المساعد الشخصي الرقمي

مشاهدة النسخة كاملة : عام يا جماعه جهازي PS2 أمريكي أبي أطوره .. بس أنا محتار بين الوكالة الآسوية و جيم سنتر !!


M7MOOOD
07-08-2002, 10:38 PM
مرحبا :)

أنا عندي جهاز بلاي ستيشن 2 نظام أمريكي .. و أبي أطوره تطويره تشغل الدي في دي كوبي دايركت و السي دي العادي الكوبي للبلاي ستيشن 1 و 2 أيضا دايركت .. و ابي التطويرة ما تأثر على تشغيل الجهاز للألعاب الأصلية و للجيم شارك .. لأن أنا عندي شريطين أصليين و عندي الجيم شارك .

بس المشكلة أني الحين متورط و ما أعرف وين أطور جهازي .. عند الوكالة الآسيوية و لا جيم سنتر !!

أنا كنت راح أطور الجهاز عند الوكالة الآسيوية بس سمعت أن المحل فيه عيب كبير و هو أن اذا صارت أي مشكلة بالجهاز هم مالهم شغل .. و لا خص .. يعني ما يتحملون المسؤولية :":

و أنا الحين محتار ما أعرف وين أطور جهازي .. لأني آخر مرة وديته الرحاب عن الوكالة الآسيوية قالوا لي أن جهازي ما يتطور و أني لازم أنتظر لأنهم اح ييبون قطعة تطوير موديل يديد .. و ما أدري اذا يابوها و لا لأ !!

فحبيت أعرف منكم اي محل تنصحوني أطور .. و هل التطويرة عند الوكالة الآسوية عليها كفالة و لا لأ .. و هل وصلت التطويرة اليديدة و لا لأ .. و كم تكلفتها .. و كم مدة الكفالة عليها ... و هل اللي سمعته عن الوكالة الآسوية حقيقي و لا لأ ؟

الله يخليكم ساعدوني و أنصحوني لأني محتار و ما أعرف وين أطور جهازي و شنو أطوره ... لأني أبي أوديه الرحاب يوم السبت و أنا للحين محتااااار .



فالله يحليكم قولوا لي وين أطور الجهاز .. و هل وصلت التطويرة الجديدة .. و شنو اسمها و جم تكلفتها و كم مدة الكفالة عليها .




و شكرا .
linux
07-08-2002, 11:02 PM
قص الجهاز نصين وبعدين ود نص عندالوكاله الاسيويه ونص عند جيم سنتر
M7MOOOD
07-08-2002, 11:12 PM
الرسالة الأصلية كتبت بواسطة linux
قص الجهاز نصين وبعدين ود نص عندالوكاله الاسيويه ونص عند جيم سنتر

يا خوي أنا قاعد أكلمكم بموضوع جدي و هام جدا بالنسبة لي لأنه سيحدد مصير جهازي للأبد .. و أنت ترد علي رد هزلي مثل هذا :":
جيم سنتر
07-08-2002, 11:20 PM
انصحك تطورة عند الوكالة الآسيوية.. كل الكلام الي سمعته خطأ عنهم .. وانا اكبر دليل صار عطب بالقطعةحقتي لغلط بالتركيب ولما رجعت لهم.. صلحو بالكامل وما دفعت ولا قرش ... وانت حر ...
linux
07-08-2002, 11:23 PM
اوكي اول شي انا اسف على الرد الاول

بنسبه حق تطوير جهازك انا عندي لك نصيحه وحده لاااتطور جهازك ولااتوديه ابدا عند الوكاله الاسيويه عشان بصرحه شغلهم خواره اسئل مجرب ولا تسئل طبيب انا طورت عنده الجيم كيوب و الابلاي ستيشن 2 وصدقني قعدت اسبوعين كل ساعه يخترب واحد من الاجهزه ورجعه لهم لما مليت وديت اجهزتي جيم سنتر عشان يعدلهم

نصيحتي روح طور جهازك بكل المحلاات ماعدى الوكاله الاسيويه
M7MOOOD
08-08-2002, 12:01 AM
واحد ينصحني بالوكالة الآسيوية .. و الثاني يذم فيها ?:


لا والله زدتوا من حيرتي :"
جيم سنتر
08-08-2002, 02:59 AM
الفني حقهم كويتي http://www.montada.com/images/icons/icon14.gif
جرب وانشالله ما تندم ... :)
linux
08-08-2002, 03:13 AM
الرسالة الأصلية كتبت بواسطة جيم سنتر
الفني حقهم كويتي http://www.montada.com/images/icons/icon14.gif
جرب وانشالله ما تندم ... :)

هاذي المشكله الفني مال الوكاله الاسيويه كويتي ونت تدري الكويتيين مايضبطون الاعمال الحرفيه احسن شي يسونه الاعمال الاداريه
M7MOOOD
08-08-2002, 09:22 PM
يعني مالي الا جيم سنتر :":
THE_ZODIAC
08-08-2002, 11:00 PM
انا انصحك بالوكالة الاسيوية

و جيم سنتر اللي يشتغلون فيه كلهم مو صريحين

المهم انه يبيعك و شغله مو عدل
M7MOOOD
09-08-2002, 03:46 AM
تراكم والله حيرتوني :غضب: :غضب:

واحد ينصحني بالوكالة الآسيوية و يذم في جيم سنتر .... و واحد ينصحني بجيم سنتر و يذم في الوكالة الآسيوية :غضب: :غضب:





يعني الحين شلوووون :غضب: :غضب:





وين أطور جهازي :غضب: :غضب:
جيم سنتر
09-08-2002, 03:52 AM
الوكالة وريح راسك ...
linux
09-08-2002, 03:56 AM
انا نصحتك ونت كيفك الوكاله اذا طورت الجهاز عنده صدقني راح تقعد فوق السبوع الكامل ونت رايح راد تصلح الجهاز عشان اهم بصراحه مايضبطون شغلهم انصحك روح جيم سنتر ونت مرتااااح
ستيف بورنسايد
09-08-2002, 04:05 AM
:( :( :(
روح واحد وبس الي ارخص روح اله:D
M7MOOOD
09-08-2002, 04:09 AM
الرسالة الأصلية كتبت بواسطة جيم سنتر
الوكالة وريح راسك ...




الرسالة الأصلية كتبت بواسطة linux
انا نصحتك ونت كيفك الوكاله اذا طورت الجهاز عنده صدقني راح تقعد فوق السبوع الكامل ونت رايح راد تصلح الجهاز عشان اهم بصراحه مايضبطون شغلهم انصحك روح جيم سنتر ونت مرتااااح



ياااااا ربـــي .. أنا راح أروح يوم السبت الرحاب و أطور جهازي .. و للحين محتار وين أطوره :" :" :" :"

كل ما أقرأ رد أقتنع منه أقوم اقرأ رد آخر فأقتنع فيه .. و لكني أقرأ رد ثالث فأقتنع فيه .. و .. و .. و الخ :" :"






يااااا ناااااس .. راح أصيييير مجنووووووون :" :"
usef
09-08-2002, 04:17 AM
انا ولد ديرتك و اقولك طورها عند الوكاله الاسيويه انا بعد راح اروح يوم السبت الوكاله الاسيويه;-)
M7MOOOD
09-08-2002, 04:21 AM
الرسالة الأصلية كتبت بواسطة usef
انا ولد ديرتك و اقولك طورها عند الوكاله الاسيويه انا بعد راح اروح يوم السبت الوكاله الاسيويه;-)

بس اللي قاله ليونكس يمكن يصير لي مثل ما صار له .. شنو أعمل الحين :"
usef
09-08-2002, 04:24 AM
جيم سنتر...مختص بالالعاب فقط...:أفكر:
linux
09-08-2002, 05:17 AM
وذا تبي دليل ان الوكاله الاسيويه قواطي انا مستعد اصورلك الجيم كيوب مالي ووريك شلون شوهوه
M7MOOOD
09-08-2002, 05:42 AM
الرسالة الأصلية كتبت بواسطة linux
وذا تبي دليل ان الوكاله الاسيويه قواطي انا مستعد اصورلك الجيم كيوب مالي ووريك شلون شوهوه

