انجلينا17
07-08-2002, 08:57 PM
خذو السالفه بدون مقدمات
رؤوس الا قلام
موز بطعم المطازيز .... غايه الهدف
ابو دحيم ..... بطل القصه (العبيط)
عليان .... دلخ القصه (اساس المصيبه)
دغولا بتو.... ظف وجهك بالعربى
طرقع .... بدايه القصه
القصه:
في مره من المراريت ( اى منذ مبطي) كنت جالسن بالملحق حق بيتنا من زود الطفش
وكانت الصيفيه على بدايتها ... ارجعو ورا شهرين ....
المهم كنت جالس اقلب في التلفزيون والله وسيرت على ال TV5
وبحكمه ان ثقافتى فرنسيه قمت اطالع فيها
فجاءه جت الاعلانات التجاريه
والله وقالو ان في برنامج طبخ بيجي اليوم الساعه عشره ونص بتوقيت جيزان برعايه زيت شل للسيارات
والله وكانت الا اكله تشهى فقلت ياولد دام انى معزب ورا ما اتعلم منهم شوى
وجت الساعه عشره ونص بتوقيت جيزان واحطه على TV5 وكانت الطباخه ام جورجيت توها ترحب بالمشاهدين
المهم قالت طبختنا اليوم موز بطعم المطازيز ... انا يوم سمعتها نقزت من الفرحه وقلت اخيرن باكل موز بالمطازيز
والله قامت تعطي المقادير بالترتيب
والله انى انقز لم المطبخ واجيب المقادير
لكم المقادير (للفايده بس)
كوبن من الحليب الطازج
كوبان من الحليبان الطازجان
ثلاث اكواب من الاحلاب الطازجه
انا اول ما سمعت المفادير فقعت ام التلفزيون ببقس
والله وانى اقوم وادق على عليان
انا : الوووووو عليان
عليان: لا امه <=== اخلاق سياحيه ايه انا عليان وش تبي
انا: وين انت به
عليان: ياغبى انت داق على الثابت يعنى انا بالبيت
انا: طيب بجيك الحين اوكيه
عليان : طيب خمس دقايق اما جيت ترى بطلع
انا : طيب
والله انى اركب الموتر هو ساكن بمنفوحه وانا بالدخل المحدود (اى العريجا)
والله وانى اسفط الطبلون بالددسن حقتى ومكيم
والله في خلال 4 دقايق و59 ثانيه الا وانا محضر قدام الباب واشوفه توه ماسك يد الباب
والله وهو يطلعلى وقالى ودنا الخطوط
فرديت وقلت وش خطوطه عسى ماهيب حقت التلفون؟؟؟؟!!!
قال اقول انثبر لا اصقع خشتك وش ابي بخطوط التليفون
قلت اجل وشي خطوطه ذي الى تبيها؟
قال خقت الطيران يالدلخ .
قلت انا طيب وضح من اول ايها الدب المنتفى <=== ماتلاحظون ان الفصحى خشت عرض
وانت انشالله وين انت رايح به
قال اذا انت مخاوى بعلمك
طيب علمنى واشوف مخاويك والا لا
قال تراى دازن لم فرنسا اذا ودك تخاون خاون
قلت لالالالالالالالالا ياشيخ تستهبل
قال لا والله من جد
قلت اجل قدام انا ودي اجرب موز بطعم المطازيز
والله وندز لم الخطوط الى بالبطحا
تخبرون انها واجدن في ذاك
قلنا على اساس اذا المحل الى بندخله غالى نروح للى جمبه نشوف يمكن ارخص
والله ندخل المحل الاول طلعت التذكره غاليه
قلنا خلنا نروح للمحل الثانى طلعت بنفس السعر
درنا المحلات كلها بس ان السعر ثابت
قلنا يلا خلنا نطلع تذكرتين ونمشى
والله ودخلنا المحل الاول وقلناله في حجز يالطيب
قالنا على وين
قلنا على فرنسا
قالنا اى ديره تبون
قلنا الله يسلمك واشنطن الى بلندن
قالنا وين واشنطن عن فرنسا وعن لندن اقول تحسوا عدل
قال عليان ياخى طيب ني بكين (قمه النكبه)
قالنا متأكدين انكم تبون تروحون لبكين
قال عليان ايه متاكدين وانا خوك
ثم التفت وما غير تسمع تركتركتركركتك سطاك (يعنى يطقطق على الكمبيوتر)
