المساعد الشخصي الرقمي

مشاهدة النسخة كاملة : واقع مر


Prime Evil
07-08-2002, 05:11 AM
واقع مر؟

حبيت أقول ما المر إلا احنا...

أقصد كل الناس يقولون هالزمن ما زين و الواقع الذي نعيشه مر...

حبيت أقول لكم لازم تتعايشون مع الواقع المر هذا وتتغصبون طعمه..

حتى يصير حلو وتحبونه...

لازم تنسون اللي ينساكم ما تسوون عريضة وتقولون شوفوا:D

وأيضا للي يعتقدون إنهم يعيشون في القرون الوسطى وإلا لعبة RPG

فيها حب ما حب وإلخ ترا الفضاوة شينة...

الله أنعم على الإنسان بالنسيان ياخي وياختي انسوا...

وإلا أشوف نص الأعضاء كئيبين والنص الثاني يقول الدنيا مرة....

حطوا عليه سكر وتحلو وشوية حامض وتصير حامض حلو...
RPGgirl
07-08-2002, 06:13 AM
مشكور على الموضوع
flarestar
07-08-2002, 06:51 AM
ممكن اقول رأيي يا اخ Prime Evil

صدق النسيان هو حل لكل المشاكل بس هذا الحل حق ناس مطنشين
ماعليه يعني بس فيه اشياء ممكن النسيان يخربها اكثر
و فيه مشاكل ما تستحمل النسيان


يعني مثلا شخص عزيز عليك اخوك و لا صديقك و لا ابوك
طلع من البيت و هو معصب و ركب السياره و مشى و الله اعلم وين راح
ماتخاف عليه يعني ولا تقول انساه احسن
و بعدين لو صار له شي لا سمح الله وش يتكون رده فعلك
يعني فيه اعضاء في المنتدى الكأبه اللي فيهم على اشياء تستاهل
مو كلهم اسبابهم سخيفه
و هم يشتكون في المنتدى يبغون مشاركه وجدانيه من اعضاء المنتدى
بس اعضاء المنتدى و للاسف مو فاضين يسمعون مشاكل الناس


مشكور على الموضوع
بس حبيت اطرح وجهه نظري و اسفه على الازعاج:-)
RPGgirl
07-08-2002, 07:15 AM
هاي
وجهة نظري:
النسيان مو حل صحيح للمشاكل بل اعتبره هروب من الواقع فعلى الشخص مواجهة همومه واحزانه بكل قوته والبحث عن السبب او الاستعانة باي احد
Prime Evil
07-08-2002, 08:31 AM
فهموني أنا المشاكل اللي مرت... وعدت...

هذي انسوها... واحد نساك نسى حبه لك... بكل بساطة انساه...

ولكن ما انسى إنه "كان" بينا صداقة ولكن خلاص نتجه للمستقبل ونتركه خلفنا خطوة وتعدينها...

مثلا لو جرحت في طريق كل يوم ترجع لنفس الماكن وتقول هنا جرحت ولازم أتعلم من خطاي!

ولكن لو رجعت تتذكر إنك جرحت وتنتبه!

وما تجعل من جرحك جرحين!

أو مثلا مات عليك شخص عزيز طول عمرك كئيب بسبب موته!

انساه وأبحث عن غيره!

ولكن كل ما تذكره ادع له بالرحمة وتذكر صداقتك ولكن لا تكتئب..!

ولأشياء أخرى الدخان... احرقها وحرق الروح معها:D

أو أرم نفسك في البحر وارجع سباحة في الطريق راح تنسى كل مشاكلك وهمك نفسك بس!

والصراحة اللي ما يفيدني ما أفيده! وبالفائدة تستمر الصداقة كما يطيل الدَين المعرفة!

أنا لو بأتذكر كل مصيبة كل كارثة كل لحظة حزن وكل لحظة فراق مثلكم لكن كنت كئيب ولكن أنا اتجاوز كل هذا لأنها الحياة فاقبلها كما هي...
RPGgirl
07-08-2002, 08:43 AM
ابدا ما كان النسيان علاج لاي حزن اللي عليه يفكر بالاسباب
بالعكس لازم ما ينسى لكن يطلع للمستقبل وها شي عادي
يمكن يكون هالحزن حافز لانه يتطلع للمستقبل بشكل افضل واحسن
flarestar
07-08-2002, 08:49 AM
انا الصراحه ما ادري ايش اقول يمكن اشياء صارت من سنتين او ثلاثه ممكن ننساها بس شي توه صاير مامر عليه يومين كيف ننساه?:



و مثل ما قلت و قالت الاخت RPGgirl النسيان مو حل
Prime Evil
07-08-2002, 08:57 AM
عبرت أنا عن وجهة نظري:D

وبعدين يومين كثير كان مديك نسيته من زمان!

