تسجيل الدخول

مشاهدة النسخة كاملة : معرض رسوم الاعضاء تعلم من عيوب رسمتك



الخطاف
15-08-2002, 01:37 PM
السلام عليكم ....:D ....
(تعلم من عيوب الرسمه) فكرة فكرت أبها من وقت وايد طويل من بسب أغلب أعضاء المنتدى يجيدون المجاملات فعلاً ..وأنا لا أقول لا تمدحون بل عكس لأن فيها تشجيع قوي للفنان ولكن له حدود وأنتوا عارفين:أفكر: .
فكرتها إن كل يومين يختار شاهين ((خالي)) أحد من الأعضاء والعضوا يقدر يحط العدد إلي يبغيه من رسوماته وعلى الأعضاء الباقيه يطلعون الأغلاط إلي في الرسمه بدون مجالات ولامدح.:واو: ليستفيد من المنتدى في الرسم ويطور نفسه..:D ..
:D

بس سمحولي إني آختار أول واحد وهو شاهين وهذه رسمته
عندكم إياه:D :D
:D

الخطاف
15-08-2002, 02:21 PM
أعتقد أن منطقة الحوض إلي عنده صغيره شوي يبيلها تعريض شوي وخصوصاً الجانب الأعلى منه
واللمعة العين يايه في الوسط لو كانت في الطرف بتكون أفضل
والملاحظة الثالثة إن عضلة الكتف ضخمة شوي مع إنها تعتمد على الشخصية بس أفضلها أصغر شوي...
وهذه ملاحظاتي :D :D

orange road
15-08-2002, 05:11 PM
اوكي الخطاف..

الموضوع وايد رهيب وحلو :)
وانت طلعت الاخطاء في الرسم حق شاهين
مع ان اغلب رسومه ما شاءالله دقيقة

انا عندي ملاحظة على التلوين
وهو ان الخلفية وايد كلت من الشكل
يعني الاجزاء المتطايرة في الهوا ضاعت في الخلفية...
مع انه راسمهم بشكل حلو

كبمارو
15-08-2002, 05:48 PM
هلا..........

انا ماشوف اغلاط وايد في ها الرسمه بس ....

بالنسبه حق الخلفيه......الغيمه الزرقا....محددنها بالاسود لو يخليها بنفس لون الغيمه بيكون احسن .......

Rex
15-08-2002, 09:05 PM
أهلا أخ خطاف !! ... اشتقنالك اخوي جدا ولمشاركتك !! :)

ممم موضوع رائع بالفعل ... ورسمة شاهين ...
من وين نطلع أغلاط فيها :6 ... هههههههه :D

يمكن اللي أشوفه بس أن عظلة الكتف الأيمن أكبر من اليسرا ...


:)

هـداف
15-08-2002, 11:53 PM
أعتقد إن الرسمه فيها عيب طلعته بالغصب

اليد اليسار كبيره وايد:D ;)

الرايق 2000
16-08-2002, 10:17 AM
اممم موضوع جميل جدا جدا جدا جدا جدا


اوكي بس ما لقيت غير تنقي شاهين الله يسامحك

اوكي انا اصلا صعيف جدا في رسم الأدمين لكن ما ادري عندي احساس ان في رجل منفوخه اكثر من رجل

+

المفروض العضله اللي في اخر الساعد و بدايه العضد اللي هي تقريبا عند الكوع تكون اكبر في اليد المقبوضه منها في اليد المبسوطه

غير كذا فالرسمه ما اعرف فيها شئ ثاني

shaheen
16-08-2002, 10:59 AM
هذه رسمة ثانية للانتقاد
وشكرا على ملاحظاتكم الصريحة;-)

الرايق 2000
16-08-2002, 11:30 AM
اممم شاهين

اوكي انت بروفيسنال يعني راح اطلع لك الدوده من تحت الأرض :6

امم ما ادري لكن الشعر اللي من تحت العصابه غريب احسه كأنه سكاين مو شعر

احس الحمامه ورق مو حمامه محتاجه لتظليل

امم الأزرار المتعلقه في الخيوط كبيره حبتين

الخنصر اللي في اليد اليسار معووج او اني مسطل ما نمت

الشئ اللي على جنب الراس فين متعلق بالظبط على العصابه ولا في الأذن ?:


اممم لفه الردائ عجيبه لكن حلوه كأنها لفه رساله

كبمارو
16-08-2002, 05:09 PM
ما شوف فيها شيء .......:o

كله تمام.....:o

GM Head
16-08-2002, 05:18 PM
الوشاح ملفوف كأنه ورق بردي

الوقفة غير متزنة بالمرة (الفتاة تسقط على الأرض لو توقف هل الوقفة)

الوشاح لماع حده

الخطاف
19-08-2002, 06:35 PM
لاتخاف مافي شي كامل إلا الله سبحانه
ومن إضافاتي للأغلاط
واحد_ الفم مو صاير في نص الوجه
اثنين_ الربطه الي في الراس محطوطه حطاط يعني لو يصلها الهواء مثل رداء لو طاح
ثالثاً_ الربطه في صدرها مو واصلها الهواء أبد!!
:D :D

كبمارو
19-08-2002, 07:10 PM
الرسالة الأصلية كتبت بواسطة الخطاف
ثالثاً_ الربطه في صدرها مو واصلها الهواء أبد!!
:D :D

........بنقول النقطيتن الي ذكرتهم تحتاج مهارة عشات تطلعهم ...لكن

هذي النقطه الثالثه.......:D مشاءالله...لتكون كونان وانا مادري..:D

الرايق 2000
20-08-2002, 11:46 AM
الرسالة الأصلية كتبت بواسطة الخطاف

ثالثاً_ الربطه في صدرها مو واصلها الهواء أبد!!
:D :D

إلعكس صح

لانه لاحظ لها ازارير يعني تثقلها

و فوق كذا الهواء يغطيه الجسم علشان تتأكد لاحظ طرف ربطه الراس اللي فوق كبير و الوشاح طرفه كبيره

نوع من المنظور

إذا الهواء يضرب في الجسم من ورى إذا تغطي على الربطه

shaheen
20-08-2002, 03:44 PM
بصراحة هناك نقاط ذكرتموها رائعة ونقاط ذكرتموها تفشل.. نقاط غير صحيحة.... بصراحة انا استفدت من ملاحظاتكم وهي:

الرسمة الاولى:
الخطاف - أعتقد أن منطقة الحوض إلي عنده صغيره شوي يبيلها تعريض شوي وخصوصاً الجانب الأعلى منه
و إن عضلة الكتف ضخمة شوي مع إنها تعتمد على الشخصية بس أفضلها أصغر شوي...

خلود - الخلفية وايد كلت من الشكل
يعني الاجزاء المتطايرة في الهوا ضاعت في الخلفية...

كبمارو - بالنسبه حق الخلفيه......الغيمه الزرقا....محددنها بالاسود لو يخليها بنفس لون الغيمه بيكون احسن .......

ريفلكس - يمكن اللي أشوفه بس أن عظلة الكتف الأيمن أكبر من اليسرا

شاعر - اليد اليسار كبيره وايد

اممم موضوع جميل جدا جدا جدا جدا جدا


اوكي بس ما لقيت غير تنقي شاهين الله يسامحك

الرايق - عندي احساس ان في رجل منفوخه اكثر من رجل

الرسمة الثانية:
الرايق - احس الحمامه ورق مو حمامه محتاجه لتظليل

الخنصر اللي في اليد اليسار معووج او اني مسطل ما نمت

بالنسبة للبعض الذي وضع نقاط غريبة وقد كتبت ردي بين الاقواس:

الخطاف - يقول بالنسبة للرسمة الاولى: اللمعة العين يايه في الوسط لو كانت في الطرف بتكون أفضل
(ههههههههه الاخ وايد دقيق... بس الحركة وحدة)
بالنسبة للرسمة الثانية يقول الخطاف بيك
الفم مو صاير في نص الوجه (لان رأسها ملتفت قليلا)
الربطه الي في الراس محطوطه حطاط يعني لو يصلها الهواء مثل رداء لو طاح (هههههههه... ليكون انت اللي لابسها؟ هذه نقطة غير صحيحة يعتمد على خام الربطة وقوة شدها)
الربطه في صدرها مو واصلها الهواء أبد!! (يحتاج لها قليل من الميلان لان بها ثقل يمنعهت من الحركة).

