إذا خيرت بين الأنيمي والمانجا فأيهما تختار؟

[Remee-chan]

بالبداية قرأت هذا السؤال بأحد المواقع ثم وضعته بمنتدى أنيمي العرب وكان الأغلبية يفضلون الأنيمي ، والحين هـذا السؤال موجه إليكم يا أعضاء ، أي منهما تفضلونه أكثر :الأنيمي أم المانجا؟ ولمـاذا ؟؟
------
أنـا شخصيا أفضل المانجا ،لأني أستمتع به أكثر وله طبع وطعم خاص فيه :أفكر:

[orange road]

هاي ريمي جان :)

لو كنتي سائلة هالسؤال من شهين بس كان ممكن اجاوب واقول الانيمي

لكن الحين اجوف ان المانجا احسن من الانيمي

خصوصا بعد ما قريت كمية كبيرة من المانجا

اللي ما عجبني في بعض الانيمي ان القصة الاصلية يغيرونها وما تكون ممتعة مثل ما كانت في المانجا

لو خذنا مثلا قصة من قصص رانما
ترى لما اقراها مانجا اموت من الضحك
اما لما تجوفينها انيمي اغلبها يختصرونها :(

حد جاف قصة الولد اللي سماه هابوساي باسم عبيط ويه علشان ينتقم منه ويجبره انها يغير اسمه؟؟ وطلع هالولد يتحول حق وحش كبير وضخم..
هالقصة قريتها في المانجا ولقيتها من اروع ما يكون.. تموت من الضحك
اما لما جفتها انيمي :( انبطت جبدي
اهم مسوينها على حلقتين .. لكن اهم الاحداث شالوها ووايد اختصروا القصة

قصص روميكو تكتهاشي افضل اقراها على اني اجوفها
حاليا اقرا اينو ياشا
وعلى حسب علمي وايد غيروا في القصة في الانيمي
علشان جذي مب ناوية اجوف الانيمي... يمكن أاجل الموضوع
خل اكمل القصة قراءة قبل لانها احلى وامتع :)

وهاذي رأي شخصي :o

يمكن احب المانجا بعد لاني احب الرسم
والمانجا تخليني ادقق في الشخصيات اكثر واقدر ارسم منهم واتعلم حركات ووضعيات اكثر
اما الانيمي اجوفه لكن ما اقدر اسوي فيه مثل المانجا الا اذا باخرب الفيديو والتلفزيون واقعد اوقف الصور بالساعات :6

[~*Dark Angel*~]

konichiwaaaaaaaaaaaaaaaaaaa Remee chan


بصراحة أنا أفضلهم الإثنين ............... بس الأنمي أكثر لأن لما يكون

الانمي فيه أكشن يكون محمس أكثر مما يكون مانجا .....

و احب المانجا لنفس سبب Orenge Road


يمكن احب المانجا بعد لاني احب الرسم

Sayonaraaaaaaaaaaaaaaaaaaaaaaaaaaaaaa":"

[sakura_is_cute]

والله ما اعرف عن الانمي والمانجا كثير بس ايش الفرق ؟؟?:

[kirby64]

انا من جهتي عمري ما قريت قصص مانجا.."اللهم شفت كم صفحه من النت"..

لكني افضل الانمي..لأن اللقطات تكون متتابعه واوضح...ويمكن لأن الانمي افهم القصه منه اكثر من لما اقرأ مانجا خاصتاً اني ما احب اقرأ كثير...واحب اشوف اغاني مقدمه الأنمي...:أفكر:هذا اهم شىء عندي...واصوات الشخصيه والمؤثرات الي موجوده احسها روعه والاشياء هذه مب موجوده في المنجا طبعاً"...:)

ومشكوره على الموضوع اخت ريمي^__^

[القــعـقـاع]

كل نوع له مميزا و عيوب لكني افضل الانمي:)

[Last_Angel]

هممم سؤال حلو!

بس ما اقدر احكم لأني شفت انيمي كثير وما قريت مانجا اللا مره (اقصد يعني في كتاب مو عن طريق الانترنت) وصراحة عجبني كثير لان زي ما قالت اورنج رود انه الانيمي يشيلون مقاطع حلوه.

وكمان لانه يفيد في الرسم


والمانجا تخليني ادقق في الشخصيات اكثر واقدر ارسم منهم واتعلم حركات ووضعيات اكثر وغير كذا رسم المانجا ادق ومرات احلى :)

[SAZABI]

زي ما رديت في منتدى انمي العرب باقول انه المانغا افضل ليش بسسب تسلط استديوهات الانمي ما يدو للمؤلف راحته و يعدمو الدنيا عموما قريب راح اكتب عن دي الشغله.

