المساعد الشخصي الرقمي

مشاهدة النسخة كاملة : لعبة جديدة أرجو إنها تعجبكم؟!


قوت القلوب83
18-08-2002, 06:34 PM
هذي لعبة جديدة كل فكرتها إنها تبين إذا كان الشخص اللي قدامنا يحترم أغراضه و أدواته أم لا!! يمكن ما راح تعجب بعضكم بس يعني خذوني على قد عقلي و حاولوا تكتبون بكل صراحة إتفقنا؟!!

وألحين كل واحد فيكم يقول لنا شنو علاقته بأدواته الشخصية وشلون يهتم فيهم؟!
وأنا راح أبدي:
عندكم مثلاً: أنا ما أحب أحد يتعبث بأغراضي وأحب دايماً أشوفها مرتبة وإذا أي شي منها ضاع فهذا معناه قامت القيامة في البيت ودايماً أحتفظ بأغراضي القديمة،، عندي قلم من أيام الثانوية إلى الآن أكتب فيه((علماً إني رايحة سنة ثانية جامعة)) وعندي ساعة يد من سنة أولى ثانوي إلى الآن أنا لابستها ومو بس جذي وعندي ساعة منبه من أيام المرحلة المتوسطة إلى الآن مازلت محتفظة فيها وهلما جرا.....
وألحين كل واحد فيكم يقول لنا إذا كان يسوي مثلي ولا يضيع أغراضه أول بأول!!
وأرجو المصداقية في الرد
][ النورس ][
18-08-2002, 06:53 PM
في اغراض ممكن نرميها اذا خلاص انتهت واندمرت00


وانا اسوي زي كذا 00


واحب اغراضي دايم مترتبه00


وياويل اللي يلعب فيها00


وبرضوه ما أحب احد ياخذ


اغراضي الا بعد مافقتي له00


وفي اغراض احتفظ فيها


خاصه لمل تكون هديه او لها ذكرى على قلبي


وممكن انها تفيدني00



وشاكر لك يا قوت00



تحياتي واشواقي




النوووووووووووورس;-)
Chad
18-08-2002, 07:53 PM
إحم إحم أنا عندي ساعه مشترينها من يوم أبوي تزوج أمي:D :D :D :D وورثتها منهم من شي 7 سنين وللحين قاعده تشتغل في غرفتي

وعندي ساعه ماخذها من أولى ثانوي

وقلم رصاص بالعبوات من أولى إعدادي

وعندنا كمبيوتر وطابعه لأبوي مشترينه سنه 1986 وللحين ما فيه مشكله:D
وسيارتي ما فيها خدش واحد من كثر ما أنا حريص عليها:D


لكن وآه من لكن:p :p


غرفتي هي أكثر غرفه ملخبطه ومو منظمه في البيت لدرجه لإني تعلمت الباليه عشان أقفز على رجل واحده وما أعفس غلى شي:D :D :D

وما في أحد يسترجل ويدخل لغرفتي لأنه عارف إنو النتيجه هي إصابه في رجله:D :D



سلام:6 :6 :6
steng20
18-08-2002, 11:08 PM
انا واحد بالعربي والمختصر المفيد مرتب ما احب احد يلعب باغراضي ...والشي اللي اخلص منه ارجعه مكانه واللي يلعب باغراضي ياويله وياسواد ليله :غضب: ..... احسن اذا جات الشغاله الصباح تبي ترتب الغرفه تشوفها مرتبه:D :D



مشكووور على الموضوع اخت قوت;)


تحياتي لكSteng ;-)
Chad
19-08-2002, 12:05 AM
ما شاء الله طلعتوا كلكم منظمين:p :p :p :p



سلام:6 :6 :6
CTMELODY
19-08-2002, 12:24 AM
أنا انسان حالة أم من جابتني حالة ..

ما أدري شلون أقدر أنام في غرفتي .. من كثر العفسة .. كسرت الكبت و صرت أنام عليه ..

واحد من ربعي دخل المستشفى بتكلفة علاج 150 ألف ريال .. والسبب إن الغرفة كلها قزاز و أفاعي و نمل أبيض وصراصير و شغلتها شغلة .. من كثر الحوسة .. مرة لقيت سمكة تدور على جثة أمها !!!

