المساعد الشخصي الرقمي

مشاهدة النسخة كاملة : قصة لتخويف البزارين....


tidusxxx
16-08-2002, 11:06 AM
هذي قصة حكتها امي مرة بعدين سوينا مناحة وبطلت تحكيها......:D
اذا كان عندك بزران ناشبين في حلقك حكيها لهم....:D انا لا اتحمل العواقب;-)
كان فيه واحد ومرته وولده<<<احتمال بنته في بعض الروايات:6
كانوا مسافرين في الصحراء:D وفجأة.....مرت عليهم حرمة:p
كانت راكبه حصان مدري حمار انتو اختاروا....
وطبعا هم كانوا ماشيين على رجولهم....
قالت:اوه ......فلان الفلاني.....ما عرفتني؟؟؟انا عمتك فلانه<<<مني عارف اسماؤهم:p
المهم قال:ماعرفكي....قالت:انا تركتكم وانت صغير...
عاد هو صدق.....اقترحت عليهم يجون معاها بيتها يريحون كم يوم....
هم ما صدقوا وراحوا معاها وانبسطوا واكرمتهم.....
ويوم من الايام لقت الام جلد آدمي منشور في مكان ما<<<ما يدري:6
لقت بعد غرفة مليانة جلود وعظام اوادم.....
راحت ركض تحذر رجلها وقالت له:يله نهرب .....تراها سعلوة:"
الرجال:روحي يا شيخة بلا تخاريف:غضب:
المره خذت ولدها-ولا بنتها-وهربت
جت السعلوة.....
قال لها الرجال:شفتي مرتي الهبلة......تقول انك سعلوة:p
السعلوة:ايه صح.......من وين آكلك؟؟؟:6
الرجال:كليني من لحيتي ما طعت شور مريتي<<<تم تعديل الجملة لاسباب صحية:D
بعدين.....كلته....

الفائدة من القصة:يا اطفال يا حلوين.....اسمعوا الكلام.....ولا تروحون مع اغراب;-) :6

ملاحظة:السعلوة هي واحدة تاكل الناس?: :!
usef
16-08-2002, 03:21 PM
يمااااااااااااا ! http://imbiss-coding.de/smiliez.de/smz/trrg/trrg_9.gif
mod
16-08-2002, 03:29 PM
اقول ..

ترا بزارين اليوم ما يخافون من الجن والشياطين .

تبيهم يخافون من هذي القصة .:D
( الزعيم )
16-08-2002, 05:34 PM
ههههههههههه

اجل بقول هاذي القصة للبزارين اللي ناشبين عندي مثل >>>>>> vivi ":" ":"


والا yosr .........:0) ":"
Better Days
16-08-2002, 06:19 PM
كانوا يخوفونا بيها واحنا صغار اذا ما نمنا بدري يقولون ترا تجيكم السعلوه ونروح ننام على طول:D
Chad
16-08-2002, 06:30 PM
ههههههههههه:D :D :D :D

بنات خالي لما كانن صغار كانوا يخوفوا فيهن بشيخ يجي في التلفزيون في قناه اليمن في كل صلاه جمعه:D :D :D :D
Better Days
16-08-2002, 06:33 PM
هههههههههههههههههههههه
وبعد النمنم:p
usef
16-08-2002, 06:41 PM
يا حليلكم انا يوم كنت صغير كنت ما اعترف بهالاشياء:D
Lena
16-08-2002, 06:44 PM
يا تيدوس حتى انتم عندكم السعلوه هههههههههههههه
انت من وين السعلوه هذي من اشهر شخصيات منطقه نجد:0)


الله يرحمه جدي كاااااااااان يتحفنا بقصص السعالوه
كانت قصص ولا فاينل فانتزي
بس استحي اقولهم
لان فيها اشياء غير قابله للنشر(قناة السعوديه تقطع هههههه:6 )
Better Days
16-08-2002, 06:46 PM
صح:D قصص السعالوه فيها اشياء تشيلها الرقابه:D
flarestar
16-08-2002, 09:01 PM
و اذا طلعنا الظهر في الشمس يقولون لنا ادخلوا لا تجيكم حماره القايله ( الا الان مافهمت ايش هي:أفكر: )
mod
16-08-2002, 09:22 PM
الرسالة الأصلية كتبت بواسطة flarstar
و اذا طلعنا الظهر في الشمس يقولون لنا ادخلوا لا تجيكم حماره القايله ( الا الان مافهمت ايش هي:أفكر: )


هههههههههههههههاااااااااااااااااااااااااااااااااااااااي

خخخخخخخخخخخخخخخخ حمارة القايلة :p

يعني حمارة الظهر <---- ترجمة ما قد صارت :D
Better Days
16-08-2002, 10:46 PM
فيه كتب اسمها قصص شعبيه 7 اجزاء حلوه فيها قصص اهل نجد كلها:D
ستيف بورنسايد
17-08-2002, 12:07 AM
تشبة الساحرة في بيت الحلوى:p :p :p





هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههه
سعلوة:p :p
لها خشم طويل":"
usef
17-08-2002, 12:45 AM
الرسالة الأصلية كتبت بواسطة flarstar
و اذا طلعنا الظهر في الشمس يقولون لنا ادخلوا لا تجيكم حماره القايله ( الا الان مافهمت ايش هي:أفكر: )
اشششش لا تسمعج حماره القايله....
حماره معناها حمار بس مؤنث يعني اتان
القايله معناها الظهر او النهار من الساعه 10 الى 1 الظهر يعني حزه شاي الضحي
و ينقال هالشي اذا طلعو اليهال بعز القايله و اهلهم مو راضين عليهم تجيهم حماره القايله و تقرصهم لييييين يموتون :D
MSB
17-08-2002, 04:16 AM
ما تخوف ولا شي الحين الأولاد هم الي يخوفون مب الكبار يعني تبيلك تطوير لحمارة القايلة تسير..........:أفكر:
سلام.....
mod
17-08-2002, 08:56 AM
تبون صدق تعرفون حمارة القايلة ....:p

يقولون انها جنية ..:!

بس طبعا ً خرافات ..:D
flarestar
17-08-2002, 09:01 AM
الله يقطع شر اهلنا يعلمونا خرافات من و حنا صغار:6


المهم حماره.............. ماني قايله اسمها اخاف تجيني:6


جنيه و تقرص بعد ههههههههههه

:0)
Y a z e e d
17-08-2002, 10:44 AM
:D
ماشفتوا شي
عمو يويو و عووووووو و جني سدير و حمار الصحرا



بلاوي زرقا وحمرا وخضرا بعد ....! :D
mod
17-08-2002, 11:18 AM
طيب اسمعوا هذي السالفة مني :

كانت فيه عجوزه دائما ً تجينا ( لزقة )

وهي لسى عايشة بس الحين تطورت ( بوكيمون ) واصبحت عجوزه أول

فقالت لي وانا صغير :

تعرف الباب الي في البيت المهجور الي هناك ؟؟

انا : ايه اعرفه .

هي : صح ان فيه باب ممخش ..؟؟

انا : ايه :! !!

قالت :

هذي حرمة اسمها فاطمة كانت تطلع كل يوم تجيب الحطب .

فجتها خويتها يوم من الايام وقالت لها خلينا نطلع مع بعض نحتطب .

فطلعت معها .. ويوم وصلوا بين الاشجار حمرت عيون الحرمة الثانية

وطالت اظافيرها .

وقالت لفاطمة ابغى آكلك .

فهربت فاطمة .. وصكت الباب .. فجت هذي الخبيثة ومخشت الباب .

لكن ما قدرت تدخل .


قالت لي العجوزة ( الله يهديها ) :

هذي هي السعلية .

ومن يومها وانا ما اقرب من هذاك البيت :" :"

الله يهديها على هذي العملة .:غضب:

صدق ان الشيبان والعجايز بلاوي .. يخربون عقول الاجيال البريئة :p
Better Days
18-08-2002, 02:25 AM
هذي احدى قصص السعلوه اذا رجعت البيت كتبت لكم قصص كثير:D
tidusxxx
18-08-2002, 12:26 PM
تخيل امك تحكي في الظلام؟؟؟?:
مود:بزاريننا يخافون ولله الحمد:D والله تخوف قصتك
الزعيم:ليه؟؟؟؟هم ناشبين من جد:p
اي جي:من وين نطلعه ذا؟؟؟:D :D
يوسف:والله نعترف بها وامثالها...:D
لينا:انا ما عندي جدان:" عندي جدة واحدة بس:" الله يخليها لنا:)
فلارستار:اما ذي لغز:D
ستيف::D
msb:والله مادري عنك......بس مازلنا نخوفهم......وتجي الصقعة في راسي:أفكر:
بوي ثينج:بارسل شوية من اللي عندنا:D
زيدان:هاه?:
ديدمان:ورا ما تهجد وانا اخوك وتبطل رد؟؟؟:غضب: بين كل ردين الاقيك راد......اركد:D
silverpaco_101
18-08-2002, 01:02 PM
هع:!
tidusxxx
18-08-2002, 01:27 PM
هو...؟؟؟وش فيك؟؟؟:!
Better Days
18-08-2002, 11:15 PM
مدري:p
ران
19-08-2002, 04:11 AM
هههه حلوه القصه

ذكرتني بسشي
Better Days
19-08-2002, 04:15 AM
الرسالة الأصلية كتبت بواسطة ران
هههه حلوه القصه

ذكرتني بسشي

وش سشي؟؟?: