عطوني إنتقاداتكم ..^_^

[MeMe CHaaN]

السلام عليكم و رحمة الله..:)
واخيرا استجمعت شوي من معنوياتي حق أعرضلكم بعض رسومي
..:6
فهاي بعض من رسوماتي القديمة .. فعطوني رايكم في الرسومات
(( بالأحرى إنتقاداتكم )) لأني أعرف إن رساماتي فيها واايد أغلاط و أنا ماعرظتهم إلا عشان إتراووني أخطائي فأصلحهم و بجي أطور من رسمي ...:)


*********************
و هاي أول رسمة ...رسمتها في حصة الفيزيا :أفكر: (( ما جنه وحدة كانت عليها ثنوية عامة :D )).. كيكيكيكي

[MeMe CHaaN]

و هاي الله يسلمكم .. رسمة ثانية بعد في حصة الفيزيا (( ماشالله حصة فن هب فيزيا ))..كيكيكيكي :D

[MeMe CHaaN]

أما هاي في حصة العربي ..كيكيكيكي :D

[MeMe CHaaN]

أما هاي يا إخواني و خواتي الأعزاء ...مش ولا في حصة :6 ...
هاااااي رسمتها بعد ما جفت رساماتكم و حاولت أطور رسمي :أفكر:
و بعدني أدري إنه بعده في أخطاء :-) ....... فعطوني إنتقاداتكم.. :)


و سلامتكم و سلامة الحاضرين و الغايبين ....:cool:

[mai_arumashi]

حلو ، هذا كله من دفاترج.....أخخخ خسارة انه تكون هى سنتج الخيرة فى المدرسة ( تبغى تشوف ابداعات اكثر ^_^)

Mai

[kinki]

في تطور ...ما شاء الله مقارنة الرسمة الاخيرة مع رسماتج اليدبدة....:6

الصراحة ...متعتي الوحيدة يوم كنت في الثانوية العامة..هي الرسم في الحصص...الصراحة ..ما ادري كيف نجحت:# :6

anyway
keep it up Gurl

:D

[Ranma Saotome]

مبروك عالجاليري اولا ميمي شان..
هذا رسمج في الثانويه العامه؟؟ يعني من كم سنه:أفكر:
الرسمه الاولى حلوه.. رسمج جميل.. الويه والشعر حلو وايد.. بس شي واحد ان اليد اليمنى اطول من اليسرى.. (راسمتها على آخر صفحه.. تم بحمد الله) هعهعهعهع
الرسمه الثانيه بعد حلوه.. الويه طالع وايد حلو والعيون عجيبه..والثالثه بعد بس فيها الاصابع شوي يبي لها تركيز..
الرسمه الاخيره حلوه.. تلوينج حلو.. اتركها للمحترفين يشوفون ملاحظاتهم

[MeMe CHaaN]

Ranma Saotome : بلأحرى من كمن شهر؟؟ كيكيكيكي..;-)
أنا الا السنه متخرجه بس..:) بعدني صغيرونه.. ;-)
المهم انشاء الله بركز على الصبوع و اليد مره ثانيه.. :)

[Tidus_2007]

شي جميل :D >>>:cool:

ما شاء الله الرسوم تفتح النفس :D

بسيطه و حلوه :)

لو حابه الاغلاط فما اعتقد فيه غير الي ذكرهم رانما ... بس فيه شي ":"

لو تصغرين رسومج بس حبتين صغار عشان حدودها تكون واضحه بالشاشه بتكون مقبوله اكثر ;)

استمري اكيد فيه عندج رسوم بعد :)

[orange road]

الرسوم حلوة :)
تنبئ بموهبة

الوجوه وايد حلوة
والملامح عاجبتني

لكنها ما تركب على الجسم
الجسم للحين.. يفتقد للتناسق

حاولي تركزين اكثر على رسم الجسم
والاطراف
وايد صغيرة بالنسبة للجسم

يعني ركزي الحين على الجسم ومدى تناسقه مع حجم الراس والاطراف :)