[bah]

مع اني ما قريت الا عدد قليل من المانجا الا اني افضل الانيمي
لان النيمي يشدك اكثر من المانجا و ذلك عن طريق المؤثرات الصوتية و غيرها.....
و هذا يكون خاصة في انيمي الاكشن

بس طبعا للمانجا ايضا مميزاته
لانه يكون مفصل و ادق
و طبعا في بعض المانجا يكونون حاطين اشياء مو موجودة بالانيمي

بس مع ذلك انا افضل الانيمي


حد جاف قصة الولد اللي سماه هابوساي باسم عبيط ويه علشان ينتقم منه ويجبره انها يغير اسمه؟؟ وطلع هالولد يتحول حق وحش كبير وضخم..

انا قريته مانجا بس للاسف ما شفته انيمي
بس والله فطسني من الضحك
العجوز هذا عليه سوالف:p

[lover_nana]

:biggthump
موضووع حلو يا ريمي


انا عن نفسي المانجا طبعا

لا تعليق آخر




تحياتي


NaNa

[DraGonGreeN_Z]

تسلمين على الموضوع

وانا أفضل المانغا افضل من لأنمي

[Yuna]

أستغرب كيف تقولون المانجا أفضل من الأنيمي :o
يعني المانجا أبيض وأسود وصور ثابتة أما الأنيمي فـ ......
ليس هناك وجه مقارنه !!
أقنعوني كيف تكون الــManga أفضل من الـــAnime ?
وشكرا للموضوع اختي Remee-chan

[Ranma Saotome]

كل نوع له مميزاته و نقاط تفرقه عن الثاني..

انا في النهاية أفضل المانجا أكثر من الأنيمي لنفس الاسباب اللي اذكرتها أورنج رود و الاخ سازابي..

اخت FFX-YUNA أنا احاول اشرح لج كيف..

انتي من الكلام اللي قلتيه ان تفضلين الانيمي على المانجا فقط للأشياء البسيطه الظاهره مثل الالوان و الاصوات و هذي الاشياء..
لكن احنا ليش نحب المانجا أكثر..
المانجا معمول بيد المؤلف نفسه.. من أفكاره إلى المانجا من غير ضغط شركات الانتاج مثل ماهو الحال في الانيمي.. فتطلع القصه في المانجا أحلى و شامله أكثر و أعمق.. يتم التفصيل في الشخصيات بصورة أكبر و حتى التفصيل في الاحداث بصوره أكبر و أفضل كما يراها مؤلف القصه نفسه عكس الحال في الانيمي حيث يغيرون من القصه ويحذفون منه عشان يلتزمون بمدة الحلقه و الdead line لتسليم الحلقه.. حتى من ناحية الرسم التفاصيل في المانجا أدق لأن الرسام مايحمل ضغط التحريك ولكن مجرد صوره جامده ولو ان في الانيمي عندهم مساحه أكبر للخلفيات..
المانجا ينقصه الصوت لكن بعد هم يحطون لنا بعض المؤثرات الصوتيه فيه، الواحد يقدر يتخيل اصوات الشخصيات بالطريقه اللي يحبها و اشوف هالشي احلى.. و حتى من ناحية الالوان الواحد يقدر يتخيل المرسوم حسب اللي يبيه مثلا شخصيه في المانجا اقدر اتخيل ان شعرها أسود لأني افضل هاللون لكن يمكن هي في الاصل تطلع شقراء.. موضوع الصوت والالوان ماله أهميه كبيره لأن المهم هي القصه و اهدافها و جوانبها و هالاشياء المهمه هي أوضح و أحلى في المانجا..
عشان جذيه تشوفين هالحبايب كلهم يفضلون المانجا.. حتى لما الواحد يندمج في القصه و يعيشها راح يسنى انه يقرا مجرد ورقه أبيض و أسود..

آسف على الاطاله.. جربوا تشوفون أنيمي بعدين تقرأون المانجا لنفس الانيمي أو العكس و بتلاحظون الفرق..

سلام :)

[flarestar]