على حجزكم اوكيه سياحيى بعد بكره
المهم خذينا التذاكر ودزينا
والله اننا نركب الموتر وندز لبيوتنا
واحنا بالطريق قالى عليان تدرى انى قد زرت بكين
قلت لا ياشيخ وش كان عندك هناك؟
قالى جوله حول العالم
قلت لاو الله علمنى وش شفت
قال شفت برج ايفل المايل الى عندهم<=== ما قلب الحكي ابد
قلت وين
قال ياخى ببكين ياخى
قلت طيب وش بعد شفت؟
قال شفت الاهرامات
قلت اقوووول لا تلعب على الاهرمات في الصين
صدقت ياخوى بالصين
والله ونا ناصل البيت وذبيت وجهى عنده بالشقه
وهو يقوم ويطبخ لى العشا وهو يقول من بكره واحنا بافخم مطاعم ببكين
والله وندبغ فذي النواشف الين قلنا بس
ونمنا بعدها
عدى اليوم الاول بسلام وحتى اليوم الثانى الين دزينا المطار
والله ونركب الطياره وكالعاده تعرفون الملكعه الى تصير بالطياره عشان القزاز
فا اقترح الكبتن طيار ابو مشعاب انى انا اجلس عند القزاز الايمن وهو عند القزاز الايسر
والله وتمتلى الطايره ركاب وشوى الا وتجلس جنبي بنت زي القمر
والله وانى اقوم واترزز شوى واسوى ثقل
بعد ما اقلعت الطياره واستوت في الجو قامت البنت من مكانها
ودزت ورا الطياره ما ادرى وش تسوى ورى
فجاءه وبعد مضي عشر دقايق والا وحدتن يازينها زيناه
على ماقالو ممشوقه الخصر ومخضره العينين وطويله القدمين <=== عشان السجع
والله وانى اقولها لو سمحتى ذا موب مكانك مكان وحده راحت ورا الطياره وبترجع
ناضرت فينى وقالت طيب اذا جت ابا اقوم <=== ياثقل دمها ثقلاه
واقوم ازبط خشتى ذي الى تقول خشه جربوع اثنين بريال
وامشط شعرى الى تقول كنه موطن للخنافس والقمل
واعطر نفسي بكلونيا جاتنى هديه من الخال <=== ابوك يالسجع
والله وانى اطلع مزركش تقول عريس من معاريس اهالى منفوحه الطيبه الصفراء
واجلس جنبها واقوم اتميلح واتطيخم واتبيرق الين كرهت البنت الدنيا ومافيها
والله وتمر ساعه ساعتين ثلاث وانقز للحمامات الى ورا
وانى اشب ذيك الزقاره وامخمخ والله يوم انى طلعت لقيت الكبتن طيار ابو مشعاب
تعالى يابن طوووووووووووووط وش تسوى يابن طووووووووووط (طووووط = كلام مقطوع من الرقابه الاعلاميه)
وش تسوى طوووووووط طووووووط
والله ويقوم عليان ويقول معليش يابو مشعاب ترى الدعوه هبال وترى حنا حقين الكيمرا الخفيه
وهو ابو مشعاب قام يزبط نفسه انه بيطلع في التلفزيون
ويسأله عليان هاه نزيع
قال ابو مشعاب زيع ياعم البركه فيك وفي عيالك <=== ماقلب مصري
المهم الكبتن انقلع ومشى في حال سبيله
وجا عليان وقالى انت بتفظحنا من الناس
قلت ياخى ماكنت ادرى ان التدخين ممنوع
قالى من قالك ممنوع
قلت اجل وين ادخن يعنى تبينى ادخن على الجناح
قال لا تبي تدخن رح الغرفه الى قدام مخمخ مزبوط
قلت والله
قالى والله
والله وانى اجلس بالكرسي حقى وشوى البنت الى جنبي تغطت
وقولها وش فيس يابنت الاجواد تغطيتى
قالت اخاف تصورني بالكيمرا الخفيا
قلت وش كيمرته الله يهديك ذي لعبه ومشت على الكبتن
قالت لى يا ابضاى
يوم وقتها طحت على وجهى ماصدقت انها قالت ذي الكلمه
والله واقوم والا والقاها مميله على ستفى ونايمه
يوم افتح الدريشه والقى الدنيا ظلام
يعنى انتصف الليل
والله وتصكنى الخرمه وقلت خلني اروح المكان الى قالى عليه عليان
