شينجي يكشف مشاريع الكيوب السرية ويعبر عن إعجابه بالجهاز بأسلوبه الخاص!

[king_zell]

تعالو نضحك شوي مع بعض ...


رئيس شركة كابكوم يعبر بوضوح : سيكون الجيم كيوب هو هدفنا و الشيء الرئيسي أثناء برمجتنا.

يبدو واضحا حاليا - اذا استثنينا سلسلة ريسدنت ايفل - أن كابكوم بعيدة عن الجيم كيوب ، ولكن ريسدنت ايفل 1 قريبا ستصدر في أوروبا وريسدنت ايفل زيرو الجديدة كليا والحصرية للكيوب ستصدر في نوفمبر للأسواق اليابانية ، أثناء مقابلة عامة مع مصمم لعبة ريسدنت ايفل شينجي ميكامي بدا كأنه يبسق (يتفل) على البلاي ستيشن2 ، بدأ شينجي يستهزيء بالبلاي ستيشن2 ويقول إن لعبة كنجدوم هرتس لا تستحق هذه الضجة وأن مبيعاتها العالية سببها أشياء أخرى ، وأيضا ذكر أن شركة سوني تضع مؤقت داخل أجهزة البلاي ستيشن2 ليتعطل الجهاز عند انتهاء الضمان (صراحة ضحكني بهذه وهو صادق ، جهاز البلاي ستيشن2 حقي خرب وأنا ما صار لي كم شهر شاريه ...ههههه) ، وذكر أن هذه طريقه تتبعها سوني لبيع المزيد من الأجهزة ، في نهاية المقابلة بدا واضحا أن هجومه كان قويا على سكوير سوفت ، بالنسبة لشينجي فإن الأفضل هو الجيم كيوب ، وتحدث شينجي عن مشاريع الكيوب القادمة ، وقال هنالك لعبتا جيم كيوب قيد التطوير (نعم افرحوا لعبتين من كابكوم ومختلفين عن ريسدنت ايفل وما ننسى حصريتين) ، الأولى تملك الإسم المؤقت Project Devil وستأتي من مصمم لعبة ديفل ماي كراي (هذا المصمم فعلا ترك العمل على لعبة ديفل ماي كراي2 لأشخاص آخرين ليعمل على مشروعه الجديد والذي هو بروجيكت ديفل للكيوب) ، اللعبة الثانية من Hiroyoshi Kato الذي قدم لنا كود فيرونكا ، ستكونان اللعبتان في الأسواق اليابانية خلال عام 2003 ، لا تنسو أن كابكوم أعلنت أنها ستكشف 4 ألعاب جديدة في معرض طوكيو للألعاب وربما تكونان لعبتا الكيوب الجديدتين من ضمنهم ؟



لا أحد يسألني عن المصدر وهذا الموضوع أنا كاتبه للي يحب يقرا من أعضاء منتدى الننتيندو:أفكر:

وبمعرض طوكيو الي بيبدأ قريب تنكشف الأمور وبنعرف الألعاب الجديدة ... مرة أخرى مبروك لمالكي الكيووووووب محبة كابكوم :0)

[Golden_Sun]

:D :D :D :D :D

بس ترى البلاي ستيشن 2 مو لهدرجة سئ فيه ألعاب وايد حلو :6

و مشكور على الاخبار اليديدة ;-)

[Jin Kazama]

يا شين الفضاوه :p


جهاز البلاي ستيشن2 حقي خرب وأنا ما صار لي كم شهر شاريه

انا بقولك ليش خرب :)









لانك محطي الكيوب عداله وريحت الكيوب خايسه والps2 ما يتحمل :p


واضحا أن هجومه كان قويا على سكوير سوفت


محتر من مبيعات سكوير لان مبيعات العابه ماتسوى شي جدام مبيعات سكوير :D ":"




وأيضا ذكر أن شركة سوني تضع مؤقت داخل أجهزة البلاي ستيشن2

حبيبي اذا سوني تضع مؤقت فالكيوب من اول ما يطلع من المصنع خربان وفي مواضيع تشهد :D :D




