كيف تكتب الأكشن سكربت ل "فلاش 5"

[الرايق 2000]

اوكي شباب هذا الدرس من عملي انا و هنا ما في شرح لشئ معين لكن الشرح سيكون مكثف و شديد على اسلوب كتابه الأكشن سكربت


اوكي بسم الله الرحمن الرحيم و به نستعين

اوكي اول شئ و اهم شئ إيش هي عناصر الفلاش

طبعا الدرس هذا بحسب فهمي لدرس اجنبي إذا يمكن يكون فيه اغلاط و إن شاء الله احد يصححها لي

اوكي الفلاش يتكون من شئ يسمى sympols (إملا غلط ) المهم تنقسم إلى اكثر من شئ ال movies و هذي من اهم الأشياء
و الصور image و ما راح تنعامل معاها كثر
و الأزرار buttons لها ظوابط خاصه و مميزه

و في اصوات و غيرها لكن هذي هي الرئيسيه

اوكي الشئ المعين اللي نقدر نسميه هو ال movies

علشان كذا لها مقدر مميزه للتعامل

اوكي الأكشن سكربت اسهل مما تتوقعوا شباب تخيلوا الفلاش كله قصه

الشخصيات في كل قصه تتكلم مع بعض صح تخيل انك انت المخرج

تقول للممثل 1 روح لليمين و تكلم و للمثل 2 امشي علطول و للمثل 3 اختفي و كذا

هذي هي الأكشن سكربت
اوكي بالنسبه لتسميه الmovie clip

ففي اكثر من طريقه لكن اول طريقه هي انك تسحب الموفي كليب على الشاشه و تسميه في هذي النافذه

لاحظوا في الصوره المربعات المفرغهه

نوع الرمز هو movie clip

انا هنا سميته test

طبعا انا ستعنت بشي بسيط لدرجه انه ما فيه حركه

[الرايق 2000]

اوكي قبل كل شئ علسنا ان نفهم كيف نكتب التسميه في الأكشن سكربت

يعني نكتب بس

test =22

طيب test هو فلم إيش هو ال 22 فيه

اوكي

في طريقه إسمها synts and tasx شئ زي كذا لكتابه الأكشن سكربت
تعتمد بشكل كبير على التسمه

لكن كيف نسمي

هناك طريقتين في التسمه

الأولى انك تسمي بدأ من المكان اللي انت كاتب فيه الإسكربت

يعني لو مثلا انا حاط الفلم على الصفحه الرئيسيه و الإسكربت كمان على الصفحه الرئيسيه علطول احطها test

لكن لو مثلا انا حاطط الإسكربت على الصفحه الرئيسيه و الفلم موجود داخل فلم ثاني لنفرض انه father لازم اكتب

father.test

راح يقولوا لي عقدتنا كيف فلم تحطه جوا فلم جربها مكن تحط فلمين داخل بعض و ثلاث و اربعه إلى ما لا نهايه بس ما ينفع يكون فلم داخل نفسه


و الطريقه الثانيه :

انك تسميها من بدايه الصفحه الرئيسيه و ذلك انك تكتب كلمه تدل على الصفحه الرئيسيه و هي

_root

يعني في المثال الأول الفلم كان في الصفحه الرئيسيه نكتب

_root.test
وفي المثال الثاني نكتب


_root.father.test
طيب يا رايق هذا ما يفيدني
حبيبي لا تستعجل على رزقك

التسميه خلصنا منها و هي جدا مهمه
الأن لكل sympol

خواصه الخاصه
مثلا ال صوت له العلو و الإنخفاض و الإتجاه
الأفلام لها رقم ال frame و و عدد ال frames و السرعه و ال alpha و الtan و الإحداثي السيني X و الإحداثي الصادي Y غيرها غيرها غيرها

للصور مثلا ال alpha و RGB و غيرها

لكل منها رمز معين في الفلاش تلاقوها في قائمه proparties


اوكي طيب يا رايق يا حبيب قلبي لغايه دحين ما استفدنا

يا عمي صبرا ال ياسر

بكل سهوله في الفلاش كثير من الرياضيات فيها رموز رياضيه مثل ال + و ++ و && و -

اوكي هذي معانيها
&& = و
= مساواه طبيعيه
== تساؤل المساواه يعني (هل تساوي ؟)
|| or = او (واحده منهم || او or ) ما فرقت
< = اكبر
> = اصغر (لانها انجليزي )
>= = اصغر او يساوي
<= = اكبر او يساوي

