخلاق التي تمتلكها.
وانا مستني الساعة 1.5

[رونالدو رو]

انا ودي اشارك الاسم يحيى الفريق فرنسا

[firasalya]

اصبح عدد المشتركين 11
يا شباب بقي 5.
اللي يبا يشارك يقول.بسرعة.

[CASH2000]

أخوي firasalya لو كنت على الماسنجر أبي أكلمك لو سمحت إذا ما كان عندك مانع طبعاً...أنا عملتك add :)

[CASH2000]

وينكم يا شباب جدة يا جماعة ؟؟؟:واو:
شوفو أبي أنام أنا الحين و أبي أقوووم و ألقااا العدد مكتمل إنشاء الله OK ياله سلام:)

[abademax]

الرسالة الأصلية كتبت بواسطة firasalya
والله شباب كان عدد المشتركين تمام الحين بينقص بينقص.
والله كدا ما يسير المهم.يا ريت يا شباب تختارو اما التاجيل ولو وافق المشتركين على التاجيل اسير انا اجيب لاعبين من برة المنتدى مع اللي يبا يشترك من المنتدى.
او ما الالغاء.
ويا شباب انا مالي ذنب انتو شايفين كل شوي واحد بينسحب.مابقي الا 8 اكيد فقط.يعني النص.ولو تبون ضروري بكرة اعرفو ان الجوائز تتخفض للنص.انتو شفتو حساباتي كلها مظبوطة.بس والله اش اقول.عموما بكيفكم انا مستني اشوف رايكم.وانا اسف للبعض لانهم كانو فعلا يبو يشاركو.ولكن البعض الاخر مع احترامي له خبصها ولكن لا يلام فلكل شخص ظروفه.اتمنى الموافقة على التاجيل.
فهو الافضل.
ففي فترة لن تتجاوز ال4 ايام اكون كملت العدد حتى لو بس اشترك واحد من المنتدى.واسفي الشديد للاخ كاش وتورانتو واتمنى اسمع رايهم لانو اهم راي هندي.وطبعا راي بقية الاعضاء.

:D
:o
:(

[takuda]

مرحبا شباب

اول حاجه اعرفكم بنفسي
جمال .... 18 سنة
انا باشارك معاكم انشالله بنسبة 75%


وراضي بأي فريق يبقى العب بيه ..........


":"

[golden_sky]

:واو: جمال ماشاء الله عليك شكلك احتراف :D

امممممممممم والله خايف اقولكم نأجلها تقتلوني

افضل نأجل المباراة ليوم الثلاثاء:D

الاحد والاثنين ما اقدر ...

هذا هو :cool:

[firasalya]

قرر تاجيل البطولة الى يوم السبت القادم.استنادا الى راي الاعضاء.
اخ عبادي ماكس.تتشمت.الله يسامحك.

[رونالدو رو]

انا مااقدر اشارك :غضب: :غضب: :" :"

[رونالدو رو]

سوف اشارك امزح عليكم :! بس لاتنسوا تسجلوا اسمي
ويا اخ firasalya الفلوس اروح ادفعها للمحل ولا لك :!

[رونالدو رو]

انا راح اشارك
الاسم يحيـي ((رونالدو رو))) الكنية
المنتخب فرنسا;-)

بس لاتنسوا تسجلوا اسمي انا راح اجي 100%

والبطولة متى والساعة كم لكم


لاتنسوا راح اشارك يعني الان معانا

12 عضو خلاص لاتنسى ياfirasalya وياكاش انوا تسجلوا اسمي ;-) :0) :0)

[رونالدو رو]

لا تنسوا تسجلوني ارجوكم ودي اشارك :" :!

