EminEm,m&m
27-08-2002, 11:46 AM
فجأة تحول المغني الشعبي شعبان عبدالرحيم الى ظاهرة الظواهر وقفز اسم وشهرة شعبان عبدالرحــيم بشكل كبير بـعد البومه «انا باكره اسرائيل» الذي حمل اسم اشهر اغاني المغـني الظـاهرة الذي غنى «احمد حلمي اتجوز عايدة» من قبل وظـل انتشاره محدودا وقاصرا على الطبقات الشعبية التي تعرف بداياتـه حتى غنى «انا باكره اسرائيل» وساهمت فطرية شعبان عبدالرحيم وتعاطف الكثيرين معه مع حالة الغليان في الشارع العـربي الـذي عبر عنـه شعبان بتلقائية شديدة وصدق في اغنيته البسيطة في تأجـيج نجـوميته، وقـفز فجــأة الى قمة المشهد السياسي، واصبح شعبان مطلوبا في الكونغرس الاميركي نفسه وطالب اليهود بمحـاكمـته لمعـاداتــه السـامية وهو في واقع الامر لا يعلم ما هو الكونغرس ولا السامية ولا السياسة ولا اي مفردة من هذه المفـردات الكبـيرة باستـثناء المفـردات اليـومية التي يتعامل بها وحتى عنــدما تعامل شــعبان مع «الاسطى» داود عبدالسيد في السـينما فقـد تعامل مع «السيلما» كما يسمـيها هـو بمفــهومه الخــاص، والطـريف انـك عـندما تحـاور شعبان عبدالرحيـم فانــه هـو الذي يفـرض عـليك اســلوب الحــوار كما يـفرض علـيك مفــرداته واسلوبه هـو
· بعد نجاح البوم «انا بكره اسرائيل» كررت التجربة مع شريط «اميركا يا اميركا» ما هي حكايتك مع السياسة بالضبط؟
ــ لا والله ما فيش حكاية ولا حاجة والسياسة مش في دماغي اصلا بس ما دام الكلام ده بيعجب الناس ومشينا في الخط ده يبقى نكمل في الكلام عشان نبسط الناس.
· انت تعرف ان اليهود اتهموك بمعاداة السامية بعد اغنية «انا باكره اسرائيل»؟
ــ يعني ايه سامية يا استاذ، وعموما انا عبرت عن ملايين العرب واللي يزعل يشرب من البحر ويقولوا اللي يقولوه ولو اني عايز اعرف يعني ايه سامية اللي بيقولوا عليها دي.
انا حر يا ماكدونالدز
· ايه مش خايف من اميركا واسرائيل؟
ــ انا راجل حر وما باخافش الا من اللي خلقني وما بيهمنيش حد ولا اميركا ولا اللي يتشدد لها وبأغني اللي يعجب اهلي وناسي واللي يعجبني.
· لكن بيقولوا ان اغنية «انا باكره اسرائيل» سببت لك مشاكل؟ ـ بالعكس الاغنية مشيت في السوق زي الحلاوة وعلقت مع الناس جامد قوي وانا باعتبرها انجح اغنياتي ولا توجد مشاكل ولا حاجة والحمد لله.
· وايه حكاية «ماكدونالدز» معاك وليه لغوا التعاقد؟
ــ انا الغلطان يا استاذ وانا من الاول لو اعرف انهم اميركان وحياة ابني ونظري ما كنت هاقبل الاعلان ده ابدا ولو ادوني فلوس الدنيا كلها لانهم قالوا لي ان الفلوس اللي بياخدوها ثمن الاكل دي بيودوها لليهود علشان يشتروا بها سلاح يضربوا بيه اخواتنا في فلسطين.
· وهل خلصت المشكلة على كدة؟
ــ طبعا خلصت، بيني وبينك انا ما كنتش عايز منهم اي حاجة لكن صحابي قالوا لي اللي يجي منهم احسن من عنيهم وانا بصراحة ناوي اتبرع بالتعويض اللي هيجيبه المحامي منهم للانتفاضة وللفلسطينيين احسن منهم وغيظا فيهم.