والله يوم دزيت وافتح الباب الا واحصل ابو مشعاب مطلعلى بازوكا
وقالى ارفع يدك فوق
انا قلت اها يالنمس تبي ترد المقلب الى سويته فيك فينى لكن ما يمديك يا ابو الشباب
وفجاءه المهم علمتهم بالسالفه وانى انا ملعوبن عليه والا سان صارت علوم سفره
والله وان ابو مشعاب يخلى سبيلى وقالى رح ولاعاد تعودها
قلت له ابشر على خشمى
والله وارجع وافقع خشم عليان ببقس ارض جو
وهو ينقز من النوم ويقولى وش فيك الله يلعن ابو المزح الى زى كذا
قلت تبي تنكبنى يابن طوووووووط
قال لى لا والله ما ابى انكبك
قلت له اجل وش تسمي حركتك الى سويتها فينى
قال لى اي حركه
قلت حقت الدخان
قالى وانت خبل تصدق كل شي رح نام اصرف لك
والله وانى ادز والمقعد حقى وانام
والله شوى والا ابو مشعاب يقول
نرجو من الركاب ربط احزمه المقاعد وشكرن طنطن
والله البس الحزام حقى وتشهدت قلت اكيد بنصدم
واشوف البنت الى بجنبي رايحه بسابع نومه ومميله على كتفى وكتفى امتلى من سعابيلها
والله وانى اقوم واربط لها الحزام حقها شوى....
والا بقس ماشي ملايين على جبهتى
واقولها واشفيك يابنت الاجواد
قالت وشفينى وش الحركه الى سويتها قبل شوي
قلت اربط لك حزام الامان
قالت صرف زي الاوادم لا افقعك مع ظروسك
المهم سحبت عليها سيفون وجلست مكانى
والا وشوى الاوهبطنا
طلع ابو مشعاب مع المكرفون يقول
اعزائى الركاب ابقو في مقاعدكم حتى تقف الطائره نهائين وشكرن
والله يوم استوت الطياره في المطار ونزلنا منها
فجاءه نشوف احوال العالم تغيرت
واشكال العالم تغيرت
وين احنا بوه
والله وانى اقز ابو مشعاب واطمر وراه بو مشعااااااااااااااب هلا وغلااااااااا وينك ياخى ماتنشاف
قالى بالدنيا الصغيره
قلت ايه والله صغيره . بس وين انحن بوه
قال انتم ببكين
قلت طيب ووين تقع بكين ذي
قال بالصين
قلت وانا اقول وش في الناس اشكالهم سنهم فلبنيين يعنى انحن بفرنسا
قال ابو مشعاب ومتى صارت ذي
قلت من زمان
قال اقول فرنسا بديره وانت بديره اخرى
والله والتفت على عليان واصقعه ببقس مع دمجته طيرته عند الجدار
واقوله رايح بكين السنه الى راحت هاه دغولا بتو
انتهت القصه
مما يستفاد من القصه:
1-لا تطالع في برامج الطبخ الى بالتلفزيون ترى ماعندهم ماعند جدتى
2-انك ماتخطط لسفره الا اذا كنت عارف وين رايح.(يعنى لازم يكون معك خريطه)
3-اذا بغيت تفلخ على خويك افلخ فلخه مزبوطه موب زي عليان
4-قبل لاتركب الطياره سوى قرعه بينك وبين خويك مين يجلس عند القزاز
5-اذا ركبت الطياره خلك في حالك من شانك والا بيجيك تطيحه وجه ماقد صارت
6-ممنوع التدخين بالطياره واذا مسكت معك عفن بالحمام ( وانتم بكرامه ) ثمن شب الزقاره
7-لا تروح مكان ماتعرفه بالطياره الاذا كنت عارف وش فيه بختصار كل مارجعت ورا اصرف لك
8-دومن لا تطير بالعجه يعنى خلك ثقل
منقوووووووووول
رؤوس الا قلام
موز بطعم المطازيز .... غايه الهدف
ابو دحيم ..... بطل القصه (العبيط)
عليان .... دلخ القصه (اساس المصيبه)
دغولا بتو.... ظف وجهك بالعربى
طرقع .... بدايه القصه
القصه:
في مره من المراريت ( اى منذ مبطي) كنت جالسن بالملحق حق بيتنا من زود الطفش
وكانت الصيفيه على بدايتها ... ارجعو ورا شهرين ....
