المساعد الشخصي الرقمي

مشاهدة النسخة كاملة : إستعداداتي للقاء المدرسة


ez2dj
29-08-2002, 07:06 PM
دا را سا = درس :o

كا تا با = كتب

======
شفتوا خبير دراسة وأعجبكم :6

مرحبا شباب كيفكم ......حبيت أقول أني رجعت لكم بعد أسبوع كامل
كنت أشارك على الخفيف بس الحين بطيح على جبودكم :6


معظمكم أو أكثركم يعرف أن المدارس راح تفتح أبوابها والناس فرحانين لانها قربت تفتح <==فرحانين هاااه أبصملك على العشرة أن كلكم نفسه سادة ":"

وأنا إلي قاهرني مفاجآت مدهش إلي أعتبره تعداد زمني لبدأ الدراسة من جديد ((مفاجآت العودة إلى المدارس )) وعع :p

يوم كنت في دبي قالت لي الوالدة ونحنا داخلين محل للأجهزة الالكترونية هااه يا صبي تريد حاسبة من دبي :)

قلت لها : لا شكرا يمدحون جمعيتنا يبيعونها أرخص :o

وعطتني بنظرة حادةhttp://plauder-smilies.de/angryfire.gif وقالت :بس إهني أرخص ونوعها أصلي شوف هذي ...وطلعت جهاز غريب

أنا : هذا قاموس مترجم (دكشنري) وسعره 900 شو رايج فيه :أفكر:


================
نرجع للمهم


أنا مسوي برنامج وتحليل لأول أيام دراستي في الثانوية العامة

في أول يوم من المدرسة الساعة 7 بالضبط أتجي الخدامة ماريا خوان شما ( هي المفروض خوان كارلوس بس لازم يكون الاسم لابق عليها ":" )
توعيني من النوم : قووم قووم سائة 7 الحين لازم رووح أنته مدرسة

أنا وضاملك المخدة على إيدي : لا لا روحي بعدين دوامي الساعة 10 ونصف http://216.40.241.68/cwm/3dlil/sleep.gif <==أنا لين الحين نايم

ماريا : ليش أنا كل يوم يسوي ينهض أنته الساعة 6 ونس ?:

أنا : لا هذا قانون يديد ولازم نطبقه

ماريا: أوكي أنا بيشوف أنته الساعة 10 ونس

____________

في تمام الساعة التاسعة ..يأتي الوالد ويصرخ على أذني :أنته مارحت المدرسة :غضب:

وماخلص جملته ولا أنا لاصق في الحمام وأتغسل وآكل وأركب السيارة :p

____________

الحين وصلت للمدرسة ومتردد أدخل المدرسة ولا لا ?:
وأقعد أفتر وأفتر وأفتر في السيارة على المدرسة لين ماشفت أن الحارس بيقفل الباب

أنا عاد وقفت ولحقت على الباب قبل لا يغلق

وأول مادخلت الباب وأصبحلك على المدير ..وأسلم عليه ورد علي السلام بزعيق وصراخ ?:

وقمت أتعذرله بنفس أعذار السنين الفائتة (( معليش هذا أول يوم ...وأول يوم في المدرسة ..وأول يوم ...ويوم وأول <<المقطع الأخير للتغير بس)) :p

ومشت عليه كالعادة ":"



يتبع
ez2dj
29-08-2002, 07:07 PM
ودخلت على أحد صفوف الثاني ثانوي العلمي (وأنا ثالث ثانوي ) وقعدت أشارك مع المدرس في أول لقاء وأستغرب بمعلوماتي الكثيرة في الفصل

وسألني : إبنيه ..أنته ماشاء الله عليك باين عليك شاطر وعندك خلفية عن المنهاج :) ...كم نسبتك في العام ؟؟

أنا : إحم كيف الحال ......إممم نسيت ?: <==تراها تصريفة وتنفع :p


وبعد الكلام ....دق جرس الإستراحة ((وهذا من أعذب الالحان عندي )) وطلع المدرس عن الصف و عنده علامة تعجب كبيرة http://216.40.249.192/mysmilies/otn/shocked/Voskl1.gif

ولقينا الربع إلي قاطعين عنا من إلاجازة كلها ويقولون ليش تنسانا وليش ماتتصل و و و
أنا : نسيت آكل مع السلامة <==أتغلى عليهم :6

وبعد الأكل والشبعة زينه يرن الجرس.... أدخل وأجلس وأجلب كرسي لورا ومعطي ظهري للأستاذ وأقوم أدق سوالف مع خويي