بالتوفيق

[RSSAM]

هاي MeMe CHaaN

مشالله رسمج حلو بس فيه عيوب بسيطه

انتي ترسمين الوه وايد حلو بس الجسم مو ذاك الزود بنسبه للويه

عندج لو تركزين في مفاصل الجسم مثل الركبه والكوع ولا تضعفينهم
وايد يعني يكونون في حجم معقول بنسبه للراس:)

ورسمج حلو بالتوفيق اختي

وخل انشوف اخراعمالج

[ARTER]

:)
مرحبه اختي MeMe
رسوماتج حلوه وجميله
بس مثل ما قال رسام رسمج للوجه روووووووووعه
بس اهتمي بالجسم اكثر شوي ولو تكون الخطوط اقوى
شوي يكون احسن (يعني تكون اوظح)
وانشاء الله نشوف لج رسنات اكثر
وبالوفيق اختي
:)

[shaheen]

ميمي شان:) اسم حلو
اهلا وسهلا بك في منتداك
رسوماتج وايد حلوة
ومبروك على التخرج:)

تعجبني الوجوه جدا والجسم روعة
الحركات جميلة والالوان اجمل:)

ممتازة يا ميمي ونترقب المزيد:)

[MeMe CHaaN]

السلام عليكم و رحمة الله..:-)
مشكوووووورررريييييييييين كلكم على ردكم و انتقاداتكم.. :-)
و انشاء الله بعرض رسومات يديده مع الايام و بيكون فيها التركيز
على الجسم أكثر..;-)
وانشاءالله بتكون عند حسن ظنكم.. :-)

وسلامتكم و سلامة الحاضرين و الغايبين.. :-)

[wildkitty]

هلاو هلاو

ما يطلع الفن اله وقت المدرسه ^-^

[الرايق 2000]

الرسالة الأصلية كتبت بواسطة shaheen
تعجبني الوجوه جدا والجسم روعة
الحركات جميلة والالوان اجمل:)

ممتازة يا ميمي ونترقب المزيد:)

خاصه العيون الواسعه عجبتني متقنه

[حاتـــــم]

رسمك بايخ ميمي وبعدين تعتبرين انك رسامه؟؟؟
حبيبيتي شوفي تدربي زين عالرسم ونظمي لك كل يوم وقت محدد للرسم
وبعدين لا تنغرين بالكلام الحلو الي يعطونك هو المشاركين بالمنتدى
وحطيها قاعده في راسك انك ماتعرفين ترسمين وتوك يبغالك تعلم
حبيبتي تبغين تكونين رسامه ؟؟؟

اذن اضغطي على نفسك
اشهد لك بفن رسمك اذا طبقتي نصايحي
تري ماابغى احطم معنوياتك
لكن اذا كنتي عاقله راح تفهمين حكيي زين
وحبيت اقولك اني انا مااعرف ارسم لكن بعزيمتي واصراري على الرسم اقدر اخلي الناس تقولي العكس اوكي هذي هديه مني لكي امل انك تحفظينها عندك بجهازك اذا ماتمانعين
رسمه ليكي انتي

http://www.arab3.com/upload/images/Aug02/mmt_m.mmt21.jpg

رسمك حلو (لكن اوعى تنغرين ;-) )

http://www.arab3.com/upload/images/Aug02/mmt_55.jpg

[حاتـــــم]

امل من المراقبين حث الشباب على التعلم وليس مدحهم واوقافهم عن الرسم وارضائهم برسوماتهم وبأنها جميله
(ويصبح هذا المنتدى عديم الاهميه بل سائة على متعلموا الرسم)
اتمنى لهذا المنتدى بالنجاح

[MeMe CHaaN]

السلام عليكم و رحمة الله...
و تسمي هذا يا خوي تشجيع؟؟ :!
بلعكس هذا التحبيط ابعينه..