المهم كنت جالس اقلب في التلفزيون والله وسيرت على ال TV5
وبحكمه ان ثقافتى فرنسيه قمت اطالع فيها
فجاءه جت الاعلانات التجاريه
والله وقالو ان في برنامج طبخ بيجي اليوم الساعه عشره ونص بتوقيت جيزان برعايه زيت شل للسيارات
والله وكانت الا اكله تشهى فقلت ياولد دام انى معزب ورا ما اتعلم منهم شوى
وجت الساعه عشره ونص بتوقيت جيزان واحطه على TV5 وكانت الطباخه ام جورجيت توها ترحب بالمشاهدين
المهم قالت طبختنا اليوم موز بطعم المطازيز ... انا يوم سمعتها نقزت من الفرحه وقلت اخيرن باكل موز بالمطازيز
والله قامت تعطي المقادير بالترتيب
والله انى انقز لم المطبخ واجيب المقادير
لكم المقادير (للفايده بس)
كوبن من الحليب الطازج
كوبان من الحليبان الطازجان
ثلاث اكواب من الاحلاب الطازجه
انا اول ما سمعت المفادير فقعت ام التلفزيون ببقس
والله وانى اقوم وادق على عليان
انا : الوووووو عليان
عليان: لا امه <=== اخلاق سياحيه ايه انا عليان وش تبي
انا: وين انت به
عليان: ياغبى انت داق على الثابت يعنى انا بالبيت
انا: طيب بجيك الحين اوكيه
عليان : طيب خمس دقايق اما جيت ترى بطلع
انا : طيب
والله انى اركب الموتر هو ساكن بمنفوحه وانا بالدخل المحدود (اى العريجا)
والله وانى اسفط الطبلون بالددسن حقتى ومكيم
والله في خلال 4 دقايق و59 ثانيه الا وانا محضر قدام الباب واشوفه توه ماسك يد الباب
والله وهو يطلعلى وقالى ودنا الخطوط
فرديت وقلت وش خطوطه عسى ماهيب حقت التلفون؟؟؟؟!!!
قال اقول انثبر لا اصقع خشتك وش ابي بخطوط التليفون
قلت اجل وشي خطوطه ذي الى تبيها؟
قال خقت الطيران يالدلخ .
قلت انا طيب وضح من اول ايها الدب المنتفى <=== ماتلاحظون ان الفصحى خشت عرض
وانت انشالله وين انت رايح به
قال اذا انت مخاوى بعلمك
طيب علمنى واشوف مخاويك والا لا
قال تراى دازن لم فرنسا اذا ودك تخاون خاون
قلت لالالالالالالالالا ياشيخ تستهبل
قال لا والله من جد
قلت اجل قدام انا ودي اجرب موز بطعم المطازيز
والله وندز لم الخطوط الى بالبطحا
تخبرون انها واجدن في ذاك
قلنا على اساس اذا المحل الى بندخله غالى نروح للى جمبه نشوف يمكن ارخص
والله ندخل المحل الاول طلعت التذكره غاليه
قلنا خلنا نروح للمحل الثانى طلعت بنفس السعر
درنا المحلات كلها بس ان السعر ثابت
قلنا يلا خلنا نطلع تذكرتين ونمشى
والله ودخلنا المحل الاول وقلناله في حجز يالطيب
قالنا على وين
قلنا على فرنسا
قالنا اى ديره تبون
قلنا الله يسلمك واشنطن الى بلندن
قالنا وين واشنطن عن فرنسا وعن لندن اقول تحسوا عدل
قال عليان ياخى طيب ني بكين (قمه النكبه)
قالنا متأكدين انكم تبون تروحون لبكين
قال عليان ايه متاكدين وانا خوك
ثم التفت وما غير تسمع تركتركتركركتك سطاك (يعنى يطقطق على الكمبيوتر)
على حجزكم اوكيه سياحيى بعد بكره
المهم خذينا التذاكر ودزينا
والله اننا نركب الموتر وندز لبيوتنا
واحنا بالطريق قالى عليان تدرى انى قد زرت بكين