[mohammed111]

اسف شباب عندي ظروف هاليومين يمكن ما اشارك
على العموم اخ فراس
عندي اقتراح
تخلي التسجيل في المحل يعني اللي يبغى يشارك
يروح المحل ويسجل اسمه هناك ويدفع المبلغ او جزء منه
عشان تضمن انه يجي وتكون الصورة عندك واضحة
وشكرا

[firasalya]

اخي محمد مشكور على الاقتراح.
ويا شباب اللي يبا يشارك من يوم الثلاثاء يروح المحل ويدغع الاشتراك وبياخذ كرت فيه رقمه ويسجل بياناته كاملة.
اخر موعد للاشتراك هو يوم الخميس بالليل.
لا تنسو العدد فقط 16.لحقو.
يا شباب كل اللي يبا يشترك يروح المحل ويشترك هناك.
اليوم الاخوان كاش واصدقائه راحو المحل .اسالوهم كيف.ولعبنا كم تحدي ودي وما بنقلكم النتائج.(الفضايح)
عموما زي ما قلت اللي يبي يشترك يرةح المحل ويدفع الاشتراك ويا كارت فيه رقمه.وشكرا.واهم شي بكون في ورقة لازم يعبي البيانات اللي فيها.
والسلام اخوكم.
فراس.

[firasalya]

ولا يهمك اخوي انت حالة استثنائية.يعني تيجي جدة عشان المسابقة وتباني اردك مستحيل.وما بقلك تعال يوم الجمعة المحل على طول.انت مسموح لك ليوم المسابقة عشان بتكون راجع من السفر تعبان.بشرط ما تجيب في كل مباراة اكثر من خمسة اهداف.;-)
شباب giggs_11 حالة استثنائية.لانه بيجي من سفر.اما الباقين يوم الخميس اخر موعد والاشتراك يبدا من يوم الثلاثاء.

[hungry_wolf]

خلاص اعتمدتوني ؟

بس في موطن سؤال

مثلا لو واحد لعب بفرنسا انا انا العب له بالارجنتين <<== مثلا

طيب لو واحد لعب بهولندا هل اقدر اغير ؟
يعني العب بغير الاجنتين ؟

[CASH2000]

أخوي hungry_wolf يجب أن تحدد الفريق الذي سوف تدخل فيه البطولة في إستبيان التسجيل الذي يجب عليك تعبأته قبل الإشتراك ...و هو فريق واحد فقط ,,و الأمر راجع لمنضم البطولة السيد firasalya :) تحياتي

[firasalya]

شوف اخي انت من بكرة تقدر تاخذالاستمارة وتعبيها لو تبا تشترك.
ولكن يجب تحديد فريق واحد فقط..فهذا دوري.
والاستمارة ستكون في محل ركن والعاب الكمبيوتر الموضوف في الموضوع في احد الردود لي.
وعشان اعتمدك لازم تروح تسجل في المحل.وتعبي الاستمارة وتدفع حق الاشتراك.
للمعلومية يا شباب اضيفت جائزة للمركز الاول.
وهي كاس بس رهيييييييب.وهذه فكرة العضو كاش.وانا وافقت عليها.

[الكسندر قويحص]

انتم للحين ما اتفقتوا حنا نبي نخلص دورينا وانتو مابديتوا يارجال تعالو العبوا عندنا عين غطى وعين فراش وبيتي يستقبلكم بس الغداء والعشاء قطه:D

[firasalya]

وما تبا تعشينا تبانا نقط.طيب تعال دورينا وانا عازمك على العشا بس انت اللي تدفع.;)
المهم الى جميع من يريد الاشتراك في الدوري.من اليوم فتح باب التسجيل وسينتهي باب التسجيل يوم الخميس.
ترا المقاعد بس ل 16 لاعب.لحقو لكم مكان.
وشكرا.

[abademax]

الرسالة الأصلية كتبت بواسطة firasalya
وما تبا تعشينا تبانا نقط.طيب تعال دورينا وانا عازمك على العشا بس انت اللي تدفع.;)
المهم الى جميع من يريد الاشتراك في الدوري.من اليوم فتح باب التسجيل وسينتهي باب التسجيل يوم الخميس.
ترا المقاعد بس ل 16 لاعب.لحقو لكم مكان.
وشكرا.