· بيقولوا الحكاية معاك مجرد اكل عيش وخلاص وانت بتغني اللي بيعجب الناس ومع «الرايجة»؟
ــ طبعا يا استاذ لازم ابقى مع «الرايجة» واللي يعجب الناس مش انا «نفط» الشعب «ومع ذلك احلف لك ان انا فعلا بكره اسرائيل عمى، وبعدين ده انا اللي قايل للمؤلف يعمل لنا اغنية عن اسرائيل يقول فيها انا باكره اسرائيل، ولو العالم كله هيقول انا بحب اسرائيل انا هاقول انا بكره اسرائيل مش ممكن ان اتراجع أنا بالذات لأ.
· وليه اخترت أميركا في الشريط الجديد؟
- ما هو كان لازم نغير، وبعدين أميركا هي أكبر دولة وبتفكرني بالفتوات بتوع زمان والمفروض أنها تخلص أي خناقة بس بالعدل مش تيجي علينا عشان إسرائيل. · أنت عملت كام أغنية سياسية؟
- متقولش سياسة أحسن الناس تفتكرني ديبلوماسي، وبعدين دي مش أغاني سياسية أنا باسميها موعظة، أصل أنا مطرب مهتم بالبيئة وتقدر تسميني مطرب الموعظة. · هل صحيح أنك غنيت أغنية جديدة لعمرو موسى بعنوان «أحب عمرو موسى أكتر بعد ما راح الجامعة العربية» وستصدر في ألبومك القادم؟
- لا محصلش، أنا لا غنيت لعمرو موسى ولا جيت ناحيته، والراجل ده بحبه ومش عايز ااذيه، وخايف عليه، والناس زعلانة مني وبيقولوا أني شلت عمرو موسى من الخارجية ووديته الجامعة العربية عشان الأغنية وده محصلش، بيقولوا لك الجامعة العربية دي أصغر من وزارة الخارجية، وأنا مقصدش اصغره أنا كنت عايز أكبره وأنا بحبه والشعب بيحبه وعشان كده غنيت له، تعرف أنا بغني اللي عايزه الشعب وعرفت ان الشعب بيحب الراجل ده وعشان كده غنيت له، لكن دلوقتي أخاف أغني له تاني، بيني وبينك أنا كنت مجهز أغاني لكذا وزير بحبهم والشعب كمان بيحبهم وكنت حدخلهم في الألبومات الجديدة لكن وقفت العملية.
· ومن هم هؤلاء الوزراء ولماذا لم تغن لهم؟
- يا باشا، أنا خايف عليهم وزراء كويسين وشغلين أغني لهم عشان يتشالوا الناس تزعل مني وتقول بتشيل الوزراء والوزراء، دول الشعب كله بيحبهم عشان شغالين وهم 3 وزراء عندك صفوت الشريف وزير الاعلام راجل شايف شغله كويس أوي وعمل لنا مدينة الانتاج اللي أكبر وأجدع من بتاعة أميركا وعمل لنا قمر صناعي وكل يوم بيعمل لنا كنوات فضائية جديدة في كل حاجة,,, راجل كويس أوي بصراحة والناس بتحبه، الشعب كله بيحبه وأنا «نفط» الشعب، وعندك حبيب العادلي وزير الداخلية راجل طيب.
· وهل الرقابة بتعترض على أغنياتك وكلامك عن اسرائيل أو أميركا في الشريط الجديدة؟
- لا,, الرقابة وافقت على كل الكلمات وعمرها ما اعترضت على أي شيء لي وربنا يجعل بيننا وبينهم عمار.
· أنت بتقرأ جرايد؟
- لا أنا دلوقتي بتفرج على النشرة وباستفهم عن الحاجات الصعبة اللي محتاجة توضيح، أما الجرايد أنا باشتريها وبخلي أي حد من العيال يقرأها لي.