الرايق - يقول المفروض العضله اللي في اخر الساعد و بدايه العضد اللي هي تقريبا عند الكوع تكون اكبر في اليد المقبوضه منها في اليد المبسوطه ( لايا شيخ... انت دكتور تشريح... هههههههههه حاول مرة اخرى)

بالنسبة للرسمة الثانية يقول الرايق بيك:
امم ما ادري لكن الشعر اللي من تحت العصابه غريب احسه كأنه سكاين مو شعر (والله؟؟ ماعلينا سميها تسريحة السكاكيني:))

امم الأزرار المتعلقه في الخيوط كبيره حبتين (ولو... مافيها شئ... هذا مجرد تصميم لبس مو لبس رسمي او معروف عشان تطلع اغلاط فيه)

الشئ اللي على جنب الراس فين متعلق بالظبط على العصابه ولا في الأذن (ههههههه يا اخي وانت ليش تبي تعرف... انت شوف وخلاص... اسأل البنت... المهم هي ميدالية معلقة مع عصابة الرأس)

جي ام - يقول الوشاح ملفوف كأنه ورق بردي (؟؟)
الوقفة غير متزنة بالمرة الفتاة تسقط على الأرض لو توقف هل الوقفة
(ههههههه الرجل اليمين تفي بالغرض)
الوشاح لماع حده (هذا من جلد لامع:))

بيني وبيمك بعض الاعضاء يبحث عن اخطاء في اشياء ليس فيها اغلاط والبعض الاخر يوجد اخطاء من دون وجود اخطاء... المهم يجب ان تعرف اين الخطأ الواضح.. وليس من خطأ تتخيله :)

وفعلا استفدت من الموضوع في الدقة في الرسم

نبي نشوف الضحية الياية يا خطاف... ان شاء الله انت!
;-)

Rewayah
21-08-2002, 02:45 AM
موضوع حلو يالخطاف ومهم جداً! :)

وبصراحة ماعندي أي تعليق على هالرسمتان مال شاهين, بالعكس, أغلب رسومات هالحبيب نادرة الأخطاء وأغلبها كامل والكمال كله لله عز وجل. :)

والصراحة أنا مهتم وايد بالموضوع وأتفكر في وأخمن الرسمات القادمة التي سيتم طرحها وأيها ستكون! ;)

بإنتظار آخر التطورات. :)

الخطاف
22-08-2002, 05:39 PM
نبتدي من اليوم بعضو يديد
لنبتدي نطلع الأغلاط وهذي المرة أخترت
خلود (أورنج رود)
وهذه الرسمه إفتتاحيه لها وعندج يا أخت خلود فرصة لكم يوم لتزيدين الصور :D
http://members.lycos.co.uk/shaheenanime/catw.jpg

orange road
22-08-2002, 05:54 PM
الخطاف :!

وطلعت انا الضحية الثانية في هالموضوع

طيب...
عاد كنت اخترت رسمة ايدد من ذي

طيب... انا عارفة الاخطاء فيها...
لحد يقول اليد فيها اعاقة... دايما اليد فيها اعاقة في رسومي

الريل غلط خصوصا ريلها اليسرى لان الريل من على جنب ما تكون سيدة جذي لازم يكون فيها انحناءات
خصوصا عند الركبة :6

الراس تحسه كبير بس لان القناع اللي حاطته على راسها يعطيك هالاحساس ... لان كبير من ورا علشان يطلع الشعر منه :6

اوكي...
يعني اللي كتبته لحد يعيده :o

اعتقد يالخطاف ان انت اللي المفروض تحط الرسوم هني...
مثل ما سويت حق شاهين...
بس اختر رسوم ايدد شوي :)

الرايق 2000
22-08-2002, 06:19 PM
اممم ما اشوف غير عيب واحد بس


الصدر الأيسر للشخصيه كأنه مو موجود :! ااممم يمكن يحتاج تظليل اكثر او خط بسيط من جهه اليمين للشخصيه