:o

[D0WN~T0WN]

اقول المحل وينه بالضبط ؟؟ لاتدوخنا الله يعافيك

ومن بيعلق على المباريات:p

[firasalya]

ترا المحل وصفه سهل وترا في 6 من الاعضار راحو هناك بالفترة السابقة عموما.
مركز الفاو اللي جنب سوق النجار.تروح هناك (لمركز الفاو) وتخلي على ظهرك وتطل قدامك كويس بتلاقي صيدلية تطل على يمين الصيدلية تلاقي محل اسمه ركن والعاب الكمبيوتر.
ترا اللي يبا يشارك يروح يسجل بسرعة يا شباب.
مافي وقت بقي.

[golden_sky]

يا أخ firasalya أنا كنت أحسب التسجيل بالكلام هنا وجا يوم الخميس يعني أظف وجهي ?:

كمان إذا عادي اسجل بعد يوم الخميس اقدر اسجل يوم المباراة ؟

لانه مشو1111111ر الفاو يوم المباراة ارح هناك وادفع الرسوم حلو .؟

[firasalya]

في بعض الاعضاءكانو مشتركين وبعدين ما اشتركو بعد التاجيل.عموما لو احد يبا يشارك يقول ولو ما يبا بس يقلي السبب.
اخوي جولددن انت من المشاركين من المرة الاولى .لو بيتك بعيد تعال وشارك يوم البطولة بس تيجي قبل الموعد بربع ساعة.(ولا يهمك)
اخوي hungry_wolf انت قلت اعتمدوني بس مارحت المحل اشتركت ولا شفت تاكيدمنك.
ويا اخي mohammed111
هل حتشترك ولا لا وترى المسابقة يوم السبت.
ويا شباب ترى انا افضل انو يون المشتركين من المنتدى مو من المحل عشان كدا قاعد اصرف اللي في المحل بس انا واضع الاعلان عشان صاحب المحل عموما.نتمنى من المحترفين الاشتراك.ولا كلو خاف من كاش.

[golden_sky]

أجي قبلها بساعة ونص <<== حق قانوني ~__^

ونقول انشاء الله انشاء الله اجي

[BLACK TIGER]

شكلي ماراح ألحق الدوري:":

[real_man_1978]

الرسالة الأصلية كتبت بواسطة firasalya
.ولا كلو خاف من كاش.

هذه حلوة الصرااااااااااحة أنا مرعوب من كاش 2000 الله يستر :6

[crash3000]

في مكان ولا خلاص؟؟؟؟



اذا في مكان أحجزلي باسم silver منتخب ايطاليا

[firasalya]

اخوي جولدن سكاي خلاص انت معانا .وطبعا حق قانوني(فاهمك)
اخوي BLACK TIGER لي شكلك ما بتلحق لسة في اماكن.ولو تبا تشارك قلي .يا هلا فيك.
اخوي crash3000 طبعا في مكان.وبما اني لاحظت انو تعب على الاعضاء يروحو المحل انا بروح وبسجل جولدن سكاي وكراش 3000 (سيلفر) بس لازم تيجو اكيد ان شاء الله.
اخوي ريل مان طبعا الكل خايف من كراش الا انت(ترا شباب ما اقدر ازعلو ترا هزمني ؟؟؟؟؟؟ )

[TORONTO]

حتى انا هزمتك يا فراس.
بلاش نقول النتيجه أخاف يبطلون يجو الدوري.;)
,انا أتحداك ياريل مان.وابغى أجي في مجموعتك لأني سمعت عنك كثير.
سلام

[firasalya]

سمعت عن شي يسمى بالتظاهر امام المنافس بالضعف عشان المفاجئة يوم الحسم.انا بطبقها معاك.
يعني لو صار نصيب وتلاقينا بالدوري يسير خير ووقتها الفايز يتكلم.وولا يهمك انت في مجموعة ريل مان.انت الجاني على نفسك.