قلت لا ياشيخ وش كان عندك هناك؟
قالى جوله حول العالم
قلت لاو الله علمنى وش شفت
قال شفت برج ايفل المايل الى عندهم<=== ما قلب الحكي ابد
قلت وين
قال ياخى ببكين ياخى
قلت طيب وش بعد شفت؟
قال شفت الاهرامات
قلت اقوووول لا تلعب على الاهرمات في الصين
صدقت ياخوى بالصين
والله ونا ناصل البيت وذبيت وجهى عنده بالشقه
وهو يقوم ويطبخ لى العشا وهو يقول من بكره واحنا بافخم مطاعم ببكين
والله وندبغ فذي النواشف الين قلنا بس
ونمنا بعدها
عدى اليوم الاول بسلام وحتى اليوم الثانى الين دزينا المطار
والله ونركب الطياره وكالعاده تعرفون الملكعه الى تصير بالطياره عشان القزاز
فا اقترح الكبتن طيار ابو مشعاب انى انا اجلس عند القزاز الايمن وهو عند القزاز الايسر
والله وتمتلى الطايره ركاب وشوى الا وتجلس جنبي بنت زي القمر
والله وانى اقوم واترزز شوى واسوى ثقل
بعد ما اقلعت الطياره واستوت في الجو قامت البنت من مكانها
ودزت ورا الطياره ما ادرى وش تسوى ورى
فجاءه وبعد مضي عشر دقايق والا وحدتن يازينها زيناه
على ماقالو ممشوقه الخصر ومخضره العينين وطويله القدمين <=== عشان السجع
والله وانى اقولها لو سمحتى ذا موب مكانك مكان وحده راحت ورا الطياره وبترجع
ناضرت فينى وقالت طيب اذا جت ابا اقوم <=== ياثقل دمها ثقلاه
واقوم ازبط خشتى ذي الى تقول خشه جربوع اثنين بريال
وامشط شعرى الى تقول كنه موطن للخنافس والقمل
واعطر نفسي بكلونيا جاتنى هديه من الخال <=== ابوك يالسجع
والله وانى اطلع مزركش تقول عريس من معاريس اهالى منفوحه الطيبه الصفراء
واجلس جنبها واقوم اتميلح واتطيخم واتبيرق الين كرهت البنت الدنيا ومافيها
والله وتمر ساعه ساعتين ثلاث وانقز للحمامات الى ورا
وانى اشب ذيك الزقاره وامخمخ والله يوم انى طلعت لقيت الكبتن طيار ابو مشعاب
تعالى يابن طوووووووووووووط وش تسوى يابن طووووووووووط (طووووط = كلام مقطوع من الرقابه الاعلاميه)
وش تسوى طوووووووط طووووووط
والله ويقوم عليان ويقول معليش يابو مشعاب ترى الدعوه هبال وترى حنا حقين الكيمرا الخفيه
وهو ابو مشعاب قام يزبط نفسه انه بيطلع في التلفزيون
ويسأله عليان هاه نزيع
قال ابو مشعاب زيع ياعم البركه فيك وفي عيالك <=== ماقلب مصري
المهم الكبتن انقلع ومشى في حال سبيله
وجا عليان وقالى انت بتفظحنا من الناس
قلت ياخى ماكنت ادرى ان التدخين ممنوع
قالى من قالك ممنوع
قلت اجل وين ادخن يعنى تبينى ادخن على الجناح
قال لا تبي تدخن رح الغرفه الى قدام مخمخ مزبوط
قلت والله
قالى والله
والله وانى اجلس بالكرسي حقى وشوى البنت الى جنبي تغطت
وقولها وش فيس يابنت الاجواد تغطيتى
قالت اخاف تصورني بالكيمرا الخفيا
قلت وش كيمرته الله يهديك ذي لعبه ومشت على الكبتن
قالت لى يا ابضاى
يوم وقتها طحت على وجهى ماصدقت انها قالت ذي الكلمه
والله واقوم والا والقاها مميله على ستفى ونايمه