و في اشياء ثانيه لكن هذي اهمهم و انا لغايه دحين ما اعرفها طبعا هذي غير رموز الرياضيات زي الضرب و الجمع و القسمه

اوكي و فوق كذا في قائمه الأوامر اللي هي ال actions
يعني تأمر الفلم انه يتحرك play او stop و كذا

اوكي دحين انا لغايه دحين ماني عارف كيف اكتب السكربت

هنا الشغل

الإسكربت ابسط انواعه هو :

انك تقسم السطر إلى اقسام
مثلا



first part . second part = something

القسم الأول first part = تسميه العنصر sympol (علشان كذا قلت التسميه فوق مهمه لازم تفهم اللي فوق و لو كلامي مو واضح قولوا )

القسم الثاني second part = شئ من إثنين خاصيه او امر

يصير غصبن عنك القسم الثاني يكون خاصيه او امر

لو كان خاصيه نحط اليساوي زي كذا مثلا


_root.father.test._ALPHA = 50
يصير هنا انا حدتت ال alpha (الشفافيه) انها تكون 50 يعني النصف

لو كان فعل

father.test.PLAY()
ما احط يساوي لاني ما راح احدد قيمه لكن تختلف من فعل لأخر ممكن تحطوها من القائمه علشان تعرفوا المطلوب

اوكي عندي احساس ان الشباب راح يشوتوني

راح يقولوا احنا اصلا فاهمين إيش ال alpha و hit test و و و و و فوق كذا ما نعرفها كلها

اقوولهم هدو بالكم لا تشوتوني كلها موجوده في قوائم

كلها موجوده في قائمه objects تحتها راح تلاقي عده قوائم مسماه على حسب الأوبجكت الصوت الأفلام الماوس


اممم بس هنا في سؤال يطرح نفسه

يا رايق كيف نفرق بين الخاصيه و الأمر



;) الخاصيه لها خاصيه مميزه جدا اول شئ تنكتب باللون الأخضر في النافذه (انا لاغي الألوان )
و لها خاصيه ثانيه ان كل خاصيه تلاقي قبلها _
يعني ال alpha تنكتب
_alpha
ال الإحداثي السيني ينكتب
_x
التكبير السيني (بالعرض)

_xScal

+ إن شاء الله الرد الثاني اكتب معاني لبعض الخصائص مع ان اللي يعرف شويه في الكمبيوتر راح يفهمها كلها

شباب لو ما فهمتوا اي شئ قولوا لي و إن شاء الله اشرحه مره ثانيه (صرت مدرس إبتدائي :D )

امم و شباب في اوامر ما تحتاج لتسميه

ليش لانها تسوي اشياء عامه

[الرايق 2000]

هذي الصوره اللي في الدرس الأول
http://www.albo3d.com/vb/attachment.php?s=&postid=288

[Black Raiden 01]

يالله وين الدرس الثاني

[الرايق 2000]

الرسالة الأصلية كتبت بواسطة Black Raiden 01
يالله وين الدرس الثاني

:0) :0) :0)

و الله متوقع ان ولا احد يفهمه مع انه سهل

حبيبي فوق خلاصه كيف تكتب الأكشن سكربت


اممم في شئ ما ذكرته انك ممكن تدخل المعادلات الرياضيه في كل شئ

مثلا


_root.father.test._Xscal = _xmouse-360 /100

كذا راح يسوي إيش يتحكم في التكبير الجانبي بمقدار قدره (مكان الماوس - 360 مقسوم على 100 )

لكن شئ زي هذا لازم تحطه في سكربت الفلم و تحط ال نظام ال enterframe علشان يستمل علطول طوال ما الفلم شغال

[C.Falcon]

إيش رأيك

[C.Falcon]

و هذه كمان

[الرايق 2000]

جميل اخي

لكن بالنسبه للساعه

ما تقدر تخليها على النظام الإثنى عشري و الثواني فيها في حاله كانت اقل من 10 تكتب 01 او 02 او 03 و كذلك الدقائق