أنا اللي ما انساه أحقد عليه وإلى فترة طويلة...

أحقد عليه إلى أن أنساه!

أنساه ولا أذكره أبدا...

يومين = زمن كثير عندي لو قلت نص ساعة أو ساعة يمكن":"
RPGgirl
07-08-2002, 09:01 AM
الرسالة الأصلية كتبت بواسطة Prime Evil
عبرت أنا عن وجهة نظري:D

وبعدين يومين كثير كان مديك نسيته من زمان!

أنا اللي ما انساه أحقد عليه وإلى فترة طويلة...

أحقد عليه إلى أن أنساه!

أنساه ولا أذكره أبدا...

يومين = زمن كثير عندي لو قلت نص ساعة أو ساعة يمكن":"
الحقد تراه مو زين وانت طريقتك لحل المشاكل النسيان .. :أفكر:
عيل الله يعينك لانه اكره شي الهروب من الواقع
Prime Evil
07-08-2002, 09:09 AM
الرسالة الأصلية كتبت بواسطة RPGgirl

الحقد تراه مو زين وانت طريقتك لحل المشاكل النسيان .. :أفكر:
عيل الله يعينك لانه اكره شي الهروب من الواقع

غريب حال الدنيا.... أنا عندي أصدقاء افتقدهم ولكن لا أحزن على فقدانهم...

ليس لأني كرهتهم... ولكن لأن الحزن عليهم لن يفيد... ما فائدة البكاء والحزن على ما فات...

إذا فات الفوت ماينفع الصوت

أنا نورمل جدا وبعيدا عن العين بعيد عن البال...

في أقل الأحوال مستانس في حياتي... ولا مكتئب أو حزين من أجل أي شخص....

مثلا عندما أرحل عن أقاربي كون إنا نعيش في مدينتان مختلفة... صحيح إني لا أود فراقهم ولكن إن فارقتهم لا أتذكرهم إلا إذا رجعت...

فالغير موجود حزنك لن يفيد... والفائت ل يعيده الحزن... والمصائب لن يفيدنا تذكرها في كل لحظة... ولكن في مرور ما يشبهها... نذكرها ونتعلم من خطاها...
flarestar
07-08-2002, 09:10 AM
يومين كثير?:

و الله ما ادري ايش اقولك و كيف افهمك بس النسيان هو الحل الخاطيء
و الحقد و الكره شيين مو زينين
قلبك بيتعب كذا الله يعينه:(
RPGgirl
07-08-2002, 09:14 AM
الرسالة الأصلية كتبت بواسطة flarstar
يومين كثير?:

و الله ما ادري ايش اقولك و كيف افهمك بس النسيان هو الحل الخاطيء
و الحقد و الكره شيين مو زينين
قلبك بيتعب كذا الله يعينه:(
ايه والله قلبك بيكون حزين اكثر من قبل ولما تجلس مرة وتفكر بتعارف انه ها حل غلط والصديق دايما مخلص لصديقه حتى لو كان صديقه خائن وما يستحق شي
Prime Evil
07-08-2002, 09:20 AM
أوووه قلبي شالوه وحطوا بداله مضخة داخليه من حديد:D

فما راح تتعب":"

وأنا أنساهم لأني إذا ذكرتهم راح أحقد عليهم...

وإذا كان الواحد يسوى = ريالين تصالحت معه

أما ربع ريال قلت له باي باي >>>> لو يشوف هذا واحد من أصحابي يكرهني:D

وبعض الأصدقاء مجرد صداقة فصل وأنساهم بعدين...

لأنهم من كثرتهم ما أذكرهم...


ممكن تعتقدون إن ما عندي أصدقاء ولكن أنا عندي أصدقاء أكثر مما تتصور...