مرة أخرى مبروك لمالكي الكيووووووب محبة كابكوم

اربع العاب :p


لا تعصب وتسوي فيها ما يحتاج تراك انت مخالف وحاط موضوع استفزازي :)

[gamecube2521]

الرسالة الأصلية كتبت بواسطة Jin Kazama
يا شين الفضاوه :p



انا بقولك ليش خرب :)









لانك محطي الكيوب عداله وريحت الكيوب خايسه والps2 ما يتحمل :p




محتر من مبيعات سكوير لان مبيعات العابه ماتسوى شي جدام مبيعات سكوير :D ":"





حبيبي اذا سوني تضع مؤقت فالكيوب من اول ما يطلع من المصنع خربان وفي مواضيع تشهد :D :D





اربع العاب :p


لا تعصب وتسوي فيها ما يحتاج تراك انت مخالف وحاط موضوع استفزازي :)
هذا مب الكلام منه الكلام من شنجي مكامي :p :أفكر: :o

[Legend]

السلام عليكم :

مشكور على الموضوع الاكثر من رائع ;-)

واحلى شيء فيه انه بنفسه شينجي ميكامي قال ان البلاي ستيشن 2 مايسوى :p ":"

بس لو حاط مصدر احسن لان فيه بعض الاعضاء ماراح يصدقون وراح يدافعون عن جهازهم مع ان هذا الصدق

[Jin Kazama]

الرسالة الأصلية كتبت بواسطة gamecube2521

هذا مب الكلام منه الكلام من شنجي مكامي :p :أفكر: :o


وهذا الموضوع أنا كاتبه للي يحب يقرا من أعضاء منتدى الننتيندو

:p :أفكر: :o

[smsom]

بس هذا راي مصمم العاب ........... ما يغير تعاقدات الشركه مع سوني
يعني غصبن عنه بيصمم العاب حتى لو كان البليستيشن 2 اخس جهاز :أفكر: .........مثل ما هو عليه الحين:أفكر:

[M7MOOOD]

أقول ... يكفي أن عند البلاي ستيشن 2 سلسلة فاينل فانتسي (( الي الجزء الواحد منها يسوى رزدنت ايفل كلها )) و سلسلة تومب رايدر (( مغامرات لارا كروفت أشهر شخصية ألعاب عرفها التاريخ )) و سلسلة ديفل ماي كراي و سلسلة أونيموشا و سلسلة آيكو و جاك آند دكستر و ايب سكيب 2 غيرها و غيرها و غيرها :o



و أنتوا يكفي أن عندكم ماياموتو الرائع و ماريو و زيلدا المذهله و غيرها غيرها من ألعاب نتندو المميزه و أيضا فوق هذا و ذاك سلسلة رزدنت ايفل الجميله :o


فاتركوا هذا التعصب اللي مغروز في نفوسكم .. ترى والله ما تسوى علينا هالحرب اللي عملتوها بين الأجهزة المنزلية للألعاب :أفكر:

[Grandizer]

السلام عليكم


مشكور يا كينج زيل

للأخ M7MOOOD و Jin Kazama أولا حبيت أقول حقكم كينج زيلا حدد هذا الموضوع لليعجبه واذا كان مو عاجبنك خلاص بعدين مب هو الي قال :D

[HeRCuLeS]

لا لا يا اخ كينج زيل، من قال ان البلاي ستيشن 2 تعبان ، هذا ولد خالي شراه من اول ما نزل، وللحين يشتغل ، وركب عليه ثلاث قطع، وما فيه شي لحد الآن.
وانا جهازي صار له سنة ، وركب فيه ثلاث قطع ولا صار فيه شي
انت تجي تقول لي الجهاز خربان
وثانياً هالمقابلة ما ظنتي تجي من شنجي مكامي، لان قال في موقع جيم سبوت انه ينتظر بفارق الصبر صدور ديفل ماي كراي 2 على البلاي ستيشن 2، يعني للحين يحبها ويبرمج عليها.

[bounty]

السلام عليكم ورحمة الله وبركاته ... . ..



مشكور اخوي عالموضوع ..



