المساعد الشخصي الرقمي

مشاهدة النسخة كاملة : ساعدوني ياشباب في اختيار السيارة


لانــدكــروزر
29-08-2002, 05:34 PM
ياشباب...انا توني متخرج من الثانوية..

وابي اشتري سيارة..ومتحير ماادري ايش اخذ..ياليت تقولون لي رايكم..:o

1- كامري

2- كورولا

3- سوناتا

4- لاندكروزر ( شاص)

مع العلم اني احب سيارات الدفع الرباعي 4×4 ....واذا فيه سيارة دفع رباعي لايزيد سعرها عن الـ50 الف عطوني خبر لان الميزانية هالسنه مدري وش فيها داجه:0) .....بشرط تكون السيارة من الوكالة..;)
D0WN~T0WN
29-08-2002, 06:52 PM
شف حبيبي

كانك تبي سعر منخفض ومواصفات حلوة

خذ بين الاربعة ذي

1-باثفايندر

2-اكس تريل

3-راف4

4-باترول كوبيه(حلوة كوبيه):p

على فكرة كلها فوق الخمسين يعني بين 60-85


اما الاختيارات اللي حطيتها

فلا تاخذ غير الكامري او كورلا

اما سوناتا فالله يخلف على من صنعها

اما لاند كروزر شاص ماتصلح الا للبران والا واحد يبيع جح :)
FSM
29-08-2002, 07:17 PM
كامري ....
DSL
29-08-2002, 07:18 PM
خذ مكسيما بدال الكامري
لانــدكــروزر
29-08-2002, 07:26 PM
هههههههههه قوية يا MR.Dj... جح مره وحده:D
والله الاختيارات اللي حطيتهم لي حلوين لكن مافيه $$ هذي السنه مثل ماقلت لك;)

FSM الكامري حلوه وانا بصراحه 55% يمكن اشتريها.

ياDSL اخذ لي افالون بدال المكسيما او كامري سبورتيفو اصرف لي;)

عالعموم ماقصرتو ويعطيكم العافية
DSL
29-08-2002, 07:30 PM
انت حطيت من ضمن الاختيارت كامري ... وتركت المكسيما !؟ رغم ان المكسيما نفس سعر الكامري وافضل
the driver
29-08-2002, 10:35 PM
تبي الصراحه يا لاند كروزر خذ


هوندا أكورد ولا تفكر رخيصه وزينه وتعيش :D
MR.أستبنه
30-08-2002, 12:46 AM
شف يا اخوي : ان كانك من هوات البران الي بالسنه يمتر الصمان والربع الخالي ( حشى والله لو ضب ) فخذلك شاص وبس
وان كانتك من اهل الديره فخذ كامري او مكسيما
فيه جيب الربع (لاندكروزر)قوي وخفيف ويشيل اربعه او خمسه
لانــدكــروزر
30-08-2002, 01:34 AM
يا DSL...:# انا الشباب قالو لي ان الكامري تعيش معك اكثر من المكسيما;) وهذا اللي اظنه انا بعد:أفكر: لان الكلية اللي انقبلت انا فيها بعيده عن السكن حقنا ويبي لها موتر يتحمل المشاوير لمدة 4 سنوات مدري يمكن انت رايك غير;-)

=====================================
the driver بصراحه الاكورد حليوه بس مادخلت مزاجي
=====================================
هلا بمستر استبنه هههه تقدر تقول اني انا احب البر مع اني حظري;)
بغيت اسـألك سؤال....انت جربت الشاص؟؟ وشرايك بالتقمز على الطريق (التقمز = التطمر = التنقز) يعني راحته مثل الهايلكس او الددسن او راحته اقل؟؟ (بغض النظر عن راحة المقاعد)..
ومدري الاندكروزر الربع اللي تقول عنه تقصد المصندق او شكله مثل الاندكروزر العادي؟؟

والله صديقي يقول انه شاف لاندكروزر ربع مو مصندق شكله مثل الاندكروزر العادي (الكبير)..

ويعطيكم الف عافية ياشباب
n.a.man7
30-08-2002, 02:10 AM
خذلك سوناتا 2002 وادع لي :

قوه

صبر

سرعه

ماتصرف بنزين

وتتحمل اكثر من الكامري وانا متاكد من هذا الكلام لان ابوي شرى لي سوناتا 2002 وشرى لاخوي كامري2002 وانا مستلم السوناتا ما فيه شارع وما فحطت فيه لكن الكامري جبت ثلاث عقد ودخلتها الورشه على طول

يا شباب اذكركم بعد كم سنه راح يغطي الكوري على الياباني

(مثل ماصار مع الامريكي والياباني)
البطران العربي
30-08-2002, 02:54 AM
والله شف


اذا كنت زي ما تقول الميزانية مش ولا بد


انصحك تاخذ مرسيدس مستعمل استخدام ألماني فئة E 300 أو 320

نظيفة - قوية - عملية - تحمل الكرف (يكفيك ان مكينتها ألمانية أحسن أنواع المكاين ) - ممكن تجي دفع رباعي - اسمه مرسدس ;-) - خفيفة (لو تقاوم المكسيما تسبقه) - ما تصرف بنزين - و فوق هذا كله ما يتعدى سعرها ال 40 ألف


انا شريت زيه موديل 93 بقس و فتحه و قير عادي

بـ 34 ألف بس


و نضييييييييييييييييييييييييييييفه


اضغط هنا اذا تبي موقعهم (http://www.mercedes.com)