أبوي اشترى لي سيارة كنت أغير زيت السيارة في الغرفة .. محول الغرفة تشليح أي شي تبيه حق سيارتك تلاقيه عندي بالغرفة ..

صدقني لو تنظف الغرفة تصير مليونير .. الفلوس أحطها .. بعدين أجي أدورها ما ألقيها .. (( طاحت بين الأغراض ))

أمي مرة فتحت الباب وطاحت عليها الأغراض و انتشرت الحشرات في البيت .. علشان كذا أنا أخش من الشباك ..

أبوي كل أسبوع يجيب خدامة ما في أحد يبي يشتغل عندنا .. صار يجيب لنا البلدية علشان ينظفون الغرفة .. ومو راضية تنظف ..

بالله عليكم ذي حالة ..:" :"
دايــس
19-08-2002, 12:34 AM
انا غرفتي ماادخلها الا اذا جيت انام http://www.plauder-smilies.de/person/pimpflash.gif ":"
والاختبارات كل يوم قلم":"
دايــس
19-08-2002, 12:41 AM
الرسالة الأصلية كتبت بواسطة دايــس
انا غرفتي ماادخلها الا اذا جيت انام http://www.plauder-smilies.de/person/pimpflash.gif ":"


وفي الاختبارات كل يوم قلم":"
قوت القلوب83
19-08-2002, 01:13 AM
الأعضاء المرتبين لهم مني هدية :) :D ;-) أما الأعضاء اللي غرفهم عفسة (مو مرتبة) أنا زعلانة عليهم :غضب: :غضب: وماراح أرضي لين يرتبون أغراضهم.


وترتيب الغرفة والأغراض إن دل على شيئ فهو يدل على شخصية صاحب الغرفة ولا إنتم شرايكم:-) :-)
السنيوره
19-08-2002, 01:31 AM
انا والله احب غرفتي موووووووووووت خصوصا انه فيها الكمبيوتر :0)
وتغراضي الشخصيه طبعا مااحد يقدر يلمسها ولا يستعير مني احد شي تعرفون ليش لان اخواني كلهم اولاد :-) و انا احب برضه احتفظ بالاشياء القديمه خصوصا اللي فيها ذكرياتي مثل الاوتجراف حقي عندي من ايام الابتدائي لحد ماتخرجت ومدرسات الثانوي وزميلاتي كلهم من الابتدائي للثانوي كاتبين فيه علما باني الحين رايحه لثاني جامعه ... اما بالنسبه لغرفتي فتعالي شوفيها ايام الاختبارات تقولين غرفة عرابجه مو بنت الكتب تحت السرير والاف اكواب العصير والشاي على الطاوله والتلفزيون مغبر ويا الفيديو وملابسي على الارض وحالتي حاله اما بالعطله تكون تجنن تعرفون ليش لاني ماادخلها الا علشان النت ...:0)
أبو بكر
19-08-2002, 03:25 AM
أنا غرفتي نص ونص مرات مرتبة ومرات معفسة ولا أحب أحد أن يلمس شيئا من أغراضي قبل أن يبلغني حتى إني كتبت على مكتبتي تحذير ممنوع التعبث بالأغراض إللي داخل المكتبة ومعتمدة بتوقيعي :0) :0)
وعندي بعض الأشياء القديمة مثل الساعة التي هي أول ساعة تهدى إلي ;-) :0) :0) :D :D :-) :cool:
Chad
19-08-2002, 04:12 AM
يووووووووووه ذكرتوني بالإمتحانات:D :D :D :D


أنا لما تيجي الإمتحانات بتصير حاله غرفتي حاله عشان ببدل فرشها بخليه لونه أبيض تدروا ليش:D :D

عشان الورق مرمي في كل مكان":" ":" ":"

واليوم أمي دخلت الغرفه قالتلي إيش هذا ترا مرتك ( في المستقبل:6 ) ما رح ترضى بهالشي":" عشان لقت شنطه مليانه وصلات كهربائيه في الغرفه:6