[TORONTO]

صحيح أنا سمعت بالكلام ألي تقوله لكن موبالشكل ذا {نتيجه فضيحه بعيد عنكم يا شباب}.
لكن لكل حادث حديث .
والميدان ياحميدان
:0)

[firasalya]

يا شباب اي واحد يبا يشوف المحل او يستفسر عن قرب.انا بكون في المحل من الساعة السادسة(ترى اليوم خميس) الى الساعة الحادية عشر.
ولكم خالص الشكر.وترى الاخ تورانتو جاي.وكمان رونالدو رو.واللي يبا يجي يا هلا.ولو يبا يلعب ودي برضو يا هلا.

[BLACK TIGER]

متى يبدأ الدوري بالضبط؟ ومشكور أخوي على المساعده;)

[alawax]

السلام عليكم ورحمة الله وبركاته

أرجوكم شوفولي مكان بينكم

والله من زمان وانا ادور على هذا الدوري

ارجوكم لا تنسوني


انا alawax

فريقي الارجنتين-فرنسا-اسبانيا-ايطاليا-البرتغال-البرازيل الكلاسيك


أي واحد من هذي الفرق انا ما عندي مانع


ارجوكم لا تفوتوا عليه هذي الفرصة





مع تحيات
alawax

[mohammed111]

الرسالة الأصلية كتبت بواسطة firasalya
في بعض الاعضاءكانو مشتركين وبعدين ما اشتركو بعد التاجيل.عموما لو احد يبا يشارك يقول ولو ما يبا بس يقلي السبب.
اخوي جولددن انت من المشاركين من المرة الاولى .لو بيتك بعيد تعال وشارك يوم البطولة بس تيجي قبل الموعد بربع ساعة.(ولا يهمك)
اخوي hungry_wolf انت قلت اعتمدوني بس مارحت المحل اشتركت ولا شفت تاكيدمنك.
ويا اخي mohammed111
هل حتشترك ولا لا وترى المسابقة يوم السبت.
ويا شباب ترى انا افضل انو يون المشتركين من المنتدى مو من المحل عشان كدا قاعد اصرف اللي في المحل بس انا واضع الاعلان عشان صاحب المحل عموما.نتمنى من المحترفين الاشتراك.ولا كلو خاف من كاش.
للاسف اخوي :(
اكلمك الان من (ابهى) مكان":" ":"

[firasalya]

اخوي محمد ان شاء الله تكون ميسووط في ابها.وما صار الا الخير.
اخوي alawax ولا يهمك انت مشترك خلاص.واختار الفريق اللي تبا بس باستثناء الفرق الكلاسيكية.ولا تنسى انو يوم السبت المسابقة والحضور يكون الساعة الخامسة تماما.وا استفسار انا جاهز.
اخوي BLACK TIGER الدوري يبدا بكرة(السبت).
واي استفسار انا موجود.
وترا لسة في مقاعد فاضية.

[alawax]

شكرا أخوي firasalya لأنك اعطيتني فرصة للاشتراك

ألف ألف ألف شكر لك اليوم انا جاي اسجل

فريقي الارجنتين





مع تحيات
alawax

[firasalya]

وان شاء الله بتلقاني في المحل.ولو مالقيتني تلاقي العامل هناك قلو ابا اشترك.وهو يعطيك الاستمارة.بس بتلاقيني ان شاء الله.

[BLACK TIGER]

طيب بكره مباراة مين من أعضاء المنتدى:) ؟<=== لازم أشوفهم:p

[man9oori]

انا بشارك سجلني.........فرييييقي ايطاليا

[boy 2002]

طيب ممكن اشارك معاك ولو اني جاي متاخر ;) ;) ;)

ان كان في مجال قولولي ........

;-) ;-) ;-)

[boy 2002]

اذا في امكانية سجلني وفريقي (((((((نيجيريا)))))))

[firasalya]

يا هلا بيك اخوي man9oori.خلاص انت معنا.بايطاليا.بس لا تنسى تيجي اليوم الساعة 5 بالظبط..
ويا اخوي boy 2002 يا هلافيك.ما يهمك لسة منت متاخر.بس اهم شي تيجي الساعة 5 بالظبط..ونيجيريا لك ولو تبا اي منتخب ثاني عادي ترا.
وترا البطولة اليوم بتشوفوها انتم.رووووووعة.

