العمدا
24-08-2002, 11:39 AM
هلا والله ..
اكيد كلكم او كلكم كنتم مفتقدينى هاليومين الى راحوا ":"
وهذا بكل بساطه له سبب واحد ..
انى كنت مسافر .. وللاسف كانت سفره موب نحسه ..
انواااااااااع النحاسه ..
تغيرت وجهتنا ثلاث مرات :"
اشرحلكم الوضع ..
-------
كنا مخططين اننا نروح على جده ومن هناك ناخذ الشله .. لا يروح بالكم بعيد .. الاهل :6 وننطلق على الامارات - دبى ...
ولكن قبل ما نسافر بكم يوم .. مدرى وش صار وانلغت السفره لجده وصار المخطط الرياض - دبى ..
حجزت وتضبط الوضع ... يوم دبرنا تصريح السفر ..
الا وبالصدفه اخوى الصغير كان ماسك الجواز وسالنى عن تاريخه ..
تصدقون يوم قريته كان باقى 5 ايام وينتهى :!
طبعا انا ما تحملت الصدمه ..
لانى ومن دون مبالغه كنت اموت بس اروح لدبى ..
لا تسالونى ليه ..
لان السبب اتفه من انى اموت ?:
الدعو ابى اروح سينما ":"
المهم ..
بعد ما فقت من الصدمه وكبوا على بير ماى بارد :6
فقت وانا اتمتم بكلمات او على الاصح كلمتين .... سينما - دبى :p
المهم بعد ما درسنا الوضع ..
وعرفنا انه مهنا سفره برا المملكه ..
يعنى الدعوه سياحه داخليه
طبعا كل الانظار كانت متوجهه الى الشرقيه ..
مع انها انوااااع الحر والرطوبه والخياس :6
بس ما فيه فرق كبير عن الرياض <--- شف الترقيع :p
وحجزنا على واحد من الشاليهات وبالتحديد قريه الخليج ...
صراحه من ناحيه الجو .. اغسل يدينك ورجلينك بعد :6
لكن المتعه ..
يا اخى روعه والله ..
بحر حقيقى موب زى بحر الرياض :p
المشكله الكبرى انى ما ادل فى الشرقيه والسواقه عندهم انواع الدجه ..
يا اخى مشوار تحس انك فى نيوكواللمبور :p <--- تراها تهجين امريكى ماليزى :6
طبعا انا مستحيل اتركم فكنت اسير عليكم من كم مقهى ..
------
اليوم : الجمعه ..
موعد رحله العوده الى الوطن :p الساعه 6ونص تقريبا ...
هذى الرحله فاتتنا وحنا مغمضين عينا .. لاننا وصلنا المطار الساعه 6 ووربع .. وحنا معنا عفش ?:
رحت انا وانا صالب طولى لواحد من الموظفين ..
انا: اقول هالحين رحله الظهران - الرياض تقفل الباب حقها ..
الموظف : ايه يالاخو من نص ساعه
انا : :! اها ..
المهم بعد المحاولات قدرت انى ادبر نفسى على الرحله الى بعده وهى موعد اقلاعها 9 ونص تقريبا ..
رحنا فى الفتره الى بين الرحلتين لمطعم ..
لا تسالونى وش الوجبه الى اكلناها ..
المهم قعدنا فيه ..
تصدقون راح علينا الوقت وما درينا الا والساعه 8 ونص ...
ومن ثوارتى ما كنت مدخل العفش ..
لا خايف عليه ومخليه فى السياره ..
المهم دعسنا على المطار وودخلنا الساعه 9 الا ربع تقريبا ...
ويوم رحت للكاونتر ابى ادخل العفش ..
قالى الرحله اتقفلت ..
انا : :! لا ...
رحت للوالده .. المهم نفس الشي دبرنا نفسنا على رحله اضافيه هم حاطينها موعد اقلاعها تقريبا 11 ..
قعدنا نحترى فى المطار لانه السياره الى استاجرناها خلاص بح رجعناها ....
المهم دخلت العفش ..
وهنا كانت الطامه الكبرى ..
يوم عطانى البوردينق كارد .. حجزنا كان افق << هورايزن .. لكن فى الكرت مكتوب سياحى ...
يوم سالته ..
قالى والله ما بقى افق وانت اساسا فاتتك الرحله ..
يعنى تحمد ربك دبرنالك رحله ..
سالته عن المبلغ ..
من هنا وهنا ..
رجع المبلغ لنا .... الى هو الفرق ..
وطبعا اقدر احلف انى اول راكب دخلت فى الطياره ما كثر الحماس .. ما ودى تفوتن هالرحله بعد :6
والحمد لله وصول سعيد ..
والحمد لله على السلامه ..