و يا شباب انا كنت من اكبر كارهي ننتندو .. و خصوصاً بعدما اشتريت الننتندو 64 و الي ما اعجباني عليه الا زلدا اوكارين اوف تايم و خلصتها .. بشهر من الوناسه :D .. و الباجي مو حلو ..

و قلت اني ما راح اشتري اي جهاز للفاشله ننتندو ..

و لكن سبحان الله الانسان يتغير مع الأيام فقد اشتريت الجيم كيوب .. و الحين اموصل في رزدنت ايفل .. و سوبر سماش ما بقو الا ثلاث شخصيات عشان اطلعهم .. و لويجي قريب و اخلصه .. و انشالله آخر الشهر ماريو راح ينزل و ستار فوكس و واريو و ماريو بارتي و رزدنت ايفل زيرو و فاينل فانتسي كريستال و زيلدا . و ميترويد .. و العاب وااااااجد .. راح تنزل و راائعه .. و هذا يبين من العاب الجهاز انه نااااااااجح 100% و صراحه البي اس2 روعه فراح ينزل عليه ايكو و تومب رايدر .. و اشياء حلوه مثل فاينل فانتسي 12 . 13 يعني ماشي حاله راح يصمد انشالله ..



و نصيحه لكل الشباب خلو عندكم االجيم كيوب و البي اس 2 .. و ماراح اتطوفكم اي لعبه حلوه ..




و السلام عليكم ورحمة الله وبركاته ....

[megaman]

أقول ... يكفي أن عند البلاي ستيشن 2 سلسلة فاينل فانتسي (( الي الجزء الواحد منها يسوى رزدنت ايفل كلها )) و سلسلة تومب رايدر (( مغامرات لارا كروفت أشهر شخصية ألعاب عرفها التاريخ )) و سلسلة ديفل ماي كراي و سلسلة أونيموشا و سلسلة آيكو و جاك آند دكستر و ايب سكيب 2 غيرها و غيرها و غيرها :o

و أنتوا يكفي أن عندكم ماياموتو الرائع و ماريو و زيلدا المذهله و غيرها غيرها من ألعاب نتندو المميزه و أيضا فوق هذا و ذاك سلسلة رزدنت ايفل الجميله :o


فاتركوا هذا التعصب اللي مغروز في نفوسكم .. ترى والله ما تسوى علينا هالحرب اللي عملتوها بين الأجهزة المنزلية للألعاب :أفكر:

ياسلام عليك يا محمود :) ... كلامك 100% صحيح ... ;)

ومشكور يا كينج زيل على الموضوع ..

[جيم سنتر]

الرسالة الأصلية كتبت بواسطة king_zell
، الأولى تملك الإسم المؤقت Project Devil وستأتي من مصمم لعبة ديفل ماي كراي (هذا المصمم فعلا ترك العمل على لعبة ديفل ماي كراي2 لأشخاص آخرين ليعمل على مشروعه الجديد والذي هو بروجيكت ديفل للكيوب) ،


http://gamespot.com/gamespot/stories/news/0,10870,2862866,00.html



:أفكر: ---- :D

[الضبع]

والله انك صادق ياكنج زيل أشتريت السوني 2 أنا ماسرلي شهرين وأنخرب علي أما بنسبة للجيم كيوب من أول مانزل أشتريته ولا عمروا علق علي أما السوني 2 ياكثر مايعلق علي ......
ومشكور على الموضوع...

[king_zell]

مشكورييييييييييين جميعا على ردودكم الحلوة :D

أنا ما حطيت هذا الموضوع الا علشان نضحك شوي ، وفي بعض الأعضاء ودهم يقلبونها طنازه ... ولا يهمهم ":"




بس ترى البلاي ستيشن 2 مو لهدرجة سئ فيه ألعاب وايد حلو

أخ Golden_Sun أنا أول من يقول هذا الشيء ;-)