وكلهم أثق فيهم":"
flarestar
07-08-2002, 09:30 AM
قلبك شلته و حطيت مضخه من حديد:! ؟؟؟؟؟؟


السالفه مو سالفه صداقه و بس انت تكلمت عن اشياء غير الصداقه
انت تكلمت عن المشاعر عن الحب و قلت انه فضاوه

للاسف انت قلبك اللي بدلته اثر على عواطفك و مشاعرك

الحب مو فضاوه الحب احسن احساس في الدنيا

و مو قصدي بالحب اي حب فيه انواع واجد للحب

و انت تقول ننسى كيف تقدر تنسى شخص عزه قلبك

انا بالنسبه لي لو جاني هذا الشخص اللي يستاهل الحب كله

و عشت معاه و سوى فيني الهوايل ماراح اقدر انسى ان قلبي حب هذا

الشخص حتى ولو لحظه واحده

و اصدقائك الله يهنيك فيهم و يهنيهم فيك و انشاالله ماراح يصير شي يخليك تضطر تنساهم

و اسفه على التطويل
Prime Evil
07-08-2002, 09:36 AM
الرسالة الأصلية كتبت بواسطة flarstar
قلبك شلته و حطيت مضخه من حديد:! ؟؟؟؟؟؟


السالفه مو سالفه صداقه و بس انت تكلمت عن اشياء غير الصداقه
انت تكلمت عن المشاعر عن الحب و قلت انه فضاوه

للاسف انت قلبك اللي بدلته اثر على عواطفك و مشاعرك

الحب مو فضاوه الحب احسن احساس في الدنيا

و مو قصدي بالحب اي حب فيه انواع واجد للحب

و انت تقول ننسى كيف تقدر تنسى شخص عزه قلبك

انا بالنسبه لي لو جاني هذا الشخص اللي يستاهل الحب كله

و عشت معاه و سوى فيني الهوايل ماراح اقدر انسى ان قلبي حب هذا

الشخص حتى ولو لحظه واحده

و اصدقائك الله يهنيك فيهم و يهنيهم فيك و انشاالله ماراح يصير شي يخليك تضطر تنساهم

و اسفه على التطويل

لا والمضخة V8 ما في أحسن منها":"

السالفة صداقة وحب و إلخ...

انتوا حيرتوني جدا تتلكلمون عن الصديق اللي فقدتوه كأنكم تتكلومن عن ملاك...

الصديق مجرد انسان عادي رمتك معه الظروف وبالإمكان البحث عن غيره...

عدا إثنان الصديق الآمين والصديق الصادق...

ذولا أمر عليهم من وقت لوقت إذا باستودع عندهم أي شيء >>> مصلحة:6

في شيء اسمه التفسير المادي للحياة انصحك بأنك تهتمين بهالتفسير":"
Prime Evil
07-08-2002, 09:41 AM
وهذي أنواع أصدقائي:

1- أصدقاء ظروف : وهم من أجبرت على صداقتهم...

2- أصدقاء فصل : هذا اللي أصادقه في الفصل وما أعرفه خارجه...

3- أصدقاء مصلحة وهم يشكلون 85% من أصدقائي...

4- أصدقاء اهتمامات : وهم معظم أصدقاء المصلحة...

5- أصدقاء طريق أعرفهم في الطريق فقط...

6- أصدقاء مصادفات : وهم اللي أتعرف عليهم صدفة...

7- أصدقاء انترنت : أعرفهم في النت فقط...

8- أصدقاء أقارب : ذولا مثل العقارب "أقاربي" ولكنهم رائعين وحقين دجة وهسترة وضياع...
flarestar
07-08-2002, 09:57 AM
و مين قال لك اني اتكلم عن نفسي انا الحمد لله ما فقدت احد و لااحد خانني و لا شي بس انا اتكلم عن الواقع

و انواع الاصدقاء اللي حطيتها يعني الصراحه يضحكون:0)

انا ما عندي صديقات حقين الفصل على قولتك يسمون زملاء مو اصدقاء

و حقين الانترنت نفس الشي زماله فقط الظروف جمعتكم

و الاصدقاء الاقارب هم ممكن نعتبرهم اصدقاء

بس و الباقين كلهم خطأ ايش الظروف اللي تغصبك على الصداقه

و ليش المصالح تكون سبب الصداقه ?:

بس انت شكلك متعقد من سالفه المصالح هذي

و اقول الرجال ايش فيه من اول مادخات المنتدى و يقول لي انسي و الموت وما ادري ايش

الله يعينك على العموم
Prime Evil
07-08-2002, 10:03 AM
أنا عندي الصداقة سياسة:D

يعني لو طبيت في مشكله أضطر أصادق سبب المشكلة عشان تنتهي...