[CASH2000]

مرحبا ...يا شباب ترى بقي محلين بسسسسس فألحقوووو :)

[Zidan Tribal]

احجز لي محل انا و ولد عمي
====
بس ممكن اعرف معلومات عن البطولة يعني الاشتراك و الجوائز

[BLACK TIGER]

الرسالة الأصلية كتبت بواسطة CASH2000
مرحبا ...يا شباب ترى بقي محلين بسسسسس فألحقوووو :)
بيجي كاش2000:واو:

وعد مني راح أجي;)

[golden_sky]

خلاص أنا جي انشاء الله وجهزت 75 بس مدري في واحد يقول إذا الجوائز من الي يلعبوا يعني ( قمار ) :! :!

مافي أحد يعرف كلامه صحيح ولا لا ؟ ( هو مهو متأكد من كلامه لسه )

[BLACK TIGER]

ياشيخ أتركك منه كان ينصب عليك:D :D

[golden_sky]

لا والله شباب مهو نصب ولا شيء

دحين أتأكدت من شيخ قال هذي قمار

والي ما يصدق يسأل شيوخ

وأتأكدوا بالاتصال بــ ( سنترال الافتاء ) :

4595555 / 4591977

وأسألوا إذا كان في دفعية يعني هذي قمار وهذا مهو كلامي

بس حبيت أوضح

[golden_sky]

ماشاء الله عليك أخ فراس الدوري مرتب تمام ... ما عدمه الا الاعضاء الي ما جو :D ( معليش :D )

وبالتوفيق للجميع وخاصة CASH2000 :cool: :cool:

[CASH2000]

السلام عليكم...أخواني عشاق WE6 لقد شاركت في بطولة ركن العاب الكمبيوتر التي ينضمها الصديق العزيز firasalya ...و مع الأسف الشديد خرجت من الدور الأول ?: نعم خرجت من الدور الأول يا شباب و بشكل غريب جداً فكان الجميع يخشاني لا أدري ما هو السبب و هذا أدى إلى أن جميع خصومي قدمو كل ما لديهم من طاقه للتغلب علي و فعلاً نجحو..و أنا أحيهم على إصرارهم على الفوز ...وقعت في مجموعة قوية جداً جمعتني مع ثلاث من أفضل اللاعبين فعلاً لكن هذا ليس تبرير إطلاقاً لفشلي...المهم نتائجي كانت كالتالي يا شباب:-
CASH2000 vs ENGLAND
(1)------------(2)
CASH2000 vs FRANCE
(5)------------(3)
CASH2000 vs ARGENTINA
(2)------------(1)
و بهذه النتيجة خرجت من الدور الأول للبطولة و هي فعلاً مفاجأة بلنسبة لي أنا أيضاً:!<<<<(واحد شايف نفسه:0)) المهم يا شباب هاكذا خرجت كما خرجت بطلة العالم فرنسا بأعجوبة من كأس العالم الماضية هذا حضي اليوم و يجب علي محاسبة نفسي و التفكير جيداً في تعديل و تحسين أسلوب لعبي...أخيراً أحيي السيد فراس منضم البطولة على جهده الكبير لإنجاح البطولة و أتمنى منه مسامحتي أولاً على عدم تقديمي لمستواي المعهود في البطولة و ثانياً لعدم تمكني من إكمال السهرة معه لأسباب شخصية...تحياتي:cool:

[BLACK TIGER]