+ ما تقدر تضيف ال AM و ال PM

ورينا شطارتك

واستعمل ال IF;)

[الرايق 2000]

اخوي فالكون جميل شغلك

لكن الموضوع هذا عن الأكشن سكربت بالتحديد علشان كذا بالذات قلت لك عن الساعه و عجبتني الأله الحاسبه جميل اخوي


لكن البقيه كلها على الرسم و القوه

يعني الأولى guid line

الثانيه زر عادي

الثالثه mask
الرابعه shape

الخامسه shape

السادسه ممكن تتسىي ب 20 00 طريقه و الأكشن واحده منهم و الرسم واحده منهم

السابعه زي الي قبلها

التوقيت عجبتني بس سوي اللي قلته لك

التاسعه جميله ال duplicate و اللي انت مسويه روعه

الألى الحاسبه و استعمال NEW


فنان قد تكون مجموعه دروس لكن اتمنى انك فهمت كيف تنكتب علشان تقدر تسوي شئ خاص بك

[C.Falcon]

انا مبتدئ فلاش .... بس حبيت أحط أعمالي..
و على فكرة
الساعة عندي خربانة ... التوقيت العادي مقدم ساعة ?:
إذا تقدر تساعدني أكون لك شاكر ...

[الرايق 2000]

الرسالة الأصلية كتبت بواسطة C.Falcon
انا مبتدئ فلاش .... بس حبيت أحط أعمالي..
و على فكرة
الساعة عندي خربانة ... التوقيت العادي مقدم ساعة ?:
إذا تقدر تساعدني أكون لك شاكر ...

تأكد ان ساعه الكمبيوتر صحيحه


+ الأشياء اللي قلتها لك سهله


لكن اكتب القصه صح ;)

يعني مثلا ابراك تترجم هذي

لو الساعات اكبر من 12 إذا الساعات = الساعات -12 ;)

[C.Falcon]

أترجم إيش أصلا انا ما أعرف إلا الشئ البسيط في الفلاش ...
انت علمني كيف أعدل الساعة ...
تأكد من ساعة الجهاز ما فيها شي ..
يمكن الآكشن عندي غلط ؟؟

[الرايق 2000]

اوكي اخوي ما اعرف طريقه ال gmt

لكن الأن الكود صح و توقيتها هو نفسه التوقيت اللي في الكمبيوتر عندي

لانه اصلا يأخذ التوقيت من الجهاز

و في طريقه للنت لكني ما اطلعت عليها لاني غير مهتم بها

اوكي شوف اخوي

انسخ لي الكود اللي في ملف الفلاش عندك و انا اعدل لك هو هنا و افهمك التعديل و اخليه لك ب ال am و pm و التوقيت الإثنى عشري

[C.Falcon]

هذا حق تعريف الوقت
new Date()
هذا حق التوقيت المحلي
hh.getHours()+":"+hh.getMinutes()+":"+hh.getSeconds()
هذا حق توقيت GMT
hh.getUTCHours()+":"+hh.getUTCMinutes()+":"+hh.getUTCSeconds()

[الرايق 2000]

اوكي اخوي دحين نستعمل ال IF

IF (hh>12) { اسم حق التظهير= hh+":"+mm + ":" + ss + "PM"}
else { اسم حق التظهير= hh+":"+mm + ":" + ss + "AM"}

هذا علشتن يظهر ال am و pm

If(hh>12) { hh = hh-12}
هذا التوقيت الإثنى عشري

if (mm<10) { mm = "0"+mm}
if (ss<10) { ss= "0"+ ss }

اي اخوي بس لازم هذي الأكواد تنحط في movie clip و تستعمل الكلب إيفنت enterFrame

[C.Falcon]

مكشور و ما قصرت
;-)

[الرايق 2000]

الرسالة الأصلية كتبت بواسطة C.Falcon
مكشور و ما قصرت
;-)

اخوي مو اهم شئ الإسكربت اهم شئ انك تفهمه علشان تقدر تكتب غيره

لو ما فهمت قولي و انا افهمك

[C.Falcon]

لا ما عليك ... فهمت الـــ if و الـــ else