اي الله يخليك لأني محتار .. بس الحين قمت أفكر أني أطور جهازي في جيم سنتر :":
جيم سنتر
09-08-2002, 06:09 AM
في فرق بين تطوير الكيوب والبلاي ستيشن2 .. هم محترفين بلاي ستيشن2 .. وعليهم خبير محصلش فيه .. :)
linux
09-08-2002, 06:32 AM
الرسالة الأصلية كتبت بواسطة جيم سنتر
في فرق بين تطوير الكيوب والبلاي ستيشن2 .. هم محترفين بلاي ستيشن2 .. وعليهم خبير محصلش فيه .. :)

تقولي عندهم خبير محصلش يخليني ارجع له البلاي ستيشن2 4 مرات في اسبوع واحد
mad_dog
09-08-2002, 09:20 AM
يا أخي أنا أنصحك بالوكاله الأسيويه ولسبب أن الوكاله الأسيويه تعطيك كفله شهر وجيم سنتر هم يعطيك كفاله شهر :D لاكن أقولك الفرق الوكاله الأسيويه يعطيك كفاله شاله يعني إذا ركبت القطعه إختربت العدسه يصلحالك مجاني أو أي شئ خلال الشهر ببلاش لاكن جيم سنتر لا على القطعه بسسسسسس يعني إذا إختربت العدسه أو الليزر يقولك أن الكفاله على القطعه فقط ءوأصلا إن القطعه ما تخرب لاكن إذا تركبت غلط لاسمح الله تخرب الجهاز وإذا ركبها لك جيم سنتر غلط بعد يومين تخرب البلاي2 يقولك الكفاله للقطعه فقط لاكن الوكاله عاي يصلحهت وبطيب خاطر وما أعتقد إن الوكاله خرب شئ أنا وربعي أكثر من 5 مطورين عنده كلهم ماشيه تماااااااااام روح الوكاله الأسيويه وإفتك وهذي عن تجربتي أنا
وربعي فكيفك......وجرب الكلام إلي قلتلك إياه عن الكفاله في الجيم سنتر وشوف السوري أو الهندي براس شيقول علا القطعه بس وإنت إذا تبي تتفاهم معاه مايخلليلك مجال إسإل راح يقول الكفاله للقطعه وراح على طول تبطل منه.........الوكاله وبسسسسسسس:0)
ورجاء الرد
THE_ZODIAC
09-08-2002, 01:37 PM
انا طورته عند الوكالة الاسيوية و صارلي

شهرين و لا اختربت و لا شي

و شغالة معاي ممتاز
M7MOOOD
10-08-2002, 02:03 AM
يعني الوكالة الآسيوية و لا جيم سنتر .. لأن بعد 15 ساعة راح أروح الرحاب :":
usef
10-08-2002, 02:12 AM
الرسالة الأصلية كتبت بواسطة M7MOOOD
يعني الوكالة الآسيوية و لا جيم سنتر .. لأن بعد 15 ساعة راح أروح الرحاب :":
حاسبها بعد :p
انا اقول الوكاله و بس و انا بعد راح اروح اطور جهازي باجر في الوكاله :D
Golden_Sun
10-08-2002, 02:52 AM
أنا ما أنصحك بالجيم سنتر لأنه كلة هنود ما يفهمون شي :أفكر: ......... بس ما أنصحك بالوكالة لأن ما أثق فيهم مادري ليش يعني كلة اسمع عنهم أشياء غريبة ,,,,,,,, بس إذا وديتها حق جيم سنتر أو الوكالة أشرط عليه إنه إذا صار فيها شي أو ماشيات أرجعها أو ترد تصلحها .......... هذا أحسن حل ;-)
M7MOOOD
10-08-2002, 06:34 AM
يعني أروح للوكالة الآسيوية و أتوكل على الله :":
mad_dog
10-08-2002, 06:44 AM
يا أخ إنت ماقريت ردي وضحتلك الفرق بين الوكاله وجيم سنتر ةالأفضل الوكاله وأنا مطورها عنده إقرا ردي وتعرف الفرق
sigma
10-08-2002, 08:50 AM
انا عندي سوني2 الأمريكي وطورته دايركت عند الوكالة ومافي مشاكل
بس ان العاب السوني 1 تشتغل بس مو بالألوان الطبيعية يعيني لازم تركب سمارت على حسب كلامهم وانت شنو تيبي السوني 1 الحين