· هل لك مستشار فني تعرض عليه أغنياتك؟
- لا أنا بفهم كويس والمسألة مش محتاجة مستشار، أنا بس اللي بقرأ الكلام وأوزنه إذا كان فيه حاجة تتوزن ونشيل كلمة، نحط كلمة، المؤلف مفيش وراه حاجة تانية غير أنه يكتب وانا اختار.
· بيقولوا انك اختلفت مع كاتب أغنياتك إسلام خليل؟
- فيه ناس بتوقع بيننا واسلام بيسمع كلام الناس مع العلم أنا غنيت لمؤلفين كبار قبل اسلام زي ماهر عبده سليمان وغيره انما اسلام اشتغل معاي الخمس شرايط الأخيرة انما أنا كنت ناجح من قبله في شرايط «أحمد حلمي اتجوز عايدة» و«كداب ياخيشة» ودي شرايط وزعت جامد قوي. · الناس بتشتكي من التشابه في تلحين أغنياتك، المفروض أنك تغير في
الألحان؟
- أصل أنا اللي بلحن كل أغنياتي وبدل ما تقولوا شعبان سرق لحن من فلان ولا علان أنا بتقي شر الكلام ده وباحط «البصمة» بتاعتي في كل شريط، وبعدين الشريط كله 8 أغاني فيه أغنية واحدة بس اللي مشابهة للألبوم اللي فات والباقي مختلف، أنا برده لازم أحط «الطبعة» بتاعتي على الشريط. · ليه شريط «أمريكا يا أمريكا» ما حققش نجاح «أنا باكره اسرائيل» وما بيوزعش في السوق؟
- الشريط لسه نازل السوق بقى له أسبوعين بس والشركة نزلته غالي بـ «8 جنيه» وفه ناس ضربوه وزوروه والنقابة على المصنفات مش قادرة تلاحق عليهم! السينما
· تجربة السينما بالنسبة لك كانت مفيدة؟
- الحق لله لغاية دلوقت «عطلة ووقف حال» ومش حاسس بفايدتها لأنها ضيعت على وقت كثير وأفراح كتير، لكن لما بيقولوا لي لما ينزل الفيلم السوق وينجح ها أغير رأيي.
· وايه دورك في الفيلم مع داود عبدالسيد «مواطن ومخبر وحرامي»؟
- حرامي، بس حرامي ابن بلد ومجدع وهيتوب ويبقى كويس وباغني في الفيلم بالعافية زي ما كان بيعمل المرحوم فريد شوقي وأنا باعتبره القدوة بتاعتي في «السيلما» وباغني واضرب وبنعمل حاجات حلوة كتير.
· سمعنا انك مثلت في مسلسل تلفزيوني؟
- آه مسلسل «حبنا الكبير» وبكون فيه مغني ومكوجي ومعاي طارق دسوقي ومحسنة توفيق والممثل أبوعنين خضرا اللي اسمه أحمد شاكر وممثلين كتير تانيين.
· هل صحيح أن شريط «أنا بكره إسرائيل» وزع أكثر من 3 مليون نسخة؟ - بأمانة أنا ما أعرفش وزع أد ايه لأن أنا مليش دعوة بالتوزيع لأن أنا بغني وبأخذ حق الشريط والمنتج هو اللي بيوزع وطبعاً المنتج لو عمل في الاونة مائة ألف شريط تلاقي وزع قدامهم مائة ألف مضروبين في السوق,, ولكن على اللي أنا سامعه الشريط وزع على أد الناس اللي في مصر وأكثر. أنا ومايكل جاكسون
· قيل أن هناك مشكلة بينك وبين مايكل جاكسون ماهي الحكاية؟
- أنا عرفت أن أميركا واسرائيل راحوا جابوا مايكل جاكسون عشان يرد علي في أغنية يقول فيها «أنا بكره العرب وبحب اسرائيل»، لكن أنا كنت عايز حد أكبر من مايكل جاكسون عشان يرد علي, وهو غنى الأغنية دي فعلاً عشان يرد علي وأنا بيني وبينه المنافسة متنفعش وأنا عمري ما هعمل عقلي بعقله وعلى الأقل لا مؤاخذة لما أرد، أرد علـى راجــل.
