المساعد الشخصي الرقمي

مشاهدة النسخة كاملة : نقاش الرسامين دخلوا و شوفوا أول رسمه لي بعالم الفن و قولوا رأيكم


Aeris 90
02-08-2002, 11:36 PM
سلام :)

أنا شفت منتداكم هذا و اشتهيت أن أرسم , فقمت و رسمت هالرسمه البسيطة خلال ربع ساعة , و عبرت فيها عن شعور الطفلة الكويتية بمناسبة مرور 12 عاما على ذكرى الغزو و ما رجع أبوها و أمها من الأسر .

أدري أن الرسمه بايخه , بس هي أول تجربه لي , و شكرا :)
wildkitty
03-08-2002, 12:12 AM
هلا والله
حياج الله بالمنتدى
يحليلش ذاكره اليوم
عاد تصدقين اليوم عيد ميلاد اخوي 2 / 8
رسمتش بسيطه ومعبره ^-^
لوجــــــين
03-08-2002, 12:29 AM
سلالالالالالالالالالالالالالام أيريس

رسمتش بالحيل روعه و مؤثرة

الله يرحم شهدائنا و يفك قيد اسرانا و يرجع كل أسير لديارة و أهله

مشكورة واااااااااااااااااااااااايد
Aeris 90
03-08-2002, 12:44 AM
أنتم جذابين :(

أنا رسمتي بايخه و تلوع الجبد و ماصخه :" :"

أنا فاشله و ما أعرف أرسم , فااااشلة :" :"

ما أعرف أرسم و لا راح أتعلم الرسم :(


و الله أنا مستحيه لأني نشرت رسمة فاشلة في المنتدى و عرضت نفسي للضحك من قبل الأعضاء :": :#








:"
wildkitty
03-08-2002, 12:50 AM
انا ما قلت انه حلو ( احطمش )
انا قلت اهي بسيطه ومعبره
الواحد ما يمظر للرسمه حق جمالها او شكلها يشوف المعنه الي تحمله
بيكاسوا
14-08-2002, 03:27 PM
بسراحه اعجبتيني كيتي بحكيك



حكيمه والله حكيمه :0)
تحياتي ليكي كيتي واتمنى لك التوفيق
جـــــلـنــــار
14-08-2002, 05:15 PM
السلام عليكم
آيروس ليش متحطمه ومتشائمه بالعكس وايد التعبير مهم لنا خصوصا عن الأسرى والشهداء والواحد لازم يذكرهم وهذا أنتي مشكوره وايد على الرسم والتعبير لحبج لهم وأحنا وياج كله ذاكرين الغزو و ألمه ومحنته
والأسرى ندعي لرجوعهم .........ويرحم شهدانا الأبرار وأنتي ما غلطتي في شي ولا زم أنشجعج عشان تشوفين الرسم وتتعلمين في وايد ماشالله عليهم يعلمون ويفهمون أي شخص بالمنتدى..............

وحياج ويانا وآسفه على التأخير ولا تزعلين وتفائلي;-)

أختج جلناررررررررررررر تحيييج:6
M7MOOOD
28-08-2002, 01:02 PM
:": :": وا خجلاتااااااه .. شنو هالرسمة :": :":



فضحتنا البنت ?: ?:
Sara.Sama
29-08-2002, 04:32 PM
مرحــــــــــبا Aeris 90..

حبيبتي الأنسان يتعلم حق يوصل للي يريده .. محد فينا أنولد رسام
لا تقوولين أنا فاشله و ما أعرف أرسم ؟؟ شو هالكلام !! نحن ما نقبل
بهاذي الأعذار .... لازم تتعلمين و تحاولين .. مش من أولها تستسلمين
و بعدين نحنا بس شفنا رسمه وحده و في البينت و شي طبيعي ما
بتطلع وايد حلوه .. الرسم فيه صعب .. و أنتي كنتي تبين توصلين شي
كان في خاطرج و هوحزنج علي أسراكم .. و أنشالله بيرجعون ..
(( الله يمهل ولا يهمل)) ...................

يالله عاد ألحين أباج تبدين تتعلمين الرسم و تراوينا و ما عليج من
الأنتقادات البايخه .. هاي طنشيها.. لأنج لو حطيتي حساب حق كل اللي
تسمعينه ما بتعيشين ;-) .... أوكي .......


يالله باي حبيبتي :0)
جـــــلـنــــار
01-09-2002, 06:32 PM
السلام اشلونج آيرس يالله ورينا أحنا مشتاقين

:-) وانشالله أنشوف أعمالج الي بتكسر الصخر وأنا وياج أشجعج


;-) جلنار وياج;-) :6
لينيير13
01-09-2002, 08:54 PM
الرسمةكبداية ....جيدة لكن الموضوع .....
حسبي الله ونعم الوكيل ...أدري أن كل اللي حل بالكويت مؤسف والله يفك الأسرى جميعاً...ولكن ألا يكفينا نقمة على العراق ........:(
لا حول ولا قوة إلا بالله
هـداف
02-09-2002, 10:36 AM
Aeris 90

ممتاز.........كبدايه وأول رسمه أقولج إن الرسمه معبره بشكل ممتاز والرسمه حلوه كبدايه ......يله عاد شدي حيلج وارسميلنا أكثر..وانسوا الماضي.........:D ;)