ويقولي الاستاذ : أنته يا ولا أوقف وإحترم نفسك

أنا : دقيقة بس خلني أكمل السالفة لخويي :o ...(((وهذاك صاحب السيارة مات و ..........)) <==هذا أنا أقول القصة لخويي

وعاد المدرس وصلت لين راسه : ياحمار أجلس على رجولك أحسن لك هذي فيها قبايل :غضب:

أنا : كيف أنا جالس على راسي ?: أكيد على رجلي :6

ويضحكوون الطلاب على المدرس
ويقول : أنته يا ولا ...حوط الجزمة على فومك ولا تتكلم خالص

وأنا بكل بروود شلت النعال وحطيته في فمي <==عادي النعال جديد :D


المدرس ضربه إنهيار عصبي وقام يتخبط
وقال :آييييي غوووور من وشي رووح عيند لإدارة

أنا : من شوي كان مصري والحين صار سوداني الظاهر أنه فيه زيران سوداني ?:

_______

عند الإدارة

المدير : مالك ياابني إيه إلي حصلك

أنا: والله ما أعرف المدرس طردني من الفصل بدون سبب

المدير : أكيد لازم سبب

وبعد ماقلتله السالفة

المدير : يا أبني هذي المدرسة لازم تكون مؤدب والتربية أهم من التعليم حتى لو لاحظت كتبوا في الوزارة التربية قبل التعليم لانها الأهم <==كل يوم أسمعها في المدرسة :p

أنا : خلاص أنا آسف وحقك علي ..وهذا أول يوم وأول يوم وأول يوم <==تعرفون الشغلة :6

المدير : اهه يبني أنته ماتتعلم أبد لازم ترجع للبيت يعني أنته مطرود هذا اليوم :(

أنا فرحان : الحمدالله عدت على خير

____

ورجعت للبيت وكملت نومي

وهذا برنامجي للمدارس وإنشاء الله خذتوا حافز للدراسة بعد هذي القصة :D
Angel whisper
29-08-2002, 07:18 PM
واخيرا شفنالك موضوع :) ...


الخدامة ماريا (((خوان شما)))
والله اتنقيتلها اسم رهيييييييييييب ":" ...

وانت شو مودنك المدرسة الساعة 9 ؟!

والله لو مكمل رقاد كان احسنلك :!

وانته عادة والله مالك داعي :o

يعني باقي عن الدراسة يوم واحد واتي وتذكرنا فيها هني :"

بس تسلم والله على الموضوع..

رهيب كالعادة :) ...

بس النحاسة الصدقية عندي انا ..

خلوني مراقبة في اخر ايام الاجازة :p
ez2dj
29-08-2002, 07:31 PM
معقووولة أنجيل مراقبة :واو:

والله تفاجأت الصراحة ......

أنا من أمس أشوفج نورمل عضو

قلت أكيد أن مراقبه على العام بس طلعتي في فاينل فانتسي ((أحسن عشان ماتحررين ردوودنا :6 ))

بس الصراحة تستاهلين ومبروووكيشن مليون :)



وانت شو مودنك المدرسة الساعة 9 ؟!

والله لو مكمل رقاد كان احسنلك

هي لو أكمل رقاد .....بصحى على خيزران الشايب على ظهري :o

بس معقولة أنتوا باقيلكم يوم واحد عن المدارس ?:

أنا أعتقد أنه باقي أسبوع حرة حرة :6 <==أدري أني قلبت المواجع :"



ومشكووووووريشن على ردج
Angel whisper
29-08-2002, 07:41 PM
الله يبارك في حياتك ..

احرر ردودك؟؟!

موب مشكلة .. بتنازل عن الرقابة في فاينال فانتاسي وبراقب في العام وبخرب كل ردودك ":" ...

هههههههههههااااي يحليله الشايب

لكن انته تستاهل :p

عيل حد يرقد عن المدرسة الين الساعة 9 ؟؟

والعفوووو
Lena
29-08-2002, 07:54 PM
ههههههههههههه

يقطع شرك يا ايزي تو دي جيه(ما في اسم اسهل?: )

هلا فيك وبالرجعه
اشتقنا لقصصك الحلوه:-)


بس ذكرتني بقومه المدرسه الخايه
انا عندي عقده القوم الممتاخر
اخر وحده اقوم:6

لا واقعد نص ساعه قدام المرايه:6



وأنا بكل بروود شلت النعال وحطيته في فمي <==عادي النعال جديد

ههههههههههههههه:D حلوه

وتسلم وما يجي منك الا الحلو:-)
احمـ 9000 ـد
29-08-2002, 07:57 PM
اقول بو الشباب

مسوي روحك مال هالسوالف


ايييييييييه

والله ابوه يطقه قبل الخمس قم بس قم

ويكسر كم درزن خيزران على راسه

عشان يطلع مصحصح .....تقول شارب حليب بو عنتر

ويدش المدرسة وعيونه مغمضة

يرفعهم بيده ....اكيد عقب هالتشلخ ما بقى منه شئ عدل

ويسلم على المدير ...وشوف بوقس عالطاير ...تقول رونالدو

شايت كورة...

