المساعد الشخصي الرقمي

مشاهدة النسخة كاملة : الأسباب الحقيقيه لسقوط الأسهم السعوديه ..


HArb200
28-08-2002, 02:17 AM
السلام عليكم ..

يمكن بعضكم لاحظ الاسهم السعوديه والسقوط اللي حصل لها في الاسبوعين الماضيين .. ومن الشركات اللي سقطت أسهمها شركة الكهرباء السعوديه <<أحسن :0) .. بس المساكين المساهمين طبعا ..

الزبده خلوا الشركه ذي علىىىىىى جنب .. عندنا ماهو أكبر وأعظم ..

شركة الراجحي .. سقط سهمها سقوط قوي .. اللي عنده أسهم يبيعها ":" .. الزبده كان سهم الراجحي قبل أحداث الحادي عشر من سبتمبر حوالي الـ800 ريال للسهم الواحد فقط .. أقوى سهم طبعا .. لكن بعد الأحداث وصل لـ700 ثمن600 وحاليا أظن أنها حول الـ550 ريال للسهم الواحد .. وترى هذي خساره كبيييييره يمكن ماتلاحظونها لأن أغلب اللي عندهم أسهم يشترون بالألاف فيكف اذا كان كل سهم بيخسر 200 ريال !!!. الكل بيتساءل .. وليش طيب هالسقوط الغريب .

طبعا شركة الراجحي من أنزه الشركات بالسعوديه من ناحية الاسهم والمتاجره فيها .. يقولون أنه غير ربوي .. والله أعلم .. لكن السبب الحقيقي أن ضحايا برجي التجاره المركزي .. يطالبون مجموعة من الشركات السعوديه ومنها الراجحي بتسديد تعويضات تبلغ ..



ترليون دولار يعني 1000000000000 دولار :0) .. وطبعا حتى الوليد بن طلال ماوصل لهالمبلغ ولاحتى ربعه .. فكيف بالراجحي وكم شركه سعوديه تتهم بدعم الارهاب .

الزبده .. الله يستر بس .. والا السهم بيستمر بالسقوط .. علما بأن سهم البنك الامريكي على 400 ريال وهو اقوى شي لكن للأسف ربوي .. والان على طريق انشاء صندوق اسلامي للمضاربه .

وكل هذا بسبة الارهاب .. المزعوم ... مع العلم أن أمريكا وحدها فيها أكثر من 20 منظمة ارهابيه تعتمد على تهريب المخدرات والمصايب لأمريكا .. لكن يستقوون علينا الله لايوفقهم,,

وشكرا .. وعسى فهمتم !؟ ,,
FSM
28-08-2002, 02:29 AM
هههههههههه الله يعين ..

الحمد لله أنا ما عندي أسهم ...:)

والباقي كيفهم <== نذل خخخخخ:D

طبعا شركة الراجحي من أنزه الشركات بالسعوديه من ناحية الاسهم والمتاجره فيها .. يقولون أنه غير ربوي .. والله أعلم .. لكن السبب الحقيقي أن ضحايا برجي التجاره المركزي .. يطالبون مجموعة من الشركات السعوديه ومنها الراجحي بتسديد تعويضات تبلغ

خخخخخخخخخخ :D .. عمي شغال في بنك .. وعارف شغله مظبوط ..


يقول الراجحي .. :D :D أكبر بنك في النصب :6
DNA
28-08-2002, 02:30 AM
Who cares:o :6
rushin_911
28-08-2002, 03:54 AM
و كذلك ثلاث أمراء سعوديّين مرفوعة عليهم القضية و هم سلطان بن عبدالعزيز و رئيس الاستخبارات السابق(ناسي اسمه) و أخوه...

و لكن الدعوى لا تقوم على أي أساس بل و حتى في المنتديات الأمريكية هاجموها...

و في مجموعة من السعوديّين بقيادة المحامي خطيب الشمري رفع دعوى في المحاكم الأمريكية على القنوات الأمريكية و كذا بسبب ما تسبّبته في ضرر نفسي للسعوديّين و معنوي و كذلك القضية على معاملة بعض البريئين السعوديين في السجون الأمريكية و أغلب الظن أن هذه الدعوى رد على دعوى التريليون دولار
RPG_master
28-08-2002, 04:18 AM
سمعت انهم طالبين 100الف دولار عن كل واحد مات بالبرج


بس فيه واحد من الشباب المسؤولين قالهم ادفعوا هالمبلغ لأفراد العائله الافغانستانيه الي ماتوا بسبب صاروخ امريكي من فتره كانوا بعرس وعددهم حول350?:

قال ادفعوا عن كل واحد مية الف بعدين تعالوا نشوف وش قاعدين تخربطون:6
HArb200
28-08-2002, 04:25 AM
فصم,,

بصراحه الواحد معاد يدري وش الطيب من الخبيث !!