· وبمناسبة ابنك ماذا عن نشاط أولادك الفني؟
- بيغنوا كلهم وبيمثلوا أفلام، عصام الكبير وخميس وعبدالرحيم الصغير، عصام صور فيلم «شرم برم» مع رأفت الميهي,, وبيصور فيلم تاني مع الشحات مبروك وعدوية الصغير في رابعة ابتدائي ورايح خامسة لسة مغناش,, والواد عدوية ده هيكون حكاية,, أنا عايز أنقله بقى دلوقتي من المدرسة اللي في قليوب وأجيبه هنا عشان زي ما أنت شايف أخذت الشقة الجديدة دي في أجدع عمارة في شارع الشيشيني على ترعة المريوطية يعني انتقلت من المنطقة البلدي الى المنطقة الأفرنجي حتى كل ملابسي بقت أفرنجي حتى مع الشقة الأفرنجي أصلب بحب أنزه نفسي وأحب أنزه أهل بيتي أوعى تقول لمش عيب أني أكون إنسان بسيط وبعدين ربنا يديني «وأما بنعمة ربك فحدث» الحمد لله ما هو ربنا بيعوض بعد رحلة تعب وشقا يعني أنا باغني من أكتر من عشرين سنة والحمد لله ربنا أداني من وسع من سنة ونص أنتقلت نقلة كبيرة وبقي لي أصحاب كتير ومراكز ومنهم ناس «الهاف لايف» اللي يجيبوك ويطلبوا منك تغني في الفرح مجاملة ومتاخدش فلوس,, طب ده كلام,, ده أصحابي الفنانين بروح مثلاً عيد ميلادهم يقوموا يدوني عرقي,, أرفض ما يرضوش,, وهو ده الصح.
· ما أكتر أغنية تعتز بها؟
- طبعاً أنا «باكره اسرائيل» أنجح أغنية عندي وأنا باقول رأي الشعب رغم أن الناس بيشتموني في التلفون وبيقولولي مالكش دعوة باسرائيل، وما أعرفش هل دول صحابي بيهزروا معاي ولا دول ناس تبعها بصحيح بس باجيب النمرة من المحمول والاقيها من كابينة في الشارع وبعدين من كابينة تانية وكده يعني.
· وما طموحات شعبان عبدالرحيم؟
- ربنا يعديها على خير ويجملها بالستر وعايز طبعاً أنجح في «السيلما» لأني داخل على أفلام عناوينها فيها اسمي ودي تاني مرة في مصر يحصل ده بعد المرحوم اسماعيل ياسين.
:D المصدر (http://www.arabtimes.com/)
· بعد نجاح البوم «انا بكره اسرائيل» كررت التجربة مع شريط «اميركا يا اميركا» ما هي حكايتك مع السياسة بالضبط؟
ــ لا والله ما فيش حكاية ولا حاجة والسياسة مش في دماغي اصلا بس ما دام الكلام ده بيعجب الناس ومشينا في الخط ده يبقى نكمل في الكلام عشان نبسط الناس.
· انت تعرف ان اليهود اتهموك بمعاداة السامية بعد اغنية «انا باكره اسرائيل»؟
ــ يعني ايه سامية يا استاذ، وعموما انا عبرت عن ملايين العرب واللي يزعل يشرب من البحر ويقولوا اللي يقولوه ولو اني عايز اعرف يعني ايه سامية اللي بيقولوا عليها دي.
انا حر يا ماكدونالدز
· ايه مش خايف من اميركا واسرائيل؟
ــ انا راجل حر وما باخافش الا من اللي خلقني وما بيهمنيش حد ولا اميركا ولا اللي يتشدد لها وبأغني اللي يعجب اهلي وناسي واللي يعجبني.