اكيد الانمي .. لانه فيه اصوات و مؤثرات تخليك تتفاعلين مع القصة ^^

[Remee-chan]

http://www.hakko.alivewww.co.uk/neko/invision/html/emoticons/wtfx2.gif http://www.hakko.alivewww.co.uk/neko/invision/html/emoticons/wtfx2.gif
موضوع مغبـــــــــــــر ، نسيت إني كتبته حتى ههههههه :p وإيه مارديت على الأعضاء، إحم يلا يلا استغلي يا أصابع :p

orange road : أهلاااا أختي أورنج رود، صحيح الأنمي يغير اقصة بشكل، إهئ إهئ حسيت بقهرك، يغيرون القصة أو يقصرون المانجا أو يطولنه بزيادة...لو إنهم بس مايغيرون شيء :(
وعن الرسم صحيح أنا شفت لك بعض الرسومات، ماشاء الله موهوبة :D إن شاء الله تؤلفين لنا مانجا وتصبحين مانجاكا ^^ ... وشكرا على الرد
~*Dark Angel*~ : أهلا يا دارك أنجل، إممم معروف إن الأكشن يكون أنمي أفضل لأن فيها حركة و..إلخ، شكرا على الرد^^
sakura_is_cute : المانجا مجلات مثل ميكي وماجد و..إلخ، وهي تكون القصة الأصلية اللي ألفها المؤلف، وبعدين تجي وحدة من الشركات الحلوة وتشتري بالحقوق وتحولها لأنمي وهي الكراتين بالمفهوم السائد عندنا^^
kirby64 : ههههه مثلي أحب أشوف أغاني البداية، بعضها تجي روعة ^^ ورأيك مقنع طبعا لأن الأصوات والمؤثرات مهمة ^^ والعفوووو
القــعـقـاع : صحيــح صحيــح، كل واحد له مميزاته، وأريجاتوو على الرد^^
Last_Angel : عن الرسم صح كلامك، مرات الرسم بالمانجا يكون أحلى من الأنمي مثل (أياشي نو سيريس ) ، ومرات العكس، على كل المانجا يفيد للأساتذه الرسامين مثلكم :cool: بس أنصحك تقرأي شوي مانجا، لأ المانجا صحيح شيء خيالي ^^
------------> اليوم فينا شيء كثرت من كلمة صحيح هههه :p
SAZABI : أهلا سازابي، ههههه صحيح يعدمون الأنمي كله ويخربون المانجا كله><
bah : همممم مو قصة يشد، لأن من قرائتي للمانجا فإن المانجا كمان يشد، أما المؤثرات فهو صحيح شيء أساسي بس أحيانا تفضل يكون من غير مؤثرات لأن يمكن الباكجراوند ميوزك يكون عدم (المفروض قلته فوق><)
أنا أوله قرأت كنشن على مانجا وبعده شفت له كم حلقة انمي وهذا كان وجهي --> :bigeyes: <--- لأني توقعت الميوزك غيــــــر، وصوت كنشن توقعته ثقيل وطلع خفيف ، ما أقول ماكان حلو بالعكس كان حلو بس انصدمت :p
lover_nana : هههههههههه يا عفريتة إنتي اللي رفعت الموضوع مو؟ لوفر نانا اللي أنا أعرفها صح؟
على كل شكرا على الرد والرفع ^^
DraGonGreeN_Z : الله يسلمك يا أخي^^

FFX-YUNA : ماشاء الله Ranma رد وكفى ووفى، كــل اللي قاله السنسي صح ، وأضيف شيء، المانجا له طعم خاص، يعني أنا جربت أشوف أنمي مو حلو طبعا ما كملته ورميته، المانجا العكس، حتى لو ماكانت حلوة القصة أكملها ، يكون فيها طعم حتى لو ماكان حلو ^^
Ranma Saotome : ماشاء الله باين إن عندك خبرة بالمانجا،، أريجاتووو على التوضيح^^
flarestar : شكرا على رأيك يا أخي وشكرا على المرور

الحين نشوف نتائج التصويت:

AnImE: 6
MaNgA: 6


هذا غير لاست أنجل، لأنها كانت محادية وماحددت :D

ماشاء الله النتيجة متعادلة، إمممم ماتوقعت ، توقعت الأنمي رايح يفوز وما رايح يكون في قراء للمانجا><

أريجاتووو جميعا على الرد والمشاركة :) سوري إذا كان في أخطاء إملائية بس من السرعة><

Mata ne ~*

[DARK_AURA]

اكيد الانمي .. لانه فيه اصوات و مؤثرات تخليك تتفاعلين مع القصة ^^


:biggthump

[Yuna]

اخت FFX-YUNA أنا احاول اشرح لج كيف..

