المساعد الشخصي الرقمي

مشاهدة النسخة كاملة : نقاش الرسامين من يتفضل وينصح شخص مبتدئ بالرسم ؟


ODIN
24-08-2002, 07:55 PM
احم احم ..

طبعا تعرفون ان ما عندي سالفه بالرسم اليدوي .. لذلك افكر هذه الايام ان ابدى بداية جاده بعالم الرسم ..

لذلك اتمنى احد يدلني على اهم القواعد والاساسيات بهذا العالم ..

لاني بصراحه اواجه صعوبه كبيرة بالتحكم بيدي ..

لدرجه اني لا استطيع رسم خط طويل مستقيم ! اجد الكثير من الانحرافات فيه .!مالحل ؟

وكذلك اتمنى تدلوني عن نوع الاقلام الجيده للرسم والتحبير ..

هل اي قلم عادي يفي بالغرض ام ماذا ؟

واتمنى بعض النصائح الثانويه التي لا نستغني عنها ..

وشكرا لكم :)
java_sun
24-08-2002, 09:22 PM
هلالا بد بد
احم انا اعطيييييييييييييك كل شي اذا كانت عن المانجا و خصوصا العيون الصراحه انا ماعرف انصح جذي :": بس اذا تقدر حاول ترسم رسمه اهني و تعرضهه و انا ابينلك الاخطاء عشان اتعدلهه ... اما بالنسبه حق الخطوط شوف انا اقولك ..


جيب دفتر و قلم

رصاص و رسم فيه خطوط مستقيمه واااااايده ليمى تضبط الخط و بعدين مثلا ابتتعلم رسم اليد اقعد و ارسم يد ابروح حتى و لو رسمت اب 10000000 صفحه بس انت ارسم و ارسم حتى تقدر تضبط شوي شوي ..... و هاكذا على اي جزء من الجسم اي او شكل تتمنى ترسمه مثلا العيون اول شي حاول انك ترسمهه و ارسم مليووون عين ليمى تضبطه و بعدين ركب الجسم و تصير الرسمه %100 :D
(بسيطه) الحين حاول اتعود ايدك عالخطوط المستقيمه عشان اتساعدك بعدين لرسم اي جزء معين تحب ترسمه ......
orange road
24-08-2002, 09:35 PM
اخ اودين :)

اغلبنا ان ما كان كلنا بدينا بنالنقل والتعلم من رسوم غيرنا :)

ابتدي اول بالنقل من رسوم المحترفين :)
وبعدين بيطلع عندك اسلوبك الخاص

اذا على الادوات احسن يكون عندك قلم رصاص b2
واحسن يكون من النوع الاتوماتيكي :) اريح لك من ان تقعد تبري بالدقيقة

واي دفتر رسم
جوف النوعية اللي تريحك وارسم عليها .. بس لا تكون مصقولة وايد :o

واذا على الخطوط المستقيمة :) استعين بالمسطرة :D
وبعد انت فنان في الفوتوشوب
معناها انك تقدر تستغني عن رسوم الخطوط المستقيمة والدوائر وتضيفها بعدين في الفوتوشوب على الرسمة :)

وانصحك اخوي
ادخل دروس الاستاذ شاهين ورواية الموجودة في المنتدى :)
ODIN
25-08-2002, 01:40 AM
ما قصرتوا يا اخوات ..

لكن اتمنى لو تدلوني عن قلم التحبير .. هل اي قلم يفي بالغرض ام توجد اقلام مخصصه لذلك ؟



لان والله عندي رغبه كبيرة بالرسم .. لان براسي مشاريع امنيتي اني احققها ..

يعني لو واحد استعير ايده منكم واسوي الي براسي وبعدها خلاص ما ابي شيء من الرسم :)
orange road
25-08-2002, 02:00 AM
هههههههه

عيل عليك بيد شاهين... بتحقق لك المعجزات

جوف اودين استعمل اي قلم يريحك وتحسه يطير في يدك

اهم شي يكون عندك اكثر من سمك
5 و7 على الاقل

ادخل موضوع ادوات الفناني اللي حطاه لنا اخوي الرايق في المنتدى وجوف ادوات الاعضاء واختار اللي يناسبك
fatoom
25-08-2002, 02:09 AM
السلاااام ^ ^

شوف انا لما ارسم الف خط و خط يطلع

و مب شرط سيده و مستقيم :)

القصه كلها تدريب :)

انت جرب و حاول ...