أو أتصادق مع أي شخص عشان تنتهي المشكلة...

يعني اللي اصادقهم غصبا عني...

أنا أي واحد في الفصل زميلي اللي أتكلم معاه وأضحك معاه واستانس معاه صديقي...

الأقارب بعضهم قرابة وبعضم أصدقاء...:p

أنا أعرف إن الكلام شوي غريب بس مشي حالك هي كذا:D

وبعدين لا تصدقين سالفة القلب قلبي مكانه ولله الحمد":"
flarestar
07-08-2002, 10:07 AM
اه يعني انت اللي تتمصلح على الناس

لا لالالالالا ما اظن قلبك لسه في مكانه?:


و على فكره تبي اقولك الصراحه انا ماعندي صديقات على ارض الواقع

بنت وحده تعرفت عليها في الانترنت

و خواتي و قريباتي هم بس صديقاتي:6


و اذا كان فيه رد نشوفه بكرى انا بروح اناااااااااام


تصبحون على خير:o
ابلةعطيات
07-08-2002, 10:35 AM
انا اايد الكل ... يعني كلام كل واحد فيكم فيه نوع من الصحة .. :D

لكن ... على سالفة النسيان ...:o

لازم اتعرفون ان كل شي مقدر ومكتوب ... :)

فالواحد مايعور راسه ... ويتذكر شخص ... خانه ... الخ ...

ولازم اتعرفون انه اي شي الله كتبه لكم ... هو احسن شي ممكن يصير لك في هذا الدنيا ...

خلوني اقولكم ... قصة سمعتها وعجبتني:D ;)
قصة حقيقيه .... في واحد تاجر في الكويت كان اي شي ييصير له ... كان يؤمن بقدر الله وقضائه ... وكان يدري انه وراه خير انشالله ... المهم ... هذا الرجال
اي شي يصير له .. يقول مقدور خير .... مع الايام سموه (مقدور خير) ... :)
يوم من الايام ربعه بغوا يختبرون ايمانه بقضاء الله وقدره ... فقالوله .. انهم
يبون فلوسه ... لانهم يبون يبدون تجارة جديدة في بلاد ثانيه ... وان كل واحد
منهم دفع ... يعني تجارة مشتركه ... قال انزين ... وعطاهم كل فلوسه تقريبا
.. عقب راحوا وخذوا فلوسه ودفنوها في مكان خارج المنطقة اللي يعيشون فيها
ورجعوا ل (مقدور خير) ... بعد فتره ... وقالوا له .. انهم خسروا كل شي ...
والتجارة كانت فاشله برع ... وردد جملتع المعروفه وقال مقدور خير:واو: :واو:
اهني ربعه اتاكدوا من ايمانه بالله وقضائه ... وبعد فتره قصيرة ... حصلت كارثة
في المنطقة اللي عايشين فيها ... وكل من فيها خسر كل شي ... اهني ربعه اتذكرو
ان فلوس (مقدور خير) ... مدفونه .... وراحوا وطلعوها ... وردوا له الافلوس!
":" :D ":" :D
يعني اظن اذا بديت اتفكر بهذا التفكير ... راح اتشوف الدنيا غير ... صدقني:D
الله يحفظكم كلكم ... ويوفقكم ... :o
<--------انشالله عاد قلت شي مفيد مب خرابيط:أفكر::": :": ":"
RPGgirl
08-08-2002, 04:54 AM
لا حول العالم يتغير ومشاعر الناس تتغير فهل اصبح الاصدقاء للمصلحة فقط لا والله انا تعرفت لا وايد صديقات وعمري ما شكيت همي لوحده منهم الا كنت اسمعهم وبهالطريقة تكبر العلاقة مو صداقة للمصلحة والله يعينك لدام اصدقائك من هالنوع راح يجي يوم وما تلاقي احد يوقف جنبك ويساندك ساعتها بتندم على هالتصرف
على العموم الحمدالله اللي امثالك اللي يعتبرون الصداقة للمصلحة فقط قليلين وها افضل شي لانه الصداقة اسمى العلاقات على وجه الارض
Prime Evil
08-08-2002, 05:20 AM
الرسالة الأصلية كتبت بواسطة ابلةعطيات
انا اايد الكل ... يعني كلام كل واحد فيكم فيه نوع من الصحة .. :D

لكن ... على سالفة النسيان ...:o

لازم اتعرفون ان كل شي مقدر ومكتوب ... :)

فالواحد مايعور راسه ... ويتذكر شخص ... خانه ... الخ ...