انتي من الكلام اللي قلتيه ان تفضلين الانيمي على المانجا فقط للأشياء البسيطه الظاهره مثل الالوان و الاصوات و هذي الاشياء..
لكن احنا ليش نحب المانجا أكثر..
المانجا معمول بيد المؤلف نفسه.. من أفكاره إلى المانجا من غير ضغط شركات الانتاج مثل ماهو الحال في الانيمي.. فتطلع القصه في المانجا أحلى و شامله أكثر و أعمق.. يتم التفصيل في الشخصيات بصورة أكبر و حتى التفصيل في الاحداث بصوره أكبر و أفضل كما يراها مؤلف القصه نفسه عكس الحال في الانيمي حيث يغيرون من القصه ويحذفون منه عشان يلتزمون بمدة الحلقه و الdead line لتسليم الحلقه.. حتى من ناحية الرسم التفاصيل في المانجا أدق لأن الرسام مايحمل ضغط التحريك ولكن مجرد صوره جامده ولو ان في الانيمي عندهم مساحه أكبر للخلفيات..
المانجا ينقصه الصوت لكن بعد هم يحطون لنا بعض المؤثرات الصوتيه فيه، الواحد يقدر يتخيل اصوات الشخصيات بالطريقه اللي يحبها و اشوف هالشي احلى.. و حتى من ناحية الالوان الواحد يقدر يتخيل المرسوم حسب اللي يبيه مثلا شخصيه في المانجا اقدر اتخيل ان شعرها أسود لأني افضل هاللون لكن يمكن هي في الاصل تطلع شقراء.. موضوع الصوت والالوان ماله أهميه كبيره لأن المهم هي القصه و اهدافها و جوانبها و هالاشياء المهمه هي أوضح و أحلى في المانجا..
عشان جذيه تشوفين هالحبايب كلهم يفضلون المانجا.. حتى لما الواحد يندمج في القصه و يعيشها راح يسنى انه يقرا مجرد ورقه أبيض و أسود..

آسف على الاطاله.. جربوا تشوفون أنيمي بعدين تقرأون المانجا لنفس الانيمي أو العكس و بتلاحظون الفرق..

سلام :)

الصراحة ماقتنعت ... لكن خلونا شوي أدخل معاكم في النقاش من البداية:


انتي من الكلام اللي قلتيه ان تفضلين الانيمي على المانجا فقط للأشياء البسيطه الظاهره مثل الالوان و الاصوات و هذي الاشياء..


حتى من ناحية الرسم التفاصيل في المانجا أدق لأن الرسام مايحمل ضغط التحريك ولكن مجرد صوره جامده ولو ان في الانيمي عندهم مساحه أكبر للخلفيات..

كل شىء في الأنيمي أفضل من المانجا ولايقتصر ذلك على الألوان والأصوات فقط ...هناك مسيقى تجري في أثناء كل مشهد ...اممم ...مثلاً : مشهد رعب ستكون هناك مسيقى مخيفة أو مشهد عاطفي أو مشهد خطر مثل الأحداث في جرندايزر ....لاتقولوا لي أنكم ستتخيلون المسيقى أيضاً !!....ثم اخالفك في قولك : " أشياء بسيطة " ..أولاً الألوان لها دور مهم تخيل أني اعطيتك مقالاً ما وطلبت منك حفظة "تخيل انه مقال مدرسي" وكان ذلك المقال بالون الأسود هل أنت متأكد ان ستحفظه أسرع لو كان المقال مكتوب بالأوان عدة ...أصلاً هذا هو طبع الأنسان " أمور نفسية لاأكثر " وهذا ينطبق على الأصوات أيضاً .
بعدين لاتنسون الرسم ...كيف تقولون أن الرسم للمانجا أدق ...حرام عليكم!! ... الأنيمي لايصمم فقط بالرسم العادي بل يصمم برسم الكميوتر وغالبا مايدمج مع الرسومات رسم الكميوتر فأي يد انسان تستطيع الرسم أدق من الكميوتر ...وأيضا تدمج مع الرسوم رسوم ثلاثية البعد (ثري دي) أقوى مثال الأنيمي :E's ,D.n.Angel
واذا كانت الألوان والأصوات غير مهمه !! ...فلن أتناسى المسيقى والأغاني والرسم ....وزي ماتقول ان الأهم تكون القصة لأنها في المانجا طويلة و و و ... فأصلاً كل ماصار الشىء أطول كل ماصار ممل ومتشتت وهذا شىء واضح وماعليه خلاف ...ولاتنسى " خير الكلام ماقل ودل "
برأيي اتابع الأنيمي ولاأتعب راسي ورى المانجا في التخيلات الي كأناها من العصر الحجري "أبيض وأسود " ...الظاهر لو جربت أقراها أول شىء بسويه ...ألون هالورق بعدين أقراها كأني فاتحة كتاب للدراسة وأخلص منها وما كأن صار شىء !! ;) .

وفي النهاية : أهم وأهم وثم أهم شىء أن ماحد يزعل من الصراحة وآسفة اذا كنت غليظة في الكلام لأن صراحة شىء عجيب مو داخل راسي بالمره ...يمكن صح أقول ممتعة لكن أقول أفضل من الأنيمي هذا غير معقول فأحتاج الى الأسبباب المقنعة التي لم يتوصل أحد منكم اليها ;)