الأدوات أعتقد تبدا بالرصاص كبدايه وايد احسن :)

بعدين تدرج للحبر ...

خطوه خطوه و بتكون اوكي ;)

و بالتوفيق :D
Last_Angel
25-08-2002, 02:13 AM
زي ما قالت اورنج رود... اول شي ابدا بنقل رسمات المحترفين..
اقعد نزل رسمات من الانترنت (او حتى بعض رسومات الاعضاء) وانقل..
الين ما تتعود يدك.

جربت كتب والطرق اللي تقول ارسم دائره بعد حط كم خط وو.... تادا!! صار عندك وجه!!! والخرابيط هذي.. بس انا ما فادتني كثير..
النقل احسن شي.. وشوي شوي يطلعلك ستايل خاص بك ^_^


وخل التحبير لبعدين.. بس اذا ودك
فيه اقلام ريشه اللي تجي باحجام مختلفه..
بس انا لسا استخدم قلم (Flet tip) عادي.. اريح والنتايج نفس الشي تقريبا ^_^
wildkitty
25-08-2002, 02:31 AM
انا بهاذي ما اقدر اساعدك اسال ناس محترفه بالرسم :":
انا خلوني على جنب
ODIN
25-08-2002, 05:51 PM
شكرا الف شكر :)

شريت الادوات والعده .. وبجرب واشوف وش يطلع معاي ..

وبحاول ادبر سكانر حتى اعرضلكم محاولاتي
Rex
25-08-2002, 07:32 PM
هذا الموضوع مفيد جدا !!...
للأسف ما عندي قاعده معينه لكيفية البداية بالرسم ...
الأمر كان منذ كنت صغيرا ^^

المهم ...
اضافة لكلام الأخوان ...

أيضا لا تتوقف عن الرسم !!!!!
دائما على الأقل في كل يوم تمسك قلم وتسوي سكتشات ... حتى لو خرابيش !!
المهم تحرك يدك على الرسومات دائما !!
...الأمر يتعلق بتدريب اليد ... :)

تماما مثل بناء الأجسام ;-) ... تابع بالتمرين ^^ ...
خاصة أنك ما عندك خلفية جيده عن الرسم وأيضا يدك مش متعوده على ذلك...
والدروس الكثيرة على النت ... حاول أن تطبقها ... :)

هذا والله أعلم ...

وبالتوفيق :)
plus
26-08-2002, 02:03 PM
الرسم سهل مو صعب لكنك تحتاج لوقت انا تعلمت الرسم يعني رسم عادي مب محترف من الفضاوه في اوقات فراغي ارسم الى ان صرت شوي شوي اعرف ارسم":"
الرايق 2000
26-08-2002, 11:50 PM
لو النقل كان صعب عليك إبدأ بالشف حاول تستعمل ورق الطابعه في شف صوره من مجله (كلرتونيه ) (امم انا بدأت على ميكي و بطوط و فليله غبره سهران فيها لوحدي و لو تشوف التفقيع )

اممممممم

لا تستسلم انا كنت راح استسلم حول ال 4 مرات كل مره اندم عليها دحين لانه اكيد لو ما استسلمت كنت تطورت اكثر لكن ربنا يساعد الجميع


اممممممم

مثل واحد بس اقوله







اكل العنب حبه حبه ;)
shaheen
27-08-2002, 01:05 AM
عزيزي اودين

كل ماقالوه رائع وصحيح... لكن ابدأ بالسهل وتدرج الى الاصعب
كذلك ابدأ بالشكل العام وبعد ذلك اكمل التفاصيل....

يعني دائما ابدأ بالشئ العام والدقة تخليها لبعدين:)


حاول ان ترسم خطوطا عشوائية وخطوطا مقصودة فذلك سيدربك على مرونة اليد والسيطرة على القلم:)
(على فكرة انا لا استطيع رسم نفس الخط مرتين:)) لم اتمرن على هذا
R W
10-09-2002, 12:59 AM
والله ما اقدر افيدك

كل ما اقولك ان تشتري قلم رسم اصلي وتتدرب علي رسم خط مستقيم بسرعة وهكذا تصبح مثل المسطرة انشاء الله