الرسالة الأصلية كتبت بواسطة CASH2000
السلام عليكم...أخواني عشاق WE6 لقد شاركت في بطولة ركن العاب الكمبيوتر التي ينضمها الصديق العزيز firasalya ...و مع الأسف الشديد خرجت من الدور الأول ?: نعم خرجت من الدور الأول يا شباب و بشكل غريب جداً فكان الجميع يخشاني لا أدري ما هو السبب و هذا أدى إلى أن جميع خصومي قدمو كل ما لديهم من طاقه للتغلب علي و فعلاً نجحو..و أنا أحيهم على إصرارهم على الفوز ...وقعت في مجموعة قوية جداً جمعتني مع ثلاث من أفضل اللاعبين فعلاً لكن هذا ليس تبرير إطلاقاً لفشلي...المهم نتائجي كانت كالتالي يا شباب:-
CASH2000 vs ENGLAND
(1)------------(2)
CASH2000 vs FRANCE
(5)------------(3)
CASH2000 vs ARGENTINA
(2)------------(1)
و بهذه النتيجة خرجت من الدور الأول للبطولة و هي فعلاً مفاجأة بلنسبة لي أنا أيضاً:!<<<<(واحد شايف نفسه:0)) المهم يا شباب هاكذا خرجت كما خرجت بطلة العالم فرنسا بأعجوبة من كأس العالم الماضية هذا حضي اليوم و يجب علي محاسبة نفسي و التفكير جيداً في تعديل و تحسين أسلوب لعبي...أخيراً أحيي السيد فراس منضم البطولة على جهده الكبير لإنجاح البطولة و أتمنى منه مسامحتي أولاً على عدم تقديمي لمستواي المعهود في البطولة و ثانياً لعدم تمكني من إكمال السهرة معه لأسباب شخصية...تحياتي:cool:
:! :! :! :! :!

[alawax]

هلا أخوي CASH2000

والله انا اسف جدا على هذه النتيجة

لكن تعوضها المره الجايه انشاءالله


اذا تبغا تعرف انا مين

انا اللي اخترت الارجنتين

والله في الحقيقة مستواك ممتاز مره

وانا استغربت لمن شفتك طلعت من البدايه

لكن ايش اسوي

هذي الكوره فوز وخساره


تهم شيء انك ما تيأس

وتشد حيلك لسه في بطولات كثيره جايه


أسف على الاطاله





مع تحيات
alawax

[CASH2000]

هلا أخوي alawax :) ...شبااااااااااااااااااااب هذا هو البطل :0)...ألف ألف ألف مبروووووووك عليك البطولة أخوي alawax و شكراً على كلامك الحلو الي قلته و أنا بصراحة أحتاج لتحسين في مستواي و أحتاج لمحاسبة نفسي...أنا تعلمت أشياء كثيرة من بطولة اليوم و إنشاء الله أستفيد من الي تعلمته في البطولات الجاية...و مبروك عليك البطولة والله تستحقها..تحياتي:cool:

[TORONTO]

السلام عليكم...........
مبروك لك أخوي alawax أذا منت عارفني انا الي اخترت ايطاليا وتعادلت معك.
هارد لك اخوي كاش وخيرها في غيرها.:0)

[golden_sky]

الف الف الف الف الف الف الف الف مبروك alawax

وانشاء الله كل البطولات القادمة ;-)

[BLACK TIGER]

ألف مبروك أخوي alawax:)

وحظ أوفر ياكاش;)

[alawax]

الله يبارك فيكم يا شباب

شكرا لأنكم باركتولي

والله عمري ما لعبت مع ناس زي خبرتكم

ما شاءالله كلكم لعيبة وتستحقون الفوز


لكن زي ما قلت هذي الكوره فوز وخساره

يعني شدوا حيلكم لسه في بطولة رونالدو و CASH2000

نبغا نشوفكم كلكم هناك انشاءالله

وبالتوفيق للجميع انشاءالله


وألف ألف ألف ألف ألف ألف شكر لأخوي فراس منظم هذه البطولة

وشكرا للمشجعين





مع تحيات
alawax

[firasalya]

العفو اخواني
ومبروووك للاخ alawax الذي استحق البطولة بجدارة.
ومبروك ايضا للاخ تورانتو المركز الثاني.
والف حظ اوفر لاخوي العزيز كاش 2000

[alawax]

الله يبارك فيك أخوي فراس

أرجو ان أراك في البطولة القادمة


اللي منظمها رونالدو





مع تحيات
alawax