· لكن بيقولوا ان اغنية «انا باكره اسرائيل» سببت لك مشاكل؟ ـ بالعكس الاغنية مشيت في السوق زي الحلاوة وعلقت مع الناس جامد قوي وانا باعتبرها انجح اغنياتي ولا توجد مشاكل ولا حاجة والحمد لله.
· وايه حكاية «ماكدونالدز» معاك وليه لغوا التعاقد؟
ــ انا الغلطان يا استاذ وانا من الاول لو اعرف انهم اميركان وحياة ابني ونظري ما كنت هاقبل الاعلان ده ابدا ولو ادوني فلوس الدنيا كلها لانهم قالوا لي ان الفلوس اللي بياخدوها ثمن الاكل دي بيودوها لليهود علشان يشتروا بها سلاح يضربوا بيه اخواتنا في فلسطين.
· وهل خلصت المشكلة على كدة؟
ــ طبعا خلصت، بيني وبينك انا ما كنتش عايز منهم اي حاجة لكن صحابي قالوا لي اللي يجي منهم احسن من عنيهم وانا بصراحة ناوي اتبرع بالتعويض اللي هيجيبه المحامي منهم للانتفاضة وللفلسطينيين احسن منهم وغيظا فيهم.
· بيقولوا الحكاية معاك مجرد اكل عيش وخلاص وانت بتغني اللي بيعجب الناس ومع «الرايجة»؟
ــ طبعا يا استاذ لازم ابقى مع «الرايجة» واللي يعجب الناس مش انا «نفط» الشعب «ومع ذلك احلف لك ان انا فعلا بكره اسرائيل عمى، وبعدين ده انا اللي قايل للمؤلف يعمل لنا اغنية عن اسرائيل يقول فيها انا باكره اسرائيل، ولو العالم كله هيقول انا بحب اسرائيل انا هاقول انا بكره اسرائيل مش ممكن ان اتراجع أنا بالذات لأ.
· وليه اخترت أميركا في الشريط الجديد؟
- ما هو كان لازم نغير، وبعدين أميركا هي أكبر دولة وبتفكرني بالفتوات بتوع زمان والمفروض أنها تخلص أي خناقة بس بالعدل مش تيجي علينا عشان إسرائيل. · أنت عملت كام أغنية سياسية؟
- متقولش سياسة أحسن الناس تفتكرني ديبلوماسي، وبعدين دي مش أغاني سياسية أنا باسميها موعظة، أصل أنا مطرب مهتم بالبيئة وتقدر تسميني مطرب الموعظة. · هل صحيح أنك غنيت أغنية جديدة لعمرو موسى بعنوان «أحب عمرو موسى أكتر بعد ما راح الجامعة العربية» وستصدر في ألبومك القادم؟
- لا محصلش، أنا لا غنيت لعمرو موسى ولا جيت ناحيته، والراجل ده بحبه ومش عايز ااذيه، وخايف عليه، والناس زعلانة مني وبيقولوا أني شلت عمرو موسى من الخارجية ووديته الجامعة العربية عشان الأغنية وده محصلش، بيقولوا لك الجامعة العربية دي أصغر من وزارة الخارجية، وأنا مقصدش اصغره أنا كنت عايز أكبره وأنا بحبه والشعب بيحبه وعشان كده غنيت له، تعرف أنا بغني اللي عايزه الشعب وعرفت ان الشعب بيحب الراجل ده وعشان كده غنيت له، لكن دلوقتي أخاف أغني له تاني، بيني وبينك أنا كنت مجهز أغاني لكذا وزير بحبهم والشعب كمان بيحبهم وكنت حدخلهم في الألبومات الجديدة لكن وقفت العملية.