وفي الحصة

يجيه ذاك الدب العملاق ....بو حديد

يدرسهم عرب....عاد تشوف من ما يركز في الصف

يجيه يعطيع كف موب صاحي

...تقول لقطة اكوما >>حقت ستريت فايتر



:" :"
الحمد لله مع اني المفروض مخلص الثانوي بس باقي

سنة وحده

سلام
Jin Kazama
29-08-2002, 08:20 PM
من شوي كان مصري والحين صار سوداني الظاهر أنه فيه زيران سوداني

:D :D



المدير : يا أبني هذي المدرسة لازم تكون مؤدب والتربية أهم من التعليم حتى لو لاحظت كتبوا في الوزارة التربية قبل التعليم لانها الأهم <==كل يوم أسمعها في المدرسة

كل حصه انا اسمعها :p >>>>>حصه ولا موزه:6

ضحكتني وانا مالي نفس اضحك :":

انا استاذ الانجليزي الي اذكره يكرهني كره اليهود للمسلمين :D :D

درسني آخر 3 سنوات لي بالمدرسه :D


ما اكمل بحصته 5 دقايق على طول يطردني :p


مع اني شاطر ودرجتي بالثمانينات ..لو ما كنت انطرد كنت بجيب درجه كامله >>>>>>مداح نفسه يباله ورده ":"


شد حيلك وبالتوفيق للجميع انشالله :)
ash2001
29-08-2002, 08:58 PM
المدرسة لازم تكون مؤدب والتربية أهم من التعليم حتى لو لاحظت كتبوا في الوزارة التربية قبل التعليم لانها الأهم <==كل يوم أسمعها في المدرسة
هذي من صف أول ابتدائي اسمعها:D :D
ez2dj
29-08-2002, 11:20 PM
Angel whisper : لا أنجيل بتصير مراقبة على العام :(
عاد كل رد لازم تحرر فيه وتلخبطه وتطلع حرتها فيني:p


عيل حد يرقد عن المدرسة الين الساعة 9 ؟؟
أنتي ماتسهرين في الاجازة ?:

إذا كنتي تسهرين ..وبعدين وصلت فترة المدارس أكيد في أول يومين ماتقدرين تعدلين وقت نومج فهمتي :6




Lena : والله هذا أسمي وكله على بعضه أربع حروف والخامس رقم :p

ومشكووريشن على الترحيب .... وسالفة النوم المتأخر هذي عادة متأصلة عندي


وأما سالفة النعول تحصل هذي دايما <==بس مش أنا ":"





احمـ 9000 ـد : أنته تتكلم عن نفسك ?:

بس حلوة لقطة أكوما :p


Jin Kazama : أنا أذكر بعد مدرس أنجليزي ....في حصتة نسوي حفلة ((محد معطي الاستاذ ويه )) كان يكرهني كره ...من يسمع صوتي يستلبس ويضرب بعصاه ...ومرات أمسك مسطرة نحاسية وأقعد أحركها على الأرض وتسوي صووت قوووي ((يتأثرون إلي تكون أسنانهم حساسة
والاستاذ منهم :6 ))

ومشكوووريشن على ردك


ash2001 : شوف عندي خبرة في كلام المدرسين
أوكي اسمع هذي

إذا كنت أنته في الأبتدائية وأنتقلت الإعدادية أو الثانوية راح تسمع هذي الجملة ((يا أبنائي الطلاب ..أنتوا الحين كبرتوا وفهمتوا وأنتقلتم مرحلة ثانية في حياتكم ..وهذي المرحلة هي مرحلة الرجال ...والمدرسة الي كنتم فيها كانوا يعاملونكم معاملت أطفال بس أنتم الحين رجال فاهمين وعارفين و .....إلخ ))