أخ Jin Kazama انت الي فاضي وبعدين أنا حاط هالموضوع للضحك لأن فيه أشياء واقعية :D ، لعبة كنجدوم هرتس ما تستاهل هذه الضجة وشنجي صادق إنها باعت كمية كبيرة لأسباب أخرى وليس لأن اللعبة قوية ، وأجهزة سوني معروفة إنها ضعيفة جدا من ناحية صلابة الجهاز وتحمله وجهاز بلاي ستيشن1 شريته أربع مرات وكل شوي يخرب علي أما البلاي ستيشن2 ما كمل معاي أربع شهور وخرب وفي غيري كثير يعانون والأخ الضبع واحد منهم ، وتنكت تقول لي ريحة الكيوب ، يكون بعلمك الننتيندو64 للحين عندي شغال رغم الحوادث العديدة الي تعرض لها ومنها يوم أخوي الصغير يدخل سندويش جبن في فتحة الأشرطة قمت طلعتها ودخلت شريط واشتغل على طول ، والجيم كيوب ما عمره علق علي أو كح ...
وليش تقول علي معصب ومسوي فيها ، موضوع يكون استفزازي لو كتبته بمتنتدى ثاني لكني كاتبه هنا بمنتدى ننتيندو وكتبت إنه للضحك فقط :أفكر:


أخ smsom تدري إن شينجي يقدر يترك كابكوم ويفتح شركته الخاصة لأن هذا الي يصير ، في مثال توه حاصل قريب وهو إن مصمم سلسلة دراجون كويست الشهيرة ترك شركة إينكس وفتح له شركة خاصة بيسوي فيها ألعاب RPG للجيم كيوب والأدفانس فقط :cool:


أخ M7MOOOD أنا أقدر موقفك وأحترمه وكلامك صحيح ، بس هذا الموضوع كما قلت أنا كاتبه لأن فيه أشياء واقعية وتخليك تضحك ، أجل كنجدوم هرتس تبيع أكثر من ريسدنت ايفل ؟ صراحة مسخرة وايش لأن فيها طرزان و ميكي ماوس ، أنا أتكلم من منطق حتى الي جربوا اللعبة من محررين وكتاب في مواقع ومجلات مشهورة قالوا إنها ليست أفضل من ألعاب الRPG الأخرى.


أخ جيم سنتر ايش قصدك بالوصلة ؟ تبي أترجم لك المكتوب فيها ...

"In an update to the official Capcom site, Devil May Cry creator Shinji Mikami said that he and a new development team are working on a new project called Project Devil. Unfortunately, it wasn't revealed if this is indeed Devil May Cry 2, but Mikami mentioned that the game will not have Dante as its hero and that it will be officially unveiled soon."

"في تحديث لموقع كابكوم الرسمي ، مصمم ديفل ماي كراي وهو شينجي مكامي يعمل هو وفريق عمل جديد على مشروع جديد اسمه بروجيكت ديفل ، لم يتم الإعلان عن ما اذا كان هذا المشروع هو الجزء الثاني من ديفل ماي كراي ، ولكن شينجي أكد أن دانتي لن يكون البطل وسيتم الإعلان عن المشروع قريبا"

بما معناه إن هذه اللعبة هي لعبة أخرى ليست ديفل ماي كراي2 ، لأن بطلها مش دانتي بينما إحنا شفنا دانتي في ديفل ماي كراي 2 خلال E3 ، وهذا دليل على إن المشروع الجديد هو الي قال شينجي إنه قادم للكيوب كما انت حاط في اقتباسك :أفكر:




مرة أخرى مشكورين على الردود ولا تنسون إن الموضوع للضحك وليس الهواش والي مب عاجبه لا يشارك :D

[Jin Kazama]

حبيبي لمعلوماتك سوني من اكبر شركات الالكترونيات بالعالم مو باليابان بس انزين والناس كلها تشتري اجهزة سوني لانها تعرف انها مضمونه ومن ضمنها البلايسيشن وتجي انت وتقول انها مب مضمونه وتخترب بسرعه :p

البلايستيشن1 كمل عندي اربع سنين ما اخترب :cool:



يكون بعلمك الننتيندو64 للحين عندي شغال
لعلمك بعد انا عندي السيغا ميغا درايف 2 وللحين شغال ":"

لانها تستخدم الكارتدج :أفكر:


واذا انت ما تعرف تحافظ على الاجهزة مشكلتك

أخوي الصغير يدخل سندويش جبن في فتحة الأشرطة :أفكر:



أجل كنجدوم هرتس تبيع أكثر من ريسدنت ايفل

الناس اذواق ..والناس تحب الاشياء الجديده مو المعدله :أفكر:

لا تحاول تقنعنا انك ما راح تشتريها :6


واذا مو عاجبتنك لانها طفوليه ...ألعاب الكيوب كلها حق الاطفال الا ما ندر :أفكر:

حتى زيلدا استوى بزر :p



بمنتدى ننتيندو وكتبت إنه للضحك فقط

اها

اجل ليش اذا واحد كتب موضوع والا اتكلم عن الكيوب ولو من بعيد في منتدى البلايستيشن دختلو الموضوع وقلبتوه هواش؟:أفكر:

والا انتوا على راسكم ريشه :p

[king_zell]

أقول يا Jin Kazama ترى كلنا نعرف إنالأجهزة الإلكترونية لسوني هي الأفضل وأنا ما أفكر الا فيها اذا بشتري تلفزيون وطخته لكن أجهزة الألعاب معروفة بخراباتها ، واذا رحت لأقرب محل ألعاب بتشوف كل الي عنده للتصليح هي أجهزة بلاي ستيشن ولا تلقى عنده جهاز جيم كيوب الا قليل هذا اذا لقيت ...

وبعدين أنا أحافظ على أجهزتي أكثر من غيري لكن البلى مش فيني في الجهاز نفسه ، ممك نسأل الأعضاء وتقدر تشوف كم واحد صارت له مشاكل مع البلاي ستيشن ... واذا تقول الننتيندو64 علشان الكارتردج فإن الجيم كيوب يستخدم اسطوانات ولا شفنا منه مشاكل مثل البلاي ستيشن2 :أفكر:

اذا تقصد إن ريسدنت ايفل ما باعت كثير لأنها مش جديدة بل معدلة ، طيب عندك ريسدنت ايفل كود فيرونيكا أول ما نزلت وكانت جديدة ما قدرت تبيع مثل كنجدوم هرتس ، يحق له شينجي ينقهر ...:D

والموضوع أنا نوهت في بدايته إني ما أبي أحد من برى يقراه لكن للأسف اللقافة وما تسوي ... شكلي المرة الجاية بأستخدم رسايل خاصة :6

[ستيف بورنسايد]

والموضوع أنا نوهت في بدايته إني ما أبي أحد من برى يقراه لكن للأسف اللقافة وما تسوي ... شكلي المرة الجاية بأستخدم رسايل خاصة
كل الاعضاء ولا الاعضاء:أفكر:

[Grandizer]

على طاري النتيندو 64 صراحه بعد ما أشتريت الكيوب رميتها على أخوي الصغير عمره 4 سنوات وقات اه ها حقك أخوي عمل فيها البلاوي الله لايراويك وهي لين ألحين شغاله وبحسن صوره وحتى سعات يهف علي وألعب ماريو 64 واذا كانت حجة جن كازاما أن كارتج ويقول أنا عندي مجا درايف2 ليت ألحين شغاله لأن أول كان ميجا درايف ون بسرعه تخترب اكتشفو العيب وخلو البلك مو مثبت في اللعبه !!

[Jin Kazama]

عنده للتصليح هي أجهزة بلاي ستيشن ولا تلقى عنده جهاز جيم كيوب الا قليل هذا اذا لقيت ...

اكيد لانه محد يشتري الكيوب الا قليل


الجيم كيوب يستخدم اسطوانات ولا شفنا منه مشاكل مثل البلاي ستيشن2

يعني انت الحين ما تعرف ان الكوبي يخرب الاجهزة :أفكر:


وبالنسبه لرزدنت ايفل كود فرونيكا اذا كنت تقصد الي على الps2 فهي نسخة طبق الاصل لنسخة الدريم كاست :أفكر:


وبالنسبه لرزدنت ايفل الي على الكيوب اكيد ما راح تبيع اكثر من كنجدم هارتس لان اجهزة الكيوب اقل من نسخ كنجدم هارتس:p



شكلي المرة الجاية بأستخدم رسايل خاصة

زين بس لا تنساني انا :cool:

ابي اضحك :p

[link 2 the past]

انا الصراحة عجبني الموضوع

و اكثر شي عاجبني كلامه على البلايستشن2 لان معضم اصحابة ومنهم النا اختربت بعد فقتره من شراءها....