· ومن هم هؤلاء الوزراء ولماذا لم تغن لهم؟
- يا باشا، أنا خايف عليهم وزراء كويسين وشغلين أغني لهم عشان يتشالوا الناس تزعل مني وتقول بتشيل الوزراء والوزراء، دول الشعب كله بيحبهم عشان شغالين وهم 3 وزراء عندك صفوت الشريف وزير الاعلام راجل شايف شغله كويس أوي وعمل لنا مدينة الانتاج اللي أكبر وأجدع من بتاعة أميركا وعمل لنا قمر صناعي وكل يوم بيعمل لنا كنوات فضائية جديدة في كل حاجة,,, راجل كويس أوي بصراحة والناس بتحبه، الشعب كله بيحبه وأنا «نفط» الشعب، وعندك حبيب العادلي وزير الداخلية راجل طيب.
· وهل الرقابة بتعترض على أغنياتك وكلامك عن اسرائيل أو أميركا في الشريط الجديدة؟
- لا,, الرقابة وافقت على كل الكلمات وعمرها ما اعترضت على أي شيء لي وربنا يجعل بيننا وبينهم عمار.
· أنت بتقرأ جرايد؟
- لا أنا دلوقتي بتفرج على النشرة وباستفهم عن الحاجات الصعبة اللي محتاجة توضيح، أما الجرايد أنا باشتريها وبخلي أي حد من العيال يقرأها لي.
· هل لك مستشار فني تعرض عليه أغنياتك؟
- لا أنا بفهم كويس والمسألة مش محتاجة مستشار، أنا بس اللي بقرأ الكلام وأوزنه إذا كان فيه حاجة تتوزن ونشيل كلمة، نحط كلمة، المؤلف مفيش وراه حاجة تانية غير أنه يكتب وانا اختار.
· بيقولوا انك اختلفت مع كاتب أغنياتك إسلام خليل؟
- فيه ناس بتوقع بيننا واسلام بيسمع كلام الناس مع العلم أنا غنيت لمؤلفين كبار قبل اسلام زي ماهر عبده سليمان وغيره انما اسلام اشتغل معاي الخمس شرايط الأخيرة انما أنا كنت ناجح من قبله في شرايط «أحمد حلمي اتجوز عايدة» و«كداب ياخيشة» ودي شرايط وزعت جامد قوي. · الناس بتشتكي من التشابه في تلحين أغنياتك، المفروض أنك تغير في
الألحان؟
- أصل أنا اللي بلحن كل أغنياتي وبدل ما تقولوا شعبان سرق لحن من فلان ولا علان أنا بتقي شر الكلام ده وباحط «البصمة» بتاعتي في كل شريط، وبعدين الشريط كله 8 أغاني فيه أغنية واحدة بس اللي مشابهة للألبوم اللي فات والباقي مختلف، أنا برده لازم أحط «الطبعة» بتاعتي على الشريط. · ليه شريط «أمريكا يا أمريكا» ما حققش نجاح «أنا باكره اسرائيل» وما بيوزعش في السوق؟
- الشريط لسه نازل السوق بقى له أسبوعين بس والشركة نزلته غالي بـ «8 جنيه» وفه ناس ضربوه وزوروه والنقابة على المصنفات مش قادرة تلاحق عليهم! السينما
· تجربة السينما بالنسبة لك كانت مفيدة؟
- الحق لله لغاية دلوقت «عطلة ووقف حال» ومش حاسس بفايدتها لأنها ضيعت على وقت كثير وأفراح كتير، لكن لما بيقولوا لي لما ينزل الفيلم السوق وينجح ها أغير رأيي.
· وايه دورك في الفيلم مع داود عبدالسيد «مواطن ومخبر وحرامي»؟
- حرامي، بس حرامي ابن بلد ومجدع وهيتوب ويبقى كويس وباغني في الفيلم بالعافية زي ما كان بيعمل المرحوم فريد شوقي وأنا باعتبره القدوة بتاعتي في «السيلما» وباغني واضرب وبنعمل حاجات حلوة كتير.
· سمعنا انك مثلت في مسلسل تلفزيوني؟
- آه مسلسل «حبنا الكبير» وبكون فيه مغني ومكوجي ومعاي طارق دسوقي ومحسنة توفيق والممثل أبوعنين خضرا اللي اسمه أحمد شاكر وممثلين كتير تانيين.