يوم افتح الدريشه والقى الدنيا ظلام
يعنى انتصف الليل
والله وتصكنى الخرمه وقلت خلني اروح المكان الى قالى عليه عليان
والله يوم دزيت وافتح الباب الا واحصل ابو مشعاب مطلعلى بازوكا
وقالى ارفع يدك فوق
انا قلت اها يالنمس تبي ترد المقلب الى سويته فيك فينى لكن ما يمديك يا ابو الشباب
وفجاءه المهم علمتهم بالسالفه وانى انا ملعوبن عليه والا سان صارت علوم سفره
والله وان ابو مشعاب يخلى سبيلى وقالى رح ولاعاد تعودها
قلت له ابشر على خشمى
والله وارجع وافقع خشم عليان ببقس ارض جو
وهو ينقز من النوم ويقولى وش فيك الله يلعن ابو المزح الى زى كذا
قلت تبي تنكبنى يابن طوووووووط
قال لى لا والله ما ابى انكبك
قلت له اجل وش تسمي حركتك الى سويتها فينى
قال لى اي حركه
قلت حقت الدخان
قالى وانت خبل تصدق كل شي رح نام اصرف لك
والله وانى ادز والمقعد حقى وانام
والله شوى والا ابو مشعاب يقول
نرجو من الركاب ربط احزمه المقاعد وشكرن طنطن
والله البس الحزام حقى وتشهدت قلت اكيد بنصدم
واشوف البنت الى بجنبي رايحه بسابع نومه ومميله على كتفى وكتفى امتلى من سعابيلها
والله وانى اقوم واربط لها الحزام حقها شوى....
والا بقس ماشي ملايين على جبهتى
واقولها واشفيك يابنت الاجواد
قالت وشفينى وش الحركه الى سويتها قبل شوي
قلت اربط لك حزام الامان
قالت صرف زي الاوادم لا افقعك مع ظروسك
المهم سحبت عليها سيفون وجلست مكانى
والا وشوى الاوهبطنا
طلع ابو مشعاب مع المكرفون يقول
اعزائى الركاب ابقو في مقاعدكم حتى تقف الطائره نهائين وشكرن
والله يوم استوت الطياره في المطار ونزلنا منها
فجاءه نشوف احوال العالم تغيرت
واشكال العالم تغيرت
وين احنا بوه
والله وانى اقز ابو مشعاب واطمر وراه بو مشعااااااااااااااب هلا وغلااااااااا وينك ياخى ماتنشاف
قالى بالدنيا الصغيره
قلت ايه والله صغيره . بس وين انحن بوه
قال انتم ببكين
قلت طيب ووين تقع بكين ذي
قال بالصين
قلت وانا اقول وش في الناس اشكالهم سنهم فلبنيين يعنى انحن بفرنسا
قال ابو مشعاب ومتى صارت ذي
قلت من زمان
قال اقول فرنسا بديره وانت بديره اخرى
والله والتفت على عليان واصقعه ببقس مع دمجته طيرته عند الجدار
واقوله رايح بكين السنه الى راحت هاه دغولا بتو
انتهت القصه
مما يستفاد من القصه:
1-لا تطالع في برامج الطبخ الى بالتلفزيون ترى ماعندهم ماعند جدتى
2-انك ماتخطط لسفره الا اذا كنت عارف وين رايح.(يعنى لازم يكون معك خريطه)
3-اذا بغيت تفلخ على خويك افلخ فلخه مزبوطه موب زي عليان
4-قبل لاتركب الطياره سوى قرعه بينك وبين خويك مين يجلس عند القزاز
5-اذا ركبت الطياره خلك في حالك من شانك والا بيجيك تطيحه وجه ماقد صارت
6-ممنوع التدخين بالطياره واذا مسكت معك عفن بالحمام ( وانتم بكرامه ) ثمن شب الزقاره
7-لا تروح مكان ماتعرفه بالطياره الاذا كنت عارف وش فيه بختصار كل مارجعت ورا اصرف لك
8-دومن لا تطير بالعجه يعنى خلك ثقل
منقوووووووووول