ومعظمهم العدسة (وانا من هذي المجموعة:" ) انا صار لها 5 شهور خربانة بدون تصليح .. ولا اخطط اصلحها الا لما ينزل ديفل ماي كراي او لعبة تعجبني.

اسمعوا هذه القصة الظريفة:
صاحبي كان محتار بين الكيوب وال ps2 ... بعد تفكير طويل قرر ياخذ ps2 فراح مكان في الشرقية يدعى النسر و شاف 6 بلايستيشن 2 خربانة و واحد كان توه جايب البلايستيشن حقه ... فبطل ياخذ ال ps2 واخذ الكيوب :0)


-----------
شكرا لاخ king zell على الموضوع الحلو
والباقي على الردود الاحلى

[dutchsland^man]

انا عندي البلاي 2 والكيوب

الكيوب شاريه اول ما نزل وليومك ما شاء الله ممتاز

والبلاي 2 الله لا يوريك ، لازم تنظف العدسة .......... والله ازعاج .


و على فكرة من قال مبيعات الكيوب قليلة !؟!؟!؟!؟!؟!؟!؟!!؟!؟!؟!؟!؟!؟!؟

يكفيك نينتندو في يوم اطلاق الجهاز ربحت اكثر من 100 مليون دولار ( المصدر egm )
مبيعاته عالية جدًا !!
ومن قال الجهاز حق بزران ؟ ؟ ؟ ؟

علشان نينتندو تحب الألعاب ( التسلية ) صار جهازه مخصص للأطفال !؟!؟

ناظر ماريو سن شاين باعت في 3 أسابيع أكثر من 500 ألف نسخة
هذا يعني جهاز أطفال وماريو لعبة أطفال ؟ ؟ ؟ ؟

اذا نزلت ماريو سن شاين رح لأي محل كمبيوتر وشوفوا الزحمة


مغامرات لارا كروفت أشهر شخصية ألعاب عرفها التاريخ

شكلك نسيت ماريو .... .. .. . . . ... . . ..

[M7MOOOD]

الرسالة الأصلية كتبت بواسطة king_zell

لعبة كنجدوم هرتس ما تستاهل هذه الضجة وشنجي صادق إنها باعت كمية كبيرة لأسباب أخرى وليس لأن اللعبة قوية


أخ M7MOOOD أنا أقدر موقفك وأحترمه وكلامك صحيح ، بس هذا الموضوع كما قلت أنا كاتبه لأن فيه أشياء واقعية وتخليك تضحك ، أجل كنجدوم هرتس تبيع أكثر من ريسدنت ايفل ؟ صراحة مسخرة وايش لأن فيها طرزان و ميكي ماوس ، أنا أتكلم من منطق حتى الي جربوا اللعبة من محررين وكتاب في مواقع ومجلات مشهورة قالوا إنها ليست أفضل من ألعاب الRPG الأخرى.
:D

أصلا كيندوم هارتس تستاهل كل هالضجه و زيادة بعد .. أنت العبها و جربها و بعدين تعال و تكلم :أفكر:

أجل لعبة فيها كل شخصيات فاينل فانتسي أشهر لعبة آر بي جي عرفها العالم .. و فيها كل شخصيات زالت ديزني الشهيره في لعبة آر بي جي من أفضل شركة تصنيع هالنوعية من الألعاب و هي سكوير سوفت .. و ما تبيها تحصل كل هالمبيعات و هالضجه :أفكر:

هع .. هذا مجرد حقد و غيره :o

[king_zell]

أخ M7MOOOD مين تقصد بالحاقد ؟ اذا تقصد أنا فإنك غلطان ، وتقول لي جرب اللعبة ؟ انت الحين تتكلم عنها كأنك لاعبها وخاتمها ، على الأقل أنا أعرف عن اللعبة ما فيه الكفاية وأنا أفكر أشتريها لكنها ما تستاهل تبيع أكثر من ألعاب شنجي :o

سبب مبيعاتها الوحيد هو الشخصيات الموجودة أما اللعبة بشكل ام وأسلوب لا تعتبر لعبة RPG من الفئة الأولى.