أولا: أنا ما قلت أنا رسامه و لا شي.. بلعكس.. و أنا أصلا حاطه رسومي
حق يقولولي شو الغلط فيهم.. (بس مش حق ينسبن جي..:" )
ثانيا: بلعكس كلامهم وايد شجعني على الرسم أكثر.. لدرجة أنا معظم
وقتي صار لرسم و باقي وقتي أجوف فيه رسوم يابانيه.. مني لاني
أحبهم و مني حق أتعلم أرسم أكثر.. يعني جوف طول الوقت وأنا ما
أفكر الا بالرسم.. و هذا نفس ما قلت الا من كلامهم الي يشجع..

المهم.. مشكور و ماقصرت .. وانشالله الرسوم اليديده الي بعرضهم
عن قريب بتعيبك أكثر وبتلاحظ التطور الي فيهم (ولو أنا مش وايد)
بس هلي قدرت أوصله هل أيام بعد رسم متواصل..?:

و صح شكرا على الرسمه.. :-)

و سلامتك و سلامة الحاضرين و الغايبين..

[حاتـــــم]

اوكي ميمي (وراكي عصبتي )
انا عارف ان ماراح يفهمني احد
وبصراحه هذي طريقتي (اعتقد ان مافيه احد يسويها )

اوكي طريقتي ذي هي الي تدعمني وانا بسراحه معترض عالمنتدى كله بطريقتهم


لكن بعلم الرسامين والمراقبين كلهم واولهم شاهين
ان طريقتهم غلط في غلط
هذا كلامي لكل الي يحبون الرسم اتمنى لكم (الشباب العربي ) النجاح


لكن مانتم واصلين لمستوى الرسامين اليابانيون وغيرهم اذا كنتم على هذا الحال (اسف هذا مو كلام تعجيزي ) بالعكس انا اتمنى لكم النجاح

تحياتي

[حاتـــــم]

اقول ميمي اذا خلصتي من رسمتك ارسليها لي عبر البريد
لاني ما اظن اني اشارك بعد شهر

قلت قصتي للشباب الي قروها ببداية تسجيلي هنا بالمنتدى

[MeMe CHaaN]

دام جي السالفه يا خويه بطرشلك اخر رسوماتي .. :6
و انشالله يعيبنك لاني و الله تعبت فيهن :": ارسم و امسح..
ارسم و امسح.. حق بس تظهر الرسمة حليوه..?:

و جان ما ظهرن ابذاك المستوى و نويت تنقد.. فانقد شوي شوي..
:6 عشان ماتسببلي احباط مثل ما سببتلي اياه اليوم.. :6
و انا الي استعاديت معنوياتي حق ارسم بصعوبه.. لاني أنا أصلا
كنت موقفه عن الرسم بس بعد ما دخلت المنتدى و جفت الرسوم
تحمست و الي حمسني اكثر ردود الاخوان هنيه.. الكلام الي يدخل
القلب و يحمس الواحد يرد يرسم و يعطي كل الي عنده.. :6

و سلامتك و سلامة الحاضرين و الغايبين..

[الرايق 2000]

الرسالة الأصلية كتبت بواسطة حاتـــــم

(ويصبح هذا المنتدى عديم الاهميه بل سائة على متعلموا الرسم)
اتمنى لهذا المنتدى بالنجاح

اسف و برالهم يوازنوا بين التحطيم و التشجيع و اتوقع انهم مسوين هذا الشئ صح

و انت اللي ماسك الباب حبيبي كلنا نتعلم هنا

و اسف على دخله 41 هذي لكنك قهرتني اللي يكلمك لا رسام ولا شئ قاعد اتعلم


لكن حاتم اسف من زين رسمك ترى لو في احد مغرور فهو انت

[orange road]

اخ حاتم

ما كان في داعي حق التحبيط بهالطريقة

اللي يسمع الحين يقول ان رسمك مقطع بعضه

كلنا نتعلم هني
ولا حد فينا فنان من اول ما انولد

ويعني شنو بتعلم شاهين؟؟؟؟

:غضب:

[الرايق 2000]