ومشكور على ردك..

روشاين,,

قصدك المحامي كتاب الشمري؟

بالفعل هو وكم واحد من كبار المحامين السعوديين رفعوا دعوى ..

بس سالفة سلطان ورئيس الاستخبارات واخوه هذي جديده!! .. وبعدين هم مالهم دخل .. اللي متورطين أصحاب المنظمات الخيريه مثل ((مثل)) منظمة الامير سلمان الخيريه وكل من على شاكلتها !.

ويمكن الهيئه الاسلاميه (مدري وش اسمها) حقت اغاثة كوسوفا والشيشان أيضا له ظلع بالتهم .. وبالفعل لاتستند لأي دليل .. مجرد انهم تعرضوا لصدمه نفسيه .. ونفسيه حط تحتها مليون خط !!؟,,

يارجال هم مالقوا علينا مدخل الا وقاموا يشفطون من هالدراهم .. والمشكله اننا اللي بوجه المدفع زي مايقولون .. يعني العالم كله ضدنا !

لكن الله معنا ..

وشكرا.
rushin_911
28-08-2002, 04:42 AM
أنا في موقع الجزيرة نت قرأت أسمائهم(أسماء الأمراء الثلاث) و كمان من المرفوع عليهم القضية الحكومة السودانية :)

أما المحامي فتوني أدري إن اسمه كتاب(كنت أحسب خطيب لأن أنا شفت الخبر في قناة MSNBC الأمريكية)

عموماً شكراً للتوضيح
RPG_master
28-08-2002, 04:47 AM
ترليون دولار يعني 1000000000000 دولار

اذا طاح دولا من هنا ولا من هناك ترا هذا رقم بيجري ...:6
E:man
28-08-2002, 08:14 AM
منتب هين والله صايرن تحتسي عن الاقتصاد :D

والله انك تمامز شخصيا ما عرفت بسقوط السهم الراجحي :p
HArb200
29-08-2002, 07:31 AM
روشاين,,
العفو..

اربيجي,,
:!

ايمان,,
اح راسي قام يوجعني :"

":"

مشكوورين على الردود اللي مدري وش تبي..
العمدا
29-08-2002, 11:15 AM
بس ما تفرق لان الترليون دولار المطلوبه ما جات من قبل الحكومه الامريكيه ":"

يعنى مهيب رسميه ..

صحيح انهم هم الى اثروا على ضحايا برجى التجاره ..

لكن مهما كان الطلب لم ياتى بصفه رسميه ..

ترا هذا على ما اظن :D

----



يقول الراجحي .. أكبر بنك في النصب

كفايه انه البنك الوحيد الى ما يشهر بالخدمات الربويه ..
باباسنفور
29-08-2002, 11:41 AM
اروح مع الفكر التجاري

ايه والله رحنا فيها

بس انشاء الله ترجع زي اول واحسن قبل خمس وثلاثين يوم ..

الله يستر:واو:
نيو ايرفين
29-08-2002, 12:43 PM
كفايه فضائح .......!!!!!!!

:p
Sylvester
29-08-2002, 12:59 PM
:" :" انتهينا راح نكون دوالة مفلسة :D
sas_com3
29-08-2002, 03:15 PM
الله يقلعهم هالامريكان :غضب:
والله مدري وش ابقول من القهر
Dark Locke
29-08-2002, 06:50 PM
الرسالة الأصلية كتبت بواسطة RPG_master
سمعت انهم طالبين 100الف دولار عن كل واحد مات بالبرج


بس فيه واحد من الشباب المسؤولين قالهم ادفعوا هالمبلغ لأفراد العائله الافغانستانيه الي ماتوا بسبب صاروخ امريكي من فتره كانوا بعرس وعددهم حول350?:

قال ادفعوا عن كل واحد مية الف بعدين تعالوا نشوف وش قاعدين تخربطون:6

الأفغان اللي ماتوا في العرس دفعوا للواحد 350 دولار تعويض و الأمريكان عن الواحد منهم 300 مليون لازم ندفع :غضب: :غضب:

يعني فيه فرق بين الإنسان الأفغاني و الإنسان الأمريكي ؟؟؟
DOOM
30-08-2002, 01:19 PM
مدري بس اتوقع عشان طاح سعر الكليجا هاليومين........
MetalGear
30-08-2002, 02:58 PM
وانا اقول الحلاق وش فيه صار يحلق بـ 30 :أفكر:


:D :D :D :D :D