وعلى فكرة يا أخ Jin Kazama أنا أتكلم عن كود فيرونيكا على الدريم كاست يوم نزلت كانت جديدة كليا ومبيعاتها كانت ضئيلة ونفس الشي لما نزلت للبلاي ستيشن2 ، خلينا قريب بنشوف ريسدنت ايفل زيرو ...


أشكر الجميع على المشاركة ;-)

[6224881]

اولا شى شوف يدت تحكم جيم الكيوب بعدين تكلم على بلاستيشن :6
منو شينجي علشان يتكلم على بلاستيشن2:غضب: :غضب:

[جوردا]

الجيم كيوب الكل معجب به قبل حتى يعلن عن قدراته بس شكل ويكفي



ترى الكيوب شف مشاء الله عليه سنه واحده بعد مابعد يكمله
سوى ضجيه في كل العالم هذا دليل على اهتمام العالم باجهزة نتندو


و
على فكره في فكره سائده هينى في المنتدى فكره خاطئه جدا


وهي يقولون ان نتندو64 فاشل خسر المواجه هذا الكلام الا تروج في جميع المنتديات التى نقلوها من مجلات او مواقع دون ان يفهمو الجوهر

نتندو64 فاشل لانه اقصر جهاز صنعته نتندو عمرا فانتندو متعوده يتم الجهاز اكثر حتى من 8 سنوات شفو العائله وسوبر نتندو

نتندو64 ليس فاشل بل على العكس يوجد فيه الكثير من الاعاب الممتازه جدا التى يفتقرها حتى جهاز الغول (على قولتكم معني محس انه مهم في مجال الاعاب بس يله)
اكس بوكس لم تصدر لعبه تجاري العاب نتندو64




أصلا كيندوم هارتس تستاهل كل هالضجه و زيادة بعد
انا معك في كلامك اذا شلت كلمة وزياده



عنده للتصليح هي أجهزة بلاي ستيشن ولا تلقى عنده جهاز جيم كيوب الا قليل هذا اذا لقيت ...
وازيدك من شعر بيت انا عندي بلاي ستيشن2 الامريكي والاوربي

وكلهم الله يخلف المريكي انتقل الى رحمة الله ما بقى عندي الا الاوربي وهذه يترنح الحين الحمدالله اني موش انا الا شاريهم اخواني شروه وتحسفو
يعني انت الحين ما تعرف ان الكوبي يخرب الاجهزة

وش معنى دريم كاست هذا كله اشرطه منسوخه وهو لحد الحين شغال عندي يمكن تتاكد من منتدى سيجا وش وش يقولوك



اولا شى شوف يدت تحكم جيم الكيوب بعدين تكلم على بلاستيشن
كلا اليدين من تصميم نتندو اساسا لا تستغرب ان يد تحكم بلايستيشن من صنع نتندو

منو شينجي علشان يتكلم على بلاستيشن2
اهو الا قوم عز بلايستيشن1 و2 لولا شنجي ولا كان مازلت على العاب المريكيه البايخه

[aoks]

معليش ما احب اتدخل في هذه النقاشات.....بس حبيت اقولكم ان التعصب ما راح يسوي شي.....يعني كلامك هذا وش بيسوي؟؟؟

انا ما اعتقد ان سوني حاطه مؤقت داخل الاجهزه....اعتقد هذه محاولة لتشويه سمعة سوني....

انا ما ابي اصير متعصب ولا راح اصير متعصب ....

تعريف التعصب=تعب بلا فائدة.....

تعصبك وش بيسوي لك

خل شينجي ميكامي يقول إلي يبيه...وكل واحد حر بإلي يقوله...

الاجهزه اذواق....مثلا واحد السوني 2 يناسب ذوقه...وواحد الكيوب يناسب ذوقه وفي بعض الناس العكس....

فلا تفرضون ذوقكم على الناس....الناس اذواق

والمثل يقول : لو لا تتعدد الاذواق لباتت السلع

فأنا اشوف انه ما في داعي للتعصب...وهذا راح يفرق بيننا ويخلينا اعداء...وما تدري وش ممكن يصير بكره

هذا والله اعلم

شكرا:D :D :D

[Mr.VEGA]

بصراحة يا أخ ( king_zell ) موضوعك هذا ممتاز .. بس شوه أعضاء الـ( PS2 ) ..