الرسالة الأصلية كتبت بواسطة MeMe CHaaN
دام جي السالفه يا خويه بطرشلك اخر رسوماتي .. :6
و انشالله يعيبنك لاني و الله تعبت فيهن :": ارسم و امسح..
ارسم و امسح.. حق بس تظهر الرسمة حليوه..?:

و جان ما ظهرن ابذاك المستوى و نويت تنقد.. فانقد شوي شوي..
:6 عشان ماتسببلي احباط مثل ما سببتلي اياه اليوم.. :6
و انا الي استعاديت معنوياتي حق ارسم بصعوبه.. لاني أنا أصلا
كنت موقفه عن الرسم بس بعد ما دخلت المنتدى و جفت الرسوم
تحمست و الي حمسني اكثر ردود الاخوان هنيه.. الكلام الي يدخل
القلب و يحمس الواحد يرد يرسم و يعطي كل الي عنده.. :6

و سلامتك و سلامة الحاضرين و الغايبين..

صحيح انه كتب ردين شداد لكن لا تكوني طماعه عندك مدري كم رد حلو يلا شدي حليك و من جد ترى العيون الواسعه جميله تدربي و كلنا نتدرب هنا عادي

[shaheen]

اخوي حاتم...

انت مغرور وغرورك هذا بينتهي فيك الى انحطاط في رسمك ههههههه

وعلى فكرة ميمي رسمها وايد حلو ... واذا ما اعجبك عندك طوفة دوت كوم... موقع عجيب لأمثالك:)

ولا تحطين في بالج يا ميمي.. هذا المغرور لا يمكن ان يفيد احد بشئ لأن غروره قد يتحول الى حقد.. يعني ممكن يدمر رسمه ورسم غيره.

اقول يا حاتم شنو اخر اخبار شركة بانداي اللي ماعطتك وجه ؟؟ هههههههه

[Rex]

ما شاء الله يا MeMe CHaaN !!
رسمك جميل جدا !! حلوه أشكال الشخصيات !!
والرسمه الأخيرة الملونه ممتازة !!!
تحاولين تنوعين في الوضعيات وهذا شيء جميل حقا !!!

نبي المزيد من الرسمات :D ...

وتابعي في الرسم ...

وبالتوفيق ان شاء الله ...

[alucardracula]

السلام عليكم أختي ميمي شاان
مستوى جميل و واعد في الرسم و عندِك نقاط حلوة في رسمِك تعجبني العين الي ترسمينها و الوجه بشكل عام حلو و مع التدريب متأكّد أن بيطلع أحلى ..تابعي أختي تره الرسم جمال يتمتع به الناظرين ..لا تحرمينا و نفسِك منّه أوكيه؟ و احنا دايما نتطّلع لمواهب واعدة صاعدة..و بالتشجيع نوصل الى مستويات يعلم الله بها لا بالتحبيط ..و اسمعي كلام الي يشجعونِك ..
(من أحسن الظن فيك فصدّقه ) الإمام علي كرّم الله وجهه..
بالتوفيق أختي..

[MeMe CHaaN]

مشكوووووووووووووووووووورين خواني و خواتي .. :D
رديتولي ثقتيه بنفسي ":" ... فانشالله بكمل مشواري الي بديته و
بدرب اكثر و اكثر و انشالله ماني مخيبه ظنكم.. و ما يكون كلامكم الي
يشجع على الفاضي.. :D
و انشالله بترسلكم المنتدى رسمات و الى مايعيبه ترى طوفة دوت كوم...
موقع عجيب لأمثاله صح شاهين..;-)

و اول دفعه انشالله بعد هل weekend .. بروح بقضيلي يومين برع المدينة
..وسط البراري وبرسملكم ذيج الرسمات الى تعق الطير من السما .. جني
بديت انغر في نفسي..كيكيكيكي :6

المهم مشكوريييييييييييين مره ثانيه على هل تشجيع .. :D

و سلامتكم و سلامة الحاضرين و الغايبين..