المساعد الشخصي الرقمي

مشاهدة النسخة كاملة : مشكلة الخليج مع الجيم بوي


Grandizer
11-08-2002, 08:53 AM
السلام عليكم
========
أنظر الى هذا الحادث الذي صار معي مره دخلة محل أبا أشتري سيديات حق جيم كيوب فقعدت اسأل راعي المحل ؟؟ كم اللعبه كا العاده لازم هذي الأسئله المهم جاء ولد صغير المحل وقال ابا أرجع هذي اللعبه وطلعبت اللعبه الي في أيده مال أدفانس .


رجع الولد اللعبه وعطاه الريال 30 درهم أنا اصدمت قلت له هل اللعبه عندك 30 قال نعم قلت له شو السبب قال :غضب: قال بكل بساطه أن في دول الخليج من أليوم ورايح ما بيجيبون الألعاب أصليه الا في بعض المحلات ?: السبب أونه الناس يشترونه ويرمونه وليش يدفع الواحد 150 أو فوق ؟؟؟ ?: ?: أمره غريب هذا الأنسان ؟ ؟ ؟

==========================================
مع الشكر
RPGgirl
11-08-2002, 09:37 AM
هاي
شي غريب فعلا احنا عندنا الشريط الواحد ب100 درهم
بس الناس فعلا ما يشترون الاصلي
Black Box
11-08-2002, 09:42 AM
:واو: :واو: :واو: 30 حنا عندنا بالسعودية ب95 .
Grandizer
11-08-2002, 09:56 AM
يقولون أن أنه خلاص مول ما يبون يجيبون أ,ن خساره لهم
RPGgirl
11-08-2002, 09:59 AM
الرسالة الأصلية كتبت بواسطة Grandizer
يقولون أن أنه خلاص مول ما يبون يجيبون أ,ن خساره لهم
غريبة احنا لين الحين يجيبون بهالسعر اما العاب الكولور اهي اللي تنباع عندنا ب30 درهم
Golden_Sun
11-08-2002, 02:24 PM
تصدق عاد أنا أمس كنت أفكر في نفس الموضوع ... كنت قاعد أقرى أسباب خسارة شركة SNK ... تدري شنو طلعت الأسباب ... فيه أسباب وايد و لكن بين هالأسباب إن لما تنزل شريط على البلاي ستيشن أو الدريم كاست أو أي جهاز ... محد يشترية أصلي كلهم كوبي ... و بعد قريت في مجلة EGM العدد السابع ... إقروا شنو قالت ... :

" ...... و هنا نذكركم بأنكم إذا أسمريتم في شراء المنسوخ والمقرصن من الألعاب فتوقوا مصيرا مشابة لشركات ألعابكم المفضلة ، مثل كونامي التي أحضرت لكم ميتل جير سوليد و وويننج إيفن "

أنا الصراحة كنت ما قمت أشتري كوبي من أول ما شريت الجيم بوي أدفانس يمكن بس لعبة شريتة كوبي لأني ما لقيتة أصلية وهو Konami Krazy Racer ..... سعر الأصلي عندنا حق الجيم بوي 15 دينار كويتي ( 180 ريال سعودي ) و الكوبي ب5 دينار كويتي ( 60 ريال سعودي )
Z.o.Z
11-08-2002, 05:10 PM
أنا و الله مالي شغل بالطقاق إلي يطق راسهم أشتري الكوبي و خل يخسرون :D
Golden_Sun
11-08-2002, 06:25 PM
الرسالة الأصلية كتبت بواسطة Z.o.Z
أنا و الله مالي شغل بالطقاق إلي يطق راسهم أشتري الكوبي و خل يخسرون :D

:D :D :D :D :D

بس مو كل مارا يضبط الكوبي ...... مثل بويكمون جولد و سيلفر و كريستال الأسامي مالت البوكيمونات مختلفة ;-)

علشان جذي شريتهم أصلي :D
Grandizer
12-08-2002, 07:21 AM
شوف الي يأخذ الكوبي يخرب مكانين الشركه ولعبته ؟؟؟


و أنتو أحرار أنا لونزل كوبي على الجيم كيوب ما بأخذ (مع العلم أن عندي جيم بوي أدفانس )
dutchsland^man
12-08-2002, 02:22 PM
و أنتم مصدقين إن الشركات تربح من الشرق الأوسط ؟ ؟ ؟ ؟ ؟

لو كانت تفكر كانت حطت فروع مثلها مثل اللي بأستراليا و ألمانيا وإيطاليا وغيرهم


و على فكرة ما فيه لجنة رقابة على الأسعار


لأنه اللي يدل على تخلف المحلات كانت تبيع
الكيوب بـ 2000 ريال أول ما نزل وسعره بأمريكا 195.99 دولار ( بعض المحلات 199.99 )

والبلاي 2 بـ 1800 ريال وهو بأمريكا فوق 200 دولار !!!!!!!!!!!!

وعلى فكرة قرايبي بأمريكا يقولون سعر الاكس بوكس هناك الحين نفس البلاي 2

وهنا فرق قاتل !!!


وش يثبت هذا ؟ ؟ ؟ ؟ ؟
Golden_Sun
12-08-2002, 11:20 PM
الرسالة الأصلية كتبت بواسطة dutchsland^man
و أنتم مصدقين إن الشركات تربح من الشرق الأوسط ؟ ؟ ؟ ؟ ؟

لو كانت تفكر كانت حطت فروع مثلها مثل اللي بأستراليا و ألمانيا وإيطاليا وغيرهم


و على فكرة ما فيه لجنة رقابة على الأسعار


لأنه اللي يدل على تخلف المحلات كانت تبيع
الكيوب بـ 2000 ريال أول ما نزل وسعره بأمريكا 195.99 دولار ( بعض المحلات 199.99 )

والبلاي 2 بـ 1800 ريال وهو بأمريكا فوق 200 دولار !!!!!!!!!!!!

وعلى فكرة قرايبي بأمريكا يقولون سعر الاكس بوكس هناك الحين نفس البلاي 2

وهنا فرق قاتل !!!


وش يثبت هذا ؟ ؟ ؟ ؟ ؟

توك تدري هالشي من زمان و لو تلاحظ إن أسعار الأجهازة عندنا واايد غالية :أفكر:

في امريكا سعر البلاي 2 و الكيوب و الأكس تقريبا بين 60 و 70 دينار كويتي و سعر الأدفانس تقريبا 15 أو 25 دينار بس :أفكر: شفت الفرق