المهم أنا عندي الجهازين و ماشين زي الفل تعرف ليه ؟ لان كل ألـعـابـي أصـلـيـه
سواء على الكيوب أو البلا يستيشن 2 و هذا الأمر يساعد على إطالة عمر الجهاز

و بالنسبة لي شينجي و كينجدم هرتس أنا بصراحة أفضل ألعاب شينجي خاصة
و كابكوم عامة يعني أحب رزدينت إيفل و ديفل ماي كراي و أنيموشا أكثر مـن
فاينل فانتسي و متل جير و وينج إليفن عشين كذا لعبة زي كـيـنـجـدوم هـرتـس
تجي في أخر اللستة بعد ألعاب كابكوم و نينتندو كمان ..

و زي ما قال أخونا ( king_zell ) هذي مسخرة لما تتفوق لعبة زي كينجدوم
هرتس على ألعاب ميكامي الفنان ..

(( أنا أحب رزدينت إيفل تبع الجيم بوي أكثر من كينجدوم هرتس و ف ف ))

طبعا هذا رأي الخاص .. :D :D :D :D ..

و بعدين هذا إلي يتكلم على شينجي أقله : كيف الحال :p ..

تحياتي ..

[Jin Kazama]

الرسالة الأصلية كتبت بواسطة جوردا
الجيم كيوب الكل معجب به قبل حتى يعلن عن قدراته بس شكل ويكفي



ترى الكيوب شف مشاء الله عليه سنه واحده بعد مابعد يكمله
سوى ضجيه في كل العالم هذا دليل على اهتمام العالم باجهزة نتندو


و
على فكره في فكره سائده هينى في المنتدى فكره خاطئه جدا


وهي يقولون ان نتندو64 فاشل خسر المواجه هذا الكلام الا تروج في جميع المنتديات التى نقلوها من مجلات او مواقع دون ان يفهمو الجوهر

نتندو64 فاشل لانه اقصر جهاز صنعته نتندو عمرا فانتندو متعوده يتم الجهاز اكثر حتى من 8 سنوات شفو العائله وسوبر نتندو

نتندو64 ليس فاشل بل على العكس يوجد فيه الكثير من الاعاب الممتازه جدا التى يفتقرها حتى جهاز الغول (على قولتكم معني محس انه مهم في مجال الاعاب بس يله)
اكس بوكس لم تصدر لعبه تجاري العاب نتندو64




انا معك في كلامك اذا شلت كلمة وزياده



وازيدك من شعر بيت انا عندي بلاي ستيشن2 الامريكي والاوربي

وكلهم الله يخلف المريكي انتقل الى رحمة الله ما بقى عندي الا الاوربي وهذه يترنح الحين الحمدالله اني موش انا الا شاريهم اخواني شروه وتحسفو

وش معنى دريم كاست هذا كله اشرطه منسوخه وهو لحد الحين شغال عندي يمكن تتاكد من منتدى سيجا وش وش يقولوك



كلا اليدين من تصميم نتندو اساسا لا تستغرب ان يد تحكم بلايستيشن من صنع نتندو

اهو الا قوم عز بلايستيشن1 و2 لولا شنجي ولا كان مازلت على العاب المريكيه البايخه

اقول كيف الحال؟:p

[king_zell]

على فكرة هذا الكلام طلع مش كذب ، شنجي قاله بالراديو في اليابان في مقابلة ، صراحة الحين صار يعجبني بقوة! ":"

[dutchsland^man]

يا محمود ما مت ؟ ؟ ؟ ؟

او تكلمنا من الجنة ؟ ؟؟ استغفر الله

[aoks]

الرسالة الأصلية كتبت بواسطة dutchsland^man
يا محمود ما مت ؟ ؟ ؟ ؟

او تكلمنا من الجنة ؟ ؟؟ استغفر الله


وانت تصدق كل شي يقولنه هذه الأيام؟:أفكر: :p :D