-------
الزبده من الموضوع ..
am baaak
:p
اكيد كلكم او كلكم كنتم مفتقدينى هاليومين الى راحوا ":"
وهذا بكل بساطه له سبب واحد ..
انى كنت مسافر .. وللاسف كانت سفره موب نحسه ..
انواااااااااع النحاسه ..
تغيرت وجهتنا ثلاث مرات :"
اشرحلكم الوضع ..
-------
كنا مخططين اننا نروح على جده ومن هناك ناخذ الشله .. لا يروح بالكم بعيد .. الاهل :6 وننطلق على الامارات - دبى ...
ولكن قبل ما نسافر بكم يوم .. مدرى وش صار وانلغت السفره لجده وصار المخطط الرياض - دبى ..
حجزت وتضبط الوضع ... يوم دبرنا تصريح السفر ..
الا وبالصدفه اخوى الصغير كان ماسك الجواز وسالنى عن تاريخه ..
تصدقون يوم قريته كان باقى 5 ايام وينتهى :!
طبعا انا ما تحملت الصدمه ..
لانى ومن دون مبالغه كنت اموت بس اروح لدبى ..
لا تسالونى ليه ..
لان السبب اتفه من انى اموت ?:
الدعو ابى اروح سينما ":"
المهم ..
بعد ما فقت من الصدمه وكبوا على بير ماى بارد :6
فقت وانا اتمتم بكلمات او على الاصح كلمتين .... سينما - دبى :p
المهم بعد ما درسنا الوضع ..
وعرفنا انه مهنا سفره برا المملكه ..
يعنى الدعوه سياحه داخليه
طبعا كل الانظار كانت متوجهه الى الشرقيه ..
مع انها انوااااع الحر والرطوبه والخياس :6
بس ما فيه فرق كبير عن الرياض <--- شف الترقيع :p
وحجزنا على واحد من الشاليهات وبالتحديد قريه الخليج ...
صراحه من ناحيه الجو .. اغسل يدينك ورجلينك بعد :6
لكن المتعه ..
يا اخى روعه والله ..
بحر حقيقى موب زى بحر الرياض :p
المشكله الكبرى انى ما ادل فى الشرقيه والسواقه عندهم انواع الدجه ..
يا اخى مشوار تحس انك فى نيوكواللمبور :p <--- تراها تهجين امريكى ماليزى :6
طبعا انا مستحيل اتركم فكنت اسير عليكم من كم مقهى ..
------
اليوم : الجمعه ..
موعد رحله العوده الى الوطن :p الساعه 6ونص تقريبا ...
هذى الرحله فاتتنا وحنا مغمضين عينا .. لاننا وصلنا المطار الساعه 6 ووربع .. وحنا معنا عفش ?:
رحت انا وانا صالب طولى لواحد من الموظفين ..
انا: اقول هالحين رحله الظهران - الرياض تقفل الباب حقها ..
الموظف : ايه يالاخو من نص ساعه
انا : :! اها ..
المهم بعد المحاولات قدرت انى ادبر نفسى على الرحله الى بعده وهى موعد اقلاعها 9 ونص تقريبا ..
رحنا فى الفتره الى بين الرحلتين لمطعم ..
لا تسالونى وش الوجبه الى اكلناها ..
المهم قعدنا فيه ..
تصدقون راح علينا الوقت وما درينا الا والساعه 8 ونص ...
ومن ثوارتى ما كنت مدخل العفش ..
لا خايف عليه ومخليه فى السياره ..
المهم دعسنا على المطار وودخلنا الساعه 9 الا ربع تقريبا ...
ويوم رحت للكاونتر ابى ادخل العفش ..
قالى الرحله اتقفلت ..
انا : :! لا ...
رحت للوالده .. المهم نفس الشي دبرنا نفسنا على رحله اضافيه هم حاطينها موعد اقلاعها تقريبا 11 ..
قعدنا نحترى فى المطار لانه السياره الى استاجرناها خلاص بح رجعناها ....
المهم دخلت العفش ..
وهنا كانت الطامه الكبرى ..
يوم عطانى البوردينق كارد .. حجزنا كان افق << هورايزن .. لكن فى الكرت مكتوب سياحى ...
يوم سالته ..
قالى والله ما بقى افق وانت اساسا فاتتك الرحله ..
يعنى تحمد ربك دبرنالك رحله ..
سالته عن المبلغ ..
من هنا وهنا ..
رجع المبلغ لنا .... الى هو الفرق ..
وطبعا اقدر احلف انى اول راكب دخلت فى الطياره ما كثر الحماس .. ما ودى تفوتن هالرحله بعد :6
والحمد لله وصول سعيد ..
والحمد لله على السلامه ..
-------
الزبده من الموضوع ..
am baaak
:p