سلام:6 :6 :6
steng20
19-08-2002, 07:56 AM
فيه ناس مرتبين مثلي ...كنت افتكر اني المرتب الوحيد..:D


نسيت اقول شي:انا تكوت غرفتي مرتبه في ايام العطله بس :) اما ايام الدراسه الله لايوريكم نظيفه >>>>>>بس عفسه:D


امزح الشي الوحيد اللي اجي القاه مو مرتب هو مكتبي علشانا المذاكرات في احد مثلي مرتب:D ;-) :D
قوت القلوب83
19-08-2002, 05:17 PM
لا تغتر بروحك يا steng20 في ناس كثير مرتبين مثل ما في ناس مبهدلين(مو مرتبين):غضب: :غضب:











أمزح معك بس إبعد عن الغرور هذي نصيحة مني لك:-) :-)
steng20
19-08-2002, 11:43 PM
مو Steng اللي يغتر بنفسه يا قوت ... هذي من باب تشجيع المبهدلين على انهم يرتبون عمرهم:D >>>>>>>>>>عاش مصرف":"
Chad
20-08-2002, 03:35 AM
يا حليلي وأنا بدرس على المكتب:D :D :D :D


أنا ما مبتحلالي الدراسه إلا وأنا ماخذ وضع الإنبطاح:p :p :p :p





سلام:6 :6 :6
قوت القلوب83
20-08-2002, 08:02 AM
تدرون أنا طلعت أحسن منكم غرفتي دايماً مرتبة حتى في أيام الدراسة:6 :6

بس إخواني الله يصلحهم هم اللي يعفسون أغراضي:( :(


وآنا ماخليهم دايما أطقهم:غضب: :غضب: بس ماكوا فايدة مايسمعون الكلام:" :( :(
دايــس
20-08-2002, 08:22 AM
ياشيخ انا في المدرسه كل كتبي مقطعه رايحه فيها:D :D
Sander
20-08-2002, 08:26 AM
انا اكره شيء عندي ان واحد يتعبث بالغراض حقي!!! امشي اي شيء الا هدي!
And for my room it looks cool دايما مرتبه....
بس لمن انكسرت اذراع اليمين انقلبت الغرفه عفسه..... و ليومك ماحد مرتب هالغرفه بدالي....
يالله من هالناس هذولي.... ما فيه مساعده ابدا:غضب:
NAWAL300
20-08-2002, 11:47 AM
انا عندي ساعة احتفظ فيها من عشر سنوات الى الان


ودفتر اتزكر ايام الابتدائي يوم كنت في اول ابتدائي

وعندي صورة جماعية لكل طلاب صفي



وقلم حبر اكيد الحبر خلص منه جابلي ياه خالي يوم خلصت الاعدادي كانو بسولنا حفلة المدرسة وانا الحين ثالثة ثانوي واحتفظ فيه :0)
Sander
20-08-2002, 12:34 PM
انا عندي:
-دفتر for memories غريبه ليسه عايش! صار له حول 7-8 سنين!
-اما الاقلام........ يكفيك اني استلف القلم من صاحبي بعد كل فسحهhee heehee
(موب انا الي اضيع هم الي يسرقون هم)
-عندي ring و هدا ما راح يضيع مني ابدا.......... صاير له حول 5 سنوات (الحمد الله... لساته بخير)
And about the car فهي في احسن حالاتها no scorch on her… she is a beauty
steng20
20-08-2002, 01:24 PM
طيب
طيب ...يعني المرتبين تقدورون تقولوت عددهم 4:D
Sander
20-08-2002, 01:49 PM
انا!!! انا مرتب..............................................
بس داخل السياره":"
قوت القلوب83
21-08-2002, 08:55 PM
ماشاء الله عليك يا steng20 عديت المرتبين:-) :-)

بس الهدف من اللعبة:

مو عشان نعرف عدد المرتبين و عدد المبهدليييين ، الهدف منها إن كل شخص يعرف طريقة تعامله مع أدواته الشخصية ، ويشوف الباقين شلون يهتمون بأدواتهم ويحاول يتعلم منهم إذا كان مهمل .:-) :-)