وبعدين الفني مو كويتي فلسطيني واسمه ابراهيم

والسلام
M7MOOOD
11-08-2002, 12:45 AM
يعني أروح للوكالة الآسيوية :":
linux
11-08-2002, 03:22 AM
الرسالة الأصلية كتبت بواسطة M7MOOOD
يعني أروح للوكالة الآسيوية :":

خلاص طورها عند الوكاله مثل ماقالو الشباب :D بس دبر لك سياره توديك وتيبك لمده اسبوع من الرحاب لي البيت ومن البيت لي الرحاب
mad_dog
11-08-2002, 03:51 AM
يا أخيييييي روووووووح وتوكل على الله.......الوكاله طبعا
M7MOOOD
11-08-2002, 10:56 PM
الرسالة الأصلية كتبت بواسطة linux


خلاص طورها عند الوكاله مثل ماقالو الشباب :D بس دبر لك سياره توديك وتيبك لمده اسبوع من الرحاب لي البيت ومن البيت لي الرحاب

:": أنا الآن في موقف لا يحسد عليه :":


أروح للوكالة و لا جيم سنتر :"
ستيف بورنسايد
11-08-2002, 10:59 PM
الرسالة الأصلية كتبت بواسطة M7MOOOD


:": أنا الآن في موقف لا يحسد عليه :":


أروح للوكالة و لا جيم سنتر :"
الى الحين مارحت
طور جهاز في اي محل
الي تروح له قوله عليه ضمان اذا قال اية طوره عنده:p
جيم سنتر
11-08-2002, 11:36 PM
معليه على التجنين :) ..

لكن الحين من جد روح الوكالة الاسيوية وانشالله ما تندم ... انا طورة عندهم والتطويرة 100% بعد وش تبي اكثر من ذا اثبات ؟؟؟؟!!!!

وغلب الشباب يمدحونها ..
mad_dog
11-08-2002, 11:59 PM
يا أخي أنا أقولك جيم سنتر كفاله على القطعه و الوكاله كفاله شامله

يعني إييييييش معناااااهاااااااا

(الوكاله الأسيويه ):0)
M7MOOOD
12-08-2002, 02:52 AM
بس سمعت أن التطويرة على الجهاز الأمريكي جدا صعبة و غالبا ما تضبط .. و أيضا أنها تاثر عليها بنتائج سلبية في المستقبل .. و أن ألعاب الدي في دي كوبي سيئة .. هل هذا صحيح أم ماذا :":


و الحمدالله أن نسبة التجنين لي شوي خفت :"
mad_dog
12-08-2002, 03:24 AM
يا أخ أنا جهازي أمريكي ومطوره وشغغغغغغااااااااله تمااااااام

والنسخه نفس الأصلي تصور أنا عندي فف10 أصلي وتقليد الأصلي

تخدش وقام يعلق وخسرت لاكن الكوبي لعبت فيه وهم تخدش عالزبالله

على طووووول شريت واحد ثاني وما في فرقققققق إنت طور والحمدالله

الله منعم علينا لا سمح الله تعطل جهازك وخرب وعلق وشكل وحترق

إشتر أنذر ون (واحد ثاني)":"
M7MOOOD
12-08-2002, 03:43 AM
الرسالة الأصلية كتبت بواسطة mad_dog
يا أخ أنا جهازي أمريكي ومطوره وشغغغغغغااااااااله تمااااااام

والنسخه نفس الأصلي تصور أنا عندي فف10 أصلي وتقليد الأصلي

تخدش وقام يعلق وخسرت لاكن الكوبي لعبت فيه وهم تخدش عالزبالله

على طووووول شريت واحد ثاني وما في فرقققققق إنت طور والحمدالله

الله منعم علينا لا سمح الله تعطل جهازك وخرب وعلق وشكل وحترق

إشتر أنذر ون (واحد ثاني)":"