ولازم اتعرفون انه اي شي الله كتبه لكم ... هو احسن شي ممكن يصير لك في هذا الدنيا ...



عز الكلام اللي قلتيهhttp://www.montada.com/montada/images/icons/icon14.gif

وبعدين أنا نسيت اني اتكلم مع بنات:D

البنات عاد مرة الصداقة والحب ما يسمعون فيها وإيمانهن فيها قوي:D

أنا كلامي خلص اشتري كلام وأجي":"
RPGgirl
08-08-2002, 05:27 AM
الرسالة الأصلية كتبت بواسطة Prime Evil


عز الكلام اللي قلتيهhttp://www.montada.com/montada/images/icons/icon14.gif

وبعدين أنا نسيت اني اتكلم مع بنات:D

البنات عاد مرة الصداقة والحب ما يسمعون فيها وإيمانهن فيها قوي:D

أنا كلامي خلص اشتري كلام وأجي":"
الا قول عشانكم ما عندكم مشاعر اما مشاعرنا احنا الحمدالله صاحية
Prime Evil
08-08-2002, 05:36 AM
الرسالة الأصلية كتبت بواسطة RPGgirl

الا قول عشانكم ما عندكم مشاعر اما مشاعرنا احنا الحمدالله صاحية

لأنكن عاطفيات جدا

أما احنا لا مو كلنا

لذا من يخوض المعارك الرجال ليس النساء
ONE_SHADOW_ONE
08-08-2002, 05:42 AM
الا قول عشانكم ما عندكم مشاعر اما مشاعرنا احنا الحمدالله صاحية


(أسمحولي داش عرض)

شو قصدك يا أخت RPGgirl


نحن مثلن (حيونات) ماعندنا مشاعر


كل أنسان عنده مشاعر
Prime Evil
08-08-2002, 05:50 AM
الرسالة الأصلية كتبت بواسطة ONE_SHADOW_ONE



(أسمحولي داش عرض)

شو قصدك يا أخت RPGgirl


نحن مثلن (حيونات) ماعندنا مشاعر


كل أنسان عنده مشاعر

:D شكلي جبتها لنفسي ولكم

بس الأخت ما قصدت شيء غلط

ولا تفهمها غلط:D

وشكرا":"
ONE_SHADOW_ONE
08-08-2002, 05:57 AM
لا يا أخ Prime Evil أنا مافهمتها غلط

أنا حبيت أغير جو عليكم

لأنه شكلكم بتصيحون ونتو تكتبون:D :D :D

ما ردت أخت RPGgirl

أظاهر خوفيتها أشوي :D :D :D :D :D
Prime Evil
08-08-2002, 06:06 AM
الرسالة الأصلية كتبت بواسطة ONE_SHADOW_ONE
لا يا أخ Prime Evil أنا مافهمتها غلط

أنا حبيت أغير جو عليكم

لأنه شكلكم بتصيحون ونتو تكتبون:D :D :D

ما ردت أخت RPGgirl

أظاهر خوفيتها أشوي :D :D :D :D :D

بالنسبة لخوفتها حتى أنا خفت

خفت إني سويت مشاكل وكذا

حتى ما كنت بأرد عليك

ياخي خفف اللهجة شوي خوفتها المسكينة
RPGgirl
08-08-2002, 06:14 AM
هاي
لاتخاف ما خوفتني مافي شي يخوف شوف انا قلت مشاعرنا صاحية والمعنى بالجمع له هو وامثاله انت ما عطيت رايك بالموضوع اول شي عطنا وجه نظرك :أفكر:
Prime Evil
08-08-2002, 06:24 AM
انتي ما خفتي وأنا خفت:":

إنتي متوحشة:": انتي درا - دراكو - بيبسي كولا

المهم هو ما قال رأيه في الموضوع:D

فعطنا رأيك ":"