خيرها في غيرها حاول مرة أخرى يا steng20;-) ;-)
steng20
22-08-2002, 02:31 AM
:-) :-) :-) :-)
Chad
22-08-2002, 03:25 AM
الرسالة الأصلية كتبت بواسطة NAWAL300
انا عندي ساعة احتفظ فيها من عشر سنوات الى الان


ودفتر اتزكر ايام الابتدائي يوم كنت في اول ابتدائي

وعندي صورة جماعية لكل طلاب صفي



وقلم حبر اكيد الحبر خلص منه جابلي ياه خالي يوم خلصت الاعدادي كانو بسولنا حفلة المدرسة وانا الحين ثالثة ثانوي واحتفظ فيه :0)

يووووووووووووووووه

ذكرتيني بغرفتي :D :D :D

صايرو كأنها متحف :D :D :D

حتى ألعابي اللي كنت بلعب بيهم لما كنت صغير للحين موجودات:6 :6 :6



سلام:6 :6 :6
قوت القلوب83
23-08-2002, 05:23 PM
أقووووول شرياكم نسوي متحف والأعضاء يعرضون فيه أدواتهم القديمة والأثرية


:-) :-)
زهرة البنفسج
24-08-2002, 03:51 AM
انا يعني ويعني.
هو الغرفه مرتبه ومو مرتبه
ايام الصيف ينامون وياي خواتي الثلاث يطفشوا اختي الكبيره تشتري مجلات وتقراها وبعد ماتخلص على طول الارض .
اختي الصغيره بابا اشتر لي مجلة اسبيستون قصدي نحيستون وتقراها وعلى طول تحت المخده.
والي اصغر الالعاب الله لا يرويكم تخليهم على السرير وتنام على الارض.
وبما انا فاجازه بداية كل شهر انضف الغرفه ولما اطلب منهم يساعدوني يقولوا الغرفه غرفتش ولا غرفتنا آآآ يالقهر ينامو ووصخوا وانا نضفي.
اما ايام الدراسه انضف الغرفه كل ثلا ثة ايام .
واحلى ايام السنه ايام الشته اتجنن لحالي فالغرفه ولا تحتاج تنضيف تبقى طول الشته نضيفه
ايام الامتحانات ماطيقها لانها ايام اتوتر فيها وغير كدا ممنوع التلفزيون والكمبيوتر والجلوس بالصاله والطلعه من البيت والكثير الكثير ولازم تجلسوا بالغرفه صرت اطر اقرى كتب امي الي شترتهم ايام الثنويه اثريين بس يسلوا ولازم قبل الامتحانات بسبوع اروح مكتبة جرير اشتري روايات السنه حققت رقم قياسي خلال فترت الامتحانات ثلاث اسابيع تقريباً قريت فيها 35 كتاب وكل واحد اكبر من الثاني روايات على كتب جغرافيا على تاريخ على ادب على كميا على فيزيا يعني وايد وكنت اقرى فاليوم روايه واخلصها وابدا فكتاب واذاكر مادتين الامتحان.
آآآآآآآآآآآآآآآآآخ ايام قرف.
هذا بالنسبه اليي.:0) :0) :0)
يمكن اكون غريبة الاطوار لا تستغربوا
قوت القلوب83
24-08-2002, 11:14 AM
من قال يازهرة البنفسج إنك غريبة الأطوار

بس تبين الصراحة إنتي صحيح حطمتي الرقم القياسي في القراءة


كان ودي أحطم الرقم القياسي مثلك لكن للأسف ماعندي وقت للقراءة
مع إني أحب القراءة;-)



متى راح نفتتح المعرض أو المتحف؟؟!!:-)
سحاب الليل
24-08-2002, 11:21 AM
انا الحقيقه متعود على ضياع الأشياء ، عندي اخوان مجننيني

كل شي يضيع من تحت راسهم


بس فيه اشياء خاصه مثلا علك (لبان) بيكمل السنه الثالثه في البوك(المحفظة) وابن امه احد يضيعه ;-)
قوت القلوب83
24-08-2002, 12:52 PM
شكراً لتفاعلكم معي في هذا الموضوع


والإعتراف بالحق فضيلة


والكل يتمتعون بهذه الفضيلة الحمدالله