· هل صحيح أن شريط «أنا بكره إسرائيل» وزع أكثر من 3 مليون نسخة؟ - بأمانة أنا ما أعرفش وزع أد ايه لأن أنا مليش دعوة بالتوزيع لأن أنا بغني وبأخذ حق الشريط والمنتج هو اللي بيوزع وطبعاً المنتج لو عمل في الاونة مائة ألف شريط تلاقي وزع قدامهم مائة ألف مضروبين في السوق,, ولكن على اللي أنا سامعه الشريط وزع على أد الناس اللي في مصر وأكثر. أنا ومايكل جاكسون
· قيل أن هناك مشكلة بينك وبين مايكل جاكسون ماهي الحكاية؟
- أنا عرفت أن أميركا واسرائيل راحوا جابوا مايكل جاكسون عشان يرد علي في أغنية يقول فيها «أنا بكره العرب وبحب اسرائيل»، لكن أنا كنت عايز حد أكبر من مايكل جاكسون عشان يرد علي, وهو غنى الأغنية دي فعلاً عشان يرد علي وأنا بيني وبينه المنافسة متنفعش وأنا عمري ما هعمل عقلي بعقله وعلى الأقل لا مؤاخذة لما أرد، أرد علـى راجــل.
· وبمناسبة ابنك ماذا عن نشاط أولادك الفني؟
- بيغنوا كلهم وبيمثلوا أفلام، عصام الكبير وخميس وعبدالرحيم الصغير، عصام صور فيلم «شرم برم» مع رأفت الميهي,, وبيصور فيلم تاني مع الشحات مبروك وعدوية الصغير في رابعة ابتدائي ورايح خامسة لسة مغناش,, والواد عدوية ده هيكون حكاية,, أنا عايز أنقله بقى دلوقتي من المدرسة اللي في قليوب وأجيبه هنا عشان زي ما أنت شايف أخذت الشقة الجديدة دي في أجدع عمارة في شارع الشيشيني على ترعة المريوطية يعني انتقلت من المنطقة البلدي الى المنطقة الأفرنجي حتى كل ملابسي بقت أفرنجي حتى مع الشقة الأفرنجي أصلب بحب أنزه نفسي وأحب أنزه أهل بيتي أوعى تقول لمش عيب أني أكون إنسان بسيط وبعدين ربنا يديني «وأما بنعمة ربك فحدث» الحمد لله ما هو ربنا بيعوض بعد رحلة تعب وشقا يعني أنا باغني من أكتر من عشرين سنة والحمد لله ربنا أداني من وسع من سنة ونص أنتقلت نقلة كبيرة وبقي لي أصحاب كتير ومراكز ومنهم ناس «الهاف لايف» اللي يجيبوك ويطلبوا منك تغني في الفرح مجاملة ومتاخدش فلوس,, طب ده كلام,, ده أصحابي الفنانين بروح مثلاً عيد ميلادهم يقوموا يدوني عرقي,, أرفض ما يرضوش,, وهو ده الصح.
· ما أكتر أغنية تعتز بها؟
- طبعاً أنا «باكره اسرائيل» أنجح أغنية عندي وأنا باقول رأي الشعب رغم أن الناس بيشتموني في التلفون وبيقولولي مالكش دعوة باسرائيل، وما أعرفش هل دول صحابي بيهزروا معاي ولا دول ناس تبعها بصحيح بس باجيب النمرة من المحمول والاقيها من كابينة في الشارع وبعدين من كابينة تانية وكده يعني.
· وما طموحات شعبان عبدالرحيم؟
- ربنا يعديها على خير ويجملها بالستر وعايز طبعاً أنجح في «السيلما» لأني داخل على أفلام عناوينها فيها اسمي ودي تاني مرة في مصر يحصل ده بعد المرحوم اسماعيل ياسين.
:D المصدر (http://www.arabtimes.com/)