أو نأخذه بالقوة":"
ONE_SHADOW_ONE
08-08-2002, 06:27 AM
انا قريت الموضوع من أوله لأخره

و الموضع لازم نتكلم فيه

أصراحه فيه أشياء الأفضل انها تنسي

وفيه أشياء ان لاننساها

ولي حصل مع الأخ Prime Evil

حصلي اقوه من اللي حصله

وفضلت ساكت احسن ونسيته

لايش؟ لأنه لو أذكرته رح أزيد حقد وكره وممكن أشيطان يلعب فيك

فتضل سكت أفضل (فسكوت من ذهب)

وانا أسف يا أخت RPGgirl ان أغضبتك في شي
RPGgirl
08-08-2002, 08:37 AM
الرسالة الأصلية كتبت بواسطة Prime Evil
انتي ما خفتي وأنا خفت:":

إنتي متوحشة:": انتي درا - دراكو - بيبسي كولا

المهم هو ما قال رأيه في الموضوع:D

فعطنا رأيك ":"

أو نأخذه بالقوة":"
you are really strange
الا اقول كلمه متوحشة قديييييييمة عندك غيرها :6
على العموم انا حطيت رايي وطبعا مقتنعة فيه ومشكورين على المناقشة :o
شيطان و لكن ...
08-08-2002, 09:28 AM
الحياة تجارب و لو كل تجربة راح ننساها ... فالاحسن انك ما تعيش اصلا ...
ez2dj
08-08-2002, 02:35 PM
يا أخي كل واحد ورأيه

ولو سمعت الأغاني ...بتسمع أغنية ((فكرة النسان هذي مستحيلة لابغيت أنساه قلبي مايطيع))


وفي واحد يقول ((إلى نساك أنساه والي هواك أهواه ))


وفي واحد يقول ((من الفرحة نسيت أني عليك البارحة زعلان ))


يعني فيه ناس صعب ينسون ...وفي ناس النسيان عندهم فريييي ....وفي ناس عندهم خير النسيان ....... فهمت:)
flarestar
08-08-2002, 05:31 PM
الرسالة الأصلية كتبت بواسطة شيطان و لكن ...
الحياة تجارب و لو كل تجربة راح ننساها ... فالاحسن انك ما تعيش اصلا ...


كلامك زي العاده حكم
نيو ايرفين
08-08-2002, 05:52 PM
بالنسبه لي النسيان حاسه سادسه لو اشوف واحد ميت امامي خمس دقايق فقط وانسى السالفه وكل ما جرى:cool:
flarestar
08-08-2002, 05:59 PM
الرسالة الأصلية كتبت بواسطة نيو ايرفين
بالنسبه لي النسيان حاسه سادسه لو اشوف واحد ميت امامي خمس دقايق فقط وانسى السالفه وكل ما جرى:cool:


و الله انه ما عندك قلب


بها السهوله تنسى الميت اللي ما صار لك مده شايفه:o
نيو ايرفين
08-08-2002, 06:28 PM
انا ما قلت هذا الكلام من فراغ انا قلته من تجربه مريت بها:p :cool:
Prime Evil
09-08-2002, 06:30 AM
ONE_SHADOW_ONE :
عز الكلام اللي قلته لازم ننسى أشياء كثيرة ونذكر أشياء أكثر...

RPGgirl:
You are Scary >>>> جديدة:D
ومشكورة جدا على أخذ حريتك في التعبير عن رأيك

king_kubaj:
طبعا نعمة لو أنا بأذكر كل اللي افتقدتهم لكن حالي يوميا مثل كذا >>>:" :(

BOY_THING:
الحمد لله على هذه النعمة تخيل لو إنك ما تنسى

شيطان و لكن:
وليش ننسى كل التجارب عادة ما يكون النسيان ليس أبدي ففي بعض الأحيان نتذاكر من افتقدنا والمشاكل التي مرينا عليها ولكن لا نذكرها طول الوقت...

ez2dj:
إنت كلامك صادق...
ففي حالات لابد أن ننسها أو نسينها أفضل وأخرى لابد أن لا ننسها...
فالنسيان يكون على حسب الحالة..

flarstar:
أنا في عشرة ماتوا مرة واحدة ونسيتهم بعد دقيقة":"

نيو ايرفين:
شنو ذا الميت اللي شفته ((أكيد بس)):6
ولا يكون انت داعسه:! :D بالسيكل