وهذي الجملة كل سنتين أسمعها وأتوقع أني اسمع هذي الجملة في هذي السنة :)
Lena
30-08-2002, 01:52 AM
الرسالة الأصلية كتبت بواسطة ez2dj
Lena : والله هذا أسمي وكله على بعضه أربع حروف والخامس رقم :p

ومشكووريشن على الترحيب .... وسالفة النوم المتأخر هذي عادة متأصلة عندي


وأما سالفة النعول تحصل هذي دايما <==بس مش أنا ":"





[/B]

نو مشكوريشين
على واجبيشين:D


والله تصير سالفه النعول?:

حاله:6
Jin Kazama
30-08-2002, 02:13 AM
الرسالة الأصلية كتبت بواسطة ez2dj


Jin Kazama : أنا أذكر بعد مدرس أنجليزي ....في حصتة نسوي حفلة ((محد معطي الاستاذ ويه )) كان يكرهني كره ...من يسمع صوتي يستلبس ويضرب بعصاه ...ومرات أمسك مسطرة نحاسية وأقعد أحركها على الأرض وتسوي صووت قوووي ((يتأثرون إلي تكون أسنانهم حساسة
والاستاذ منهم :6 ))

ومشكوووريشن على ردك



الظاهر مدرسين الانجليزي منحوسين بكل مكان :p


العفو حبوب :)

وشد حيلك نبي نسبه زينه ترفع الراس مو مثل نسبتي :":

معادله كميائيه خمسه وتسعين وخمسه من عشره<<<<بالرادو:D :6
احمـ 9000 ـد
30-08-2002, 02:32 AM
ذكرتني

في الحصة الكيمياء

يجيك ذاك الاستاذ ...ما يعرف كوعه من بوعه:p

لين يكتب على السبورة

تصير هرجة ورا وعرايس ودق طبول>>>شباب موب صاحي

لين يلتفت ورا


يلف وجه يمين ويسار ...تقول بومة:D

وياوصل والشباب يواصلون


واستمر الحال لي شهر>>>خبركم الاستاذ خبل

عاد هالمرة اشتكى عند المشرف والمدير

وبلش الصف كله

في الاخير ولاكانه صار شئ

ههتهتهتهتهتهتهتهت



:0)
cool_man
30-08-2002, 04:19 AM
هههههههههههههههههههههههه الله يقطع ابليسكم ذكرتوني بايام المدارس هههههههههههههههههه عاد انا بعد 10 عشر يام اجتماعنا:D انا مالي خلق حق الدراسة مع العلم اني الثالث عالمدرسة مع مرتبة الشرف:D المدرسين المصاروة اللي عندنا كلنا اذيناهم يعني مثل في مختبر العلوم قطينا جراقي(اللعبة النارية اللي تطلع صوت قوي) صار انفجار اللي صكينا اذونا من كثر القوة وسويناها بعد على الانجليزي بس كانت غير حطيناها داخل طاولة هههههههههههههههههههههههه وبعد الرياضيات واذكر كنا ابحصة الرياضيات المدرس يشرح واحنا نطلع صوت اغنية we will rock u مالت الفرقة فايف(ويننج الفين6) وبالانجليزي كنا نحذف كور واقلام ومساطر ومرة واحد من الربع(جنن مدرس الانجليزي اللي خلاة يطردة ويطبل على باب الفصل والمدرس يقط الكتاب ورفيجي يركض يخاف يصيدة في الساحة والمدرس وراة هههههههههههههههه توم اند جيري واحنا قع انصفق ماكو شغل) واللة هالسنة كانت اجمل سنين حياتي صج تعبت في الدراسة بس نسيت كل الشي عقب ما كنا نضحك في الصف:D

ومشكورين
Chad
30-08-2002, 04:44 AM
ههههههههههههههه

مشكور يا إيزي تو دي جي على قصتك:D :D :D


إذا كنت أنته في الأبتدائية وأنتقلت الإعدادية أو الثانوية راح تسمع هذي الجملة ((يا أبنائي الطلاب ..أنتوا الحين كبرتوا وفهمتوا وأنتقلتم مرحلة ثانية في حياتكم ..وهذي المرحلة هي مرحلة الرجال ...والمدرسة الي كنتم فيها كانوا يعاملونكم معاملت أطفال بس أنتم الحين رجال فاهمين وعارفين و .....إلخ ))