و السلام
BLacK^HawK
30-08-2002, 07:58 AM
يا لانــدكــروزر كيف حالك
انا انصحك تاخذ سيكل!!!!!!
امزح معك خذلك كامري لانها تعيش ويااااك عمر طويل اما اذا انت راح تحرقها احلم تعيش وياااااك
بدMور
30-08-2002, 09:55 AM
أنصحك نصيحه وناأخوك..........
تبي سياره رسميه وبريه وقويه وصبوره.....
غيرالاندكروزر(فكس آر)هذاان كان عنك ميزانيه(للبنزين).....
واسئل مجرب;)
راعي الجي تي آر
30-08-2002, 04:39 PM
يا خوي خذ لك صني
ترا هي رخيصة
وحلووة ورشيقة وشكلها جذاب <<< افف هذي مواصفات بنت مب سيارة
;-)
وما تصرف بنزين
واحلى لون عليها اللؤلؤي
مثل ما يقولون
صني الجديدة كبرت ;-)
atoott
30-08-2002, 05:23 PM
لو انت جاد من جد تبغا تطلع سيارة


عندي لك مكسيما موديل 99



وسعرها بين 40 -35



في جدة

والله من جد انا اتكلم لو انت جاد
atoott
30-08-2002, 05:30 PM
المكسيما مستعملة موديل 99 قير عادي طبعا

لونها اخضر زيتي نظيفة جناح فتحة في السقف


من جوا بيج



ها تراني اتكلم من جد مررررررة

والله
لانــدكــروزر
30-08-2002, 05:54 PM
ياn.a.man7 اكثر الشباب يقولون الهونداي حده سنه سنتين بالكثير ثلاث والله يعينك على خرابه..
----------------------------------------------------------------------------

هلا بالبطران العربي..والله المرسدس حلو صحيح لكن لك عليه يبيله واحد فلوسه تطيح من مخباته قطع غياره غالية.
----------------------------------------------------------------------------

اهلين يا BLacK^HawK انا تمام اخبارك انت؟؟
اما سيكل بصراحه معك حق لان الوالده كثرت مطاريشها هالايام هههههههه
وصحيح كلامك الكامري زينه;)
----------------------------------------------------------------------------

يا بدMور معك حق.....تصدق فكره حلوه:أفكر:
----------------------------------------------------------------------------

لا ياراعي الجي تي ار...انا طويل مااعتقد انها تكفي حق رجولي:#
----------------------------------------------------------------------------

atoott بصراحه قيمتها غالية اخذ لي من الاحسا مكسيما 2000 بـ35 الف.


عالعموم والله ردودكم شئ ;) واللي خيرتوني فيهم سيارات جيده
بس باقي انا هالحين اقرر:أفكر:
بوعادل
30-08-2002, 06:59 PM
شوف يا الحبيب انت حطيت 50 الف
نصيحتي خذ سيارة فورويل صغير
الأسباب
قوية
تقدر تروح فيها البران
اقتصادية
تلبي طلباتك
السيارات
عندك تيوتا راف4
عندك سوزوكي جراند فيتارة ((تيجي 6 سلندر))
عندك ديهاتسو تيريوس رخيصة 40 الف
عندك متسوبيشي ايو
كلها تقدر تطلعها من الوكالة
صالون
كرولا
لانسر
سيفك
سني
AMG
30-08-2002, 07:35 PM
احسن شئ تشتري نيسان باثفايندر بسعر حوالي 75000 درهم .(( بدون جلدو فتحه )) او حتى بدون مواصفات بتحصلها حوالي 63000 درهم .
M A X I M A
30-08-2002, 08:24 PM
السلام عليكم....



شوف أخوي معظم الشباب فضلوا الكامري....وأنا بعد أقولك كامري..تدري ليش؟؟


أنا أقولك ليش..
1/قطع الغيار يمكن تحصلها حتى في السوبر ماركت:D لا تصدق يعني في كل مكان..

2/بالنسبه للبنزين على الريحه يمكن تنسى متى عبيت فل..اقتصاديه..

3/رخيصه قطع السيارات مقارنة بالنيسان والهوندا قطع غيار نار...

4/ألوااان حلوه ومتعدده...ومواصفات حلوه وأنا أنصحك بــ2003 بالنسبه للشكل أحلى وغير كذا ما أقدر اقولك...

5/شوف اكبر دليل معظم الطلاب اللي تخرجوا العام وقبله تلقى معهم سيارات يا كرسيدا ويا كرولا وأحلى ذكريات في الجامعه أو الكليه..:D

وأنت ومزاجك وهذي مجرد نصيحه;-)
M A X I M A
30-08-2002, 08:28 PM
الرسالة الأصلية كتبت بواسطة atoott
المكسيما مستعملة موديل 99 قير عادي طبعا

لونها اخضر زيتي نظيفة جناح فتحة في السقف


من جوا بيج



ها تراني اتكلم من جد مررررررة

والله


معليش ابغى اسألك صاحب السياره اسمه فهد ولا لا?: ؟؟?:
لاني اعرف واحد عنده سياره نفس المواصفات وفي جده:واو: !!
atoott
31-08-2002, 03:11 PM
لالا مو اسمه فهد


-----------------------
رد عليا يا لاندكروزر

اش رأيك تشتري


ولا لأ


تراني اتكلم جد وصاحبها يبغا يبيع


يعني ابغا ردك بسرعة
النبيل
31-08-2002, 03:20 PM
إذ كنت حق بران خذ الشاص ولا تفكر

وأذ تبي تا خذه لفلفه خذ المكسيما وبعد لا تفكر":"