يا سلام .. و أنت شايفني قاعد على بنك .. و لا عندي دجاجه تبيض لي ذهب :غضب: :غضب:



و الله رجع الجنان لي مرة ثانية :"
mad_dog
12-08-2002, 04:19 AM
يا أخ لا جنان ولا شئ إنا أقولك أنا مركب الميشيا وشغاله تماااام عند الوكاله وعطيتك الفرق والدوافع مو راضي تقتنع والله العضيم ما أكذب علييييييييييييك والله العضيم :-)
M7MOOOD
12-08-2002, 04:44 AM
و متى طورت جهازك .. و بجم .. و كم مدة الضمان !!
mad_dog
12-08-2002, 05:04 AM
طورته ب40دينار وضمان شهر (شامل) ومن الوكاله الأسيويه ومدري متى;)

أشوفلك متى وأعطيك رد
M7MOOOD
12-08-2002, 05:31 AM
الرسالة الأصلية كتبت بواسطة mad_dog
طورته ب40دينار وضمان شهر (شامل) ومن الوكاله الأسيويه ومدري متى;)

أشوفلك متى وأعطيك رد

و الله تمام و خوش شي :-)

طيب و من كم يوم طورت الجهاز عندهم .. لاني من ثلاث اسابيع رحت عندهم و قالوا لميشيا ما تركب على جهازي :"
mad_dog
12-08-2002, 05:37 AM
بالتحديد 27\7\2002":"
M7MOOOD
12-08-2002, 05:47 AM
الرسالة الأصلية كتبت بواسطة mad_dog
بالتحديد 27\7\2002":"


ممكن تقولي رقم جهازك و نوعيته و رقم الموديل و الـC :واو:
mad_dog
12-08-2002, 06:16 AM
model no:scph-30001

date code:1b

serial:u3815922

وأي شئ أنا حاضر;)
M7MOOOD
12-08-2002, 06:28 AM
الرسالة الأصلية كتبت بواسطة mad_dog


date code:1b



أنا جهازي c1 :" :"

يقولون ما تركب عليه الميشيا الا الموديل اليديد :":
جيم سنتر
12-08-2002, 06:28 AM
لعلمك محمود ...


الضمان على اليشيا لا نهائي واي اي عطل او خراب فيها الوكالة مسؤولة مسؤولة عنه ..

وعلى فكرة احرص انك تخلي الفاتورة معاك .. واذا شفته ما عطاك خذها غصب لان مكتوب فيها انهم مسؤولين على الي اضافوه بالجهاز بدون مده معينة ..

;)
M7MOOOD
12-08-2002, 06:33 AM
الرسالة الأصلية كتبت بواسطة جيم سنتر
لعلمك محمود ...


الضمان على اليشيا لا نهائي واي اي عطل او خراب فيها الوكالة مسؤولة مسؤولة عنه ..

وعلى فكرة احرص انك تخلي الفاتورة معاك .. واذا شفته ما عطاك خذها غصب لان مكتوب فيها انهم مسؤولين على الي اضافوه بالجهاز بدون مده معينة ..

;)

لا والله :واو: :واو: :واو:


زين أنك قلت لي :D :D
mad_dog
12-08-2002, 06:35 AM
يا أخي الوكاله صارو يركبون على أي نوع أي جهاااااز وأنا أول مانزال البلاي2 طوالي عليه":"
M7MOOOD
12-08-2002, 06:48 AM
الرسالة الأصلية كتبت بواسطة mad_dog
يا أخي الوكاله صارو يركبون على أي نوع أي جهاااااز وأنا أول مانزال البلاي2 طوالي عليه":"

بس لما رحت لهم من ثلاث أسابيع قالوا أن جهازي ما يكرب عليه .. معقولة الحين يابوا قطعة تطوير يديدة ?:
mad_dog
12-08-2002, 07:46 AM
أكيد جابوووووو قطع جديده أنا كان مايركب عليه صار يركب

روح وما تخسر;) .....يمكن دينار بانزين خساره........:D