هذي سمعناها حتى في الجامعه <===يعني وراك وراك :D :D :D

ذكرتني

كان يدرس فينا مدرس مسيحي قاموا الشباب كتبوله في الحيط ( عشان ما يقدر يمسحه ) <بسم الله الرحمن الرحيم > و < لا إله إلا الله محمد رسول الله > و < من يتخذ غير الإسلام دينا فلن يقبل منه > يعني سوو زخرفه إسلاميه للفصل وطلعوا كل الطلبه مطاوعه وإحنا ما ندري:p :p
باباسنفور
30-08-2002, 05:06 AM
اقول كل واحد يدور قلمه الرصاص ويبريه:6

مشكله طلاب المدارس":"
AmoooR
30-08-2002, 06:11 AM
الرسالة الأصلية كتبت بواسطة ez2dj

في تمام الساعة التاسعة ..يأتي الوالد ويصرخ على أذني :أنته مارحت المدرسة :غضب:



يعني لو تركوك نايم ما رحت المدرسة ?:

ما عندك احساس بالمسؤولية :cool:
ez2dj
30-08-2002, 03:01 PM
Lena : أكيد تصير ...لكن بمعدل مرة كل سنة في المدرسة كلها:p


Jin Kazama : أنا شكلي راح أجيب النسبة الي قلتها لكن بالعكس 59 ,5 :":


احمـ 9000 ـد : كيمياء :":

عندي سالفة من هذي المادة ماتنقال :":


cool_man : شوف نحنا أشياء غريبة تصير لنا ...
أذكر واحد خبل بمعنى الكلمة والأستاذ يناظرنا طلع لعبة نارية وفجرها والأستاذ يشوفه :!

وعندنا عادة خايسة بأن الطلاب يشلون المطهر الي يكون في الحمامات ويحطونها في الفصل والله لايرويكم كيف ريحة الصف ?:

وبعد أذكر خويي في حصة الرياضيات كان حاط موبايله فوق الطاولة يسمع FM وقال للأستاذ أسمع هذي الأغنية وأعطاه السماعة ":"


A.J : يعني بنسمعها الله يعينا :"
بس ماشاء الله صفكم مثالي :أفكر:


باباسنفور: لاتقهرنا حرام عليك .... عاد سمعت أنك تريد تشتغل مباحث :6


كايتو كيد: هذا برنامجي وهو قابل للتغيير

وعلى فكرة الصور الي في توقيعك ماتطلع
Y a z e e d
30-08-2002, 03:21 PM
هههههههههه :)
الحمدلله انا الاول على المدرسة ومع كذا حاقد
مرة واحد من الطلاب داخلا فصل بعلبة موية
والمدرس يكتب على السبورة في المختبر
ماتدري الا واللمدرس ينخ من القهر وهو سابح موية
ويقول ذا الزبيري (( مين قط المااااي روح عند الناظر :غضب: ))


:p بس ولا واحد تكلم


مواقف كثيرة
:6
يوم كنا بثالث ابتدائي حطينا جيك موية فوق الباب دخل المدرس وعلى راسه
حتى بامريكا ايام اول ابتدائي كنا نهستر بالمدرسين بس على قليل
:D :p
tidusxxx
30-08-2002, 04:07 PM
اسم الله على عقلك:D
ebrahim
31-08-2002, 04:29 AM
ياسلام عليك توجيهي وتضحك

فرحان

اقول لا تحش المنتدى ولا تلعب خليك بمذاكرتك لا ترى هالسنه هي مستقبلك لا يروح بتندم
&الكويتي112&
31-08-2002, 06:52 AM
الله يقطع شرك ... يا .. ez2dj ..

ذكرتني بأيام الدراسه ... كنا بالمختبر ... وكان المدرس يشرح لنا ... الدرس ... ... وفجأه .... بووووووووووووووووووووف ... ؟؟؟ ...

والله ما اقص عليكم ... المختبر ... اهتز ... تدرون شنو ... ؟؟؟؟ ...

واحد ... من الربع ... جايب ... جراقي ... (مفرقعات ) .. خخخخخخخخ .. كبير ... حيل ... الجراقي ... كبره ... كبر بطاريه ... السياره ...

واول ... ما اهتز ... المختبر ... المدرس ... هج ... ويوم ... هدا ... الوضع ... وعرف انه ... جراقي ... قلنا ... للمدرس ... ليش . نحشت ... ؟؟؟؟ ...

المدرس : انا رحت اشوف الطلاب ... الي بالمختبر الثاني فيهم شي ... او لا .. ؟؟؟ ... <=== والله ... انه نسى شلون يركض من الخوف .. خخخخخخخخخخ ..

مشكور ... اي زد تو دي جي ... على الموضوع ... الغائع ... :) ..